Références au Périgord dans la publication (1884-1888) des registres de ce pape, par les moines bénédictins du Mont Cassin en Italie.
Regestum
Clementis papae V – Annus primus (Regestorum vol. LII)
Regestum
Clementis papae V – Annus primus (Regestorum Vol. LIII)
Litterarum
de curia – Anni primi
Litterarum communium – Anni primi
Regestum
Clementis papae V – Annus secundus (Regestorum Vol. LIV)
Litterarum communium – Anni secundi
Litterarum
de curia – Anni secundi
Regestum
Clementis papae V – Annus tertius (Regestorum Vol. LV)
Litterae contra ordinem templi
Litterarum
de curia – Anni tertii
Regestum
Clementis papae V – Annus quartus
(Regestorum Vol. LVI)
Litterarum
de curia – Anni quarti
Regestum
Clementis papae V – Annus quintus (Regestorum Vol. LVII)
Litterarum communium – Anni quinti
Litterarum
de curia – Anni quinti
Regestum
Clementis papae V – Annus sextus (Regestorum Vol. LVIII)
Litterarum communium – Anni sexti
Litterarum
de curia – Anni sexti
Regestum
Clementis papae V – Annus septimus (Regestorum Vol. LIX)
Litterarum communium – Anni septimi
Litterarum
de curia – Anni septimi
Regestum
Clementis papae V – Annus octavus (Regestorum Vol. LX)
Litterarum communium – Anni octavi
Litterarum
de curia – Anni octavi
Regestum
Clementis papae V – Annus nonus (Regestorum Vol. LXI)
Litterarum communium – Anni noni
Litterarum
de curia – Anni noni
Quelques personnages périgourdins reviennent relativement souvent tout au long des registres du pontificat de Clément V. On en retrouve quelques uns durant le pontificat suivant de Jean XXII.
Il fut chanoine de Noyon, chanoine de Soissons, chanoine de Cambrai, chanoine de Saintes, chanoine de Périgueux, chanoine et chantre d’Auxerre, chapelain perpétuel de l’église de Saint-Astier.
Voir ci-dessous les bulles n° 2960, 3801, 4062, 4590, 5086, 5186, 5204, 5553, 5638, 6006, 6194, 6203, 6485, 6494, 7240, 7340, 7731, 8565, 8878, 9590, 9591, 9817.
Il devient plus tard évêque de Pampelune, puis de Troyes, et enfin de Dol en Bretagne.
Remarque : Il y avait deux frères avec le même prénom Guillaume. Le deuxième était chanoine de Saint-Astier. La famille Meschin serait originaire de Saint-Astier.
Voir ci-dessous les bulles n° 2262, 3747, 3865, 3873, 4021, 4933, 5983, 6001, 6592, 6840, 6850, 6943, 7698, 7699, 8606.
Il a un frère Arnaud, professeur de théologie à Toulouse. Un Itier Royard est chanoine de Saintes, et Guillaume Royard est archiprêtre de Perdux (Tocane).
Voir ci-dessous les bulles n° 137, 540, 2312, 3083, 3380, 3556, 3684, 3844, 4067, 4527, 5011, 5018, 5181, 5716, 5717, 5718, 5719, 5720, 5729, 5737, 5796, 5946, 5983, 6943, 6948, 7150, 7313, 7339, 7435, 7522, 7548, 7886, 7930, 8033, 8047, 8140, 8878, 9804, 9997.
Bernard est prieur de Saint Caprais d’Agen et chanoine de Périgueux. Arnaud est chanoine de Périgueux, abbé d’Aubeterre, avant d’échanger cette charge pour une prébende à Saint-Front de Périgueux.
Voir ci-dessous les bulles n° 720, 1273, 1276, 1280, 1324, 1325, 1326, 1365, 2001, 2477, 2611, 2680, 5184.
Voir ci-dessous les bulles n° 66, 562, 564, 565, 1361, 1928, 2605, 2606, 2607, 2608, 2609, 2611, 2612, 2672, 3556, 3708, 6479, 6480, 6481, 6482, 6485, 6489, 6494, 10249.
Plus tard, sous le pontificat de Jean XXII, il sera nommé évêque de Limoges, puis évêque d’Auxerre, puis cardinal prêtre de Saint Pierre aux liens, et enfin Clément VI le nommera cardinal évêque d’Albano. Il a eu de nombreux bénéfices en Angleterre. Et il fut également abbé de Chancelade.
Voir ci-dessous les bulles n° 1928, 2612, 3708, 6479, 6489, 10249.
Voir ci-dessous les bulles n° 67, 540, 558, 1236, 1277, 1305, 1306, 1307, 1308, 1322, 2747, 2748, 3132, 3556, 8565, 8566, 9997.
Voir ci-dessous les bulles n° 561, 563.
Voir ci-dessous les bulles n° 1242, 1262, 1264, 1337, 2572, 3051, 4225, 10189.
Voir ci-dessous les bulles n° 1265, 1267, 1268, 1279, 2426, 3556.
Pour Marquèse, voir les bulles n° 1267, 1304, 2426, 2427, 2491, 2607, 3556.
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXIV (1884)
tome I
Dilecto fil. Mag. Joh. de Amelio
archidiacono Forojuliensi, Camere nostre clerico.
Perlatum est ad nostri
apostolatus auditum quod quidam iniquitatis filii et perditionis alumpni tam
familiares seu propinqui dil. fil. Mag. Raymundi de Pojoliis archid.
Petragoric. ducatus Spol. rectoris, quam alii, eodem vero ignorante rectore, de
Thesauro ecclesie romane qui conservatur Asisii nonnulla bona tam pretiosa quam
alia extrahere temerariis et sacrilegis ausibus presumpserunt, ea secum
asportandocen, tractando et retinendo nequiter et furtive, aliaque circa dictum
Thesaurum commiserunt detestanda et dampnanda, que in magnum ejusdem ecclesie
noscuntur detrimentum et prejudicium redundare. Nolentes igitur talia
pertransire conniventibus oculis, nec intendentes incorrecta relinquere, si
veritas relatibus suffragetur, discretioni tue de qua fiduciam in domino gerimus
specialem, per apostolica scripta committimus et mandamus quatenus ad Civitatem
Assisinatem et partes illas, de quibus tibi videbitur, te conferre procurans,
de premissis omnibus et singulis et ea quomodolibet contingentibus seu
dependentibus ex eidem simpliciter et de plano sine strepitu et figura judicii,
vocatis illis de quibus expedire videris, solerti adhibita diligentia,
veritatem inquirens, eaque que de Thesauro predicto, tempore Rectoris predicti
sic extracta, occupata, sublata et asportata repereris cum integritate facias
in eodem restitui et reponi, eos qui de predictis culpabiles reperti fuerint,
prout debitum justicie suaserit et excessus seu delicti qualitas cujuslibet
exegerit, corrigendo et taliter puniendo, quod pena ipsorum ceteris transeat in
exemplum. Contradictores quoque quoslibet et rebelles per censuram
ecclesiasticam, appellatione postposita compescendo. Nonobstante constitutione
fel. rec. Johannis pape XXII praedecessoris nostri que incipit. Cum Matheus et
aliis contrariis quibuslibet a sede apostolica editis per quas tue
jurisdictionis executio posset in hac parte impediri quomodolibet vel differri,
seu si aliquibus communiter vel divisim ab eadem sit sede indultum quod
interdici, suspendi vel excommunicari non possint per litteras apostolicas non
facientes plenam et expressam, ac de verbo ad verbum de indulto hujusmodi
mentionem. Volumus autem quod de hiis que circa premissa quomodolibet feceris,
nos plenarie reddere studeas certiores.
Dilecto filio Magistro Johanni de Amelio
archidiacono Forojuliensi, clerico Camere nostrae.
Cum certis privilegiis, Registris, libris et
scripturis ecclesiam Romanam tangentibus que in Thesauro ejusdem ecclesie qui
conservatur in civitate Assisinati existunt, pro quibusdam incumbentibus ad
praesens ecclesie memorate negotiis egeamus; nos de tue circumspectionis et
fidelitatis industria plenam in domino fidutiam obtinentes, te pro eisdem
privilegiis, Registris, libris et scripturis perquirendis, eligendis ac nobis
mittendis vel deferendis, ad civitatem eandem providimus destinari. Quocirca
discretioni tue per apostolica scripta committimus et mandamus quatinus illuc
te personaliter conferre procurans, dilectis filiis Magistris Raimundo de
Pojolis archidiacono Petragoricensi rectore et Johanne Rigaldi canonico
Albiensi thesaurario Ducatus Spoletani vel eorum altero, necnon duobus vel
pluribus tabellionibus, auctoritate apostolica publicis tecum adhibitis, visis
quoque ac recensitis Inventariis alias de thesauro predicto confectis,
privilegia, Registra, libros, et scripturas hujusmodi de quibus tibi verbotenus
diximus et injunximus, perquirere ac eligere, solerti et fideli adhibita
diligentia, non postponas, illa ex eisdem privilegiis litteris et scripturis de
quibus juxta voluntatem et intentionem nostram quam tibi oraculo vive vocis
expressimus cognoveris expedire, de verbo ad verbum per dictos Tabelliones
transcribi et eorum transumpta in formam publicam redigi faciendo et
nihilominus decernendo auctoritate apostolica, eisdem transumptis in publicam formam
ut prefertur, redactis et coram te solemniter publicatis, esse ubique perpetuo
in judicio et extra judicium fidem plenariam tamquam originialibus adhibendam.
Subsequenter vero privilegia, Registra, libros et scripturas que, quos et quas
elegeris et de Thesauro predicto receperis, seu ipsorum privilegiorum
litterarum et scripturarum transumpta publicata, ut superius est expressum,
nobis mittere studeas fideliter vel deferre.
Datum Avinione, II kal.
novembris, anno quarto
Annus primus
(Regestorum vol.
LII)
48 – Lugduni, 18 dec. 1305
Provideant de beneficio
Guillelmum Calveti de Chalesio canonicum eccl. s. Salvatoris de Alba Terra
Petragoricen. dioec. (f. 9a).
Dil. filiis abbati secularis
ecclesie s. Arthemii de Blanziaco Engolismen. dioc. et ... ac Petro Legerii
canonicis Engolismen.
Cum dilectum filium ...
Dat. Lugduni, XV kal. januarii.
66 – Lugduni, 4 dec. 1305
Annuens precibus Heliae
Talayrandi, comitis Petragoricen., confert Amalvino prioratum de Lencich et
eccl. de Degamhaco sine cura, quae prioratui canonice est adnexa, Caturcen.
dioec., ad mon. de Catusio, ord. s. Ben. dictae dioec. pertinentes. (f. 12a).
Dil. filiis abbati secularis
ecclesie s. Asterii Petragoricen. diocesis et cantori Amalvini de Sunis prioris
de Lencich Caturcen. diocesis.
Dil. filio Amalumo de Sunis
priori de Lencich Caturcen. diocesis.
Tue probitatis merita ...
Dat. Lugduni, II non. decembris.
67 – ?
Archambaldus (1), licet censuris
adstrictus, obtinuit in seculari s. Asterii Petragoricen. dioec. abbatiam ac in
majori et s. Frontonis Petragoricen. ecclesiis canonicatus et praebendas,
prioratum s. Stephani de Licia per capitulum s. Martialis Lemovicen., decimas
quasdam in Lectoren. et Petragoricen. dioecesibus nec non reditus quosdam per
capitula majoris, s. Frontonis ac s. Augustini ecclesiarum concessos sub annuo
censu. Clemens V eum a censuris contractis absolvit et, fructibus adhuc
illicite perceptis ei condonatis, concedit, ut praedicta beneficia retinere
valeat (f. 12a).
Dil. filio Archambaldo filio
quondam comitis Petragoricen. capellano nostro abbati seculari ecclesie s.
Asterii Petragoricen. diocesis.
Sacrosancta romana ecclesia ...
(sine data).
(1)
Filius fuit Archambaldi III comitis Petragoricensis. L'Art de vérifier les
dates, II, 10, p. 209.
Donnée : Collection Périgord, vol. 78, fol. 116 r°
68 – Lugduni, 30 nov. 1305
Annuens supplicationibus Gastonis de Gontaldo confert filio eius canonicatum eccl. Caturcen. ac ibidem reservat praebendam et dignitatem (f. 12a).
Dil. filiis abbati monasterii
Sarlaten. et decano de Figiaco ac preposito de Teniolacu (?) ...
Nobilitas generis ...
Dat. Lugduni, II kal. decembris.
Donnée : Collection Périgord, vol. 78, fol. 117 r°
83 – Lugduni, 19 nov. 1305
Prioratus b. Mariae de Tenpnihaco
et de Calviaco ord. s. Ben. Petragoricen. et Caturcen. dioec. ad monasterium
Sarlaten. immediate spectantes conceduntur perpetuo et uniuntur mensae
abbatiali Sarlaten. (f. 14b).
Dil. filio Bernardo abbati
monasterii Sarlaten. ordinis s. Benedicti Petragoricen. diocesis capellano
nostro.
Ex tue devotionis ...
Dat. Lugduni, XIII kalend.
decembris (1)
(1)
Ms. septembris, quo mense papa residebat Burdegalis. Cf. Gallia christ., II,
1511 E, ubi legitur data XIII kal. decembris.
105 – Lugduni, 21 nov. 1305
Licet nos ante susceptum a nobis
apostolatus officium, dum ecclesie Convenarum regimini preeramus (1), ecclesiam
s. Aventini de Larbusto Convenatum diocesis archidiaconatui tuo duximus
annectendam, nihilominus episcopus Convenarum tunc temporis existens (2) illam
dividens alii contulit. Quam collationem papa cassat et adnexionem a se factam
ratam declarat (f. 18a).
Dil. filiis preposito
Marsilien. et archidiacono s. Gaudentii Convenarum et cantori Caturcen.
ecclesiarum.
Dil. filio Gausberto de Bosco
archidiacono Fronten. in ecclesia Convenarum.
Officii nostri debitum ...
Dat. Lugduni, XI kal.
decembris ;
(1)
Bertrandus de God fuit episcopus Convenarum ab an. 1295-1299 (Gallia chr., I,
p. 1100).
(2)
Boso de Salignac, 1300-1315, Ibid.
118 – Lugduni, 19 nov. 1305
Infrascripto conferuntur reditus
prioratus de Salvitate Calvi Montis Agennen. dioec. ad expensas mensae
abbatialis sustentandas. (f. 20b).
Dil. filio Bernardo abbati
monasterii Sarlaten. ordinis s. Benedicti Petragoricen. diocesis capellano
nostro.
Ex tue devotionis meritis ...
Dat. Lugduni, XIII kal.
decembris.
137 – Burdegalis, 6 aug. 1305
Hugoni (1) providetur de
canonicatu eccl. Petragoricen. et de praebenda ac personatu vel dignitate seu
officio vacantibus vel vacaturis, dispensaturque cum illo, ut retinere valeat
in Lemovicen. et de s. Asterio Petragoricen. dioec. ecclesiis canonicatus et praebendas
nec non parochialem eccl. de Novo Vico. (f. 23a).
Dil. filiis decano Burdegalen.
et Helye la Prunha Lemovicen. et Petro de Lacu Claromonten. canonicis
ecclesiarum.
Dil. filio Hugoni Geraldi canonico
Petragoricen. capellano nostro.
Dum litterarum scientiam ...
Dat. Burdegalis, VIII idus
augusti.
(1) Vir hic apud Clementem V
praecipua gratia floruit ita, ut referendarius ejus extiterit, imo anno 1312
praesul Caturcensis nominatus fuerit. Gallia chr., 1, p. 138; Baluzius, I, p.
737.
143 – Burdegalis, 31 jul. 1305
Raymundo (1) providetur de
canonicatu eccl. Andegaven. et praebenda, personatu vel dignitate ibidem
vacantibus vel vacaturis, dispensaturque cum illo, ut, non obstante defectu
ordinum et aetatis, praedicta recipere et prioratum de la Faia Petragoricen.
dioec. et in eccl. Petragoricen. canonicatum et praebendam et in Caturcen.
canonicatum et praebendam sub expect. retinere valeat (f. 24a).
Dil. filiis archidiacono
Medulcen. et magistris Raymundo de Podio Burdegalen. ac Gerardo de Buchet Agennen.
ecclesiarum canonicis.
Dil. filio Raymundo Bernardi
de Duroforti canonico Andegaven.
Dum conditiones et merita ...
Dat. Burdegalis, II kal. augusti.
(1)
Filius Alpasiae de Vugaco, uxoris Gualhardi de God († 1305), qui
fuit frater Clementis V. Histoire généalogique et chronologique de la maison
royale de France etc., par le P. Anselme, augustin déchaussé; continué par M.
du Fourny, troisième édit., à Paris, 1736. V. p. 725.
144 – Lugduni, 27 dec. 1305
Confertur canonicatus eccl.
Petragoricen. et dispensatur cum eo, ut valeat retinere canonicatum et
praebendam in eccl. s. Frontonis Petragoricen. (f. 24a).
Dil. filiis decano Draconien. et
preposito s. Theodori de Rupe Bonisanti (sic) Petragoricen. diocesis ac
Mainardo de Monte Causto canonico Engolismen. ecclesiarum.
Dil. filio Guillelmo de Podio
Rudelli canonico Petragoricen. (1)
Apostolice sedis ...
Dat. Lugduni, VI kal. jan.
(1)
Ms. Pone eandem salutationem in sequenti littera.
145 – Lugduni, 27 dec. 1305
Eidem confertur archidiaconatus in eccl. Petragoricen.
post obitum Jaumani de Chambarlhat vacans (f. 24a).
Executores ut supra. (Dil. filiis decano
Draconien. et preposito s. Theodori de Rupe Bonisanti (sic) Petragoricen.
diocesis ac Mainardo de Monte Causto canonico Engolismen. ecclesiarum).
Apostolice sedis ...
Dat. Lugduni, VI kal. januarii.
261 – Lugduni, 19 febr. 1306
Concedit tabellionatus officium (f. 46a).
Dil. filio Helie Bricci notario clerico
Petragoricen.
Ne contractuum ...
Dat. Lugduni, XI kal. martii.
387 – Nivernis, 23 mart. 1306
Mandat infrascriptis, ut
Guillelmum (1), episcopum Vasaten., qui abbati et conventui mon. s. Benedicti
Floriacen., Aurelianen. dioec., conventui prioratus de Regula Vasaten. dioec.,
ad illud monasterium pertinentis, ac Johanni de Haveringes, senescallo Vasconiae,
injurias irrogabat, ad sedem apostolicam citare curent (f. 67a).
Dil. filiis de Duracio et de
Brageriaco ac de Marmanda prioribus Petragoricen. et Agennen. dioc.
Querelam dilectorum ...
Dat. Nivernis, X kal. aprilis.
(1) Guillelmus de Mota, 1302-1313,
translatus ad ecclesiam Santonen., 1316 ad priorem sponsam redire jussus, † 1318. Gallia chr., I, p. 1201; Gams, l.c., 510 et
624.
403 – Lugduni, 24 jan. 1306
Obtentu Landulphi, s. Angeli diaconi
cardinalis, confert Johanni vacantes per obitum Petri de Ponte canonicatum et
praebendam in ecclesia Forqualquerien. Sistericen. dioec. (f. 70a).
Dil. filiis ... Xanctonen. et ... Barajariaci
(sic) Petragoricen. archidiaconis ac ... preposito Aquen. ecclesiarum.
Dil. filio Johanni Vannatii de Bargiaco, canonico
ecclesie Forcalquerien. Sistericen. dioc.
Digne agere credimus ...
Dat. Lugduni, VIIII kal. februarii.
410 – Petragoris, 28 apr. 1306
Capitulum ecclesiae Pictavien. vacantem
parochialem ecclesiam s. Mauritii de Bruxeria Pictavina Pictavien. dioec. spectantem
ad collationem G(ualteri) episcopi Pictavien., tunc diversis excommunicationum
sententiis innodati, absque potestate contulit Audeberto, ad cujus
supplicationem Clemens pp. V collationem hanc confirmat. (f. 71a).
Dil. filiis ... decano Bituricen. et cantori
Dauracen. ac Johanni de Placentia canonico Pictaven. ecclesiarum.
Dil. filio Audeberto de s.
Laurentio rectori parochialis ecclesie s. Mauritii de Bruxeria Pictavina
Pictaven. dioc.
Apostolice sedis benignitas ...
Dat. Petragoris, IIII kalendas
maii.
414 – Apud Bolbum, 16 mart.
1306
Mandat infrascriptis, ut Berardo,
nato magistri Petri Salomonis de Lindia, clerico Petragoricen. dioec., de
aliquo beneficio in Petragoricen. dioec. vacante vel vacaturo, ad cujuscumque
collationem spectante, cujus reditus centum librarum Turonen. parvorum valorem
annuum non excedant, providere curent, et si beneficium istud in ecclesia
collegiata extiterit, eum simul in canonic. recipi faciant. (f. 71b).
Dil. filiis priori prioratus
s. Aviti senioris Petragoricen. dioc; ac cantori s. Frontonis et Galhardo de s.
Asterio canonico Petragoricen. ecclesiarum.
Cum dilectus filius ...
Dat. apud Bolbum, XVIII (sic) kal. aprilis.
424 – Petragoris, 30 apr. 1306
Dispensat cum infrascripto Petri
tit. s. Priscae presb. card. romanae ecclesiae vicecancellarii capellano et
familiari, ut, licet in minoribus tantum sit constitutus ordinibus,
archidiaconatum et canonicatum ecclesiae Tiburtin. retinere valeat nec teneatur
ad suscipiendum aliquem sacrum ordinem. (f. 73b).
Dil. filio magistro Tenctori
de Reate, archidiacono Tiburtin. scriptori nostro.
Obsequiorum gratitudo ...
Dat. Petragoris, II kal. maii.
540 – Lugduni, 16 nov. 1305
Archambaldo confert canonicat.
eccl. Carnoten., reservat ibidem praebendam et dignitatem vel personatum seu
officium, dispensatque cum illo, ut retinere valeat in majori et s. Frontonis
Petragoricen. eccl. canonicatus et praebendas et in ecclesia seculari s.
Asterii Petragoricen. dioec. canonicatum et abbatiam ac prioratum de Lissia nec
non s. Petri de Capella, s. Hilarii et s. Johannis de Petracava et pro mediate
ss. Cyrici et Julitae eccl. Burdegalen. et Lectoren. dioec. decimas (f. 94a).
Dil. filiis archidiacono
Xantonen. et magistris Hugoni Geraldi Lemovicen. ac Guillelmo de Chenao
Parisien. eccl. canonicis.
Dil. filio Archambaldo nato
quondam comitis Petragoricen. capellano nostro canonico ecclesie Carnoten.
Inducunt nos ...
Dat. Lugduni, XVI kal. decembris.
Donnée : Collection
Périgord, vol. 34, fol. 222 r°
Donnée : Collection Périgord, vol. 34, fol. 223 r°
556 – Lugduni, 23 jan. 1306
Infrascriptis indulget, ut in
illis parochiis, in quibus veteres decimas juste percipiunt, pro ea parte, pro
qua veteres eos contingunt, novalium decimas libere recipere et retinere in
futurum valeant (f. 97b).
Dil. filiis abbati et
conventui mon. Sarlaten. Petragoricen. diocesis.
Volentes vestre ...
Dat. Lugduni, X kal. februarii.
558 – Lugduni, 27 dec. 1305
Talayrandum providet de
canonicatu ac praebenda, dignitate seu personatu in eccl. Melden. vacantibus
vel vacaturis dispensatque cum eo, ut archipresbyteratum et ecclesiam de
Vaterimorolio (sic) eidem archipresbyteratui adnexam Petragoricen. dioec. et in
s. Frontonis Petragoricen. et s. Asterii ejusdem dioec. ecclesiis canonicatus
et praebendas retinere valeat (f. 98a).
Dil. filiis archidiacono
Xanctonen. et cantori Petragoricen. ecclesiarum ac Guillelmo de Chanaco
canonico Parisien.
Dil. filio Talayrando de s. Asterio canonico
Melden.
Personam tuam ...
Dat. Lugduni, VI kal. januarii.
561 – Lugduni, 7 jan. 1306
Brunissendi (1) ad quinquennium concedit
facultatem habendi altare portatile et faciendi super eo sibi suisque
familiaribus divina celebrari (f. 99a).
Dil. in Christo filie nobili mulieri Brunesendi
comitisse Petragoricen.
Personam tuam ...
Dat. Lugduni, VII idus januarii.
(1) Brunissendis, filia Rogerii
Bernardi comitis Fuxensis et Margaritae vicecomitisse Bearnii, altera uxor
Heliae VII comitis Petragoricensis. L'art
etc., II, 10, p. 210.
562 – Lugduni, 7 jan. 1306
Conceditur eadem facultas (f.
99a).
Dil. filio nobili viro Helie
Talayrandi (1) comiti Petragoricen.
Datum ut supra (Lugduni, VII idus
januarii).
(1) Helias VII patri suo
Archambaldo in regimine comitatus Petragoricensis successit 1295-1311. Ibidem.
563 – Lugduni, 7 jan. 1306
Conceditur facultas eligendi sibi confessarium,
qui possit eam absolvere etiam a reservatis sedi apostolicae (f. 99a).
Dil. in Christo filie nobili mulieri Brunesendi
comitisse Petragoricen.
Ut per confessionis ...
Dat. Lugduni, VII idus januarii.
564 – Lugduni, 7 jan. 1306
Eodem modo Heliae Talayrandi, comiti
Petragoricen., super eligendo sibi confessario (f. 99a)
565 – Lugduni, 7 jan. 1306
Obtentu Heliae Talayrandi,
comitis Petragoricen., dispensat cum infrascriptis super quarto
consanguinitatis gradu, ut eo non obstante matrimonialiter copulari valeant (f.
99a).
Dil. filio Ugono de Valle et
dilecte in Christo filie Bertrande nate dilecti Petri de Petragoris.
Sedis apostolice ...
Dat. Lugduni, VII idus januarii.
587 – Lugduni, 21 nov. 1305
Aymerico reservat in civitate vel dioec.
Petragoricen. beneficium, etiam si archipresbyteratus existat, dispensatque cum
eo, ut retinere valeat cantoriam, canonicatum et praebendam ecclesiae s.
Frontonis Petragoricen. et canonicatum eccl. Petragoricen. (f. 103a).
Dil. filiis priori secularis s. Aviti Senioris
Petragoricen. dioc. et archidiacono ac Roberto canonico Petragoricen.
Dil. filio Aymerico Girberti cantori eccl. s.
Frontonis Petragoricen., capellano nostro.
Sedis apostolice ...
Dat. Lugduni, XI kal. decembris.
629 – Lugduni, 19 jan. 1306
Consideratione Bosonis de
Petragoris reservatur clerico et familiari ejus beneficium spectans ad
collationem abbatis et capituli secularis ecclesiae s. Salvatoris Albaterren.
Petragoricen. dioec., non obstante quod ei in eadem eccl. de canonicatu et
praebenda sit provisum (f. 109a).
Dil. filiis archidiacono
Xanctonen. et cantori ecclesie s. Frontonis Petragoricen. ac Maynardo de Monte
Causio canonico Engolismen.
Dil. filio Guillelmo Amblardi
canonico eccl. s. Salvatoris Albaterren. (Petragoricen.) diocesis.
Laudabilia tue ...
Dat. Lugduni, XIIII kal.
februarii.
630 – Lugduni, 19 jan. 1306
Eidem providet de canonicatu et
praebenda in eccl. s. Salvatoris Albaterren. Petragoricen. dioec. (f. 109b).
Dilectis filiis archidiacono
Xanctonen. et cantori ac Guillelmo de Podio Rudelli canonico s. Frontonis
Petragoricensis ecclesiarum.
Dil. filio Guillelmo Amblardi
canonico eccl. s. Salvatoris Albaterren. Petragoricen. dioc.
Apostolice sedis ...
Dat. Lugduni, XIIII kal.
februarii.
720 – Apud s. Ciricum, 28
febr. 1306
Confert prioratum secularis eccl.
s. Caprasii Agennen. per resignationem Gualhardi electi Tolosani vacantem, non
obstante quod obtineat prioratus de Rivocavo et Delhausu ac Dilhineyrchas
Agennen. dioec. et majorum Agennen., Petragoricen. ac s. Frontonis
Petragoricen. ecclesiarum canonicatus et praebendas ac de Crueycha et de Profundo
Rivo parochiales eccl. Petragoricen. dioec. (f. 122a).
Dil. filiis priori s. Avitti
Petragoricen. dioc. et cantori eccl. s. Frontonis ac Helie Roberti canonico
Petragoricen.
Dil. filio Bernardo de
Bovisvilla priori secularis eccl. s. Caprasii Agennnen.
Laudabile testimonium ...
Dat. apud s. Ciricum prope
Lugdunum, II kal. martii.
724 – Apud s. Ciricum, 23
febr. 1306
Consideratione Raymundi s. Mariae
Novae card. diac. providet camerario ejus de canonicatu eccl. s. Martini
Turonen. et de praebenda, dignitate vel personatu seu praepositura vel officio
ibidem vacantibus vel vacaturis, non obstante quod in Suwellen. canonicatum et
praebendam ac in de Ysans et de Mois et de s. Romano ecclesiis Convenarum
dioec. quasdam portiones, quae vulgo scolastriae dicuntur, et canonicatum eccl.
Aurelianen. et praebendam sub expectatione obtineat (f. 122b).
Dil. filiis abbati monast. de
Lesato (1) et priori s. Aviti, Appamiarum et Petragoricen. dioc. ac Vitali de
Maynhauto canonico Lectoren. capellano nostro.
Dil. filio Johanni de Ferrari
juris civilis professori canonico eccl. s. Martini Turonen.
Sedes apostolica ...
Dat. apud s. Ciricum, VII kal. martii.
(1) Ms. Lerato.
767 – Burdegalis, ?
Indulget, ut possit ad quinquennium per aliam
personam visitationis officium impendere et procurationes debitas recipere (f.
130b).
Dil. filiis s. Frontonis
Petragoricen. et de s. Asterio ac de Rupe Boviscurci (sic) Petragoricen.
Illis apostolice sedis ...
Dat. Burdegalis, VI junii.
789 – Petragoris, 30 apr. 1306
Declarat, quod litterae, quibus
nepoti episcopi Ostien. contulerat canonicatum et reservavit praebendam,
personatum seu dignitatem in eccl. s. Martini Turonen., extendantur etiam ad
quaecunque officia seu adminitstrationes dictae eccl. (f. 135a).
Dil. filio Nicolae Albertini de
Prato canonico eccl. s. Martini Turonen.
Devotionis tue meritis ...
Dat. Petragoris, II kalendas
maii.
790 – Petragoris, 30 apr. 1306
Ecclesia s. Praxedis de Urbe
ordinis Vallis Umbrosae primum Nicolao episcopo Ostien. commissa et deinde per
oblivionem prioris commissionis Gentili s. Martini in Montibus presbytero card.
commendata, ratam declarat primam commissionem (f. 135a).
Ven. fratri N. episcopo
Ostien.
Dudum tibi ecclesiam ...
Dat. Petragoris, II kal. maii.
834 – Apud s. Ciricum, 26
febr. 1306
Obtentu Arnaldi, s. Mariae in
Porticu diaconi cardinalis, indulget ejus capellano et commensali, ut
archidiaconatum suum Brageriaci possit ipse vel per alium seu alios visitare
procurationesque exigere ac recipere (f. 141b).
Dil. filio Bernardo de Cornu archidiacono
Brageriaci in ecclesia Petragoricen.
Grandia tue merita probitatis ...
Dat. apud s. Cyricum, IIII kal.
martii.
835 – Apud s. Ciricum, 26
febr. 1306
Consideratione Arnaldi, s. Mariae
in Porticu diaconi cardinalis, dispensat cum ejus capellano et commensali, ut
obtinens archidiaconatum Brageriaci aliud beneficium, etsi personatus vel
dignitas existat, recipere et una cum canonicatibus et praebendis in majori et
in s. Frontonis Petragoricen. ac s. Stephani Trecen. ecclesiis valeat retinere
(f. 141b).
Dil. filiis archidiacono
Marciani in ecclesia Aduren. ac cantori s. Frontonis Petragoricen. et magistro
Petro Chavinellis.
Dil. filio Bernardo de Cornu archidiacono
Brageriaci in ecclesia Petragoricen.
Illos libenter prerogativa ...
Dat. loco et die quo supra (Dat.
apud s. Cyricum, IIII kal. martii).
919 – Bituris, 5 april. 1306
Guillelmo Audeberti olim
praeceptore domus de Septemfontibus Petragoricen. dioec. ad monasterium s.
Laurentii de Artigia ord. s. Augustini Lemovicen. dioec. spectantis ab officio
suo amoto, mandatur, ut praeceptoria conferatur alteri (f. 155a).
... per priorem soliti
gubernari ordinis s. Augustini Lemovicen. dioc.
Cum Guillelmum ...
Dat. Bituris, nonas aprilis.
952 – Apud mon.
Grandimontense, 18 april. 1306
Obtentu Geraldi de Buxolio
militis reservat ejus filio beneficium in civitate aut dioec. Pictavien., non
obstante defectu ord. et aetatis (f. 160b).
Dil. filiis mon. Dalonii (1)
et secularis s. Asterii abbatibus ac archidiacono de Bratenaco ecclesiarum
Lemovicen. et Petragoricen. dioc.
Dil. filio Petro nato dil.
filii nobilis viri Geraldi de Buxolio clerico Petragoricen. dioc.
Probitatis studiis ...
Dat. apud prioratum
Grandimonten., XIIII kal. maii.
(1)
Ms. Dolonis
953 – Apud mon.
Grandimontense, 18 april. 1306
Consideratione Geraldi de Buxolio
confert ejus filio ecclesiam s. Martini de Gardona Petragoricen. dioec. per
mortem quondam Arnaldi vacantem, non obstante defectu ordinum et aetatis (f.
160b).
Dil. filiis mon. Dalonii (1)
etc. ut in alia executoria.
Dil. filio Guidoni nato dil.
filii nobilis viri Geraldi de Buxolio militis rectori eccl. s. Martini de
Gardona Petragoricen. dioc.
Sincere devotionis affectus ...
Dat. ut in alia ( apud prioratum Grandimonten.,
XIIII kal. maii).
(1) Ms. Dolonis
984 – Apud s. Ciricum, 26
febr. 1306
Obtentu Arnaldi, s. Mariae in
Porticu diac. card., providet ejus capellano et commensali de beneficio in
civitate vel dioec. Ruthenen. vacante vel vacaturo, cujus proventus octoginta
librarum Turonen. parvorum valorem annuum non excedant, non obstante quod
archidiaconatum Marciani in Aduren. eccl. et in ea canonicatum et praebendam ac
hospitale s. Antonii de Golannio Aduren. dioec. obtineat (f. 165b).
Dil. filiis de Brageriaco in
Petragoricen. ac Siloscen. in Aduren. ecclesiis archidiaconis et Bernardo de
Monasterio can. Albien.
Dil. filio Bernardo de
Vallibus archidiacono Marciani in eccl. Aduren.
Attendentes conditiones et merita ...
Dat. apud s. Ciricum prope
Lugdunum, IIII kal. mart.
Annus primus
(Regestorum Vol.
LIII)
Anni primi
Rien trouvé concernant le Périgord
Anni primi
1236 – Burdegalis, 14 maii
1306
Ad petitionem Archambaldi,
canonici Petragoricen., capellani sui, confert Bosoni vacans vel vacaturum
beneficium spectans ad collationem abbatis et capituli secularis ecclesiae s.
Frontonis Petragoricen. (cap. 78, f. 30a).
Dil. filio Bosoni Despers de
Podio s. Frontonis Petragoricen.
Nobilitas generis ...
Dat. Burdegalis, II idus maii,
anno primo.
In eundem modum dil. filiis,
cantori et Heliae Roberti ac Ademaro Gibrani canonicis ecclesiae Petragoricen.
1237 – Burdegalis, 2 jun. 1306
Arnaldo, s. Mariae in Porticu
diacono cardinali, confert prioratum s. Salvatoris Tolosan. dioec., concedit
vero, ut post mortem ejusdem cardinalis prioratus ille ad monasterium Sarlaten.
ord. s. Ben. in statum pristinum revertatur, et ut interim in signum juris et
proprietatis per aliquem e fratribus dicti mon. in divinis officiis ibidem
serviatur. (cap. 79, f. 30a).
Dil. filiis ... abbati et
conventui mon. Sarlaten. ord. s. Ben. Petragoricen. dioc.
Apostolice sedis circumspecta provisio ...
Dat. Burdegalis, IIII nonas
junii, anno primo.
Donnée : Collection Périgord, vol. 37, fol. 392 r°
1242 – Burdegalis, 24 aug.
1306
Audoino (1) concedit facultatem
faciendi recipi unam personam in sua majori, alteram in s. Frontonis
Petragoricen. dioec. in canonicos ac providendi eis de praebendis vacantibus
vel vacaturis, non obstante quod unum vel duo aut plura beneficia obtineant
(cap. 84, f. 31a).
Ven. fratri Audoyno episcopo
Petragoricen.
Sincere devotionis affectus ...
Dat. Burdegalis, VIIII kal.
sept., anno primo.
(1)
Audoinus, 1297-1311, Gallia chr., II, p. 1476.
Donnée : Collection Périgord, vol. 31, fol. 13 r°
1251 – Petragoris, 30 apr.
1306
Declarat, ad infrascriptum
pertinere jus conferendi quatuor praebendas in ecclesia s. Mariae de Milliaco
Senonen. dioec. a patre suo Hugone dotatas et ab eo dotandas (cap. 92, f. 32b).
Dil. filio nobili viro Johanni
de Bovilla, domino de Milliaco cambellano carissimi in Christo filii nostri P.
regis Francorum illustris.
Devotionis tue sinceritas ...
Dat. Petragoris, II kal. maii,
anno primo.
1252 – Petragoris, 30 apr.
1306
Annuens supplicationibus Johannis
de Bovilla mandat infrascripto, ut ecclesiam s. Jacobi, in qua sunt quatuor vel
quinque canonici, cum voluntate et consensu dictorum canonicorum uniat cum
ecclesia s. Mariae de Milliaco Senonen. dioec., quo in ipsa ecclesia cultus s.
Ludovici confessoris amplius augmentetur (cap. 93, f. 32b).
Dil. filio ... decano ecclesie
s. Aniani Aurelianen.
Oblata nobis ex parte ...
Dat. ut supra (Petragoris, II
kal. maii, anno primo).
1253 – Subterraneae, 14 apr.
1306
Aymerico Giberti indulget ad
quinquennium, ut residens in aliqua suarum ecclesiarum vel in curia romana
fructus omnium beneficiorum, quae obtinet, percipere possit, quotidianis
distributionibus exceptis (cap. 94, f. 33a).
Dil. filio Aymerico Giberti
cantori ecclesie s. Frontonis Petragoricen.
Probitatis tue meritis ...
Dat. Subterraneae, XVIII kalend.
maii, anno primo.
In eundem modum dil. filiis ...
archidiacono et Heliae Roberti Petragoricen. ac magistro Petro Amalumi
Burdegalen. ecclesiarum canonicis.
1262 – Burdegalis, 24 aug. 1306
Audoino concedit, ut in sua dioecesi ecclesias
et coemeteria violata reconciliare valeat per presbyteros in dignitate
constitutos, aqua per illum prius sollemniter benedicta (cap. 103, f. 36a).
Ven. fratri Audoyno episcopo Petragoricen.
Attendentes benignius ...
Dat. Burdegalis, VIIII kal. septembris, anno
primo.
Donnée: Collection Périgord, vol. 31, fol. 11 r°
1264 – Burdegalis, 22 aug. 1306
Idem conceditur eisdem pro monasterio
Petragoricen. (eod. f. 36a).
Eisdem.
Quoniam etc. per totum.
Dat. ut supra (Burdegalis, VIIII
kal. septembris, anno primo).
1265 – Burdegalis, 22 aug.
1306
Indulget infrascriptis, ne ulli
ex possessionibus ac bonis suis teneantur solvere decimam (cap. 105, f. 36a).
Dil. in Christo filiabus ...
abbatisse et conventui mon. Minorissarum s. Clare Petragoricen. ord. ejusd. s.
Pietatis opera ...
Dat. ut supra (Burdegalis, VIIII
kal. septembris, anno primo).
Bulle donnée également ici :
Collection
Périgord, vol. 35, fol. 8 v°
1267 – Burdegalis, 22 aug.
1306
Absolvit infrascriptas a
juramento praestito faciendi se sepeliri in coemeterio fratrum ordinis Minorum
eisque indulget, ut in coemeterio sui monasterii possint sepeliri (cap. 106, f.
36a).
Dilectis in Christo filiabus
Aremburgi (1) abbatisse et Marchesie (2) ceterisque sororibus mon. Minorissarum
s. Clare Petragoricen. ordini ejusdem sancte.
Petitio vestra ...
Dat. Burdegalis, XI kal.
septembris, anno primo.
(1)
Aremburgis, soror Heliae VII Talayrandi, comitis Petragoricen. Baluzius, I, p.
617. L'Art de vérifier les dates, II, 10, p. 209.
(2)
Marchesia, filia Heliae VII Talayrandi, comitis Petragoricensis, et Philippae,
vicecomitissae Leomaniae, arripiens institutum monialium ord. s. Clarae in
conventu Petragoricen., quidquid juris habebat seu habere poterat in
vicecomitatu Leomanen. transtulit in Heliam patrem suum. Ibidem.
Bulle mentionnée également
ici : Collection
Périgord, vol. 35, fol. 10 r°
Bulle mentionnée également
ici : Collection
Périgord, vol. 35, fol. 26 r°
1268 – Burdegalis, 22 aug.
1306
Aremburgi indulget, ut cum
consilio et assensu ministri provincialis fratrum ord. Minorum et, eo absente,
custodis Petragoricen. ejusdem ord. possit dispensare cum sororibus sui
monasterii (cap. 107, f. 36b).
Dil. in Christo filie
Aremburgi abbatisse mon. s. Clare Petragoricen. ord. ejusdem sancte.
Quanto studiosius ...
Dat. ut supra (Burdegalis, VIIII
kal. septembris, anno primo).
Bulle mentionnée également ici : Collection Périgord, vol. 35, fol. 26 r°
1273 – Burdegalis, 9 aug. 1306
Confirmat et de novo confert
infrascripto archidiaconatum de Serlades in ecclesia Petragoricen. ab episcopo
Petragoricen. illi collatum eique concedit, ut simul prioratus de Lhausu ac de
Linaerolas et de Rivocavo et ecclesias parochiales de Cruoycha et de
Profundorivo necnon prioratum s. Caprasii Agennen. et in majori ac s. Frontonis
Petragoricen. ecclesiis, baylias quoque Albutien. et de Astors ac de Mensimaco
retinere valeat (cap. 111, f. 37b).
Dil. filio Bernardo de
Bovisvilla priori secularis ecclesie s. Caprasii Agennen.
Digne agere credimus ...
Dat. Burdegalis, V idus augusti,
anno primo.
1275 – Burdegalis, 9 aug. 1306
Infrascripti eidem Bernardo
fructus sui prioratus faciant ministrari (eod., f. 37b).
Dilectis filiis, priori de s.
Avito Seniori Petragoricen. dioc. Helie Roberti ac Guillelmo de Cambarlhac canonicis
Petragoricen.
Ut sincera devotio ...
Dat. ut supra (Burdegalis, V idus
augusti, anno primo).
1276 – Burdegalis, 9 aug. 1306
Indulget Bernardo de Bovisvilla
ad decennium, ut fructus omnium et singulorum beneficiorum suorum, quotidianis
distributionibus exceptis, percipere valeat in absentia (cap. 113, f. 38a).
Dil. filio Bernardo de
Bovisvilla canonico Petragoricen.
Ut sincere devotionis affectum ...
Dat. ut supra (Burdegalis, V idus
augusti, anno primo).
1277 – Burdegalis, 9 aug. 1306
Infrascripti faciant eidem Bernardo fructus
beneficiorum per decennium ministrari (eod., f. 38a).
Dil. filiis ... abbati de s.
Asterio et priori de s. Avito secularium Petragoricen. dioc. ac cantori s.
Frontonis Petragoricen. ecclesiarum.
Ut sincere ...
Dat. ut supra (Burdegalis, V idus augusti, anno
primo).
1279 – Burdegalis, 22 aug. 1306
Confirmat infrascriptis donationem decimarum
factam per Heliam, comitem Petragoricen. (cap. 115, f. 38a).
Dilectis in Christo filiabus
... abbatisse et conventui mon. Minorissarum s. Clare Petragoricen. ord. ejusdem s.
Sacri ordinis vestri religio ...
Dat. Burdegalis, XI kal. septembris, anno
primo.
Bulle donnée également ici :
Collection
Périgord, vol. 35, fol. 26 r°
1280 – Burdegalis, 9 aug. 1306
Arnarldo de Bovisvilla confert canonicatum
ecclesiae Petragoricen. cum voce et stallo, licet extra certum canonicorum
numerum sit constitutus, appellatione contra eum facta non obstante (cap. 116,
f. 38b).
Dil. filio Arnaldo de
Bovisvilla canonico Petragoricen.
Volentes tibi dudum gratiam ...
Dat. Burdegalis, V idus aug.,
anno primo.
1302 – Burdegalis, 14 maii
1306
Annuens precibus Archambaldi,
canonici Parisien., capellani sui, confert ejus clerico et familiari beneficium
in civitate vel dioec. Petragoricen.
vacans vel vacaturum, spectans ad collationem episcopi Petragoricen. (cap. 133,
f. 42b).
Dilecto filio Helie Pictavini de Suiraco prope
Ribariacum clerico Petragoricen. dioc.
Nobilitas generis ...
Dat. Burdegalis, II idus maii, anno primo.
1303 – Burdegalis, 14 maii 1306
Mandat infrascriptis, ut eidem Heliae
beneficium illi reservatum conferre et assignare curent, illumque in
possessionem inducant et defendant (eod., f. 42b).
Dil. filiis ... priori de s.
Avito Seniori Petragoricen. dioc. et cantori s. Frontonis et Yterio de
Vallesecura canonico majoris Petragoricen. ecclesiarum.
Nobilitas generis ...
Dat. ut supra (Burdegalis, II
idus maii, anno primo).
1304 – Burdegalis, 8 sept.
1306
Obtentu Marchesiae, natae Heliae,
comitis Petragoricen., monialis mon. s. Clarae Petragoris, infrascripto, jam
eleemosynario Burgi, confert parochialem ecclesiam de Atreyo Santonen. dioec.,
spectantem ad praesentationem abbatis mon. Burgidolen. ord. s. Ben. Bituricen.
dioec., qui duos ad ipsam ecclesiam praesentavit, qui vero etiam appellatione
facta recusati fuserunt (cap. 134, f. 43a).
Dil. filio Geraldo Bassardi clerico
Petragoricen. dioc.
Laudabile testimonium ...
Dat. Burdegalis, VI idus sept., anno primo.
1305 – Burdegalis, 9 aug. 1306
Archambaldo indulget, ut duo ejus clerici et
familiares ad quinquennium fructus suorum beneficiorum, exceptis quotidianis
distributionibus, personaliter non residendo percipere valeant (cap. 135, f.
43a).
Dil. filio Archambaldo nato quondam Archambaldi
vicecomitis Petragoricen. clerico.
Personam tuam devotione ...
Dat. Burdegalis, V idus augusti, anno primo.
1306 – Burdegalis, 9 aug. 1306
Mandat infrascriptis, ut illis duobus clericis
fructus beneficiorum faciant per quinquennium ministrari (eod., f. 43a).
Dil. filiis ... archidiacono Xanctonen. et ...
cantori Albaterren. Petragoricen. dioc. ac Talayrando de s. Asterio canonico
Melden. ecclesiarum.
Personam ...
Dat. ut supra (Burdegalis, V idus augusti, anno
primo).
1307 – Burdegalis, 13 aug. 1306
Indulget ad quinquennium, ut fructus omnium
beneficiorum suorum, exceptis quotidianis distributionibus, personaliter non
residendo percipere valeat (cap. 136, f. 43b).
Dil. filio Archambaldo abbati secularis
ecclesie de s. Asterio Petragoricen. dioc.
Tui nobilitas generis ...
Dat. Burdegalis, idus augusti, anno primo.
Bulle donnée également ici : Collection Périgord, vol. 34, fol. 221 r°
1308 – Burdegalis, 13 aug. 1306
Mandat infrascriptis, ut eidem Archambaldo
fructus ejus beneficiorum per quinquennium ministrari faciant (eod., f. 43b).
Dil. filiis ... archidiacono Xanctonen. et ...
cantori de Albaterra Petragoricen. dioc. ac Talayrando de s. Asterio canonico Melden.
ecclesiarum.
Nobilitas generis ...
Dat. ut supra (Burdegalis, idus augusti, anno
primo).
Bulle donnée également ici :
Collection
Périgord, vol. 34, fol. 221 r°
1322 – Burdegalis, 9 aug. 1306
Mandat infrascriptis, ut Oliverio de Narbona
clerico de aliquo beneficio cum annuis reditibus sexaginta librarum Turonen.
parvorum vacante vel vacaturo in civitate vel dioec. Petragoricen. et spectante
ad collationem capituli Petragoricen. provideant, in canonicum eum recipi
faciant et in possessionem beneficii inducant (cap. 149, f. 46a).
Dil. filiis ... abbati de s.
Asterio et ... priori de s. Avito Seniori secularium Petragoricen. dioc. ac ...
cantori s. Frontonis Petragoricen. ecclesiarum.
Volentes dilecto filio ...
Dat. Burdegalis, V idus augusti,
anno primo.
1324 – Burdegalis, 9 aug. 1306
Arnaldo de Bovisvilla confert
canonicatum ecclesiae Petragoricen., quem capitulum recipere non vult, cum
nullus desit de certo eorum numero. Mandat itaque infrascriptis, ut eundem
Arnaldum admitti faciant ad vocem ac stallum in choro et locum in capitulo
(cap. 151, f. 46b).
Dil. filiis ... abbati mon. s.
Marie de Cancellata et ... s. Aviti Senioris ac ... de s. Cipriano prioribus
Petragoricen. dioc.
Volentes dudum ...
Dat. Burdegalis, V idus augusti,
anno primo.
1325 – Burdegalis, 9 aug. 1306
Remittit infrascripto onus
persolutionis legatorum factorum a Raymundo, Bernardo et Bertrando fratribus et
Arnaldo de Bovisvilla patruo, quorum heres existit (cap. 152, f. 46b).
Dil. filio Bernardo de
Bovisvilla canonico Petragoricen.
Laudabilis tue circumspectionis ...
Dat. Burdegalis, V idus augusti,
anno primo.
1326 – Burdegalis, 9 aug. 1306
Collatum prius canonicatum ecclesiae s. Aviti
Senioris Petragoricen. dioec. consideratione Bernardi de Bovisvilla canonici
Petragoricen., hisce confirmat, etiamsi nullus desit de certo canonicorum
numero (cap. 153, f. 47a).
Dil. filio Raymundo de Furno canonico s. Aviti
Senioris Petragoricen. dioc.
Volentes tibi …
Dat. Burdegalis, V idus augusti, anno primo.
1337 – Burdegalis, 24 aug. 1306
(Audoino) indulget ad triennium, ut possit
dioecesin visitare per alium vel alios procurationesque exigere ac
recipere (cap. 164, f. 49a).
Venerabili fratri A. episcopo
Petragoricen.
Grata devotionis studia ...
Dat. Burdegalis, VIIII kalendas
septembris, anno primo.
In eundem modum dil. filiis ...
de s. Sereno Caturcen. et de Cambralia Lemovicen. archidiacono ac ... cantori
Petragoricen. ecclesiarum.
Donnée : Collection
Périgord, vol. 31, fol. 12 r°
1361 – Burdegalis, 9 aug. 1306
Consideratione Heliae Talayrandi,
comitis Petragoricen., confert Iterio de Valesecura archidiaconatum de Dupla in
ecclesia Petragoricen., non obstante quod archipresbyteratum de Villaamblardi
et in s. Asterii et s. Salvatoris de Albaterra Petragoricen. dioec. ac s.
Frontonis Petragoricen. eccl. canonicatus obtineat et praebendas (cap. 188, f.
53b).
Dilecto filio Iterio de Vallesecura
archidiacono de Dupla in ecclesia Petragoricen.
Tue probitatis merita ...
Dat. Burdegalis, V idus augusti,
anno primo.
1362 – Burdegalis, 9 aug. 1306
Infrascripti eundem in possessionem
archidiaconatus inducant (eod., f. 53 b).
Dil. filiis ... de s. Asterio
et ... de Albaterra cantoribus Petragoricen. dioc. ac Raymundo de Podio
canonico Burdegalen. ecclesiarum.
Merita probitatis ...
Dat. ut supra (Burdegalis, V idus
augusti, anno primo).
1364 – Apud Subterraneam, 14
aprilis 1306
Aymerico Girberti et Guillelmo
Girberti collatis canonicatibus ecclesiae Petragoricen., in qua est certus
canonicorum numerus, distinctio vero praebendarum non habetur, ob clausulam per
imperitiam scriptoris contra intentionem summi pontificis et P(etri), tit. s.
Priscae presbyteri cardinalis, s. romanae ecclesiae vicecancellarii, et contra
stilum cancellariae factam declaratur, eisdem canonicis, donec infra numerum
canonicorum fuerint, de ipsius ecclesiae proventibus nequaquam providendum
(cap. 190, f. 54a).
Ven. fratri ... episcopo et
dil. filiis capitulo Petragoricen.
Dudum volentes ...
Dat. apud Subterraneam, XVIII
kal. maii, anno primo.
1365 – Apud Subterraneam, 14 aprilis 1306
Arnaldo de Bovisvilla confert abbatiam
secularis ecclesiae s. Salvatoris Albaterren. Petragoricen. dioec., non
obstante quod illi nuper de canonicatu ecclesiae Petragoricen. providerit, et
quod ecclesiam parochialem de Donzenac Lemovicen. dioec. obtineat (cap. 191, f.
54a).
Dil. filio Arnaldo de
Bovisvilla abbati secularis ecclesie s. Salvatoris Albaterren. Petragoricen.
dioc.
Illos apostolice sedis benignitas ...
Dat. apud Subterraneam, XVIII
kal. maii, anno primo.
Donnée : Collection Périgord, vol. 33, fol. 26 r°
1398 – Apud Flexum, 4 maii
1306
Consideratione Hugonis, prioris
prioratus de s. Cypriano Petragoricen. dioec., reservat ejus clerico
conferendum beneficium, ad collationem praepositi et conventus mon. de Pauriaco
ord. s. Ben. ejusdem dioec. pertinens, vacans vel vacaturum, cum annuis
proventibus sexaginta librarum Turonen. parvorum (cap. 218, f. 59b).
Dil. filio Bertrando de
Birazello clerico Petragoricen. dioc.
Generis et morum nobilitas ...
Dat. apud Flexum dicte
Petragoricen. dioc., IIII non. maii, anno primo.
1399 – Apud Flexum, 4 maii
1306
Infrascripti eidem Bertrando
hujusmodi beneficium conferant et assignent inducentes eum in ejus possessionem
(eod., f. 59b).
Dil. filiis ... de s. Amando
et ... de Sarlato mon. abbatibus Petragoricen. dioc. ac ... archidiacono
Bragariaci in ecclesia Petragoricen.
Generis ...
Dat. ut supra (apud Flexum dicte
Petragoricen. dioc., IIII non. maii, anno primo).
1400 – Agenni, 17 sept. 1305
Absolvit infrascriptos a
sententiis contentis in constitutionibus ordinis, quas incurrerunt acquirentes
possessiones disponentesque de ipsis in ultimis vitae pro animabus suis, ita
tamen, ut eis ulterius non liceat de hujusmodi acquisitis disponere (cap. 219,
f. 60a).
Dil. filiis Hugoni priori et
conventui mon. de s. Cipriano per priorem soliti gubernari ord. s. Aug.
Petragoricen. dioc.
Desideriis vestris ...
Dat. Agenni, XV kal. octobris,
anno primo.
1401 – Agenni, 17 sept. 1305
Concedit Hugoni, priori mon. de
s. Cypriano ord. s. Aug., ut de bonis mobilibus suae dispositioni et administrationi
commissis, quae non fuerint altaris, pro honestis sui funeris expensis et
remuneratione servorum seu consanguineorum disponere et erogare possit (cap.
220, f. 60a).
Dil. filio Hugoni priori mon.
de s. Cipriano per priorem soliti gubernari ord. s. Aug. Petragoricen. dioc.
Quia presentis vite conditio ...
Dat. ut supra (Agenni, XV kal.
octobris, anno primo).
1424 – Petragoris, 1 maii 1306
Fidelibus vere poenitentibus et
confessis ecclesiam monasterii Delen. Bituricen. dioec. in festis Nativitatis,
Annuntiationis, Purificationis et Assumptionis b. Mariae V. visitantibus centum
dierum, illis vero, qui per octo dies festivitates ipsas sequentes singulis
annis visitaverint, sexaginta dierum concedit indulgentiam (cap. 241, f. 65a).
Universis Christi fidelibus
presentes litteras inspecturis.
Gloriosus Deus ...
Dat. Petragoris, kal. maii, anno
primo.
1425 – Apud Subterraneam, 14
aprilis 1306
Guillelmo Gilberti confert
prioratum de Lamonzia ord. s. Ben. Petragoricen. dioec. spectantem ad
monasterium b. Mariae Santonen. ejusdem ordinis, non obstante quod ei
canonicatum Petragoricen. ecclesiae contulerit, et quod parochiales ecclesias
s. Martialis de Orona ac de Ribeyriaco obtineat; eo vero cedente vel decedente
prioratus ille ad pristinum statum reservatur (cap. 242, f. 65b).
Dil. filio Guillelmo Gilberti
priori prioratus de Lamonzia ord. s. Ben. Petragoricen. dioc.
Dum conditiones et merita ...
Dat. apud Subterraneam, XVIII kal. maii, anno
primo.
Donnée: Collection Périgord, vol. 35, fol. 122 r°
1426 – Apud Subterraneam, 14 aprilis 1306
Infrascripti eundem Guillelmum in
dicti prioratus possessionem inducant (eod., f. 65b).
Dil. filiis ... abbati mon. s.
Marie de Cancellata et ... priori secularis s. Aviti Senioris Petragoricen.
dioc. ac Helie Roberti canonico Petragoricen. ecclesiarum.
Dum conditiones ...
Dat. ut supra (apud Subterraneam,
XVIII kal. maii, anno primo).
1442 – Petragoris, 4 maii 1306
Isarnus de Monte acuto obtenta
dispensatione super defectu natalium timuit se ad ordines facere promoveri ac
beneficium cum cura accipere, postmodum tamen in Conseranen. et in de
Senthennio Conseranen. dioec. ecclesiis quaedam perpetua beneficia ac quasdam
decimas in ecclesia de Adalone Apamiarum dioec. absque dispensatione recepit ac
retinet, ad cujus petitionem condonantur ei fructus percepti et de novo cum
ipso dispensatur, ut praeter beneficia praedicta etiam beneficium cum cura
obtinere et ad dignitates citra pontificalem assumi valeat (cap. 256, f. 69b).
Dil. filio Isarno de Monte
acuto perpetuo beneficiato ecclesie Conseranen.
Sedis apostolice generosa benignitas ...
Dat. Petragoris, IIII non. maii,
anno primo.
1451 – Petragoris, 1 maii 1306
Infrascriptis concedit ecclesias
s. Victoris de Sagelaco et s. Johannis Baptistae de Monte Placentio
Petragoricen. dioec., in quibus ipsae jus patronatus habent, in usus proprios
perpetuo retinendas, reservata pro vicariis in eisdem ecclesiis servituris
congrua portione (cap. 265, f. 74a).
Dil. in Christo filiabus ...
abbatisse et conventui mon. Fontis Gayferii ord. s. Ben. Petragoricen. dioc.
Sacra vestra religio ...
Dat. Petragoris, kal. maii, anno
primo.
In eundem modum dil. filiis ...
Agennen. et Petragoricen. officialibus et Guillelmo de Baleto canonico
Lemovicen.
Extraits : Collection
Périgord, vol. 33, fol. 459 r°
Donnée : Collection Périgord, vol. 33, fol. 458 r°
Mention : http://www.guyenne.fr/archivesperigord/SHAP/T28_1901/Belves_Histoire.htm
Mention : Collection Périgord, vol. 37, fol. 11 r°
1461 – Burdegalis, 25 juin
1306
Helia ecclesiam s. Silani de
Villapodii s. Frontonis Petragoricen. dioec. per suum procuratorem Bernardum
Caprarii de Medulco, presbyterum Burdegalen. dioec., resignante, Raymundus, s.
Mariae Novae diac. cardinalis, resignatione recepta, eandem ecclesiam de dato
Burdegalis V idus junii anno Domini millesimo trecentesimo sexto, ind. IIII,
pontificatus domini Clementis pp. V anno primo, contulit Petro Barcelerii, quam
collationem Clement pp. V hisce confirmat (cap. 275, f. 76b).
Dil. filio Petro Barcelerii
rectori parochialis eccl. s. Silani de Villapodii s. Frontonis Petragoricen.
dioc.
Exigunt tue merita bonitatis ...
Dat. Burdegalis, VII kal. julii,
anno primo.
Litterae sequentes continetur in
quaternione chartaceo
valde lacerato et
madefacto, extante inter miscellanea archivi Vaticani.
1475 – Lugduni, 17 jan. 1306
Hugoni confert parochialem eccl. in civitate
vel dioec. Lincolnien. vacantem vel vacaturam, non obstante quod in
Lemovicen. et de s. Asteri ecclesiis canonicatus et praebendas et parochialem
eccl. de Novovico Petragoricen. dioec. obtineat et quod in eccl. Petragoricen.
sub expectatione praebendae ac personatus vel dignitatis seu officii in
canonicum fuerit receptus, conceditque, ut uno alterove ex beneficiis dimisso
aliud recipere valeat (cap. 1020, f. 73).
Dil. filio magistro Hugoni Geraldi capellano
nostro canonico Lemovicen.
Attendentes conditiones et merita ...
Dat. Lugduni, XVI kal. februarii.
1484 – Apud Subterraneam, 14
aprilis 1306
Guillelmum de Podio Rudelli dudum
providit de canonicatu eccl. Petragoricen., in qua licet certus canonicorum sit
numerus praebendarum tamen distinctio non habetur, illa adjecta clausula, quod
ex tunc ei responderetur de communibus proventibus ecclesiae memoratae. Nunc
declaratur dicto Guillelmo tunc et non prius, cum infra numerum canonicorum
fuerit receptus, repondendum de dictis proventibus (cap. 1029, f. 78).
Ven. fratri episcopo et capitulo
Petragoricen.
Licet dudum volentes ...
Dat. apud Subterraneam, XVIII
kal. maii.
1503 – Lugduni, 4 dec. 1305
Obtentu Rogerii Ysarni militis
domini de Durubanno confert ejus filio canonicatum ecclesiae Conseranen. et
praebendam ibi vacantem vel vacaturam (cap. 1036, f. 86).
Dil. filio Raymundo nato dil.
filii nobilis viri Rogerii Ysarni militis domini de Durubanno canonico
Conseranen.
Probitatis studiis ...
Dat. Lugduni, II nonas decembris.
Eodem modo dilectis filiis ...
Moisiacen. et Elnarum monasteriorum abbatibus ac priori s. Aviti Caturcen.,
Tolosan., et Petragoricen. dioec.
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXV (1885)
tome II
Annus secundus
(Regestorum Vol. LIV)
Anni secundi
1726 – Apud Bonamvallem, 9
aprilis 1307
Annuens supplicationibus Hugonis Geraldi, capellani sui, canonici Lemovicen., concedit faculatatem permutandi Heliae de Agia et Bernardo de Merle parochiales ecclesias de Tieys et de Antona Burdegalen. et Petragoricen. dioecesium (cap. 232, f. 42a).
Dil. filio Raymundo s. Marie
Nove diacono cardinali.
Cum sicut accepimus ...
Dat. apud monasterium Bonevallis Pictaven. dioc., V idus aprilis, anno secundo.
1727 – Apud Bonamvallem, 9
aprilis 1307
Concedit facultatem recipiendi resignationem Heliae de Chantacorp, rectoris parochialis ecclesiae s. Petri de Nobilia Petragoricen. dioecesis, eamque conferendi personae idoneae (cap. 233, f. 42a).
Eidem cardinali (Raymundo s. Marie Nove diacono cardinali).
Cum dilectus filius ...
Sine data.
1729 – Apud Fayolam, 2 aprilis
1307
Fidelibus vere poenitentibus et confessis, qui ad sublevandam inopiam monasterii de Gratia b. Mariae, per priorissam soliti gubernari ord. s. Ben. Petragoricen. dioecesis, eleemosynas erogarint, concedit usque ad decennium centum dierum indulgentias, quas mitti per quaestuarios inhibetur (cap. 235, f. 42b).
Universis presentes litteras
inspecturis.
Quoniam ut ait apostolus ...
Dat. apud Fayolam s. Johannis Angeliacen. Xanctonen. dioc., IIII nonas aprilis, anno secundo.
1737 – Apud Fayolam, 4 aprilis
1307
Indulget, ut tres clerici familiares et domestici eius obsequiis insistentes fructus suorum beneficiorum usque ad quinquennium percipere valeant, quin personaliter residere teneantur, nisi ab eius obsequiis recesserint (cap. 243, f. 44b).
Dilecto filio nobili viro
Iohanni de Britania vicecomiti Lemovicen.
Personam tuam paterne dilectionis ...
Dat. apud Fayolam Xanctonen. dioc., II non. apr., anno secundo.
In eundem modum dilectis filiis decano Burdegalen. et ... cantori s. Frontonis Petragoricen. ac ... scolastico Andegaven. ecclesiarum.
1740 – Apud Fayolam, 4 apr.
1307
Faciant recipi in canonicum ecclesiae Briocen. unam personam, quam Iohannes de Britannia, vicecomes Lemovicen., nominaverit, provideantque illam de praebenda ibi vacante vel vacatura (cap. 246, f. 45a).
Dil. filiis ... decano Burdegalen.
et ... cantori Petragoricen., ac scolastico Andegaven. ecclesiarum.
Sincera devotio ...
Dat. apud Fayolam Xanctonen.
diocesis, II non. aprilis, anno secundo.
1762 – Pictavis, 25 iul. 1307
Consideratione Iohannis de Aueringhes militis confertur nepoti eius parochialis ecclesia de Casteshened per obitum Iohannis de Valetis vacans, non obstante defectu ordinum et aetatis (cap. 267, f. 50a).
Dil. filio Iohanni de
Aueringhes rectori ecclesie de Casteshened Dunelmen. dioecesis.
Tua et tuorum sincera devotio ...
Dat. Pictavis, VIII kalendas augusti, anno secundo.
In eundem modum ven. fratri ... archiepiscopo Eboracen. et dil. filiis magistris Bernardo Roiardi archidiacono Santonen. et Hugoni Geraldi canonico Lemovicen. capellanis nostris.
1802 – Lugudiaci, 16 iun. 1307
Mandatur, ut irritas et inanes declaret donationes, quas quondam Raymundus, abbas monasterii Tutellen., fecit de bonis sui monasterii (cap. 307, f. 61a).
Dil. filio ... abbati mon. s.
Amantii Petragoricen. dioc.
Exposuit ...
Dat. ut supra. (Lugusiaci prope
Pictavis, XVI kal. iulii, anno secundo)
1803 – Lugudiaci, 16 iun 1307
Recipiat fidelitatis iuramentum ab Arnaldo, abbate monasterii Tutellen. ordinis s. Benedicti, Lemovicen. dioecesis, concedatque, ut constitutione Bonifacii pp. VIII non obstante ea, quae per eundem abbatem in administratione monasterii gesta sunt ante praestitum iuramentum, plenam vim et firmitatem obtineant (cap. 308, f. 61b).
Dil. filio priori secularis
ecclesie s. Aviti Senioris Petragoricen. diocesis.
Pridem monasterio Tutellen ...
Dat. ut supra. (Lugusiaci prope
Pictavis, XVI kal. iulii, anno secundo)
1804 – Lugudiaci, 16 iun. 1307
Capitulum ecclesiae s. Aviti Senioris Petragoricen. dioecesis concessit ad dies vitae priori suo proventus ecclesiae s. Pomponii eiusdem dioecesis, quam concessionem Clemens pp. V hisce confirmat (cap. 309, f. 61b).
Dil. filio Goberto de
Castronovo capellano nostro priori secularis ecclesie s. Aviti Senioris
Petragoricen. diocesis.
Cum a nobis petitur ...
Dat. ut supra. (Lugusiaci prope
Pictavis, XVI kal. iulii, anno secundo)
1805 – Lugudiaci, 16 iun 1307
Compellant ad restitutionem detentores bonorum, quae fuerunt quondam Raymundi, abbatis monasterii Tutellen., et quorundam aliorum bonorum, quae ab aliquibus monahis iam defunctis detinebantur, pertinentium ad dictum monasterium (cap. 310, f. 61b).
Dil. filiis ... Terracinen.
(et) de s. Amantio monasteriorum abbatibus ac priori s. Aviti Senioris
Petragoricen. diocesis.
Cum sicut dilectus filius ...
Dat. ut supra. (Lugusiaci prope
Pictavis, XVI kal. iulii, anno secundo)
1838 – Apud Pessacum, 2 mart.
1307
Ademaro (1), abbate monasterii Turturiacen. (2) ord. s. Ben. Petragoricen. dioecesis, propter multa crimina diffamato et ab administratione monasterii, litteris datis non. iulii pontificatus Clementis pp. V anno primo, suspenso, mandatur (Guilelmo), ut ad monasterium personaliter se conferens inquisitione peracta eundem a regimine prorsus amoveat, monasterio de persona idonea per electionem canonicam provideat et in illis, quae reformatione indigent, reformet (cap. 34, f. 67b).
Dil. filio ... abbati
monasterii s. Fremerii Vasaten. diocesis.
Grave gerimus et molestum ...
Dat. apud Pessacum prope Burdegalas, VI nonas martii, anno secundo.
(1)
Idem non recensetur in Gallia christiana, II, p. 1496.
Donnée : Collection Périgord, vol. 35, fol. 295 r°
1893 – Pictavis, 15 maii 1307
Exigant rationem a Guillelmo de Favols, priore prioratus de Curte Agennen. dioecesis, pro toto tempore, quo curam, administrationem et procurationem bonorum monasterii Tutellen. ord. s. Ben. Lemovicen. et ecclesiae B. Mariae Rupisamatoris Caturcen. dioecesium ex commissione pontificis exercuit; qua ratione reddita et conscripta eundem priorem citent, ut infra quindecim dies coram sede apostolica compareat (cap. 398, f. 78b).
Dil. filiis de s. Amando et de
Belloloco monasteriorum abbatibus Petragoricen. et Lemovicen. diocesium.
Cum Guillelmus ...
Dat. Pictavis, idus maii, anno secundo.
1928 – Pictavis, 25 oct. 1307
Consideratione Heliae Talayrandi, comitis Petragoricen., dispensat cum eius filio, qui nondum septimum attigit aetatis annum, super defectu aetatis, ut tonsuram clericalem a quocunque episcopo recipere ac beneficia obtinere possit (cap. 433, f. 87a).
Dil. filio Helie nato dil.
filii nobilis viri Helye Talairandi comitis Petragoricen. scolari Petragoricen.
Ex laudabilibus tue iurventutis indiciis ...
Dat. Pictavis, VIII kal. novembris, anno secundo.
1957 – Pictavis, 17 iul. 1307
Petrus, episcopus Penestrinus, auctoritate apostolica a magistro Fulcaudo de Rupe Cavardi, decano ecclesiae Bituricen., resignatione recepta vacantes canonicatum ac praebendam in ecclesia Santonen. contulit magistro Arnaldo Leucardi, canonico Santonen., non obstante quod idem archipresbyteratum de Petriniaco et ecclesiam eiusdem loci archipresbyteratui adnexam ac prioratum de Podio Petroso necnon in Eduen. et in Blanziacen. ac Albaterren. ecclesiis Engolismen. et Petragoricen. dioec. canonicatus et praebendas obtineat et quod eidem de beneficio curato in dioecesi Bituricen. fuerit provisum ac quod super praebenda in ecclesia Engolismen., vacante litiget, quae collatio hisce confirmatur mandaturque executoribus, ut eundem Arnaldum in possessionem canonicatus illius inducant defendantque (cap. 461, f. 94b).
Dil. filiis ... monasterii s.
Eparcii Engolismen. et secularis ecclesie Dauracen. Lemovicen. dioc. abbatibus
ac Petro Peyroti canonico Engolismen.
Exposito nuper nobis ...
Datum ut supra. (Pictavis, XVI
kal. augusti, anno secundo).
1995 – Apud Fayolam, 2 aprilis
1307
Licet priorissa et conventus monasterii de Gratia beatae Mariae ord. s. Ben. Petragoricen. dioecesis iuxta quandam compositionem olim habitam inter eas ex parte una et rectorem ecclesiae s. Georgii de Bladiis eiusdem dioecesis, in cuius parochia monasterium consistit, ex altera super iuribus parochialibus, quae rector a monasterio sibi deberi dicebat, summam viginti solidorum parvorum Turonen. solvant eidem ecclesiae annuatim, cum vero rector ashuc decimas de fructibus terrarum, quas monasterium in eadem parochia propriis sumptibus excolit, extorquere nitatur, iniungitur infrascripto, statuat in praemissis, quod consonum fuerit aequitati (cap. 483, f. 100a).
Ven. fratri episcopo
Petragoricen.
Ex parte ...
Dat. apud Fayolam s. Iohannis Angeliacen. Xanctonen. diocesis, IIII non. aprilis, anno secundo.
2001 – Pictavis, 7 sept. 1307
Instituat permutationem beneficiorum ita, ut conferat Heliae de Lafaya abbatiam secularis Albaterren. Petragoricen. dioecesis et Arnaldo de Bovisvilla canonicatum et praebendam s. Frontonis eiusdem dioecesis ecclesiarum, non obstante quod Helias in Petragoricen. et Melden. canonicatus sub expectatione praebendarum, in de Fageto Auxitan. dioecesis et in Albaterren. ecclesiis canonicatus et praebendas, prioratum de s. Raphaele et capellam de Vauduno et parochialem ecclesiam de Burgonemoris Petragoricen. dioecesis aut quod Arnaldus in Aurelianen. praebendam et in ea et Petragoricen. ecclesiis sub expectatione praebendae canonicatus et parochialem ecclesiam de Donzenaco Lemovicen. dioecesis obtineant (cap. 489, f. 101a).
Dil. filio Raymundo s. Marie
Nove diacono cardinali.
Sedes apostolica ...
Dat. Pictavis, VII idus septembris, anno secundo.
2010 – Pictavis, 9 nov. 1307
Concedit omnibus vere poenitentibus et confessis, qui priorissae et monialibus monasterii de Gratia beatae Mariae ord. s. Ben. Petragoricen. dioecesis ad sustentationem earum manus adiutrices porrexerint, centum dierum indulgentias (cap. 494, f. 103b).
Universis presentes litteras
inspecturis.
Quoniam ut ait apostolus ...
Dat. Pictavis, V idus novembris, anno secundo.
2067 – Avalliae, 13 aug. 1307
Faciant abbati monasterii Silvae Maioris ord. s. Ben. Burdegalen. dioec. eiusque successoribus ad facilius supportanda onera per priores de s. Pastore in tredecim, de Fornaco in decem et de Casbeosa i totidem scartis frumenti nec non et per priorissas de Rivuialdo in quinquaginta et de Pomaredo in totidem ac de Salvitate prioratuum monialium ord. s. Ben. Petragoricen., Agennen. et Caturcen. dioecesium ad idem monasterium spectantium in viginti solidis Turonen. parvorum in festo apostolorum Simonis et Iudae singulis annis pensionis nomine provideri (cap. 545, f. 113a).
Ven. fratri ... episcopo
Agennen. et dil. filiis ss. Fremerii ac Blasii montis (1) monasteriorum
abbatibus Vasaten. diocesis.
Inter monasteria singula ...
Dat. ut supra. (Avallie, Pictaven. dioc., idus augusti, anno secundo).
(1)
Ms. monos.
2069 – Avalliae, 13 aug. 1307
Mensae abbatiali adnectit et unit de Campaniis, de Porteto, de Lupiaco, de Mandraco, de Guibon, de Sorsaco, de Corraco, s. Martini de Sescars, de Salvitate, s. Silvani (?), de Penna, de Calazuno, de Pergrio, de Boga, de Monte, de Senguer, de Vernia, de Salvera, de Summaco, de Rayeto, s. Saturnini de Naunis, de Eschaomaco, de Campo Martini, de Lupchaco et de Pozonz prioratus necnon hospitale de Cannetis Burdegalen., Vasaten., Agennen., Aduren. et Petragoricen. dioecesium ad monasterium Silvae Maioris ord. s. Ben. pertinentes (cap. 547, f. 113b).
Dil. filio ... abbati
monasterii Silve Maioris ordinis s. Benedicti Burdegalen. dioecesis.
Inter monasteria singula ...
Dat. ut supra. (Avallie,
Pictaven. dioc., idus augusti, anno secundo).
2145 – Apud Fayolam, 2 aprilis
1307
Recipiat a Iohanne de Morines resignationem medietatis ecclesiae de s. Genesio Petragoricen. dioecesis conferatque illam Bertrando de Lavegaria, filio quondam Guillelmi Bertrandi de Relhaco, clerico eiusdem dioecesis (cap. 605, f. 126b).
Dil. filio Raymundo s. Marie
Nove diacono cardinali.
Cum sicut accepimus ...
Dat. apud Fayolam s. Iohannis Angeliacen. Xanctonen. diocesis, IIII non. aprilis, anno secundo.
2158 – Pictavis, 10 iul. 1307
Obtentu Raymundi, vicecomitis de Fronciaco, reservat eius clerico beneficium ecclesiasticum cum cura vel sine cura animarum, cuius reditus sexaginta librarum Turonensium parvorum secundum taxationem decimae annuum valorem non excedunt, non obstante quod ei de beneficio ecclesiastico curato vacante vel vacaturo, spectante ad collationem abbatis et capituli secularis ecclesiae de s. Austerio Petragoricen. dioecesis fuerit provisum (cap. 610, f. 128a).
Dil. filio Raymundo de Buscato
clerico Burdegalen. dioecesis.
Personam tuam ...
Dat. Pictavis, VI idus iulii, anno secundo.
2171 – Pictavis, 7 nov. 1307
Concedit ad triennium, ut archidiaconatum de Constantino, quem obtinet in ecclesia Constantien., per aliam quandam personam in sacerdotio constitutam valeat visitare (cap. 618, f. 130b).
Eidem. (dil. filio Bernardo de
Garno archidiacono de Constantino in ecclesia Constantien.)
Personam tuam tuis exigentibus ...
Dat. ut supra. (Pictavis, VII
idus novembris, anno secundo)
In eundem modum dil. filiis ... Silviniaci in Claromonten. et ... Marciani in Aduren ecclesiis archidiaconis et magistroPetro Geraldi canonico Petragoricen.
2226 – Pictavis, 6 sept. 1307
Indulget Raymundo, ut, ubicunque moram traheret, fructus, reditus et proventus praebendarum, quas in Burdegalen., Vasaten., Lincolnien. et b. Mariae Swellen. ac thesaurariae, quam in s. Michaelis de Regula ecclesiis obtinet, nec non ecclesiae de Orpintona Eboracen., Vasaten. et Roffen. dioecesium usque ad triennium ea cum integritate valeat percipere, quacun illos perciperet, si personaliter resideret in eisdem ecclesiis (cap. 655, f. 139a).
Dil. filio Raymundo de Pinibus
canonico Burdegalen.
Personal tuam ...
Dat. Pictavis, VIII idus septembris, anno secundo.
In eundem modum dil. filiis abbati monasterii s. Fremerii Vasaten. dioecesis et archidiacono de Nontronio in ecclesia Lemovicen, ac Petro Amalvini canonico Burdegalen.
2235 – Burdegalis, 10 mart.
1307
Confirmat, quod ad archiepiscopum Burdegalen. et successores eius in castro Montisrevelli Petragoricen. dioecesis eiusque territorio et districtu pertinet castellania et merum et mixtum imperium ac iurisdictio omnimoda, de cuius castri et castellaniae territorio inter cetera sunt locus s. Aviti de Fumaderiis, qui alias dicitur Salvitas s. Aviti, et parochia dicti loci et s. Iohannis de Bonavilla, et mandat infrascriptis, ut archiepiscopum et successores eius inducant in possessionem iurisdictionis in castro, territorio, districtu et castellania praedictis contra praeceptorem et fratres hospitalis s. Iohannis Ierosolimitani de Fumaderiis dictae dioecesis, qui in dicto loco s. Aviti de Fumaderiis et parochia eiusdem loci et s. Iohannis de Bonavilla iurisdictionem iniuste conati fuerunt et adhuc conantur vendicare, et eis efficacis defensionis assistant praesidio imponentes tam praeceptori et fratribus, quam omnibus aliis silentium perpetuum (cap. 663, f. 140b).
Ven. fratri ... episcopo
Baionen. et dil. filiis ... Aduren. et Vasaten. ecclesiarum archidiaconis.
Officii nostri debitum ...
Dat. Burdegalis, VI idus martii, anno secundo.
2239 – Apud Forestariam s.
Iohannis Angeliacen., 3 apr. 1307
Recipiat ab Arnaldo, rectore ecclesiae de Pontiacho Petragoricen. dioecesis, resignationem dictae ecclesiae et conferat illam Bernardo de Classello, presbytero praedictae dioecesis (cap. 666, f. 141b).
Dil. filio Raymundo s. Marie
Nove diacono cardinali.
Cum sicut accepimus ...
Dat. apud Forestariam s. Iohannis Angeliacen. Xanctonen. diocesis, III nonas aprilis, anno secundo.
Anni secundi
2262 – Apud Villandradum, 18
ianuarii 1307
Ad componendas quaestiones appellationum super collatis beneficiis Bernardus Royardi auditor causarum constitutus fuit. Hisce statuitur, ut praeter illum appellari liceat ad abbatem monasterii Fontisfrigidi Cistercien. ordinis Narbonnen. dioecesis, a quo denique ad P(etrum) electum Palentinum, s. Romanae ecclesiae vicecancellarium, tantum liceat appellari (cap. 16, f. 147b).
Ad perpetuam rei memoriam.
Ad nostram dudum ex multorum querelis perducto notitiam, quod nonnulli, qui gratias super canonicatibus, prebendis, personatibus, dignitatibus, ecclesiis parrochialibus, officiis, administrationibus ac aliis beneficiis ecclesiasticis cum cura vel sine cura obtinuerunt a nobis a tempore promotionis nostre usque ad festum Omnium Sanctorum secundo preteritum quamplures et diversas patiebantur iniurias multeque ac diverse cause et questiones appellationum et principalium negotiorum coram diversis iudicibus in curia Romana et extra tam super dictis gratiis quam super subsecutis ex eis et eorum occasione movebantur eisdem, ac ipsi contra alios pro suorum movere defensione iurium cogebantur, nos volentes obviare malitiis et causas ac questiones huiusmodi sub compendio terminari, mandavimus et commisimus dilecto filio magistro Bernardo Royardi, capellano nostro et nostri palatii auditori causarum, ut omnes causas et questiones et negotia supradicta et ea contingentia, etiam si alias non essent de sui natura in curia predicta tractande seu tractanda, audiret de plano summarie sine strepitu et figura iudicii et eas ac ea quanta brevitate posset decidere ac determinare curaret, non obstantibus commissionibus quibuscunque personis factis super predictis in curia prelibata et processibus habitis coram eis, etiam si ad litis contestationem, articulorum dationem, instrumentorum et testium productionem et alias qualitercunque in eis citra diffinitivam sententiam, a qua appellatum non esset, fuisset processum, ita tamen quod causas commissas aliis resumeret in eo statu, in quo erant coram eis. Dedimus quoque ipsi auditori potestatem citandi etiam personaliter per litteras suas quascunque personas etiam extra prefatam curiam existentes ad eandem curiam super predictis, prout et quando expedire putaret. Verum quia ex nimia prorogatione causarum consueverunt inter litigantes gravia dispendia provenire, nos volentes huiusmodi salubriter obviare dispendiis, auctoritate apostolica statuimus, ut omnes causas appellationum et negotiorum principalium super premissis interpositas hactenus, et que interponentur imposterum, ab audientia predicti auditoris super quibuscunque gravaminibus vel interlocutoriis seu diffinitivis sentientiis dilectus filius abbas monasterii Fontisfrigidi Cisterciensis ordinis Narbonensis diocesis, de cuius scientia, diligentia et circumspectione confidimus et quem in eis deputamus generaliter et specialiter auditorem, de plano similiter ac summarie sine iudicii strepitu et figura audiat et quanto celerius poterit, terminet et decidat quibuscunque commissionibus quibusvis personis factis super ipsis in curia memorata et habitis coram eis processibus, si etiam ad contestationem litis, dationem articulorum, productionem instrumentorum et testium et qualitercunque alias citra sententiam diffinitivam, a qua non sit appellatum, processum extiterit in eisdem, sic tamen quod dictus abbas commissas aliis causas in eo statu resumat, in quo coram eis esse noscuntur, dantes eidem citandi similem potestatem. Si autem ab eodem abbate super hiis denuo appelletur, omnes et singulas causas appellationum et negotiorum principalium, que a suis processibus et sententiis emittentur, dilectus filius, P. electus Palentinus sancte Romane ecclesie vicecancellarius, quem ad id sub infrascripta forma ex certa scientia deputamus ex nunc generaliter et specialiter auditorem, de plano similiter summarie sine strepitu et figura iudicii audiat et utriusque auditorum predictorum legitimis servatis processibus decidat atque diffiniat prout viderit expedire, a cuius processibus et sententiis non liceat appellari, et ut sui processus et sentientie eo plenius in soliditate procedant, quo ipse per nos fuerit maiori auctoritate munitus, precipiendi quod decreverit in premissis executioni mandari, necnon contradictores per censuram ecclesiasticam appellatione postposita compescendi, per nostras in consueta forma litteras plena sit ei ex nunc attributa potestas.
Dat. apud Vignandraldum, XV kal. februarii, anno secundo.
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVI (1886)
tome II
Annus tertius
(Regestorum Vol.
LV)
2312 – Pictavis, 1 dec. 1307
Mandat executoribus, ut Richardum de Hoton, priorem ecclesie Dunelmen., ordinis s. Benedicti, quem olim certis ex causis ab administratione bonorum spiritualium et temporalium suspenderat, quam administrationem postmodum Antonio patriarchae Ierosolimitano episcopo Dunelmen. commiserat, restituant ad ipsius administrationis pristinam potestatem et faciant, ut capitulum dictae ecclesiae et alii subditi in his, quae ad administrationem pertinent, obediant eidem priori (cap. 10, f. 2b).
Ven. fratri ... archiepiscopo
Eboracen. et dil. filiis archidiacono de Notingham Eboracen. ac magistro Hugoni
Geraldi cantori Petragoricen. ecclesiarum capellano nostro.
Olim ex certis causis ...
Dat. Pictavis, kal. decembris, anno tertio.
2331 – Apud Laureum montem, 7
nov. 1308
Consideratione Raymundi, sanctae Mariae Novae diaconi cardinalis, confert capellano et familiari eius archidiaconatum Londoniarum curam animarum habentem et canonicatum et praebendam in ecclesia Londonien., per mortem Iohannis de Redafort vacantes, non obstante quod super praedicta praebenda inter praefatum magistrum Iohannem, dum viveret, et magistrum Petrum de Doen lis esset exorta, quae apud sedem apostolicam pendebat et indecisa remansit, vel quod in ecclesia Petragoricen. canonicatum et praebendam et prioratum de Landerroato Vasaten. et duas partes decimae ecclesiae seu parochiae de Danzemey Petragoricen. dioecesium obtineat (cap. 25, f. 5b).
Dil. filio Begoni de Cavomonte
archidiacono Londoniarum et canonico ecclesia Londonien.
Nobilitas generis honestas morum ...
Dat. apud Laureaummontem Burdegalen. diocesis, VII idus novembris, anno tertio.
In eundem modum dil. filiis ... priori Senacho Petragoricen. dioecesis et Pictavien. ac Aranen. Convenarum archidiaconis ecclesiarum.
2413 – Pictavis, 11 dec. 1307
Mandat executoribus, ut conferant medietatem parochialis ecclesiae de s. Genesio Petragoricen. dioecesis, quae per duos consueverat gubernari rectores et clericis secularibus assignari, et quae, etiamsi spectet alias ad collationem seu praesentationem abbatis monasterii de s. Amando ordinis s. Augustini praedictae dioecesis, tamen tanto tempore vacaverat, ut de iure secundum Lateranensis concilii statuta eius collatio sit ad sanctam sedem legitime devoluta, Geraldo eiusdem loci de s. Genesio rectori ecclesiae de Ayrenvilla Petragoricen. dioecesis cum omnibus iuribus et pertinentiis suis, non obstante quod idem quasdam decimas in parochiis de Monmornes et s. Perdulpho praefatae dioecesis obtineat (cap. 104, f. 20b).
Dil. filiis ... abbati de s.
Asterio ac priori de s. Avito Seniori secularium Petragoricen. diocesis et
Galhardo de Monte Incenso canonico Petragoricen. ecclesiarum.
Illos libenter favore ...
Dat. Pictavis, III idus decembris, anno tertio.
2418 – Pictavis, 5 febr. 1308
Annuens supplicationibus abbatissae et conventus monasterii sanctae Trinitatis Pictavien. ordinis s. Benedicti, quarum reditus et proventus adeo sunt tenues, ut ipsae nequeant ex eis aliquatenus sustentari, mandat executoribus, ut quatuor ecclesias, quas abbatissa et conventus praedictae eis duxerint nominandas et in quibus ipsas communiter vel divisim patronatus ius obtinent, eidem monasterio uniant, unam earum videlicet mensae abbatissae, reliquas vero tres conventus praedictarum usibus ita, ut cedentibus vel decedentibus rectoribus earundem ecclesiarum abbatissa et conventus possessionem ipsarum apprehendere ac earum fructus, reditus et proventus huiusmodi usibus valeant applicare, reservatis tamen ex earum proventibus congruis portionibus vicariis in ipsis perpetuo servituris ac dioecesanorum et aliorum ordinariorum iuribus (cap. 109, f. 21b).
Dil. filio ... abbati novi
monasterii et ... decano s. Ylarii Pictaven., ac magistro Bernardo Roiardi
archidiacono Xanctonen. ecclesiarum.
Inter cetera que ...
Dat. Pictavis, nonas februarii, anno tertio.
2426 – Pictavis, 22 nov. 1307
Confirmat Aremburgi et Marquesiae, quae triennio iam elapso religionis habitum assumpserunt, aliisque sororibus et conventui monasterii s. Clarae Petragoricen. locum in villa Rupellae Santonen. dioecesis, quem eis Philippus rex Franciae contulerat, et statuit, ut in eo regula s. Clarae iuxta modum aliarum sororum monasteriorum ducatus Aquitaniae regulam profitentium antedictam perpetuis temporibus observetur (cap. 117, f. 23a).
Dil. in Christo filiabus
Aremburgi sorori dilecti filii nobilis viri Helie comitis Petragoricen. et
Marquesie filie dicti comitis aliisque sororibus et conventui monasterii sancte
Clare Petragoricen. ordinis eiusdem sancte.
Ad celestes delicias ...
Dat. Pictavis, X kal. decembris, anno tertio.
Donnée : Collection Périgord, vol. 35, fol. 10 v°
2427 – Pictavis, 22 nov. 1307
Mandat, ut aliquos idoneos fratres ordinis fratrum Minorum ad villam de Rupella, quam Ayremburgis, soror, et Marquesia, filia Heliae comitis Petragoricen., una cum aliis sororibus monasterii s. Clarae Petragoricen. acquisiverunt et in eadem sub dicta regula Domino famulantur, deputent ad visitandum easdem sorores ac ministrandum eis ecclesiastica sacramenta (cap. 118, f. 23b).
Dil. filiis ... generali et
provinciali provincie Turonen. ministris ordinis fratrum Minorum.
Cum dilecte in Christo ...
Dat. ut supra. ( Pictavis, X kal. decembris, anno tertio).
2477 – Pictavis, 26 febr. 1308
Confirmat concessionem decimae de Rivocavo Agennen. dioecesis, quam quondam Bernardus de Bovisvilla obtinebat, a monasterio de Boscocavo factam Amanevo de Lasinhaco, clerico Vasaten. dioecesis, sub certa annua pensione, quae decima eodem cedente vel decedente ad monasterium reservatur (cap. 168, f. 32b).
Dil. filiis ... abbati et
conventui monasterii de Boscocavo Cistercien. ordinis Petragoricen. diocesis.
Cum sicut oblata nobis ...
Dat. Pictavis, V kal. martii, anno tertio.
Donnée : Collection Périgord, vol. 33, fol. 160 r°
2491 – Pictavis, 22 nov. 1307
Annuens supplicationibus Heliae, comitis Petragoricen., confirmat infrascriptis permutationem cuiusdam medietatis decimae in parochia ecclesiae s. Laurentii de Prador Petragoricen. dioecesis, quae in terra sue iurisdictionis existit nec non medietatis Quarterii reliquae decimae, quam idem acquisivit a Raymundo Calculii seniore eiusque filio Raymundo Calculi iuniore, laicis eiusdem dioecesis, cum quibusdam reditibus monasterii s. Clarae Petragoricen. in recompensam illarum decimarum (cap. 182, f. 34b).
Dilectis in Christo filiabus
Ayremburgi sorori dil. filii nobilis viri Helie comitis Petragoricen. abbatisse
et Marquesie filie dicti comitis aliisque sororibus et conventui monasterii s.
Clare Petragoricen. ordinis eiusdem s. Clare.
Cum sicut oblata nobis ...
Dat. Pictavis, X kal. decembris, anno tertio.
2572 – Pictavis, 9 apr. 1308
Inter Gaufridum de Ponte dominum de Rybairiaco Petragoricen. dioecesis et Audoynum episcopum Petragoricen. super iurisdictione temporali Burgi de Lamans eiusdem dioecesis erat quaestio exorta, in cuius occasione episcopus in Gaufridum, uxorem, liberos et familiares eius ac eidem adhaerentes excommunicationis et in eius terram interdicti promulgaverat sententias. Appellante Gaufrido ad sedem apostolicam Clemens pp. V Petrum de Columna, s. Romanae ecclesiae diaconum cardinalem, auditorem deputavit, et, ne ex prorogatione causae nimium immineat detrimentum, relaxat usque ad quatuor menses proxime completos excommunicationis et interdicti sententias, mandans episcopo, ut ad colloquium super his infra tres septimanas post instans Resurrectionis dominicae festum personaliter coram sede apostolica appareat (cap. 258, f. 48a).
Venerabili fratri Audoyno
episcopo Petragoricen.
Ex tenore petitionis ...
Dat. Pictavis, V idus aprilis, anno tertio.
In eundem modum dil. filiis ... abbati secularis ecclesiae Albaterren. Petragoricen. dioecesis et Guidoni de Turribus archidiacono de Nontronio in ecclesia Lemovicen. ac magistro Heliae Roberti canonico Petragoricen.
Donnée : Collection Périgord, vol. 31, fol. 16 r°
2574 – Pictavis, 2 mart. 1308
Annuens supplicationibus episcopi et capituli ecclesiae Pictavien. confert Iohanni, Raymundi s. Mariae Novae diaconi cardinalis camerario, unum canonicatum ecclesiae Pictavien., praebendam vero ac dignitatem seu personatum vel officium in ipsa ecclesia vacantes vel mox vacaturos ei reservans, non obstante quod in Nannecten. archidiaconatum Mediae et in ea ac Aurelianen., s. Martini Turonen. et Swellen. Eboracen. dioecesibus canonicatus et praebendas ac prioratum de Ayraut Petragoricen. diocesis et in dioecesi Convenarum quasdam portiones, quae scolastriae vulgariter nuncupantur, obtineat ac in ipsa ecclesia s. Martini dignitatem expectet (cap. 260, f. 48b).
Dil. filio magistro Iohanni de
Ferreria canonico Pictaven. capellano nostro.
Matris ecclesie circumspecta benignitas ...
Dat. Pictavis, VI nonas martii, anno tertio.
In eundem modum dil. filiis ... abbati monasterii Nobiliacen. Pictavien. dioecesis et ... de Salnes Compostellan. ac Avalonen. Eduen. ecclesiarum archidiaconis.
2579 – Pictavis, 24 ian. 1308
Confertur Raymundo domus Dei de Poligniaco subiecta domui Montis Maurilii Pictavien. dioecesis, de cuius proventibus ad centum librarum Turonen. parvorum summam iuxta verum valorem annuatim ascendentibus decima non solvitur, sed certa exhibetur pensio ex eis domui Montis Maurilii, et in qua non pauperes, sed praeceptor cum fratribus commorantur, consueta fratribus signum domus Montis Maurilii solitum deferentibus assignari, per assumptionem Gaucelini ipsius praeceptoris in domus Montis Maurilii priorem vacans cum omnibus iuribus, etsi signum dictae domus, cuius existit frater, nondum susceperit. Teneatur Raymundus eandem solitam pensionem priori et fratribus domus Montis Maurilii pro domo de Poligniaco solvere annuatim, recipiat signum praedictum a priore et deferat ipsum et habitum fratribus domus Montis Maurilii consuetum (cap. 265, f. 50a).
Dil. filio Raymundo Lobeti
preceptori domus de Poligniaco Lemovicen. diocesis.
Devotionis tur sinceritas ...
Dat. Pictavis, VIIII kal. februarii, anno tertio.
In eundem modum dil. filiis ... Nobiliacen. et ... s. Savini Pictavien. dioecesium monasteriorum abbatibus ac Guidoni de Turribus archidiacono de Nontronio in ecclesia Lemovicen.
2605 – Pictavis, 23 mart. 1308
Conceditur Heliae, ut aliquem, quem voluerit, presbyterum idoneum in suum valeat eligere confessarium (cap. 286, f. 54a).
Dil. filio nobili viro Helie
Talayrandi comiti Petragoricen.
Personam tuam tue devotionis ...
Dat. Pictavis, X kal. aprilis, anno tertio.
Donnée : Collection Périgord, tome 28, f. 4 r°
2606 – Pictavis, 23 mart. 1308
Conceditur eidem facultas habendi altare portatile ac faciendi super eo divina officia celebrari (cap. 286, f. 54a).
Eidem (Dil. filio nobili viro
Helie Talayrandi comiti Petragoricen.)
Devotionis tue precibus inclinati ...
Dat. ut supra (Pictavis, X kal. aprilis, anno tertio).
2607 – Pictavis, 23 mart. 1308
Obtentu Heliae Talayrandi comitis Petragoricen. indulgetur sorori eius Ayremburgi et Marquesiae, filiae eius, ordinis s. Clarae Petragoricen. ut ratione infirmitatis dicti comitis necnon pro negotiis earum ordinis promovendis septa monasterii cum societate decenti aliarum monialium honestarum earum ordinis, quas ad hoc de licentia provincialis ministri vel custodis ordinis fratrum Minorum elegerint, valeant exire (cap. 287, f. 54a).
Dil. in Christo filiabus
Ayremburgi germane dil. filii nobilis viri Helye Talayrandi comitis
Petragoricen. abbatisse et Marquesie filie dicti comitis sorori monasterii s.
Clare Petragoricen. ordinis eiusdem sancte.
Cum sicut ex parte ...
Dat. ut supra (Pictavis, X kal. aprilis, anno tertio).
Donnée : Collection Périgord, vol. 9, Chapitre VII, armoire de Périgord, liasse 1ère. (AD 64, E 616).
2608 – Pictavis, 23 mart. 1308
Obtentu Heliae Talayrandi comitis Petragoricen. indulgetur Iterio, ut usque ad triennium monasteria, loca et personas ecclesiasticas sui archidiaconatus de Duppla, quem in Petragoricen. ecclesia obtinet, per aliquam personam idoneam valeat visitare ac debitas procurationes in pecunia numerata exigere et recipere (cap. 288, f. 54a).
Dil. filio Iterio de
Vallesecura archidiacono de Duppla in ecclesia Petragoricen.
Volentes tibi ex tuorum ...
Dat. ut supra (Pictavis, X kal. aprilis, anno tertio).
In eundem modum dil; filiis ... archidiacono de Ultradordonia et ... cantori ac Fortanero Massela canonico ecclesiae Petragoricen.
2609 – Pictavis, 23 mart. 1308
Obtentu Heliae Talayrandi comitis Petragoricen. indulgetur Lamberto, ut monasteria, loca et personas ecclesiasticas sui archidiaconatus de Ultradordonia, quem in ecclesia Petragoricen. obtinet, usque in triennium per aliquam personam idoneam valeat visitare ac procurationes debitas in pecunia numerata recipere (cap. 289, f. 54a).
Dil. filio Lamberto de
Petragoris archidiacono de Ultradordonia in ecclesia Petragoricen.
Volentes etc. ...
Dat. ut supra (Pictavis, X kal. aprilis, anno tertio).
In eundem modum dil. filiis ... abbati seculari de s. Asterio et ... archipresbytero de Bellovidere Petragoricen. dioecesis ac ... scolastico Petragoricen. ecclesiarum.
2611 – Pictavis, 23 mart. 1308
Consideratione Heliae Talayrandi comitis Petragoricen. confertur consanguineo eius archidiaconatus Sarlaten. in ecclesia Petragoricen. per obitum Bernardi de Bovisvilla ad praesens vacans cum omnibus iuribus et pertinentis suis, non obstante quod in de s. Asterio et de Albaterra ecclesiis canonicatus et praebendas necnon ecclesiam de Sengayraco curam animarum habentem Petragoricen. dioecesis obtineat ac in ecclesia Petragoricen. sub expectatione praebendae in canonicum sit receptus (cap. 291, f. 54b).
Dil. filio Helye de Petragoris
archidiacono Sarlaten. in ecclesia Petragoricen.
Suffragantia tibi multiplicia merita ...
Dat. Pictavis, X kal. aprilis, anno tertio.
In eundem modum dil. filiis ... abbati monasterii de Cancellata Petragoricen. et ... cantori Petragoricen. ac ... archipresbytero de Bellovidere Petragoricen. dioecesis ecclesiarum.
2612 – Pictavis, 23 mart. 1308
Obtentu Heliae Talayrandi comitis Petragoricen. indulgetur filio eius, ut, etsi dumtaxat obtineat tonsuram clericalem, proventus praebendae suae in ecclesia s. Caprasii Agennen., cui onus ordinis subdiaconatus est adnexum, valeat in absentia usque ad triennium percipere, quin ad residentiam personalem in dicta ecclesia vel ad recipiendum ordinem dictum possit coarctari (cap. 292, f. 54b).
Dil. filio Helie Talayrandi
canonico ecclesie s. Caprasii Agennen.
Exigunt non solum ...
Dat. Pictavis, X kal. aprilis, anno tertio.
In eundem modum dil. filiis ... priori de Alayraco Agennen. dioecesis et ... archidiacono de Ultradordonia ac ... cantori ecclesiae Petragoricen.
2614 – Pictavis, 21 dec. 1307
Mandatur, ne permittat, ut magister et fratres hospitalis s. Iohannis Ierosolimitani a nonnullis in eorum personis ac bonis molestentur, et assistat eisdem efficacis praesidio defensionis (cap. 294, f. 55b).
Dil. filio ... abbati
monasterii Sarleti (sic) Petragoricen. diocesis.
Et si cunctos ...
Dat. Pictavis, XII kal. ianuarii, anno tertio.
In eundem modum pro eisdem magistro et fratribus dil. filio ... abbati monasterii Montisolivi Carcassonen. dioecesis.
In e. m. pro eisdem dil. filio ... abbati monasterii s. Saturnini Tolosan. dioecesis.
In e. m. pro eisdem venerabili fratri ... episcopo Neocastren.
In e. m. pro eisdem dil. filio ... abbati monasterii s. Pontii Thomeriarum Narbonnen. dioecesis.
In e. m. dil. filio ... abbati monasterii s. Aegidii de s. Aegidio Nemausen. dioecesis.
In e. m. venerabili fratri ... episcopo Loteven.
Dat. Pictavis, XII kal. februarii, pontificatus nostri anno tertio.
2624 – Pictavis, 27 dec. 1307
Concedit facultatem recipiendi ab Arnaldo de Chavello, rectore ecclesiae s. Desiderii Petragoricen. dioecesis, resignationem eiusdem ecclesiae eamque conferendi Petro de Bastida, clerico dictae dioecesis (cap. 305, f. 57b).
Dil. filio Bertrando de Bordis
decano ecclesie Anicien. camerario nostro.
Cum sicut accepimus ...
Dat. Pictavis, VI kal. ianuarii, anno tertio.
2645 – Pictavis, 16 apr. 1308
In recompensationem servitiorum ecclesiae Burdegalen., cuius Geraldus existit vasallus, impensorum tres petias terrarum consistentium in territorio castri de Biquarupe Petragoricen. ad Burdegalen. ecclesiam pertinentis, quae existunt de demanio ipsius ecclesiae, quarum una in parochia ecclesiae de Cabanas iuxta coemeterium eiusdem ecclesiae de Cabanas et terram Petri Bruneti clerici a duabus partibus, altera vero vulgariter appellata Alpelegrine inter casale eiusdem ecclesiae de Cabanas ex parte una et iter publicum ex altera, tertia vero in eadem parochia iuxta territorium abbatis monasterii de Cadonh et terram heredum Berardi Albas existunt, quae petiae terrarum sex sextariorum mensuram minime excedunt, concedit eidem Geraldo eiusque heredibus et successoribus sub annuo censu seu reditu sex solidorum usualis monetae domino illius castri annis singulis solvendorum (cap. 326, f. 61b).
Dil. filio Geraldo Bosqueti de
Biquarupe laico familiari nostro Petragoricen. diocesis.
Attendentes grata et accepta servitia ...
Dat. Pictavis, XVI kal. maii, anno tertio.
2672 – Pictavis, 8 mart. 1308
Galhardo de s. Asterio, rectore ecclesiae Rupis Pinae Petragoricen. dioecesis, consanguineo Heliae Talayrandi, comitis Petragoricen., ecclesiam suam in manibus Iohannis, camerarii summi pontificis, resignante mandatur, ut recipiat etiam a Raymundo de Castellione resignationem canonicatus et praebendae dimidiae in Pictavien. ecclesia necnon ecclesiae s. Petri de Marchadisio Agennen., cuius rector existit, conferatque personis idoneis canonicatum et praebendam ac ecclesiam s. Petri uni, alteri vero ecclesiam Rupis Pinae (cap. 352, f. 65b).
Dil. filio Raymundo s. Marie
Nove diacono cardinali.
Ex tenore petitionis ...
Dat. Pictavis, VIII idus martii, anno tertio.
2680 – Pictavis, 28 mart. 1308
Per obitum Arnoldi de Bovisvilla archidiaconatum ecclesiae Petragoricen. tanto tempore vacantem, ut eius collatio ad sedem apostolicam sit devoluta, confert Heliae, non obstante quod abbatiam secularis ecclesiae Albaterren., parochialem ecclesiam Burginemoris et prioratum de s. Raphaele ac capellam de Vanduno Petragoricen. dioecesis obtineat et in ipsa Petragoricen., ac Melden. ecclesiis sub expectatione praebendarum vacaturarum in canonicum sit receptus (cap. 359, f. 67b).
Dil. filio Helie de Lafaya
archidiacono in ecclesia Petragoricen. capellano nostro.
Tue merita probitatis ...
Dat. Pictavis, V kal. aprilis, anno tertio.
In eundem modum dilectis filiis ... archidiacono Santonen. et cantori Albaterren. Petragoricen. dioecesis ac Alberto de Anzelhaco eiusdem Santonen. canonico ecclesiarum.
2691 – Pictavis, 5 apr. 1308
Consideratione Raymundi, vicecomitis de Fronsiaco, pridem providit clerico eius de beneficio ad cuiuscunque collationem spectante et in civitate vel dioecesi Burdegalen. vacante aut vacaturo, cuius proventus sexaginta librarum Turonen. parvorum secundum taxationem decimae valorem annuum non excederent, et dein iterum de beneficio vacante vel vacaturo spectante ad collationem abbatis et capituli secularis ecclesiae de s. Asterio Petragoricen. dioecesis. Hisce dispensat, ut duo illa beneficia, cum ea fuerit assecutus, retinere valeat (cap. 365, f. 68b).
Dil. filio Raymundo de Buscato
clerico Burdegalen. diocesis.
Merita tue probitatis ...
Dat. Pictavis, nonas aprilis, anno tertio.
2713 – Pictavis, 21 mart. 1308
Indulget ad triennium, ut archidiaconatum suum Albaterren. in ecclesia Petragoricen., cuius annui reditus valorem centum solidorum Turonen. vix excedunt salvis procurationibus, quae sexaginta procurationum numerum non attingunt, possit visitare per alium procurationesque debitas in pecunia numerata recipere ac exigere moderatas (cap. 385, f. 73b).
Dil. filio Guillelmo de Podio
Rudelli archidiacono Albaterren. in ecclesia Petragoricen.
Meritis tue devotionis ...
Dat. Pictavis, XII kal. aprilis, anno tertio.
In eundem modum dilectis filiis ... b. Mariae de Cancellata et b. Mariae de Borneto Engolismen. et Petragoricen. dioecesium monasteriorum abbatibus ac ... archidiacono Santonen.
2747 – Pictavis, 28 mart. 1308
Archambaldus, qui, licet prior prioratus secularis ecclesiae s. Caprasii Agennen. qui est pro tempore, ex ipsius ecclesiae statutis se teneatur infra annum a tempore assecutionis eiusdem ad sacerdotium facere promoveri, eundem prioratum assecutus per decem menses et ultra tenuit ac possedit, quin se fecerit ad aliquem sacrum ordinem promoveri dispensatione super hoc non obtenta. Dispensatur itaque cum illo, ut usque ad quinquennium ratione ipsius prioratus non teneatur ad presbyteratus vel aliquem sacrum ordinem promoveri indulgeturque, ut fructus duarum praebendarum, quos ratione eiusdem prioratus in eadem ecclesia esset residendo ibi personaliter iuxta ipsius ecclesiae statuta et consuetudinem percepturus, in absentia sua usque ad triennium percipere valeat, ac si personaliter resideret et esset in sacerdotio constitutus ac faceret, quae officio prioratus incumbunt, nec interim ad faciendum in ipsa ecclesia personalem residentiam teneatur (cap. 417, f. 78a).
Dil. filio Archambaldo nato
quondam Archambaldi comitis Petragoricen. capellano nostro priori secularis
ecclesie s. Caprasii Agennen.
Dum conditiones et merita ...
Dat. Pictavis, V kal. aprilis, anno tertio.
In eundem modum dilectis filiis ... de Duppla et ... de Parlato (sic) Petragoricen. archidiaconis ac Grimoardo de Altis Vineis canonico Agennen. ecclesiarum.
2748 – Pictavis, 28 mart. 1308
Archambaldo pridem contulit canonicatum ecclesiae Parisien. ac praebendam integram non sacerdotalem nulli alii de iure debitam, etiamsi apud sedem apostolicam tunc vacaret, si vero nulla talis praebenda tunc ibi vacabat, similem proximo in eadem ecclesia vacaturam, etiamsi apud eandem sedem vacare illam contingeret, conferendam ei reservavit, omnibus eum praebendas in ipsa ecclesia expectantibus praeferendo. Cum vero postmodum de pluribus praebendis, quae in illa ecclesia vacaverunt, de quarum aliquibus sibi per executores suos provideri fecit, auctoritate apostolica aliis fuerit provisum, Archambaldus litigiorum anfractus evitare cupiens supplicavit, ut sibi in hac parte provideretur. Conceditur itaque, ut non obstantibus provisionibus de illis praebendis ei factis, quas prosequi minime teneatur, de alia ipsius ecclesiae praebenda, si ex tunc vacavit aut nunc vacat proxime vacatura sibi possit per suos executores facere provideri utque per impetrantes post eum vel expectantes praebendas in eadem ecclesia nulla ei super hoc valeat impingi negligentia (cap. 417, f. 78b).
Dil. filio Archambaldo nato
quondam Archambaldi comitis Petragoricen. capellano nostro canonico Parisien.
Laudabilia tue nobilitatis ...
Dat. ut supra (V kal. aprilis, anno tertio).
2777 – Pictavis, 1 mart. 1308
Concedit facultatem recipiendi a Guidone de Turribus resignationem prioratus de Ponteromago consueti clericis secularibus assignari Petragoricen. dioecesis eumque conferendi Iohanni Labessiera, clerico Caturcen. dioecesis, non obstante quod idem prioratum de Fraysheto Caturcen. dioecesis, qui non est dignitas nec personatus seu simplex beneficium, obtineat (cap. 440, f. 83b).
Dil. filio Raymundo s. Marie
Nove diacono cardinali.
Cum dilectus filius ...
Dat. Pictavis, kal. martii, anno tertio.
2800 – Pictavis, 14 febr. 1308
Recipiat a Guidone de Turribus, canonico Tornacen., et Bernardo de Cacheu, priore prioratus de Bruile Caturcen. dioecesis, resignationem beneficiorum suorum et conferat Guidoni prioratum, Bernardo vero canonicatum et praebendam, non obstante quod Guido canonicatum et praebendam ac archidiaconatum de Nontronio in ecclesia Lemovicen. et praeposituram de Clergor. ac de Bonaco et de Ponteromeo prioratus, Bernardus vero in de Nigella et de Mellaco Lemovicen., Petragoricen., Noviomen. et Beluacen. dioecesium canonicatus et praebendas ac in ipsa de Nigella decanatum et in Ambianen. ecclesiis et in capella castri dicti loci de Nigella quasdam perpetuas capellanias obtineant (cap. 457, f. 87a).
Dil. filio Raymundo sancte
Marie Nove diacono cardinalis.
Cum sicut ex parte ...
Dat. Pictavis, XVI kal. martii, anno tertio.
2804 – Pictavis, 17 apr. 1308
Indulget ut studendo in iure canonico vel civili fructus praebendae suae, quam in ecclesia de Rupe Bovis Curti Petragoricen. dioecesis obtinet, valeat usque in triennium percipere, quin personaliter in eadem ecclesia ad residendum teneatur (cap. 261, f. 88b).
Dil. filio Bernardo de
Castellione canonico ecclesie de Rupe Bovis Curti Petragoricen. dioecesis.
Merita tue devotionis exposcunt ...
Dat. Pictavis, XV kal. maii, anno tertio.
In eundem modum dil. filiis ... abbati monasterii de Albaterra Petragoricen. dioecesis ac ... archidiacono Petragoricen. et Gualhardo de s. Asterio canonico Pictavien.
2820 – Lugudiaci, 3 apr. 1308
Recipiat a Petro Maioli, rectore ecclesiae s. Frontonis Petragoricen. dioecesis, resignationem decimae de Romanha Vasaten. dioecesis et conferat eandem alicui personae idoneae, etiamsi alias existat beneficiata (cap. 473, f. 90b).
Dil. filio Raymundo sancte
Marie Nove diacono cardinali.
Cum sicut accepimus ...
Dat. Lugusiaci Pictaven. diocesis, III nonas aprilis, anno tertio.
2897 – Pictavis, 10 aug. 1308
Concedit, ut castrum seu domum s. Aviti de Fumateriis Petragoricen. dioecesis, quod ei Fulco de Villareto, magister hospitalis s. Iohannis Ierosolimitani, pro se et succesoribus suis cum omnibus iuribus et pertinentiis suis, prout ad idem hospitale pertinent, donaverat ad dies vitae, possidere valeat (cap. 544, f. 106b).
Dil. filio Augerio de Balfada
militi Burdegalen. diocesis.
Cum a nobis petitur ...
Dat. Pictavis, IIII idus augusti, anno tertio.
2899 – Pictavis, 23 iul. 1308
Recipiat a magistro Iohanne de Ferreria, canonico Aurelianen. capellano summi pontificis ac executoris camerario, et magistro Iohanne de Sanctolio, canonico Carnoten., resignationem beneficiorum suorum et conferat Iohanni de Sanctolio canonicatum et praebendam in ecclesia Aurelianen., Iohanni de Ferreria vero decimam de Pinolio et de Altaripa Agennen. dioecesis, non obstante quod Iohannes de Ferreria in Nannecten. archidiaconatum Mediae ac in ea, s. Martini Turonen. et Suwellen. Eboracen. dioecesis ecclesiis canonicatus et praebendas ac prioratum de Ayraut Petragoricen. et in dioecesi Convenarum quasdam portiones, quae scolastriae vulgariter nuncupantur, et prioratum de Veneto Pictavien. dioecesis nomine pensionis ab abbate monasterii s. Florentii de Salmuro ordinis s. Benedicti Andegaven. dioecesis obtineat ac in Pictavien. in canonicum sit receptus et in ea praebendam et dignitatem seu personatum ac etiam in praedicta s. Martini ecclesiis dignitatem expectet vacaturas, Iohannes de Sanctolio autem in Carnoten. canonicatum et praebendam et in s. Petri Puellarum Aurelianen. ecclesiis decanatum similiter obtineat, seu quod idem Iohannes de Sanctolio Arnaldo quondam episcopo Agennen. dicatur promisisse tempore, quo sibi de praedicta providerat decima, quod ipso magistro Iohanne cedente vel decedente non procuraret per se alium, quin huius decima rediret ad collationem ipsius vel alterius episcopi Agennen., qui pro tempore foret (cap. 546, f. 106b).
Dil. filio Raymundo sancte
(Marie) Nove diacono cardinali.
Cum sicut accepimus ...
Dat. Pictavis X kal. augusti, anno tertio.
2960 – Lugudiaci, 22 maii 1308
Concessas a Galhardo episcopo Tolosano decimas de Gardubio Tolosan. dioecesis ad mensam suam episcopalem spectantes ratas habet et confirmat (cap. 603, f. 118a).
Dil. filio Guillelmo Meschini
canonico Noviomen.
Devotionis tue sinceritas ...
Dat. Lugusiaci Pictaven. diocesis, XI kal. iunii, anno tertio.
In eundem modum venerabili fratri ... episcopo Petragoricen. et dil. filiis Galhiacen. Albien. et de Albaterra Petragoricen. dioecesium monasteriorum abbatibus.
2961 – Pictavis, 26 iun. 1308
Inquirant super statu monasterii Clariacen. ordinis s. Benedicti Agennen. dioecesis (cap. 604, f. 118a).
Dilectis filiis Bernardo de
Cornu archidiacono Brageriaci in ecclesia Petragoricen. (et) ... officiali
Vasaten. ac magistro Raymundo Iudei canonico ecclesie sancti Severini
Burdegalen.
Gerentes in desideriis, ut loca divino cultui deputata, religiosa precipue ad laudem divini nominis de bono semper in melius prosperentur, grave gerimus et molestum, cum ea, que ex aliqua causa collapsa fore sentimus, et ad eorum reformationem libenter cum expedit partes apostolice solicitudinis adhibemus. Sane dilectus filius Aymericus de Palasoliis monachus monasterii Clariacen. ordinis sancti Benedicti Agennen. diocesis nobis exposuit, quod monasterium prefatum ob culpam Raymundi abbatis ipsius adeo in spiritualibus et temporalibus est collapsum, quod, nisi per apostolice sedis providentiam de oportuno remedio subveniatur eidem, verendum est, ne ad desolationem irreparabilem deducatur. Et licet dictus monachus eundem abbatem coram venerabili fratre nostro episcopo Agennen. super quibusdam criminibus et defectibus, que idem abbas pati dicitur, detulisset, idemque abbas coram dilectis filiis ... officiali et ... cantore Agennen. ac magistro Rufato de Tribusaquis canonico ecclesie Mansi dicte diocesis, quibus idem episcopus huiusmodi causam ordinaria auctoritate audiendam commiserat, post nonnullos processus in huiusmodi negotio coram eis habitos iam sponte confessus aliqua ex eisdem criminibus extitisset et super aliis coram ipsis plures testes producti fuissent, dictus tamen abbas ex quibusdam confictis gravaminibus appellavit ad venerabilem fratrem nostrum ... archiepiscopum Burdegalen. loci metropolitanum, ad quem de antiqua approbata et hactenus tanti temporis spatio pacifice observata consuetudine, quod eius contrarii memoria non existit, de qua etiam consuetudine cum sit notoria ita plenarie nobis constat, quod nolumus quemquam ad eam probandam teneri, potest a commissariis dicti episcopi et quibuslibet subditis eidem episcopo eo et quibusvis aliis omissis mediis appellari, ac procuravit per eundem archiepiscopum inhiberi officiali, cantori et canonico supradictis, ne in negotio procederent memorato, dictusque monachus ab audientia officialis dicti archiepiscopi, qui de causa appellationis huiusmodi cognoscebat et ad cuius propter hoc fuerat presentiam evocatus, ex certis gravaminibus sibi per eum illatis ut dixit ad sedem apostolicam appellavit. Huiusmodi itaque negotio per eundem monachum nobis exposito nos ad reformationem dicti monasterii, quod speciali dilectione prosequimur, ne sub umbra dicti abbatis, de cuius mala administratione alias nobis plura sunt relata sinistra, incurrat irreparabile detrimentum, paternis studiis intendentes, ac propterea huiusmodi negotium premissis et quibuslibet aliis processibus inde habitis nequaquam obstantibus ad examen apostolicum revocantes, discretioni vestre, de quorum circumspectione fiduciam gerimus in Domino specialem, per apostolica scripta mandamus, quatinus ad monasterium ipsum vos personaliter conferentes et habentes pre oculis solum Deum super premissis criminibus et defectibus nobis per eundem monachum exprimendis et aliis, de quibus vobis videbitur expedire, nec non super statu eiusdem monasterii inquiratis summarie de plano sine strepitu et figura iudicii tam contra dictum abbatem quam personas conventus eiusdem monasterii, quecunque videritis inquirenda, que super hiis inveneritis, fideliter in scriptis redacta sub vestris inclusa sigiliis infra tres menses post receptionem presentium ad nostram presentiam transmissuri. Predicto autem monacho, ne propter expensarum defectum, cum proprium non habeat, ab huiusmodi prosecutione negotii desistere compellatur, faciatis de bonis dicti monasterii expensas ei ad hoc necessarias congrue ministrari. Contradicto res per censuram etc. Quicquid autem super hiis duxeritis faciendum, nobis per vestras litteras harum seriem continentes fideliter intimare curetis. Quod si non omnes etc.
Dat. Pictavis, VI kal. iulii, anno tertio.
2983 – Apud sanctum
Aemilianum, 18 sept. 1308
Confertur Galhardo prioratus de s. Cypriano, ordinis s. Augustini Petragoricen. dioecesis, conventualis, per obitum Hugonis vacans, cuius donationem Clemens pp. V ante eiusdem vacationem circa suae promotionis ad apicem summi apostolatus initia, dum erat Burdegalis, antequam iret Lugdunum, sibi reservaverat, non obstante quod canonicus Auxitan. ecclesiae eiusdem ordinis sit et locum seu castrum de Capellania de Bagnaco Caturcen. dioecesis, spectans ad mensam abbatis monasterii de Aureliaco ordinis s. Benedicti Claromonten. dioecesis obtineat aut quod dignitatem vel personatum seu officium aut administrationem in ecclesia Auxitan. exspectet (cap. 622, f. 122b).
Dil. filio Galhardo de
Lobersano familiari nostro priori prioratus de s. Cipriano ordinis s. Augustini
Petragoricen. diocesis.
Probitatis tue merita ...
Dat. apud sanctum Emilianum Burdegalen. diocesis, XIIII kal. octobris, anno tertio.
In eundem modum venerabili fratri ... archiepiscopo Burdegalen. et dil. filiis Bertrando electo Albien. camerario nostro ac Matthaeo de sancta Cruce canonico Salernitan.
2984 – Apud sanctam Fidem, 25
sept. 1308
Supplicationibus abbatis monasterii Moysiacen., ad sedem Romanam nullo medio pertinentis, ordinis Cluniacen. Caturcen. dioecrsis, inclinatus et consideratione Ademari, domini de Bayriaco, reservat filio eius Ademaro prioratum ad ipsius abbatis collationem spectantem, ad praesens vacantem vel mox vacaturum, cuius proventus annui summam ducentarum librarum Turonen. parvorum iuxta taxationem decimae non excedant, non obstante quod in ecclesia Caturcen. in canonicum sit receptus et praebendam exspectet, sive quod decimam in ecclesia parochiali de Mayral Petragoricen. dioecesis obtineat; generetur vero Ademaro cedente vel decedente aut eundem prioratum quomodolibet dimittente eidem monasterio nullum praeiudicium (cap. 622, f. 123a).
Dil. filio Ademaro nato dil.
filii nobilis viri Ademari domini de Bayriaco canonico Caturcen.
Exigentibus tue bonitatis meritis ...
Dat. apud sanctam Fidem Agennen. diocesis, VII kal. octobris, anno tertio.
In eundem modum dil. filiis ... abbati monasterii de s. Amando et priori de s. Quintino Petragoricen. dioecesis ac ... cantori ecclesiae Petragoricen.
3044 – Pictavis, 21 apr. 1308
Vi facultatis pridem obtentae recipiendi s. Victoris de Sigelaco et s. Iohannis Baptistae de Monte Placentio ecclesias Petragoricen. dioecesis, in quibus habent ius patronatus, cedentibus vel decedentibus earum rectoribus easque retinendi in proprios usus reservata vicariis inibi servituris congrua portione apprehenderunt infrascriptae possessionem per obitum Stephani vacantis ecclesiae de Sigelaco. Cum autem Iohannes de Labaynagnia clericus eiusdem dioecesis super provisione sibi facienda de beneficio consueto ab olim clericis secularibus assignari ad illarum collationem spectante ante concessionem illis factam ad certos executores litteras apostolicas impetrasset iidemque executores infrascriptis inhibuissent, ne beneficium ad earum collationem spectans alicui conferrent, cum de ipso intenderent eidem clerico providere, ac Iohannes praetextu litterarum ipsarum sibi fecerit de ecclesia de Sigelaco, quae diu post concessionem illam vacavit, provideri illas multipliciter molestando, propter quod illae ad sedem apostolicam appellarunt, idemque Iohannes negotii auditorem obtinuerit magistrum Onufrium de Trebis decanum Melden. capellanum et auditorem apostolici palatii, Clemens pp. V volens inopiae infrascriptarum providere declarat, Iohanni et cuicunque alteri praetextu quarundam litterarum in quacunque forma obtentarum nullum ius competere in ecclesiis memoratis, reservato eis iure in aliis beneficiis ad illarum collationem spectantibus proximo vacaturis (cap. 680, f. 137a).
Dil. in Christo filiabus ...
abbatisse et conventui monasterii de Fonte Gaiferii ordinis s. Benedicti
Petragoricen. diocesis.
Petitio vestra nobis exhibita ...
Dat. Pictavis, XI kal. maii, anno tertio.
Mention : http://www.guyenne.fr/archivesperigord/SHAP/T28_1901/Belves_Histoire.htm
3051 – Apud s. Aemilianum, 18
sept. 1308
Exorta inter Audoynum episcopum Petragoricen. ex parte una et Gaufridum ex altera super iurisdictione meri et mixti imperii in burgo de Alamans et quibusdam aliis locis in Petragoricen. dioecesi constitutis, quam iurisdictionem utraque pars ad se asserit pertinere, nec non super excommunicationis, quam idem episcopus in illius eiusque fautorum et sequacium personas et interdicti, quam in eius uxorem ac familiares et in terram ipsius protulerat, sententiis quaestione eaque diutius apud sedem apostolicam ventilata, Clemens pp. V accedente ad hoc episcopi consensu Gaufridum eiusque sequaces ab excommunicationis sententia absolvit et interdictum relaxat (cap. 686, f. 142b).
Dil. filio nobili viro
Gaufrido de Ponte domino de Ribayriaco Petragoricen. diocesis.
Commissi nobis apostolatus officii ...
Dat. apud s. Emilianum Burdegalen. diocesis, XIIII kal. octobris, anno tertio.
In eundem modum dilectis filiis Begoni de Calomonte archidiacono Londonien. et Petro de Saviniaco canonico Ruthenen.
Donnée : Collection Périgord, vol. 31, fol. 15 r°
3083 – Apud Laureum montem, 15
oct. 1308
Indulgetur Bernardo, ut existendo in summi pontificis servitio fructus beneficiorum suorum ecclesiasticorum valeat percipere, quin in eorum ecclesiis teneatur ad personalem residentiam (cap. 716, f. 148b).
Dil. filio Bernardo de Artigia
canonico Pictaven. clerico et familiari nostro.
Cum nonnunquam innotos ...
Dat. apud Laureum montem prope Burdegalas, idus octobris, anno tertio.
In eundem modum dil. filiis magistro Hugoni Geraldi canonico Petragoricen. et Petro de Garda Baionen. capellanis nostris et Bertrando de Gardo Agennen. canonicis ecclesiarum.
3089 – Lugudiaci, 19 aug. 1308
Reservat Petro prioratum vel decanatum seu officium ad monasterium Aureliacen. ordinis s. Benedicti Claromonten. dioecesis pertinentes adpraesens vacantes vel proximo vacaturos, cuius proventus ducentarum librarum Turonen. parvorum valorem annuum non excedant (cap. 722, f. 149b).
Dil. filio Petro de Nozeriis
capellano nostro monacho monasterii Aureliacen. ordinis s. Benedicti
Claromonten. diocesis.
Probitatis tue merita ...
Dat. Lugusiaci Pictaven. diocesis, XIIII kal. septembris, anno tertio.
In eundem modum dil. filiis ... de Monteserapronii et ... de Molendinopisicii Agennen. et Claromonten. dioecesium prioribus ac magistro Hugoni Geraldi cantori ecclesiae Petragoricen.
3099 – Pictavis, 28 iul. 1308
Consideratione Raginaldi de Brunequello providetur Iohanni de beneficio ecclesiastico ad collationem episcopi Albien. pertinente, cuius proventus sexaginta librarum Turonen. parvorum secundum taxationem decimae valorem annuum non excedunt, in civitate vel dioecesi Albien. ad praesens vacante vel proximo vacaturo (cap. 732, f. 151b).
Dil. filio Iohanni Maurini
clerico Albien. diocesis.
Laudabile testimonium quod tibi ...
Dat. Pictavis, V kal. augusti, anno tertio.
In eundem modum dil. filiis ... de Galliaco Albien. et de Lesato Tolosan. dioecesium monasteriorum abbatibus ac ... cantori ecclesiae Petragoricen.
3105 – Pictavis, 9 aug. 1308
Frater Iohannes de Chanteyraco, monachus monasterii Tusturiacen. ordinis s. Benedicti, abbati suo nonnulla crimina et defectus imponens contra eum ad sedem apostolicam appellavit ac demum motu proprio monasterium exiens extra illud evagatur asserens, quod eum abbas loco suo et grangia de Malomonte ad monasterium pertinente indebite spoliaverit. Clemens pp. V Iohanni super impositione et appellatione huiusmodi perpetuum imponens silentium et volens, ut ad monasterium redeat, mandat abbati, ut ipse eum benevole pertractet et locum et grangiam ei restituat; reducat vero eum, si redire recuset, per captionem, et dimittat eum ad istum locum cum consilio conventus monasterii, si sit habilis ad locum huiusmodi retinendum, alioquin amoveat cum et alias puniat (cap. 738, f. 152a).
Dil. filio Raymundo abbati
monasterii Tusturiacen. ordinis s. Benedicti Petragoricen. diocesis.
Quum in desideriis gerimus ...
Dat. Pictavis, V idus augusti, anno tertio.
3132 – Pictavis, 28 mart. 1308
Archambaldus, licet aliquibus excommunicationum, suspensionis et interdicti sententiis occasione abusionis litterarum apostolicarum ac etiam gravis violentae iniectionis manuum in clericos et personas ecclesiasticas et transgressionis iurium, constitutionum legatorum sedis apostolicae, provincialium et synodalium et processuum executorum datorum super gratiis et indulgentiis sedis eiusdem et ex aliis causis foret adstrictus, cum in secularibus s. Asterii Petragoricen. dioecesis abbatiam et in s. Caprasii Agennen. prioratum, quibus consuevit de abbate et priore per electionem canonicam provideri, ac in maiori et s. Frontonis ecclesiis canonicatus et praebendas et prioratum ecclesiae s. Stephani de Licia Burdegalen. dioecesis per capicerium monasterii s. Michaelis Lemovicen. ordinis s. Benedicti, ad quem de antiqua observata in dicto monasterio consuetudine collatio prioratuum eiusdem monasterii pertinet abbate in remotis agente vel monasterio ipso vacante, ei collatum contradicente super hoc Roberto Lagarda monacho eiusdem ordinis, necnon quasdam decimas in Lectoren. et Petragoricen. dioecesium sibi beneficiorum loco assignatas, reditus etiam quosdam per capitula dictarum maioris et s. Frontonis et s. Asterii ecclesiarum sibi sub annuo censu concessos, prout hactenus canonicis earundem ecclesiarum consuevere concedi, necnon in Parisien. canonicatum sub expectatione vacaturae praebendae in Carnoten. ecclesiis canonicatum et praebendam sub expectatione vacaturi personatus vel dignitatis sive officii duxerit acceptare, indulgentiam de percipiendis per quinquennium in absentia fructibus beneficiorum suorum nulla super iisdem sententiis absolutione habita est adeptus. Clemens pp. V supplicationibus Archambaldi annuens absolvit eum ab omnibus et singulis excommunicationis, suspensionis et interdicti sententiis, ut super his, quatenus alicuius vel aliquarum interesse contingunt, debitum satisfactionem impendat, dispensatque cum eo super irregularitate quoque et labe symoniacae pravitatis certa praedictorum beneficiorum, decimarum et redituum acquisitione, si aliqualiter maculatus existat et, ut eis ac praemissis aliis non obstantibus prioratum s. Caprasii Agennen. ac prioratum s. Stephani de Lacia, abbatiam, canonicatus, praebendas, decimas et reditus retinere, praebendam Parisien. et dignitatem seu personatum vel officium Carnoten. ecclesiarum assequi valeat, et confert ei ad pleniorem suam securitatem omnia beneficia praedicta de novo, indulgentiam super fructibus percipiendis ei quoque de novo concedens ac fructus minus iuste perceptos ei condonares, insuper facit cum habilem ad omne beneficium ecclesiasticum, dignitatem seu personatum, etiam si eum ad episcopalem vel maiorem dignitatem eligi vel assumi contingat (cap. 761, f. 156b).
Dil. filio Archambaldo filio
quondam comitis Petragoricen. capellano nostro abbati secularis ecclesie s.
Asterii Petragoricen. diocesis.
Assueta matris ecclesie ac universa benignitas ...
Dat. Pictavis, V kal. aprilis, anno tertio.
1135 (leg. 3135) – Pictavis,
26 iul. 1308
Concedit abbati monasterii Sarlaten. ordinis s. Benedicti, qui olim una cum conventu suo motu proprio et praestito iuramento ordinavit, ut nullus per eos usque ad non modicum temporis spatium in monachum reciperetur, nunc vero in capite et in membris tantum defectum patiuntur, ut in monasterio cultus divinus minuatur, licentiam, non obstantibus ordinatione et iuramento praedictis idoneas personas usque ad duodecim recipiendi in monachos (cap. 764, f. 157a).
Dil. filio ... abbati
monasterii Sarlaten. ordinis s. Benedicti Petragoricen. diocesis.
Exigentibus tue religionis ...
Dat. Pictavis, VII kal. augusti, anno tertio.
3136 – Pictavis, 26 iul. 1308
Eidem, qui olim prioratum s. Sacerdotis de Lafica ordinis s. Benedicti Agennen. dioecesis a suo monasterio dependentem et consuetum per monachos eiusdem monasterii gubernari, Petro de Savinhaco consentiente conventu contulerat, conceditur, ut idem prioratus cedente vel decedente Petro, etiamsi eum apud sedem apostolicam cedere vel decedere contingat, cum omnibus bonis suis ad monasterium ipsum revertatur, utque idem abbas et successores eius prioratui eidem per monachum ipsius monasterii possint in divinis officiis decervire idemque monachus de eius fructibus vitae suae necessaria decenter valeat percipere (cap. 764, f. 157a).
Dil. filiis ... abbati et
conventui monasterii Sarlaten. ordinis s. Benedicti Petragoricen. diocesis.
Religionis vestre meretur honestas ...
Dat. ut supra ( Pictavis, VII kal. augusti, anno tertio).
3159 – Apud Laureum montem, 31
oct. 1308
Clemens pp. V, quum olim ante susceptum apostolatus officium Burdegalen. ecclesiam regens eandem provinciam visitans etiam dioecesim et provinciam Petragoricen. eadem ex causa intrasset, a Geraldo Lavaleta, filio magistri Geraldi Lavaleta, Arnaldo Lagresa, Guillelmo dicto Roial et Guillelmo Rannulfi clericis, Arnaldo Basterii, Arnaldo Beraldi et Aymerico de Tralio, laicis Petragoricen. dioecesis manu armata impeditus est, quominus prioratum de Senaco eiusdem dioecesis visitaret, propterea in ipsos, cum diligenter prius moniti non desisterent ab huiusmodi impedimento, nominatim sententias excommunicationis promulgavit, et, cum praefati clerici et laici easdem sententias sustinerent animis induratis, suscepto apostolatus officio mandavit, eos publice excommunicatos nuntiari; sed postmodum humillimis eorum supplicationibus annuens concedit Arnaldo facultatem, dictos clericos et laicos ac eorum singulos ab excommunicationis sententia iniuncta eis propter hoc poenitentia salutari absolvendi auctoritate apostolica iuxta ecclesiae formam (cap. 785, f. 161a).
Dil. filio Arnaldo abbati
monasterii Fontis frigidi Narbonen. diocesis sancte Romane ecclesie
vicecancellario.
Exposuerunt nobis ...
Dat. apud Laureum montem Burdegalen. diocesis, II kal. novembris, anno tertio.
3170 – Apud Laureum montem, 4
nov. 1308
Indulgetur, ut existendo in Romana curia vel in servitio Romanae ecclesiae extra ipsam curiam fructus omnium beneficiorum, quae nunc obtinet, etiam si eorum aliqua curam animarum habeant et aliqua dignitates seu personatus aut officia existant, usque ad triennium valeat percipere, quin ad personalem teneatur in eisdem residentiam (cap. 796, f. 162b).
Dil. filio magistro Petro de
Garlens preposito ecclesie Francheforden. Maguntin. diocesis capellano et
familiari nostro.
Probitatis tue merita ...
Dat. apud Laureum montem Burdegalen. diocesis, II nonas novembris, anno tertio.
In eundem modum dil. filiis ... abbati monasterii de s. Severo Aduren. dioecesis et ... decano Colonien. ac ... cantori Petragoricen. ecclesiarum.
3176 – Pictavis, 5 aug. 1308
Indulgetur, ut monasteria, ecclesias, personas ac loca ecclesiastica archidiaconatus sui Santonen. ecclesiae usque ad triennium valeat per alium seu alios visitare ac recipere debitas procurationes moderatas in numerata pecunia (cap. 801, f. 164a).
Dil. filio magistro Bernardo
Roiardi archidiacono Xanctonen.
Grata tue devotionis obsequia ...
Dat. Pictavis, nonas augusti, anno tertio.
3178 – Lugudiaci, 18 aug. 1308
Confert Bernardo archidiaconatum ecclesiae Petragoricen. per mortem Guillelmi de Turre domestici, capellani et commensalis summi pontificis vacantem, non obstante quod ex dispensatione apostolica archidiaconatum de Orlaco in Claromonten., cantoriam in Caturcen. et tam in Claromonten. et Caturcen. quam in Andegaven. ecclesiis canonicatus et praebendas ac prioratum de Lafaya Petragoricen. dioecesis obtineat ac in eadem Andegaven. ecclesia dignitatem vel personatum sive officium exspectet; insuper dispensatur cum eo, ut, si dignitatem vel personatum aut officium fuerit assecutus, eos una cum praedictis possit retinere beneficiis (cap. 803, f. 164a).
Dil. filio Raymundo Bernardi
de Duroforti archidiacono Petragoricen.
Digne agere credimus ...
Dat. Lugusiaci Pictaven. diocesis, XV kal. septembris, anno tertio.
In eundem modum dil. filiis ... priori de Lairaco Agennen. dioecesis et Raymundo de Savignaco Agennen. ac Guillelmo de Fayoliis Anicien. ecclesiarum canonicis.
3213 – Apud Laureum montem, 6
nov. 1308
Clemens pp. V prioratum de s. Cypriano ordinis s. Augustini Petragoricen. dioecesis conventualem vacantem per mortem Hugonis contulit familiari suo Galhardo de Lombersano. Cum vero bona eiusdem prioratus mobilia et immobilia a nonnullis, qui, quae sua non sunt, quaerunt, subtracta penes aliquos malitiose celata ferantur, mandatur universis et singulis sub virtute obedientiae et excommunicationis poena, quam inobedientes post unius mensis spatium a notitia litterarum praesentiam sequentis, cuiuscunque praeeminentiae, status aut dignitatis ecclesiastici vel mundani, etiamsi pontificali praefulgeant dignitate, existant, ipso facto incurrunt, ut habentes per se vel per alios aliquas pecuniarum summas vel alia mobilia eiusdem prioratus bona sive depositi sive alia quacunque causa, si qui etiam dicto prioratui in quacunque summa vel quantitate pecuniae obnoxii vel alias quomodolibet fuerint obligati, vel ab eo aliquid receperint, integraliter priori sub instrumentis publicis restituant et solvant non obstantibus quibuscunque premissionibus, iuramentis, cautionibus et obligationibus super his ab ipsis praestitis, revelent insuper eidem priori eos, qui fecerunt aliquem aliquid habere de ipsis bonis seu aliquem aliquid ab ipso seu eius nomine recepisse, aperte infra idem temporis spatium, alioquin quoque incurrunt ipso facto eandem sententiam, a qua eos absolvi, si eam per sex menses sustinuerint animo indurato, ordinariis locorum et quibuslibet aliis, praeterquam in mortis articulo, penitus interdicitur ac absolutio ab eadem sententia reservatur sedi apostolicae (cap. 835, f. 170a).
Ad perpetuam rei memoriam.
Cum ex iniuncto ...
Dat. apud Laureum montem Burdegalen. diocesis, VIII idus novembris, anno tertio.
3214 – Apud Laureum montem, 6
nov. 1308
Mandatur executoribus, ut processuset sententias, qui contra detentores et occupatores bonorum prioratus de s. Cypriano ordinis s. Augustini Petragoricen. dioecesis eorum obnoxios ex mandato apostolico facti et prolati sunt, in ecclesiis et locis aliis solemniter curent publicare (f. 170a).
Venerabilibus fratribus ...
archiepiscopo Burdegalen. et episcopo Albien. ac dil. filio ... abbati
monasterii de Montealbano.
Cum nos contra detentores ...
Dat. ut supra ( apud Laureum montem Burdegalen. diocesis, VIII idus novembris, anno tertio).
3254 – Pictavis, 9 aug. 1308
Consideratione Thaddaei de Eugubio in Romana curia advocati confertur Cincio nepoti eius medietas plebis de s. Victore Eugubin. dioecesis per mortem Iuliani Frederici vacans et dispensatur cum eo super aetatis defectu (cap. 873, f. 177a).
Dil. filio Cincio Sauli
plebano medietatis plebis de s. Victore que per duos consuevit gubernari
plebanos Egubin. diocesis.
Laudabilia tue iuventutis studia ...
Dat. Pictavis, V idus augusti, anno tertio.
In eundem modum dil. filiis Hugoni Gerardi cantori Petragoricen. et Bertrammo de Mediolano Leodien. ac Francisco Ubaldoli Eugubin. canonicis ecclesiarum.
3256 – Apud Laureum montem, 29
octobris 1308
Obtentu Bertrandi episcopi Albien. summi pontificis camerarii confert Guillelmo nepoti eius canonicatum, praebendam ac archidiaconatum Fezensaguelli ecclesiae Lectoren. ac ecclesiam castri novi de Narbui eidem archidiaconatui unitam seu adnexam, per promotionem et post susceptum consecrationis munus eiusdem episcopi apud sedem apostolicam vacantes, non obstante quod parochialem ecclesiam de Daubesia Agennen. dioecesis cum ecclesiis adnexis obtineat, insuper concedit ei facultatem eandem ecclesiam de Daubesia cum alia simili permutandi (cap. 875, f. 177b).
Dil. filio Guillelmo de Bordis
presbytero canonico et archidiacono Fezensaguelli ecclesie Lectoren.
Ut tua et tuorum devotio ...
Dat. apud Laureum montem, IIII kal. novembris, anno tertio.
In eundem modum dil. filiis ... Pictavien. et ... de Cairano de Manso Agennen. dioecesis archidiaconis ac ... cantori Petragoricen. ecclesiarum.
3289 – Pictavis, 2 maii 1308
Vacantibus dudum archipresbyteratu et ecclesia de Crucilla eidem archipresbyteratui adnexa curam animarum habentibus Tolosan. dioecesis apud sedem apostolicam ac ecclesia Romana pastore carente Petrus Penestrin. tum Tolosan. episcopus dicens, collationem eorundem archipresbyteratus et ecclesiae vigore constitutionis Bonifacii pp. VIII super parochialibus ecclesiis curam animarum habentibus apud sedem eandem vacantibus per locorum ordinarios conferendi editae ad se pertinere, eosdem archipresbyteratum et ecclesiam Bernardo contulit, qui eos retinuit et retinet fructus percipiens ex eisdem. Cumque postmodum Brunetus de Iudico clericus Vasaten. dioecesis dicens, eosdem archipresbyteratum et ecclesiam apud sedem vacare apostolicam, obtinuisset sibi de illis per ipsius sedis litteras provideri, et demum orta inter ipsum et Bernardum quaestione, Guillelmus tit. s. Pudentianae presbyter cardinalis, cui negotium hoc fuit commissum, ordinavit, ut Bernardus archipresbyteratum et ecclesiam de Crucilla, Brunetus vero ecclesiam de Francavilla eiusdem dioecesis apud sedem apostolicam vacantem obtinerent, quam ordinationem Clemens pp. V ratam habens Bruneto ecclesiam de Francavilla contulit. Considerans vero, collationem archipresbyteratus, qui dignitas seu personatus existit, factam per episcopum memoratum nullam fuisse, cum illa constitutio Bonifacii pp. VIII nullam faciat de dignitatibus vel personatibus sed dumtaxat de parochialibus vel personatibus sed dumtaxat de parochialibus ecclesiis mentionem, obtentu eiusdem episcopi abolet in Bernardo omnem infamiae maculam et inhabilitatis notam, remittit ei fructus minus iuste perceptos ac confert ei de novo eosdem archipresbyteratum et ecclesiam de Crucilla, non obstante quod in ecclesia s. Asterii Petragoricen. dioecesis canonicatum obtineat et praebendam (cap. 904, f. 183a).
Dil. filio Bernardo de Ruppe
archipresbytero archipresbyteratus et rectori ecclesie de Crucilla eidem
archipresbyteratui annexa curam animarum habentium Tholosan. diocesis.
Vacantibus dudum ...
Dat. Pictavis, VI nonas maii, anno tertio.
3294 – Pictavis, 11 iul. 1308
Potestatem concedit recipiendi hac vice ab Arnaldo Dovigne, rectore parochialis ecclesiae s. Petri de Monte petroso Petragoricen. dioecesis, resignationem ipsius ecclesiae eamque conferendi alicui personae idoneae (cap. 910, f. 183b).
Dil. filio Raymundo s. Marie
Nove diacono cardinali.
Cum sicut accepimus ...
Dat. Pictavis, V idus iulii, anno tertio.
3317 – Apud Villandradum, 22
novembris 1308
Consideratione Heliae comitis Petragoricen. Esquinum, olim priorem s. Sacerdotis ordinis s. Benedicti Tolosan. dioecesis, quem pridem omni officio et beneficio privavit et ad quolibet beneficium obtinendum inhabilem reddidit et indignum, ad beneficium obtinendum in pristinum statum reducit et habilem ac dignum reddit (cap. 931, f. 186b).
Dil. filio Esquino de
Fusinello monacho monasterii Sarlaten. ordinis s. Benedicti Petragoricen.
diocesis.
Pastoris celestis exemplo ...
Dat. apud Vignandraldum Burdegalen. diocesis, X kal. decembris, anno tertio.
3325 – Apud Laureum montem, 15
oct. 1308
Consideratione Heliae comitis Petragoricen. confert Petro vacantem medietatem parochialis ecclesiae de s. Genesio Petragoricen. dioecesis, in qua monasterium s. Amandi ordinis s. Augustini eiusdem dioecesis, cuius ipse est canonicus, ius patronatus habet et quae per duos ipsius monasterii canonicos consuevit gubernari rectores, non obstante quod medietatem parochialis ecclesiae de Harchinhaco ad idem monasterium pertinentis, quae item per duos ipsius monasterii canonicos consuevit gubernari rectores, obtineat (cap. 939, f. 187b).
Dil. filio Petro de Valle
canonico monasterii s. Amandi ordinis s. Augustini et rectori medietatis
parrochialis ecclesie de s. Genesio que per duos consuevit gubernari rectores
Petragoricen. diocesis.
Religionis tur meretur honestas ...
Dat. apud Laureummontem Burdegalen. diocesis, idus octobris, anno tertio.
In eundem modum dil. filiis ... archidiacono Sarlaten. Petragoricen. ac Palayraco et de Vilanibrar (sic) Petragoricen. dioecesis archipresbyteris ecclesiarum.
3349 – Apud Laureum montem, 5
nov. 1308
Obtentu Raymundi s. Mariae Novae diaconi cardinalis indulget eius camerario, ut archidiaconatum suum in ecclesia Pictavien. possit usque ad triennium per alium seu alios visitare ac procurationes debitas recipere in pecunia numerata (cap. 963, f. 192a).
Dil. filio magistro Iohanni de
Ferreria archidiacono Pictaven. capellano nostro.
Devotionis et probitatis tue merita ...
Dat. apud Laureummontem Burdegalen. diocesis, nonas novembris, anno tertio.
In eundem modum dilectis filiis ... abbati secularis Dauraten. Lemovicen. dioecesis et ... cantori Petragoricen. ac magistro Aymerico Guiscardi canonico Pictavien. ecclesiarum.
3352 – Apud Caldrotum (sic),
29 octobris 1308
Dispensat, ut non obstante quarto consanguinitatis gradu aequaliter ex utroque latere eos coniungente matrimonium contrahere et in contracto valeant remanere (cap. 966, f. 192b).
Dil. filio Guillelmo de
Montepaone domicello et dilecte in Christo filie Bonasie de Porriis domicelle
Petragoricen. et Vasaten. diocesium.
Licet coniunctio copule coniugalis ...
Dat. apud Caldrotum Vasaten. diocesis, IIII kal. novembris, anno tertio.
3374 – Pictavis, 5 aug. 1308
Indulget, ut, quamdiu apud sedem apostolicam traxerit moram, proventus praebendarum, quas in Santonen., Caturcen. et Petragoricen. ecclesiis, quarum existit canonicus, obtinet, valeat percipere, quin ad personalem residentiam possit in eisdem coarctari (cap. 988, f. 195b).
Dil. filio magistro Bernardo
Roiardi archidiacono et canonico Xanctonen. capellano nostro.
Litterarum scientia ...
Dat. Pictavis, nonas augusti, anno tertio.
In eundem modum dil. filiis ... priori s. Eutropii Santonen. et archipresbytero de veteri Marolio ac ... cantori sancti Salvatoris de Albaterra Petragoricen. dioecesis ecclesiarum.
3375 – Pictavis, 5 aug. 1308
Concedit, ut praeter archidiaconatum ecclesiae Santonen. unicum aliud beneficium ecclesiasticum, etiamsi dignitas vel personatus existat, valeat recipere et una cum eodem archidiaconatu ac canonicatibus et praebendis in Santonen., Caturcen. et Petragoricen. ecclesiis retinere, non obstante quod in Tolosan. et Caturcen. dioecesibus quasdam decimas, quae ad centum librarum Turonen. parvorum valorem ascendunt annuum, obtineat (cap. 989, f. 196a).
Dil. filio magistro Bernardo
Roiardi archidiacono Xanctonen. capellano nostro.
Litterarum scientia ...
Dat. ut supra (Pictavis, nonas augusti, anno tertio).
3376 – Apud Laureum montem, 7
nov. 1308
Conferat parochialem ecclesiam de Castellione prope Petragoricum Burdegalen. dioecesis per mortem Bertrandi de Labisilva clerici et familiaris eius apud apostolicam sedem vacantem alicui personae idoneae, non obstante si ipsa alias beneficiata existat (cap. 990, f. 196a).
Dil. filio Raymundo sancte
Marie Nove diacono cardinali.
Cum parrochialis ecclesia ...
Dat. apud Laureummontem Burdegalen. diocesis, VII idus novembris, anno tertio.
3380 – Apud Laureum montem, 9
nov. 1308
Consideratione archiepiscopi Rothomagen. subrogat Geraldo de s. Eulalia electo Lectoren. et in brevi munus consecrationis recepturo, cui a Clemente pp. V circa promotionem suam ad apostolatus apicem de personatu vel dignitate in ecclesia Rothomagen. vacante vel vacatura et ad eiusdem ecclesiae archiepiscopum pertinente erat provisum, quem personatum vel dignitatem Geraldus vero nunquam erat assecutus, Hugonem cui nuper canonicatus et praebenda per resignationem Geraldi in eadem ecclesia vacantes erant collati, in acceptatione et assecutione eiusdem dignitatis vel personatus, non obstante quod in Petragoricen. cantoriam et in eadem ac Lemovicen. et s. Asterii Petragoricen. dioecesis ecclesiis canonicatus et praebendas et parochialem ecclesiam de Novovico et prioratum de Ribanhaco eiusdem dioecesis obtineat et ab apostolica sede ei parochialis ecclesia in civitate vel dioecesi Lincolnien. vacans vel vacatura sit reservata (cap. 994, f. 197a).
Dil. filio magistro Hugoni
Geraldi canonico Rothomagen. capellano nostro.
Litterarum scientia honestas morum ...
Dat. apud Laureum montem Burdegalen. diocesis, V idus novembris, anno tertio.
In eundem modum dil. filiis ... archipresbytero canonicae decumanorum Mediolanen. et magistris Guillelmo Melchini Noviomen. et Petro Maleu Lemovicen. canonicis ecclesiarum.
3386 – Apud Laureum montem, 5
nov. 1308
Consideratione Arnaldi s. Mariae in Porticu diaconi cardinalis confert Amanevo nepoti eius canonicatum, praebendam et archidiaconatum Brageriaci in ecclesia Petragoricen. per mortem Bernardi de Cornu, eiusdem cardinalis capellani et familiaris, qui apud locum de Clariaco Agennen. dioecesis, ad quem pro quibusdam ecclesiae Romanae negotiis a summo pontifice erat missus, diem clausit extremum, apud sedem apostolicam vacantes, non obstante quod in ecclesia Narbonnen. canonicatum et praebendam obtineat aut ei nuper de canonicatu et praebenda in ecclesia Agennen. auctoritate apostolica sit provisum et quod patiatur defectum in ordinibus et aetate; faciat vero se, postquam ad legitimam pervenerit aetatem, ratione archidiaconatus ad omnes ordines promoveri (cap. 1000, f. 198b).
Dil. filio Amanevo de Pelagrua
canonico et archidiacono Brageriaci ecclesie Petragoricen.
Apostolice sedis copiosa
benignitas ...
Dat. apud Laureum montem Burdegalen. diocesis, nonas novembris, anno tertio.
In eundem modum dil. filiis ... abbati monasterii s. Fremerii Vasaten. dioecesis et archidiacono Pictavien. ac Berengario Mamarda canonico Massilien. ecclesiarum.
3393 – Apud Laureum montem, 5
nov. 1308
Confirmat Raymundo Bernardi de Fumello ordinis s. Iohannis Ierosolimitan. cubiculario et familiari suo, traditionem baiuliae s. Maxentii Petragoricen. dioecesis ei per fratrem Fulconem magistrum eiusdem ordinis cum omnibus iuribus et pertinentiis, quoad vixerit, factam, et mandat, ne permittant, Raymundum ab aliquibus molestari (cap. 1007, f. 200a).
Dil. filiis ... s. Petri de
Monasteriis et ... de Bonoloco ac ... de Curte Petragoricen., Caturcen. et
Agennen. diocesium prioribus.
Exhibita nobis nuper ...
Dat. apud Laureummontem, nonas novembris, anno tertio.
Litterae contra ordinem templi
Rien trouvé concernant le Périgord.
Anni tertii
3556 – Pictavis, 23 mart. 1308
Arnaldo Garsiae del God eiusque filio Bertrando confert vicecomitatus Leomaniae et Altivillaris (cap. 18, f. 222a).
Dilectis filiis nobilibus
viris Arnaldo Garsie Delgot vicecomiti Leomanie et Altivillaris et Bertrando
eius filio.
Sedes apostolica pia mater in devotione filiorum exultans, quos in sua reperit devotione ferventes, materne brachiis dilectionis amplectitur, gratiis condignis honorat, apostolicis munit presidiis ac attollit favoribus gratiosis. Porrecta siquidem nobis ex parte dilectarum in Christo filiarum Aremburgis abbatisse et conventus monasterii Minorissarum Petragoricen. ordinis sancte Clare petitio continebat, quod pridem eis suggesto per aliquos vicecomitatus Leomanie et Altivillaris ad eas et dictum monasterium pertinere ratione dilecte filii nobilis viri Helye Talayrandi comitis Petragoricen. et quondam Philippe uxoris eius vicecomisse vicecomitatuum predictorum, matris dicte Marquesie, pro eo, quod eadem Marquesia, que dicebatur dicte sue matri in dictis vicecomitatibus successisse, professa fuerat in eodem monasterio ordinem supradictum, ac persuaso eisdem abbatisse et conventui, quod ipse vicecomitatus eosdem tanquam spectantes ad dictum monasterium vendicarent, ac ex adverso plurium fide dignorum opinione tenente, quod tam per Philippam quam Marquesiam supradictas, antequam eadem Marquesia ordinem ingrederetur eundem, dicti vicecomitatus cum omnibus suis pertinentiis in dictum comitem, postquam processu temporis per ipsum in carissimum in Christo filium nostrum Philippum regem Francie illustrem, et demum ab eodem rege in te, fili Arnalde, et post obitum tuum in te, fili Bertrande, tuosque successores translati iustis ex causis extiterant, quos quidem vicecomitatus tu Arnalde predicte possidebas sicut et adhuc possides pacifice et quiete. Abbatissa et conventus predicte considerato, quod reprehensibile foret in eis ius, si quod haberet in dictis vicecomitatibus, ipse vel dictum monasterium propter earum negligentiam seu incuriam deperire, set reprehendum gravius et dampnandum, si ipse, que pro celestis patrie gaudio propria dimiserunt, ad vomitum redeundo dampnabilem concupiscerent aliena et quod eas et quasvis personas ecclesiasticas, quatinus sine suo ecclesiarum vel monasteriorum et locorum suorum preiudicio possunt, lites convenit execrari, in huiusmodi perplexitatis ambiguo constitute a te Arnalde predicte suppliciter cum instantia postularunt, quod eas de iure, quod habebas in dictis vicecomitatibus, informare deberes, sicque litteris et instrumentis translationes continentibus antedictas ex parte tua eis ostensis, dicte abbatissa et conventus litteris et instrumentis predictis diligenter inspectis et examinatis pluribus fratribus Minoribus et aliis probis viris peritis in iure et in facto ipsis abbatisse et conventui in his assistentibus, quia demum ex premissisi et aliis causis legitimis clare compertum extitit, quod nichil iuris, proprietatis vel actionis in dictis vicecomitatibus prefatis abbatisse et conventui seu monasterio competebat, pleno ac solenni super hoc interveniente tractatu de predictorum fratrum et peritorum consilio recognoscentes translationes huiusmodi fore legitimas dictosque vicecomitatus ad te Arnalde prefate et post obitum tuum ad te memorate Bertrande tuosque successores, etiam si te ipsi Arnaldo premori contingeret, plenarie pertinere translationes ipsas, quatinus fuit in eis, bonam fidem super hiis agnoscendo ex certa et deliberata scientia approbarunt. Et ne in posterum posset huiusmodi occasione inter ipsas abbatissam et conventum et vos ac successores predictos et alios, quos huiusmodi negotium contingeret, questionis aut discordie scrupulus suscitari, et ut in ordine ac monasterio supradictis pacis et quietis pulcritudinem conservarent, necnon propter beneficia multiplicia, gratias et honores, que ipse et earum ordo a vobis et predecessoribus vestris habuerant, nichilominus ad pleniorem cautelam et securitatem vestram ab omni actione, iure, petitione, prosecutione sive demanda, si qua ratione premissorum habebant, vos et successores predictos absolverunt et totaliter quitaverunt, et, si quod ius ipse vel dictum monasterium forsan haberent in dictis vicecomitatibus, vel ad eos seu in aliqua parte vel ad aliquam partem ipsorum, illud in te Arnalde predicte, quoad vixeris, et post decessum tuum in te memorate Bertrande tuosque successores, etiam si te premori contingat, totaliter transtulerunt, per earum syndicum ad hoc legitime constitutum de non veniendo contra premissa prestito in earum animas corporaliter iuramento, prout in instrumento publico inde confecto huiusmodi omnia seriosius continentur. Generalis quoque totius dicti ordinis Minorum ac provincialis provincie Aquitanie, ipsius ordinis ministri, ad ipsarumabbatisse et conventus supplicationis instantiam laudarunt et ex certa scientia approbarunt et confirmarunt omnia supradicta. Cum igitur ex parte dictarum abbatisse et conventus nobis fuerit humiliter supplicatum, quod premissa omnia pro quiete ac pace ipsarum vestraque pleniori securitate apostolico dignaremur munimine roborare, nos attendentes sinceritatem devotionis et fidei, quibus erga nos et Romanam vigetis ecclesiam, ac volentes, quod premissa omnia et singula eo magis illibata persistant, quo firmius nostro fuerint presidio communita, dictarum abbatisse et conventus ac vestris supplicationibus inclinati premissa omnia et singula rata et grata habentes ea auctoritate apostolica ex certa scientia confirmamus et presentis scripti patrocinio communimus supplentes omnem defectum, si quis ex quacunque causa forsan intervenerit in eis vel aliquo eorundem, de apostolice plenitudine potestatis. Tenorem vero dicti instrumenti, ut de ipso certitudo plenior in posterum habeatur, presentibus inseri fecimus, qui talis est:
In nomine Domini amen. Pateat universis per hoc presens publicum intrumentum, quod dudum ad nos sororem Aremburgim abbatissam et conventum monasterii Minorissarum de Petragoris ordinis sancte Clare aliquorum auditu perlato, quod cum domina soror Marquesia, nata viri spectabilis domini Helye Talayrandi comitis Petragoricen. et quondam domine Philipps uxoris sue vicecomitisse vicevomitatuum de Altovillari et de Leomania eidem Philippe diu est defuncte, velut unica filia ab intestato succedere in solidum in dictis vicecomitatibus debuisset, et postea ipsa Marquesia nostrum predictum ordinem in nostro monasterio profitente dicti vicevomitatus ad nos debebant et debuerant et dictum monasterium per eiusdem Marquesie dedicationem plenarie pertinere, dicto comite et aliis plerisque dicentibus, quod cum ex donationibus comiti predicto factis, per dictas dominas Philippam et Marquesiam ab ipso tunc emancipatam quam alias ad ipsum comitem dicti vicecomitatus devenerant et plenarie pertinebant, et quod idem comes pro predictis per illustrem dominum regem Anglie ducem Aquitanie tunc seu gentes suas tanquam ea tenens in feudum a dicto duce receptus fuerat ad homagium et iuramentum fidelitatis, et quod ipsa possidebat et ex tunc possederat pacifice et quiete. Nos super premissis et predictis donationibus et iuribus aliis, per que dictus comes ipsos vicecomitatus ad se spectare dicebat, plenius informate, ipsos ad eundem comitem didicimus pertinere, ac inter nos deliberato et comperto nos et dictum monasterium nostrum in predictis ad predicta vel aliqua seu aliquibus eorundem contra dictum comitem vel suos non moveri posse per nos aut nostrum monasterium vel eorum occasione aliquid questionis. Comes idem postmodum predicta omnia et singula per magnum tempus possedit pacifice et quiete ipsaque ad serenissimum principem dominum nostrum Francorum regem postmodum ex iusto titulo pervenerunt absque nostra vel cuiuscunque alterius contradictione, sicut nec de iure contradicere poteramus, qui dominus rex, postquam ea sicut verus dominus et possessor iure suo ea tenuit et possedit, nobili ac potenti viro domino Arnaldo Garsie Delgot, nunc dictorum vicecomitatuum vicecomiti et post eius obitum nobili viro domino Bertrando domino Arnaldo premoreretur, sicut audivimus donavit et assignavit eosdem, qui dominus Arnaldus ex predictis causis ipsos ut verus dominus et possessor possidet et tenet et per annum et ultra tenuit et possedit. Verum intellecto de novo, quod inimici homines zizanie spargentes seminarium non ad iurium nostrorum conservantiam set nostram detractionem venenosis anelantes conatibus et in nostre religionis odorem maculam ponere falsis adinventionibus molientes asserunt et garrulant, nos dixisse, nobis et dicto monasterio in predictis vicecomitatitibus vel ad eos ex persona dicte Marquesie fuisse ius aliquod acquisitum, sic horum occasione inter predictum dominum Francorum regem, qui dictis dominis Arnaldo et Bertrando promisit super predictis vicecomitatibus per ipsum ut premittitur donatis facere garentiam, ac comitem Petragoricen. Arnaldum et Bertrandum predictos ac nos et ordinem nostrum totum nitentes excitare lites et iurgia, quas nos et quoslibet religiosos convenit execrari, presertim cum ex supervacuarum litium motione formidare iuste possemus, et verisimiliter nobis et toti ordini multa dispendia provenire, hodierna die condicta et acceptata inter nos ad capitulum super hiis celebrandum nos abbatissa et conventus predicte super infrascriptis in loco ad talia consueto post pulsationem campane et alias more solito et debito circa horam tertiam congregate coram venerabili ... officiali Petragoricen. ad rogatum nostrum presente ibidem in iure presentialiter constitute suam in nos quantum ad infrascripta iurisdictionem non obstantibus quibuscunque privilegiis et consuetudinibus ex certa scientia prorogantes, presentibus etiam et rogatis a nobis fratribus Petro Charrettier de ordine Minorum, vicario guardiani fratrum Minorum de Petragoris absentis ratione sui capituli generalis Tholose in proximo celebrandi, et Petro Audeberti eiusdem ordinis, ac discretis viris magistris Andrea Ruphi canonico ecclesie sancti Frontonis Petragoricen. et Raymundo de Rupe iuris peritis, qui velut zelo perfecte dilectionis ad nos et nostrum ordinem et tanquam ab olim nostri ordinis protectores, advocati et directores nobis in predictis assistunt, quod errare super premissis in iure vel in facto forte propter sexus fragilitatem aut imperitiam vel alias eorum suffulte et instructe presidio non possemus, quod ad tractandum et consulendum nobis super hiis duximus evocandos, necnon et magistro Helya domingo predictorum dominorum Arnaldi et Bertrandi procuratore litteras seu instrumenta quamplures patentes sigillo curie Vasconie sigillatas conitnentes, nobilem virum dominum Iohannem de Haveingues militem ducatus Aquitanie senescallum vidisse instrumenta et litteras infranominatas, confectas et signatas per manus notariorum et sigillatas sigillis, de quibus fit mentio in eisdem, videlicet quoddam instrumentum confectum per manum magistri Helye Cavalerii notarii Agennen. tertia die introitus mensis aprilis anno ab incarnatione Domini M. CCLXXXVI inter cetera continens, quod predicta domina Philippa dederat pura et irrevocabili donatione inter vivos et in perpetuum valitura dicto domino Helye Talayrandi et suis successoribus universalibus et singularibus castrum de Altovillari cum omnimoda iurisdictione, mero mixto imperio, alta et bassa iusticia et cum omnibus iuribus et pertinentiis et integro statu manente, eum premissorum faciens possessorem et in eum transferrens ac sibi cedens omnia iura, actiones, presentationes ac iudicium, officia sibi competentia pro predictis et quolibet predictorum adiecto, quod si premissa non velerent ut donata et cessa inter vivos quod valerent ut donata et cessa causa mortis seu iure donationis causa mortis promissa per ipsam pena trium milium marcharum argenti dicto comiti stipulanti, si ipsa vel sui successores venirent aut attemptarent contra premissa vel aliqua premissorum de non attemptando seu veniendo contra ea vel aliqua ex eis per dictam dominam prestito ad sancta Dei evangelia corporaliter iuramento dicta donatione insinuata nichilominus coram dicto notario ad hoc vices obtinenti officialis curie Agennen. Item et quoddam aliud confectum per manum magistri Hugonis notarii publici Altivillaris anno, mense ac die predictis continens inter cetera, quod eisdem coniugibus non intendentibus iuri et utilitati dicti domini Helye Talayrandi derogare, sed eidem domino potius providere, quod predicta omnia et singula posset retinere securius et habere, eadem domina Phylippa pro se ac suis successoribus dedit et assignavit eidem domino Helye in seu ad verum feudum militare sive francum omnia et singula supradicta et per ipsum dominum Helyam ad eius successores libere transmittenda, sicut esset verum et liberum alodium transmissurus, et quod prefata domina eum investiverat de predictis prestando per ipsum dominum Helyam et suos servitio pro dicto feudo, quod dominis Francie, Anglie et aliis dominis consueverat exhiberi, promissa per ipsam dominam dicto domino Helie pena triginta milium marcharum argenti et ipsi domino committenda, si domina ipsa vel sui facerent vel attemptarent contra premissa vel aliqua premissorum, nichilominus de non veniendo vel non attemptando contra ea vel aliqua ex eis ab ipsa prestito ad sancta Dei evangelia corporaliter iuramento, et quod idem dominus Helias ut vassallus eiusdem domine Philippe sibi fecit fidelitatem pro feudo supradicto volente dicta domina Philippa, quod si non valeret huiusmodi infeudatio, quam faciebat ex donatione pura et inter vivos, quod saltim valeret ut donatio et concessio causa mortis, aut ut melius pro dicto domino Helia tenere posset utilius et valere. Item et quoddam aliud confectum per manum dicti magistri Hugonis Aymerici IIII die mensis predicti et anno predicto continens inter cetera, quod eisdem coniugibus non intendentibus iuri et utilitati dicti comitis derogare sed eidem domino Helye potius providere, quod res et bona et alia predicta posset securius habere ac retinere, eadem domina Philippa prefato domino Helye predicta omnia et singula donabat in dotem adiecto, quod si prefatam dominam priusquam dictum dominum Helyam mori contingeret, quod idem dominus Helyas pro se ac suis successoribus lucraretur pleno iure omnia et singula supradicta ab eadem domina de non attemptando seu veniendo contra premissa vel aliqua premissorum prestito ad sancta Dei evangelia corporaliter iuramento. Item et quoddam aliud confectum per manum Stephani Arnaldi notarii curie domini vicarii Tholose ac notarii publici castri sancti Remigii et sigillo dicti vicarii sigillatum, sexto die introitus mensis maii anno ab incarnatione Domini M. CC nonagesimo quarto, inter cetera continens, quod idem dominus Helyas nobilem dominam Marquesiam maiorem duodecim annis ex aspectu corporis apparentem coram dicto domino vicario pro tribunali sedente ad postulationem dicte Marquesie emancipavit et liberavit a patria potestate retento tamen in bonis ad ipsam spectantibus usufructu, et quod idem vicarius causa cognita et solennitate solitis in talibus adhiberi suam super hoc auctoritatem interposuit et decretum. Item et quoddam aliud instrumentum confectum per manum notarii supradicti, die, mense ac anno predictis, continens inter cetera, quod idem dominus Helias procuratores suos constituebat Bernardum de la Mota domicellum et quosdam alios et ipsorum quemlibet in solidum in omnibus causis et negotiis, quas et que habebat et habiturus erat coram iudicibus quibuscunque dans eis et eorum cuilibet in solidum super premissis et ea tangentibus plenam et liberam potestatem, et quod eidem notario nomine ac vice omnium, quorum intererat, stipulanti promisit pro ipsis et ipsorum quolibet iudicio sisti cum suis clausulis sub obligatione omnium bonorum suorum eos et ipsorum quemlibet relevans ab omni onere satisdandi. Item et quoddam aliud confectum per manum proximo dicti notarii septimo die mensis et anni predictorum inter cetera continens, quod dicta domina Marquesia, emancipata per dictum comitem coram nobili viro domino Iohanne archiepiscopi milite tunc vicario Tholose pro tribunali sedente maior duodecim annorum per corporis aspectum apparens, et quod ipsa hoc asseruit prestito per ipsam super hoc corporaliter iuramento, et Bernardus de la Mota procurator predictus eiusdem domini Helie in dictum dominum vicarium ut in suum iudicem consenserunt ex certa scientia et eius iurisdictionem pro infrascriptis et ea tangentibus prorogaverunt, et quod eadem Marquesia postmodum postulavit, sibi dari per dictum vicarium in curatorem magistrum Beranrdum de sancto Genesio iurisperitum ibi presentem pro auctoritate sibi super infrascriptis concedenda, ut personam haberet legitimam in iudicio standi super premissis cum eius auctoritate, idem dominus vicarius premissa cause cognitione, que consuevit in talibus adhiberi, et iuris ordine prout decuit observato dictum magistrum Bernardum in se curam huiusmodi suscipientem dedit dicte Marquesie in curatorem quantum ad infrascripta, prout per ipsam fuerat postulatum, et quod eo suam interponente super hoc auctoritatem atque decretum idem curator iuravit tactis corporaliter evangeliis per eundem, quod in predicta cura fideliter se haberet, inutilia pretermittendo et utilia procurando, rem pupille ipsius promittendo etiam salvam fore sub bonorum suorum obligatione, prestito fideiussore nichilominus Bertrando de Guarda domicello, qui se super hoc obligavit, et quod ipsa domina Marquesia postmodum in iudicio coram dicto vicario constituta procuratore predicto dicti domini Helie presente et petente ac recipiente nomine dicti domini sui confessa fuit cum auctoritate dicti curatoris, quod dictus dominus Helias ex donationibus sibi factis legitime per dictam dominam Philippam matrem dicte Marquesie erat dominus in solidum pleno iure castri et ville Altivillaris et totius vicecomitatus Altivillaris cum suis iuribus et partium universis. Item totum vicecomitatum de Leomania et singulas res ipsius vicecomitatus, que pertinent aut possent ad dictam Marquesiam pertinere, esse obligatum et obligatos dicto domino Helie Talayrandi pro decem milibus marcharum argenti et sex milibus libris parvorum Turonen. tam pro dote promissa dicto domino Helye dudum per dictam dominam Philippam, quam ex pactis dotalibus pro eo, quia dicta domina Philippa premortua fuerat, dictum dominum Helyam asseruit fuisse lucratum, quam ex donationibus eidem domino Helye factis per dictam dominam Philippam, dictas quantitates ex dictis causis dicto domino Helye asserens se debere. Et quod etiam recognoverat, quod dictus dominus Helyas in dicto vicecomitatu debebat habere quamdiu viveret usufructum, et quod idem dominus Helyas eidem Marquesie premorienti in dicto vicecomitatu per dictam dominam Philippam fuerat substitutus, et quod ipsa Marquesia pro se ac suis successoribus quibuscunque obligationes et donationes huiusmodi deliberate ratificans et approbans, instructa de iure et de facto, motu proprio in recompensationem dictorum debitorum et iurium necnon remuneratione servitiorum sibi per dictum dominum Helyam impensorum pura et irrevocabili donatione inter vivos dicto domino Helie et eius successoribus et dicto procuratori suo pro ipso dederat totum predictum vicecomitatum Leomanie ac omnes res mobiles et immobiles et omnia iura, quecunque sint, que ad dictum vicecomitatum vel ad dictam Marquesiam ratione vicecomitatus ipsius vel aliter pertinebant et pertinere poterant vel debebant modo quocunque vel iure, et etiam homagia, vassllagiua, iurisdictiones, mera mixta imperia, altas et bassas iustitias et omnia alia iura et bona, quantecunque extimationis et conditionis forent, que ad dictam Marquesiam tunc spectabant vel poterant imposterum pertinere, et quod ipsum dominum Helyam premissorum constituerat possessorem, et quasi et quod in eum transtulerat et sibi cesserat omnia iura et actiones, persecutiones, iudicis officia sibi competentia pro predictis vel aliquo predictorum, et quod si non valebant predicta ut donatio inter vivos, quod valerent iure ultime dispositionis, et prout pro dicto domino tenere posset melius et valere, et quod ipsa domina maior duodecim annis apparens ex aspectu corporis iuravit ad sancta Dei evangelia, tacta per eam manualiter, premissa servare, tenere et adimplere, et nunquam per se vel per alium de iure vel de facto contra premissa vel aliqua premissorum in totum vel in partem facere vel venire tacite vel expresse, et quod super predictis facta fuerat insinuatio coram vicario supradicto et per ipsumvicarium interposita auctoritas et decretum. Item quoddam aliud confectum per manum magistri Aymerici de Narbona publici Tholose notarii, medio mense maii anno domini M. CC nonagesimo quarto, inter cetera continens, quod dicta domina Marquesia per ipsum instrumentum requirit barones, milites et alios quoscunque nobiles et communitates et consules Lectore et aliorum locorum dictorum vicecomitatuum, cuiuscunque gradus et conditionis existerent, quod eidem domino Helye homagium et iuramentum fidelitatis seu iurisdictionis et quodlibet aliud prestari solitum exhiberent et imposterum eidem domino Helye ac suis successoribus tanquam dictorum locorum vicecomiti obedirent, intenderent et parerent. Item et quoddam aliud confectum per manum magistri Gaufridi de Buinen publici Leomanie notarii inter cetera continens, quomodo prefatis duobus instrumentis, de quibus immediate supra fit mentio, exhibitis per dictum dominum Helyam nobilibus dictorum vicecomitatuum, prefati nobiles domino Helye predicto eis iurante tanquam vicecomite vicecomitatuum predictorum, dicti nobiles ad eius mandatum hoc eis mandantis sibi fecerunt homagium ac sibi iuramentum fidelitatis tanquam suo superiori et dictorum locorum vicecomiti prestiterunt. Item quandam litteram patentem sigillatam sigillo magno predicti domini Francie regis confectam sub data anno Domini M. CCCV, XIIII die mensis decembris inter cetera continentem, dictum dominum regem, pro se ac suis dicto domino Arnaldo Garsie, quamdiu vixerit et post eius obitum dicto domino Bertrando Delgot eius nato, etiam si eum prius ipsi domino Arnaldo mori contingeret, ex certis causis vicecomitatus predictos cum mero mixto imperio, iurisdictione omnimoda, alta et bassa iustitia, homagiis, feudis, retrofeudis et aliis iuribus et suis pertinentiis universis, que ex certis et iustis titulis ad se spectare dicebat, dedisse et assignasse et sibi promisisse super hoc plenam facere garentiam, ac nichilominus ipsum dominum regem subtulisse de plenitudine regie potestatis omnia iura, usus, consuetudines et quecunque alia, que possent aliquod obstaculum dare, quominus predicta donatio effectumplenum et integrum sortiretur, precedente magna precum nostrarum instantia factarum per nos dicto procuratori nobis per ipsum procuratorem obtinuimus exhiberi. Confitentesque supranominatos notarios temporibus predictis esse et antea diu fuisse notarios publicos, et esse ac fuisse dictis temporibus et ante in quasi possessione notariatus, et quod instrumentis seu cartis per manus cuiuslibet ipsorum velud per publicum notarium confectis, et tanquam veris et publicis statur et creditur, et tunc temporis stabatur ac etiam credebatur ipsis litteris seu instrumentis per nos et dictos officiales, fratres et sapientes diligenter inspectis, examinatis, lectis et perlectis de verbo ad verbum et plenius intellectis punctis, formulis et tenoribus eorundem adhibemus ut fidem plenam facientibus et ur veris et publicis plenam fidem, et huic nostre assertioni et narrationi de ipsis litteris et instrumentis facientibus mentionem plenam et perpetuam fidem petimus adhiberi, ac si tenores omnes instrumentorum et litterarum predictorum publicatos et sumptos auctoritate iudicis competentis hoc presens instrumentum publicum contineret, et per dictum officialem decerni petimus haberi debere renuntiantes autentice, si quis in aliquo documento et diligenti deliberatione et tractatu solenni et frequenti super hiis habitis cum predictis fratribus atque peritis et pluribus aliis prudentibus considerato, quod, si reprehensibile sit, in cunctis rem alterius concupisci, eo tamen reprehensibilius esset in nobis, que divini spiritus ardore succense relictis secularium deliciarum illecebris in huiusmodi valle miserie constitute degere volumus sub pallio paupertatis, ut salubriter ac provide negotiando, que propria fuerant dimittentes, celestis patrie gaudia mereremur acquirere pro terrenis, quod reciprocatione dampnabili dimittentes Deum propter mundum aliena concupiscere videremur, adversus hec et malignos conatus eorum, qui adversus nos discordiarum et odiorum flammam ut predicitur suscitare et ipsius ordinis denigrare famam et gloriam nitebantur, et predictis periculis salubriter obviando, consideratis per nos et dictos assistentes dictum comitem possidere predicta sibi donata per dictam dominam Philippam tempore, quo ipsa decessit, et ipsam, quamdiu vixit, permansisse m eadem voluntate, et circa predicta circumstantiis et conditionibus personarum, rerum et contractuum et aliorum omnium, que fuerunt super hiis attendenda, que scimus loquentes et que vidimus testantes coram officiali predicto et procuratore presente predicto et procuratore presente predicto in iure dicimus, confitemur et in veritate recognoscimus, quod nec per nos nec ex persona dicte Marquesie vel alterius cuiuscunque persone aliquo modo, occasione vel causa cuiuscunque iuris vel facti vel alias modo quolibet nobis seu dicto monasterio nostro ius aliquod in predictis vel aliquibus predictorum vel ad ea vel aliqua eorundem unquam extitit acquisitum, immo ex certa scientia confitemur ad plenum instructe et certificate de iure ac de facto, dictas donationes et infeudationes, assignationes de iure ac consuetudine valuisse et valere, et quod ipsi domino Arnaldo et post eius obitum dicto domino Bertrando ex predictis et virtute predictorum est et fuit ius solidum acquisitum, et quod vicecomitatus ipsi cum mero mixto imperio, iurisdictione omnimoda, alta et bassa iustitia ac suis iuribus aliis omnibus et pertinentiis universis ad ipsos domine Arnaldum et post eius obitum ad dominum Bertrandum predictum et suos heredes seu successores, etiam si eum prius dicto domino Arnaldo mori contingeret. iure plenarie pervenerunt, et quod ad presens sui sunt tam in proprietate, dominio quam possessione et quasi veritate donationum et contractuum predictorum et alias, et quod idem dominus Arnaldus tanquam verus et legitimus proprietarius, dominus et possessor ac quasi nunc tenet et possidet ac quasi omnia et singula supradicta pacifice et quiete, et quod ad ipsum et post eius obitum ad dictum dominum Bertrandum, ut predictum est, pertinent et de iure debent ac de consuetudine pertinere. Rursus, ut dicti domini comes Arnaldus et Bertrandus evidenter agnoscant, quod a detractrandus processit et emulis, quod nos dixisse proponebatur, nos velle prosecutioni iuris, quod nos habere dicebant, insistere, et ut eorundem dominorum regis, comitis Arnaldi et Bertrandi favorem, gratiam et benivolentiam conservemus, et ne superesse possit aliquis scrupulus, per quem inter ipsos et nos alicuius questionis aut litigii materia posset imposterum suscitari, provide pensantes, quod propter hoc quietis et pacis nedum nostri monasterii sed etiam totius ordinis nostri ledi posset integritas, et adversus nos devotione decrescente fideliurn ex huiusmodi causarum anfractibus in nos scandalum nocuum merito suscitari, et quod idem dominus Arnaldus et sui progenitores et, qui originem de domo sua traxerunt, ordinis nostri fuerunt veri et benefici zelatores, ex cuius benivolentia scimus nobis et ipsi ordini multa posse comoda provenire, eum ac suos nobis et ordini nostro amplioris caritative sinceritatis in Christo volentes fortius alligari, ex certa scientia, de facto et de iure nostris certificate plenius et instructe frequentibus tractatu et deliberatione inter nos et cum predictis habitis, dictos Arnaldum et Bertrandum et successores ac heredes ipsorum et cuiuslibet eorundem et dictum procuratorem ipsorum pro ipsis acceptantem, domino officiali predicto et notario infrascripto et eorum quoibet etiam, pro eis huiusmodi quitationem et alia infrascripta recipientibus absolvimus et quitamus libere et in totum ab omni et de omni iure, petitione, actione, prosecutione seu demanda, si quas vel quam habemus vel haberemus vel habere possemus vel ad nos posset modo quolibet pertinere de consuetudine vel de iure, privilegio vel statuto concesso, vel concedendo, vel alias modo quocunque, quavis occasione vel causa ex persona dicte Marquesie vel cuiuscunque alterius persone vel alias modo quolibet in predictis vel aliquibus predictorum vel ad ea seu aliqua eorundem, quod ut predicitur, non videmus sicut nec videre possumus, immo expressim et ex certa scientia contrarium professe sumus et adhuc etiam profitemur et eidem domino Arnaldo et post eius obitum domino Bertrando et suis successoribus, etiam si eum priusquam dictum dominum Arnaldum mori contingeret, et dictis domino officiali, procuratori et notario infrascripto, et eorum cuilibet ipsorum nomine ac eius cuiuslibet recipientibus renuntiamus et quitamus in totum et de omni iure, si quod nobis in predictis vel ad predicta competeret aut competiisset, nos devestientes et ipsum a nobis totaliter abdicantes, sicut attentis conditionibus et oneribus predictorum et ordinis nostri statu convenit abdicare et in dictos dominum Arnaldum et Bertrandum sicut premittitur et successores ipsorum post eius obitum totaliter transferentes, insinuatione facta solenni coram officiali predicto intervenienti presenti scriptura cedimus et damus pure ac irrevocabiliter dictis dominis Arnaldo et Bertrando et eius successoribus per modum predictum, et dictis domino officiali, procuratori et notario nomine predictorum dominorum Arnaldi et Bertrandi et ipsorum cuiuslibet recipientibus omnia iura, actiones, persecutiones, iudicum officia et demandas predictas, promittentes eisdem domino officiali, procuratori et notario stipulantibus solemniter nomine predictorum dominorum et omnium, quorum interest ac intererit, per nos vel abbatissas, pro tempore existentes, et nos et conventum nostri monasterii vel aliquam ex dicto conventu non fieri vel attemptari quicquam, quominus idem dominus Arnaldus et prefatus dominus Bertrandus et successores ipsius post eius obitum predicta omnia et singula teneant et habeant piene, pacifice et quiete, sine aliqua questione, controversia, debata per nos vel nostrum aliquam imperpetuum in iudicio vel extra iudicium facienda, quodque beneficio alicuius restitutionis in integrum vel alio, quo minoribus vel personis ecclesiasticis vel etiam maioribus, dum dolo vel metu vel alias se circumventos fore pretendunt, adversus confessiones, assertiones, quitationes, absolutiones, donationes et concessiones huiusmodi, seu contra predicta vel aliqua de predictis vel aliquo privilegio seu statuto, indulto vel etiam indulgendo, quamvis motu proprio indulgentia vel quovis auxilio iuris, usus, statuti seu consuetudinis contra eosdem dominos Arnaldum et Bertrandum vel alterum eorum aut eorum successores vel alterius eorundem ratione vel occasione predictorum vel aliquorum ex eis in iudicio vel extra imperpetuum non utemur, ipsis et dictis domino officiali, procuratori et notario et ipsorum cuilibet pro ipsis recipientibus actiones et exceptiones, que nobis exinde possent competere, specialiter remittentes, quodque nulli nomini, collegio seu universitati de predictis donationem, cessionem aut quitationem vel aliquid aliud faciemus, per quod eisdem domino Arnaldo et Bertrando et eius successoribus aliquod fieri posset obstaculum iuris aut facti, quominus posset omnia et singula supradicta plene ac pacifice possidere ac quasi et de ipsis suam facere voluntatem. Pactum eis et predicto officiali, procuratori et notario ac ipsorum cuilibet pro ipsis recipientibus de non agendo contra ipsos vel eorum alterum aut successores ipsorum vel alterius eorundem super premissis vel aliqua premissorum, et de non petendo ea vel aliqua ex eis et de non supplicando super premissis et de non impetrando aliquas litteras ab apostolica sede vel ecclesiastico iudice seu quovis principe vel domino quolibet aut iudice temporali, pactum legitima stipulatone interveniente facimus perpetuum et reale ex nunc ut ex tunc predictarum renuntiantes usui litterarum et conventioni iudicum et locorum et constitutioni Bonifaciane, que incipit statutum et concilii generalis, per quam quis prohibetur ultra duas dietas extra suam diocesim per litteras apostolicas evocari, et alterius cuiuscunque volentes, quod si quod verbum vel aliqua verba in huiusmodi instrumento dubitationem recipere viderentur, quod ad ipsorum dominorum vel alterius ipsorum aut successorum ipsius domini Bertrandi intellectum et sensum fieret declaratio seu interpretratio pro eisdem. Nolumus tamen nec intendimus, immo nobis conservavimus et conservamus expressim, quod per predicta vel aliqua predictorum nobis coniunctim vel divisim super donatione, assignatione et concessione, quas prefatus dominus comes pro quibusdam et in recompensationem quorundam, que dicta domina Marquesia se retinuisse dicebat in predicto vicecomitatu Leomannie, nobis fecit de decima seu parte decime, quam habebat in burgo et parrochia sancti Laurentii de Prador diocesis Petragoricen., nobis preiudicium aliquod generetur, immo ipsam donationem volumus et intendimus in suo robore permanere. Ad quorum omnium observationem per viros providos et discretos dominos officiales Petragoricen. predictum Burdegalen. et Agennen. et ipsorum quemlibet et quemvis alium iudicem in solidum, quorum cuiuslibet iurisdictionem in nos ex certa scientia prorogamus, sic quod unius preoccupatio non adimat alteri potestatem, set ceptum ab uno alter mediare valeat exequi et finire absque strepitu et figura iudicii ac cuiuscunque donatione libelli per modum iudicialem vel alium modum, per quem melius valere pro predictis dominis Arnaldo et Bertrando potuerit, volumus nos compelli et nobis imponi perpetuum silentium super predictis et quolibet predictorum, et, ut premissa pleniorem obtineat firmitatem, per magistrum Guillelmum Chabbaudi clericum presentem et in se mandatum huiusmodi suscipientem, cui damus tenore presentium speciale mandatum ac plenam et liberam potestatem iurandi, ut infra sequitur, in animas nostre abbatisse et totius conventus et omnium de conventu divisim seu coniunctim predictorum et suam et nostrum cuiuslibet, quatinus coniunctim seu divisim negotium huiusmodi nos contingit, iurantem et promittentem predictis domino officiali, procuratori et notario et cuilibet eorundem nomine quo supra stipulantibus, nobis presentibus et mandantibus, in animas nostras abbatisse et conventus et omnium de conventu divisim seu coniunctim tactis manualiter sacrosanctis evangeliis per eundem nos premissa omnia et singula imperpetuum observare, piene tenere, facere ac complere ac in iudicio vel extra, directe vel indirecte, tacite vel expresse, per nos aliquam nostrum contra premissa vel aliqua ex eis aliquid quoquomodo non attemptare facere vel venire, nobis et aliis post nos venientibus in dicto monasterio, si contraveniremus, supplentes per quemcunque presidentem, tanquam laborantibus contra propria comoda omnem audientiam denegari. Et nos prefatus officialis, in quem ut premittitur dicte domine abbatissa et conventus nostram quo ad hoc in se prorogando iurisdictionem et in suum iudicem consenserunt, visis et inspectis tenoribus instrumentorum predictorum et litterarum, quarum virtute predicta probantur, ad dictos dominos Arnaldum et Bertrandum et eius heredes ut premittitur pertinere, attentis circumstantiis et conditionibus rerum, personarum et contractuum predictorum et assertionibus et confessionibus dictarum dominarum abbatisse et totius conventus et aliis, que super hoc movere debuerunt, partibus predictis, atque prefatis fratribus presentibus et dictorum iurisperitorum et aliorum plurium virorum sapientum participato consilio dictos vicecomitatus cum omnibus iuribus et pertinentiis predicti ad dictos dominos Arnaldum et Bertrandum et successores ipsius Bertrandi sicut premittitur declaramus et decernimus plenarie pertinere, et eisdem abbatisse et conventui et dominabus super hoc velut nullum ius habentibus perpetuum silentium super hiis imponentes, ac predicte ipsarum assertioni mentionem facienti de predictis instrumentis et litteris fidem plenariam adhibendam, ac si hoc presens instrumentum omnia ipsorum corpora sumpta et exemplata partibus presentibus et auctoritate competentis iudicis contineret, eis volentibus precipimus et mandamus tenere, servare, facere et complere omnia et singula supradicta, et quod contra ipsa vel aliqua ex ipsis in iudicio vel extra aliquid non faciant vel attemptent. Ad hec, ut nichil suspitionis aut rage possit contra nos remanere, et forsan abbatisse seu sorores post nos substituende huiusmodi ignare negotii falsis suggestionibus imposterum circumvente possent dispendiosis iurgiorum laqueis implicari, domino ministro generali ordinis fratrum Minorum ac toti capitulo generali in proximo sicut dicitur celebrando, quatinus eorum interest et pium sollicitudinis officium ad nos habent, necnon et sanctissimo patri et domino nostro pape et sedi apostolice supplicamus, ut ipsi super hoc volentes nostre tranquillitati adversus huiusmodi pericula paterne pietatis officio providere, premissa omnia ipse minister sua et dominus papa dignetur auctoritate apostolica confirmare, ac si qui forsan sint defectus, eos supplere ex apostolice plenitudine potestatis. Ad quorum probationem, cum scribere nesciamus, fieri rogavimus hoc presens publicum instrumentum per notarium infrascriptum. Nos vero dictus officialis, qui nomine dictorum dominorum Arnaldi et Bertrandi et ipsorum cuiuslibet recepimus premissa et stipulati fuimus, prout supra fit mentio, nos fecisse. Et dicti magistri Andreas et Raymundus, dicti monasterii et abbatisse et conventus consisiliarii (sic) et amici, qui predictis tractatibus et deliberationi, lecture ac examinationi et aliis predictis interfuimus, et de quorum voluntate ac consilio dicte domine abbatissa, totus conventus et sorores fecerunt omnia et singula supradicta. Nosque dicti fratres, qui super hiis nostrum eis dedimus et damus consilium et consensum, et nos abbatissa et totus conventus predicti, ad premissorum probationem et perpetuam memoriam presens instrumentum sigillorum nostrorum munimine roboramus, cui etiam sine sigillis vel de ipsis vel aliquo ipsorum dubitaretur, volumus fidem plenariam adhiberi. Acta fuerunt hec intra septa dicti monasterii ac in loco predicto, anno Domini M. CCCVII., indictione quinta, pontificatus sanctissimi patris domini Clementis Dei providentia pp. V anno secundo, mense maii, die VII, viris providis et discretis, dominis Archambaldo de Petragoris, secularis sancti Asterii Petragoricen. diocesis abbate, et Hugone Geraldi, cantore Petragoricen. ecclesiarum, testibus ad hec vocatis specialiter et rogatis. Et ego Geraldus de la Vaure, clericus Petragoricen. publicus auctoritate apostolica notarius, qui loco, anno, indictione, pontificatu, mense et die superius ultimo scriptis presens una cum suprascriptis testibus premissis interfui, huiusmodi publicum instrumentum ad rogatum abbatisse et totius conventus ac procuratoris predictorum confeci et nomine dominorum Arnaldi et Bertrandi predictorum et omnium, quorum interest ac intererit, recepi et stipulatus fui predicta ac ipsum instrumentum signo meo solito signavi ad probationem et perpetuam memoriam premissorum. Ceterum volumus et eadem auctoritate decernimus, ut tenor huiusmodi sit insertus, per omnia illam vim illumque vigorem, quam et quem habet originale instrumentum, obtineat et eandem fidem et probationem faciat tam in iudicio quam extra, etiam si ipsum originale instrumentum non appareret nec etiam haberetur neque sit necesse illud aliquatenus exhiberi Nulli ergo etc. nostre confirmationis et suppletionis etc.
Dat. Pictavis, X kal. aprilis, anno tertio.
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVI (1886)
tome II
Annus quartus
(Regestorum Vol. LVI)
3678 – Apud Villandradum, 18
novembris 1308.
Consideratione Heliae comitis Petragoricen. indulgetur Heliae eius cognato, ut personas, ecclesias et loca ecclesiastica archidiaconatus sui de iSarlato, quem in ecclesia Petragoricen. obtinet, possit usque ad biennium per aliquam personam idoneam visitare procurationesque debitas in pecuunia numerata recipere moderatas. (cap. 41, f. 8a).
Dil. filio Helye archidiacono
de Sarlato in ecclesia Petragoricen.
Personam tuam tuis ...
Dat apud Vignandraldum Burdegalen. diocesis, XIIII kal. decembris, anno quarto.
In eundem modum dilectis filiis ... archidiacono de Albusses Petragoricen. et Arnaldo de Bonavilla canonico eiusdem ac ... archipresbytero de Paleyssaco Petragoricen. dioecesis ecclesiarum.
3684 – Apud Lavardacum, 29
novembris 1308
Consideratione universitatis villae de Regula Vasaten. dioecesis confertur Iohanni in eadem ecclesia sub expectatione vacaturae praebendae canonico dignitas in dicta ecclesia vacans vel vacatura, non obstante quod sacristiam ecclesiae s. Michaelis de Regula ipsius dioecesis obtineat. (cap. 47, f. 9a).
Dil. filio Iohanni de Pinibus
canonico Vasaten.
Dum tui nobilitatem generis ...
Dat. apud Lavardacum Agennen. diocesis, III kal. decembris, anno quarto.
In eundem modum dil. filiis ... abbati monasterii de s. Fremerio Vasaten. dioecesis ac magistro Hugoni Geraldi cantori Petragoricen. et Sicardo de Guardubio canonico Tolosan. ecclesiarum.
3708 – Apud Villandradum, 18
novembris 1308
Canonicatus et praebenda in ecclesia s. Frontonis Petragoricen. per mortem magistri Bernardi de Cornu ipsius ecclesiae canonici, qui nuper apud locum de Clayraco Agennen. dioecesis, ad quem pro ecclesiae Romanae certis negotiis specialiter erat missus, diem clausit extremum, apud sedem apostolicam, quae dudum omnia beneficia nuntiorum in quibuscunque locis eundo seu morando vel redeundo decedentium vacantia sibi reservavit, vacantes conferuntur consideratione Heliae comitis Petragoricen. filio eius, non obstante quod in ecclesia s. Caprasii Agennen. canonicatum et praebendam obtineat aut defectum aetatis patiatur. (cap. 68, f. 12a).
Dil. filio Helye Talayrandi
canonico ecclesie s. Frontonis Petragoricen.
Tui nobilitas generis ...
Dat. apud Vingnandraldum Burdegalen. diocesis, XIIII kal. decembris, anno quarto.
In eundem modum dil. filiis ... archidiacono Sarlaten. et ... scolastico Petragoricen. ac ... archipresbytero de Paleyraco Petragoricen. dioecesis ecclesiarum.
3745 – Apud Villalherium, 9
februarii 1309
Recepta a Geraldo Fabri, canonico ecclesiae s. Aviti senioris Petragoricen. dioecesis, resignatione canonicatus et praebendae, quos idem in ipsa ecclesia obtinet, conferat eos alicui personae idoneae, non obstante quod eadem persona unum vel duo seu plura ecclesiastica beneficia obtineat. (cap. 100, f. 20b).
Dil. filio Raymundo sancte
Marie Nove diacono cardinali.
Cum sicut accepimus ...
Dat. apud Villalherium Carcassonen. diocesis, V idus februarii, anno quarto.
3747 – Carbonae, 11 ian. 1308
Consideratione Bertrandi de Gramato, militis ac legum doctoris Caturcen. dioecesis, super de mandato summi pontificis ad partes Lombardiae pro negotio civitatis Ferrariae accedentis, reservatur nepoti eius Raymundo beneficium ecclesiasticum nulli alii de iure debitum et consuetum ab olim clericis secularibus assignari, ad cuiuscunque collationem seu aliam dispositionem pertinens, cuius proventus annuatim centum librarum Turonen. parvorum summam iuxta taxationem decimae non excedant, si quod in dioecesi Lemovicen. vacat ad praesens vel quam primum illud vacare contigerit. (cap. 102, f. 20b).
Dil. filio Raymundo Aymerici
clerico Caturcen. diocesis.
Affectionis paterne studium ...
Dat. Carbone Tholosan. diocesis, III idus ianuarii, anno quarto.
In eundem modum dil. filiis ... priori de Mansaco et ... praeposito ecclesiae de Vayraco Lemovicen. et Caturcen. dioecesium ac Bernardo Royardi archidiacono Santonen.
3801 – Apud Villalherium, 13
februarii 1309
Consideratione Bertrandi del God domini Duracii indulget Raymundo eius familiari, ut eiusdem Bertrandi insistens obsequiis fructus praebendae, quam in Convenarum ecclesia obtinet, possit usque ad triennium percipere, quin personaliter residere teneatur. (cap. 145., f. 29a).
Dil. filio magistro Raymundo
de Castris canonico Convenarum.
Personam tuam tuorum ...
Dat. apud Villalherium Carcassonen. diocesis, idus februarii, anno quarto.
In eundem modum dilectis filiis Amelino de Lautrico Tolosan. et Guillelmo Meschin Noviomen. ac Bernardo Alluderii Albien. canonicis.
3815 – Borbonae, 26 ian. 1309
Indulget ad triennium, ut archidiaconatum suum Blavien., quem in Burdegalen. ecclesia obtinet cuiusque visitatio ad eum de consuetudine pertinet, possit per aliquam personam idoneam in sacerdotio constitutam visitare procurationesque debitas in pecunia numerata recipere moderatas (cap. 157, f. 32a).
Dil. filio Reginaldo de
Salhannaco archidiacono Blavien. in ecclesia Burdegalen.
Personam tuam tuis ...
Dat. Borbone Tholosan. diocesis, VII kal. februarii, anno quarto.
In eundem modum dilectis filiis ... Medulcen. et ... Sarnen. Burdegalen. archidiaconis ac ... cantori s. Frontonis Petragoricen. ecclesiarum.
3838 – Avenione, 26 mart. 1309
Conceditur Petro, per Arnaldum abbatem monasterii Fontisfrigidi Cistercien. ordinis Narbonnen. dioecesis s. Romanae ecclesiae vicecancellarium examinato, tabellionatus officium. (cap. 180, f. 36a).
Dil. filio Petro Dangerii
clerico Petragoricen. diocesis clericali dumtaxat caractere insignito.
Ne contractuum memoria ...
Dat. Avinioni. VII kal. aprilis, anno quarto.
3844 – Apud Caunas, 14
februarii 1309
Obtentu Bertrandi del God domini de Duratio provinciae Anconitan. rectoris fuit pridem Bernardo Galhardi, rectori parochialis ecclesiae s Sulpitii de Villafranca de Calvinio Albien. dioecesis, de ipsa ecclesia tunc per mortem magistri Bernardi Henrici, summi pontificis nuntii, qui tunc in provincia marchiae Anconitan. summi pontificis obsequiis insistebat, vacante provisum. Bernardus vero de Falgueriis clericus eiusdem dioecesis, falso asserens ecclesiam illam vacare, de illa per litteras apostolicas obtinuit sibi provideri, cuius provisionis praetextu eundem rectorem super illa ecclesia indebite impedit et molestat. Bernardo Galhardi supplicante mandat Clemens pp. V, ut inquisita veritate, non obstante quod causa ipsa esset apud sedem apostolicam terminanda et quod fuerit magistro Hugoni Geraldi canonico ecclesiae Petragoricen., summi pontificis capellano et apostolici palatii causarum auditori commissa, faciant eundem Bernardum Galhardi de ipsius ecclesiae pacifica possessione gaudere eique de fructibus et obventionibus universis integre responderi; Bernardo de Falgueriis vero super eadem ecclesia perpetuum imponant silentium. (cap. 186. f. 37a).
Dil. filiis Centullo de
Glatens canonico Lectoren. et ... officiali Albien.
Querelam dilecti filii ...
Dat. apud Caunas Narbonen. diocesis, XVI kal. martii, anno quarto.
3865 – Avenione, 1 apr. 1309
Indulget Bernardo, ut usque ad triennium monasteria, ecclesiasticas personas et loca ecclesiastica archidiaconatus sui Santonen. ecclesiae possit visitare per alium seu alios procurationesque debitas in pecunia recipere numerata moderatas. (cap. 206, f. 40b).
Dil. filio magistro Bernardo
Royardi archidiacono Xanctonen.
Grata tue devotionis obsequia ...
Dat. Avinioni, kal. aprilis, anno quarto.
In eundem modum dilectis filiis ... priori s. Viviani Santonen. et ... maioris ac ... s. Frontonis Petragoricen. ecclesiarum cantoribus.
3873 – Avenione, 23 mart. 1309
Iohannem de Brena rectorem ecclesiae parochialis de Crenayo Lingonen. dioecesis, qui eandem ecclesiam auctoritate litterarum apostolicarum canonice fuerat assecutus et aliquamdiu possederat fructus percipiens ex ea, Simon de Ycio presbyter Lingonen. dioecesis eadem ecclesia spolians ipsam occupavit et detinet occupatam. Cum postmodum Simon praetendens, quod Iohannes super eadem ecclesia, quam ad se spectare dicebat, iniuriabatur eidem, eum coram officiali Lingonen. non ex delegatione apostolica fecisset ad iudicium evocari, ex parte Iohannis fuit coram eodem officiali excipiendo propositum, quod cum Simon eum ipsa ecclesia contra iustitiam spoliasset, prout erat legitime probare paratus, nisi prius sibi ecclesia restitueretur, Simoni respondere super eo minime tenebatur et ad id de iure compelli non poterat nec debebat et quia Iohannes huiusmodi exceptionem, ad quam probandam per officialem admissus extitit, coram ipso legitime probavit, officialis interloquendo pronuntiavit, Simonem super eadem ecclesia audiendum non esse, nisi prius Iohanni ecclesiam restitueret, propter quod Simon ad Lugdunen. curiam loci metropoliticam appellavit. Processu vero temporis Iohannes minis et terroribus a Simone sibi illatis processui officialis super hoc habito pro eo, Simon vero sua sponte appellationi suae expresse renuntiaverunt in manibus episcopi Lingonen., et per eundem episcopum certae fuerunt deputatae personae, a quorum sententia sive ordinatione Iohannes taliter circumventus iuravit nullatenus appellare. lohanne vero, antequam in aliquo per easdem personas processum fuisset, ad sedem apostolicam recurrente Clemens pp. V ad eiusdem instantiam magistro Bernardo Royardi, archidiacono Santonen., summi pontificis capellano et auditori causarum palatii apostolici, eandem causam, etiamsi alias de sui natura non esset in Romana ecclesia pertractanda, audiendam commisit et fine debito terminandam. Qua ex causa mandatur, citent Simonem peremptorie, ut infra unius mensis spatium post citationem cum omnibus iuribus, actis ct munimentis suis causam hanc contingentibus coram sede apostolica compareat, sequestrent fructus eiusdem ecclesiae et detineant eosdem tamdiu, donec discussum fuerit, ad quem praefata ecclesia pertineat de iure. (cap. 214, f. 42a).
Dil. filiis ... maioris et ...
Divionen. archidiaconis ac Iohanni de Saffus canonico ecclesie Lingonen.
Significavit nobis dilectus filius ...
Dat. Avinion., X kal. aprilis, anno quarto.
3912 – Apud Montepesulanum, 24
febr. 1309
Confert Guillelmo abbatiam secularem ecclesiae beatae Mariae Pendulen. Aduren. dioecesis per mortem Bernardi de Fita vacantem, non obstante quod in ecclesia Aduren. sacristiam et parochialem ecclesiam s. Hippolyti de Villanova, quae ipsi sacristiae est unita, ecclesias s. Petri de Hostiario et s. Fidis ac de Fuzeoino eidem ecclesiae s. Hippolyti adnexas ac in Aduren. et in Ruthenen. ac in s. Petri de Vico ecclesiis canonicatus et praebendas necnon et parochiales s. Iohannis de Sancio et s. Petri de Bagueras ecclesias Aduren., Auxitan. et Convenarum dioecesium obtineat. (cap. 254, f. 49b).
Dil. filio Guillelmo dicto
Furti de Garlenx abbati secularis ecclesie beate Marie Penduten. Aduren.
diocesis.
Exigunt tue probitatis ...
Dat. apud Montempesulanum Magalonen. diocesis, VI kal. martii, anno quarto.
In eundem modum venerabili fratri ... episcopo Aduren. et dil. filiis ... priori de s. Cypriano Petragoricen. dioecesis ac ... archidiacono de Marsano in ecclesia Aduren.
3927 – Tolosae, 26 dec. 1308
Concedit Petro, per Arnaldum abbatem monasterii Fontisfrigidi Cistercien. ordinis Narbonnen. dioecesis s. Romanae ecclesiae vicecancellarium prius examinato, tabellionatus officium. (cap. 269, f. 52b).
Dil. filio Petro de Podio
Cervi clerico Petragoricen. diocesis in minoribus tantum ordinibus constituto.
Ne contractuum memoria ...
Dat. Tholose, VII kal. ianuarii, anno quarto.
3933 – Avenione, 16 mart. 1309
Consideratione Bernardi Ezii de Lebreto confert Pictavino beneficium ecclesiasticum, etiamsi dignitas vel personatus aut officium fuerit, consuetum ab olim clericis secularibus assignari, in civitate vel diocesi Auxitan. vacans vel proximo vacaturum, non obstante quod in ecclesia Vasaten. canonicatum et praebendam et decimam de Podiolobono Auxitan. dioecesis obtineat. (cap. 275, f. 53a).
Dil. filio Pictavino de
Montesquino canonico Vasaten.
Personam tuam tuis exigentibus ...
Dat. Avinioni, XVII kal. aprilis, anno quarto.
In eundem modum dil. filiis ... abbati monasterii s. Severi et ... priori de s. Cypriano Aduren. et Petragoricen. dioecesium ac Guillelmo de Bordis canonico Pictavien.
3984 – Apud Villandradum, 21
novembris 1308
Confirmatur compositio facta inter archiepiscopum Burdegalen. et priorem prioratus de s. Cypriano ordinis s. Augustini Petragoricen. dioecesis. (cap. 324, f. 63a).
Venerabili fratri Arnaldo
archiepiscopo Burdegalen.
Cum a nobis petitur etc. usque effectum. Sane petitio tua nobis exbibita continebat, quod orta dudum ante promotionem nostram ad summi apostolatus officium inter nos, tunc Burdegalen. archiepiscopum, et predecessores nostros Burdegalen. archiepiscopos, et quondam Hugonem priorem prioratus de sancto Cipriano, ordinis sancti Augustini Petragoricen. diocesis, dum viveret, super eo quod nos dicebamus iurisdictionem altam et bassam ac merum et mixtum imperium locorum de Capella et de Rinhaco prope sanctum Ciprianum et pertinentiarum earundem ad nos nomine dicte Burdegalen. ecclesie pertinere ac nos esse in possessione vel quasi ibidem exercendi omnimodam iurisdictionem et ab antiquo fuisse, necnon et super omni iure, quod dicebamus nos habere nomine dicte ecclesie in iurisdictione alta et mero imperio loci et parrochie sancti Cipriani predicti, et super eo etiam quod nos dicebamus nomine quo supra ad curiam nostram de Bigarupe appellari debere, quotiens ab audientia dicti prioris, militum et domicellorum prefati loci de sancto Cipriano appellari contingeret, ac insuper super eo, quod dictus prior tenebat et tenere debebat a nobis in feudum loca de Capella et de Rinhaco, et ea que habebat in parrochiis de Mauzens et Delcos, dicto priore asserente se habere iurisdictionem altam et bassam in parrochiis de Capella et de Rinhaco prefatis, ac in monasterio, claustro et mercato sancti Cipriani et in furnis ac molendinis, que dictus prior habebat apud sanctum Ciprianum, materia questionis tandem super hiis et ea contingentibus quedam inter nos et dictum priorem nomine ecclesiarum nostrarum compositio intervenit, prout in instrumento publico in confecto plenius dicitur contineri. Nos itaque tuis supplicationibus inclinati compositionem huiusmodi provide factam et hactenus pacifice observatam ratam et gratam habentes eam auctoritate apostolica ex certa scientia confirmamus et presentis scripture patrocinio communimus supplentes omnem defectum, si quis ex quacunque causa in premissis vel aliquo premissorum fuerit, de apostolice plenitudine potestatis, ac tenorem ipsius instrumenti presentibus inseri facientes, qui talis est:
In nomine Domini, amen. Anno eiusdem M. CCCIIII, indictione II, sede Romana vacante, ut comuniter dicebatur VIII die mensis augusti, videlicet die sabbati ante festum beati Laurentii martiris, universis per hoc presens publicum instrumentum pateat manifeste, quod cum esset debatum et controversia seu esse speraretur inter reverendum patrem in Christo dominum Bertrandum divina providentia Burdegalen. archiepiscopum ex una parte, et discretum virum dominum Hugonem priorem sancti Cipriani Petragoricen. diocesis ex altera, super eo quod dictus dominus archiepiscopus dicebat iurisdictionem altam et bassam et merum et mixtum imperium locorum de Capella et de Rinhaco prope sanctum Ciprianum et pertinentiarum earundem ad ipsum nomine ecclesie sue Burdegalen. pertinere et se esse in possessione vel quasi ibidem exercendi omnimodam iurisdictionem et ab antiqo fuisse nec non et super omni iure, quod dictus dominus archiepiscopus dicebat se habere nomine dicta ecclesie sue in iurisdictione alta et mero imperio et loci et parrochie sancti Cipriani, et super eo quod dictus dominus archiepiscopus dicebat ad se nomine quo supra et ad curiam suam de Bigarupe appellari debere, quotiens ab audiencia dicti prioris, militum et domicellorum de sancto Cipriano appellari contingeret, et super eo quod dictus prior tenebat et tenere debebat ab ipso domino archiepiscopo in feudum loca de Capella et de Rinhaco, et ea que habebat in parrochiis de Mauzens et Delcos, dicto domino priore asserente, se habere iurisdictionem altam et bassam in parrochiis de Capella et de Rinhaco et in monasterio, claustro, mercato sancti Cipriani et in furnis et molendinis, que dictus prior habet (apud) sanctum Ciprianum et possidet in presenti, tandem super premissis et premissa tangentibus inter dictum dominum archiepiscopum et dictum dominum priorem nomine ecclesiarum suarum talis amicabilis compositio seu transactio intervenit, videlicet quod omnimoda alta iurisdictio, merum et mixtum imperium locorum predictorum de Capella et de Rinhaco et pertinentiarum eorundem ad dictum dominum archiepiscopum et successores suos imperpetuum pertineat pleno iure. Item quod alta iurisdictio, merum et mixtum imperium loci et parrochie de sancto Cipriano ad dictum dominum archiepiscopum et successores suos in perpetuum pertineant, quia inventum est, quod fuit ab antiquo sic. Et quia bassa iurisdictio, cuius emolumentum dictus prior ascendere dicebat usque ad septem solidos et infra, locorum predictorum de Capella et de Rinhaco ad priorem pertineat supradictum, ita quod bassa iurisdictio usque ad summam predictam loci predicti de sancto Cipriano et parrochie ad dictum priorem una cum militibus et domicellis dicti loci pertineat, et quod banna et preconizationes in hiis, que spectant ad bassam iurisdictionem, fiant ec parte predictorum prioris, militum et domicellorum, prout fieri consuevit. Item quod alta iurisdictio, videlicet usque ad sexaginta solidos tantum in casibus emergentibus in claustro et in monasterio sancti Cipriani et infra claustnim dicti claustri, prout nunc est, in quascunque personas ibidem delinquentes ad priorem pertineat supradictum. Item quod iurisdictio in casibus emergentibus, cuius emolumentum seu pena ascendit tantum usque ad sexaginta solidos, de consuetudine vel de iure in familia ipsius prioris tantum, et non in aliis personis delinquentibus in furnis et molendinis, que dictus prior habet, tenet et possidet apud sanctum Ciprianum in presenti, ad dictum priorem pertineat in futurum. Casus vero, in quibus pro delictis seu criminibus commissis vel in posterum committendis in dictis claustro, monasterio et infra clausuram predictam et in furnis ac molendinis, ultimum supplicium mutilatio, bannimentum vel relegatio vel quecunque alia pena maior sexaginta solidorum imponi vel inferri debent de consuetudine vel de iure, ad dominum archiepiscopum pertineant supradictum etiam in familia prioris predicti. Item quod dictus prior et successores sui procurent et procurare teneantur, et idem prior permisit bona fide se facturum et curaturum sine dampno suo tamen, quod, quotiens ab audientia ipsius prioris, militum et domicellorum sancti Cipriani et curie ipsorum appellari contigerit, appelletur ad audientiam curie de Bigarupe domini archiepiscopi supradicti. Item quod dictus prior teneat et avoet et se tenere et avoare recognoscat, se tenere in feudum a dicto domino archiepiscopo, quicquid iuris habet in parrochiis de Mauzens et Delcos, et hoc idem faciat de locis de Capella et de Rinhaco et pertinentiarum earundem, salvo iure quolibet alieno. Intentionis tamen dicti archiepiscopi erat ut dixit, quod per hanc compositionem seu transactionem iuris, quod dictus prior se habere asserebat. dicto domino archiepiscopo in contrarium asserente, in datione tutele vel cure vel iuri dictorum militum et domicellorum aliquod preiudicium generetur, nec per hanc compositionem intendebat dictus dominus archiepiscopus militibus ac domicellis ac vigeriis sancti Cipriani nec iuri eorundem in aliquo derogare nec ipsos extra manum suam ponere nec dicto priori propter hoc ius aliquod novum dare. Hanc autem compositionem sive transactionem utraque pars, videlicet dictus dominus archiepiscopus pro se et ecclesia sua Burdegalen. et dictus dominus prior pro se et monasterio seu ecclesia sua de sancto Cipriano approbaverunt, laudaverunt et ratificaverunt integre et de plano cum omni iuris et facti renuntiatione et cautela et voluerunt, quod haberet perpetuo firmitatem, omni lesioni, deceptioni, in integrum restitutioni ac omni iuris auxilio scripti et non scripti, canonici et civilis renuntiantes omnino. michique notario seu tabellioni infrascripto presenti mandantes, quod de premissis omnibus et singulis facerem publicum instrumentum, quod voluerunt sigillorum suorum et sigillorum venerabilis capituli Burdegalen. ac conventus seu capituli sancti Cipriani ad maiorem firmitatem appensione, quibus sigillis appositis vel non appositis vel aliis appositis, aliis non appositis, integris vel non integris, fractis vel non fractis, apparentibus vel non apparentibus, voluerunt, quod presens instrumentum et contenta in eo semper haberent roboris firmitatem. Acta sunt hec apud Bigam Rupem dicte diocesis Petragoricen. in aula domini archiepiscopi supradicti, anno, indictione, die et mense, quibus supra, presentibus domino Rampnulpho de Bloyac, venerabili cantore Burdegalen., dominis Bertrando de Mata et fratre Petro de Cathena, canonicis sancti Cipriani, domino Roberto archipresbytero Albutien., magistris Arnaldo de Auxio, Raymundo Fabri, Petro de Mauritania et Bertrando de Bordis presbyteris, dominis Eblone de Campania, Raymundo de sancto Eumachio et Guillelmo de Casnaco militibus ac magistris Raymundo Richardi et Bertrando de Birazello clericis, Helya Virdiniala, Helya Folquerii, Augerio de Campania, Bertrando de Bosco, Guillelmo de Rodis et dicto Ali de sancto Cipriano domicellis, testibus ad premissa vocatis specialiter et rogatis. Et ego Bernardus Caprani clericus Burdegalen. diocesis publicus auctoritate imperiali notarius sive tabellio omnibus et singulis premissis presens interfui et ea de mandato seu requisitione predictorum dominorum archiepiscopi et prioris manu propria scripsi et in publicam formam redegi meoque signo solito consignavi rogatus. Ceterum volumus et eadem auctoritate decernimus, quod tenor huiusmodi sic insertus plenam fidem et probationem faciat tam in iudicio quam extra, etiam si dictum originale instrumentum non haberetur nec etiam appareret, nec sit necesse illud aliquatenus exhiberi. Nulli etc. nostre confirmationis, suppletionis et constitutionis etc.
Dat. apud Vignandraldum, Burdegalen. diocesis. XII kal. decembris. anno quarto.
4021 – Avenione, 22 maii 1309
Dudum inter Fridericum decanum s. Severini Colonien. et Adolphum de Marka praepositum s. Martini Wormatien. ecclesiarum quaestio erat exorta occasione praepositurae eiusdem ecclesiae s. Severini, ad quam uterque ipsorum se proponebat electum, qui tandem causa per appellationes hinc inde interpositas ad apostolicam sedem devoluta et habitis nonnullis processibus, quamvis neuter ipsorum ad obtinendum illam foret idoneus, cum quilibet eorum obtineret plura beneficia curam animarum habentia, ac Adolphus pateretur in aetate defectum, per quosdam pravas pactiones convenerunt, ut Adolphus teneret praeposituram ac de ipsius fructibus Friderico annuatim solveret pensionem certam, qua promissione recepta Fridericus renuntiavit omni iuri, si quod ei in praepositura posset competere. Clemens pp. V certior factus, Adolphum praetextu huius conventionis praeposituram occupasse et adhuc occupare, fecit ambo citare, ut comparereat certo termino personaliter coram sede apostolica, et eis in praefixo termino minime comparentibus commisit magistro Bernardo Royardi, archidiacono Santonen. suo capellano ac sacri palatii auditori causarum, ut inquireret et fine debito terminaret hoc negotium; qui eisdem in audientia publica citatis et minime comparentibus pronuntiavit electiones Friderici et Adolphi ad eandem praeposituram fuisse inanes et irritas, eis perpetuum silentium imponendo, qua ex causa Adolphus omni iuri, si quod sibi in praepositura competere posset, sponte et libere renuntiavit in manibus Raymundi sanctae Mariae Novae diaconi cardinalis. Praeposituram taliter vacantem confert Clemens pp. V obtentu eiusdem cardinalis Iohanni eius capellano.(cap.349, f. 73a).
Dil. filio Iohanni de
Houwerschilt preposito ecclesie s. Severini Colonien.
Digne illos ad ecclesiasticos honores ...
Dat. Avinioni, XI kal. iunii, anno quarto.
In eundem modum venerabili fratri ... archiepiscopo Colonien. et dilectis filiis ... abbati monasterii s. Pantaleonis Colonien. et archidiacono Pictavien.
4030 – Apud Villalherium 12
februarii 1309
Confert Iohanni parochialem ecclesiam s. Petri de Borno Petragoricen. dioecesis, quam Rainulphus Bayllargeti olim ipsius ecclesiae rector, per suum ad hoc specialiter deputatum procuratorem Petrum de Laclote in manibus Bertrandi episcopi Albien. summi pontificis camerarii resignaverat, non obstante quod patiatur in ordinibus et aetate defectum, cum in vicesimo aetatis suae anno constitutus existat; faciat vero se, cum ad legitimam pervenerit aetatem, ratione curae animarum ipsius ecclesiae ad omnes promoveri ordines. (cap. 354, f. 75a).
Dilecto filio Iohanni de
Laclote rectori parrochialis ecclesie s. Petri de Borno Petragoricen. diocesis.
Tue probitatis merita ...
Dat. apud Villalherium Carcassonen. diocesis, II idus februarii, anno quarto.
In eundem modum dil. filiis ... abbati monasterii s. Severi Aduren. dioecesis et ... archidiacono Albaterren. Petragoricen. ac magistro Petro Radulphi canonico Santonen. ecclesiarum.
4062 – Avenione, 16 apr. 1309
Recipiat a Guillelmo Meschini Suessionen. et Radulpho de Mulanco Petragoricen. ecclesiarum canonicis resignationem canonicatuum ct praebendarum, quos in eisdem ecclesiis obtinent, et conferat Radulpho canonicatum et praebendam in Suessionen., Guillelmo eadem beneficia in Petragoricen. ecclesiis, non obstante quod Guillelmus in Noviomen. et s. Asterii canonicatus et praebendas ac in eadem s. Asterii ecclesiis quandam perpetuam capellaniam animarum curam habentem ct decimam de Guardubio cum hospitali de Mortuomari s. Iohannis Ierosolimitan. Petragoricen. et Tolosan. dioecesium ac in Cameracen. sub expectatione praebendae et dignitatis et in s. Frontonis Petragoricen. dioecesis ecclesiis sub expectatione praebendae canonicatus, et Radulphus unum vel plura beneficia obtineant. (cap. 375, f. 82b).
Dilecto filio Raymundo sancte
Marie Nove diacono cardinali.
Significarunt nobis ...
Dat. Avinioni, XVI kal. maii, anno quarto.
4067 – Avenione, 1 iunii 1309
Innovantur litterae de corpore et reliquiis beati Eligii confessoris. (cap. 380, f- 83a).
Dilecto filio ... abbati et
conventui monastero, sancti Eligii Noviomen. ordinis sancti Benedicti.
Ex parte vestra fuit nuper expositum coram nobis, quod, licet in causa, que inter vos ex parte una et dilectos filios ... decanum et capitulum ecclesie Noviomen. ex altera occasione corporis et reliquiarum beati Eligii confessoris vertitur, coram dilecto filio magistro Hugone Geraldi cantore ecclesie Petragoricen. capellano nostro et auditore causarum palatii, cui causam predictam duximus committendam, quedam littere felicis recordationis Alexandri pp. IIII predecessoris nostri, quarum tenor inferius est insertus, fuerunt exhibite sane et integre in iudicio coram auditore predicto, tamen post exhibitionem huiusmodi repertum est fractum filum, in quo bulla dicti predecessoris appensa erat litteris antedictis. Quare ne casus huiusmodi fractionis imposterum vobis preiudicium generaret, nobis humiliter supplicasti, ut providere vobis super hoc paterna diligentia dignaremur. Nos itaque indempnitati vestre in hac parte providere volentes dilectis filiis nostris Iohanni tit. sanctorum Marcellini et Petri presbytero et Ricciardo sancti Eustachii diacono cardinalibus commisimus oraculo vive vocis, ut super hiis, quod iustum foret, ordinare, decernere ac etiam providere curarent. Cumque ipsi decanus et capitulum legitime citati fuissent auctoritate litterarum cardinalium eorundem, super huiusmodi citatione a nobis eis specialiter potestate concessa, ut certo competenti termino coram eis legitime comparerent proposituri super premissis, si quid vellent, ac audituri, quod duxerint ordinandum, nichil rationabile pro parte ipsorum in eodem termino vel postea fuit propositum coram eis, quare non deberent littere huiusmodi innovari, iidem vero cardinales id attendentes, quodque eis constitit, tam per acta Francisci de Mevania notarii in causa predicta super exhibitione dictarum litterarum facta coram auditore prefato, quam per confessionem magistri Mathei de Modoetia procuratoris decani et capituli predictorum in eadem causa super hoc coram eodem auditore in iudicio factam, quod prefate littere integre in filo et bulla et absque alio vitio fuerant exhibite et producte, decreverunt in utriusque partis procuratorum presentia, huiusmodi litteras innovari debere, prout in instrumento publico inde confecto eorundem cardinalium sigillis munito plenius dicitur contineri. Nos igitur decretum eorundem cardinalium ratum habentes et gratum prefatas litteras duximus innovandas et presentibus inserendas, nolentes, quod per innovationem huiusmodi novum ius vestro monasterio acquiratur, sed antiquum ei, si quod sibi ex eisdem litteris, antequam filum frangeretur predictum, in integritate competebat eorum, conservetur illesum, et eundem vigorem habeant, quam haberent, si sepedictum filum adhuc integrum permaneret. Tenor autem litterarum huiusmodi de verbo ad verbum sequitur in hunc modum:
Alexander episcopus servus servorum Dei. Venerabili fratri Odoni archiepiscopo Rothomagen. Salutem et apostolicam benedictionem. Cum dilectus filius ... decanus et capitulum Noviomen. super inquisitione facienda, an in Noviomen. ecclesia cathedrali corpus vel reliquie beati Eligii confessoris, de ipsius quoque rei fama, credulitate, opinione et omnibus circumstantiis huiusmodi negotium contingentibus, ad venerabilem fratrem nostrum ..., episcopum Suessionen. eiusque collegas a sede apostolica litteras impetrassent, ac super hoc inter ipsos ex parte una et ... abbatem et conventum sancti Eligii Noviomen. ex altera fuisset aliquamdiu litigatum, demum causa ipsa ad nos per appellationem delata et partibus in nostra presentia constitutis ac diversa proponentibus hinc et inde, nos cum fratribus nostris deliberatione habita diligenti finem huic negotio imponere cupientes tibi, cuius persone industriam ad huiusmodi negotium ydoneam elegimus, per apostolica scripta mandamus, quatinus aliquibus litteris apostolicis et processibus super hoc tam a iudicibus quam aliis quibuscunque habitis non obstantibus, immo verius omnino sublatis, de predicto venerando corpore, ubi requiescat, eiusque sepultura et translatione tam per epitaphia, instrumenta, scripta, legendas, ystorias, cronicas et libros antiquos, quam per testes et alias probationes legitimas, de fama quoque ac opinione et credulitate cleri et populi peregrinatione ac aliis amminiculis et circumstantiis universis, per que veritas declarari valeat, inquiras secundum articulos et interrogatoria partium, que tibi sub bulla nostra transmittimus, diligentius veritatem, et que inde inveneris, redacta in scriptis nobis sub tuo sigillo transmittas, ut per te instructi ordinemus inde, quod secundum Deum viderimus expedire, prefixo partibus termino peremptorio competenti, quo per se vel per procuratores ydoneos compareant coram nobis, ordinationi, quam super hoc fecerimus, per omnia pariture. Ad hec precipimus et districtius inhibemus, ne interim ab alterutra partium in alterius preiudicium de novo aliquid attemptetur. Predicti quoque decanus et capitulum ac abbas et conventus nec per se nec per alios devotionem populi avertere ab eodem monasterio sancti Eligii et ecclesia cathedrali in derogationem prioris status ac preiudicium ipsius monasterii et ecclesie aliqua ratione negotio pendente presumant, sed utraque pars expectet, quod super hiis duxerimus ordinandum. Testes autem etc. per censuram usque prohibere. Dat. Anagnie, VI kal. iunii, pontificatus nostri anno secundo.
Dat. Avinion., kal. iunii, anno quarto.
4081 – Avenione, 1 iunii 1309
Contemplatione quondam Guillelmi de Dompnio, scolastici ecclesiae Santonen. summi pontificis capellani, indulget eius nepoti Iohanni, ut insistens scolasticis disciplinis proventus praebendarum, quas in s. Frontonis Petragoricen. et Blanziacen. Engolismen. dioecesis ecclesiis obtinet, quarum existit canonicus, usque ad triennium valeat percipere, quin personalem in eis residentiam facere teneatur. (cap. 393, f. 87a).
Dilecto filio Iohanni de
Dompnio canonico ecclesie s. Frontonis Petragoricen.
Probitatis tue meritis ...
Dat. Avinioni, kal. iunii, anno quarto.
In eundem modum dilectis filiis ... abbati secularis ecclesiae Albaterren. Petragoricen. dioecesis et magistris Petro Rodulphi et Arnaldo Leutardi canonicis Santonen.
4084 – Tolosae, 6 ian. 1309
Consideratione Heliae comitis Petragoricen. indulget Iterio, ut reditus beneficiorum suorum residendo in Romana curia vel insistendo litterarum studio usque ad triennium libere valeat percipere, quin ad personalem teneatur in eisdem residentiam. (cap. 396, f. 88a).
Dilecto filio Iterio de
Vallescura canonico Petragoricen.
Exigunt tue probitatis et devotionis merita ...
Dat. Tholose, VIII idus ianuarii, anno quarto.
In eundem modum dilectis filiis ... abbati monasterii Sarlaten. et ... priori de s. Avito Seniori ac ... praeposito ecclesiae de Rupeboviscurti Petragoricen. dioecesis.
4141 – Apud Montempesulanum,
21 febr. 1309
Clemens pp. V prioratum de Paolhaco ordinis s. Benedicti Caturcen. dioecesis ad collationem abbatis monasterii de Aurelhaco eiusdem ordinis Claromonten. dioecesis pertinentem, per obitum Nephes Malefata clerici secularis, qui tempore Benedicti pp. XI apud sedem apostolicam clausit diem extremum, vacantem contulerat Arnaldo episcopo Pictavien. tunc canonico Convenarum, quamvis idem propter potentiam et malitiam abbatis et cuiusdam monachi ipsum prioratum tenentis eundem assequi nequiverit, et post eius promotionem ad sedem Pictavien. providerat summus pontifex Galhardo de eodem prioratu. Cum vero ipse quoque ex eisdem causis prioratum non potuerit adipisci, omne suum ius in manibus eiusdem abbati resignavit promittens et iuramento firmans se contra hanc renuntiationem aliquo tempore non venturum, qua ex causa idem abbas capellam seu castrum de Baniaco Caturcen. dioecesis ad idem monasterium pertinens ei contulit. Summus pontifex vero decernit, ut provisio et collatio Galhardo ab apostolica sede de dicto prioratu facta permancat in suo robore, non obstante quod in ecclesia Auxitan. ordinis s. Augustini canonicatum et quotidianam distributionem necnon prioratum conventualem de s. Cypriano Petragoricen. dioecesis obtineat ac in ecclesia Auxitan. personatum vel dignitatem seu officium aut administrationem expectet, confert ei de novo eundem prioratum, omnes eius renuntiationis confirmationes cassans et confirmat ei collationem capellae seu castri de Baniaco per abbatem ei factam (cap. 444, f. 95a).
Dilecto filio Galhardo de
Lobersano priori prioratus de Paolhaco ordinis s. Benedicti Caturcen. diocesis.
Per grata familiaritatis obsequia ...
Dat apud Montempesulanum, VIIII kal. martii, anno quarto.
In eundem modum venerabili fratri Bernardo episcopo Albien. camerario nostro et dilectis filiis ... abbati monasterii de Cadomo Petragoricen. dioecesis ac archidiacono s. Sereni in ecclesia Caturcen.
4165 – Avenione, 11 iul. 1309
Idem officium conceditur Petro de Labarda clerico Petragoricen. diocesis clericali etc. (f. 97b).
Dat. Avinioni, V idus iulii, anno quarto.
4176 – Avenione, 1 iul. 1309
Recipiat a Guilielmo Baccalarii canonico ecclesiae Albaterren. resignationem canonicatus et praebendae, quos in eadem ecclesia obtinet, et conferat eosdem alicui personae idoneae. (cap. 463, f. 98b).
Dilecto filio Raymundo sancte
Marie Nove diacono cardinali.
Cum sicut accepimus ...
Dat. Avinioni, kal. iulii, anno quarto.
4179 – Avenione, 9 iun. 1309
Recepta a magistro Guillelmo Girberti s. Martialis de Drona et de Riberiaco, quarum una dependet ab altera, et ab Ademaro de Virsaco de Bertrico ecclesiarum rectoribus Petragoricen. dioecesis, qui easdem ecclesias cupiunt invicem permutare, resignatione earundem ecclesiarum conferat de Drona et de Riberiaco Ademaro, Guillelmo vero de Bertrico ecclesias. (cap. 465, f. 99a).
Dilecto filio Raymundo sancte
Marie Nove diacono cardinali.
Cum dilecti filii ...
Dat. Avinioni, V idus iunii, anno quarto.
4198 – Avenione, 9 maii 1309
Consideratione Guillelmi tit. s. Pudentianae presbyteri cardinalis confert familiari eius Guillelmo beneficium consuetum ab olim clericis secularibus assignari, cuius annui proventus centum librarum Turonen. parvorum summam iuxta decimae taxationem non excedant, si quod in civitate vel dioecesi Caturcen. vacat ad praesens vel quamprimum inibi vacare contigerit. (cap. 483, f. 101b).
Dilecto filio Guillelmo Catufe
clerico Agennen. diocesis.
Volentes personam tuam ...
Dat. Avinioni, VII idus maii, anno quarto.
In eundem modum dilectis filiis ... priori de Lairaco Agennen. dioecesis ac sacristae ecclesiae Lugdunen. et Begono de Caumonte canonico Petragoricen.
4208 – Avenione, 30 maii 1309
Consideratione Arnaldi Bernardi de Serris militis confert eius familiari Petro beneficium cum annuis fructibus sexaginta librarum Turonen. parvorum iuxta decimae taxationem spectans ad collationem prioris de Salvitate Cavimontis ordinis s. Benedicti Agennen. dioecesis, in Agennen. vel Petragoricen. civitatibus vel dioecesibus vacans vel vacaturum, et concedit ei, ut beneficium etiam minoris possit acceptare valoris. (cap. 493, f. 103 a).
Dilecto filio Petro de
Ecclesia clerico Agennen. diocesis.
Tue merita probitatis ...
Dat. ut supra (Avinioni, III kal.iunii, anno quarto).
In eundem modum eisdem executoribus ut supra proximo. (dilectis filiis de Bastida sancte Fidis et de Duratio Agennen. diocesis prioratibus ac sacriste ecclesie Agennen.).
4219 – Avenione, 1 iul. 1309
Mandat executoribus, ut magistro Bernardo Roiardi archidiacono Santonen. summi pontificis capellano super iurisdictione, bonis et iuribus sui archidiaconatus frequenter indebite molestato assistant efficacis praesidio defensionis, compescendo molestatores cuiuscunque status aut conditionis fuerint, etiamsi universitates, communitates vel collegia extiterint seu si pontificali vel alia quacunque ecclesiastica vel seculari praeemineant dignitate, auctoritate apostolica, archiepiscopo Burdegalen. et Guidone episcopo Santonen. erorumque officialibus et commissariis dumtaxat exceptis, adversus quos executoribus nulla iurisdictio auctoritate praesentium tribuitur (cap. 503, f. 1046).
Dilectis filiis ... abbati monasterii Angeliacen. Xanctonen. diocesis et s. Frontonis Petragoricen. ac s. Ylarii Pictaven. ecclesiarum cantoribus.
Grandia merita probitatis ...
Dat. Avinioni, kal. iulii, anno quarto.
4220 – Avenione, 16 iun. 1309
Consideratione Guillelmi episcopi Vasaten. providet Guillelmo familiari Raymundi sanctae Mariae Novae diaconi cardinalis de uno beneficio in dioecesi Vasaten. vacante vel vacaturo, cuius proventus quadraginta librarum Turonen. parvorum iuxta taxationem decimae annuum non excedant valorem, ad eiusdem episcopi collationem pertinente, non obstante quod in ecclesia Albaterren. Petragoricen. dioecesis canonicatum et prabendam obtineat. (cap. 503, f. 105a).
Dilecto filio Guillelmo
Bacalarii presytero canonico ecclesie Albaterren. Petragoricen. diocesis.
Probitatis tue laudabilia merita ...
Dat. Avinioni, XVI kal. iulii, anno quarto.
In eundem modum dilectis filiis ... Pictaven. et Vasaten. archidiaconis ac ... cantori s. Frontonis Petragoricen. ecclesiarum.
4225 – Avenione, 9 iun. 1309
Supplicationibus Raymundi et Audoini episcopi Petragoricen. inclinatus concedit Raymundo facultatem providendi uni personae idoneae de unico beneficio, cuius fructus sexaginta librarum Turonen. parvorum secundum decimae taxationem annuum valorem non excedant, ad eiusdem episcopi collationem spectante, in civitate vel dioecesi Petragoricen. vacante vel vacaturo, non obstante si eadem persona unum, duo vel plura beneficia obtineat. (cap. 508, f. 106a).
Dilecto filio Raymundo sancte
Marie Nove diacono cardinali.
Illa tibi libenter ...
Dat. Avinioni. V idus iunii, anno quarto.
Donnée : Collection Périgord, vol. 31, fol. 17 r°
4235 – Apud Laureum montem, 6
oct. 1308
Consideratione Guillelmi Raymundi de Gensaco domicelli confert Raymundo eius familiari beneficium cum annuis fructibus sexaginta librarum Turonen. parvorum iuxta decimae taxationem, spectans ad collationem episcopi Petragoricen. et in civitate vel diocesi Petragoricen. vacans vel vacaturum. (cap. 518, f. 107b).
Dilecto filio Raymundo de
Podio Maurini clerico Petragoricen. diocesis.
Tue merita probitatis ...
Dat. apud Laureummontem Burdegalen. diocesis, II nonas octobris, anno tertio.
In eundem modum dilectis filiis ... priori s. Aviti senioris Petragoricen. diocesis et Bcch de Caumont ac Fortanerio Massolla canonicis Petragoricen.
4306 – Avenione, 24 apr. 1309
Providet Guillelmo ad dies vitae de prioratu ecclesiae s. Laurentii de Meuriis Burdegalen. dioecesis ad abbatem et conventum monastero Brancolnien. (sic) ordinis s. Benedicti Petragoricen. dioecesis pleno iure pertinente et consueto per ipsius monasterii monachos gubernari, quem ab eodem abbate sub recognitione certae annuae pensionis abbati ipsi reddendae tenuit et retinet, non obstante quod in maiori et s. Severini Burdegalen. ecclesiis canonicatus et praebendas obtineat; insuper condonat ei omnes fructus, si quos hactenus ex eodem prioratu minus iuste perceperit; teneatur autem pensionem per ipsum abbati reddendum eidem sicut prius solvere, (cap. 572, f. 119a).
Dilecto filio Guillelmo
Seguini de Scossano canonico Burdegalen.
Laudabilia tue merita probitatis ...
Dat. Avinioni, VIII kal. maii, anno quarto.
In eundem modum dilectis filiis ... cantori et magistris Raymundo Gaufridi ac Raymundo de Pinibus canonicis ecclesie Burdegalen.
4320 – Avenione, 7 iul. 1309
Consideratione Bertrandi de Ravinhano domicelli et familiaris sui reservat Aymerico beneficium cum animarum cura ad collationem episcopi Uticen. pertinens, cuius fructus centum librarum Turonen. parvorum iuxta taxationem decimae valorem annuum non excedant, si quod in civitate vel dioecesi Uticen. vacat ad praesens vel proximo vacaturum, non obstante quod quasdam decimas in parochiis de Monivalle et de Senesellis Agennen. dioecesis obtineat. (cap. 581, f. 121b).
Dil. filio Aymerico dc
Rovinhano clerico Agennen. diocesis.
Probitatis tue merita ...
Dat. Avinioni. nonas iulii, anno quarto.
In eundem modum dilectis filiis ... priori de Septemfontibus Petragoricen. diocesis et ... archidiacono Londonien, ac Hugoni de Lauduno canonico Uticen.
4364 – Apud monasterium
Bonifontis, 20 ian. 1309
Indulget Guillelmo, ut fructus praebendae suae, quam in ecclesia de s. Asterio Petragoricen. dioecesis obtinet, usque ad biennium in absentia percipere valeat, dummodo circa reparationem ecclesiae de Bellovidere eiusdem dioecesis, cuius existit rector, insistat, (cap. 624. f. 128b).
Dil. filio Guillelmo de
Mercato canonico ecclesie dc s. Asterio Petragoricen. diocesis.
Merita tue probitatis ...
Dat. apud monasterium Bonifontis Convenarum diocesis, XIII kal. februarii, anno quarto.
In eundem modum dilectis filiis ... abbati monasterii de Sarlato et priori secularis s. Aviti senioris ac decano de Figiaco ecclesiarum Petragoricen. diocesis.
Note : Collection Périgord, vol. 34, fol. 306 r°
Mention : http://www.guyenne.fr/archivesperigord/SHAP/T28_1901/Belves_Histoire.htm
4371 – Avenione, 25 apr. 1309
Indulget Amanevo, ut praetextu archidiaconatus sui Brageriaci, quem in ecclesia Petragoricen. obtinet, et quorumcunque aliorum beneficiorum cum vel sine cura, etiamsi dignitate vel personatus existant, donec vicesimum quintum aetatis suae annum compleverit, non teneatur ad sacros ordines se facere promoveri (cap. 631, f. 130b).
Dil. filio Amanevo de Pelagrua
archidiacono Brageriaci m ecclesia Petragoricen.
Meritis tue devotionis ...
Dat Avinioni, VII kal. maii, anno quarto.
4372 – Avenione, 25 apr. 1309
Consideratione Arnaldi s. Mariae in Porticu diaconi cardinalis indulget eidem (Amanevo) eius nepoti, ut fructus beneficiorum suorum, quae obtinet, etiamsi dignitates vel personatus existant et curam habeant animarum, usque ad triennium percipere valeat, quin ad personalem residentiam teneatur (cap. 632, f. 130b).
Eidem (Dil. filio Amanevo de
Pelagrua archidiacono Brageriaci m ecclesia Petragoricen.).
Laudabilia tue probitatis ...
Dat. ut supra (Avinioni, VII kal. maii, anno quarto).
In eundem modum dilectis filiis ... archidiacono Medie Nannecten. et Geraldo de Baierano et Ademaro de s. Pastore canonicis Convenarum ecclesiarum.
4373 – Avenione, 25 apr. 1309
Obtentu eiusdem Arnaldi cardinalis indulget eidem eius nepoti, ut usque ad triennium archidiaconatum suum Brageriaci, quem in ecclesia Petragoricen. obtinet, possit per aliquas personas idoneas in sacerdotio constitutas visitare ac procurationes debitas in pecunia numerata recipere moderatas. (cap. 633, f. 130b).
Eidem (Dil. filio Amanevo de
Pelagrua archidiacono Brageriaci m ecclesia Petragoricen.).
Devotionis tue sinceritas ...
Dat ut supra (Avinioni, VII kal. maii, anno quarto).
In eundem modum archidiacono Medie et aliis ut in executoria supra proximo.
4468 – Avenione, 10 sept. 1309
Quamvis prioratus de Carmelis ordinis s. Augustini Claromonten. dioecesis ad monasterium sanctae Mariae de Corona eiusdem ordinis Engolismen. dioecesis immediate pleno iure pertineat, ac ipsius monasterii abbates ab antiquis temporibus habuerint et habeant ius instituendi priores in eodem prioratu, fratres tamen seu conventus eiusdem prioratus a iurisdictione abbatis se et prioratum suum subtrahere molientes, Hugonem Roberti, canonicum monasterii sanctae Mariae de Corona, quem Guillelmus abbas eiusdem monasterii instituerat in priorem prioratus ipsius, admittere recusaverunt et sibi ius priorem eligendi vendicantes, Raymundum Garnerii eiusdem monasterii canonicum in suum priorem elegerunt et electionem per Arbertum episcopum Claromonten. loci ordinariam post appellationem ab Hugone ad sedem apostolicam interiectam, ne idem episcopus ad confirmationem electionis procederet, obtinuerunt indebite confirmari, licet fratres eiusdem prioratus se ius in electione prioris aliquod non habere, sed institutionem eiusdem ad abbatem pertinere ante praefatam electionem per publica instrumenta sponte essent confessi. Annuens supplicationibus abbatis et Hugonis Clemens pp. V mandat executoribus, inquirant super hoc veritatem et mittant inventa celeriter ad sedem apostolicam citent nihilominus peremptorie partes, ut, infra terminum ab executoribus statutum, comparent coram sede apostolica, recipiant utrique electorum. administratione prioratus interdicta, eandem ad suas manus et deputent aliquam personam idoneam eiusdem ordinis interdum ad spiritualia subministranda, invocato ad hoc, si opus fuerit, auxilio brachii secularis. (cap. 718, f. 148b).
Dilectis filiis magistris
Fortanerio Massola Petragoricen. Iterio Blanci Engolismen. et Andree Ruffi s.
Frontonis Petragoricen. ecclesiarum canonicis.
Exposuit nobis dilectus filius ...
Dat Avinioni, IIII idus septembris, anno quarto.
4472 – Avenione, 30 apr. 1309
Dispensat cum Petro, ut praeter parochialem ecclesiam de Archis Rothomagen. dioecesis, cuius rector existit, unam aliam similem ecclesiam vel beneficium valeat recipere et una cum eadem ecclesia de Archis ac canonicatu ecclesiae Petragoricen. et praebenda, quam ibi, auctoritate apostolica expectat, retinere. (cap. 722, f. 149a).
Dilecto filio Petro Geraldi
rectori parrochialis ecclesie de Archis Rothomagen. diocesis.
Tue probitatis merita ...
Dat. Avinioni, II kal. maii, anno quarto.
4482 – Avenione, 29 aug. 1309
Mandat, ne permittat ut abbas et conventus monasterii s. Antonii ad Romanam ecclesiam nullo medio pertinentis ordinis s. Augustini Viennen. dioecesis super bonis et iuribus suis et in personis ab aliquibus indebite molestentur, molestatores, auctoritate apostolica, cuiuscunque status, conditionis et dignitatis fuerint, per censuram ecclesiasticam compeseendo. (cap. 731, f. 150b).
Dilecto filio ... priori de s,
Valerio Viennen. dioecesis.
Ad compescendos conatus nepharios ...
Dat. Avinioni, IIII kal. septembris, anno quarto.
In eundem modum ut supra per totum scribitur dilecto filio ... decano ecclesie s. Aniani Aurelianen. Dat. ut supra.
In e. m. dilecto filio ... archidiacono Convennarum per totum.
In e. m. venerabili fratri ... episcopo Albien.
In e. m. dilecto filio ... abbati secularis ecclesie Albaterren. Petragoricen. diocesis.
In e. m. dilccto filio ... decano ecclesie Tornacen.
In e. m. dilecto filio ... decano ecclesie sancte Marie ad Gradus Colonien.
In e. m. dilecto filio ... abbati monasterii s. Petri Perusin.
In. e, m. dilecto filio ... decano ecclesie Vapincen.
In e. m. dilecto filio ... archipresbytero ecclesie Taurinen.
In e. m. dilecto filio ... custodi ecclesie Meten.
In e. m. decano ecclesie Francheforden. Maguntin. diocesis.
In e. m. ... archidiacono de Tervino in ecclesia Burgen.
In e. m. dilecto filio ... cancellario ecclesie Saresbirien.
In e. m. dilecto filio ... abbati monasterii de Monte Aragonum Oscen. diocesis.
In e. m. dilecto filio ... abbati monasterii s. Benigni Divionen. Lingonen. diocesis.
In e. m. venerabili fratri ... archiepiscopo Bisuntin.
In e. m. ... abbati monasterii s. Vincentii de Vulturno.
In e. m. ... abbati secularis ecclesie s. Pauli Narbonen.
4491 – Avenione, 12 iulii 1309
Recipiat a Grimoardo de Panissals, rectore ecclesiae s. Aviti de Fontroca et priore prioratus s. Eulaliae prope Podium Guillelmi Petragoricen. dioecesis, resignationem ecclesiae et prioratus, et conferat eos aliquibus personis idoneis. (cap. 735, f. 153a).
Dilecto filio Raymundo sancte
Marie Nove diacono cardinali.
Cum dilectus filius ...
Dat. Avinioni, IIII idus iulii, anno quarto.
4527 – Apud Villalherium, 2
februarii 1309
Indulget Hugoni ex dispensatione apostolica obtinenti cantoriam ecclesiae Petragoricen. ac parochialem ecclesiam de Novovico ct prioratum secularem de Ribanhato Petragoricen. dioecesis necnon canonicatus et praebendas in Lemovicen. ac in eadem Petragoricen. et s. Asterii eiusdem dioecesis ecclesiis ac expectanti parochialem ecclesiam in civitate vel dioecesi Lincolnien. primo vacaturam, ut, dimittendo haec beneficia vel aliqua ex eis, aliud vel alia loco dimissi vel dimissorum possit recipere et cum aliis retinere, ac reservat ei postmodum personatum vel dignitatem primo in Rothomagen. ecclesia vacaturum vel vacaturam. (cap. 764, f. 157a).
Dilecto filio magistro Hugoni
Geraldi cantori ecclesie Petragoricen.
Merita tue probitatis ...
Dat. apud Villalherium Carcassonen. diocesis. IIII nonas februarii, anno quarto.
4533 – Avenione, 25 aug. 1309
Consideratione Roberti regis Siciliae concedit episcopo Foroiulien. facultatem, ut canonicatum et praebendam, quos Petrus de Bolonesio electus Aversan. in ecclesia Belvacen. cuius existit canonicus, obtinuit et obtinet, post consecrationis munus ab eo susceptum in brevi vacaturos, valeat conferre Petro Fabro canonico ecclesiae s. Frontonis Petragoricen., eiusdem regis Siciliae clerico et familiari, non obstante quod Petrus in s. Frontonis canonicatum obtineat ac praebendam et in Massilien. ac Foroiulien. ecclesiis in canonicum sit receptus et praebendas expectet. (cap. 770, f. 158a).
Venerabili fratri ... episcopo
Foroiulien. (1)
Cum, sicut accepimus ...
Dat. Avinioni, VIII kal. septembris, anno quarto.
(1)
Iacobus de Eusa, mox Iohannes XXII.
4557 – Apud Malausanam, 8
octobris 1309
Confert Petro prioratum de Episcopimonte Rothomagen. dioecesis dependentem a monasterio Fiscannen. ordinis s. Benedicti eiusdem dioecesis et per promotionem Roberti eiusdem prioratus priorem ad abbatiam ipsius monasterii apud apostolicam sedem vacantem, consideratione eiusdem abbatis, cum omnibus iuribus et pertinentiis, non obstante quod prioratus ille consueverit per monachos eiusdem monasterii gubernari, aut quod Petrus in s. Frontonis Petragoricen. et sancti Salvatoris Albaterren. Petragoricen. dioecesis ecclesiis canonicatus et praebendas ac prioratum de Septemfontibus eiusdem dioecesis obtineat; Petro autem cedente vel decedente vel eundem prioratum alio modo dimittente revertatur prioratus ad pristinum statum. (cap. 793, f. 162a).
Dilecto filio magistro Petro
Bruneti priori prioratus de Episcopimonte Rothomagen. diocesis.
Sedis apostolice gratiosa benignitas ...
Dat. apud Malausanam Vasionen. diocesis, VIII idus octobris, anno quarto.
In eundem modum dilectis filiis ... archidiacono Rothomagen., magistris Petro Geraldi et Guillelmo de Podio Rudelli canonicis Petragoricen.
4590 – Avenione, 27 aug. 1309
Capellaniam perpetuam, quam olim magister Guillelmus Meschini, canonicus Noviomen. summi pontificis capellanus, in ecclesia seculari de s. Asterio Petragoricen. dioecesis obtinuit, per eius resignationem factam in manibus Bertrandi episcopi Albien. summi pontificis camerarii, apud apostolicam sedem vacantem, confert, consideratione eiusdem Guillelmi, ipsius nepoti Guilielmo, non obstante quod patiatur in ordinibus et aetate defectum, et dispensat cum eo super his defectibus, ut non teneatur, donec ad legitimam pervenerit aetatem, suscipere sacros ordines. (cap. 816, f. 169 a).
Dilecto filio Guillelmo
Meschini perpetuo capellano in seculari ecclesia de s. Asterio Petragoricen.
diocesis.
Apostolice sedis providentia circumspecta ...
Dat. Avinioni, VI kal, septembris, anno quarto.
In eundem modum dilectis filiis magistro Bernardo Roiardi archidiacono Santonen. capellano nostro et ... abbati secularis Albaterren. Petragoricen. diocesis ac. cantori s. Frontonis Petragoricen. ecclesiarum.
4692 – Avenione, 5 iun. 1309
Guillelmus tunc prior capellae Fulcherii Petragoricen. dioecesis denegans Clementi pp. V tunc adhuc archiepiscopo Burdegalen. procurationes ratione visitationis debitas, cum reditus ipsius capellae, qui valorem quadraginta librarum Turonen. parvorum annis singulis minime excedebant, ad solutionem procurationis non sufficerent, ad sedem apostolicam appellavit, propter quod archiepiscopus ipsum capella privavit et ad beneficium in posterum obtinendum reddidit inhabilem et indignum. Annuens precibus Heliae
episcopi Eduen. Clemens pp. V habilitat Guillelmum eius consanguineum ad beneficium obtinendum, praemissis nequaquam obstantibus. (cap. 890, f. 185a).
Dil. filio Guillelmo Ioleyn
monaco monasterii Carrofen. Pictaven. diocesis.
Olim Burdegalen. ecclesie regimini ...
Dat Avinioni, nonas iunii, anno quarto.
4757 – Avenione, 1 sept. 1309
Recepta a Grimoardo de Ruppe rectore ecclesiae de Dozenis Petragoricen. dioecesis resignatione eiusdem ecclesiae curam animarum habentis, conferat eam alicui personae idoneae, non obstante si eadem persona alias existat beneficiata (cap. 953, f. 195b).
Dilecto filio Raymundo sancte
Marie Nove diacono cardinali.
Cum dilectus filius ...
Dat. Avinioni, kal. septembris, anno quarto.
4878 – Avenione, 27 maii 1309
Concedit Iohanni facultatem
construendi de bonis propriis capellam in villa sua de Bellorespectu sive
Regardo, Petragoricen. dioecesis, quae a matrice parochiali ecclesia de Bersaco
eiusdem dioecesis non modicum distat, dummodo in annuis reditibus triginta
librarum Turonen. parvorum dotet eandem, sicut oretenus promisit, ita tamen ut
eadem capella matrici ecclesiae tanquam eius filia sit subiecta et rector
ipsius matricis ecclesiae teneatur in eadem capella per idoneum capellanum in
divinis officiis facere deserviri (cap. 1067, f. 224b).
Dilecto filio nobili viro
Iohanni de Britania vicecomiti Lemovicen.
Quanto magis personam tuam ...
Dat. Avinioni, VI kal. iunii, anno quarto.
4916 – Avenione, 15 maii 1309
Confert infrascripto archipresbyteratum de Piliaco, Petragoricen., dioecesis cum ecclesia eidem annexa per liberam et spontaneam resignationem Petri Fortis in manibus Bertrandi Episcopi Albiensis factam, vacantem, quorum proventus centum quinquaginta librarum Turonen. parvorum valorem annuum non excedunt; non obstante quod in ecclesia Engolismensi canonicatum et praebendam obtineat, et beneficium ecclesiasticum cum cura vel sine cura cuius reditus octuaginta librarum Turonen. parvorum summam singulis annis non excederent, si quod tunc in civitate vel dioecesi Lemovicensi vacabat vel quamprimum vacare contigerit, sibi reservatum fuerit. (cap. 1105, f. 233a).
Dil. filio Iterio Blanci
archipresbytero de Piliaco Petragoricen. dioc.
Dum vigentia in te merita ...
Dat. Avinioni, idus maii, anno quarto.
In eundem modum dil. filiis ... abbati secularis de s. Asterio, et ... cantori s. Salvatoris Albaterren. Petragoricen. dioc. ac magistro Petro Amalvini canonico Burdegalen. ecclesiarum, capellano nostro.
4920 – Pictavis, 1 iul. 1308
Statuitur, quod archiepiscopi Burdegalenses, qui fuerint pro tempore, possint ponere certas personas in diversis ecclesiis civitatis, diocesis et provinciae. (cap. 1109, f. 234a).
Ad perpetuam rei memoriam (1).
Multifarie multisque modis excitamur ab intimis, et sponso celesti, qui universaliter inclite sponse sue custodiam insufficientie nostre commisit, in ea nitimur complacere, ut apostolico sollicitudinis studio ecclesiarum omnium ipsarumque prelatorum status salubris, prospere dirigatur, sed dum levamus in circuitu oculos mentis nostre venerabilem Burdegalen. ecclesiam, que per studia sincere devotionis, et reverende filialis infra precordia nostra pre multa dilectione recumbit, eo delectabilius intuemur eoque propensius ad honoris et prosperitatis ipsius, ac prelatorum eiusdem intendimus incrementum, quo libentius in sue felicitatis gloria et suorum incremento (2) profectuum delectamur. Recolimus etenim, nec esse valemus immemores, quod ab olim dicta ecclesia nos genuit ut filium, et provexit in virum et tandem nos in pastorem assumens, gradum se nostris subiecit ascensibus, per quem culmen ascendimus apostolice dignitatis. Merito et enim erga dictam ecclesiam, fervor nostre dilectionis exuberat, digne prelatos ipsius condignis insignimus honoribus, et digne favoribus prosequimur gratiosis. Et ut ipsi ministrorum utilium fulciantur obsequiis, eo libentius apostolice providentie ministerium adhibemus, quo desiderabilius concupimus, ut gratis semper letentur eventibus, et prosperis successibus gratulentur. Cum igitur iidem prelati propter diversorum negotiorum occupationes multiplices, que pro tempore incumbunt eisdem, diversis ministris indigeant ipsique prelati adeo pauca beneficia conferenda habere noscantur, quod ministris eisdem in retributione non possunt assurgere meritorum, nos volentes dictis prelatis, in hac parte, de oportuno remedio providere, et eos illa gratia honorare per quam se reddere valeant aliis gratiosos, apostolica auctoritate statuimus, quod singuli archiepiscopi Burdegalen. successores venerabilis fratris nostri Arnaldi archiepiscopi Burdegalen., qui pro tempore fuerint, possint in maiori, tres, et sancti Severini Burdegalen., duas, ac ceteris aliis cathedralibus et collegiatis ecclesiis exemptis et non exemptis, Burdegalen. civitatis, diocesis ac provincie in quibus canonicorum et prebendarum numerus fuerit, unam, personas ydoneas facere recipi auctoritate nostra in canonicos et in fratres, cuilibet earum stallo in choro, et loco in capitulo ecclesie in qua recepta fuerit, cum plenitudine iuris canonici assignatis, ac providere ipsarum singulis, in eisdem ecclesiis, de singulis prebendis, si vacent ibidem, alioquin reservare ipsas collationi sue, eis illas cum vacaverint conferendas; in aliis vero singulis collegiatis ecclesiis dictarum civitatis, diocesis, ac provincie, sive ibi habeatur, sive non habeatur certus canonicorum numerus, singulariter, singulas personas ydoneas facere recipi eadem auctoritate, in canonicos et in fratres, et eis de comunibus proventibus ipsarum ecclesiarum canonicis responderi; in singulis quoque monasteriis, et prioratibus, collegiatis, seu conventualibus quoruncumque ordinum non exemptis earumdem civitatis, diocesis ac provincie, facere recipi singulas personas ydoneas in monachos, si monachi sint in eis; si vero ibi sint canonici regulares, in canonicos et in fratres, ipsisque iuxta consuetudines ipsorum monasteriorum, regularem habitum exhiberi, et sincera eas in Domino caritate tractari, et eorum cuilibet de ipsarum ecclesiarum, monasteriorum ac prioratuum comunibus proventibus, sicut uni ex aliis ipsorum monasteriorum seu prioratuum monachis, aut canonicis, portionem integram exhiberi; quodque insuper archiepiscopi supradicti, et quilibet eorumdem, semel in vita ipsorum, in civitate et diocesi Agennen., quinque personis ydoneis, earum videlicet singulis, de singulis beneficiis, cum cura, consuetis clericis secularibus assignari, etiam si eorum unum archipresbyteratus forsan existat, quorum tria ad ... episcopi Agennen., qui nunc est, et qui pro tempore fuerit, alia vero duo, ad quorumcumque aliorum collationem, provisionem, presentationem vel aliam quamlibet dispositionem, coniunctim vel separatim pertineant; et in civitate et diocesi Petragoricen., septem aliis personis ydoneis, earum videlicet singulis de singulis beneficiis, cum cura vel sine cura, similiter consuetis clericis secularibus assignari, etiam si duo archipresbyteratus fuerint, quorum quatuor ad ... episcopi Petragoricen. qui nunc est, et qui pro tempore fuerit, alia vero tria ad quorumcumque aliorum collationem, provisionem, presentationem, vel aliam quamcumque dispositionem pertineant, comuniter vel divisim; ac eodem modo, in civitate et diocesi Engolismen., tribus personis ydoneis, duabus videlicet earum de beneficiis ecclesiasticis, cum cura, vel sine cura, etiam si unum eorum archipresbyteratus fuerit, ad ... episcopi Engolismen., qui nunc est, et qui pro tempore fuerit, et alteri de alio simili beneficio ecclesiastico, ad cuiuscumque alterius, vel quorumcumque aliorum collationem, provisionem, presentationem, vel quamcumque aliam dispositionem, coniunctim vel divisim spectante; in Xanctonen. vero civitate et diocesi, octo personis ydoneis, earum videlicet singulis, de singulis beneficis ecclesiasticis, similiter, cum cura, vel sine cura, consuetis clericis secularibus assignari, etiamsi duo ipsorum archipresbyteratus existant, quorum duo ad ... episcopi Xanctonen. qui nunc est, et qui pro tempore fuerit, et sex alia, ad aliorum quorumcumque collationem, provisionem, presentationem, vel aliam quamvis dispositionem pertineant supradictam; in Pictaven. insuper civitate et diocesi, duodecim personis ydoneis, earum videlicet singulis, de singulis similibus beneficiis ecclesiasticis curatis vel non curatis, secularibus clericis assignari consuetis, quorum quinque ad ... episcopi Pictaven. qui nunc est, et qui pro tempore fuerit, etiam si tria ipsorum archipresbyteratus vel decanatus rurales existant, et reliqua septem ad aliorum quorumcumque collationem, provisionem, presentationem, vel aliam quamcunque dispositionem pertineant, comuniter vel divisim, ita tamen quod nulli preter dictos episcopos, ab aliquo dictorum archiepiscoporum in plurium, quam unius provisione graventur, eadem auctoritate valeant providere, vel si magis ipsis archiepiscopis videbitur, illa, si in dictis civitatibus et diocesibus vacent, vel quam primum vacaverint, que persone ipse per se, vel procuratores earum ad hec specialiter constitutos, infra unius mensis spatium, postquam eis vel ipsis procuratoribus de huiusmodi beneficiorum vacatione constiterit, duxerint acceptanda, et nichilominus, omnibus et singulis ad quos ipsorum collatio, et quelibet dispositio pertinet, inhibemus, ne de illis disponere quoquomodo presumant, ac decernentes ex nunc irritum et inane, si secus super hiis a quoquam, scienter vel ignoranter, quavis auctoritate contigerit attemptari, ac inducentes per se vel alium seu alios, personas easdem, in corporalem possessionem prebendarum, archipresbyteratuum, et decanatuum ruralium et beneficiorum predictorum, iurium et pertinentiarum eorumdem et inductas defendere, ipsisque facere de ipsorum prebendarum et beneficiorum fructibus, redditibus, proventibus, iuribus et obventionibus universis, integre responderi, contradictores quoque auctoritate nostra, appellatione postposita coartare, invocato ad hoc si necesse fuerit, auxilio brachii secularis. Non obstantibus de certo canonicorum vel monachorum numero et aliis quibuscumque statutis, et consuetudinibus contrariis ecclesiarum, monasteriorum, prioratuum, et ordinum predictorum, iuramento, confirmatione sedis apostolice, vel quacumque alia firmitate vallatis, seu si aliqui in eisdem ecclesiis, in canonicos forent recepti, vel ut reciperentur instarent, seu si pro aliis in eisdem ecclesiis aut monasteriis, vel in dictis civitatibus aut diocesibus, dicte sedis, vel legatorum eius generales aut speciales littere directe fuerint vel etiam imposterum contigerit dirigi, quibus omnibus personas easdem in assecutione huiusmodi prebendarum, archipresbyteratuum, decanatuum ruralium, et beneficiorum volumus anteferri, sed nullum eis quo ad assecutionem aliorum prebendarum, archipresbyteratuum, et decanatuum ruralium, et beneficiorum preiudicium generari, seu si dictis episcopis, aut capitulis dictarum ecclesiarum, vel abbatibus, prioribus et conventibus eorumdem monasteriorum et prioratuum, vel quibuscumque aliis, comuniter vel divisim, ab eadem sit sede indultum vel imposterum indulgeri contingat, quod ad receptionem, vel provisionem alicuius minime teneantur, quodque ad id compelli, seu quod interdici, suspendi, vel excomunicari non possint, et quod de canonicatibus et prebendis, aut proventibus dictarum ecclesiarum et monasteriorum, vel beneficiis ecclesiasticis, ad eorum collationem, provisionem, presentationem, aut quamcumque dispositionem, coniunctim vel divisim spectantibus, nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi, seu eorum nominibus. vel ordinibus mentionem, et quibuscumque litteris, privilegiis et indulgentiis, ac exemptionibus dicte sedis per que presentibus non expressa, vel totaliter non inserta effectus earum impediri valeat quomodolibet vel differri et de quibus quorumque totis tenoribus, de verbo ad verbum ac ordinibus eorumdem habenda sit in nostris litteris mentio specialis. Aut si alique ex personis eisdem alia beneficia ecclesiastica, etiam si dignitates, personatus vel officia forsan existerent, et curam haberent animarum, etiam obtinerent, eisdem et cuilibet ipsorum nichilominus concedentes, quod cum singulis eisdem personis, quod huiusmodi beneficia per ipsos eisdem conferenda cum aliis beneficiis ecclesiasticis, etiamsi personatus, dignitates vel officia essent et curam animarum haberent, que tunc obtinerent, generalis concilii et qualibet alia constitutione contraria non obstante, licite retinere possint, valeant dispensare. Nolumus autem quod reservatio facienda, ut premittitur, de archipresbyteratibus, et decanatibus ruralibus ac aliis curatis beneficiis supradictis, que dicte persone vel procuratores earum acceptabunt, quotienscumque fieri contingat ad canonicatus et prebendas, ac ditgnitati aliquatenus extendatur, quodque dicti prelati antequam receperint palleum, ac fuerint civitatem seu provinciam Burdegalen. ingressi, ad provisiones seu reservationes procedere valeant supradictas. Preterea statuimus, quod quotienscumque archiepiscopum Burdegalen. qui pro tempore fuerit, decedere contigerit antequam omnes provisiones, seu reservationes fecerit supradictas, successor eius omnes illas, que tempore obitus ipsius predecessoris, fiende restabunt, libere perficere valeat, et ne ipse ecclesie provisionibus graventur huiusmodi, tot alias provisiones seu reservationes dumtaxat facere possit de novo in eisdem ecclesiis, quot per ipsum predecessorem, facte fuerant ante ipsius obitum supradictum et ad alias provisiones seu reservationes faciendas, auctoritate presentium non procedat. Ceterum volumus et auctoritate decernimus supradicta, quod huiusmodi gratia per concedentis obitum non expiret, quodque a data presentium, sit eisdem archiepiscopis Burdegalen. et unicuique ipsorum in premissis omnibus et eorum singulis plena et perpetuata potestas et iurisdictio attributa, ut in eo vigore illaque firmitate possint auctoritate predicta in predictis omnibus et pro predictis procedere, ac si eorum iurisdictio in predictis omnibus et singulis, per modum aliquem perpetuata legitimum extitisset, qualibet constitutione contraria non obstante. Nulli etc. nostri statuti et constitutionis.
Dat. Pictavis kalendis iulii, ponficatus nostri anno tertio.
(1)
De hac epistola et seq. legitur in margine: at de anno tertio, at de tertio.
(2)
Ms. incrementa.
4933 – Apud Malausanam. 7
octobris, 1309
Ut celerius et liberius procedi valeat in causa appellationis et negotii principalis, quae inter magistrum Raymundum de Pinibus canonicum Vasaten. capellanum papalem, ac capitulum et canonicos ecclesiae Vasatensis super reditibus canonicatus ct praebendae quos idem magister Raymundus in eadem ecclesia obtinet, versatur, quamque infrascripto audiendam commiserat, eidem facultatem nunc facit capitulum et canonicos citandi ut ante se compareant, quatenus causa ipsa debito terminetur fine, non obstante quod de sui natura non sit in curia tractanda. (cap. 1121, f. 238a).
Dilecto filio magistro
Bernardo Royardi archidiacono Xanctonen. capellano nostro, nostrique palatii
auditori causarum.
Cum causam appellationis ...
Datum apud Malausanam Vasionen. diocesis, nonas octobris, anno quarto.
4954 – Avenione, 25 apr. 1309
Abbas et capitulum secularis ecclesiae de s. Austerio Petragoricen. dioecesis, cantoriae quam infrascriptus in eadem ecclesia obtinet, ecclesiam parochialem de Dopchaco in qua ipsi ius patronatus habent univerant, ad eiusdem proventus augmentandos, cum huius cantoriae reditus adeo sint tenues quod decem librarum Turonen. parvorum summam non excedant. Hanc unionem, obtentu Arnaldi s. Marie in Porticu diaconi cardinalis cuius infrascriptus capellanus existit, hisce gratam habet Clemens confirmatque. (cap. 1141, f. 242a).
Dil. filio Fortanerio cantori
ecclesie de S. Austerio Petragoricen. diocesis.
Meritis tue devotionis ...
Dat. Avinioni. VII kal. maii, anno quarto.
4970 – Avenione, 28 iul. 1309
Hisce epistolis approbationis inseritur instrumentum, quo Reginaldus abbas totusque conventus monasterii Fontisdulcis, ordinis s. Benedicti, Santonen. dioecesis ob grata servitia sibi impensa a provido et discreto viro domino Bertrando de Bordis decano Anitiensi, nepoti illius discreto viro Bertrando de Bordis clerico Agennensis dioecesis concedunt ad vitam, domum eiusdem monasterii eleemosynariam, seu hospitale de Cherezayo prope Metulum, Pictaviensis dioecesis, cum omnibus iuribus et pertinentiis suis. Abbas, nomine suo et conventus sui, magistrum Guillelmum Guireti presbyterum eleemosynarium de Chizet dioecesis Pictavien. procuratorem dicti clerici litteratorie destinatum, nomine eiusdem, per manicam sui habitus, de praedictis tanquam verum possessorem investit, omnibus qui tenentur dictae eleemosynariae dans in mandatis, ut praedicto clerico sive eius mandato pareant in omnibus, revocans priorem, correctorem, seu eleemosynarium hospitalis, executores et conservatores designans capellanos ecclesiarum ss. Petri et Hilarii de Metulo Pictaviensis dioecesis et requirens senescallum Pictavien. pro rege Franciae, ballivum comitis Augi et alios quoscumque dominos temporales et iustitiarios, ut adiuvent Bertrandum et gentes eius. Instrumentum sigillis abbatis et conventus signoque Petri Ranardi clerici Pictavien., auctoritate sacrosancti imperii Romani publici notarii communitum, actum est in capitulo Fontisdulcis, anno MCCCVIII, idibus februarii, hora tertia, indictione VI: anno tertio Clementis V, praesentibus testibus Guillelmo de Corbet, Petro Peletan clericis Petragoricen. et Santonen. dioecesium. (cap. 1157, f. 249a).
Dilecto filio Bertrando de
Bordis canonico ecclesie beati Ilarii Pictaven.
Gerentes ad te ...
Dat. Avinioni, V kal. augusti anno quarto.
In eundem modum dilectis filiis ... archidiacono Lectoren. et ... subdecano Burdegalen. ac ... cantori Agennen. ecclesiarum.
4992 – In prioratu de
Grausello, 31 oct. 1309
Contulerat olim Clemens Iohanni de Calviaco familiari suo prioratum secularis ecclesiae de Crana Petragoricen. dioecesis vacantem per obitum Guillelmi de Turre alba, ad collationem abbatis et conventus monasterii de Allodiis Pictavien. dioecesis spectantem. Cum autem se Iohannes ad monasterium contulisset apostolicas huiusmodi provisionis litteras abbati ostensurus, idem et conventus hoc praesentientes, portas ipsius clauserunt, illum sub diu relinquentes, litteras et processum mandatum apostolicum continentes audire penitus recusantes. Sequenti vero die Guillelmus dicti monasterii abbas dixit eidem bullam litteris appensam esse falsam, et unus de eius familiaribus in blaspemiae verba prorumpens, male dixit ei qui plumbum appenderat litteris antedictis: quidam vero monachus contra dictum Iohannem et in sedis apostolicae contemptum non modo in obprobriosa verba, sed et in actum etiam vituperosum prosiliit; nec ipsum abbas et conventus sinunt eius prioratus possessione gaudere. Mandat igitur infrascripto ut, si vera sint exposita, praedictos abbatem et conventus ac illos ex ipsius conventu quos in hoc magis culpabiles invenerit, citare procuret, ut infra duorum mensium spatium post citationem, abbas et alii magis culpabiles personaliter vel per procuratorem idoneum coram se compareant. (cap. 1178, f. 256b).
Dil. fil. abbati monasterii de
Bosco Cavo Petragoricen. dioc.
Officii nostri debitum exigit ...
Dat. in prioratu ut supra, II kal. novembris, anno quarto.
Anni quarti
4999 – Apud Vignandraldum, 18
novembris 1308
Curet infrascriptus, ut archiepiscopus Rothomagensis mercatoribus quibus in Romana curia se obligaverat, pecuniam solvat. (cap. 2, f. 261a).
Dilecto filio magistro
Guillelmo Mescini canonico Noviomen. capellano nostro.
Cum venerabilis frater noster Bernardus archiepiscopus Rothomagen. magnas pecuniarum summas in quibus ex certis causis diversis mercatoribus in Romana curia obligatus existit eis non curet solvere, ut tenetur. Nos volentes in hac parte dictorum mercatorum indempnitatibus precavere, discretioni tue de qua plenam in Domino fiduciam obtinemus, per apostolica scripta mandamus, quatenus ad Rothomagen. ecclesiam personaliter accedens, fructus, redditus et proventus ad mensam dicti archiepiscopi pertinentes, auctoritate nostra petas, exigas, colligas et sine diminutione recipias, et quousque ipsis mercatoribus de ipsarum pecuniarum summis fuerit integre satisfactum, fideliter custodias et conserves, ac cameram nostram de hiis, que circa hoc feceris, frequenter certificare procures, nec ab aliquo, cuiusvis nomine, ipsos fructus, redditus et proventus, aut aliquam partem illorum percipi quoquomodo permittas. Nos enim petendi, exigendi, colligendi, et recipiendi, ac conservandi fructus, redditus et proventus eosdem, necnon contradictores et rebelles ac impedientes, si qui fuerint, per censuram ecclesiasticam, appellatione postposita, compellendi, plenam tibi concedimus auctoritate presentium facultatem. Non obstantibus si dicto archiepiscopo vel quibusvis aliis, comuniter vel divisim a sede apostolica sit indultum, quod interdici, suspendi vel excommunicari non possint per litteras apostolicas non facientes plenam et expressam de indulto huiusmodi mentionem, seu quod dilecto filio magistro Petro Amalvini canonico Burdegalensi receptionem fructuum, reddituum et proventuum eorumdem per nostras sub certa forma litteras duximus committendam.
Dat. apud Vignandraldum Burdegal. dioc. XIIII. kal. dec. anno quarto.
5011 – Tolosae, 5 ian. 1309
Mandat infrascriptis curent, ut executionem obtineat iussio regis Franciae circa restitutionem honorum Templariorum, quae ipse sub sua posuerat custodia, promittens deinceps se ea Romanae curiae procuratoribus restituturum. (cap. 14, f. 264a).
Venerabilibus fratribus
archiepiscopis ct episcopis per regnum Francie constitutis, ad quos presentes
littere pervenerint.
Cum olim Pictavis, cum nostra curia maneremus, carissimus in Christo filius noster Philippus rex Franciae illustris, in nostra et nostrorum fratrum presentia constitutus proposuit, quod ipse dudum volens occurrere dissipationi, et periculo, que circa Templariorum bona in limine apparebant, manum extendit ad ea, pro ipsorum custodia, ne perirent, non intendens, sicut asseruit Templariorum ordinem dictorum bonorum possessione vel proprietate privare; de quibus bonis postmodum, rex prefatus ad nostram requisitionem manum suam amovit, mandans per suas patentes litteras ducibus, comitibus, baronibus, senescallis, iudicibus, prepositis, vicariis, castellanis, et aliis iustitiariis suis, ac quibuscumque aliis temporalitatem in regno Francie habentibus, necnon, et superintendentibus negotio Templariorum, et bonorum ipsorum vel loca tenentibus eorumdem, quod ipsi bona mobilia et immobilia Templariorum, que ceperant et tenebant nomine regis, vel suo, curatoribus, seu administratoribus deputatis, vel deputandis a nobis generaliter in regno Francie, ac a prelatis regni eiusdem, videlicet, per quemlibet singulariter in sua civitate et diocesi, realiter et integraliter traderent, seu tradi facerent indilate, quodque ipsos curatores et administratores dictorum bonorum, prout ad regem pertinet, tuerentur, et defenderent, cum ipsos iustitiarios, et alios supradictos, super hoc requiri contingeret, a curatoribus et administratoribus supradictis. Verum quia prefatum mandatum regium nondum est, ut intelleximus, executioni mandatum, fraternitati vestre per apostolica scripta mandamus, quatenus vos et singuli vestrum, in quorum civitatibus et diocesibus aliqua bona Templariorum consistunt, curatores seu administratores, pro dictis bonis procurandis, administrandis et conservandis ponatis, ordinetis et deputetis, quilibet scilicet in sua civitate et diocesi, utiles, ydoneos et discretos, et tales qui sint bene solvendo si eos circa officium sibi commissum culpam aut negligentiam committere contingeret, sive dolum. Qui curatores seu administratores deputati a vobis, et dilecti filii Carnoten. et Cenomanen. decani, Rothomagen. archidiaconus, et magistri Rampnulphus Bituricen., et Hugo Geraldi Petragoricen. cantores, ac Gerardus de Boychi canonicus Agennen. ecclesiarum, quos et eorum quemlibet, nos curatores et administratores dictorum bonorum in regno Francie generaliter deputamus vel eorum quilibet, cum aliis tantum deputatis vel deputandis a nobis, bona predicta a subditis dicti regis, secundum formam mandati regii, sibi tradi requirant, et ea sibi tradita et habita, nomine ordinis Templi administrent fideliter et conservent. Volumus insuper, quod vestrum quilibet, illum vel illos, quos curatores seu administratores deputaverit ad predicta, iurare faciat ad sancta Dei evangelia, quod in predictis bene ac fideliter se habebit (sic), et bonam et legitimam de bonis predictis rationem reddent coram vobis vel vestrum singulis, vel a vobis vel vestrum singulis deputandis et etiam coram deputandis a nobis; predicti quoque sex, ut premittitur, deputati a nobis, simile iuramentum prestabunt, coram camerario nostro, vel vobis, fratres archiepiscopi, tanquam super hoc delegatis a nobis, in quorum provinciis prefatum officium exercebunt. Nos enim eidem camerario et vobis, archiepiscopi predicti, et vestrum cuilibet, quantum ad receptionem iuramenti predicti, committimus, tenore presentium, vices nostras.
Dat. Tholose, nom ianuarii, anno quarto.
In eundem modum dil. filiis ... Carnoten. et Cenomanen. decanis, ac ... archidiacono Rothomagen. et magistris Rampnulpho Bituricen. et Hugoni Geraldi Petragoricen. cantoribus, ac Geraldo de Boychi canonico Agennen. ecclesiarum.
5018 – Tolosae, 5 ian. 1309
Possint infrascripti, cum pro Templariorum administratione bonorum sibi demandata, extra suas domos pernoctare contigerit, quadraginta solidos parisien. recipere (cap. 21, f. 265b).
Dilectis filiis ... Carnoten.
et Cenoman. decanis et archidiacono Rothomagen. et Radulfo Xanctonen. et Hugoni
Geraldi Petragoricen. cantoribus, ac Gerardo de Boysi canonico Agennen.
ecclesiarum, curatoribus seu administratoribus bonorum Militie Templi a nobis
in regno Francie generaliter deputatis.
Cum nos de vestra discretione, industria et legalitate confisi, curam et administrationem bonorum Militie Templi per vos gerendam, una cum curatoribus seu administratoribus eorundem bonorum deputandis a venerabilibus fratribus nostris archiepiscopis et episcopis in regno Francie constitutis, vobis et cuilibet vestrum per alias nostras litteras sub certa forma duxerimus committendam; quia nullus debet cogi propriis sumptibus militare, volumus et vobis concedimus, quod quotiescumque vos vel aliquem vestrum pro dicta cura seu administratione extra domos vestras contigerit pernoctare, quilibet vestrum pro expensis, quas eum facere contigerit, qualibet die qua extra domum suam morabitur pro administratione premissa, de bonis sue administrationi commissis quadraginta solidos parisien. habeat et recipiat bone monete, et ceteri administratores seu curatores a dictis archiepiscopis seu episcopis deputandi, parere vobis super hoc teneantur. Proviso tamen, ne quid circa hoc fiat in fraudem, nec quisquam vestrum propter hoc extra domum suam proficiscatur, nisi quando pro necessitate vel utilitate dicte administrationis vel cure id crediderit expedire, super quo vestras conscientias oneramus. Volumus autem, quod illi quibus nos et dicti archiepiscopi et episcopi auditionem rationis administrationis predicte committemus, cum eos dictam rationem audire, et vos et alios administratores eam reddere contigerit, super dictis expensis vobis credere (1) habeant, et tam illas, quam eas quas feceritis in evectionum emptionibus, si forte vestras deficere contigerit, sive mori, dictum administrationis negotium prosequendo, postquam de hoc fidem feceritis coram ipsis in ratione, habeant allocare.
Dat. Tholose nonis ianuarii, anno quarto.
(1) Ms. Creddere.
5086 – Avenione, 9 sept. 1309
Facultates quasdam concedit infrascriptis circa pauperum clericorum e.xaminationes super beneficiis ecclesiasticis obtinendis. (cap. 88, f. 276b).
Dilectis filiis Arnaldo electo
Conseranen., et Guillelmo Meschini canonico Noviomen. capellano nostro.
Gerentes de vestre circumspectionis industria fiduciam in Domino specialem, examinationem pauperum clericorum, qui suas nuper obtulerunt petitiones, super beneficiis ecclesiasticis, tam in communi forma pauperum, quam vacantibus de iure et de facto, obtinendis, vobis duximus committendam. Verum quia nonnulli ex eis iam adepti et alii expectantes aliqua beneficia ecclesiastica fore dicuntur, propter quod ipsis forma predicta non competit nos eis in hac parte, ne propter hoc, a provisione obtinenda in formis huiusmodi excludantur, providere volentes, recipiendi auctoritate nostra apud sedem apostolicam, examinatione predicta durante, resignationem ab huiusmodi clericis beneficia videlicet ecclesiastica obtinentibus, eorumdem beneficiorum obtentorum ab ipsis; ab expectantibus vero, iuris competentis eisdem ad huiusmodi beneficia, que expectant ac litterarum super hoc obtentarum, et processuum habitorum per eas, omnisque comodi eorumdem, vobis et utrique vestrum concedimus, tenore presentium facultatem.
Dat. Avinion. V idus septembris, anno quarto.
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVII (1887)
tome III
(Regestorum Vol. LVII)
Anni quinti
5109 – In prioratu de
Grausello, 20 nov. 1309
Ut legum studio incumbere valeat, indulget infrascripto ut per triennium residere non teneatur in Santonensi dioecesi cuius est subdiaconus, et in qua archipresbyteratum obtinet, dummodo ecclesia debitis non fraudetur obsequiis (cap. 6, f. 2b).
Dil. filio Iterio Roiardi
subdiacono, archipresbytero de Archiaco, Xanctonen. dioc.
Desiderantium imbui scientia litterarum ...
Dat. in prioratu de Grauello (sic) prope Malausanam, Vasion. diocesis, XII kal. decembris, anno quinto.
5171 – In prioratu de
Grausello, 15 nov. 1309
Decimam de Altaripa Agennen. dioecesis, quam quondam magister Iohannes de Ferreria canonicus Nannetensis obtinebat, confert infrascripto, non obstante quod in Santonensi et Agennen. ecclesiis canonicatus et praebendas ac de Cella et de Burgo supra Charentam et de Bureya prioratus Santonen. dioecesis, obtineat (cap. 61, f. 15a).
Dil. filio Galhardo Galhardo
(sic) de Duroforti canonico Xanctonensi.
Generis et morum nobilitas ...
Dat. in prioratu de Grausello Vasionen. diocesis, XVII kal. decembris, anno quinto (1).
In eundem modum dil. filio ... cantori Petragoricen., et Bertrando de Gardo Agennen., ac Guillelmo de Favoliis Anicien. canonicis ecclesiarum.
(1)
Praecipua difficultas circa collationem huius decimae oriebatur ex eo quod
dicebatur ad mensam episcopi pertinere; ideo emendatione in textu facta, nota
marginalis cui praeeminet vocabulum correcta, asserit decimam ante ipsum
Iohannem a duobus aliis per triginta annos et amplius possessam fuisse.
5177 – Avenione, 13 ian 1310
Dispensat super defectu natalium (cap. 67, f. 16a).
Dilecto filio Peroneto de
Senetiaco, clerico Matisconen. diocesis.
Illegitime genitos, quos vite decorat honestas, nature vitium minime decolorat, quia decus virtutis geniture maculam abstergit in filiis, et pudicitia morum pudor originis aboletur. Cum itaque sicut testimonio fidedignorum accepimus, defectum natalium quem pateris de coniugato genitus et soluta, probitata deleas meritorum, redimens favore virtutum quod ortus odiosus ademit, nos tuis supplicationibus inclinati, tecum in nostra presentia constituto quod, eodem non obstante defectu, possis ad omnes ordines promoveri et ecclesiasticum beneficium obtinere, etiam si curam habeat animarum, auctoritate apostolica dispensamus. Nulli etc. Datum Avinione, idus ianuarii, anno quinto.
In eundem modum dilecto filio Iohanni de Merston, clerico Lincolnien. diocesis, ut supra per totum.
In e. m. dilecto filio Henrico dicto Lilombars de Hanuto, nato quondam Bonifatii de Aretio, clerico Leodien. diocesis.
In e. m. dilecto filio Guillelmo Lamberti Molendinarii de Baiochiis, scolari Lexovien. diocesis, usque constituto et cupiente sicut asseris ascribi militie clericali quod eodem non obstante defectu etc. ut supra per totum.
In e. m. dilecto filio Raymundo Astoerii clerico Elnen. diocesis, usque in nostra presentia et in minoribus tantum ordinibus constituto, quod, eodem non obstante defectu, possis in susceptis ordinibus ministrare et ad omnes sacros promoveri ac ecclesiasticum beneficium obtinere etc., ut supra.
In e. m. dilecto filio Petro Lodomerii, scolari Valentin. diocesis, usque supplicationibus inclinati, tecum cupiente sicut asseris ascribi militie clericali ut, eodem non obstante defectu etc. ut super per totum.
In e. m. Petro Arnaldi de Ayharez clerico Aquen. diocesis, de coniugato genito et soluta, ut supra in prima per totum.
In e. m. Helie Gualterii clerico Petragoricen. diocesis, de coniugato genito et soluta, ut in prima per totum.
5181 – Avenione, 7 ian. 1310
Mandat infrascripto ut ad suam praesentiam vocet Arnuldum de Awans canonicum Leodiensem, qui asserens minus veraciter abbatiam secularis ecclesiae Eyken. Leodien. dioecesis ad se spectare, eadem potitus fuerat, illamque adhuc detinet, quamvis de ea ab apostolica sede Neapoleo de filiis Ursi, notarius suus, provisus fuerit (cap. 68, f. 16b).
Dil. filio magistro Hugoni
Geraldi, cantori ecclesie Petragoricen., capellano nostro.
Significavit nobis ...
Dat. Avinione, VII idus ianuarii, anno quinto.
5182 – Avenione, 13 dec. 1309
Rector ecclesiae de Carbona Tholosanae dioecesis, vestes parochianorum in ea decedentium ad se pertinere, de antiqua consuetudine, asserebat. Cumque hoc negarent parochiani, coram officiali episcopi Tholosani causa aliquamdiu fuit agitata; demum Bartholomaeus de Curte rector ecclesiae de Podio Aldiano dictae dioecesis, ex commissione dicti officialis, pro memorato rectore sententiam pronuntiavit; a qua cum parochiani ad sedem apostolicam appellassent, Arnaldus abbas Fontis frigidi Cisterciensis ordinis, Narbonen. dioecesis et Romanae ecclesiae vicecancellarius, habuit in mandatis ut litem ipsam de plano decideret, et ad debitum finem perduceret. Cum vero ob multiplicia negotia hoc non valeret vicecancellarius assequi, mandatur infrascripto ut, processu ab illo peracto in suo robore duraturo, litem componere non postponat (cap. 69, f. 16b).
Dil. filio magistro Bernardo
Roiardi archidiacono Xanctonensi, capellano nostro.
Dudum inter rectorem ...
Dat. Avinione, idus decembris, anno quinto.
5184 – Avenione, 1 dec. 1309
Bernardus abbas monasterii Sarlaten. ordinis s. Benedicti, supplicaverat Clementem ut resignationem reciperet prioratus de Podio Guillelmi quam facere proponebat Vitalis de Panussal, spectantem ad collationem Sarlaten. abbatis, et prioratum ipsum infrascripto conferre dignaretur. Per liberam autem Vitalis resignationem factam per procuratorem suum Petrum Bonifatii, prioratum vacantem infrascripto confert (cap. 71, f. 17a).
Dil. filio Arnaldo Citelli,
priori prioratus de Podio Guillelmi, ad collationem dil. filii abbatis
monasterii Sarlaten. ordinis s. Benedicti Petragoricen. diocesis, pertinentis.
Apostolice sedis consueta benignitas ...
Dat. Avinione, kal. decembris, anno quinto.
In eundem modum dilectis filiis ... archidiacono London. et Bernardo de Bovisvilla Burdegal. et Petro de Savinhaco Ruthen. canonicis ecclesiarum.
5186 – Avenione, 13 ian. 1310
Tabellionatus officium infrascripto confertur (cap. 73, f. 17b).
Dil. filio Guillelmo Leggerii
clerico Xanctonen. diocesis, clericali dumtaxat caractere insignito.
Ne contractuum memoria deperiret inventum est Tabellionatus officium, quo constractus legitimi ad cautelam presentium et memoriam et memoriam (sic) futurorum manu publica notarentur. Hinc est quod nos huiusmodi officium tibi, qui ad illud per dilectos filios fratrem Arnaldum electum Conseranen. ac magistrum Guillelmum Meschini canonicum Noviomen. capellanum nostrum examinatores super hoc deputatos a nobis repertus fuisti ydoneus duximus concedendum, ut tu idem officium prudenter et fideliter exequaris et ad te, cum necesse fuerit, in hiis que ad officium ipsum pertinent recurratur. Nulli etc. nostre concessionis etc.
Datum Avinione, idus ianuarii, anno quinto.
In eundem modum dilecto filio Petro Comitis, clerico Gerunden. diocesis in minoribus tantum ordinibus constituto, usque, Hinc est quod nos tuis supplicationibus inclinati predictum officium ad quod per dilectos filios etc. usque ydoneus tibi duximus concedendum ut illud prudenter et fideliter exequaris etc. ut supra per totum.
In e. m. dilecto filio Petro de Bempeys, clerico Burdegalen. diocesis usque Hinc est quod nos tuis supplicationibus inclinati predictum officium ad quod per dilectos filios fratrem Arnaldum etc. usque ydoneus tibi duximus concedendum ut illud etc. ut in prima.
In e. m. dilecto filio Stephano de Guardagua clerico Baionen. diocesis in minoribus tantum ordinibus constituto, ut supra proximo usque capellanum nostrum quibus tuam super hoc examinationem commisimus fuisti repertus ydoneus tibi duximus concedendum ut illud etc.
In e. m. dilecto filio Bernardo Rachelis clerico Biterren. clericali dumtaxat caractere insignito usque supplicationibus inclinati huiusmodi officium ut in prima.
In e. m. dilecto filio Andree Iohannis clerico Interrannen. cleiricali dumtaxat etc. ut supra proximo per totum.
In e. m. dilecto filio Parmisiano Iohannis clerico Pistorien. in minoribus dumtaxat ordinibis constituto, ut supra.
In e. m. Guillelmo Iohannis Guillelmi clerico coniugato Adrien. ut supra proximo per totum.
In e. m. Reginaldo Darossa clerico Agennen. clericali dumtaxat etc., ut supra proximo per totum.
In e. m. Symoni de Tapia clerico Agennen. clericali etc. ut supra per totum.
In e. m. Petro Michaelis clerico Lemovicen; diocesis clericali etc.
In eundem modum Nicolao filio quondam Onneboni clerico Parmen. coniugato etc.
In e. m. Petro Voltoyrerii de Muro clerico clericali dumtaxat caractere insignito Ruthenen. diocesis etc.
In e. m. Venture Iacobi clerico Adrien. in minoribus tantum ordinibus constituto etc.
In e. m. Patriarche filio quondam Patriarche clerico Viterbien. clericali dumtaxat etc.
In e. m. Thomasio dicto Grego clerico Neapolitan. coniugato.
In e. m. Iohanni Petri Leonis de Guarcino clerico Alatrin. diocesis in minoribus tantum ordinibus constituto.
In e. m. Bernard de Solua clerico in minoribus tantum ordinibus constituto, Aquen. diocesis.
In e. m. Iohanni nato quondam Petri de Puchey clerico Leodien. dioc. in minoribus tantum ordinibus constituto.
In e. m. Iohanni Guichardi clerico Lingonen. clericali dumtaxat caractere insignito.
In e. m. Petro nato Guidotii clerico Viterbien. in minoribus tantum ordinibus constituto.
In e. m. Petro de Piro clerico Bisuntin. in minoribus dumtaxat ordinibus constituto.
In e. m. Pontio de Margunquo clerico Agathen. diocesis in minoribus dumtaxat ordinibus constituto.
In e. m. Petro Iudicis de Setia clerico Terracinen. diocesis in minoribus tantum ordinibus constituto.
In e. m. Bertrando Roceti clerico Avinionen. clericali dumtaxat caractere insignito.
In e. m. Iterio dicto de Petragoris de Albaterra clerico in minoribus tantum ordinibus constituto.
In e. m. Thome de Mindone clerico Londonien. diocesis in minoribus dumtaxat ordinibus constituto.
In e. m. Raymundo Laboratoris clerico Avinionen. clericali dumtaxat etc.
In e. m. Guillermo la Durantia clerico clericali dumtaxat caractere insignito Claromonten. diocesis.
In e. m. Petro de Balucis clerico Biterren. clericali dumtaxat caractere insignito.
In eudem modum Frederico Romei clerico Pistorien. in minoribus tantum ordinibus constituto.
In e. m. Petro Symonis clerico Carpentoraten. diocesis clericali dumtaxat etc.
In e. m. Iacobo Magistri Petri Iacobi de Traiecto clerico Gaietan. diocesis clericali dumtaxat etc.
In e. m. Nicolao dicto de Liessies clerico Cameracen. clericali dumtaxat etc.
In e. m. dilecto filio Iohanni dicto Burgen. de Brena, clerico Lingonen. diocesis in minoribus ordinibus tantum constituto ut in forma usque supplicationibus inclinati predictum officium ad quod per dilectos filios fratrem Arnaldum electum Conseran. et magistrum Guillelmum Meschini canonicum Noviomen. capellanum nostrum examinatores super hoc deputatos a nobis fuisti repertus ydoneus tibi duximus concedendum ut illus etc. ut in forma.
In e. m. ut supra proximo dilecto filio Richardo dicto Plure de Salino clerico Bisuntin. diocesis in minoribus tantum ordinibus constituto.
In e. m. dilecto filio Petro de Mirabello clerico Lemovicen. diocesis in minoribus tantum ordinibus constituto.
In e. m. Roberto Ricardi de Erium super Teys clerico clericali dumtaxat caractere insignito Eboracen. diocesis.
In e. m. Henrico Petri de Ayssele dicto Fykeys clerico Norwicen. diocesis in minoribus tantum ordinibus constituto.
In e. m. Gualterocto dicto Locto Doni de Tignano clerico Florentin. diocesis in minoribus tantum ordinibus constituto.
In e. m. Andree Geraldi Rustichelli Ubertini clerico Imolen. in minoribus tantum ordinibus constituto.
In e. m. Stephano de Castro Caroli clerico Bisuntin. diocesis in minoribus tantum ordinibus constituto.
In e. m. Sinibaldo Dandini de Certaldo clerico Florentin. in minoribus tantum ordinibus constituto.
In e. m. Nicolao Iudicis Raynoni clerico Venusin. clericali dumtaxat caractere insignito.
In eundem modum Philippo Forzoli de Rondinaya clerico Florentin. in minoribus tantum ordinibus constituto.
In e. m. Iohanni Iohannis Girardi clerico Reatin. clericali dumtaxat etc.
In e. m. Stephano de Marinhac clerico Lemovicen. diocesis in minoribus tantum ordinibus constituto.
In e. m. Philippo Iohannis de Guarcino clerico Alatrine diocesis, clericali duntaxat etc.
In e. m. dilecto filio Iohanni Mathei de Lupico clerico Aquinat. diocesis in minoribus tantum ordinibus constituto.
In e. m. Petro de Casamaiori clerico Baionen. diocesis in minoribus tantum ordinibus constituto.
In e. m. Benvenuto Iacobi de Mevania clerico Spoletan. diocesis clericali dumtaxat caractere insignito.
In e. m. Guillelmo Ruffi clerico Mimaten. clericali dumtaxat caractere insignito.
In e. m. Bentevenge magistri Gerardi clerico Narnien. coniugato.
In e. m. Nicolao Vallislarge de Guarcino clerico Alatrin. diocesis clericali dumtaxat etc.
In e. m. Oddoni de Norgiis clerico clericali dumtaxat caractere insignito, Lingonen. diocesis.
In e. m. Guiczardo de Fractis clerico Gaietan. dioecesis in minoribus tantum ordinibus constituto.
In e. m. Iohanni de Heselartone clerico Eboracen. diocesis clericali dumtaxat etc.
In e. m. Nicolao magistri Symonis clerico Interampnen. clericali dumtaxat etc.
In e. m. Ofreducio nato quondam Munaldutii de Spello clerico clericali dumtaxat caractere insignito, Spoletan. diocesis.
In e. m. Thomasio Magistri Salomonis de Trevio clerico Spoletan. diocesis clericali dumtaxat etc.
In e. m. Richardo Guillermi de Wisebi clerico Lincolnien. diocesis in minoribus tantum ordinibus constituto.
In e. m. Vitali Chanerii clerico Mimaten. diocesis in minoribus tantum ordinibus constituto.
In e. m. Matheo de Alvinechirche dicto de Ashebarewe clerico Wigornien. diocesis in minoribus tantum ordinibus constituto.
In eundem modum Thome Iacobi de Mevania clerico Spoletan. diocesis clericali dumtaxat etc.
In e. m. Roberto dicto Lessannier clerico Rothomagen. diocesis clericali dumtaxat etc.
In e. m. Geraldo de Galinier clerico Lemovicen. diocesis in minoribus tantum ordinibus constituto.
In e. m. Petro de Chaylhaco clerico Petragoricen. diocesis in minoribus tantum ordinibus constituto.
In e. m. Nicolao Lietardi clerico Atrebaten. diocesis clericali dumtaxat caractere insignito.
In e. m. Raymundo de Cameyraco clerico Lemovicen. diocesis, clericali dumtaxat caractere insignito.
In e. m. Garsie Michaelis de Sansoayn clerico Pampilonen. diocesis, clericali dumtaxat etc.
In e. m. Petro de Granholio alias dicto de Prato clerico Vasaten. diocesis, in minoribus tantum ordinibus constituto.
In e. m. Petro Ponzilli de Vigon. clerico Taurinen. diocesis, clericali dumtaxat etc.
In e. m. Iacobo Iohannis de Trivio clerico Bononien. clericali dumtaxat etc.
In e. m. Gaufrido dicto de sancto Petro clerico Bisuntin., in minoribus tantum ordinibus constituto.
In e. m. Guidoni de Barateriis clerico Placentin. clericali dumtaxat etc.
In e. m. Hugoni Petri de Flevilla clerico Virdunen. diocesis in minoribus tantum ordinibus constituto.
In e. m. Gualterio Raynaldi de Pedemontis clerico Aquinat. diocesis in minoribus tantum ordinibus constituto.
In e. m. Nicolao de Bono de Guarcino clerico Alatrin. diocesis clericali dumtaxat etc.
In e. m. Palmerio Iohannis Rogerii de Fractis clerico Gaietan. diocesis in minoribus tantum ordinibus constituto.
In e. m. Paulo Roccani de Colle clerico Reatin. coniugato.
In e. m. Iohanni dicto Gallotio de Guarcini clerico Alatrin. diocesis clericali dumtaxat etc.
In e. m. Angelo nato quondam Bortutii Notarii clerico Perusin. clericali dumtaxat etc.
In eundem modum Matheo de Diano clerico coniugato Capudaquen. diocesis.
In e. m. Mendino de Aversano clerico Aversan. clericali dumtaxat caracatere insignito.
In e. m. Pisano Gelardi clerico Neapolitan. clericali dumtaxat etc.
In e. m. Iohanni Bourretelli de Sancto Silvano Pictaven. diocesis in minoribus tantum ordinibus constituto.
In e. m. Guillelmo dicto Russo clerico coniugato Neapolitan.
In e. m. Iacobo filio quondam Pagani dicti de Nicosia clerico Messanen. diocesis clericali dumtaxat etc.
In e. m. Angelo Amatutii de Podio clerico Spoletan. diocesis clericali dumtaxat caractere insignito etc.
5188 – In prioratu de
Grausello, 15 nov. 1309
Decimam de Altaripa Agennen. diocesis quam quondam magister Iohannes de Ferraria obtinebat infrascripto concedit, quoad vixerit, retinendam, non obstante quod in Agennen. et Santonen. ecclesiis canonicatus et praebendas ac de Cella et de Burgo super Charentam ac de Bureya prioratus Santonen. dioecesis obtineat (cap. 75, f. 20a).
Dil. filio Galhardo de
Duroforti, canonico Agennen.
Generis nobilitas ...
Dat. in prioratu de Grausello prope Malausanam, Vasionen. diocesis, XVII kal. decembris, anno quinto.
In eundem modum dilectis filiis ... Petragoricen., et ... Montalden. Agennen. archidiacono, ac Guillelmo de Pavolis, canonico Aniciensis ecclesiarum.
5189 – Avenione, 23 ian. 1310
Aydemarus de Raynaco, clericus Petragoricen. diocesis de prioratu de Bredom Claromonten. dioecesis, ad collationem abbatis monasterii Moysiacen. ordinis s. Benedicti Caturcen. diocesis spectante, papali provisus fuerat auctoritate. Cum autem postea idem abbas assereret prioratui curam imminere animarum, et Aydemarum, ut pote actatis defectu laborantem, ei imparem esse, infrascripti cardinalis prudentiae mandatur, ut, iis quorum interest diligenter auditis, quod acquum fuerit decernat, dispensando auctoritate apostolica super aetatis defectu, et indulgendo ut, non obstante huius prioratus adeptione, alium acceptare valeat, dum tamen conventualis non exsistat (cap. 76, f. 20b).
Dil. filio Raymundo, s. Marie
Nove diacono cardinali.
Exposita nobis ...
Dat. Avinione, X kalendas februarii, anno quinto.
5204 – Avenione, 5 febr. 1310
Officium tabellionatus conceditur Doato de Gardona clerico Vasatensi, per Arnaldum electum Conseranensem et magistrum Guillelmum Meschini ad ipsum officium idoneo reperto. Iuxta consuetam formam, iuramentum praestet (cap. 91, f. 24a).
Ven. fratri ... episcopo
Agennensi.
Ne contractuum memoria ...
Dat. Avinione, nonas februarii, anno quinto.
5208 – In prioratu de
Grausello, 24 nov. 1309
Collationem parochialis ecclesiae s. Iuliani prope Podium Guillelmi Petragoricen. dioecesis, infrascripto ab episcopo factam, ratam habet, dispensans super aetatis defectu (cap. 95, f. 24b).
Dil. filio Petro de Maseriis,
rectori parrochialis ecclesiae s. Iuliani prope Podium Guillelmi, Petragoricen.
diocesis.
Tua et tuorum sincera devotio ...
Dat. in prioratu de Grausello prope Malausanam, Vasionen. diocesis, VIII kal. decembris, anno quinto.
5231 – Avenione, 19 maii 1310
Consideratione Radulphi domini de Castronovo, tabellionatus officium concedit infrascripto idoneo reperto per Arnaldum abbatem Fontisfrigidi Cistercien. ordinis, Narbonen. dioecesis, s. Romanae ecclesiae vicecancellarium (cap. 118, f. 31b).
Dil. filio Geraldo dicto
Lavaleta, clerico coniugato Petragoricen. dioecesi.
Ne constractuum memoria ...
Dat; Avinione, XIIII kalendas iunii, anno quinto.
5278 – Avenione, 5 mart. 1310
Dispensat cum infrascriptis super tertio et quarto consanguinitatis, quibus coniunguntur, gradibus, ut matrimonium valide et licite inire possint (cap. 162, f. 43b).
Dil. filio nobili viro
Alexandro de Cavomonte Vasaten. diocesis, et dilecte in Christo filie nobili
mulieri Iohanne nate nate (sic) quondam Archambaldi comitis Petragoricen.
Romani pontificis precellens auctoritate ...
Dat. Avinione, III nonas martii, anno quinto.
5284 – Avenione, 18 mart. 1310
Mandatur infrascriptis quod non repetant residuum decimarum a magistro hospitalis s. Iohannis non solutarum (cap. 168, f. 45a).
Dil. filiis magistris
Guillelmo de Balaeto canonico ecclesie de sancto Astero Petragoricen. diocesis,
et Iohanni de Bononia camere nostre clerico.
Ex parte dilectorum filiorum ... magistri et fratrum hospitalis sancti Iohannis Ierosolimitani fuit nuper expositum coram nobis, quod licet pro parte hospitalis eiusdem, collectoribus decime imposite dudum ecclesiis et personis ecclesiasticis regni Sicilie citra Farum et circumadiacentium partium a sede apostolica deputatis, de dicta decima pro redditibus et proventibus domorum et locorum hospitalis ipsius consistentium in regno et partibus prelibatis, prout ad eam tenebantur, fuerit integraliter satisfactum, vos tamen ipsos, pretextu mandati per nostras sub certa forma litteras vobis facti de inquirendo super decimis ab ecclesiis, monasteriis et personis ecclesiasticis, tam religiosis quam secularibus regni et partium eorumdem, de suis proventibus non solutis ac de certis aliis faciendis que in ipsis nostris litteris explicantur, satagitis cogere ad solvendum vobis vel alteri vestrum tam de redditibus et proventibus domorum et locorum predictorum decimam de cuius solutione vobis non ostenderint apodissas, quam residuum decimarum ipsarum quas eos pretenditis integraliter non solvisse. Cum enim sit eis difficile, sicut dicunt, invenire apodissas omnes factas eis super solutione qualibet ab eis facta de decima prelibata, ex eo presertim quod ex fratribus ipsis quibus apodisse huiusmodi facte fuerant, aliqui decesserunt, nonnulli vero degunt in partibus transmarinis et aliqui in remotis partibus aliis commorantur, supplicaverunt humiliter per nostram eis providentiam super hoc de oportuno remedio benigniter provideri. Nos itaque considerantes, quod magister, et fratres predicti in prosecutione passagii, quod per eos in terre sancte subsidium faciendum duximus, gravibus fatigantur laboribus et sumptibus distrahuntur, et propterea volentes eis in hac parte sinum nostre munificentie reserare, discretioni vestre mandamus quatenus, huiusmodi residuum decimarum ipsarum quodcumque extiterit per fratres eosdem de predictorum domorum et locorum proventibus et redditibus forsitan non solutum, quod per vos ad presens exigi nolumus, minime repetatis, nec ipsos super illo, aut super solvendis illis decimis ex predictis de quarum solutione nequeunt apodissas ostendere, aliquatenus molestetis. Et si processus aliqui per vos, premissorum occasione, facti fuerint contra eos, illos revocare sine difficultate curetis, illis ex fratribus ipsis qui excomunicationis sententiam per vos generaliter aut specialiter promulgatam forsitan incurrerunt, absolutionis beneficium iuxta formam ecclesie impensuri. Volumus tamen quod, visis quaternis collectorum predictorum in quibus contineri dicuntur solutiones huiusmodi decimarum, si illos habere poteritis, necnon apodissis et instrumentis ac iuribus aliis que fratres predicti vel aliqui eorum super hoc coram vobis exhibere potuerint, aliisque scripturis per quas super hiis poteritis informari, de predicto residuo vos plenius informetis illudque nobis curetis fideliter intimare ...
Dat. Avinione, XV kal. aprilis, anno quinto.
5354 – Avenione, 5 maii 1310
Relaxatur sententia interdicti. (cap. 238, f. 61b).
Dilecte in Christo filie
nobili mulieri Ysabelli de Bragayraco, uxori nobilis viri Amanevi de Madalhano
domini de Cantorio, Agennen. diocesis.
Promerente tue fidei puritate, petitionibus tuis libenter annuimus, presertim in hiis que salutem anime respicere dinoscuntur. Sane petitio tua nobis exhibita continebat, quod olim nobilis vir Amanevus de Madalhano dominus de Contorio vir tuus tanquam detentor decimarum, auctoritate cuiusdam generalis constitutionis venerabilis fratris nostri ... episcopi Agennen., et sententie late per ipsum contra quoscumque detentores decimarum huiusmodi prefate diocesis, excomunicationis sententia extitit innodatus, antequam tu, ignorans ipsum huiusmodi excomunicatione ligatum, cum eo matrimonium contraxisses, et subsequenter, in agravationem huiusmodi sententie excomunicationis, tu, tanquam uxor ipsius Amanevi, cum familia sua fuisti supposita ecclesiastico interdicto. Quare nobis humiliter supplicasti, ut, cum tu in eodem viro tuo potestatem non habeas, nec sis causa detentionis decimarum ipsarum, sed affectes potius quod idem vir tuus ab huiusmodi detentione desistat, te ab huiusmodi interdicto absolvere de benignitate apostolica misericorditer dignaremur. Nos itaque tuis supplicationibus inclinati, interdictum ipsum, quandiu pregnans fueris vel te forsitan contigerit gravi infirmitate corporis detineri, seu dicti viri tui ex iusta causa hospicio sive habitatione, necnon et tota prefata diocesi Agennen. in qua eiusdem viri tui facilitates existere dicuntur, dimissis, in proprio loco tuo de Pughdecot Vasaten. diocesis habitaveris, quo ad personam tuam esse volumus relaxatum de gratia speciali. Nulli etc. nostre relaxationis, etc.
Dat. Avinione, III nonas maii, anno quinto.
5355 – Avenione, 1 maii, 1310
Infrascripto, qui ordinem Minorum professus, eundem reliquerat, regulari habitu dimisso, et per seculum erraverat, cum nunc cupiat ad alium ordinem se transferre in quo magis ad salutem animae proficere valeat, precibus Isabellae de Brangeyriaco dominae de Canquorio inclinatus, transeundi ad ordinem Cisterciensem licentiam elargitur. (cap. 239, f. 61b).
Dil. filio Geraldo Salomonis,
presbytero Petragoricen. diocesis.
Animarum lucro ...
Dat. Avinione, kal. maii, anno quinto.
5428 – Avenione, 8 iun. 1310
Concedit infrascripto domum hospitalis s. Iohannis Hierosolymitani de Salvanhano Agennen. dioecesis, quam quondam Bertrandus de Savinhaco miles dicti hospitalis praeceptor eiusdem domus nuper apud sedem apostolicam vita functus, obtinebat, non obstante quod domum ipsius hospitalis s. Naxentii Petragoricen. dioecesis obtinere noscatur. (cap. 300, f. 83b).
Dil. filio fratri Raymundo
Bernardi de Fumello, militi hospitalis s. Iohannis lerosolymitani preceptori
domus eiusdem hospitalis de Salvanhano Agennen. diocesis, cubiculario nostro.
Dum grata et accepta obsequia ...
Dat. Avinione, VI idus iunii, anno quinto.
In eundem modum ven. fratri Bertrando episcopo Albiensi camerario nostro, et dil. filiis ... abbati monasterii s. Maurini Agennen. diocesis, ac ... archidiacono Montalden. in ecclesia Agennen.
5432 – Avenione, 16 iun. 1310
Non obstante quod in subdiaconatus tantum sit ordine constitutus, concedit infrascripto intuitu Amalvini de Varesio domini Montisferrandi, ut Tabellionatus officium exequi valeat, cum iam ab Arnaldo abbate monasterii Fontisfrigidi Cistercien, ordinis, vicecancellario s. Romanae ecclesiae idoneus repertus fuerit. (cap. 304, f. 85a).
Dil. filio Raymundo Vatherii,
subdiacono Petragoricen. diocesis.
Ne contractuum memoria ...
Dat. Avinione. XVI kal. iulii, anno quinto.
5441 – Avenione, 9 iun. 1310
Infrascripto confert prioratum Montiscareti ordinis s. Benedicti ad monasterium de Samuro eiusdem ordinis Petragoricen. et Andegaven. dioecesium pertinentem, per monachos eiusdem ordinis gubernari solitum, vacantem per obitum Guillelmi Filloli eiusdem prioratus prioris, non obstante quod in Santonensi et Agennen. ecclesiis canonicatus et praebendas ac de Burgo, de Laburgeya et de Tolla prioratus, necnon et decimam de Alta Rippa Santonen. et Agennen. dioecesium obtineat, sive quod in ordinibus et aetate defectum patiatur. (cap. 313, f. 86b).
Dil. filio Galhardo de
Duroforti priori prioratus Montiscareti ordinis s. Benedicti, Petragoricen.
diocesis.
Ut tua et tuorum devotio ...
Dat. Avinione, V idus iunii, anno quinto.
In eundem modum dil. filiis ... s. Crucis Burdegalen. et s. Maurini Agennen. diocesium monasteriorum abbatibus, ac ... archidiacono Petragoricen.
5457 – Avenione, 23 iun. 1310
Prioratum sanctae Fidis ordinis s. Benedicti Agennen. dioecesis, ad monasterium de Conchis eiusdem ordinis Ruthenen. dioecesis pertinentem, vacantem per promotionem Hugonis abbatis monasterii Brantholmen. praedicti ordinis Petragoricen. dioecesis, ad regimen dicti monasterii, confert infrascripto, non obstante quod sit clericus secularis et nuper de prioratu s. Genii prope Lectoram ordinis Cluniacensis fuerit provisus, et in Burdegalen., Ambianen. et Tornacen. ecclesiis canonicatus et praebendas ac ruralem ecclesiam de Ambiranis Biterren. dioecesis sine cura obtineat, seu quod in ordinibus defectum patiatur et aetate. (cap. 327, f. 91b).
Dil. filio Guillelmo Raymundi
de Bidos priori prioratus sancte Fidis ordinis s. Benedicti Agennen. diocesis.
Ut tua et tuorum ...
Dat. Avinione, VIIII kal. iulii, anno quinto.
In eundem modum ven. fratri Bertrando episcopo Albien. camerario nostro, et dil. filiis ... archidiacono Montalden. Agennen., et Petro Amalvini, canonico Burdegalen. ecclesiarum.
5465 – Avenione, 22 iun. 1310
Per obitum Bernardi abbatis, monasterio Brantolmen. ordinis s. Benedicti, Petragoricen. dioecesis pastore vacante, prior et conventus eiusdem monasterii, per viam compromissi, in locum demortui, Petrum Roclan praedicti monasterii monachum in abbatem suffecerunt. Sed postmodum abbas et conventus monasterii Casaedei praedicti ordinis Claromonten. dioecesis, ius in electione et confirmatione praedictis se praetendentes habere, ab electione et confirmatione huiusmodi ad Romanam curiam appellaverunt. Quapropter huiusmodi negotii auditor Guillelmus s. Nicolai in carcere Tulliano diaconus cardinalis constituitur; interim Petrus omne ius, si quod illi per electionem obvenerat, in manibus Raymundi s. Mariae Novae diaconi cardinalis libere et expresse renuntiavit. Idcirco hac vice huiusmodi electionem sedi apostolicae reservans, infrascriptum priorem prioratus s. Fidis de Vinairolio praedicti ordinis, Agennen. dioecesis, monasterio supradicto abbatem praefecit. Per haec autem abbati et conventui monasterii Casaedei, seu iuri, si quod ipsis in electione abbatis ipsius monasterii competit, ac episcopo Petragoricensi nullum in posterum praeiudicium generetur. (cap. 335, f. 94b).
Dil. filio Hugoni abbati
monasterii Brantolmen., ordinis s. Benedicti, Petragoricen. diocesis.
Circa statum monasteriorum ...
Dat. Avinione, X kal. iulii, anno quinto.
In eundem modum dil. filiis ... priori et conventui monasterii Brantolmen.
In e. m. dil. filiis universis vassallis monasterii Brantolmen.
Donnée : Collection Périgord, vol. 33, fol. 220 r°
5473 – Avenione, 21 maii 1310
Mandat infrascripto ut resignationem prioratus s. Iohannis de Calla (sic) ordinis s. Augustini Petragoricen. dioecesis recipiat a fratre Helia de Bosco Cano, quem postea conferat Bernardo de Monte Claro canonico Tholosano, eiusdem ordinis, consideratione nobilis viri Guillelmi vicecomitis de Brunequello, non obstante quod idem Bernardus canonicatum et prioratum de Saboneriis in ecclesia Tholosana eiusdem ordinis obtineat, et beneficium ecclesiasticum vacaturum, etiam si prioratus exsistat, spectans ad collationem praepositi et capituli ecclesiae Magalonen. ordinis praefati, cuius reditus annui usque ad valorem ducentarum librarum parvorum Turonensium ascendant, expectet. (cap. 342, f. 97b).
Dil. filio Raymundo s. Marie
Nove diacono cardinali.
Cum, sicut accepimus ...
Dat. Avinione, XII kal. iunii, anno quinto.
5490 – In prioratu de
Grausello, 14 iul. 1310
Confert infrascripto prioratum s. Romani de Acu pertinentem ad monasterium Salmodien., ordinis s. Benedicti Nemausen. et Arelaten. dioecesium, vacantem per obitum Raymundi s. Mariae Novae diaconi cardinalis; non obstante, quod in ecclesia Burdegalensi, quae tempore receptionis eius regularis censebatur, canonicatum obtineat et praebendam ac dignitatem exspectet. (cap. 359, f. 101a).
Dil. filio magistro Petro
Amalvini priori prioratus s. Romani de Acu pertinentis ad monasterium
Salmodiense ord. s. Benedicti. Nemausen. et Arelaten. diocesium, capellano et
familiari nostro.
Dum litterarum scientiam ...
Dat. in prioratu de Grausello prope Malaosanam, Vasionen. diocesis, II idus iulii, anno quinto.
In eundem modum ven. fratri Bertrando episcopo Albiensi, camerario nostro, et dilectis filiis ... cantori Petragoricen. ac Petro de Labatud canonico Atrebaten. ecclesiarum.
5530 – In prioratu de
Grausello, 6 aug. 1310
Tabellionatus officium pro infrascripto. (cap. 399, f. 109a).
Dil. filio Helie Seguini
presbytero Petragoricen. diocesis.
Ne contractuum memoria ...
Datum in prioratu de Grausello prope Malausanam, Vasionen. diocesis, VIII idus augusti, anno quinto.
5532 – Avenione, 27 dec. 1309
Confirmat infrascripto domicello, domestico et familiari papae, possessionem domus sive grangiae de Brolio pertinentem ad monasterium de Corona ord. s. Augustini Engolismen. dioecesis, sitam in parochia ecclesiae de Vilaribus eiusdem dioecesis, quam ei Guillelmus abbas retinendam, quoad viveret, concesserat ob servitia monasterio impensa et impendenda. Instrumentum concessionis insertum Regesto scriptum fuit a Petro Bonifatii de s. Salvatore clerico Lemovicen. dioecesis, publico notario, actum et datum Avenione in domo qua degebat Hugo de Xanctoria domicello papae anno Domini 1309, indictione septima, die 14 iulii, pontificatus Clementis anno quarto. Testes vero fuerunt Arnaldus Raymundi rector ecclesiae de Palatio, Helyas de Alvinhaco clericus, et praefatus Hugo, Agennensis, Engolismensis et Santonenis dioecesium. (cap. 401, f. 108b).
Dil. filio nobili viro Petro
de Castellione familiari nostro.
Devotionis tue sinceritas ...
Dat. Avinione, VI kal. ianuarii, anno quinto.
In eundem modum dil. filiis ... de Albaterra Petragoricen. diocesis ac ... de s. Asterio secularium ecclesiarum abbatibus, et ... archidiacono Petragoricen.
5553 – In prioratu de
Grausello, 14 iulii 1310
Confert infrascripto prioratus de Ulmatis et de Revesto, quorum unus dependet ab altero, Cluniacen. ordinis, ad monasterium Cluniacen. Apten., Sistaricen. et Matisconen. dioecesium pertinentes, quos Raymundus s. Mariae Novae diaconus cardinalis, dum viveret, obtinebat, non obstante quod in Lectoren. praecentoriam, et in ea et Albien. et Convenarum et s. Ilarii Pictavien. canonicatus et praebendas seu portiones, et in eadem s. Ilarii ecclesiis accensamentum de Cuone, necnon de Hastaforti de Cambis, et de Romevo prioratus, archipresbyteratum de Graholheto et parochialem ecclesiam de Witebern. et de Narceyo, de Mucrone, de Romeraco, de s. Rosa, de s. Columba, de Ansanis, de Albia et de Lautrico domos, ac de Romanis, de Flaviaco, de s. Iorio, de Graholheto, de Monterotundo, de Salvobove, de Cabanesio, et de Buxodone decimas Agennen., Pictavien., Auxitan., Lectoren.,Tholosan., Albien. et Dunelmen. dioecesium obtineat, seu quod in eadem ecclesia Albiensi dignitatem, personatum vel officium exspectet, seu quod dispensatum secum fuerit ut, praeter canonicatus et praebendas, dignitates, personatus huiusmodi, et alia beneficia cum cura vel sine cura quae tunc obtinebat et alia quaecumque quae pro expressis haberi vult pontifex, duo alia beneficia ecclesiastica, etiam si ipsa, vel ipsorum alterum, dignitas, personatus vel officium esset et curam animarum haberet, proviso quod ipsa beneficia debitis non fraudentur obsequiis, posset recipere, et animarum cura in eis quibus illa imminet, nullatenus negligatur. (cap. 419, f. 116a).
Dil. filio Guillelmo de
Bordis, priori de Ulmatis et de Revesto prioratuum, quorum unus dependet ab
altero, ordinis Cluniacen. pertinentium ad mon. Cluniacen. Apten. Sistaricen.
et Matisconen. diocesium, capellano nostro.
Laudabilia tua dona virtutum ...
Dat. in prioratu de Grausello prope Malausanam, Vasionen. diocesis, II idus iulii, anno quinto.
In eundem modum venerabili fratri ... archiepiscopo Arelaten. et ... cantori Petragoricen. ac magistro Guillelmo Meschini capellano nostro, canonico Cameracen. ecclesiarum.
5554 – Avenione, 25 mart. 1310
Votis annuens capituli et archiepiscopi ecclesiae Albiensis, indulget ut infrascriptus nepos dicti archiepiscopi in canonicorum numerum cooptari et praebendam de grossis proventibus et omnibus distributionibus accipere possit, derogans institutioni episcopi qua cavetur ne eorum numerus augeatur, non obstante, quod quatuor alii canonici, sub exspectatione praebendarum, eandem gratiam obtinuerint, et quod ipse prioratum de Dalmayraco Agennen. dioecesis et decimas episcopales bladorum et carnalagiorum de Fiorentino et de Regalimonte Albien. dioecesis obtinere noscatur. (cap. 420, f. 116b).
Dil. filio Geraldo de Bordis,
canonico Albiensi.
Ad illorum provisionem ...
Dat Avinione, VIII kal. aprilis, anno quinto.
In eundem modum dil. filiis ... Agennen. et ... Petragoricen. cantoribus, et magistro Guillelmo Mescini capellano nostro, canonico Cameracen. ecclesiarum.
5582 – In prioratu de
Grausello, 20 aug. 1310
Mandat infrascriptis ut ipsi, vel duo aut etiam unus eorum Galhardum natum nobilis viri Arnaldi de Duroforti canonicum Eboracensem, opportuni favoris praesidio assistant, ut sua ei iura super beneficiis illaesa serventur, et malignantium audacia compescatur, cum nimis grave ei sit et difficile pro singulis iniuriis et molestiis quae sibi super beneficiis et bonis suis inferuntur, ad Romanam curiam habere recursum. (cap. 446, f. 121a).
Dil. filiis ... abbati
monasterii s. Crucis Burdegalen. et ... priori de curia Agennen. dioecesis. ac
... archidiacono Petragoricen.
Et si quibuslibet Christi fidelibus ...
Dat. in prioratu etc., ut supra. XIII kal. septembris, anno quinto.
5601 – Avenione, 23 iun. 1310
Confert infrascripto prioratus de sancta Fide et s. Martini de Brachiis, quorum unus dependet ab alio, ordinis s. Benedicti, Agennen. dioecesis ad monasterium de Conchis eiusdem ordinis Ruthenen. dioecesis, pertinentes, quos Hugo abbas monasterii Brentholmen. predicti ordinis Petragoricen. dioecesis, olim prior prioratuum eorundem, suae promotionis tempore ad regimen dicti monasterii factae, obtinebat. Non obstante quod sibi nuper de prioratu s. Genii prope Lectoram ordinis Cluniacen. provisum fuerit, et in Burdegalen., Ambianen. et Tornacen. ecclesiis canonicatus et praebendas, ac ruralem ecclesiam de Ambiranis Biterren. dioecesis, sine cura obtinere noscatur, sive quod in ordinibus et aetate defectum patiatur; proviso quod, postquam ad aetatem aptam pervenerit, se faciat ad sacros ordines promoveri. (cap. 465, f. 125a).
Dil. filio Guillelmo Raymundi
de Budos, priori prioratuum de sancta Fide et s. Martini de Brachiis, quorum
unus dependet ab alio, ordinis s. Benedicti, Agennen. diocesis.
Ut tua et tuorum devotio ...
Dat. Avinione, VIIII kal. iulii, anno quinto.
In eundem modum ven. fratri episcopo Albien. et dil. filiis ... archidiacono Montalden. Agennen. ac Petro Amalvini canonico Burdegalen. ecclesiarum.
5633 – In prioratu de
Grausello, 9 sept. 1310
Reservat infrascripto beneficium ecclesiasticum cum cura vel sine cura, etiam si archipresbyteratus sit, cuius reditus annui centum librarum Turonen. parvorum summam, iuxta taxationem decimae, non excedant, vacans vel vacaturum in civitate vel dioecesi Claromonten, non obstante, quod ei provisum fuerit de beneficio vacante vel vacaturo, cum cura, spectante ad dispositionem prioris et capituli secularis ecclesiae s. Aviti senioris, Petragoricen. dioecesis. (cap. 497, f. 131a).
Dil. filio Petro de Orcali,
clerico Petragoricen. diocesis.
Personam tuam ...
Dat. in prioratu de Grausello, prope Malausanam, Vasionen. diocesis, V idus sept, anno quinto.
In eundem modum venerabili fratri ... episcopo Claromonten. et dilectis filiis ... archidiacono Xanctonen., ac Arnaldo de Montealto, canonico Claromonten. etc.
5638 – In prioratu de
Grausello, 3 sept. 1310
Confert infrascripto, motu proprio, parochialem ecclesiam de Villasiccalanda Carcassonen. dioecesis per obitum Arnaldi de Scolerio apud sedem apostolicam vita functi, vacantem; non obstante quod canonicatus et praebendas in Pictaviensi et de Nogarolio ecclesiis, ac parochialem ecclesiam s. Iohannis de Medicino, et decimam de Falheco Auxitan. et Agennen. dioecesium obtineat.(cap. 502, f. 132a)
Dil. filio magistro Bernardo
de Artigia capellano nostro, rectori parrochialis ecclesie de Villasiccalanda
Carcassonen. diocesis.
Probitatis tue merita ...
Dat. in prioratu de Grausello etc., III nonas septembris, anno quinto.
In eundem modum dilectis filiis ... priori s. Marie Burgi Carcassonen. et ... cantori Petragoricensi ac magistro Guillelmo Meschini, canonico Cameracen. ecclesiarum, capellano nostro.
5639 – Avenione, 23 maii 1310
Ut infrascriptus, ratione prioratuum quos obtinet et aliorum quos forsan obtinere continget, usque ad triennium non teneatur ad sacros ordines se facere promoveri. (cap. 503, f. 132b).
Dil. filio Galhardo de
Lobersano, priori monasterii de s. Cipriano, per priorem soliti gubernari,
Petragoricen. diocesis, familiari nostro.
Petitio tua nobis exhibita ...
Dat. Avinione, X kal. iunii, anno quinto.
5647 – In prioratu de
Grausello, 17 sept. 1310
Mandat infrascriptis ut, etiam apud sedem apostolicam, resignationem recipiant prioratus s. Medardi de abbatia ad monasterium Userchense ordinis s. Benedicti, Petragoricen. et Lemovicen. dioecesis pertinentis, quem Aymericus de Copiaco facere intendit, et eundem prioratum conferant Heliae Thalayrandi clerico, nato nobilis viri Thalayrandi comitis Petragoricen., non obstante quod idem Helias patiatur in aetate defectum, aut quod in s. Frontonis Petragoricen. et s. Caprasii Agennen. canonicatus et praebendas, necnon et quandam pensionem annuam valoris quinquaginta librarum Turonen. parvorum vel circiter in de Septem fontibus Caturcen. dioecesis ecclesiis obtinere noscatur. (cap. 511, f. 133b).
Ven, fratribus ...
archiepiscopo Rothomagen. et Bertrando episcopo Albiensi camerario nostro, ac
dilecto filio ... cantori ecclesie Petragoricen.
Cum, sicut accepimus ...
Dat. in prioratu de Grausello etc. XV kal. octobris, anno quinto.
5653 – In prioratu de
Grausello, 10 sept. 1310
Reservat infrascripto prioratum vel beneficium ecclesiasticum cum cura vel sine cura, nulli alii de iure debitum, consuetum regularibus assignari, cuius reditus et proventus annui centum librarum Turonen. parvorum summam, iuxta taxationem decimae, non excedant, ad collationem vel praesentationem, seu quamcumque dispositionem abbatis monasterii de Orlhaco ordinis s. Benedicti Claromonten. dioecesis pertinens; non obstante quod locum in monasterio Sylvae maioris, ac prioratum de Sioraco obtineat. (cap. 517, f. I35b).
Dil. filio Petro de Hostali
monacho monasterii Silvemaioris, et priori prioratus de Sioraco ad ipsum
monasterium pertinentis, ordinis s. Benedicti, Burdegalen. et Petragoricen.
diocesium.
Religionis zelus, vite ac morum honestas ...
Dat. in prioratu de Grausello etc., IIII idus septembris, anno quinto.
In eundem modum dilectis filiis ... abbati monasterii Belliloci et ... preposito de Brivasaco Lemovicen. diocesis, ac ... archidiacono Xanctonen. ecclesiarum.
5654 – Avenione, 20 iun. 1310
Non obstante constitutione de certo canonicorum numero et praebendarum in ecclesia Albiensi servando, Bertrandi episcopi Albiensis et papae camerarii, et capituli Albiensis supplicationibus inclinatus, indulserat, ut infrascriptis, qui pridem papali auctoritate canonicatum eiusdem ecclesiae sub praebendarum expectationibus assecuti fuerant, singulae praebendae canonicales assignarentur de grossis proventibus quotidianis et aliis ecclesiae eiusdem distributionibus, ac si essent de numero canonicorum ipsius, nullas in eadem praebendas exspectantes. Non obstante quod Guillelmus in Lectorensi praecentoriam et in ea ac Convenarum et s. Hilarii Pictavien. canonicatus et praebendas seu portiones et in eadem s. Hilarii ecclesiis accensamentum de Ovone, necnon et de Hastaforti, de Cambis et de Romevo prioratus et archipresbyteratum de Graolheto, et parochialem ecclesiam de Witbern. et de Narceyo, de Mugrone, de Romevaco, de s. Rosa, de s. Columba, de Ansanis, de Albia et de Lautrico domos ac de Romanis, de Flaviaco, de s. Iorio, de Graolheto, de Monterotundo, de Salvobove, de Cabanesio et de Buxodone decimas Agennen., Pictavien., Auxitan., Lectoren., Tholosan., Albien. et Dunelmen. dioecesium ex dispensatione apostolica obtineat, seu quod in eadem ecclesia Albiensi, eadem auctoritate, personatum vel officium vel dignitatem expectet, vel quod duo beneficia ecclesiastica cum cura, etiamsi personatus vel dignitates exsistant, recipere valeat. Et quoad Bertrandum, non obstante quod canonicatum et praebendam seu portionem et partem accensamenti de Corcome in ipsa ecclesia beati Hilarii Pictavien. ac de Somovilla, de Lombiraco, de Castellariis et de Mazeroliis rurales ecclesias sine cura et de Lamoreda, de Garderia, de s. Quintelha, de Lectora, de Pratolongo, de Cherezayo et de Adena domos et de Rolhaco, de Tilheto, de Ginisteriis, de s. Salvo, de Martinia et apud Calidam costam et apud s. Dionysium et Layriacum quasdam decimas, primitias et census Agennen., Pictavien., Auxitan., Lectoren. et Albien. dioecesium obtineat; vel quod in dicta ecclesia Albien. dignitatem, seu personatum, vel officium exspectet, sive quod duo beneficia ecclesiastica cum cura, etiam si dignitas aut officium fuerint, libere recipere valeat. Quoad Hugonem, non obstante quod ruralem ecclesiam beatae Mariae de Villatraverio sine cura et quosdam reditus et proventus bladi, vini, carnalagii in ecclesia s. Martini de Affinhano Carcassonen. et Tholosan. dioecesis noscatur obtinere; et quoad Centullum, non obstante quod operariam in Lectoren. cum ecclesia de Plumassano, Lectoren. dioecesis, eidem operariae annexam, et in eadem Lectoren. ac Burgen. canonicatus et praebendas obtineat, et in ipsa Burgensi ecclesiis dignitatem seu personatum vel officium ac beneficium ecclesiasticum cum cura vel sine cura in dioecesi Ruthenen. exspectet, seu quod Geraldus prioratum de Dalmayraco Agennen. et decimas episcopales bladorum et carnalagiorum de Florentino et de Regali monte Albien. dioecesis, obtineat; non obstante tandem, quod preces capituli de quibus supra, subsecutae fuerint non vero praecesserint gratias concessas, nec quod per errorem mentio non fuerit facta in litteris apostolicis de beneficio cum vel sine cura, etiamsi dignitas vel personatus exsistat, quod Bertrandus adhuc in ecclesia Albiensi exspectat. (cap. 518, f. 136a),
Dil, filiis Guillelmo et
Bertrando de Bordis, Hugoni de Faudoariis, et Centullo de Glatenx, ac Geraldo
de Bordis canonicis Albien.
Pridem venerabiiis fratris Bertrandi ...
Dat. Avinione, XII kal. iulii, anno quinto.
In eundem modum dilectis filiis ... archidiacono et ... Petragoricen. ac ... Agennen. cantoribus ecclesiarum.
5716 – Avenione, 1 apr. 1310
Confirmat infrascripto fratri Bernardi de Pomeriis familiaris et domicelli cardinalis Raimundi, collationem decimae s. Martini de Petrogranno Lectoren. dioecesis, valoris annui triginta librarum parvorum Turonensium, spectantem ad abbatem et conventum Cluniacensem eidem factam a Guillelmo episcopo Lingonensi et Stephano abbatemonasterii Belliloci in Argana Cluniacen. ordinis, Virdunensis. dioecesis, et Hugone tunc procuratore eiusdem ordinis ex speciali commissione Bertrandi abbatis et conventus monasterii Cluniacensis, consideratione Raymundi s. Mariae Novae diaconi cardinalis ordinis Cluniacensis patroni praecipui et specialissimi defensoris. Hanc concessionem dat. Cluniaci, II ka!. ianuarii anni 1306 (sic) et ab episcopo Lingonensi confirmatam die XXVI mensis ianuarii, anni 1306, in hoc capitulo de verbo ad verbum insertam, confirmat Clemens. (cap. 575, f. 149a).
Dil, filio Arnaldo de Pomeriis
clerico Agennen. diocesis.
Provenit ex devotionis tue meritis ...
Dat. Avinione, kal. aprilis, anno quinto.
In eundem modum dil. filiis ... archidiacono de Fesensaguello Lectoren. et magistro Hugoni Geraldi Petragoricen. ac Bertrando de Gardo Agennen. ecclesiarum canonicis.
5717 – Avenione, 1 apr. 1310
Raymundus episcopus Lectoren. concesserat eidem qui supra decimas s. Cirici de Marsaco (1) Lectoren, dioecesis ad se spectantes, consideratione Raymundi s. Mariae Novae diaconi cardinalis. Concessionem episcopi datam Burdegalis die XV maii anni 1306, indictione IV, anno primo pontificatus Clementis, in qua nomine Arnaldi, Arnaldus de Pomeriis eius pater per annulum investitur, et approbationem huiusmodi concessionis a capitulo et canonicis Lectoren. ecclesiae factam die X exitus mensis iunii anni 1307, ind. V, anni secundi Clementis confirmat pontifex. In approbatione a canonicis facta, legimus nomina canonicorum, constitutorum personaliter in cathedrali ecclesia Lectoren. coram altare b. Iacobi, nempe; Arnaldi de Monte Lugduno, archidiaconi Leomaniae, Geraldi de Helisona archidiaconi Seodi Marchonis, Vitalis de Manhauto papae capellani, Geraldi de Dulceto preceptoris, Centulli de Glatonquis operarii, Bernardi de Ampellis, Henrici de Volbena Lectoren. canonicorum. Huius approbationis testes fuerunt Ferrandus de Vico veteri, rector ecclesiae s. Gemmae et praebendarius Lectorensis Vitalis de Lobayhsi rector ecclesiae Mansionis Villae. Notarius fuit Vitalis de Inglaro clericus Lectoren. (cap. 575, f. 149b).
Eidem (Dil, filio Arnaldo de
Pomeriis clerico Agennen. diocesis).
Provenit ex devotionis tue mentis ...
Dat. ut supra (Avinione, kal. aprilis, anno quinto).
In eundem modum dilectis filiis ... archidiacono Lectoren. et magistris Hugoni Geraldi Petragoricen. et Ganselmo Iohannis, Caturcen. ecclesiarum canonicis.
(1)
Sic in epistola Clementis; in concessione autem episcopi et approbatione
capituli legitur de Barzano, de Barzaco.
5718 – Avenione, 1 apr. 1310
Confirmat pensionem annuam triginta librarum Turonen. parvorum super cofinis episcopi, solvendam ita ut medietas una in nativitate Domini et alia in nativitate s. Iohannis dentur, quam Guillelmus episcopus Lingonen., consideratione Bernardi de Pomerio domicelli et familiaris Raymundi s. Mariae Novae diaconi cardinalis, infrascripto concesserat percipiendam de bonis suis. Tenor huius concessionis datae Burdegalis die martii post festum b. Mathiae apostoli anno Domini 1306, inseritur de verbo ad verbum. (cap. 576, f. 149b).
Eidem (Dil, filio Arnaldo de
Pomeriis clerico Agennen. diocesis).
Provenit, etc. ...
Dat. ut supra (Avinione, kal. aprilis, anno quinto).
In eundem modum dilectis filiis ... abbati monasterii de Clayraco Agennen. diocesis, et ... cantori Agennen. ac magistro Hugoni Geraldi canonico Petragoricen. ecclesiarum.
5719 – Avenione, 1 apr. 1310.
Confirmat collationem decimae, dictam de pane perdito, Tholosan. dioecesis, factam eidem ab Augerio abbate monasterii Moysiacen. consideratione Raymundi supradicti, quam olim percipiebant magister Arnaldus Magistri, et Gasbertus Vaquerii presbyter. Concessio Moysiaci die mercurii ante festum b, Michaelis anni 1307, inseritur de verbo ad verbum. (cap. 577, f. 150a).
Eidem (Dil, filio Arnaldo de
Pomeriis clerico Agennen. diocesis).
Provenit ...
Dat. ut supra (Avinione, kal. aprilis, anno quinto).
In eundem modum dilectis filiis ... monasterii Mansi de Verduno Tholosan. diocesis, et ... Lomberien. in ecclesia Tholosana abbatibus, ac magistro Hugoni Geraldi canonico Petragoricen.
5720 – Avenione, 1 apr. 1310
Eidem concesserat olim Raymundus abbas monasterii de Clayraco, consideratione saepe dicti Raymundi cardinalis, pensionem annuam viginti librarum Arnaldensium ab eo percipiendam de abbatis, infra octavam nativitatis Domini, donec beneficium eiusdem valoris eidem conferret. Hanc concessionem, sigillo et contrasigillo abbatis munitam, datam, apud Clayriacum die lunae ante festum beati Michaelis Archangeli anno MCCCVII, de verbo ad verbum insertam confirmat Clemens (cap. 578, f. 150a).
Eidem (Dil, filio Arnaldo de
Pomeriis clerico Agennen. diocesis).
Provenit, etc. ...
Dat. ut supra (Avinione, kal. aprilis, anno quinto).
In eundem modum dilecto filio magistro Hugoni Geraldi Petragoricen. capellano nostro, ac Agennen. ecclesiarum cantoribus, et Bertrando de Gardo canonico Agennen.
5721 – In prioratu de
Grausello, 15 iul. 1310
Infrascripto, suo et Raymundi cardinalis domicello et familiari, concesserat Bernardus archiepiscopus Rothomagensis pensionem annuam quadraginta librarum Turonensium parvorum bonorum percipiendam infra quindenam post nativitatem Domini, super reditibus portus sui de Diepe Rothomagen. dioecesis, ad se, ratione ecclesiae Rothomagensis, pertinentibus. Haec etiam concessio data Vasati, V kal. decembris 1308, de verbo ad verbum inserta, confirmatur a Clemente, (cap. 579, f. 150a).
Dil. filio Galtero de
Maseriis, domicello Agennen. diocesis.
Cum a nobis petitur ...
Dat. in prioratu de Grausello prope Malausanam, Vasionen. diocesis, idus iulii, anno quinto.
In eundem modum venerabili fratri ... episcopo Petragoricen., et dil. filiis ... s. Genovefe Parisien, ac ... s. Medardi Suessionen. monasteriorum abbatibus.
5729 – Avenione, 23 mart. 1310
Ratam habet collationem prioratus de Montebacento infrascripto factam a fratre Dragoneto abbate olim monasterii Aureliacen. in Alvernia, ordinis s. Benedicti Claromonten. dioecesis, propter grata servitia per Bernardum de Pomeriis eius fratrem, apud Raymundum s. Mariae Novae diaconum cardinalem cuius erat armiger et familiaris, impensa. Huius tenor concessionis, factae, donec de prioratu s. Frontonis Agennen. dioecesis eidem Arnaldo Dragonetus abbas duceret providendum, datae Malausan. Vasionen. dioecesis, VIII mensis octobris, anni MCCCIX, de verbo ad verbum inseritur. (cap. 587, f. 152b).
Dil. filio Arnaldo de
Pomeriis, clerico priori prioratus de Montebacento, ordinis s. Benedicti,
Ruthenen. diocesis.
Exigunt tue devotionis merita ...
Dat Avinione, X kal. aprilis, anno quinto.
In eundem modum dilectis filiis ... priori de Layraco Agennen. diocesis, et ... archidiacono Agennen. ac magistro Hugoni Geraldi, canonico Petragoricen. ecclesiarum.
5730 – Carpentorati, 5 iul.
1310
Concedit infrascripto, consideratione quondam Raymundi s. Mariae Novae diaconi cardinalis, beneficium ecclesiasticum ut supra, ad collationem episcopi Ruthenen. pertinens, vacans vel vacaturum in civitate vel dioecesi eiusdem, non obstante quod archipresbyteratum de Lamacza et parochialem ecclesiam eiusdem loci simul unitos Lemovicen. dioecesis, obtinere noscatur, (cap. 588, f. 152b).
Dil. filio Bernardo de Laquintana,
archipresbytero de Lamaza et rectori parrochialis ecclesie eiusdem loci simul
unitorum, Lemovicen. diocesis.
Suffragantia tibi merita probitatis ...
Dat. Carpentorati, III nonas iulii, anno quinto.
In eundem modum dilectis filiis ... abbati monasterii Tutellen. Lemovicen. diocesis, et archidiacono Conchen. Ruthenen. ac ... cantori Petragoricen. ecclesiarum.
5732 – Carpentorati, 5 iul.
1310
Eiusdem cardinalis consideratione, reservat infrascripto eius olim familiari, beneficium ut supra ad collationem episcopi Caturcen. pertinens, non obstante quod parochialem ecclesiam s. Vincentii de Autigiaco praedictae dioecesis obtineat. (cap. 590, f. 153a).
Dil. filio Iohanni de Barbays,
rectori parrochialis ecclesie s. Vincentii de Ariigiaco, Caturcen. diocesis.
Laudabilia virtutum dona ...
Dat. ut supra (Carpentorati, III nonas iulii, anno quinto).
In eundem modum dilectis filiis ... abbati monasterii Tutellen. Lemovicen. diocesis, et cantori Petragoricen. ac magistro Ganselmo Iohannis, canonico Aquen. ecclesiarum, capellano nostro.
5735 – Carpentorati, 5 iul.
1310
Et huic quoque, olim Raymundi cardinalis familiari, reservat beneficium ecclesiasticum ad collationem spectans episcopi Lemovicen., in eius civitate vacans vel vacaturum, cuius reditus sexaginta librarum Turonen. parvorum summam non excedant, (cap. 593, f. 153b).
Dil. filio Bertrando Baconis,
clerico Petragoricen. diocesis.
Personam tuam, propter tuorum exigentiam meritorum ...
Dat. ut supra (Carpentorati, III nonas iulii, anno quinto).
In eundem modum dilectis filiis ... archipresbytero de Deglon (sic), Petragoricen. diocesis, et Guidoni Lascure Petragoricen., ac Gauselmo Iohanni Aquen. canonicis ecclesiarum.
5737 – Carpentorati, 5 iul.
1310
Consideratione supradicti cardinalis, reservat infrascripto, eius, dum viveret, obsequiis insistenti, beneficium ecclesiasticum, conditionibus quibus supra, ad collationem episcopi Petragoricen., non obstante quod pridem in ea forma secundum quam pro pauperibus clericis beneficiandis interdum sedes apostolica scribere consuevit, sibi de beneficio cum cura vel sine cura ad collationem archidiaconi Soliacen. in ecclesia Aurelianen. vacante vel vacaturo, mandaverit provideri. (cap. 595. f. 154a).
Dil. filio Geraldo de
Albussato, presbitero Lemovicen. diocesis.
Laudabilia tue probitatis merita ...
Dat. Carpentorati, III nonas iulii, anno quinto.
In eundem modum dilectis filiis ... Hugoni Geraldi Augen. in Rothomagen. capellano nostro et ... de Maymaco ac ... de Nontronio in Lemovicen. ecclesiis archidiaconis.
5739 – Carpentorati, 5 iul.
1310
Consideratione saepe memorati cardinalis s. Mariae Novae, reservat infrascripto eius olim capellano et familiari, beneficium ecclesiasticum ad collationem episcopi Santonen. pertinens, vacans vel vacaturum in eius civitate vel dioecesi, eisdem quibus, ut supra, conditionibus, non obstante quod parochialem ecclesiam de Corgiaco, et in ecclesia Beluen. Engolismen. et Eduen. dioecesium, canonicatum et praebendam obtineat. (cap. 597 1, f. 154b).
Dil. filio Guillelmo de
Venchenaco canonico Belnen. (sic) Eduen. diocesis.
Dum ad personam tuam ...
Dat. Carpentorati, III nonas iulii, anno quinto.
In eundem modum dilectis filiis ... abbati monasterii s. Euparchii Engolismen., et ... decano de Rupefulcaudi, Engolismen. diocesis, ac ... cantori Petragoricen. ecclesiarum.
5740 – Carpentorati, 5 iul.
1310
Et infrascripto, consideratione eiusdem cardinalis cuius fuit familiaris, beneficium reservat eisdem quibus supra conditionibus, ad collationem pertinens episcopi Petragoricen. vacans vel vacarum in eiusdem civitate vel dioecesi, non obstante quod parochiales ecclesias s. Martialis de Drona de Rebeyraco, quarum una dependet ab alia, ac in ecclesia Albaterren. Petragoricen. dioecesis canonicatum et praebendam obtinere noscatur, et quod nuper sibi de canonicatu ecclesiae Blanziacen. Engolismen, dioecesis, cum integra portione redituum provisum fuerit. (cap. 598, f. 154b).
Dil. filio Ademaro de Virsaco,
canonico Albaterren. Petragoricen. diocesis.
Digne agere credimus ...
Dat. ut supra (Carpentorati, III nonas iulii, anno quinto).
In eundem modum dilectis filiis ... archidiacono Augen. Rothomagen., abbati secularis Albaterren. Petragoricen. diocesium, et cantori s. Frontonis Petragoricen. ecclesiarum.
5742 – Carpentorati, 5 iul.
1310
Consideratione bonae memoriae Raymundi cardinalis s. Mariae Novae, assignat infrascripto illius familiari, vacans vel vacaturum beneficium ecclesiasticum ad dispositionem spectans episcopi Pictaviensis, non obstante quod parochialem ecclesiam de Petrolio, ac in Engolismen., nec non et in Albaterren. et Blanziacen. ecclesiis Engolismen. et Petragoricen. dioecesium, canonicatus et praebendas obtineat. (cap. 600, f. 155a).
Dil. filio Petro Andree,
canonico Engolismensi.
Digne agere credimus ...
Dat. Carpentorati, III nonas iulii, anno quinto.
In eundem modum dilectis filiis ... monasterii s. Euparchii Engolismen. et secularis Dauracen. Lemovicen. diocesium abbatibus, ac ... cantori Petragoricen. ecclesiarum.
5765 – Avenione, 6 febr. 1310
Indulget infrascripto, ut, cum super iuribus prioratus sui de s. Privato ad monasterium Aurelianen. immediate spectantis, ordinis s. Benedicti Petragoricen. dioecesis a nonnullis circumvicinis nobilibus et potentibus indebite molestetur, unicum aliud beneficium ecclesiasticum ad praedictum seu aliud monasterium eiusdem ordinis, licite recipere et libere retinere cum dicto prioratu valeat (cap. 621, f. 158a).
Dil. filio Galhardo de
Castronovo, priori prioratus de s. Privato ad monasterium Aurelianense cuius
existit monachus immediate spectantis, ordinis s. Benedicti, Petragoricen,
diocesis.
Qui divinis deputati laudibus ...
Dat. Avinione, VIII idus februarii, anno quinto.
5779 – In prioratu de
Grausello, 12 sept. 1310
Providerat olim Guillelmum de Melinham de canonicatu et praebenda ac dignitate in ecclesia Petragoricensi vacantibus vel vacaturis, huiusmodi mandati executoribus deputatis, cantore ecclesiae Burdegalensis et aliis quibusdam. Vacantibus postmodum in eadem ecclesia archidiaconatu et praebenda per mortem Iammarii de Cambaraco, Guido eiusdem loci de Gambarhaco canonicus ecclesie s. Frontonis Petragoricen. cui cantor ecclesiae Burdegalen. solus in huiusmodi negotio procedens, prout ex forma apostolicarum poterat litterarum, super haec commiserat vices suas, Guillelmo praedicto archidiaconatum et praebendam contulit. Iste tamen et procurator eius ac subdelegatus protestationem praemiserunt, non intendentes ex hoc in dignitate ac praebenda, proximo in dicta ecclesia vacaturis, si praebenda et archidiaconatus praedicti eidem Guillelmo minime deberentur, sibi praedicium generari. Interim Guillelmus de Podio Rodelli clericus Petragoricensis dioecesis, praebendam et archidiaconatum eosdem, temeritate propria, occupavit. Quocirca mandat infrascripto, quatenus vocatis vocandis, de plano, et sine strepitu iudicii, causam audiat, et, appellatione remota, quod decreverit, faciat observari. (cap. 635, f. 160b).
Dil. filio ... officiali
Agennensi.
Petitio dilecti filii Guillelmi ...
Dat. in prioratu etc. II idus septembris, anno quinto.
5781 – Avenione, 7 ian. 1310
Indulget infrascripto ut, resignatione recepta, etiam apud sedem apostolicam, canonicatuum et praebendarum, quos Guillelmus Roiardi Albaterrensis, eius frater, et Helias Roiardi nepos eius de s. Asterio Petragoricen. dioecesis ecclesiarum canonici, facere intendunt, eadem beneficia eisdem vel aliis personis idoneis, prout sibi videbitur, conferre valeat. (cap. 637, f. 161b).
Dil. filio magistro Bernardo
Roiardi, archidiacono Xanctonensi, capellano nostro.
Cum dilectus filius Guillelmus ...
Dat. Avinione, VII idus ianuarii, anno quinto.
5796 – In prioratu de
Grausello, 15 sept. 1310
Mandat infrascripto ut, Philippo Andreae Sapiti, plebano plebis de Cascia Fesulan. et Rogerio Iohannis de Mocis, canonico et praebendario Laudunen., qui ex certis caussis (sic) legitimis ad invicem plebanatum de Cascia, canonicatum et praebendam Laudunen. permutare intendunt, morem gerat, non obstante quod Philippus in ecclesia Florentina, sub exspectatione praebendae vacaturae, in canonicum sit receptus, et duo beneficia curata, auctoritate apostolica, recipere possit, et quod Rogerius in eadem ecclesia Florentina canonicatum et praebendam obtineat, et ambo in aetate defectum patiantur, cum Phitippus in quinto decimo vel circa, Rogerius vero in vicesimo vel circa aetatis suae annis constituti exsistant. Dispenset quoque cum Philippo et Rogerio, ut idem Philippus canonicatum et praebendam eosdem dictae ecclesiae Laudunen., etiam si praebenda sacerdotalis exsistat, ut, ratione ipsius, non teneatur, donec ad legitimam aetatem pervenerit, ad ulteriores ordines promoveri, et Rogerius plebanatum praefatum insimul retinere valeat; proviso quod plebanatus, canonicatus et praebendae, debitis interim non fraudentur obsequiis. (cap. 651, f. 164b).
Dil. filio magistro Hugoni
Geraldi, cantori ecclesie Petragoricen., capellano nostro.
Cum, sicut accepimus ...
Datum in prioratu etc., XVII kal. octobris, anno quinto.
5802 – Carpentorati, 5 iul.
1310
Et huic infrascripto, familiari quondam memorati cardinalis reservat beneficium ecclesiasticum cum cura vel sine cura consuetum ab olim clericis secularibus assignari, ad cuiuscumque collationem spectans in civitate vel dioecesi Agennen. vacans vel vacaturum, quamvis in ecclesia Albaterren. Petragoricen. dioecesis, canonicatu potiatur et praebenda. (cap. 656, f. 167b).
Dil. filio Helie de Rivali,
canonico ecclesie Albaterren. Petragoricen. diocesis.
Meritis tue probitatis ...
Dat. ut supra (Carpentorati, III nonas iulii, anno quinto).
In eundem modum dil. filiis Begoni de Cavomonte, Londonien., et Bernardo de Casis, Vesalmen. Vasaten. ecclesiarum archidiaconis, et Ganselmo Iohannis, canonico Aquen. capellano nostro.
5804 – Carpentorati, 5 iul.
1310
Eiusdem cardinalis consideratione, infrascripto eius quondam familiari beneficium ecclesiasticum ut supra, etiamsi archipresbyteratus exsistat, in civitate vel dioecesi Burdegalensi vacans vel vacaturum reservat, quamvis parochialem ecclesiam de Noa, Trecensis dioecesis, obtineat, et defectum natalium patiatur; super quo iam cum eo a sede dispensatum est apostolica, (cap. 658, f. 16Sa).
Dil. filio Iohanni Seguini,
rectori parrochialis ecclesie de Noa, Trecen. diocesis.
Laudabilia tue probitatis merita ...
Dat. ut supra (Carpentorati, III nonas iulii, anno quinto).
In eundem modum dil. filiis ... cantori et succentori ecclesie Burdegalen., ac magistro Guillelmo Melchini (sic), canonico Cameracen., capellano nostro.
5821 – In prioratu de
Grausello, 31 aug. 1310
Precibus Hugonis abbatis monasterii Brantholmensis ordinis s. Benedicti Petragoricen. dioecesis capellani sui, indulget infrascripto ut, cedente vel decedente Guillelmo Raymundi de Budos clerico, cui de prioratu s. Fidis eiusdem ordinis Agennen. dioecesis, auctoritate apostolica, provisum fuerat, et quem idem Hugo abbas, tunc monachus monasterii Conchensis, ex commissione eiusdem infrascripti, ad quem ordinatio ipsius prioratus pertinuit ab antiquo, promotionis suae tempore ad abbatiam ipsius monasterii Brantholmen., gubernabat, prioratus ipse ad abbatis dicti monasterii Conchen. qui pro tempore fuerit, collationem seu aliam dispositionem, etiam si ipsum prioratum in Romana curia vacare contingeret, libere revertatur; quodque abbas eiusdem monasterii Conchensis, qui pro tempore fuerit, praedictum prioratum monachis dicti monasterii Conchen. possit committere gubernandum. Census vero et solitae pensiones qui a priore dicti prioratus abbati et monasterio Conchensi solvebantur, integre, statutis temporibus, prout antea, persolvantur, et divinus cultus et numerus monachorum nullatenus immutetur. (cap. 573, f. 170b).
Dil. filio abbati monasterii
Concen. (sic) ordinis s. Benedicti, Ruthenen. diocesis.
Iniuncta nobis officii sollicitudo ...
Dat. in prioratu ut supra, II kal. septembris, anno quinto.
5829 – Avenione, 23 mar. 1310
Olim inter infrascriptum, perfectam habentem aetatem, et Mariam filiam Petri de Margat, Petragoricen. dioecesis, infra annos nubiles exsistentem, per utriusque parentes sponsalia fuerant, et matrimonium prolocutum. Cum tamen Maria ad legitimam aetatem pervenisset, a praedictis sponsalibus proprio motu discedens, matrimonium cum alio per verba de praesenti contraxit, ex eoque liberos suscepit. Cum autem cupiat infrascriptus alicui de filiabus Geraldi de Landric praefatae dioecesis, matrimonialiter copulari, nec iure possit pro eo quod dictae ipsius Geraldi filiae, praefatae Mariae quarto consanguinitatis gradu aequaliter sint coniunctae, consideratione archiepiscopi Rothomagen., ei, familiari suo, indulget, ut cum illa de praedictis Geraldi filiabus quam elegerit, praedicto impedimento non obstante, licite matrimonium contrahere valeat. (cap. 680, f. 172a).
Dil. filio Arnaldo Catuelli,
laico Petragoricen. diocesis.
Et si coniunctio copule coniugalis ...
Dat. Avinione, X kal. aprilis, anno quinto.
5864 – In prioratu de Grausello,
17 iul. 1310
Aymericus abbas monasterii Soricinensis ordinis s. Benedicti, Tholosan. dioecesis, contulerat infrascripto, quoad viveret, omnes reditus decimales et temporales s. Martini de Mazeriis dictae dioecesis, prope Fagetum, exceptis lauduniis et foricapiis, ad mensam suam spectantes, tanquam de se et de monasterio benemerito; inducens dominum Geraldum de Narbona presbyterum, rectorem ecclesiae de Montinhaco, dioecesis Petragoricen. loco Stephani, in corporalem possessionem redituum per traditionem Breviarii sui; mandans nihilominus rectori de Mazeriis, ut, quando Geraldus sive Stephanus venerint, eos in talem possessionem inducat. Haec collatio munita sigillo apposito in pendenti, data in aula abbatiali Pratrum veterum in Montaneis prope Soricinum VII kal. oct. anno Domini MCCCVIII, confirmatur, eiusque tenor de verbo ad verbum inseritur. (cap. 714, f. 179a).
Dil. filio Stephano Nepotis,
clerico Petragoricen. diocesis.
Cum a nobis petitur ...
Dat. in prioratu de Grausello prope Malausanam, Vasionen. diocesis, XVI kalendas augusti, anno quinto.
In eundem modum ven. fratri ... episcopo Tholosano. et dil. filiis ... de Galhaco ac Albaterren. monasteriorum abbatibus, Albien. et Petragoricen. diocesium.
5865 – Carpentorati, 5 iul.
1310
Cum reditus et proventus annui abbatiae Albaterrensis, ecclesiae Petragoricen. adeo sint tenues et exiles, quod ex eisdem infrascriptus non possit congrue sustentari, Clemens adnectit eidem abbatiae ecclesias de s. Romano et s. Iacobi de Albaterra curam animarum habentes, dictae dioecesis, in quibus ius patronatus ad abbatem et capitulum ipsius ecclesiaepertinet, ab eo eiusque successoribus perpetuo retinendas; ita tamen ut pensiones et alia onera debita pro eisdem ecclesiis, solvere teneatur, indulgens insuper ut, praedictarum ecclesiarum rectoribus cedentibus vel decedentibus, vel alio quovis modo ipsis ecclesiis vacantibus, liceat ei earum possessionem apprehendere, proviso quod in eisdem ecclesiis cultus divinus nullatenus minuatur, et de ipsarum proventibus pro perpetuis vicariis congruae portiones assignentur. (cap. 715, f. 180a).
Dil. filio Helie de la Faya,
abbati secularis ecclesie Albaterren. Petragoricen. diocesis, capellano nostro.
Merita tue devotionis ...
Dat. Carpentorati, III nonas iulii, anno quinto.
5870 – In prioratu de
Grausello, 31 aug. 1310
Et huic infrascripto, hac vice indulget, ut singulis personis idoneis conferat beneficia ecclesiastica, administrationes et officia, consueta regularibus assignari, si quae sint quorum collatio ad sedem apostolicam sit legitime devoluta, et quorum ordinatio ad se alias pertineret. (cap. 720, f. 182a).
Dil. filio Hugoni, abbati
monasterii Brentolmen., ordinis s. Benedicti, Petragoricen. diocesis, capellano
nostro.
Ex tue petitionis mentis ...
Dat. ut supra, II kal. septembris, anno quinto.
5871 – In prioratu de
Grausello, 31 aug. 1310
Eidem indulget ut, cum eius mensae proventus impares sint ad onera in suo monasterio Brentolmensi et extra illud supportanda, dictae mensae suae ad hoc, quoad vixerit, applicare ac retinere possit unum vel duo beneficia ecclesiastica consueta monachis assignari, ad collationem conventus dicti monasterii spectantia, usque ad valorem annuum trecentarum librarum Turonen. parvorum. Ita tamen quod, eo cedente vel decedente, per successores suos huiusmodi dicti monasterii beneficia, prout fieri hactenus consuevit, monachis eiusdem monasterii assignentur. (cap. 721, f. 181a).
Eidem (Dil. filio Hugoni,
abbati monasterii Brentolmen., ordinis s. Benedicti, Petragoricen. diocesis,
capellano nostro).
Dum tue attendimi!s merita probitatis ...
Dat. ut supra (in prioratu de Grausello prope Malausanam, Vasionen. diocesis, II kal. septembris, anno quinto).
5946 – Avenione, 3 mart. 1310
Concesserat olim infrascripto capellano cardinalis Berengarii ut archipresbyteratum Gratiacen. Bituricen. dioecesis, et canonicatum et praebendam in Civitaten. ecclesia commutare posset cum canonicatu et praebenda quos Nicolaus quondam Neapoleonis in Bituricen. ecclesia obtinebat, mandans Berengario episcopo Tusculano ut hoc negotium inter eos componeret, non obstante quod infrascriptus in s. Petri puellarum Bituricen. ac b. Mariae et s. Astrigisilii Gratiacen. et s. Donatiani Brugen. Bituricen. et Tornacen. dioecesium ecclesiis canonicatus et praebendas obtineret. Inseritur tenor litterarum Berengarii episcopi Tusculani quibus utrumque de desideratis beneficiis providet, Avenione, in camera sua, Angelutio Andreae de Urbe, milite, procuratore Nicolai, vices illius agente, sub dieXXIIII februarii anni MCCCX, indictione VIII; praesentibus dominis fratre Guillelmo, abbate s. Tiberii, Agathen. dioecesis, Petro Andreae canonico Biterren., Ranno de Fabriano, archidiacono Tudertin., Pontio Pascalis rectore ecclesiae de Paolhano, Biterren. dioecesis, cum Raymundo Andreae, clerico Biterren. dioecesis, notario, qui, ad formam publicam, actum redegit. (cap. 787, f. 196b).
Dil. filio Roffredo nato
quondam Gentilis de Insula, canonico Bituricensi.
Exposito pridem nobis ...
Dat. Avinione, V non. martii, anno quinto.
In eundem modum dil. filiis ... s. Ambrosii Bituricen. et ... Maciacen. Bituricen. diocesis monasteriorum abbatibus, ac magistro Hugoni Geraldi cantori ecclesie Petragoricen. capellano nostro.
5954 – Avinione, 16 maii 1310
Mandat infrascripto ut, cum Petrus de Rodis presbyter, rector ecclesiarum de Castronovo et de beato Iuliano, quae canonice sunt unitae, Petragoricen. dioecesis, et Guido de Motis prior secularis ecclesiae de Maceriis Caturcen. dioecesis, ecclesias ipsas et prioratum cupiant ad invicem permutare, eorum resignatione rite recepta, conferat utrique beneficia iuxta eorum vota. (cap. 795, f. 198b).
Dil. filio ... abbati
monasterii Tutellen, Lemovicen. diocesis.
Cum, sicut accepimus ...
Dat. Avinione, XVII kalendas iunii, anno quinto.
5983 – Carpentorati, 28 oct.
1310
Indulget infrascripto ut, usque ad triennium insistens iuris civilis studio in loco ubi illud vigeat generale, prout ex alia concessione sibi licere dinoscitur, fructus canonicatus et praebendae quos in ecclesia Santonen. obtinet, possit integraliter, quotidianis distributionibus dumtaxat exceptis, percipere, ac si in dicta ecclesia personaliter resideret. (cap. 822, f. 205b).
Dil. filio Iterio Royardi,
subdiacono, canonico Xanctonensi.
Meritis tue probitatis ...
Dat. Carpentorati, V kal. novembris, anno quinto.
In eundem modum dil. filiis Petro de Faya, archipresbytero de Corma regali, Xanctonen. diocesis, et magistro Hugoni Geraldi capellano nostro Petragoricen. ac ... Albiterren. Petragoricen. diocesis, cantoribus ecclesiarum.
6001 – In prioratu de
Grausello, 23 iul. 1310
Committit Bertrando episcopo Albiensi camerario suo, ut, cum magister Gaucelinus Iohannis legum doctor prior secularis ecclesiae de Ayrando Petragoricen. dioecesis prioratum suum, curam animarum habentem, et magister Bernardus Royardi canonicus et praebendarius Caturcensis suus capellanus, canonicatum, et praebendam ac obventiones. decimas et proventus loci de Auderiis Caturcen. dioecesis, ad invicem permutare cupiant; ab utroque resignatione recepta, Gaucelino canonicatum et praebendam ac decimas predictas, Bernardo prioratum ecclesiae secularis de Ayrando supradictae conferat, non obstante quod Gaucelinus unum, duo, aut plura beneficia ecclesiastica cum cura vel sine cura obtineat, et magister Bernardus archidiaconatum ecclesiae Santonen. cum animarum cura, et in eadem ac Parisiensi et Petragoricen. ecclesiis canonicatus et praebendas, et in dioecesi Tolosana quasdam decimas valoris annui centum librarum Turonen. parvorum vel circa obtineat, eique sit indultum, quod unum beneficium cum vel sine cura, etiam si dignitas vel personatus exsistat, acceptare possit. (cap. 839, f. 309b).
Ven. fratri Bertrando,
episcopo Albiensi, camerario nostro.
Cum, sicut accepimus ...
Dat. in prioratu etc., X kal. augusti, anno quinto.
6006 – Carpentorati, 5 iul.
1310
Consideratione Raymundi quondam s. Mariae Novae diaconi cardinalis, non obstantibus beneficiis in numero 6004 citatis, reservat infrascripto eius, dum viveret, familiari, beneficium ecclesiasticum cum cura vel sine cura, consuetum ab olim clericis secularibus assignari, cuius reditus annui octuaginta librarum Turonensium parvorum summam non excedant, ad cuiuscumque, praeterquam episcopi Caturcensis, collationem pertinens, in civitate vel dioecesi Caturcensi vacans vel quamprimum vacaturum. (cap. 844, f. 210b).
Dil. filio Petro Fabri,
rectori parrochialium ecclesiarum de Baucio et de Falgario ac de Caute, quarum
due dependent a prima, Tholosan. diocesis.
Laudabilia tue probitatis merita ...
Dat. Carpentorate, III nonas iulii, anno quinto.
In eundem modum dil. filiis ... archidiacono et Guillelmo Raymundi de Marmanda Caturcen., ac
Guillelmo Meschini Cameracen. canonicis ecclesiarum.
6008 – Carpentorate, 5 iul.
1310
Incurrerat olim infrascriptus in excommunicationis, suspensionis et interdicti sententias ab homine et iure prolatas, occasione abusus litterarum apostolicarum, violentae in clericos manuum iniectionis, et transgressionis iurium et constitutionum legatorum sedis apostolicae et aliis de caussis. Tamen in Londoniensi archidiaconatum, et in eadem ac in Petragoricensi ecclesiis canonicatus et praebendas, ac de Landarraco et Lamontia prioratus et duas partes decimae de Donsenes in beneficium sibi concessas, Vasaten. et Petragoricen. dioecesium, nulla super praemissis absolulione habita, assecutus fuerat; cum autem supplicasset ut, tam super hiis quam super labe simoniacae pravitatis, si qua in acquirendis dictis beneficiis vel alias maculatus fuisset, de opportuno absolutions remedio sibi provideretur, Clemens eum ab omnibus supradictis sententiis absolvit, ita tamen ut super iis, pro quibus sententias incurrit praedictas, quatenus alicuius vel aliquorum interesse contingunt, debitam satisfactionem impendat; dispensans insuper ut omnia praedicta beneficia possit licite retinere, quae, ad cautelam, ei de novo confert. (cap. 846, f. 211).
Dil. filio Begoni de
Cavomonte, archidiacono Londoniensi.
Litterarum scientia ...
Dat. Carpentorati, III nonas iulii, anno quinto.
6063 – In prioratu de
Grausello, 16 aug. 1310
Mandaverat olim Clemens Raymundo s. Mariae Novae diacono cardinali, ut a fratre Helia de Boscocano, quam cupiebat prioratus s. Iohannis de Cola ordinis s. Augustini, Petragoricen. dioecesis resignationem facere, reciperet, eumque infrascripto, auctoritate sua, conferret. Sed, cardinale ante huiusmodi resignationem vita functo, haec commissio nullum est effectum assecuta. Postmodum prioratum ipsum per liberam resignationem magistri Rogerii de Interamne clerici, procuratoris dicti Heliae ad hoc ab eo specialiter mandatum habentis, in manibus Bertrandi episcopi Albiensis camerarii papae, vacantem, praemissorum obtentu, dictum prioratum sic vacantem cum omnibus suis iuribus Bernardo confert Clemens; non obstante quod prioratum de Sabonerii eiusdem ordinis Tolosan. dioecesis, et canonicatum in ecclesia Tolosana in qua certus canonicorum numerus et praebendarum distinctio non habentur, obtineat, ac de communibus ecclesiae eiusdem proventibus, sicut unus ex aliis ipsius ecclesiae canonicis percipiat portionem, sive quod beneficium ecclesiasticum, etiam si prioratus exsisteret, cuius reditus et proventus annui usque ad valorem ducentarum librarum Turonensium parvorum ascendant, ad collationem praepositi et capituli ecclesiae Magalonensis predicti ordinis, auctoritate exspectet apostolica (cap. 895, f. 222b).
Dil. filio Bernardo de
Monteclaro, canonico Tholosano, et ... priori prioratus s. Iohannis de Cola,
ordinis s. Augustini, Petragoricen. diocesis.
Meritis tue religionis ...
Dat. in prioratu de Grausello etc. XVII kal. septembris, anno quinto.
In eundem modum dilecto filio ... priori de Cassiano, Biterren. diocesis, et ... archidiacono Xanctonen., ac magistro Scoto de Linariis, canonico Tholosano.
6087 – Carpentorati, 28 oct.
1310
Valeat usque ad triennium archidiaconatum suum de Bellovidere in ecclesia Petragoricensi per aliquas personas idoneas in sacerdotio constitutas visitare, et procurationes moderatas sibi, ratione visitationis, debitas, in pecunia recipere numerata (cap. 915, f. 228a).
Dil. filio Helye de Lafaya
archidiacono de Bellovidere in ecclesia Petragoricensi, capellano nostro.
Devotionis tue ...
Dat. Carpentorati, V kal. novembris, anno quinto.
In eundem modum dil. filio archidiacono Xanctonensi et ... maioris ac ... s. Frontonis Petragoricen. ecclesiarum cantoribus.
6088 – Carpentorati, 28 oct.
1310
Scholasticis insistenti disciplinis in loco ubi studium vigeat generale, indulget ad triennium ut reditus praebendarum, quas in s. Frontonis Petragoricen. et de s. Aredio Lemovicen. dioecesium ecclesiis, quarum est canonicus, obtinet, quotidianis dumtaxat distributionibus exceptis, valeat percipere, ac si in eisdem ecclesiis resideret (cap. 916, f. 228a).
Dil. filio Guillelmo de
Monteardito, canonico ecclesie s. Frontonis Petragoricen.
Nobilitas generis ...
Dat. Carpentorati, V kal. novembris, anno quinto.
In eundem modum dil. filiis ... abbati secularis Albaterren, Petragoricen. diocesis, et Alberto de s. Quintino, ac Arnaldo Leotardi, canonicis Xanctonen. ecclesiarum.
6089 – Avenione, 23 mart. 1310
Guidone, de Turribus prioratum de Buile, et Petro de Savinhaco praeposituram de s. Salvatore, Caturcen. ac Lemovicen. dioecesium, invicem permutare cupientibus, mandat Clemens infrascripto ut, ab utroque rite resignatione recepta huiusmodi officiorum quae dignitates non sunt, nec personatus, eorum annuat votis, non obstante quod Guido archidiaconatum de Nontonio in Lemovicen. ac in ea et de s. Aredio eiusdem dioecesis ecclesiis canonicatus et praebendas, necnon praeposituram de Clorgor, et prioratum de Benato eiusdem dioecesis, qui quidem praepositura et prioratus non sunt dignitates nec etiam personatus. sed simplicia beneficia ecclesiastica sine cura, et Petrus canonicatum et praebendam in ecclesia Ruthenen. et parochialem ecclesiam de Varcx Agennen. dioecesis obtineant, ac etiam praedictus Petrus quandam annuam pensionem in decimis de Villanova Ruthenen. dioecesis percipiat annuatim, et in eadem ecclesia Ruthenensi, dignitatem seu personatum cum cura vel sine cura vacaturum exspectet. (cap. 917, f. 228b).
Dil. filio Raymundo, s. Marie Nove
diacono cardinali.
Cum dilecti filii ...
Dat. Avinione, X kal. aprilis, anno quinto.
6096 – Malausanae, 17 nov.
1309
Mandat infrascripto cardinali ut resignationem liberam recipiat ecclesiarum de s. Vincentio et de Pontor, quarum una dependet ab altera, Petragoricen. dioecesis, a Stephano earum rectore, et eas alicui personae idoneae conferat, (cap. 924, f. 230a).
Dil. filio Raymundo, s. Marie
Nove diacono cardinali.
Cum, sicut accepimus ...
Dat. Malausene, Vasionen. diocesis, XV kal. decembris, anno quinto.
6107 – Carpentorati, 28 oct.
1310
Quotidianis dumtaxat distributionibus exceptis, valeat infrascriptus, usque ad triennium, insistens litterarum studio ubi illud vigeat generale, reditus et proventus praebendarum suarum, quas in Aurelianen. et s. Aviti senioris. Petragoricen. dioecesis, ac s. Caprasii Agennen. ecclesiis obtinet, percipere, ac si in eorum resideret ecclesiis. (cap. 934, f. 232b).
Dil. filio Raymundo de Poiolis
(1) canonico secularis ecclesie s. Caprasii, Agennen.
Exigunt tue probitatis ...
Dat. Carpentorati, V kal. novembris, anno quinto.
In eundem modum dilectis filiis ... de s. Cipriano et ... de Laurenca prioribus Petragoricen et Agennen. diocesium, ac ... archidiacono Petragoricen.
(1)
Huius Raymundi meminit Benedictus XII, cum mittens Iohannem de Amelio Assisium
ad inquirendum super thesauri ecclesiae Romanae direptione, dicit in huiusmodi
direptione fautores exstitisse eius familiares et propinquos, eo autem, tunc
ducatus Spoletani rectore, id ignorante. Hoc innuimus in huius operis
prolegomenis, pag. XXXVII.
6142 – Avenione, 28 mart. 1310
Mandat infrascripto cardinali, ut a Guichardo de Ponte vitreo, canonico secularis ecclesiae de s. Asterio, Petragoricen. dioecesis, resignationem canonicatus et praebendae seu portionis, quos in eadem ecclesia obtinet, et cupit dimittere, recipiat, et alicui personae idoneae dictos canonicatum, praebendam seu portionem conferre ipse valeat, etiam si ea alias unum vel plura beneficia, cum vel sine cura, obtineat. (cap. 962, f. 239b).
Dil. filio Raymundo, s. Marie
Nove diacono cardinali.
Cum dilectus filius Guchardus (sic) ...
Dat. Avinione, V kal. aprilis, anno quinto.
6146 – Carpentorati, 28 oct.
1310
Confert infrascripto beneficium cum cura vel sine cura, etiamsi dignitas vel personatus aut officium exsistat, ad collationem prioris et capituli secularis ecclesie s. Caprasii Agennen., si quod nunc vacet; vacaturum vero apostolicae reservat donationi conferendum, non obstante quod in eadem ac in Aureliacensi et in s. Aviti senioris, Petragoricen. dioecesis ecclesiis, canonicatus et praebendas et parochialem ecclesiam de Blancaforti Agennen. dioecesis obtineat. (cap. 965, f. 241a).
Dil. filio Raymundo de
Poiolis, canonico secularis ecclesie s. Caprasii, Agennen. diocesis.
Laudabilia tue probitatis merita ...
Dat. Carpentorati, V kalendas novembris, anno quinto.
In eundem modum dil. filiis ... de s. Cipriano, et ... de Laurenca prioribus, Petragoricen. et Agennen. diocesium, ac ... archidiacono Petragoricen.
6147 – Paternis, 1 nov. 1310
Beneficium cum vel sine cura, etiamsi dignitas seu personatus vel officium aut prioratus etiam conventualis seu administratio exsistat et secularibus aut etiam regularibus perpetuo vel ad tempus sive canonicis aut monachis vel personis ecclesiae, monasterii vel loci, in quo vel cuius ipsum fuerit, et non aliis consueverit assignari vel ipsi ad illud assumi, sive s. Benedicti, Cluniacen. vel cuiuscumque alterius ordinis fuerit, ad cuiuscumque collationem vel quamvis aliam dispositionem communiter vel divisim pertinens, si quod apud sedem apostolicam, in quacumque civitate vel dioecesi aut ecclesia etiam metropolitana vel alia cathedrali seu monasterio vel alio loco vacat ad praesens vel proximo vacaturum, dummodo infra septa alicuius monasterii non exsistat, motu proprio et ex mera liberalitate apostolica, Raymundo bonis studiis insistenti conferendum, reservat donationi apostolicae. Quod si huiusmodi dignitas seu personatus vel officium in ecclesia etiam seculari, metropolitana vel alia cathedrali fuerit et illi canonicatus et praebenda adnexi, vel non adnexi exstiterint, decernit eum fore ibi recipiendum in canonicum ac providendum ei de praebenda dignitati, personatui seu officio adnexa, ibidem vacante vel vacatura; non obstantibus de certo canonicorum numero eiusdem secularis ecclesiae et quibusvis aliis constitutionibus contrariis, illis praesertim quibus in ecclesia, monasterio sive loco forsitan caveretur, quod nullus aliquam seu certam dignitatem, personatum, officium, prioratum vel administrationem in illa ecclesia consistentem seu consistens vel ad monasterium sive locum pertinentem vel pertinens obtinere valeat, nisi canonicus aut monachus esset illius aut canonicatum et praebendam in ipsa ecclesia obtineret, sive quod Leicestriae in Lincolnien. et in Andegaven. archidiaconatus et in Belvacen. thesaurariam ac in eis et in Burdegalen. et Suessionen. ecclesiis canonicatus et praebendas et parochialem ecclesiam de Leik Eboracen. dioecesis ex dispensatione apostolica obtineat, et in ipsa Suessionen. dignitatem seu personatum vel officium cum vel sine cura exspectet aut quod patiatur in ordinibus et aetate defectum, cum in minoribus tantum ordinibus ei in vicesimo tertio aetatis suae anno vel circa illum constitutus exsistat. (cap. 966, f. 241a).
Dil. filio Raymundo Guillelmi
de Fargis. archidiacono Andegaven.
Apostolice sedis benignitas ...
Dat. Paternis, Carpentoraten. diocesis, kal. novembris, anno quinto.
In eundem modum dilectis filiis ... abbati monasterii de s. Severo, Aduren. diocesis et ... archidiacono Aranen. Convenarum ac ... cantori Petragoricen. ecclesiarum.
6152 – Avenione, 8 nov. 1310
Precibus Arnaldi abbatis monasterii Exiensis, ordinis s. Benedicti, Agennen. dioecesis, annuens, confert infrascripto beneficium cum cura vel sine cura, etiamsi prioratus fuerit, consuetum ab olim regularibus perpetuo aut ad tempus, vel sub pensionis nomine seu alias, sive secularibus assignari, ad collationem abbatis pertinens, vacans vel vacaturum; non obstante quod in ecclesia Trecensi canonicatum et praebendam, ac de Albiaco et de Grassa prioratus quorum unus dependet ab alio, eiusdem dioecesis obtineat. (cap. 967, f. 242b).
Dil. filio Guillelmo Calsani,
canonico Trecensi.
Apostolice sedis gratiosa benignitas ...
Dat. Avinione, VI idus nov., anno quinto.
In eundem modum dil. filiis ... priori de s. Cipriano, Petragoricen. diocesis, et ... archidiacono Montaldensi, ac ... cantori ecclesie Agennen.
6194 – Avenione, 13 ian. 1310
Concedit tabellionatus officium infrascripto, qui ad id per Arnaldum electum Conseranen. et magistrum Guillelmum Meschini canonicum Noviomensem capellanum suum examinatores ad hoc deputates, idoneus repertus fuerat. (cap. 1009, f. 252^).
Dil. filio Ariverio de
Rexanis, clerico Mutinensi, clericali dumtaxat caractere insignito.
Ne contractuum memoria ...
Dat. Avinione, idus ianuarii, anno quinto.
6199 – In prioratu de
Grausello, 23 oct. 1310
Helias, Petragoricensis episcopus, dum adhuc viveret, tenuitatem redituum monasterii s. Cypriani, ordinis s. Augustini, Petragoricen. dioecesis, considerans, et cupiens in ipso cultum divini nominis adaugeri, parochialem ecclesiam de Castello, eiusdem dioecesis, tunc vacantem, in qua dictum monasterium ius obtinet patronatus, de consensu prioris eiusdem monasterii et conventus, eidem monasterio, auctoritate ordinaria, perpetuo univit, iure episcopi et successorum suorum et archidiaconi ac archipresbyteri loci in deveriis et procurationibus semper salvo. Tenorem concessionis datae III kal. nov. anno Domini MCCLXXVI, de verbo ad verbum inserit Clemens, quam ratam habet confirmatque. (cap. 1014, f. 253a).
Dil. filio Galhardo priori, et
convenui monasterii de s. Cipriano per priorem soliti gubernari, ordinis s.
Augustini, Petragoricen. diocesis.
Meritis tue devotionis inducimur ...
Datum in prioratu de Grausello, prope Malausanam, Vasionensis diocesis, X kal. novembris, anno quinto.
Mention : Collection Périgord, vol. 30, fol. 455 r°
Donnée : Collection Périgord, vol. 35, fol. 60 r°
6200 – In prioratu de
Grausello, 23 oct. 1310
Eisdem motus rationibus quibus supra, Raymundus Petragoricensis episcopus parochialem ecclesiam de Mayral, Petragoricen. dioecesis, in qua supradictum monasterium ius habet patronatus, eidem monasterio univit, salva et retenta in eadem ecclesia competenti et perpetua vicaria, ad quam prior ipsius monasterii episcopo et successoribus eius vicarium idoneum, cum illa vacare contingeret, praesentaret, volens nihilominus idem episcopus, ut ipse vicarius pro vicaria ipsa omnes vineas, prata, hortos et domos quae ipsa ecclesia de Mayral tunc temporis obtinebat, haberet, et ei iidem prior et successores eius vel collector decimae in parochia supradicta, omnem decimam lanae, vini, canapis et carnalagii parochiae ipsius ecclesiae ac medietatem decimae vini ac unum frumenti, et quatuor mixturae sextaria de ipsa decima annis singulis exhiberet, ipseque vicarius omnes oblationes et obventiones, quocumque nomine censerentur, in ipsa ecclesia et extra obvenientes pro tempore pacifice percipere et quiete, et omnia teneretur ipsius ecclesiae onera supportare. Alia medietate decimae vini et tota decima bladi parochiae supradictae, uno bladi et quatuor mixturae sextariis supradictis dumtaxat exceptis, monasterio perpetuo remanentibus. Prioris supplicationibus inclinatus rata habet Clemens et confirmat omnia supradicta contenta in litteris concessionis episcopi actis apud Castrum eius et datis VII kal. martii, anno Domini MCCLXXXXII, quas de verbo ad verbum praesentibus inserit. (cap. 1015, f. 253b).
Eisdem (Dil. filio Galhardo
priori, et convenui monasterii de s. Cipriano per priorem soliti gubernari,
ordinis s. Augustini, Petragoricen. diocesis).
Merita vestre religionis ...
Dat. ut supra (in prioratu de Grausello, prope Malausanam, Vasionensis diocesis, X kal. novembris, anno quinto).
Donnée : Collection Périgord, vol. 35, fol. 63 r°
6203 – Avenione, 13 ian. 1310
Concedit Tabellionatus officium infrascripto ad id idoneo reperto per fratrem Arnaldum electum Conseranensem, et magistrum Guillelmum Meschini canonicum Noviomensem, capellanum suum ad hoc examinatores deputatos. (cap. 1018, f. 254a).
Dil. filio Petro de Caunis,
clerico Carcassonen., clericali dumtaxat caractere insignito.
Ne contractuum memoria ...
Dat. Avinione, idus ianuarii, anno quinto.
Anni quinti
6292 – Avenione, 1 mart. 1310
Facultatem facit infrascriptis et cuilibet eorum erigendi et recipiendi a quibuscumque personis ecclesiasticis et secularibus cuiuscumque conditionis existant, quoscumque census per eos papae et ecclesiae Romanae ex quacumque causa debitos, et quaecumque bona et pecuniarum summas eis a quibusvis personis legata, nec non contradictores, appellatione postposita, compescendi, et singulos a quibus census et bona vel pecunias legata receperint, quitandi et absolvendi. (cap. 17, f. 274b).
Dil. filio Guillermo de
Balato, canonico ecclesie s. Asterii Petragoricen. diocesis, et Iohanni de
Bononia, camere nostre clerico.
De vestre circumspectionis prudentia ...
Dat. Avinione, kal. martii, anno quinto.
6310 – Avenione, 27 maii 1310
Exigant a praelatis Siciliae pecuniam quam se, subsidii caussa, pontifici daturos spoponderant (cap. 34, f. 279b).
Dil. filiis magistris Bernardo
Regis, archidiacono Nemausen., et Guillelmo de Balaeto, canonico de s. Asterio,
Petragoricen. diocesis ecclesiarum.
Dudum venerabiles fratres nostros universos archiepiscopos per regnum Sicilie citra Farum constitutos generaliter per nostras sub certa forma litteras rogandos duximus, et etiam exhortandos quod nobis de pecuniario subsidio pro nostris et ecclesie Romane necessitatibus subvenirent, quodque suffraganeos eorum ac omnes et singulos electos, abbates, priores, collegia, capitula et conventus et alias personas ecclesiasticas seculares et religiosas exemptas et non exemptas, cuiuscumque ordinis, conditionis aut status existerent, tam suarum civitatum, diocesium et provinciarum, quam extra illas, si que essent in circumvicinis eis partibus, etiam si episcopali dignitate fulgerent, et de convenienti pecuniario subsidio iuxta suarum facultatum decentiam providerent, solerter inducere et hortari cum instantia procurarent, prout in eisdem litteris plenius continetur. Verum cum nonnulli ex eis huiusmodi subsidium nobis, prout per litteras vestras accepimus, concesserint faciendum, nos de vestre circumspectionis industria et fidelitate probata, plenam in Domino fiduciam obtinentes, et sperantes quod ea que vobis commictuntur, curabitis exequi fideliter et prudenter, discretioni vestre mandamus quatenus vos vel alter vestrum per vos vel per alium seu alios ab archiepiscopis et episcopis et omnibus aliis et singulis supradictis qui prefatum subsidium, prout predicitur, promiserunt, et aliis quos promictere contigerit in futururn, necnon a venerabilibus fratribus nostris archiepiscopo Beneventano eiusque suffraganeis ac omnibus et singulis electis, abbatibus, prioribus, collegiis, capitulis, conventibus et aliis personis ecclesiasticis secularibus et religiosis exemptis et non exemptis cuiuscumque ordinis, conditionis vel status existant, Beneventan. civitatis et diocesis ac provincie, nomine nostro et ecclesie supradicte petere, exigere ac recipere procuretis. Nos enim petendi, exigendi et recipiendi predictum subsidium ab archiepiscopis et episcopis et aliis supradictis et quolibet eorundem, necnon contradictores et rebelles auctoritate nostra, appellatione postposita, compescendi, quitandi quoque illos a quibus subsidium ipsum recipere vos continget de hiis que pro dicto subsidio receperitis ab eisdem, plenam vobis et cuilibet vestrum concedimus tenore presentium potestatem, invocato ad hoc, si opus fuerit, etc.
Dat. Avinione, VI kalendas iunii, anno quinto.
6311 – Avenione, 27 maii 1310
Exhibeant promissum pecuniarium subsidium. (f. 279b).
Venerabilibus fratribus ...
Beneventan. et aliis universis archiepiscopis per regnum Sicilie citra et ultra
Farum constitutis, ac eorum suffraganeis, et dil. filiis electis, abbatibus,
prioribus, collegiis, capitulis et conventibus et aliis personis
ecclesiasticis, exemptis et non exemptis, cuiuscumque ordinis vel status
existant, tam per ipsorum provincias et dioceses constitutis, quam extra illas,
siqui sint in circumvicinis eis partibus, etiam si episcopali fulgeant
dignitate.
Dudum vos, fratres archiepiscopi, generaliter per nostras sub certa forma litteras rogandos duximus, et etiam exortandos quod nobis de pecuniario subsidio curaretis, pro nostris et ecclesie Romane necessitatibus subvenire, quodque vos, suffraganei, electi, abbates, priores, capitula, collegia, conventus et persone, ut de convenienti pecuniario subsidio nobis pro huiusmodi necessitatibus, subveniretis, iuxta vestrarum decentiam facultatum, ipsi archiepiscopi solerter inducere et hortari cum efficacia procurarent, prout in eisdem litteris plenius continentur. Cum itaque nonnulli ex vobis huiusmodi subsidium, prout per litteras dilectorum filiorum magistrorum Bernardi Regis, archidiaconi Nemausen. et Guillelmi de Balaeto, canonici de s. Asterio, Petragoricen. diocesis ecclesiarum accepimus, concesserint faciendum, nos de ipsorum archidiaconi et canonici circumspectionis industria et fidelitate probata plenam in Domino fiduciam obtinentes. ac sperantes quod ea que commictuntur eisdem, curabunt exequi fideliter et prudenter, eis damus per alias nostras litteras in mandatis ut ipsi vel alter eorum per se vel per alium seu alios a vobis omnibus et singulis qui prefatum subsidium, ut predicitur promisistis et aliis quos promictere contigerit in futurum necnon et a te, frater archiepiscopo Beneventane, tuisque suffraganeis ac omnibus et singulis electis, abbatibus, prioribus, collegiis, capitulis et conventibus et aliis personis ecclesiasticis secularibus et religiosis exemptis et non exemptis, cuiuscumque ordinis, conditionis vel status existant, Beneventane civitatis, diocesis ac provincie, nomine nostro, et ecclesie supradicte, petere, exigere et recipere non omictant, invocato ad hoc, si opus fuerit, auxilio brachii secularis. Quocirca universitatem vestram monemus et hortamur attentius vobis nichilominus per apostolica scripta mandantes, quatenus prefatum subsidium archidiacono et canonico supradictis, nostro et ecclesie prefate nomine, liberaliter exhibere et assignare curetis. Nos enim petendi exigendi et recipiendi predictum subsidium a vobis et singulis vestrum, qui ipsum, ut premictitur, promiserunt, et promictere imposterum contigerit, et te, prefate archiepiscopo Beneventane, ac predictis suffraganeis tuis et electis, abbatibus, prioribus. collegiis, capitulis, conventibus eisdem tuarum civitatis, diocesis et provincie predictarum necnon contradictores et rebelles, auctoritate nostra appellatione postposita, compescendi, quitandi quoque vos et singulos alios supradictos a quibus eos subsidium recipere contigerit supradictum de hiis que pro subsidio ipso recipient, plenam eis et cuilibet eorum concedimus, tenore presentium, facultatem.
Dat. ut supra (Avinione, VI kalendas iunii, anno quinto).
F. B. Ce n° 6316 n’est là que
parce qu’un certain Fortanier, chantre de l’église de Saint-Astier, est
signataire, mais la bulle n’a aucun intérêt pour le Périgord.
6316 – Avenione, 11 febr. 1310
De reditu civitatis Fcrrariae ad sedis apostolicae obedientiam et iurisdictionem, eiusque privilegiorum contirmatione. (cap. 40, f. 281a) (1).
Dilectis filiis universitati,
consilio, populo et communi civitatis Ferraricnsis.
Pia matris ecclesie cura de filiorum suorum salute sollicita etsi communi quodam pietatis affectu ad cunctos gerat sedule considerationis intuitum, illos precipue propensiori studio refovere desiderat et sue dulcedinis suavitate reficere, illosque in oblivionem abire non patitur, quos longe a suis ablactatos uberibus et in devium raptos precipiti lapsu fortuna pressit acerbior, et avulsos a dulcibus eius amplexibus calamitas durioris adversitatis afflixit. Non enim poterat siccis oculis intueri, quos in afflictione positos intollerabilis cruciatus attriverat. nec sine suspiriis illorum considerare miserias, quos iugo tyrampnice servitutis absortos, et cuiuslibet penitus respirationis expertes angustiosis cernebat angariis impie cruciari. Hoc enim ipsa mater ecclesia in vobis, quos privata peculiaritas uteri sui repositos servat in intimis, et inviolabilis necessitudo connectit, frequenter experiens amaras plerumque lacrimas est coacta perfundere. sentire dolores et ingeminare suspina ex diversarum persecutionum procellosa tyrampnide, quam in vobis hostilis multotiens et crudelis immanitas agitavit. Verum quantumcumque periculosa sint tempora et mundus positus in maligno, non tamen de-fuerunt in fluctibus quarumlibet tempestatum consolationum remedia sponse Christi. Non enim attigit votum proprium Pharaonis astutia, satagens in masculis extinguere Israelem, non prevaluit Herodiane persecutionis impietas, quin puer nobis datus celitus in hereditatem gentium supervivat, nec tyrampnorum fervor in Christi ecclesiam eiusque membra quantumcumque deseviens, evertere potuit eius solida fundamenta, supra firmam petram solidate fidei stabilita, quantumvis procellosis impulsibus sint percussa. Sane, quantis ab olim Ferrariensis civitas eidem ecclesie peculiariter ab ipso sui primordio et primario fundamento pleno iure etiam temporaliter immediate subiecta, fuerit tempestatibus et procellis exposita, quantisve periculosis discriminibus conquassata, nec mundus ignorat. Nam licet ipsa post diram sacrilegi quondam Desiderii regis tyrampnidem eam terribiliter impugnantis, virtuoso brachio preclarissime memorie Caroli Francorum regis illustris in succursum ciusdem ecclesie invocati, et viriliter occurrentis elisam, ad dominium extiterit eiusdem ecclesie, ipsius incliti regis virtute suffragante, redacta, et demum etiam post longa temporum effluxa curricula diversorum tyrampnorum usque ad presentia tempora fuerit crudeli protervia debachante, convulsa, tandem dextera Domini faciente virtutem, extinctis ignibus dire tyrampnidis, que ipsam extreme servitutis cruciabat angariis et augustiis deprimebat, eadem ecclesia de ipsius civitatis reintegratione sollicita desideravit anxie, ut ipsa, que diu, temporis faciente malitia, eiusdem pie matris suavitatem uberum non gustarat, sed per arrupta et invia per oberrationis involucrum deviarat, ad viam reduceretur suavis rectitudinis, et salutis modos et vias exquirendo multiplices tam per legatos et nuntios, quam per alios devotos et fideles ipsius, ut cecitatis excussa caligine ac iugo servivitutis abiecto, ad eius reduceretur suave dominium, noveque salutis acciperet libertatem. Sed adhuc Leviathan tortuosi colubri qui habens odio vias rectas, sinuosos semper querit anfractus, exsufflante nequitia, irruit iterum excitatus ab ilio, qui incentor est malorum omnium, venenosus Venetorum ventus, ut recidiva peste ipsius civitatis concuteret angulos et everteret fundamentum. Sed eadem ecclesia pio sibi semper affectu compatiens, post intentatam per eosdem Venetos hostilitatis dire sevitiam, inter terribiles eorum insultus et belligeros impetus, quibus civitatem ipsam et incolas, ut eorum servituti iterata quadam plaga subigerent, et dolorem super dolorem apponerent, undique impugnabant, occurrit statim et affluit (sic) desperatis filiis in manu forti et gloriosa potentia, que Venetorum ipsorum (2) prostrata superbia et ipsorum furia ignomininiose calcata ab eorum faucibus vos et ipsam prepotenter eripuit, et a rugientibus preparatis ad escam sua victrici dextera liberavit, ut iam, per Dei gratiam erepti de durissimo Pharaonis imperio, possitis liberius ad superna conscendere, et, iugo captivitatis abiecto, accepte letari comodis libertatis. Vos ergo sicut devotione fervidi et fidei sinceritate preclari, indulta vobis per eandem ecclesiam tot gratiarum beneficia copiosa ad memoriam reducentes, et pium eiusdem matris affectum sicut benedictionis et gratie filii salubriter attendentes, cupientes humiliter ad benignum et gratiosum ipsius redire dominium, unde iamdudum, ut premittitur, fueratis exclusi, ut possitis amodo suavi suorum uberum dulcedine refoveri, salubri usi consilio et diligenti deliberatione prehabita, per venerabilem fratrem nostrum Guidonem episcopum, et dilectos filios Pignatonum de Pignatonibus et Antonium de Alexio iudices, Vasallum Mercatorem, Octobonum dictum Bracharinum et Nascimbene de Brinis notarios, concives vestros sindicos et procuratores et nuntios ad hec specialiter ad sedem apostolicam destinatos, habentes ad hec a vobis sufficiens et speciale mandatum, vos et eandem civitatem Ferrariensem, eiusque (3) personas, bona, comitatum, territorium et districtum cum iurisdictione alta et bassa recognovistis pertinere, et pertinuisse etiam ab antiquo et a fundatione civitatis eiusdem ad dominium Romane ecclesie supradicte, et nichilominus civitatem, personas, bona, comitatum, territorium et districtum prefata in nostris et eiusdem ecclesie manibus, quantum in vobis extitit, libere et totaliter subiecistis, transtulistis et plenarie submisistis, pro quibus omnibus et singulis sindici memorati, nomine vestro, nobis et eidem Romane ecclesie, iuramentum fidelitatis et ligium homagium prestiterunt, prout in instrumento publico inde confecto plenius continetur, cuius tenorem de verbo ad verbum presentibus inseri fecimus, qui talis est.
– In nomine Domini amen. Noverint universi presens instrumentum publicum inspecturi, quod anno Domini millesimo trecentesimo decimo, indictione octava, die martis vigesima septima mensis ianuarii, pontificatus sanctissimi patris et domini, domini Clementis divina providentia pape quinti, anno quinto, Avinione in palatio loci fratrum ordinis Predicatorum, in quo idem dominus papa tunc residentiam faciebat, in consistorio publico et solempni, ubi idem dominus papa una cum sacro collegio reverendorum (4) patrum, dominorum sancte Romane ecclesie cardinalium, videlicet dominis Leonardo Albanensi, Petro Sabinensi, Iohanne Portuensi et Berengario Tusculauo episcopis, Iohanne sanctorum Marcellini et Petri, Thoma sancte Sabine, Nicolao sancti Eusebii, Guillelmo sancte Potentiane et Stefano s. Ciriaci in Termis tit. Presbyteris, Landulfo sancti Angeli, Iacobo sancti Georgii ad Velum aureum, Francisco sancte Marie in Cosmedin, Riccardo sancti Eustachii Luca sancte Marie in Vialata, Petro sancte Romane ecclesie et Raymundo sancte Marie Nove diaconis cardinalibus, aderat et presentes erant, coram eis astante fidelium, clericorum videlicet et laicorum, multitudine copiosa, venerabiiis pater dominus Guido episcopus Ferrariensis, et discreti viri Pignatonus de Pignatonibus et Antonius de Alexio iudices, Vasallus Mercator, Octobonus dictus Bracharinus et Nascimbene de Brinis notarii, cives Ferrarienses, ambassiatores et sindici ad hec per reverendum patrem dominum Arnaldum Dei gratia sancte Marie in Porticu diaconum cardinalem. apostolice sedis legatum. tam ex plenitudine potestatis, quam habet Romana ecclesia in civitate et districtu Ferrarie quam ex potestate sibi per nobilem virum dominum Geraldum de Tastis potestatem ... vexilliferum, ... preconsulem (5) notariorum, ancianos, et capita societatum, consilium, populum et commune Ferrarie attributa, super hoc specialiter electi, prout de huiusmodi potestate dicto domino legato, ut predicitur, concessa apparet per publicum instrumentum manu Perini nati Octoboni Bacharini (6) civis Ferrariensis notarii confectum, nec non et de electione ipsorum ambassiatorum et sindicorum facta per dictum dominum legatum per litteras ipsius domini legati in modum publici instrumenti per manum Leonis Nigri de Setia, publici apostolica et imperiali auctoritate notarii, confectas et dicti domini legati sigillo pendenti munitas, plene constat. Idem dominus papa predicta instrumentum et litteras publice et alta voce per discretum virum magistrum Iohannem de Verulis, camere sue clericum, legi fecit, quarum tenores tales sunt.
In Christi nomine amen. Anno eiusdem nativitatis millesimo trecentesimo nono, indictione septima, die secundo mensis septembris, in presentia mei notarii et testium infrascriptorum ad hec specialiter vocatorum et rogatorum, in maiori et generali consilio quingentorum populi et communis civitatis Ferrarie, super palato ipsius communis per campanam et vocem preconiam more solito congregato, ad honorem et reverentiam sanctissimi patris et domini nostri, domini Clementis pape quinti, et sancte Romane ecclesie, et sacri cetus reverendorum (7) patrum dominorum cardinalium, et reverendi patris domini Arnaldi sancte Marie in Porticu diaconi cardinalis, apostolice sedis legati, in quo quidem consilio aderant magnificus vir dominus Geraldus de Tastis, potestas, vexillifer, preconsul notariorum, antiani, capita societatum et plus quam trecenti octuaginta ex consiliariis predictis, qui fecerunt et faciunt longe plus quam due partes consiliariorum dicti populi et communis, prefatus dominus potestas in dicto maiori et generali consilio, convocato et congregato super dicto palatio more solito, ut supra cum voluntate, consilio et assensu dictorum vexilliferi, preconsulis notariorum, antianorum, capitum societatum et consiliariorum et hominum, et dictorum populi communis et universitatis (8) et ipsi vexillifer, preconsul, antiani, capita societatum, consilium, consiliarii, homines et universitas Ferrarie, in presentia, cum auctoritate et decreto dicti domini potestatis ibidem precedente et prius interposito, reputantes exnunc illum et illos suum et suos et dictorum populi, communis et universitatis stndicum et sindicos, quem et quos dictus reverendus pater dominus legatus duxerit eligendum (9) seu nominandum, eligendos seu nominandos, eumque et eos exnunc eligentes et approbantes, proinde ac si per ipsos eosdem potestatem, vexilliferum, preconsulem notariorum, antianos, capita societatum, consilium. populum et commune Ferrarie fuissent vel forent specialiter electi, dederunt et concesserunt (10), et dant et conccdunt omni modo et iure, quo melius possunt, eisdem sic eligendo (11) et nominando, eligendis et nominandis plenam, generalem et liberam potestatem et administrationem, et mandatum speciale et generale, et ipsum et ipsos cum huiusmodi potestate et mandato fecerunt et faciunt suum et suos, et dictorum populi et communis ac universitatis sindicum et sindicos, procuratorem et procuratores ad presentandum se dicto modo et nomine, et pro eis coram presentia sanctissimi patris et domini nostri Clementis summi pontificis, et cetus reverendorum (12) patrum dominorum cardinalium ad recognoscendum, quod dicta civitas ab antiquo et antiquissimo tempore Romane ecclesie semper subfuit, et adhuc subest pleno iure, etiam quo ad temporalem iurisdictionem, merum imperium atque mixtum, et ab ea recepit primarium fundamentum, et ad libere et absolute offerendum et resignandum, concedendum, subiciendum, transferendum, dandum et summictendum eidem summo pontifici et ecclesie Romane civitatem predictam, et comitatum et districtum ipsius, omnia pedagia, datia, telonea et ripatica, aquas, aquarum decursus, omnes redditus et proventus eorundem civitatis, et districtus et comitatus, et obventiones quascumque eorundem, iurisdictiones altas et bassas, merum et mixtum imperium, gladii potestatem et bona et iura omnia, quocumque nomine nominentur, que ipsa civitas, districtus et comitatus et populus Ferrarie seu quivis ibidem presidens soliti sunt tenere, possidere, vel quasi, seu exercere per se vel per alium quocumque modo vel nomine, ac etiam ad obligandum dictum commune, homines, personas et bona ipsius, et promittendum, quod perpetuo et omni tempore habebunt et tenebunt rata et firma omnia et singula, que dicti sindicus vel sindici promittent vel facient, ac etiam omnia, que summus pontifex et sedes apostolica dixerit, fecerit vel explicaverit in predictis et circa predicta, et eorum et cuiuscumque eorum occasione; ita quod intellectus predictorum et eorum, que dicti sindici promittent vel facient (13), vel que aliqualiter per dominum papam et sedem apostolicam dicta et ordinata fuerint in predictis et eorum occasione, semper et omni tempore intelligi debeant ad voluntatem, interpretationem, dispositionem plenam et liberam domini pape et sedis apostolice, et quod contra ea nullo tempore venient de iure, nec de facto per se, nec per summissam personam aliquo modo vel causa, et ad faciendum et prestandum dicto domino pape et sedi apostolice fidelitatis homagium et iuramentum, et quascumque alias conventiones, promissiones, transactiones, renunciationes generales et speciales, et pacta et iuramenta cuiuscumque generis in dictorum constituentium animas, obligationes et summissiones cum adiectione penarum temporalium et spiritualium et sine, que prefatus summus pontifex pro se et ecclesia Romana vel aliis recipere voluerit in predictis, et super predictis vel aliis quibuscumque, et que dicti potestas, vexillifer, preconsul notariorum, antiani, populus, consiliarii et commune promittere, obligare, facere et explicare possent, si presentes essent, etiamsi talia sint vel fuerint que mandatum exigerent vel exigant speciale, et etiamsi maiora sint vel fuerint quam ea, que expressa sunt in presenti instrumento, promittentes habere et tenere perpetuo rata et firma omnia et singula, que dicti sindicus et sindici in predictis et circa predicta et ea tangentibus, et eorum (14) et cuiuscunque eorum occasione vel aliis quibuscumque dixerint, promiserint, fecerint vel gesserint, seu procuraverint quocunque modo; dicentes insuper et protestantes multas alias, iustas, veras et rationabiles causas precessisse, subesse et inesse, propter quas dicti potestas, vexillifer, preconsul notariorum, antiani, capita societatum et consilium predicta fecerunt et faciunt, et renuntiaverunt exceptioni et conditioni sine causa et ex iniusta causa, doli et in factum et omni alii iuri, legi, rationi et defensioni, quibus se contra predicta et eorum aliquod tueri vel adiuvare possent. Actum Ferrarie in suprascripto palatio communis civitatis Ferrarie, presentibus venerabilibus patribus domino Arnaldo abbate Tutellensi Lemovicensis diocesis, domino (15) Guillermo abbate s. Fremerii Vasaten. Diocesis, domino Gerardo de Ginnamis de Parma, iudice et assessore dicti domini potestatis, et sapientibus viris dominis Petro de Syfante et Aymerico Sbuga iudicibus, magistro Gratiadeo physice artis professore, dominis Octobono Bracharino, Gilio de Compendello et Iacobo de Syfante notariis, civibus Ferrariensibus, Petro et Antonio preconibus et bannitoribus communis Ferrarie, et multis aliis ad hec vocatis testibus et rogatis. Et licet in maiori et generali consilio quingentorum populi civitatis Ferrarie in palatio communis more solito congragato, nemine discrepante, excepto uno, obtentum fuerit et firmatum, secundum quod superius continetur, demum tamen adveniente die quarto suprascripti mensis septembris, anno Domini et indictione predictis, post predicta omnia et singula sic peracta in publico parlamento sive arengo in maiori ecclesia Ferrariensi congregato, in quo erant et fuerant dicti domini potestas, vexillifer, preconsul notariorum, antiani. populus et longe maior pars hominum dicti communis et populi dicte terre, in presentia venerabilis patris domini Arnaldi divina providentia sancte Marie in Porticu diaconi cardinalis, apostolice sedis legati, predicta omnia et singula superius annotata, confirmata, approbata, corroborata et de novo facta fuerunt per predictos potestatem, preconsulem, vexilliferum, antianos et universum populum existentes ibidem ad maiorem predictorum omnium perpetuam firmitatem. presentibus reverendis viris dominis ,.. Fiorentino ,.. Ferrariensi ,.. Bononiensi, et ,.. Tervisino episcopis, et domino Guidone de Troctis milite, Aldigerio de Fontana et domino Aymcrico Sbuga iudice, domino Antonio de Alexio iudice, domino Pignatono de Pignatonibus iudice et Lanzalotto eius fratre, domino Iohanne de Rossetis, Francisco de Vicedominis, domino Antonio Carpifava notario, domino Octobono Bracharino notario, et dominis Albertino de Barile, Nascimbene de Brinis, Andrea de Manzis, Iacobo de Bemanum (?), Bonmercato de Conte, Naximpace de Nigris et Egidio de Campedello notariis, civibus Ferrariensibus, et multis aliis ad predicta vocatis testibus et rogatis. Qui omnes notarii predicti et omnes alii notarii in dicto arengo seu consilio existentes rogati fuerunt facere de premissis omnibus eiusdem tenoris unum et plura publica instrumenta. Ego Perinus filius domini Octoboni Bracharini notarii civis Ferrariensis, publicus imperiali auctoritate notarius, celebrationi huiusmodi sindicatus et corroborationi eiusdem, necnon et omnibus et singulis superius annotatis presens fui, scripsi et in publicam formam redegi, meumque signum feci rogatus.
Noverint universi presentes litteras inspecturi, quod nos Arnaldus miseratione divina sancte Marie in Porticu diaconus cardinalis, apostolice sedis legatus, de plenitudine potestatis, quam habet ecclesia Romana in civitate Ferrariensi et in districtu, et nobis etiam per consilium quingentorum populi et per universum populum civitatis eiusdem specialiter attributa elegimus apud civitatem ipsam, dum eramus ibi et nunc de novo etiam eligimus in civitate Bononie, auctoritate potestatis predicte, venerabilem patrem dominum Guidonem episcopum Ferrariensem et prudentes viros atque discretos Pignatonum de Pignatonibus, Antonium de Alexio iudices, Vasallum Mercatorem, Octobonum dictum Bracharinum et Nascimbene de Brinis notarios, cives Ferrarienses, fideles et devotos Romane ecclesie, latores presentium, ambassiatores et sindicos populi et communis Ferrarie, necnon eligimus similiter pro notario ipsorum ambassiatorum Perinum filium dicti Octoboni, quibus, auctoritate qua fungimur, concedimus licentiam exponendi ambassiatam eis impositam per ipsum populum et commune, sigillatam sigillo communis predicti, coram sanctissimo patre et domino nostro, domino Clemente summo pontifice, et sacro cetu dominorum cardinalium semel et pluries, prout ipsis ambassiatoribus et sindicis melius et convenientius videbitur, pro utilitate dicti domini nostri et sancte Romane ecclesie et predictorum populi et communis. In cuius rei testimonium presentes litteras scribi et publicari mandavimus per Leonem de Setia notarium infrascriptum, et sigilli nostri munimine roborari. Datum et actum Bononie in camera nostra, presentibus venerabili et religioso viro domino Guillelmo abbate monasterii sancti Fremerii Vasatensis diocesis, et domino Fortanerio cantore ecclesie de sancto Asterio, testibus ad predicta vocatis specialiter et rogatis, sub anno Domini millesimo trecentesimo nono, indictione septima, die vicesima mensis octobris, pontificatus eiusdem domini Clementis pape V, anno quarto. Et ego Leo Iohannis Nigri de Setia, publicus apostolica et imperiali auctoritate et dicti domini cardinalis notarius, predictis omnibus presens interfui, et ea fideliter de mandato prefati domini scripsi et publicavi, signoque meo consueto signavi rogatus. Huiusmodi autem per dictum magistrum Iohannem instrumento et litteris seriose perlectis, prefati ambassiatores et sindici nomine potestatis, vexilliferi, preconsulis, antianorum, capitum societatum, consilii, populi et communis Ferrarie predictorum, et pro eis et ipsorum quolibet et singulis de dictis populo et communi, et etiam pro se ipsis recognoverunt et etiam professi sunt, dictam civitatem Ferrarie cum omni suo comitatu, territorio et districtu quo ad temporalem etiam iurisdictionem et omnimodam, et merum imperium atque mixtum ab antiquissimo tempore, et a fundatione ipsius civitatis eidem ecclesie Romane subesse et subfuisse pleno iure, et quod ab eadem ecclesia receperat primarium fundamentum, propter quod ipsi et eorum quilibet nomine predictorum potestatis, vexilliferi, preconsulis, antianorum, capitum societatum, consilii, populi et communis, et cuiuslibet eorum, et pro ipsis et eorum singulis, et etiam pro se ipsis ipsam civitatem, comitatum, territorium et districtum cum pedagiis, datiis, theloneis, ripaticis, aquis, aquarum decursibus (16), iurisdictionibus altis et bassis, mero mixto imperio, gladii potestate et omnimoda iurisdictione, ac bonis et iuribus omnibus, quocumque nomine censeantur, predicto domino pape presenti et recipienti, eiusque successoribus et eidem ecclesie Romane obtulerunt, resignaverunt (17), subiecerunt, transtulerunt et summiserunt in hunc modum.
Ne sub incerto sint dominia, et superioritatis iura profiteri tenentur, et agnoscere quicumque sub aliorum dominio et superioritate sunt et maxime ubi contra veritatem veri dominii tyrampnorum usurpatio se obiecit, qua cessante, expedit, immo necesse est, quod vera professio declaret, quod per usurpationem tyrampnidis aliquantis temporibus fuerat obscuratum, propter que nos frater Guido episcopus Ferrariensis, Pignatonus de Pignatonibus, Antonius de Alexio iudices, Vassallus Mercator, Octobonus dictus Bracharinus et Nascimbene de Brinis notarii, ambassiatores et sindici populi et communis Ferrarie, nostro nomine et totius communis et populi civitatis eiusdem, cuius sindicatum cum plenissima potestate in presentia sanctitatis vestre, et sacri collegii dominorum cardinalium exhibemus, profitemur et agnoscimus, civitatem Ferrarie ab initio fundatam fuisse per summum pontificem in solo ecclesie Romane, ipsius sumptibus et expensis, et ab eadem dotatam, ordinatam et populorum multitudine decoratam fuisse. Cumque postmodum processu temporis per oppressionem Desiderii regis Longobardorum servituti subiecta fuisset, per ministerium Adriani felicis recordationis summi pontificis, invocato ad hoc brachio inclite memorie Caroli regis Francorum, restituta extitit eadem civitas pristine libertati, et diutius in debita libertate permansit. Tempore vero postmodum succedente, tyrampnica pestis Salhenguerra civitatem eandem servili conditioni supposuit, et eam longis temporibus quasi servam suppeditavit, tyrampniceque tractavit, quod sancta Romana ecclesia pia mater diligenter attendens, et filiorum suorum civium Ferrariensium calamitati compatiens ad partes illas destinavit legatum, et contra ipsum tyrampnum exercitum maximum congregavit, sicque dictam civitatem et eius comitatum, districtum, atque populum a dicta servitute tyrampnica liberavit, et sub dominio ecclesie redegit et reduxit. Quapropter recognoscimus et avoamus civitatem Ferrariensem cum pertinentiis suis et districtu, ac totum comitatum Ferrarie fuisse ab antiquo, et a fundatione ipsius civitatis, et esse de dominio temporali Romanorum pontificum et sancte Romane ecclesie, super quo recognoscimus privilegia et regestra, et librum censualem eiusdem Romane ecclesie, et ea que continent, vera esse et indubitata, et eis, quantum ad nos attinet, fidem, nomine quo supra, plenariam adhibemus. Item profitemur et agnoscimus, quod pro eo tempore, quo dicta civitas, comitatus et districtus ipsius fuerunt sub manu quondam marchionum Estensium, non voluntarie subfuerunt eisdem, obediverunt, aut eorum dominium de facto agnoverunt, sed per violentiam et metum mortis et cruciatus corporum, quibus resistere non potuerunt propter nimiam sevitiam ipsorum et tyrampnicam potestatem; sed suspirabant et gemebant sub indebite servitutis mole, aspirantes et desiderantes cum multis gemitibus videre tempora, que nunc vident, videlicet quod ad naturale dominium sancte Romane ecclesie redirent, sub vero dominio ipsius et regimine regerentur, et defenderentur a tyrampnorum impressionis, persecutionis et usurpationis molestia liberati, qui tyrampni neque centenaria prescriptione quicquam de iure sancte Romane ecclesie diminuere potuerunt, eo quod tyrampnica et violenta possessio caret bono principio et medio, per quod concluditur, quod et fine, licet nec tempus centum annorum, immo etiam nec septuaginta defluxerit, per quod ius et dominium sancte Romane ecclesie intactum est et extitit ac illesum, ut tunc et nunc et medio tempore dominium illibatum ipsius ecclesie est et fuit. Verum omnipotens Deus, qui suo alto consilio de malo bonum elicit, pro sua sancta Romana ecclesia et pro nobis, communi et populo Ferrariensi, hiis diebus operatus est magnalia, benedictus ipse. Nam Venetorum populus querentes, que sua non sunt, nec fuerunt, nec erunt, moliti sunt hiis diebus populum Ferrariensem, civitatem et districtum, ut ipsum vel ipsam sancte Romane ecclesie subtraherent dominio, cuius sunt et fuerunt et semper erunt, Domino concedente, ac ea per turbulentam rabiem et hostilem incursum suo iugo, igne, gladio, cede ac incendio inferentes nobis et eidem populo per terram et aquam, vim viveque guerre molestiam, manciparent, sed conatum ipsorum execrabilem pius et misericors Deus ad honorem vestrum, sanctissime pater, et sancte Romane ecclesie, ac tranquillitatem et pacem nostri populi Ferrariensis modis et viis divinitus inspiratis convertit. Nam idem populus Ferrariensis, qui multo tempore sub tyrampnis ipsum tondentibus obmutuerat, quia os aperire non poterat nec audebat, tyrampnis ipsis subductis de medio, statim supervenit Venetorum superbia cum furore, aclducere moliens calamitatem super capita populi Ferrariensis, et tam vehementis servitutis molem, quod populus Ferrariensis, ut huiusmodi conatui obsisteret et ipsius obviaret principiis, os ipsum oportuit aperire et ad vos sanctissimum patrem, verum dominum suum, recurrere ac clamare, abba, pater, ut de tantis necessitatibus et tribulationibus liberaret eosdem, et ab eo postulare contra sevientem rabiem Venetorum defensionis clipeum, ut exurgeret in adiutorium contra guerram Venetorum illatam, quia populus Ferrariensis per se etiam ad modicum tempus sufficere non valebat. Vos autem, pater sanctissime, populi vestri Ferrariensis super exhibitione presidii ac succursus contra Venetos statim misso legato de latere, et non quocumque, sed de latere ac vestro sanguine benedicto, reverendo scilicet patre domino Arnaldo Dei providentia sancte Marie in Porticu diacono cardinali, patre videlicet magne scientie ac sapiente, magne discretionis et experientie, magne honestatis et munditie, cuius virtuosa opera et fama preclara iam per omnes fines Italie dilatantur, extento brachio virtutis et fortitudinis sancte Romane ecclesie spirituali et temporali exurrexistis nedum in adiutorium ipsius vestri Ferrariensis populi, immo quasi totum ut minister et vicarius Ihesu Christi peregistis, quo ad obtondendum Venetorum superbiam et ad nostram est liberationem peractum. Vester autem populus Ferrariensis de faucibus Venetorum, in quas pene lapsi fuerant, erepti, nunc per manum vestram validam, sanctissime pater, liberati et in tuto positi et plena libertate fruentes, ad gratiarum actiones assurgunt, ut vassalli domino suo servire parati. Certe profitemur, quod si super dominio Ferrariensis civitatis et districtus vos, sanctissime pater, et sancta Romana ecclesia illum ab antiquo non haberetis titulum, quem vos habere recognoscimus, pro hac defensione, tuitione et liberatione populi Ferrariensis a tyrampnide Venetorum, quos in presenti manus gloriosa vestra operata est, iustum esset civitatem et districtum Ferrarie vestro subdi dominio temporali. Cum enim civitas Ferrariensis et comitatus a cuiuscumque dominio et potestate, preterquam Romane ecclesie, sint liberi et immunes, nulli facerent iniuriam, si invicem tanti beneficii suscepti se et civitatem, comitatum et districtum et omnia bona sua mobilia et immobilia subicerent vestro et sancte Romane ecclesie dominio temporali. Eapropter, quia vestra fuit civitas, et totus comitatus et districtus Ferrariensis ab antiquo, et a fundatione ipsius civitatis ex causis et privilegiis contentis in regestris sancte Romane ecclesie et continue vestra permansit ut et nunc de vestro dominio sit, ut supra, professio a nobis emissa declarat, ideo dominium ipsius, quod et si vestrum non esset, ut est et fuit, et hoc quod a vobis suscepimus in hac necessitate beneficium, ut premissum est vobis et ecclesie Romane subdi et concedi deberet, scimus, profitemur et recognoscimus, nomine quo supra, vobis domino nostro Clementi V summo pontifici, et vestris successoribus et ecclesie Romane, quod dicta civitas Ferrarie ab antiquissimo tempore et a fundatione ipsius civitatis ecclesie Romane subest et subfuit pleno iure, quo ad temporalem etiam iurisdictionem, merum scilicet imperium atque mixtum et omnimodam iurisdictionem, et quod ab ea recepit primarium fundamentum et liberationes postmodum multas et magnas, ut superius est expressum. Ouapropter, nomine quo supra, vobis dicto domino Clementi V et vestris successoribus et ecclesie Romane recognoscimus et profitemur, offerimus et resignamus, concedimus, subicimus, transferimus et submittimus, quantum possumus et ad nos pertinet, licet omnia predicta et infrascripta sint vestra et ecclesie Romane, ac fuerint ab antiquo et a fundatione ipsius civitatis, omnia pedagia, datia, thelonca, ripatica, aquas, aquarum decursus, iurisdictiones altas et bassas, merum imperium atque mixtum, gladii potestatem et omnimodam iurisdictionem, et bona et iura omnia quocumque nomine censeantur, que ipsa civitas et populus Ferrariensis seu quivis ibidem presidens soliti sunt tenere, possidere vel quasi, seu exercere per se vel per alium quocumque nomine sive modo in dicta civitate, comitatu et districtu Ferrarie, et, nomine quo supra, obligamus dictum commune, homines, personas et bona ipsius, et promittimus, quod omni tempore prefati populus et commune, et singuli de ipso communi habebunt et tenebunt rata et firma omnia et singula supradicta, hoc adiecto, quod si circa premissa vel aliquod predictorum dubietas aliqua insurgeret, interpretatio et declaratio fiat ad voluntatem et dispositionem plenam et liberam domini pape Clementis, et successorum suorum et apostolice sedis; promittentes nos sindici supradicti, nomine quo supra, sub pena amissionis omnium bonorum, si que sibi remanserint et singularium personarum eiusdem, quam ipso facto incurrant, si contra premissa fecerint vel aliquod premissorum, quod nos vel populus et commune predicta contra premissa, vel aliquod premissorum nullo unquam tempore vcniemus de iure vel de facto per nos, vel per alios aliquo modo vel causa, et nomine dicti communis nos sindici prelibati et singularium personarum eiusdem, et in ipsorum animas de omnibus predictis adimplendis vobis dicto domino nostro Clementi pape V et successoribus vestris et Romane ecclesie ligium homagium necnon et fidelitatis iuramentum prestamus. Demum vero dicti sindici et quilibet eorum in animas potestatis ac vexilliferi et aliorum omnium predictorum, quorum sunt ambassiatores et nuntii, et cuiuslibet eorum, et pro ipsis et eorum singulis, sacrosanctis evangeliis tactis corporaliter, ab eisdem, eidem domino pape presenti, ut predicitur, et recipienti, et successoribus eius et eidem ecclesie Romane huiusmodi iuramentum fidelitatis, et singulariter singuli eorundem, iunctis eorum manibus inter manus ipsius domini pape positis, dictum ligium homagium fecerunt et etiam prestiterunt. Quibus sic peractis, idem dominus papa publice mandavit michi notario infrascripto, dictique ambassiatores et sindici me rogaverunt instanter, quod de premissis omnibus conficerem publicum instrumentum. Acta fuerunt premissa omnia anno, mense, die, indictione, pontificatu et loco predictis, presentibus venerabilibus patribus et dominis Bertrando episcopo Albiensi, predicti domini pape camerario, Arnaldo abbate monasterii Fontisfrigidi ordinis Cisterciensis Narbonensis diocesis, sancte Romane ecclesie vicecancellano, Guidone de Baysio archidiacono Bononiensi, auditore contradictarum, magistro Nicolao de Fractis correctore litterarum, et dominis Bernardo Roiardi archidiacono Xanctonensis, Guillelmo Accursi sacrista Caturcensis, Guillelmo Helye canonico eiusdem Xanctonensis, Gregorio Biffa de Placentia archipresbytero de Montesilice Paduane diocesis, Castellano de Tervisio canonico Tervisine ecclesiarum capellanis, ac magistris Oddone de Sermineto et Iohanne de Verulis clericis camere, ac fratribus Gotefredo et Bernardo bullatoribus litterarum ipsarum, ac magistris Iohanne de Fumone, Andrea de Setia, Manuele de Parma et Nicolao de Ferentino scriptoribus, ac Nicolao de Vico et Odetto de Castillione magistris hostiariis, Iohanne de Mutina et Henrico de Yporeya servientibus ipsius domini pape, necnon et magistris Bandino de Aretio, Symone de Podiobonici et Petro de sancto Laurentio abbreviatoribus, ac dominis Grimerio de Pergamo, Thadeo de Eugubio et Andrea de Mediolano in Romana curia advocatis, et pluribus (18) aliis ad predicta vocatis testibus et rogatis. Et ego Iohannes de Regio clericus et notarius camere prefati domini pape Clementis V, publicus apostolica et imperiali auctoritate notarius, predictis sindicatus et litterarum exhibitioni, recognitioni, professioni, oblationi, resignationi, concessioni, subiectioni, translationi, submissioni, obligationi, promissioni ac iuramenti fidelitatis et homagii prestationi et receptioni, ac omnibus aliis una cum suprascriptis testibus interfui, et de mandato supradicti domini pape, rogatusque per ambassiatores et sindicos supradictos, predicta omnia et singula scripsi fideliter et in publicam formam redegi, meoque signo et nomine roboravi.
Nos igitur vota vestra benigno prosequi cupientes affectu, et volentes vos sicut peculiares, speciales, devotos ac dilectos filios in nostro et ipsius ecclesie benigno sinu favorabiliter confovere, et considerantes attentius, quod vos, spiritu ferventes et fide pollentes, posuistis in petra fidei virtutis vestre constantiam in devotione ipsius ecclesie indefessa, nec flantibus seu furentibus ventorum turbinibus fundamenta vestra super bases solidas stabilita, nec irruentibus hostilis potentie fulminibus subrui potuerunt, sed contra inimicas acies impugnantium Venetorum, nostrorum et ecclesie hostium, sicut invicti pugiles promptis ac pronis animis et robustis viribus sic fideliter et valide ipsius ecclesie potentie astitistis, quod per Dei gratiam, qui superbis resistit, subsecuta est ex eis gloriose victoria et triumphus. Attendentes etiam angustiosos labores et laboriosas angustias, quas olim sub servitute tyrampnica subiistis, et desiderantes, ut post labores et languores huiusmodi quies vobis et tranquillitas desiderata proveniat, que tanto erit, divina gratia preeunte, gratior, quanto avidius et diutius a vobis extitit affectata, vestris supplicationibus inclinati, de fratrum nostrorum consilio et assensu statuimus, ordinamus, volumus, precipimus et mandamus, et nichilominus gratiose concedimus, et auctoritate apostolica inviolabiliter stabilimus, ut semper sub immediato dominio et protectione ipsius Romane ecclesie civitas ipsa cum eius bonis, comitatu, territorio et districtu permaneat, nec ab eius dominio et iurisdictione subtrahi, nec alienari perpetuo valeat quoquomodo, nec ad alterius persone, civitatis aut communitatis dominium pervenire, quodque in civitate ipsa semper sit unus vicarius ponendus per nos, successores nostros et eandem Romanam ecclesiam, clericus vel laicus iuxta nostre et ipsius ecclesie beneplacitum voluntatis, non tamen de domo aut parentela seu consanguinitate vel affinitate aliquorum nobilium, qui habuerint dominium in civitate predicta vel aliorum quorumvis nobilium de eadem. Qui quidem vicarius cives Ferrarienses ac eiusdem civitatis incolas eiusque comitatus, territorii et districtus manuteneat ut speciales filios et fideles ipsius ecclesie predilectos, et eorum libertates, immunitates et iura, confinia districtus et bona conservet atque custodiat, ipsos a quibuscumque potentibus molestatoribus vel tyrampnis, communitatibus ac civitatibus, et aliis quibuscumque eos offendere, seu molestare vel perturbare volentibus defendendo, ut possint sub manu sancte matris ecclesie matris sue cum pace et tranquillitate ac libertate plenissima perpetuo remanere, aliaque vicarius predictus exerceat, que ibidem fuerint oportuna, custodiamque totius civitatis, comitatus et districtus, fortalitiorum et castrorum gerat, et, prout temporis qualitas exiget ac requiret, equestrem secum et pedestrem habeat comitivam. In electione vero seu creatione potestatis civitatis ipsius hoc volumus observari, quod tres persone per ipsum vicarium antianis, consilio et communi nominentur, qui antiani, consilium et commune vel maior pars eorum unam ex eisdem personis, ut predicitur, nominatis, infra sex dies in eorum et dicte civitatis potestatem eligendi habeant facultatem. Quod si antiani. consilium et commune predicti, vel maior pars eorum infra predictos sex dies aliquam ipsarum trium personarum nominatarum eligere non curarent, predictus vicarius unum de nominatis a se in potestatem preficiat, et ille pro potestate ab omnibus habeatur; potestatis vero huiusmodi regimen per sex mensium spatium dumtaxat perduret, et quod per tres menses ante finem regiminis potestatis, eisdem nominationem prescriptam faciat vicarius prelibatus. Hic autem modus, qui supra, circa eligendum seu creandum potestatem, exprimitur, post biennium vel illa, que nunc imminet, guerra finita, vendicet sibi locum, et interim solus ipse vicarius ponat et constituat inibi potestatem, vel si magis vobis videbitur expediens, ex nunc idem eligendi modus obtineat et sortiatur effectum. Qui potestas tam in primo, quam in secundo casu iurabit publice dicto vicario in presentia antianorum et consilii predictorum, quod officium suum bene et fideliter exercebit, et faciet omnibus iustitie complementum, et quod servabit statuta facta et facienda, et procurabit ea, que spectant ad honorem sancte Romane ecclesie et bonum statum et pacificum civitatis. Volumus etiam, quod idem potestas, completo officio sui regiminis, sindicetur pro se et sua familia, et alia faciat. prout extitit hactenus consuetum. Habeat etiam iudices, berruarios et personas alias, equitaturas etiam et stipendia, et alia omnia iuxta consuetudinem hactenus observatam, ac etiam in palatio, ubi nunc morantur antiani. debeat immorari. Super interponendis autem seu emittendis et prosequendis appellationibus, ut quorumlibet appellantium parcatur expensis et laboribus, hoc servetur, videlicet quod tam in civilibus quam in criminalibus in casibus in quibus appellationes permisse fuerint, a sententiis et processibus potestatis, iudicum et officialium suorum et communis Ferrariensis ad sedem apostolicam appelletur, quodque primarum appellationum prosecutio fiat coram iudice, et per dictum vicarium et consilium de collegio iudicum eligetur, quem et ipsi eligendi habeant potestatem: secundarum vero apud sedem apostolicam fiat, vel in curia dicti vicarii, prout elegerint appellantes. Ubi vero ad ipsum vicarium sive inter stipendiarios et familiares suos, in quos eum solum et non alium iurisdictionem in civilibus et in criminalibus quibuscumque habere censemus, sive adversus eos, sive in placitis, de quibus infra dicitur, per querelam haberetur recursus appellationum, que interponerentur ab eo, quas ad sedem apostolicam in casibus, in quibus appellari licet, interponi iubemus, apud sedem eandem prosecutio fiat. Verum, cum officium confanonerii a modico tempore citra in civitate ipsa incepisse dicatur, nullaque ex eo posse videatur ipsi civitati utilitas, sed potius periculum provenire, volumus, quod officium ipsum cesset omnino. Duodecim quoque antiani de fidelioribus, melioribus et devotioribus civitatis ipsius eligantur per potestatem et consilium cum consensu vicarii memorati, quorum unus litteratus sit proconsul, eorumque officium duret per duos menses, et ipsorum singuli duos Bononien. grossos per singulos dies percipiant, in domibus suis dormiant, nec in aliquo casu aliquam iurisdictionem exerceant, sed cum per potestatem ac consilium, de voluntate ac consilio ipsius vicarii, vel eius locumtenentis vocati fuerint, consulent fideliter super iis de quibus requirentur, et que iniungentur eisdem. Qui etiam iurent in manibus dicti vicarii, quod bene et legaliter in eorum officio se habebunt, honorem sancte Romane ecclesie vestre matris et domine in omnibus fideliter conservabunt, quos, si minus sufficientes reperti fuerint, idem vicarius amovere, et alios sufficientes et ydoneos substituere valeat cum consilio potestatis et consilii predictorum. Ceterum potestas, antiani et commune prefati eligant sibi consilium ducentorum; sed si maiorem numerum velint, possint libere eos eligere cum vicarii predicti consensu, prout melius videbitur expedire, dum tamen quadringentorum numerum non excedant, quorum ducentorum officium ultra sex mensium spatium non durabit. De iuramento namque prestando per ipsos dicto vicario, et de ipsorum seu cuiuslibet eorum insufficientia, remotione et substitutione fiat, prout de antianis supra proxime est expressum. Volumus insuper, quod dilectus filius noster Arnaldus sancte Marie in Porticu diaconus cardinalis, apostolice sedis legatus, moram trahens in partibus ipsis, per se vel per alium seu alios videat et inspiciat statuta civitatis ipsius iam facta, et diligenter examinet, et utilia ac necessaria approbet et confirmet, superflua vero et inutilia, damnosa et periculosa reprobet, resecet et infirmet. Et deinde, quotiens necessarium vel utile fuerit, predictus vicarius a Ferrariensi consilio requisitus, diligenti examinatione premissa, statuta necessaria et utilia sibi expressa primitus fieri consentiat, alia vero fieri non consentiat ullo modo, et aliter facta eo ipso sint nulla. Et in principio et in fine addatur, quod statuta sint talia, que honori, iuribus et iurisdictioni ecclesie Romane non derogent, et quod durent ad beneplacitum ecclesie antedicte. Preterea omnes redditus et proventus civitatis eiusdem nos, et successores nostri in ecclesia Romana usque ad triennium percipiemus, qui eiusdem ecclesie nomine leventur, et percipiantur per quatuor viros ad id ydoneos a predicto vicario dcputandos, quorum duo saltem sint de civitate predicta: quo casu omnes expensas pro defensione et tuitione civitatis, territorii et districtus predictorum, necnon salariorum vicarii, potestatis et omnium aliorum officialium, et alias expensas fieri faciamus, vel quod percipiamus impcrpetuum medietatem liberam dictorum reddituum et proventuum, et commune Ferrarie aliam medietatem percipiat, et de illa omnes expensas faciat supradictas, scilicet stipendia centum equitibus et sexcentis peditibus, eorumque capitaneis, qui continue sint ibidem, videlicet singulis stipendiariis equitibus duos equos habentibus duodecim, eisdem vero singulis stipendiariis peditibus pro eorum stipendiis duos cum dimidio auri florenos pro mense quolibet persolvendo. Et nichilominus equorum et aliorum, que consueta sunt, restitutio fiat ad arbitrium vicarii antedicti, quorum saltem stipendiariorum numerus etiam pacis tempore necessarius et expediens reputatur. Si vero processu temporis nobis aut successoribus nostris, vel sedi apostolice videretur, quod plures stipendiarii necessarii forent, dictum commune teneatur illis, quotquot fuerint, de stipendiis iuxta taxationem prehabitam providere: qui omnes ponantur semper per ipsum vicarium quem pro tempore nomine ipsius ecclesie ibi esse contigerit. Quod si etiam nobis aut successoribus vel sedi predictis videretur non fore necessariam huiusmodi equitum et peditum quantitatem, volumus, ut iuxta nostre et successorum ipsorum, vel sedis predicte voluntatis beneplacitum, ipsorum numerus minuatur et si forte nobis vel successoribus aut sedi prefatis videretur expediens, quod predictorum stipendiorum quantitas esset minuenda, vel etiam augmentanda, huiusmodi diminutio vel augmentum fiat iuxta nostre vel successorum, aut sedis ipsorum beneplacitum voluntatis, sicut de stipendiariorum numero augendo vel minuendo superius est expressum. Per dictum quoque vicarium stipendia de pecunia recipienda ab illis, qui deputati fuerint ad levandum medietatem predictam dicti communis nomine, vel etiam aliunde, unde dictum commune voluerit, dictis stipendiariis persolvantur, que si forte tunc non sufficeret, per potestatem, antianos atque consilium de consensu et voluntate vicarii antedicti. vel quod etiam usque ad finem dicti triennii huiusmodi facienda divisio reservetur (19), quia tunc constare plenius poterit, per quem (20) modum cum honore et utilitate ecclesie, communisque predicti fieri valeat divisio seu distributio reddituum et proventuum predictorum, vel etiam quod ecclesia imperpetuum totum recipiat et subeat sumptus huiusmodi et expensas, nec in hoc ultimo casu aliqui de civitate, comitatu vel districtu Ferrarie ad solvendum aliquam talliam compellantur, sed ecclesia ipsa semper habebit omnes expensas huiusmodi supportare. De premissis autem quatuor viis vos eligere poteritis, quam magis duxeritis acceptandam. Ceterum iudex extimatorum et duo iudices instituantur ad brevia ponenda per vicarium nostrum in consilio civitatis eiusdem. Potestates vero et iudices in comitatu Ferrarie et districtu ponendi de fidelibus eiusdem civitatis civibus. Custodes vero fortalitiorum et castrorum ac capitanei undecumque, et ponantur libere per solum vicarium supradictum. Placita vero tribus diebus singulis annis in civitate ipsa per eundem vicarium teneantur, ita tamen quod potestatis et aliorum officialium iurisdictio interim cesset omnino, reservato nichilominus, quod nos vel successores aut sedes prefati possimus etiam alium quam vicarium (21) ad tenendum dicta placita, si videbitur (22), deputare. Postremo declaramus, ut potestas, qui in ipsa civitate pro tempore fuerit, illam et eandem iurisdictionem habeat, quam ipsius civitatis potestas retroactis habere temporibus consuevit, salvis omnibus, que superius sunt expressa. Si vero per consilium et commune prefata acceptari contigerit, quod nos et predicta ecclesia Romana omnes predictos fructus, redditus et proventus recipiamus in totum, medietatem condempnationum faciendarum per potestatem et officiales civitatis eiusdem in mobilibus habeatis, de qua medietate ambassiatarum, legationumque vestrarum sumptus fieri valeant et expense. Quod si elegeritis nos medietatem ipsorum et vos reliquam velle percipere, tunc medietatem omnium condempnationum ipsarum sicut et aliarum volumus et decernimus vos habere, Nulli ergo omnino hominum liceat hanc paginam nostrorum statutorum, ordinationis. voluntatum, precepti, mandati, concessionis, stabilitionis, iussionis, declarationis ct constitutionis infrangere (23) vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum.
Datum Avinione, III idus februarii, pontificatus nostri anno quinto.
(1)
Edidit Theiner, Cod. dipl. I, 419. sed mendose aliquantisper, ceu ex
castigationibus ad calcem paginarum appositis patet. Ab uno disce omnes. Inter
instrumenta miscellanea archivi vaticani exstant duo documenta, unun. diei 6
martii 1310, alterum diei 2 martii 1320 quae referunt iuramentum fidelitatis praestitum
a civibus ipsis quorum nomina, iuxta contratas exscripsit notarius. Haec Cl
Bartholomaeo Fontana, edenda permisimus.
(2)
Ibidem: ipsorum furia.
(3)
Ibidem: eius personas.
(4)
Ibidem: reverendissimorum.
(5)
Ibidem: proconsulem; sed hic et alibi ms. habet preconsulem.
(6)
Ibidem: Bracharini.
(7)
Ibidem: reverendissimorum.
(8)
Ibidem: universitatis Ferrarie.
(9)
Ibidem: eligendum seu nominandos.
(10)
Ibidem: concesserunt et concedunt.
(11)
Ibidem: eligendo et nominandis.
(12)
Ibidem: reverendissimorum.
(13)
Ibidem: facient queque.
(14)
Ibidem: eorum occasione.
(15)
Ibidem: domino Gerardo de Ginnamis.
(16)
Ibidem: decursibus altis.
(17)
Ibidem: resignaverunt et submiserunt.
(18)
Ibidem: ei particularibus aliis.
(19)
Ibidem: servetur.
(20)
Ibidem: poterit quem.
(21)
Ibidem: alium quidem vicarium.
(22)
Ibidem: dicta si videbitur.
(23) Ibidem: verba vel ei usque incursurum desunt.
6370 – Avenione, 9 nov. 1310
Recenset exhortationem a se factam praelatis Siciliae ut sibi de aliquo pecuniario subsidio providerent, redarguens nonnullos, qui subsidium malitiose denegaverant et alios qui de eo promissionem factam infringere volebant; infrascripti cogant omnes praelatos ad duas decimas solvendas omnino. (cap. 63, f. 295a).
Dil. filiis magistris Bernardo
Regis, archidiacono Nemausen., et Guillelmo de Balaeto, canonico de s. Asteria,
Petragoricen. diocesis, ecclesiarum etc.
Dudum ven. fratres nostros archiepiscopos per regnum Sicilie tam citra quam ultra Farum constitutos, generaliter tam per nostras sub certa forma litteras, quam etiam per vos, oraculo vive vocis, rogandos duximus et etiam exhortandos, quod nobis de pecuniario subsidio procurarent, pro nostris et ecclesie Romane necessitatibus, subvenire; et nichilominus suffraganeos eorum ac dilectos filios electos, abbates, priores, capitula, collegia et conventus et alias personas ecclesiasticas seculares et religiosas, exemptas, et non exemptas, cuiuscumque ordinis, conditionis vel status existerent, tam per eorum provincias et dioceses constitutas, quam extra illas, si qui essent in circumvicinis eis partibus, etiam si episcopali dignitate fulgerent, ut nobis de convenienti pecuniario subsidio, iuxta suarum facultatum decentiam, providerent, solerter inducere, et hortari cum instantia procurarent, vos ad partes illas propter hoc specialiter destinantes. Postmodum autem nonnulli ex illis, sicut per litteras vestras accepimus, concesserunt nobis huiusmodi subsidium faciendum, reliquis eorum in superbie montem erectis, non absque ingratitudinis nota, subsidium concedere denegantibus supradictum, et demum nonnulli ex archiepiscopis ac suffraganeis, electis, abbatibus, prioribus, capitulis, collegiis, conventibus et aliis personis predictis huiusmodi subsidium promictentibus, nobis duas decimas de ipsorum redditibus ecclesiasticis pro huiusmodi subsidio solvere promiserunt. Verum nonnulli ex promictentibus ipsis, promissionem huiusmodi super qua relationi vestre adhiberi volumus plenam fidem, minus provide infringere molientes, nobis decimas ipsas solvere contradicunt, et aliqui eorum diversas occasiones frivolas contingentes, a mandato vestro super hoc eis facto ad sedem apostolicam appellarunt. Nos vero ipsorum volentes in hac parte maliciis obviare, discretioni vestre per apostolica scripta mandamus, quatenus vos vel alter vestrum, per vos vel per alium seu alios, omnes et singulos archiepiscopos et suffraganeos, electos, abbates, priores, collegia, capitula et conventus ac personas ecclesiasticas exemptas et non exemptas, cuiuscumque ordinis, status, conditionis, vel dignitatis aut religionis existant, tam citra quam ultra Farum predictum constitutas, et eorum singulos tam rebelles quam denegantes et alios quoscumque, necnon venerabiles fratres nostros archiepiscopum Beneventanum eiusque suffraganeos, ac omnes et singulos electos, abbates, priores, collegia, capitula, conventus et alias personas ecclesiasticas seculares et regulares, exemptas et non exemptas, cuiuscumque sint religionis, ordinis, conditionis vel status Beneventane civitatis et diocesis ac provincie et eorum singulos, quod vobis duas decimas, de ipsorum ecclesiasticis redditibus, infra certum terminum seu terminos peremptorium seu peremptorios competentes, per vos prefigendum seu prefigendos eisdem, nomine nostro et ecclesie supradicte, exhibeant et persolvant per excommunicationis in singulos eorum, et in capitula, conventus et collegia supradicta, suspensionis, et ecclesias, monasteria et loca eorum interdicti sententias, compellatis, invocato ad hoc, si opus fuerit, auxilio brachii secularis. Quod si forte ipsi vel eorum aliqui in sua pertinacia persistentes, dictas duas decimas in predictis termino vel terminis vobis solvere non curarint, vos illos de quibus expedire videbitis, ex parte nostra peremptorie citare curetis, ut illi videlicet de quibus personalem citationem videbitis faciendam, personaliter, alii vero per sufficientes et ydoneos procuratores, infra duorum mensium spatium, post citationem vestram huiusmodi, apostolico se conspectui representent, nostris, super premissis, mandatis et beneplacitis humiliter parituri, agravantes alias spiritualiter et temporaliter durius manus vestras, et procedentes nichilominus gravius contra ipsos, prout vobis videbitur et protervia exegerit eorundem. Non obstantibus appellationibus supradictis, seu si conventus, capitula et collegia supradicta dictas duas decimas promictentes vel aliqua ex ipsis allegent quomodolibet vel proponant, vel eos allegare aut proponere contigerit in futurum, quod huiusmodi promissio non valet ipsorum, cum omnes de capitulis seu conventibus aut collegiis ipsis non fuerint in huiusmodi promissione presentes, seu consensus non intervenerit eorundem, quodque vos qui nullum, super hoc, ut frivole assenant, habueratis mandatum, promissionem seu stipulationem huiusmodi recipere nequiveritis ab eisdem, cum nostre intentionis fuerit et existat, vos et quemlibet vestrum, super receptione seu stipulatione promissionis huiusmodi, plenam habuisse, sicut adhuc volumus vos habere per dictas litteras mandatum continentes huiusmodi, quas in suo robore permanere decernimus, potestatem, seu quibuslibet privilegiis, indulgentiis et litteris apostolicis generalibus vel specialibus dictis archiepiscopis, suffraganeis, electis, abbatibus, prioribus, capitulis, collegiis, conventibus et personis predictis comuniter vel divisim sub quacumque forma vel expressione verborum concessis, quod interdici, suspendi vel excommunicari, aut quod eorum ecclesie seu monasteria vel loca ecclesiastico interdicto subici non possint per litteras apostolicas non facientes plenam et expressam, ac de verbo ad verbum de indulto huiusmodi mentionem et per que presentibus non expressa vel totaliter non inserta huiusmodi vobis actribute iurisdictionis explicatio impediri posset quomodolibet vel differri. Nos enim petendi, exigendi et recipiendi predictas duas decimas ab archiepiscopis, suffraganeis et aliis supradictis et quolibet eorundem, quitandi quoque illos, a quibus decimas ipsas recipere vos contingat de hiis que pro dictis decimis receperitis ab eisdem, absolvendi etiam illos ab excommunicationis, ac capitula et conventus ac collegia predicta a suspensionis sententiis per vos latis in ipsos, pro eo quod ipsas decimas in statutis ad hoc eis terminis non solvissent, ac interdictum in ecclesias, monasteria et loca eorum huiusmodi occasione prolatum, post solutionem decimarum earundem relaxandi et omnia alia faciendi et exercendi que in premissis omnibus et singulis fuerint oportuna, plenam vobis et cuilibet vestrum tenore presentium, concedimus potestatem. Volumus autem quod quicquid circa citationem illorum quos ex predictis vos citare contigerit, et alia premissa duxeritis faciendum, nobis, per vestras litteras harum seriem continentes, studeatis fideliter intimare.
Dat. Avinione, V idus novembris. anno quinto.
6371 – Avenione, 9 nov. 1310
Assistat eisdem archidiacono et canonico in recolligendo subsidio pecuniario (cap. 64, f. 295 b).
Carissimo in Christo filio
Roberto, Sicilie regi illustri, etc.
Sicut ab olim mentis regie puritatem ad beneplacita nostra paratam agnovimus, sic absque dubitatione speramus quod ea que nostris affectibus placitura perceperis, operose diligentie studio prosequeris. Sane dudum venerabiles fratres nostros universos archiepiscopos per regnum Sicilie tam citra quam ultra Farum constitutos generaliter, tam per nostras sub certa forma litteras quam etiam per dilectos filios magistros Bernardum Regis, archidiaconum Nemausensem, et Guillelmum de Balaeto canonicum ecclesie de s. Asterio, Petragoricen. diocesis, oraculo vive vocis rogandos duximus, et etiam exhortandos quod nobis de pecuniario subsidio etc. ut in proxima superiori verbis competenter mutatis. usque auxilio brachii secularis. Quocirca serenitatem regiam paterno rogamus et hortamur affectu, quatenus archidiaconum et canonicum memoratos oculo benivolentie regalis aspiciens, sic eis, quod in terris tue ditioni subiectis integraliter exigere valeant et habere pro nostra et apostolice sedis reverentia, ferventer assistas, sicque ipsis tui manum auxilii porrigas adiutricem, quod predictas decimas tui iuvaminis favore suffulti, sine diminutione percipiant, nosque proinde magnitudinem regiam commendare cum gratiarum actionibus valeamns.
Dat. ut supra (Avinione, V idus novembris. anno quinto).
In eundem modum carissimo in Christo filio Frederico, regi Trinacrie illustri.
Regestum Clementis papae V
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVII (1887)
tome III
(Regestorum Vol. LVIII)
Anni sexti
6387 – Avenione, 15 nov. 1310
Cum olim Aymericus de Copiaco, tunc prior prioratus s. Medardi de Abbatia Petragoricen. dioecesis, dum adhuc viveret, intenderet prioratum ipsum libere resignare, Clemens pp. V archiepiscopo Rothomagen. et Bertrando episcopo Albien. camerario ac cantori ecclesiae Petragoricen. capellano suis facultatem concessit recipiendi etiam apud sedem apostolicam ab eodem Aymerico vel eius procuratore resignationem illius prioratus eumque conferendi Heliae, non obstantibus quod idem prioratus consueverit per monachos gubernari aut quod Helias in s. Frontonis Petragoricen. et s. Caprasii Agennen. canonicatus et praebendas nec non et quandam pensionem annuam valoris quinquaginta librarum Turonen. parvorum vel circiter in de Septemfontibus Caturcen. dioecesis secularibus ecclesiis obtineret aut quod pateretur, sicut et adhuc patitur, in aetate defectum, ac dispensandi cum illo, ut eundem prioratum una cum canonicatibus et praebendis ac pensione illis retinere posset. Verum quia ante hanc concessionem non revocato procuratore praefato ante ipsius obitum summo pontifice et Helia hoc ignorantibus Aymericus in illis partibus obiit et Helias ex hoc dubitat collationem sibi factam de illo prioratu forsitan impugnari, Clemens pp. V supplicationibus eius inclinatus collationem et provisionem illas ratas habens confirmat supplens omnem defectum, si quis in eis habitus extitisset, et resignationem ac collationem illas perinde valere decernit, ac si factae fuissent Aymerico vivente et illi prioratui praesidente. (cap. 1, f. 1a).
Dilecto filio Helie
Thalairandi priori prioratus s. Medardi de Abbatia ad monasterium Usercen.
ordinis s. Benedicti Petragoricen. et Lemovicen. diocesium pertinentis.
Ut tua et tuorum devotio ...
Dat. Avinion., XVII kal. decembris, pontificatus nostri anno sexto.
6399 – Avenione, 22 nov. 1310
Obtentu Arnaldi Garsiae del God vicecomiti Leomaniae fratris sui olim mandavit provideri Geraldo de aliquo beneficio cum cura, cuius proventus sexaginta librarum Turonen. parvorum secundum taxationem decimae valorem non excederent annuatim, si quod in dioecesi Lectoren. tunc vacaret vel cum ad id facultas se offerret. Verum quia Geraldus postmodum ecclesiam Montispetrosi curam animarum habentem Petragoricen. dioecesis fuit canonice assecutus, propter quod illud beneficium, quod nondum est adeptus, si illud assequi eum contingeret, non posset cum ipsa absque dispensatione sedis apostolicae licite retinere, consideratione Arnaldi Dorinhe clerici Burdegalen. dioecesis pro ipso supplicantis dispensat cum Geraldo, ut eandem ecclesiam cum beneficio, si illud assequi eum contingat, valeat retinere, (cap. 13, f. 4a).
Dilecto filio Geraldo Dorinhe
rectori ecclesie Montispetrosi Petragoricen. diocesis.
Sedis apostolice gratiosa benignitas ...
Dat ut supra. (Avinion., X kal. decembris, anno sexto).
6404 – Avenione, 27 nov. 1310
Consideratione Arnaldi archiepiscopi Burdegalen. indulget Heliae cappellano eius et familiari, ut insistens eiusdem archiepiscopi obsequiis iuxta ipsum vel alias in terra sua nomine Burdegalen. ecclesiae seu in prosecutione ipsius fructus et proventus canonicatus et praebendae, quos in ecclesia s. Frontonis Petragoricen. obtinet, ac parochialis ecclesiae s. Martini de Bessa Petragoricen. dioecesis, cuius rector existit, ac aliorum beneficiorum suorum, quae nunc obtinet et eum obtinere contigerit in futurum, possit percipere, quin residere interim in eisdem ecclesiis tencatur.(cap. 18, f. 4b).
Dilecto filio magistro Helie
de s. Eumachio canonico ecclesie s. Frontonis Petragoricen.
Probitatis tue merita ...
Dat. Avinion., V kal. decembris, anno sexto.
In eundem modum dilectis filiis ... sacristae Burdegalen. et ... scolastico ac Heliae Roberti canonico Petragoricen. ecclesiarum.
6479 – Avenione, 21 ian. 1311
Consideratione Heliae Talayrandi comitis Petragoricen. indulget Heliae eius filio, ut insistens disciplinis scolasticis docendo vel etiam audiendo in quocunque studio etiam non generali, donec quintum decimum aetatis suae annum peregerit, et postmodum in studio generali fructus prioratus sui s. Medardi de Abbatia Petragoricen. dioecesis omniumque aliorum beneficiorum cum vel sine cura, etiamsi dignitates aut personatus existant, quae nunc obtinet vel in futurum assequi eum continget, possit usque ad triennium percipere, quin ad residendum in illis interim teneatur. (cap. 91, f. 24 b).
Dilecto filio Helie Talairandi
priori prioratus s. Medardi de Abbatia Petragoricen. diocesis.
Tua et tuorum sincera devotio ...
Dat. ut supra. (Avinion. XII kal. februarii, anno sexto).
In eundem modum dilectis filiis ... Sarlaten. et ... de Dupla ac ... de Albaterra archidiaconis in ecclesia Petragoricen.
6480 – Avenione, 21 ian. 1311
Consideratione Heliae Talayrandi comitis Petragoricen. indulget Iterio ad bienniuin, ut ab ecclesiis sui archidiaconatus de Dupla in ecclesia Petragoricen., quarum visitatio ad cum pertinet quaeve octoginta numerum non excedunt, impenso illis visitationis officio procurationes debitas in pecunia numerata recipere valeat moderatas. (cap. 92, f. 25a).
Dilecto filio Iterio de Valle
secura archidiacono de Dupla in ecclesia Petragoricen.
Volentes personam tuam ...
Dat. ut supra. (Avinion., XII kal. februarii, anno sexto).
6481 – Avenione, 21 ian. 1311
Obtentu Heliae Talayrandi comitis Petragoricen. indulget Petro ad biennium, ut ab ecclesiis sui archidiaconatus Borbonen. in ecclesia Bituricen., quarum visitatio ad eum pertinet, impenso illis visitationis officio procurationes debitas in pecunia numerata valeat recipere moderatas. (cap. 93, f. 25a).
Dilecto filio Petro de
Arreblayo legum doctori archidiacono Borbonen. in ecclesia Bituricen.
Volentes tibi tue bonitatis ...
Dat. ut supra. (Avinion., XII kal. februarii, anno sexto).
6482 – Avenione, 21 ian. 1311
Consideratione Heliae Talayrandi comitis Petragoricen. indulget Heliae ad biennium, ut ab ecclesiis sui archidiaconatus Sarlaten. in ecclesia Petragoricen., quarum visitatio ad eum pertinet quaeve octogenarium numerum non excedunt impenso illis officio visitationis procurationes debitas in pecunia numerata recipere valeat moderatas (cap. 94, f. 25a).
Dilecto filio Helie de
Petragoris archidiacono Sarlaten. in ecclesia Petragoricen.
Devotionis tue sinceritas ...
Dat. ut supra (Avinion., XII kal. februarii, anno sexto).
6485 – Avenione, 21 ian. 1311
Recipiat a Petro Deissartz, presbytero seculari, qui prioratum de Gardaldelh ordinis s. Benedicti Petragoricen. dioecesis se canonice obtinere proponit, cuius prioratus proventus viginti librarum Turonen. parvorum secundum taxationem decimae valorem annuum non excedunt, et a Petro Bruneti, canonico ecclesiae Albaterren. eiusdem dioecesis, apud sedem apostolicam liberam resignationem illius prioratus et canonicatus ac praebendae in eadem Albaterren. ecclesia et conferat eos consideratione Heliae Talayrandi comitis Petragoricen. Guillelmo Bruneti clerico Petragoricen. dioecesis. (cap. 97. f. 25b).
Dilecto filio magistro
Guillelmo Meschini canonico Xanctonen.
Merita probitatis ...
Dat. Avinion., XII kal. febr., anno sexto.
6489 – Avenione, 21 ian. 1311
Consideratione Heliae Talayrandi comitis Petragoricen. dispensat cum Helia eius filio, ut praeter prioratum suum s. Medardi de Abbatia Petragoricen. dioecesis possit adhuc duo alia beneficia, etiamsi personatus vel dignitates seu officia existant et curam habeant animarum, dummodo illorum proventus quingentarum librarum Turonen. parvorum secundum taxationem decimae valorem annuum non excedant, si alias ei simul vel successive canonice offerantur, libere recipere et una cum illo prioratu et canonicatibus ac praebendis, quos in s. Frontonis Petragoricen. et in s. Caprasii Agennen. ac annua pensione quinquaginta librarum eiusdem monetae, quam in de Septemfontibus Caturcen. dioecesis ecclesiis obtinet, licite retinere, defectu, quem patitur in aetate et ordinibus, cum tonsuram tantum habeat clericalem, aut quavis alia constitutione contraria nequaquam obstantibus. (cap. 101, f. 26b).
Dilecto filio Helie Talayrandi
priori prioratus s. Medardi de Abbatia Petragoricen. diocesis.
Gerentes ad personam tuam ...
Dat. ut supra. (Avinion., XII kal. febr., anno sexto).
6494 – Avenione, 21 ian. 1311
Recipiat a Petro Deyssan rectore ecclesiae Chanahor Petragoricen. dioecesis liberam resignationem ipsius ecclesiae, cuius proventus viginti librarum Turonen. parvorum secundum taxationem decimae valorem annuum non excedunt, et conferat eam consideratione Heliae Talayrandi comitis Petragoricen. Petro de Vernina presbytero eiusdem dioecesis eumque vel eius procuratorem inducat in corporalem ipsius ecclesiae possessionem. (cap. 106, f. 28a).
Dilecto filio magistro
Guillelmo Meschini canonico Xanctonen.
Merita probitatis ...
Dat. Avinion., XII kal. februarii, anno sexto.
6515 – Avenione, 9 ian. 1311
Cum parochialis ecclesia de Velonegues Cavellicen. dioecesis, quam Raymundus electus Sistaricen. obtinet, per promotionem suam ad episcopatum Sistaricen. post munus consecrationis suscipiendum ab eo vacare credatur in brevi, concedit executoribus facultatem conferendi eandem ecclesiam, quam ex nunc donationi apostolicae reservat, hac vice magistro Petro Duranti canonico Ebredunen. capellano suo, non obstante quod idem in Ebredunen. et Cavellicen. ecclesiis canonicatus et praebendas ac parochialem ecclesiam de Sedena Ebredunen. dioecesis obtineat. (cap. 127, f. 32a).
Dilectis filiis Bernardo
Roiardi capellano nostro Xanctonen. et Raymundo Regen. archidiaconis ac
magistro Oddoni de Sermineto camere nostre clerico canonico eiusdem Xanctoueu.
ecclesiarum.
Cum parrochialis ecclesia ...
Dat. Avinion., V idus ian., anno sexto.
6518 – Avenione, 23 ian. 1311
Indulget Guillelmo, ut fructus praebendae suae, quam in ecclesia Lemovicen., et omnium aliorum beneficiorum cum vel sine cura, quae in quibusdam ecclesiis obtinet, quamdiu obsequiis summi pontificis institerit, possit percipere, quin ad residendum in eis interim teneatur. (cap. 130, f. 33 a).
Dilecto filio magistro
Guillelmo de Balaeto canonico Lemovicen.
Personam tuam exigentibus ...
Dat. Avinion., X kal. februarii, anno sexto.
In eundem modum dilectis filiis ... abbati monasterii Sarlaten. Petragoricen. dioecesis et archidiacono Caytonen. ac Raymundo de Monteacuto canonico ecclesiae Agennen.
6519 – Avenione, 9 ian. 1311
Cum canonicatus et praebenda, quos Raymundus electus Sistaricen. in Sistaricen. ecclesia obtinet, per promotionem suam ad episcopatum Sistaricen. post munus consecrationis suscipiendum ab eo vacare credantur in brevi et quos ex nunc donationi apostolicae reservat, concedit infrascriptis facultatem consideratione Bertrandi del God conferendi eos, cum vacaverint, magistro Francisco Andreae, physico Roberti regis Siciliae, non obstante quod in Foroiulien. archidiaconatum et in eadem ac Ebredunen. et Melfien. ecclesiis canonicatus et praebendas nec non et ecclesiam s. Primiani Lesinen. sine cura obtineat ac in Massilien. et Aquen. auctoritate apostolica in canonicum sit receptus et in ipsis Massilien. et Aquen. praebendas ac in Aquen. ecclesiis dignitatem seu personatum vel officium expectet. (cap. 131, f. 33b).
Dilectis filiis magistro
Bernardo Roiardi capellano nostro Xanctonen. et ... Regen. archidiaconis ac
magistro Odoni de Sermineto eiusdem Xanctonen. canonico ecclesiarum.
Cum canonicatus et praebenda ...
Dat. Avinion., V idus ianuarii, anno sexto.
6555 – Avenione, 29 ian. 1311
Concedit Bertrando facultatem conferendi hac vice Arnaldo Laguti clerico Petragoricen. dioecesis, nepoti Arnaldi abbatis monasterii Tutellen. Lemovicen. dioecesis summi pontificis capellani pro eo supplicantis, canonicatum et praebendam in quacunque ecclesia apud sedem apostolicam vacantes ad praesens vel proximo vacaturos, quos idem per se vel procuratorem suum infra unius mensis spatium, postquam ei de illorum vacatione constiterit, acceptare voluerit, quosque ei ex nunc conferendos reservat donationi apostolicae. (cap. 16S, f. 42a).
Dilecto filio Bertrando tit.
sanctorum Iohannis et Pauli presbytero cardinali.
Volentes dilecto filio ...
Dat. Avinion., IIII kal. februarii, anno sexto.
6592 – Avenione, 9 ian. 1311
Cum canonicatus et praebenda, quos Raymundus electus Sistaricen. in Cavallicen. ecclesia obtinet, per promotionem suam ad episcopatum Sistaricen. post consecrationis munus ab ipso suscipiendum vacare credantur in brevi, conferant eos, cum vacaverint, Vesiano Moyhs filio Bertrandi Moyhs domicelli et familiaris summi pontificis clerico Agennen. dioecesis. (cap. 202, f. 20a).
Dilectis filiis magistris
Bernardo Royardi Xanctonen. capellano nostro ac Oddoni de Sermineto Xanctonen.
et Hugoni de Faudariis Albien. canonicis.
Cum canonicatus ...
Dat. Avinion., V idus ianuarii, anno sexto.
6646 – Apud Silvammaiorem, 9
maii 1306
Concedit Geraldo tabellionatus officium, ad quod illum reputat idoneum. (cap. 255, f. 64a).
Dilecto filio Geraldo de
Lavaure clerico Petragoricen. clericali dumtaxat caractere insignito.
Ne contractuum memoria ...
Dat. apud Silvammaiorem Burdegalen. diocesis, VII idus maii, anno primo (1)
(1)
In margine: ac de anno primo.
6672 – Avenione, 7 mart. 1311
Capitulum secularis ecclesiae s. Aviti senioris Petragoricen. dioecesis concesserat Gausberto priori ipsius, ut fructus duarum praebendarum, quas in ipsa ecclesia ratione prioratus obtinet, nec non integram portionem omnium proventuum eiusdem ecclesiae, qui canonicis in horis canonicis praesentibus vel aliter exhibentur, in absentia percipere valeat et habere reditus insuper ecclesiae s. Pomponii eiusdem dioecesis, quae ipsi ecclesiae s. Aviti canonice est unita, sub quadam annua pensione, quoad vixerit, reservata perpetuo vicario in ecclesia s. Pomponii servituro congrua portione, prout in litteris hic insertis continetur. Quae concessio hisce rata habetur et confirmatur. (cap. 281, f. 69a).
Dilecto filo Gasberto de
Castronovo priori secularis ecclesie s. Aviti senioris Petragoricen. diocesis
capellano nostro.
Cum a nobis petitur ...
Universis et singulis presentes litteras visuris et audituris capitulum ecclesie s. Aviti senioris Petragoricen. diocesis salutem et fidem presentibus adhibere. Noveritis, quod nos predictum capitulum pro infrascriptis, ut moris est, in choro dicte ecclesie convenientes in unum vocatis omnibus, qui debuerunt, voluerunt et potuerunt comode interesse, provide attendentes grata servitia, que providus vir dominus Gausbertus de Castronovo ipsius ecclesie prior tam ecclesie quam nobis capitulo prefatis hactenus studiosus impendit et labores multiplices, quos utiliter etiam pertulit pro nobis et ecclesia antedicta, volentesque, ut, quanto magis se cognoscet exemptum et per nos maiori beneficio et libertate donatum, tanto obligatiorem agnoscat nobis et dicte ecclesie liberius obsequi et libentius deservire, nobiscum tractatu et deliberatione prehabita concorditer statuimus et de speciali gratia concedimus eidem, ut exnunc fructus, redditus et proventus duarum prebendarum, quas ratione ipsius prioratus in dicta ecclesia obtinet, necnon integram portionem omnium proventuum, qui canonicis ipsius ecclesie in horis canonicis presentibus vel aliter exhibentur, cum suis futuris augmentis, quoad vixerit, cum ea integritate percipiat libere, cum qua illos perciperet, si in eadem ecclesia personaliter resideret et horis canonicis personaliter interesset, nec per nos ad residendum compelli possit invitus, non obstantibus quibuscunque iuribus seu eiusdem ecclesie super hoc in contrarium habitis consuetudinibus vel statutis, volentes premissa omnia valitura ac promittentes data fide statutum et concessionem prefata semper rata, grata et firma habere et aliqua de causa minime revocare nec super perceptione dictorum fructuum et proventuum ipsum impedire vel quomodolibet molestare, sed illos vel valorem illorum sibi vel procuratori suo pro eo exhibere et integre ministrare sub obligatione bonorum nostrorum et ecclesie supradicte, protestantes et acto expresse, quod propter hoc ecclesie prefate seu nobis nullum imposterum preiudicium generetur nec ex hoc plus iuris successoribus ipsius prioris accrescat, quam idem prior ante concessionem habebat eandem. In cuius rei testimonium sigillum et contrasigillum, quibus nos dictum capitulum una cum dicto priore comuniter utimur, presentibus litteris apponi fecimus et in premissorum memoriam et munimen. Actum et datum die lune post festum nativitatis beati Iohannis Baptiste, anno Domini millesimo trecentesimo quarto.
– Item. Universis et singulis presentes litteras inspecturis capitulum ecclesie s. Aviti senioris Petragoricen. diocesis salutem et fidem presentibus adhibere. Noveritis, quod nos predictum capitulum pro infrascriptis ut moris est convenientes in unum in capitulo ipsius ecclesie vocatis omnibus, qui voluerunt, debuerunt et potuerunt comode interesse, provide attendentes, quod discretus vir dominus Gausbertus de Castronovo ipsius ecclesie prior infrascriptam ecclesiam poterit melius defensare et ipsius iura protegere et illibata servare, considerantesque ipsius merita probitatis et grata et fructuosa servitia, que nobis et prefate ecclesie hactenus obsequiosus exhibuit, secum tractatu solenni ac deliberatione prehabita diligenti concorditer nostrum nemine discredente fructus, redditus et proventus ecclesie nostre de s. Pomponio eiusdem diocesis, in quaque ius obtinemus patronatus, unite canonice prefate ecclesie de s. Avito eidem domino Gausberto concedimus ad firmam per eum cum iuribus et pertinentiis suis, quo ad vixerit, retinendam, ita quod omnes servata de ipsis vicario in illa perpetuo servituro congrua portione, quam prestare idem prior teneatur eidem, cum integritate percipiat et disponat de eisdem, quam concessionem sibi dicta de causa fecimus et pro eo etiam, quod dictus prior promisit et convenit nomine recognitionis et pro concessione dictorum fructuum, reddituum et proventuum dare et solvere annuatim nobis dicto capitulo vel, cui nos mandaverimus, viginti sextaria frumenti ad mensuram s. Pomponii in festo beati Michaelis et decem libras Petragoricen. monete in festo beati Aviti, quamdiu dictam tenebit ecclesiam et fructus, redditus et proventus ipsius percipiet, et non alias et ipsam ecclesiam protegere, manutenere et defensare pro posse suis sumptibus et expensis, et si dicti fructus, redditus et proventus plus dicta quantitate valent vel eos valere contigerit, id plus dictorum intuitu servitiorum ac pro amore et dilectione, quem et quam in eum habemus, titulo donationis inter vivos eidem domino Gausberto sponte donamus volentes et statuentes expresse, quod dicta ecclesia cum iuribus et pertinentiis suis dicto domino Gausberto cedente vel decedente ad mensam comunem nostram capituli et prioris predictorum ad nostramque ecclesiam de s. Avito libere revertatur, ita quod de ipsa disponere libere valeamus sicut prius nec propter concessionem eandem nobis imposterum preiudicium aliquod generetur nec successoribus dicti prioris aliquod ius novum accedat seu accrescat, que quidem omnia, que dicta sunt, ad invicem servare solenniter promittimus sub obligatione bonorum nostrorum et ecclesie supradicte. In cuius rei testimonium presentes litteras scribi et in formam publici instrumenti redigi fecimus per notarium infrascriptum et sigillo et contrasigillo, quo comuniter una cum dicto priore utimur in talibus, munimine roborari. Actum et datum XIX die mensis iulii, anno a nativitate Domini millesimo trecentesimo sexto, indictione quarta, pontificatus sanctissimi patris domini Clementis divina gratia pp. V anno primo, presentibus testibus domino Helia Martini prebytero et Petro Rasome diacono ad premissa vocatis specialiter et rogatis. Et ego Petrus de Orcali clericus Petragoricen. diocesis publicus imperiali auctoritate notarius, qui premissis concessioni dictorum fructuum et proventuum et aliis omnibus et singulis factis, datis et concessis per dictum capitulum presens interfui, presentes litteras seu presens publicum instrumentum manu propria scripsi et in publicam formam redegi de mandato ipsius capituli signoque meo solito signavi requisitus et rogatus ...
Dat. Avinion., nonas martii, anno sexto.
6713 – Avenione, 29 mart. 1311
Consideratione Galhardi de Lobersano prioris prioratus s. Cypriani Petragoricen. dioecesis familiaris sui confert Raymundo eius consanguineo parochialem ecclesiam de Dompno Petro in Alnisio Santonen. dioecesis vacantem per obitum Petri Marsilii, qui nuper apud sedem apostolicam diem clausit extremum, non obstante quod patiatur in ordinibus et aetate defectum; faciat se vero, cum ad aetatem ad id aptam pervenerit, ad omnes ordines, prout ipsius ecclesiae cura requirit, promoveri. (cap. 320, f. 79a).
Dilecto filio Raymundo de
Creyssies rectori parrochialis ecclesie de Dompnopetro in Alnisio Xanctonen.
diocesis.
Virtutum studia quibus ...
Dat. Avinion., IIII kal. aprilis, anno sexto.
In eundem modum dilectis filiis ... s. Iohannis Angeliacen. et ... s. Leonardi de Calmis ac ... de Montealbano Santonen. et Caturcen. dioecesium monasteriorum abbatibus.
6819 – Avenione, 23 apr. 1311
Defuncto Arnaldo de Chaus abbate monasterii s. Stephani de Beania ordinis s. Benedicti Santonen. dioecesis a priore et conventu ipsius monasterii de persona fratris Petri de Ferolio prioris prioratus de Mangor eidem monasterio immediate subiecti ordinis et dioecesis eorundem per viam compromissi electionem contigit celebrari, sed ipsius electionis negotio per appellationem eiusdem fratris Petri ex certis causis legitimis ad sedem apostolicam interpositam, ab episcopo Santonen. loci ordinario electionem confirmare recusante, ad sedem eandem legitime devoluto illoque pro parte ipsius Petri propter hoc ad ipsam sedem venientis coram summo pontifice exposito, demum idem Petrus tam propter senium quam alias causas legitimas se insufficientem reputans ad monasterii regimen omne ius, si quod ei ex electione fuerat acquisitum, in manibus Raymundi sanctae Mariae Novae diaconi cardinalis resignationem eius de mandato apostolico admittentis sponte resignavit. Clemens pp. V postmodum Galhardum monachum et camerarium monasterii s. Fermerii eiusdem ordinis Vasaten. dioecesis in sacerdotio constitutum praeficit monasterio s. Stephani in abbatem. (cap. 422, f. 101b).
Dilecto filio Galhardo abbati
monasterii s. Stephani de Beania ordinis s. Benedicti Xanctonen. diocesis.
Romani pontificis cui ...
Dat. Avinion., VIIII kal. maii, anno sexto.
In eundem modum dilectis filiis ... priori et conventui monasterii s. Stephani de Beania ordinis s. Benedicti Santonen. dioecesis.
In e. m. dilectis filiis universis vasallis monasterii s. Stephani etc.
6840 – Avenione, 23 maii 1311
Petrus de Engolisma prior prioratus de Masclato Caturcen. et Guillelmus Royardi archipresbyter Perducen. Petragoricen. dioecesium de canonicatu et praebenda, quos Petrus Bernardi de Pennavaria in Caturcen. ecclesia, dum viveret, obtinebat, per obitum eius, qui apud sedem apostolicam tempore Bonifacii pp. VIII diem clausit extremum, vacantibus provideri sibi procurarunt sicque inter eos materia quaestionis exorta super illis canonicatu et praebenda diutius litigarunt et adhuc causa pendet apud eandem sedem. Cum autem iidem evitare volentes litigiorum anfractus cupiant omne ius, si quod eis in canonicatu et praebenda praedictis competit, apud eandem sedem resignare, conceditur Arnaldo facultas recipiendi ab eis hanc resignationem et conferendi eosdem canonicatum et praebendam alicui personae idoneae, non obstante si eadem duo vel plura obtineat beneficia, etiamsi unum ex eis dignitas vel personatus existat et curam habeat animarum. (cap. 443, f. 108a).
Dilecto filio Arnaldo tit. s.
Marcelli presbytero cardinali.
Significarunt nobis ...
Dat. Avinion., X kal. iunii, anno sexto.
6850 – Avenione, 23 maii 1311
Concessionem annuae pensionis centum librarum Turonen. parvorum factam Guillelmo, quoad vixerit, ab Arnaldo archiepiscopo Burdegalen. absque consensu et consilio capituli sui, prout in litteris insertis continetur, ratam habens confirmat.(cap. 453, f. 110a).
Dilecto fililo magistro
Guillelmo Royardi archipresbytero Perducen. Petragoricen. diocesis.
Personam tuam tue devotionis ...
Arnaldus Dei gratia archiepiscopus Burdegalen. discreto viro ac dilecto nostro magistro Guillelmo Royardi archipresbytero Parducen. Petragoricen. diocesis salutem et dilectionem sinceram. Ut ad nos et ecclesiam nostram Burdegalen., cuius estis spiritualis filius, devotior sitis et ad eius obsequia magis prompti, centum libras Turonen. bonorum annue pensionis vobis liberaliter et irrevocabiliter pro nobis et nostris successoribus concedimus et donamus vobis vel mandato vestro, quamdiu vixeritis, annuatim in castro nostro Montis Revelli Petragoricen. diocesis integre in festo resurrectionis dominice persolvendas omni exceptione et difficultate remotis, cuius primus terminus incipiet in festo resurrectionis predicte anno Domini millesimo trecentesimo undecimo, pontificatus domini nostri, domini Clementis pp. V anno sexto, et Guillelmum Conge presbyterum capellanum nostrum pro vobis et nomine vestro de pensione huiusmodi per nostrum anulum investimus. Pro quibus centum libris annuatim solvendis vobis aut mandato vestro a nobis et successoribus nostris, quamdiu vixeritis, vobis obligamus specialiter et expresse omnes redditus et proventus nostros dicti castri Montis Revelli et omnes alios redditus et bona archiepiscopatus nostri predicti. Quodsi deficeremus in solutione predicta, volumus et consentimus ad hoc nos ecclesiastica censura monitione premissa compelli, invocato etiam auxilio brachii secularis, promittentes bona fide omnia premissa et singula fideliter adimplere et inviolabiliter observare et in contrarium per nos vel per alium non venire. Damus insuper exnunc baiulo seu preposito nostro Montis Revelli et collectoribus reddituum nostrorum dicti castri et eorum cuilibet, ut vobis vel mandato vestro dictam pensionem annuatim persolvant nullo expectato precepto alio vel mandato. Nam quod vobis solverint, ratum habebimus atque firmum et in nostris computis recipi faciemus, renuntiantes per pactum expressum in premissis omni exceptioni doli et in factum et iuris et facti auxilio competenti et competituro de consuetudine vel de iure omnibusque privilegiis, inclulgentiis impetratis et impetrandis, quibus possemus quomodolibet contra premissa iuvari vel venire, et hec vobis tenore presentium intimamus et significamus, quas vobis duximus concedendas, easque fecimus sigilli nostri appensione muniri in testimonium premissorum et plenam roboris firmitatem.
Dat. apud Laureum montem, II kal. martii, anno millesimo trecentesimo decimo.
Sanctissimo patri et domino, domino Clementi divina providentia sacrosancte Romane ac universalis ecclesie summo pontifici eius devotus Arnaldus miseratione divina Burdegalen. archiepiscopus cum omni reverentia devota pedum oscula beatorum. Cum pro me et successoribus meis Burdegalen. archiepiscopis sponte et liberaliter discreto viro magistro Guillelmo Royardi archipresbytero Parducen. Petragoricen. diocesis annuam pensionem centum librarum Turonen. bonorum parvorum dederimus liberaliter et concesserimus in castro Montis Revelli Petragoricen. diocesis eidem magistro Guillelmo seu eius procuratori annuatim in festo resurrectionis Domini, cuius solutionis terminus primus incipiet anno resurrectionis Domini millesimo trecentesimo undecimo, quamdiu dictus magister Guillelmus vixerit, per me et successores meos vel mandatum meum persolvendas ac redditus et proventus dicti castri Montisrevelli omniaque bona et redditus archiepiscopatus mei obligaverimus specialiter et expresse pro solvencla pensione predicta magistro Guillelmo predicto, sanctitati vestre supplico humiliter perpresentes, quatenus donationem et concessionem pensionis predicte et obligationem predictas ex certa scientia dignemini auctoritate apostolica confirmare supplentes omnem defectum, si quis esset in eis, presertim ex eo quod donationem, concessionem et obligationem predictas feci absque consensu et consilio capituli mei Burdegalen. nec tractatu cum ipso super hoc habito et aliis iuris solennitatibus non servatis aut alias quovis modo, datis nichilominus dicto magistro Guillelmo per sanctitatem vestram executoribus, qui me et successores meos archiepiscopos Burdegalen. predictos ad solutionem dicte pensionis summarie et de plano, sine strepitu et figura iudicii ecclesiastica censura una pro omnibus monitione premissa compellant. Non obstantibus quibuscunque privilegiis impetratis et impetrandis et etiam indulgentiis, quibus michi et successoribus meis concederetur vel forsitan sit indultum, quod interdici vel excomunicari non possint, nisi de ipsis et earum propriis nominibus et privilegiis fiat mentio specialis, et constitutionibus de una vel pluribus dietis et quibuscunque aliis constitutionibus et statutis, invocato auxilio brachii secularis.
Tenorem litterarum donationis et concessionis et obligationis per me eidem magistro concessarum et sigillo meo sigillatarum in vestris confirmationis litteris inseri faciendo cum clausulis et non obstantibus oportunis.
Dat. ut supra proximo ...
Dat. Avinion., X kal. iunii, anno sexto.
In eundem modum dilectis filiis ... abbati monasterii de Petrosa Petragoricen. dioecesis et ... decano Lemovicen. ac ... archidiacono Augi Rothomagen. ecclesiarum.
6864 – Avenione, 29 maii 1311
Prioratum de Asperis ordinis s. Benedicti Vapincen. dioecesis pertinentem ad monasterium Aureliacen. eiusdem ordinis Claromonten. dioecesis, consuetum per monachos ipsius monasterii gubernari, vacantem per obitum Iordani de Boshinha prioris, confert Raymundo monacho illius monasterii Aureliacen., non obstante quod obtineat prioratum de s. Paxentio eiusdem ordinis Petragoricen. dioecesis, quem vero dein, postquam illum de Asperis fuerit assecutus, omnino dimittat. (cap. 467, f. 114b).
Dilecto filio Raymundo de
Castronovo priori prioratus de Asperis ordinis s. Benedicti Vapincen. diocesis.
Vite ac morum honestas ...
Dat. Avinion., IIII kal. iunii, anno sexto.
In eundem modum dil. filiis ... abbati monasterii de Montealbano et ... de Cusantia ac ... de Theyffordia prioribus Caturcen. et Norwicen. dioecesium.
6943 – In prioratu de
Grausello, 22 iun. 1311
Parochialem ecclesiam s. Martini Petragoricen. per mortem Heliae de Bosco clerici et familiaris sui eiusdem ecclesiae rectoris apud sedem apostolicam vacantem confert Raymundo, non obstante quod ecclesiam de Rocapina Petragoricen. dioecesis, cuius rector existit cuique cura imminet animarum, obtineat, dispensatque cum illo, ut utramque ecclesiam valeat retinere. (cap. 534, f. 133b).
Dilecto filio Raymundo de
Castellione rectori parrochialis ecclesie s. Martini Petragoricen.
Probitatis tue merita ...
Dat. in prioratu de Grausello prope Malausanam Vasionen. diocesis, X kal. iulii, anno sexto.
In eundem modum dilectis filiis ... abbati secularis Albaterren. Petragoricen. dioecesis et magistris Bernardo Royardi Santonen. ac Hugoni Geraldi Augi Rothomagen. archidiaconis ecclesiarum.
6947 – Avenione, 28 mart. 1311
Canonicatum, praebendam et archidiaconatum ecclesiae Foroiulien. per obitum magistri Francisci Andreae eiusdem ecclesiae canonici et archidiaconi, qui nuper apud sedem apostolicam diem clausit extremum, vacantes motu proprio et de mera sua liberalitate confert Guillelmo dispensatque cum eo, ut eosdem, postquam illos fuerit assecutus, una cum canonicatibus et praebendis, quos in Lemovicen. et s. Asterii ac s. Aviti senioris ecclesiis, nec non et parochiali ecclesia de Serenhac et s. Hilarii et de Lacepeda ac s. Caprasii senioris ecclesiarum decimis Petragoricen. et Agennen. dioecesium nec non et quadam praebendaria, quam in ecclesia Agennen. obtinet, valeat retinere. (cap. 538, f. 134b).
Dilecto filio magistro
Guillelmo de Balaeto canonico et archidiacono Foroiulien.
Multiplicia tue fidelitatis obsequia ...
Dat. Avinion., V kal. aprilis, anno sexto.
In eundem modum dilectis filiis ... abbati monasterii s. Severi Aduren. dioecesis et ... archidiacono Santonen. et ... cantori Agennen. ecclesiarum.
6948 – Viennae, 17 oct. 1311
Obtentu Amalvini de Varesio domicelli et familiaris sui indulget Thomae eius germano, ut insistens scolasticis disciplinis vel alibi, ubicunque eum morari contigerit, fructus decanatus, quem in Cameracen., ac canonicatuum et praebendarum, quos in ipsa Cameracen., Constantien. et Senonen., ac aliorum beneficiorum omnium, quae in quibusvis aliis ecclesiis obtinet et in posterum obtinebit, etiamsi dignitates vel personatus existant, usque ad triennium percipere valeat, nec interim ad faciendum in eis personalem residentiam teneatur. (cap. 539, f. 135a).
Dilecto filio Thome de Varesio
decano ecclesie Cameracen.
Dum ad personan tuam ...
Dat. Vienne, XVI kal. nov., anno sexto.
In eundem modum dilectis filiis ... monasterii s. Auberti Cameracen. et ... secularis Albaterren. Petragoricen. dioecesis abbatibus ac magistro Hugoni Geraldi archidiacono Augen. Rothomagen. ecclesiarum capellano nostro.
6950 – In prioratu de
Grausello, 30 iun. 1311
Cum olim frater Isarnus de Tauriaco monachus monasterii Galliacen. ordinis s. Benedicti Albien. dioecesis prioratum de Salvanhaco eiusdem dioecesis ad collationem abbatis ipsius monasterii pertinentem consuetum clericis secularibus assignari occupatum de facto teneret, quondam Bertrandus de Monteclaro clericus Caturcen. dioecesis consanguineus Reginaldi vicecomitis Bruniquelli fecit sibi illum prioratum quarundam litterarum apostolicarum auctoritate conferri, quem postmodum aliquamdiu noscitur possedisse illo monacho amoto penitus ab eodem. Sed monacho ab hac collatione ad sedem apostolicam appellante Clemens pp. V causam appellationis et negotii principalis quibusdam palatii apostolici causarum auditoribus successivis temporibus audiendam commisit et debito fine terminandam, coram quorum aitero causa pendente clericus debitum naturae persolvit, idemque monachus suae appellationi non deferens neque expectans litis eventum prioratum denuo auctoritate propria occupavit et de facto detinet occupatum. Consideratione illius vicecomitis confert eundem prioratum Bertrando Bovis, si consuevit clericis secularibus assignari, salvo in omnibus iure dicti monachi, si quod habet in ipso, non obstante quod Bertrandus ecclesiam sanctae Mariae de Montelaumundo Caturcen. dioecesis curam animarum habentem, cuius rector existit, obtineat, quam una cum prioratu valeat retinere (cap. 541. f. 135b).
Dilecto filio Bertrando Bovis
priori prioratus de Salvanhaco Albien. diocesis.
Ad illorum provisionem ...
Dat. in prioratu de Grausello prope Malausanam Vasionen. diocesis, II kal. iulii, anno sexto.
In eundem modum dilectis filiis ... s. Iohannis de Cola et ... de Castanedas Petragoricen. et Caturcen. dioecesium prioribus ac Guillelmo Calveti canonico Albien.
6971 – Avenione, 4 maii 1311
Cum Petrus de Morlax canonicus secularis ecclesiae s. Aviti Petragoricen. dioecesis canonicatum et praebendam, quos in ipsa ecclesia obtinet, licet olim tempore, quo in eadem ecclesia receptus extitit in canonicum, non esset certus canonicorum numerus, fuit tamen postmodum ibidem huiusmodi numerus institutus et auctoritate sedis apostolicae confirmatus ac statutum, ut in eadem ecclesia, quae ultra numerum ipsum tunc erat in canonicorum receptione gravata, nullus deinceps in canonicum reciperetur, donec ecclesia ad ipsum, ad quem nondum devenit, numerum deveniret et aliquis deficeret de eodem, cupiat libere resignare, recipiat ab eo apud sedem apostolicam eorundem resignationem et conferat ipsos canonicatum et praebendam alicui personae idoneae non obstantibus supradictis sive quibuscunque statutis et constitutionibus contrariis eiusdem ecclesiae. (cap. 561, f. 139b).
Dilecto filio Bertrando tit.
sanctorum Iohannis et Pauli presbytero cardinali.
Cum sicut accepimus ...
Dat. Avinion., IIII nonas maii, anno sexto.
7043 – In prioratu de
Grausello, 30 iun. 1311
Raymundo confert prioratum seu administrationem vel officium ad collationem abbatis monasterii de Clayraco ordinis s. Benedicti Agennen, dioecesis pertinentem seu pertinens, si quis vel si qua aut si quod vacat ad praesens, si vero non vacat, cum vacaverit, conferendum seu conferendam ei reservat donationi apostolicae, non obstante quod quandam decimam ad ecclesiam de Pelagaro eiusdem dioecesis pertinentem obtineat. (cap. 626, f. 154a).
Dilecto filio Raymundo
Bernardi monacho monasterii de Clayraco ordinis s. Benedicti Agennen. diocesis.
Vite ac morum honestas ...
Dat. in prioratu de Grausello prope Malausanam Vasionen. diocesis, II kal. iulii, anno sexto.
In eundem modum dilectis filiis ... priori de sancta Vite et ... decano monasterii de Ychigiaco per decanum soliti gubernari Petragoricen. dioecesis ac Raymundo de Casetis canonico Caturcen. ecclesiarum.
7088 – Avenione, 13 maii 1311
Recipiant ab Helia dicto Lespinacz Autisiodoren. et Stephano de Borreto s. Frontonis Petragoricen. ecclesiarum canonicis cupientibus invicem permutare liberam resignationem canonicatuum et praebendarum, quos in illis ecclesiis obtinent, et conferant canonicatum et praebendam s. Frontonis Heliae, canonicatum vero et praebendam Autisiodoren. ecclesiarum Stephano, non obstante quod Helias de Lopiaco, de s. Sozio, de Varco et de Gabilho prioratus ac praeposituram de Nalhaco Vasaten., Caturcen., Lemovicen. et Petragoricen. dioecesium sine cura ex dispensatione apostolica et Stephanus in Pictavien. subdiaconatum ac in ea et Parisien, et Carnoten. ecclesiis canonicatus et praebendas obtineant. (cap. 671, f. 164b).
Venerabili fratri ... episcopo
Parisien. et dilecto filio magistro Gaufrido de Plexeyo cancellario ecclesie
Turonen. notario nostro.
Cum sicut accepimus ...
Dat. Avinion., III idus maii, anno sexto.
7122 – In prioratu de
Grausello, 12 iun. 1311
Consideratione Isarni de Balenx militis dispensat cum Petro, ut praeter prioratum suum de Tairies Petragoricen. dioecesis ad monasterium de Sarlato ordinis s. Benedicti eiusdem dioecesis, cuius existit monachus, pertinentem, possit unum aliud beneficium, etiamsi curam habeat animarum, consuetum eiusdem ordinis monachis assignari recipere et insimul retinere, defectu, quem patitur in aetate, cum minor viginti quinque annis existat, ac Lateranen. et generalis conciliorum et quavis alia constitutione contraria nequaquam obstantibus; postquam vero ad aetatem ad id aptam pervenerit, faciat se ad ordines promoveri. (cap. 704, f. 172b).
Dilecto filio Petro de Valle
nato quondam Petri de Valle domicelli monacho monasterii de Sarlato priori
prioratus de Tairies ad idem monasterium pertinentis ordinis s. Benedicti Petragoricen.
diocesis.
Religionis tue zelus ...
Dat. ut supra, Avinion., II idus iunii, anno sexto.
7123 – In prioratu de
Grausello, 12 iun. 1311
Concedit Galhardo facultatem recipiendi a Guillelmo Heliae rectore ecclesiae de Presinhaco Petragoricen. dioecesis liberam etiam apud sedem apostolicam resignationem eiusdem ecclesiae eamque conferendi alicui personae idoneae. (cap. 705, f. 172b).
Venerabili fratri Guillelmo
episcopo Tholosan.
Cum dilectus filius ...
Dat. ut supra proximo (Avinion., II idus iunii, anno sexto).
7133 – In prioratu de
Grausello, 3 aug. 1311
Guillelmo indulget, ut apud sedem apostolicam moram trahens vel insistens scolasticis disciplinis in loco, ubi studium vigeat generale, fructus praebendae suae, quam in ecclesia s. Frontonis Petragoricen. obtinet, possit usque ad triennium percipere, quin interim ad residendum in eadem ecclesia teneatur. (cap. 715, f. 175a).
Dilecto filio Guillelmo de
Podio Rudelli canonico ecclesie s. Frontonis Petragoricen.
Provenit ex devotionis ...
Dat. in prioratu ut supra, III nonas augusti, anno sexto.
In eundem modum dilectis filiis ... abbati monasterii beatae Mariae de Cancellata Petragoricen. dioecesis et Forcanerio Masola ac Heliae Roberti canonicis Petragoricen.
7134 – In prioratu de
Grausello, 3 aug. 1311
Indulget Guillelmo, ut usque ad triennium monasteria, ecclesias et alia loca et personas ecclesiastica archidiaconatus sui Albaterren. in ecclesia Petragoricen. possit visitare per aliquam seu aliquas personas idoneas ac procurationes debitas in pecunia numerata recipere moderatas. (cap. 716, f. 175a).
Dilecto filio Guillelmo de
Podio Rudelli archidiacono Albaterren. in ecclesia Petragoricen.
Personam tuam tue probitatis ...
Dat. ut supra proximo (in prioratu ut supra, III nonas augusti, anno sexto).
In eundem modum dilectis filiis ... abbati monasterii sanctae Mariae de Cancellata et ... priori s. Aviti senioris Petragoricen. dioecesis ac ... cantori ecclesiae s. Frontonis Petragoricen.
7150 – Avenione, 5 mart. 1311
Confirmat factas Hugoni collationes prioratuum s. Andreae Lemovicen., de Fermi, de Bornasel et de Senhargas Ruthenen. dioecesis, qui non sunt personatus nec dignitates nec etiam cura eorum alicui imminet animarum, ipsorum tamen quilibet per priorem est solitus gubernari, prout in litteris hic insertis continetur, non obstante si iidem prioratus non consueverint per seculares clericos gubernari seu quod canonicatus et praebendas in Rothomagen., Lemovicen., Petragoricen. et s. Asterii Petragoricen, dioecesis ecclesiis et in eisdem Rothomagen. archidiaconatum Augen. et cantoriam in Petragoricen. ecclesiis et parochialem ecclesiam de Novovico ac prioratum de Ribanhaco eiusdem Petragoricen. dioecesis obtineat et in civitate seu dioecesi Lincolnien. parochialem ecclesiam expectet; ipso autem cedente vel decedente vel alio quovis modo prioratus illos dimittente ipsi ad eos, ad quos eorum dispositio pertinet, revertantur. (cap. 732, f. 178b).
Dilecto filio magistro Hugoni
Geraldi priori prioratuum s. Andree Lemovicen, et de Fermi de Barnasel et de
Senhargas Ruthenen. diocesium capellano nostro.
Familiaritatis tue placida conversano ...
In nomine Domini amen. Pontius de Alayraco prior monasterii de Benevento ordinis s. Augustini Lemovicen. diocesis distrecto (sic) viro magistro Hugoni Geraldi cantori Petragoricen. domini pape capellano salutem et siticeram in Domini caritatem. Scientia litterarum, morum honestas et alia virtutum dona, quibus vos gratiarum largitor optimus dotavit, necnon grata devotionis obsequia, que nobis et monasterio nostro utiliter et multipliciter impendistis, merito nos inducunt, ut vos favoris et gratie promtitudine prosequamur. Horum igitur consideratione necnon egregii ac potentis viri domini Arnaldi Garsie de Guto vicecomitis Leomanie et Altivillaris pro vobis nostram gratiam implorantis priorem prioratus s. Andree Lemovicen. a nostro predicto monasterio dependentis, in quo prioratu prior ordinis nostri a nobis et nostris predecessoribus pro libito voluntatis institut consuevit et destitui, ac canonicos dicti monasterii cum dicto priore in dicto prioratu manentes ad claustrum dicti monasterii revocantes vobis de ipso prioratu cum suis iuribus et pertinentiis omnibus providemus vosque per nostrum birretum investimus presentialiter de eisdam vobis tenore presentium iniungentes, ut omnium predictorum possessionem et quasi per vos aut procuratorem vestrum apprehendatis ac ipsa plenarie gaudeatis, non obstante quod vos canonicatus et prebendas in Lemovicen, et Petragoricen. ac s. Asterii Petragoricen. diocesi ecclesiis et in dicta Petragoricen. cantoriam necnon parrochialem ecclesiam de Novovico et prioratum de Ribanhaco Petragoricen. diocesis obtinere dicimini et in Lincolnien. civitate vel diocesi quandam parrochialem ecclesiam ex reservatione seu dispensatione apostolica expectare, venerabilibus viris dominis de Marchia, de Nontronio et de Benevento archidiaconis, Helie de Champanhiis et Reginaldo de Ageduno Lemovicen., Gaufrido Laporta Xanctonen., Guillermo Ademari et Ademario de Ahenco s. Aredii Lemovicen. diocesis ecclesiarum canonicis tenore presentium committentes et nichilominus rogantes eosdem, ut ipsi vel duo aut unus alter ipsorum vos vel procuratorem vestrum in dicti prioratus, iurium et pertinentiarum suarum possessionem inducant et tueantur inductum, contradictores auctoritate nostra, quatenus ipsorum cohercio ad non pertinet, per censuram ecclesiasticam compescendo. Rursus serenissimo principi domino nostro Francorum regi illustri ac prudenti et nobili viro., senescallo Pictaven. et Lemovicen. ac balhivo Lemovicen. pro dicto domino rege ac quibuslibet officialibus et servientibus tenore presentium supplicantes et eos ac ipsorum quemlibet cum instantia requirentes, ut in apprehendenda et manutenenda possessione et quasi omnium predictorum per temporale subsidium vobis assistant per remedium oportunum omnem contradictionem vel impedimentum, quod vobis vel procuraturi vestro super hiis apponi contingerent, efficaciter amovendo. Sancissimo patri ac domino nostro pape cum reverentia debita supplicantes, ut ipse huiusmodi nostram provisionem, collationem et alia predicta dignetur ex certa scientia confirmare et supplere defectum, si quis sit in eis, de apostolice plenitudine potestatis in sua confirmatione has nostras litteras inserendo. Ad quorum probationem presentes litteras fieri fecimus et sigilli nostri appensione muniri. Actum et datum Pictavis, anno a nativitate Domini millesimo trecentesimo septimo, XII die mensis augusti, indictione quinta, pontificatus sanctissimi patris et domini, domini Clementis digna Dei providentia pape quinti anno secundo, presentibus dominis Nicholao rectore ecclesie s, Porcharii Pictaven., Helia et Petro de Agia de Anchona et de Lanoalha Petragoricen. diocesis ecclesiarum rectoribus et pluribus aliis testibus ad hoc vocatis specialiter et rogatis. Et ego Bernardus Bonayvent clericus Lemovicen. diocesis publicus auctoritate imperiali notarius premissis interfui cum prefatis testibus anno, die, mense, indictione et pontificatu predictis et ad premissorum probationem premissa scripsi et publicavi hoc presens publicum instrumentum ac signo meo consueto signavi.
– Frater Egidius miseratione divina Bituricen. archiepiscopus viro provido et discreto magistro Hugoni Geraldi cantori Petragoricen. domini pape capellano salutem et sinceram in Domino caritatem. Morum honestas, vita laudabilis, scientia litterarum ac cetera virtutum merita, quibus personam vestram gratiarum largitor optimus decoravit, merito nos inducunt, ut vos favore benivolo prosequamur. Cum itaque prioratus de Senhargas Ruthenen. et prioratus de Blazaqueto Cartucen. diocesium per duos presidentes seculares soliti gubernari tanto vacasse dicuntur tempore, quod ad nos esse dicitur ipsorum et cuiuslibet eorundem iure metropolitico secundum sanctiones canonicas provisio devoluta, nos ius nostrum Bituricen. ecclesie nolentes in hac parte negligere predictis meritis exigentibus motu proprio predictos prioratus et ipsorum quemlibet cum suis iuribus et pertinentiis, si est ita, iure, modo et forma, quibus melius possumus, conferimus et providemus de ipsis religioso ac discretis viris priori de Interaquis et archipresbytero de Iumuhaco et de Anchona et sancti Cirici de Ferneto ecclesiarum rectoribus et singulis personis ecclesiasticis et ipsorum cuilibet insolidum tenore presentium iniungentes, quod in eorundem proratuum et cuiuslibet eorundem possessionem et pertinentiarum suarum vos vel procuratores vestros inducant et tueantur induetum vobisque vel dictis procuratoribus de ipsorum fructibus et exitibus atque proventibus faciant responderi contradictores per censuram ecclesiasticam cohercendo, non obstante quod cantoriam ecclesie Petragoricen. et in ea et Rothomagen. ac Lemovicen. et s. Asterii Petragoricen. diocesis ecclesiis canonicatus et prebendas et ecclesiam parrochialem de Novovico et prioratum de Ribanhaco dicte diocesis ex dispensatione apostolica obtinetis et in dicta Rothomagen. ecclesia dignitatem aut personatum et in civitate vel diocesi Lincolnien. parrochialem ecclesiam dispensativi sub reservatione apostolica expectatis, senescallos Petragoricen. et Ruthenen. et ipsorum quemlibet requirentes, ut vovis et dictis vestris executoribus super premissis assistant per subsidium oportunum. Dat. apud Corbolium, die XVIII mensis maii, anno Domini millesimo trecentesimo octavo.
– Frater Egidius miseratione divina Bituricen. archiepiscopus viro provido et discreto magistro Hugoni Geraldi archidiacono Augen. in ecclesia Rothomagen. domini pape capellano salutem et sinceram in Domino caritatem. Morum honestas etc. ut in proxima superiori usque prosequamur. Cum itaque prioratus de Fermi et de Bornasel Ruthenen. diocesis per duos presidentes etc. ut in eadem superiori usque quibus melius possumus, vobis conferimus et providemus de ipsis religioso ac discretis viris priori de Interaquis et archipresbyitero de Iumuaco, de Anchona et s. Cirici de Ferneto ecclesiarum rectoribus, magistris Geraldo de Albussaco, Petro Bonifacii et Petro de Salellis clericis et singulis personis ecclesiasticis et ipsorum cuilibet insolidum tenore presentium iniungentes, quod in eorundem etc. ut in eadem superiori usque cohercendo, non obstante quod in Rothomagen., Lemovicen., Petragoricen. et s. Asterii Petragoricen. diocesis ecclesiis canonicatus et prebendas et in dictis Rothomagen. prefatum archidiaconatum Augen. et Petragoricen. cantoriam et ecclesiam parrochialem de Novovico et prioratum de Ribanhaco dicte Petragoricen. diocesis obtinere noscimini et vobis de prioratibus de Sinhargas predicte Ruthenen. et de Blanzagueto Caturcen. diocesium provisum fuerit et vobis habet de quadam parrochiali ecclesia in Lincolnien, civitate vel diocesi ex dispensatione sedis apostolice provisum, senescallos Ruthenen. requirentes, ut vobis et dictis vestris executoribus super premissis assistant per subsidium oportunum. Dat. et sigillo nostro siirillatum Avinion., XVII die mensis iunii, anno a nativitate Domini millesimo trecentesimo decimo ...
Dat. Avinion., III nonas martii, anno sexto.
In eundem modum dilectis filiis ... Vesalmen. Vasaten. et ... de Cerlaco Petragoricen. archidiaconis ac magistro Richardo de Leycestria canonico Lichefelden. ecclesiarum.
7181 – In prioratu de
Grausello, 19 iun. 1311
Praescribitur forma coronationis Henrici regis Romanorum. (cap. 754, f. 186a).
Venerabilibus fratribus
Arnaldo Sabinen. apostolice sedis legato ac Leonardo Albanen. et Nicolao
Ostien. episcopis et dilectis filiis Francisco sancte Lucie in Silice et Luce
sancte Marie in Via lata diaconis cardinalibus nuntiis eiusdem sedis etc.
Rex regum et Dominus dominantium Dei clementissimus Filius Ihesus Christus honore multiplici reginam prefulgidam sibi in vestitu deaurato circumamictam varietate assistentem a dextris, sanctam videlicet ecclesiam sponsam suam, quam suo pretiosissimo sanguine redimitam clementer sibi inseparabili federe coniungi voluit honore primatus multiplicis ac multipharie preeminentie insignivit, sed in eo potissime ipsam honorabilem et felici ac precellenti reddidit dignitatis statu fulgentem, quod eidem tantam tribuit plenitudinem potestatis, ut personis quantumcunque conspicuis, quantacunque solennitate insignibus et preclaris in hiis possit sibique competat adesse magnifice, per que ipse clari nominis titulum et famose consequantur potentie culmen et etiam incrementum. Dominator enim celi, qui solus altissimus potestatem habet in regno hominum et, quecunque voluerit, suscitat super illud, potestatem dedit ei et honorem et regnum, potestatem inquam eternam, que non aufertur, et regnum, quod non corrumpitur, ut imperatores et reges in ipsa et per ipsam doctrina salutari intelligant et erudiantur iudices orbis terre eidem servire et obsequi in timore, qui imperat ventis et mari. Cuncta namque, que in celo sunt et in terra, sua sunt. Suum est regnum, ipse est super omnes principes, sue sunt divitie, sua gloria, qui dominatur omnibus, et in manu eius virtus et potentia, magnitudo et imperium omnium, sub quo curvantur, qui portant orbem; per eum enim reges regnant et principes et legum conditores iusta decernunt, qui habet in femore suo scriptum: Rex regum et Dominus dominantium, ad cuius preceptum elevabitur aquila et ponet in arduis nidum suum. Sane dudum post electionem carissimi in Christo filii nostri Henrici regis Romanorum illustris celebratam concorditer per regni Alamanie principes in electione Romanorum regis vocem habentes, cum imminet facienda, solennes dicti regis ambassiatores ac nuntii ad nostram presentiam accedentes et nobis eiusdem electionis presentato decreto ad eorum instantem et devotam supplicationis instantiam coram nobis et fratribus nostris iteratis vicibus et per interstitia temporum repetitam prefatum regem, quia per decreti prefati et conditionis persone ipsius non levi notitia antea nobis et fratribus nostris note examinationem coram nobis et eisdem fratribus habitam diligenter, in quantum fieri potuit, eodem absente sufficientem ipsum, ydoneum et habilem invenimus ad prefatum imperium obtinendum ac electionem ipsam canonicam extitisse, de eorundem fratrum nostrorum consilio ipsum reputavimus, nominavimus, approbavimus, denuntiavimus et declaravimus Romanorum regem iustitia exigente ac fore ydoneum, sufficientem et habilem ad dignitatem imperialis celsitudinis obtinendam, pronuntiantes insuper ac etiam decernentes sibi per nostras manus loco et tempore oportunis debere concedi unctionem et ipsius imperii diadema certum ad hoc ei terminum assignantes. Cumque postmodum rex prefatus Italie partes fuisset potenter ingressus et a Lombardie civitatibus aliisque locis insignibus, ad que declinaverat, honorifice et pacifice iam receptus, alii prefati regis ambasciatores et nuntii ad apostolice sedis presentiam accesserunt, qui cum multa nobis instantia inter cetera supplicarunt, quod, cum ipsi patenter adverterent, sicut eis iam per nos super hoc responsum extiterat, quod propter generale concilium, quod in kalendis octobris proxime venturis disposueramus dante Domino et disponimus celebrare, aliaque multa et ardua plurimumque urgentia, que necessario in citramontanis partibus expedienda nobis negotia incumbebant tunc temporis et incumbunt, predictam unctionem et imperii diadema aliaque solennia per nostras manus regi non poterant memorato concedi, terminum ipsum sub spatio temporis brevioris concludere ipsamque unctionem et imperii diadema ceteraque solennia per aliquos de fratribus supradictis in festo pentecostes tunc proxime secuturo impendi facere dignaremur. Nos vero predictis nuntiis receptis mansuetudine consueta et hiis et aliis, que coram nobis voluerunt proponere, diligenter auditis eis certo modo duximus respondendum eiusdem regis super hoc cum predictis fratribus nostris diligenti deliberatione prehabita nichilominus desideriis annuere intendentes et, quia propter temporis nimiam brevitatem in dicto festo pentecostes solennitatem unctionis et coronationis huiusmodi non posse fieri credebamus nec rex ipse in prefato festo sibi, ut eius decebat honorem, de apparatu ad hoc necessario potuisset forsitan providisse, significavimus ei per nostras litteras speciales, ut tanti arduitate negotii diligenter inspecta et considerata prudenter temporis qualitate aliquem certum et solennem diem, prout crederet convenire, post festum predictum eligere ipsumque nobis significare illius deliberatio non differret, ut infra diem ipsum aliquos de fratribus supradictis, de quibus apostolica deliberatio provideret, qui ei unctionis eiusdem munus impenderent et imponerent vice nostra prefatum diadema imperii ac alia inibi agenda solennia peragerent, mitteremus, dilectos filios magistros Robertum electum Salernitan. et Hugonem Geraldi cantorem Petragoricen. capellanos nostros ad eundem regem super hiis cum eisdem nostris litteris destinantes, per quos sibi paterne sinceritatis affectum et mentis apostolice puritatem, quos ad status ipsius et exaltationem magnificam habebamus, mandavimus clarius aperiri. Verum rex prefatus super hoc matura deliberatione prehabita festum assumptionis beate Virginis proxime venturum pro termino ad recipiendum in basilica principis apostolorum de Urbe more solito unctionem huiusmodi et ipsius imperii diadema aliaque inibi solennia peragenda recepit, prout nobis per solennes suos ambassiatores ac nuntios et speciales litteras intimavit suo regali sigillo pendenti munitas cum multa devotionis instantia supplicans per eosdem, ut ad eum aliquos mitteremus de fratribus memoratis pro impendenda unctione huiusmodi et imponendo sibi eiusdem imperii diadema aliisque solennibus peragendis; porro si desuper datum esset, ut circa tanti celebritatem negotii exhiberi posset nostra presentia corporalis, ut, ubi mente vigilanter intendimus, ibi presentialiter nostrum desiderium panderemus, ad quod etiam eiusdem regis concurrunt, ut pro certo novimus, cum promptitudine multiplicis devotionis affectus. gauderemus in Domino et plurimum satisfieret nostris votis. Verum quia ex causis predictis non possumus in hac parte affectibus satisfacere mentis nostre, predicti regis frequentibus et devotis supplicationibus inclinati et ad personas vestras apostolice mentis oculos fiducialiter dirigentes vobis, quorum nobis sunt note virtutes quasque in magnis et arduis dicta sedes diversis vicibus est experta, et de quorum operibus fructus uberes provenisse conspicimus, super hoc nostre sollicitudinis onus duximus imponendum sperantes, quod tanquam viri virtute magnifici opus huiusmodi viriliter assumetis ad divini nominis laudem et gloriam effectualiter exequendum. Quocirca discretioni vestre per apostolica scripta mandamus, quatenus vos ad dictam Urbem die assumptionis predicte personaliter conferentes ac ibidem convenientes in unum tu frater ... Ostien. episcopo missam celebres et regem inungas eundem vosque fratres Albanen., Ostien. et Sabinen. episcopi vosque Francisce et Luca diaconi cardinales vel illi vestrum, qui presentes fuerint, eisdem regi et regine mitras et diademata imperii, regi quoque sceptrum, pomum et gladium et alia solennia, prout infra patentius et distinctius vobis iniungitur, tribuatis eorumque vertices inclitos reddatis illorum insigniis cum solitis solennitatibus decoratos, in nomine ac virtute Altissimi prudenter, honorifice ac etiam diligenter, prout decet tam arduum et solenne negotium, que vobis comittimus, nostris vice et nomine exequentes in dicto festo assumptionis, si poteritis comode, vel alio certo convenienti die, quem idem rex ad hoc pro qualitate negotiorum imminentium duxerit eligendum. Quod si non omnes hiis exequendis potueritis interesse, quatuor, tres, duo aut unus ex vobis ea nichilominus exequatur. Et ne quis in agendis solennibus antedictis error quod absit intervenire valeret, modum et formam et locum agendorum et, ubi et per quas personas agenda fuerint, particulariter et distincte duximus presentibus inserenda, prout in archivo ecclesie et in pontificali ordinario continetur. Quorum forma talis est:
Cum rex in imperatorem electus pervenerit ad portam Collinam, que est iuxta castellum Crescentii, recipiatur honorifice a clero Urbis cum crucibus et turibulis et processionaliter deducatur usque ad gradus basilice sancti Petri cantantibus universis: Ecce mitto angelum meum etc. camerariis eius missilia spargentibus ante ipsum et prefecto Urbis gladium preferente. Cum autem pervenerit ante basilicam in plateam, que cortina vocatur, dextrandus est a senatoribus usque ad gradus predictos, ubi eo descendente tradendus est equus, cui rex insederat, illis. Interim summus pontifex cum omnibus ordinibus suis preparet se in secretario tanquam celebraturus divina et processionaliter exiens usque ad suggestum arce superioris, que est in capite graduum, super faldestorium ibi sedeat considentibus super gradus a parte dextra episcopis et presbyteris, a sinistra vero diaconis cardinalibus et in proximiori gradu subdiaconis et accolitis, primicerio et cantoribus astantibus circa illos cum magnatibus et nobilibus, officialibus et ministerialibus aule papalis. Tunc rex cum archiepiscopis et episcopis, principibus et magnatibus suis ascendens ad summum pontificem reverenter osculetur pedes ipsius et offerens ei aurum, quantum sibi placuerit, benigne recipiatur ab eo ad osculimi et amplexum, Quo demum surgente rex ipse a parte dextra et prior diaconorum a parte sinistra deducant eum usque in ecclesiam sancte Marie in Turribus, ubi ante altare subdiacono evangelii textum tenente rex super illum corporabter prestet huiusmodi iuramentum: Ego Henricus rex Romanorum futurus annuente Domino imperator promitto, spondeo et polliceor coram Deo et beato Petro me de cetero protectorem et defensorem fore summi pontificis et sancte Romane ecclesie in omnibus necessitatibus et utilitatibus suis custodiendo et conservando possessiones, honores et iura eius, quantum divino fultus adiutorio fuero, secundum scire ac posse meum recta et pura fide. Sic me Deus adiuvet et hec sancta etc. Forma autem iuramenti prestiti in Avinione per procuratores et nuntios predicti regis Romanorum tempore sue coronationis renovandi talis est:
Nos Sifridus Curien. episcopus, Amadeus comes Sabaudie, Iohannes dalfini Viennen. et Albonen. comes, Quido de Flandria, Iohannes comes de Saraponte et Symon de Mandila thesaurarius Meten. nuntii et procuratores serenissimi principis Henrici Romanorum regis habentes ad omnia infrascripta plenam et generalem ac liberam potestatem et speciale mandatum ab eodem, prout constat, per predictas patentes litteras ipsius vobis sanctissimo patri et domino, domino Clementi divina providente clementia pp. V vice et nomine dicti domini nostri regis et in animam ipsius promittimus et iuramus per Patrem et Filium et Spiritum sanctum et per hec sancta Dei evangelia et per hoc lignum vivifice Crucis et per has reliquias sanctorum, quod nunquam vitam aut membra neque ipsum honorem, quem habetis, sua voluntate aut suo consensu aut suo consilio aut sua exhortatione perdetis, et in Roma nullum placitum aut ordinationem faciet de omnibus, que ad vos pertinent, aut Romanos sine vestro consilio et consensu et, quicquid de terra Romane ecclesie pervenit ad ipsum aut perveniet, vobis reddet, quamcitius poterit. Et quandocunque in Lombardiam et Tusciam aliquem mittet pro terris et iuribus suis gubernandis, quotiens mittet eum, iurare faciat illum, ut adiutor vester sit ad defendendum terram sancti Petri et Romanam ecclesiam secundum suum posse, et si permittente Domino dictus dominus noster rex Romam venerit, sanctam Romanam ecclesiam et vos rectorem ipsius et successores vestros exaltabit secundum suum posse, et cum Rome vel alibi per vos in imperatorem coronandus fuerit dominus noster rex predictus, dictum sacramentum et aliud fieri consuetum ad requisitionem vestram tempore coronationis sue personaliter renovabit. Deinde summus pontifex cum ordinibus suis ad altare procedit et facta ibi oratione ad sedem ascendit rege cum suis tribus episcopis, videlicet Ostien. et Portuen. et Albanen. in ecclesia sancte Marie in Turribus remanente, ubi a canonicis sancti Petri receptus in fratrem imperialibus induatur insignibus dato ipsius pallio camerario domini pp., qui precedentibus illis canonicis et cantantibus: Petre, amas me etc. Cum ad hostium basilice principis apostolorum pervenerit, que porta argentea nuncupatur, deducentibus eum hinc inde comite Lateranen. palatii et primicerio iudicum Romanorum Albanen. episcopus ante ipsam portam argenteam hanc super eum benedictionem effundat: Deus, in cuius manu corda sunt regum etc. Cum autem intra ecclesiam in medio rote pervenerit, Portuen. episcopus hanc orationem super eum decantet: Deus inenarrabilis auctor mundi etc. Qui cum ad confessionem beati Petri pervenerit, prosternat se pronus in terram et prior diaconorum super eum faciat letaniam, qua finita prior presbyterorum dicat orationem dominicam cum capitulis istis: Salvum fac servum tuum, Domine: Mitte ei auxilium de sancto; Domine, salvum fac regem, ac deinde dicat orationem istam: Actiones nostras, quesumus, Domine etc., post hec procedant ad altare sancti Mauritii, ubi Ostien. episcopus ungat ei de oleo exorcizato brachium dextrum et inter scapulas hanc orationem dicendo: Domine Deus omnipotens, cuius est omnis potestas etc., item aliam orationem dicat: Deus Dei Filius Ihesus Christus etc. Hiis ita peractis ascendit rex ad altare beati Petri, ubi summus pontifex facta confessione recipiat eum ad osculum sicut unum ex dyaconibus, ipseque procedat ad pulpitum vel ambonem, ubi thalamus constructus de lignis et ornatus de palliis debet ei esse paratus, cum suis archiepiscopis et episcopis, principibus et magnatibus secundum capacitatem loci consistat. Primicerius autem et scola cantorum in choro ante altare decantent introitum et post Kyrie eleyson et ymnum angelicum decantatum summus pontifex dicit orationem, que competit illi diei et hanc orationem pro ipso imperatore: Deus regnorum omnium etc., item aliam orationem: Suscipe Domine preces etc., item aliam orationem: Deus, qui ad predicandum etc. Cumque lecta fuerit epistola et graduale decantatum, imperator ascendat processionaliter ad altare, ubi summus pontifex imponit ei mitram clericalem in capite ac super mitram imperatorium dyadema dicens: Accipe signum glorie etc. Deinde sceptrum et pomum aureum tradit et et post cetera gladium ita dicens: Accipe gladium ad vindictam etc. Qui coronatus incedens portet in dextra manu pomum, in sinistra sceptrum et sic ad thalamum redeat. Ipsoque ibi cum principibus suis consistente prior subdyaconorum cum subdiaconibus Romane curie et capellanis aule imperialis ad pectorale dextrum ante crucifixum argenteum laudem imperatori alta voce decantent hoc modo: Exaudi Christe. Scriniarii vero Urbis sericis capis induti ante pectorale consistentes in choro respondeant: domino Henrico invictissimo Romanorum imperatori et semper augusto salus et victoria. Qua laude tertio repetita prior subdiaconorum cum suis tribus vicibus dicat: Salvator mundi, et scriniarii vicissim respondeant: Tu illum adiuva; deinde iste cum suis duabus vicibus dicat: Sancta Maria, et illi vicissim respondeant: Tu illum adiuva; et sic deinceps: Sancte Michael, s. Gabriel, s. Raphael, s. Iohannes Baptista, s. Petre, s. Paule, s. Andrea, s. Stephane, s. Laurenti, s. Vincenti, s. Silvester, s. Leo, s. Gregori, s. Benedicte, s. Basili, s. Saba, tu., s. Agnes, s. Cecilia, s. Lucia. Quibus finitis isti bis dicant: Kyrie eleyson et illi vicissim respondeant: Christe eleyson ac deinde simul omnes: Kyrie eleyson. Post hec evangelio decantato imperator corona et manto depositis accedat ad summum pontificem et offerat ad pedes eius aurum, quantum sibi placuerit, ipsoque pontifice descendente pro perficiendis missarum misteriis ad altare imperator more subdiaconi offerat ei calicem et ampullam et stet ibi, donec pontifex ad sedem reversus comunicet sacramque comunionem de manu eius suscipiat cum osculo pacis et sic ad thalamum rediens in ambone resumat mantum pariter et coronam missaque finita pontificalem benedictionem reverenter accipiat. Et statim procedat ad locum, ubi debet summus pontifex equitare et, cum ipse pontifex equum ascenderit, teneat stapedium selle eius et arrepto freno aliquantulum ipsum adextret moxque suum equum ascendens procedat iuxta summum pontificem usque ad ecclesiam sancte Marie in Traspadina, ubi dato sibi osculo adinvicem non corde, sed corpore separentur. Si vero regina fuerit coronanda, debet super lectorium ex apposito thalamus preparari, ubi cum duabus ad minus puellis et aliquibus ex principibus imperii tam ecclesiasticis quam mundanis resideat et post coronationem imperatoris deducatur ad altare ante summum pontificem amicta regalibus indumentis, cui summus pontifex mitram imponat, ita quod cornua mitre sint a dextris et a sinistris, et super mitram imponat coronam ita dicendo: Accipe coronam imperialis excellentie etc. Coronata vero regina reducatur ad thalamum et post evangelium ducatur ad oblationem summo pontifici exhibendam stetque in gradibus iuxta absidiam versus altare s. Leonis, donec de manu summi pontificis post imperatorem sacram comunionem accipiat, et tunc ad thalamum reducta permaneat usque ad finem misse. Consuevit autem imperator larga presbyteria omnibus ordinibus exhibere, quibus ea, cum coronatur, summus pontifex elargitur, videlicet episcopis, presbyteris et diaconis cardinalibus, primicerio et cantoribus, subdiaconis basilicariis et regionariis, universitati cleri Romani, capellanis et ceteris officialibus et ministerialibus curie, prefecto Urbis, senatoribus, iudicibus, advocatis et scriniariis ac prefectis navalium. Consuevit etiam rex, quando descendit de monte Gaudii et venit ad ponticellum, prestare hoc iuramentum Romanis: Ego Henricus rex futurus imperator iuro me servaturum Romanis bonas consuetudines suas, sic me Deus adiuvet et hec sancta etc. Quia vero propter nostram absentiam nonnulla solennia ex predictis personam nostram tangentia expedit intermitti, volumus atque decerninimus, quod non obstantibus hiis, que superius describuntur, in gradibus scolarum dicte basilice principis apostolorum idem rex Romanorum solennitate et honorificentia debitis recipiatur ad osculum per vos episcopos et diaconos cardinales stantes in ordinibus vestris indutos tamen omnes pluvialibus processionaliter obviantes eidem cum subdiaconis et acolitis, primicerio et cantoribus, astantibus circa vos magnatibus et nobilibus, officialibus et ministerialibus aule nostre. Aurum vero, quod rex in eisdem gradibus apostolico consuevit offerre post genuflexionem et deosculationem pedum omissis illis, quas nulli vestrum faciat idem rex, quia soli Romano pontifici competunt et debentur, in eodem loco per eundem regem nobis humiliter offeratur ita dicentem: Si sanctissimus pater dominus noster, dominus Clemens summus pontifex esset hic presens, sibi offerrem aurum istud presentialiter, sed propter eius absentiam offero sibi vobis dominis cardinalibus eiusdem domini pape vice et nomine recipientibus aurum istud. Quo facto idem rex existens in medio vestrum vobiscum veniat ad altare sancte Marie in Turribus et, cum ibidem fuerit, publice in vestri presentia recipientium nostro et ecclesie Romane nomine prestet idem rex sacramentum suo expresso proprio nomine de verbo ad verbum, prout superius continetur. Renovet autem sacramentum per procuratores suos prestitum sue approbationis tempore coram nobis secundum tenorem supra descriptum. Et si in adventu suo in gradibus, ubi eidem obviabitis, renovationem predictam facere preeligeret, contentamur. Tu vero frater Ostien. ut premittittur missam celebres et regem predictum inungas, prout in ordinario continetur; quod si te impediri contingat, hoc tu facias Albanen.; et si ambo impediremini, hoc facias Sabinen. episcopi; letanias dicas tu Francisce, si potes, pluviali tamen indutus. Quod si te impediri contingat, tu Lucas hoc in eodem habitu exequaris. Orationem autem, quam dicere debet prior presbyterorum cardinalium, tu dicas episcope Sabinen.; quod si te impediri contingat, tu facias Albanen.; quod si ambo impediremini, tu facias Ostien. episcopi. Prestito autem in capella predicte sancte Marie de Turribus iuramento omnes remaneatis cum rege predicto preter illum, qui missarum solennia celebrabit. Tu vero Albanen. orationem, que tibi dicenda competit, dicas loco et tempore debitis. Orationem vero, quam deberet dicere Portuen. episcopus, si adesset, dicas tu Sabinen.; quod si te impediri contingat, tu suppleas Ostien. Receptio autem ad osculum inter diaconos cardinales post confessionem in altari beati Petri factam, quia soli Romano pontifici competit et concurrit, cum obsculo pectoris omittatur. Vos autem universi imponatis mitras suo modo regi suoque regine, prout in dicto ordinario de summo pontifice continetur, et diademata regi et regine predictis. Verba vero dicenda in impositione diadematum, scilicet: Accipe signum glorie, quo ad regem, item: Accipe coronam imperialis excellentie, quo ad reginam dicas tu Sabinen., licet enim ratione prioratus hoc tibi non competat, quia tamen in legatione nostram representas personam, hoc per te volumus adimpleri. Verba autem predicta dicas alte atque sonore, ita quod ab assistentibus audiantur. Omnes vero vos alii verba eadem voce submissa dicatis sic, ut nequaquam audiri possitis, sicut in consecrationibus prelatorum fieri consuevit per coassistentes principaliter consecranti. Verba autem competentia in assignatione gladii post sceptrum et pomum aureum ipsumque gladium per te Albanen. ac vos alios tradita, scilicet: Accipe gladium ad vindictam malefactorum etc., tu idem alta et sonora voce dicas et proferas Albanen. reliquis submissa voce eadem verba dicentibus, prout in verbis impositionum mitrarum et diadematum superius est expressum. Decantato autem evangelio rex coronandus offerat aurum, quod ad pedes Romani pontificis consuevit offerri, ad pedem maioris altaris, quod vos omnes nostro recipiatis nomine cardinales. Cetera vero solemnia peragantur cum omni solemnitate et honorificentia, prout in ordinario continetur. Oblatio vero calicis et ampulle per imperatorem iam coronatum decantato evangelio corona et manto depositis more subdiaconi Romano facienda pontifici et assistentia eidem facienda per imperatorem, donec Romanus pontifex ad sedem propriam revertatur, quia soli Romano pontifici competunt, omittantur. Idem tamen imperator, si voluerit, sacram comunionem recipiat de manu celebrantis osculo tamen omisso. Quibus peractis ad thalamum rediens in ambone resumat mantum pariter et coronam. Processus autem eiusdem imperatoris ad locum, ubi summus pontifex equitare deberet, et detentio stapedii selle eius et arrepto freno equi, cui Romanus pontifex insideret, adextratio officiique stratoris exhibitio, quia soli Romano pontifici competunt et presentiam ipsius exigunt corporalem, omittantur omnino. Reliqua autem solennia, prout exprimuntur in ordinario, solenniter et honorifice compleantur. Quia autem, ut ex predictis apparet, multe observantie multaque solennia multeque reverentie et honorificentie Romano pontifici competentia propter nostram absentiam omittuntur, protestamur et volumus et apostolica auctoritate decernimus nullum ex hoc iuris vel facti Romane ecclesie ac nobis nostrisque successoribus preiudicium generari, quin, cum casus regis Romanorum in imperatorem coronandi occurreret, omnia exhibeantur et fiant per coronandos Romanis pontificibus, sicut in forma, que in archivo ecclesie et pontificali ordinario continetur, superius descripta seriosius est expressum. Ad eiusdem autem ecclesie Romane, nostram et successorum nostrorum conservationem iuris atque cautelam volumus per vos ab eodem tam rege coronando quam imperatore coronato expresse hiis nostris protestationi et decreto consentiente recipi patentes litteras quadruplicatas de verbo ad verbum tenorem presentium continentes suo regali primum sigillo ac postmodum sua imperiali bulla aurea communitas, quas vos Albanen., Ostien. et Lucas, duo aut alter vestrum nobis aut camere nostre fideliter assignetis. Dat. in prioratu de Grausello prope Malausanam Vasionen. diocesis, XIII kal. iulii, anno sexto.
7184 – In prioratu de
Grausello, 24 iul. 1311
Indulget Bernardo, ut monasteria, ecclesias, personas et loca ecclesiastica suae dioecesis usque ad triennium possit per personam idoneam in sacerdotio constitutam visitare et procurationes debitas in pecunia numerata recipere moderatas (cap. 757, f. 195a).
Venerabili fratri Bernardo
episcopo Aduren.
Personam tuam tue devotionis ...
Dat. in prioratu de Grausello prope Malausanam Vasionen. diocesis, VIIII kal. augusti, anno sexto.
In eundem modum dilectis filiis ... abbati monasterii de s. Fremerio et ... cantori ecclesiae de s. Asterio Vasaten. et Petragoricen. dioecesium ac Geraldo de Baierano canonico Convenarum.
7185 – In prioratu de
Grausello, 10 iul. 1311
Raymundus quondam episcopus Petragoricen, attendens facultates monasterii beatae Mariae de Cancellata ordinis s. Augustini Petragoricen. dioecesis adeo esse tenues et exiles, ut ad convenientem communem sustentationem ac hospitalitatem servandam minime suppeterent, communi infrascriptorum mensae univit parochialem ecclesiam de Laroqueta eiusdem dioecesis, in qua ipsi ius obtinebant patronatus cuiusque reditus summam centum librarum Turonen. parvorum secundum taxationem decimae non excedunt, reservata pro perpetuo vicario de canonicis eiusdem monasterii ad praesentationem abbatis instituendo congrua portione. Quam unionem Clemens pp. V metropolitani, ordinarii, archidiaconi et archipresbyteri in omnibus iure salvo ratam habens hisce confirmat, (cap. 758. f. 195a).
Dilectis filiis ... abbati et
conventui monasterii beate Marie de Cancellata ordinis s. Augustini Petragoricen.
diocesis.
Gerentes ad vos ...
Dat. in prioratu ut supra, VI idus iulii, anno sexto.
In eundem modum dilectis filiis ... de Cella Fruini et ... de Fontinellis monasteriorum abbatibus Engolismen. et Pictavien. dioecesium ac archidiacono Sarlaten. in ecclesia Petragoricen.
Donnée : Collection Périgord, vol. 33, fol. 335 r°
7186 – Avenione, 9 mart. 1311
Contemplatione Guillelmi tit. s. Pudentianae presbyteri cardinalis confert Petro eius, dum viveret, capellano decimas de s. Romano Lugdunen. dioecesis ac reditus ad mensam archiepiscopi Lugdunen. ratione iuris patronatus, quod in ecclesia eiusdem loci de s. Romano habet, pertinentes, quos idem cardinalis obtinebat, non obstante quod Petrus parochialem ecclesiam de Lignariis Engolismen. dioecesis obtineat; ipso autem cedente vel decedente aut decimas et reditus illos quomodolibet dimittente ipsi decimae et reditus ad mensam praefatam revertantur. (cap, 759, f. 195a).
Dilecto filio Petro de Via
rectori parrochialis ecclesie de Lignariis Engolismen. diocesis.
Merita probitatis et alia dona ...
Dat. Avinion., VII idus martii, anno sexto.
In eundem modum dilectis filiis ... decano Lugdunen. et cantori Petragoricen. ac Matthaeo Remestano canonico eiusdem Lugdunen. ecclesiarum.
7204 – Avenione, 29 ian. 1311
Recipiat a Iohanne Focherii rectore parochialis ecclesiae de Lamonzia Petragoricen. dioecesis liberam etiam apud sedem apostolicam eiusdem ecclesiae resignationem et conferat eam consideratione Guillelmi de Cunhaco summi pontificis domicelli fratri eius Raymundo de Cunhaco clerico eiusdem dioecesis, non obstante quod prioratum de Cancoretz et capellaniam s. Germani eidem prioratui adnexam Caturcen. dioecesis obtineat. (cap. 777, f. 199a).
Dilecto filio Bertrando tit.
sanctorum Iohannis et Pauli presbytero cardinali camerario nostro.
Cum sicut accepimus ...
Dat. Avinion., IIII kal. februarii, anno sexto.
7240 – In prioratu de
Grausello, 20 aug. 1311
Guillelmo reservat conferendum beneficium, cui cura immineat animarum, ad collationem vel quamvis aliam dispositionem archiepiscopi Narbonnen. spectans, si quod vacat ad praesens, vel proximo vacaturum, cuius fructus centum librarum Turonen. parvorum secundum taxationem decimae valorem annuum non excedant, etiamsi minoris valoris existat, non obstante quod in ecclesia Vasaten. sub expectatione vacaturae praebendae auctoritate apostolica in canonicum sit receptus aut quod patiatur in aetate defectum, cum nondum vicesimum quintum attigerit, quamvis vicesimum aetatis suae annum exegisse noscatur. (cap. 808, f. 206a).
Dilecto filio Guillelmo de
Larama canonico Vasaten.
Laudabile testimonium quod tibi ...
Dat. in prioratu de Grausello etc., XIII kal. septembris, anno sexto.
In eundem modum dilectis filiis ... archidiacono Augen. Rothomagen. et Guillelmo Meschini Cameracen. capellano nostro ac Aymerico de Castro-lucii Lemovicen. canonicis ecclesiarum.
7245 – In prioratu de
Grausello, 24 iun. 1311
Parochialem ecclesiam de Burgonovo in Alnisio Santonen. dioecesis ad collationem seu quamvis aliam dispositionem personarum ordinis Templariorum pertinentem et ad praesens proprio rectore carentem confert Iohanni, non obstante quod prioratum secularis ecclesiae de Crana sine cura Petragoricen. dioecesis obtineat. (cap. 812, f. 206b).
Dilecto filio Iohanni de
Calviaco rectori parrochialis ecclesie de Burgo novo in Alnisio Xanctonen.
diocesis familiari nostro.
Laudabilia tue merita probitatis ...
Dat. in prioratu de Grausello etc., VIII kal. iulii anno sexto.
In eundem modum dilectis filiis ... de s. Cypriano et s. Petri de Surgeriis prioribus Petragoricen. et Santonen. dioecesium.
7253 – In prioratu de
Grausello, 13 aug. 1311
Raymundo monacho tunc abbate monasterii s. Fidis de Conchis ordinis s. Benedicti Ruthenen. dioecesis per procuratorem suum legitimum regimini eiusdem monasterii in manibus summi pontificis sponte cedente Hugo tunc abbas monasterii Brantholmen. eiusdem ordinis Petragoricen. dioecesis ad idem monasterium s, Fidis transfertur et praeficitur in abbatem. (cap. 820, f. 208a).
Dilecto filio Hugoni abbati
monasterii s. Fidis de Conchis ordinis s. Benedicti Ruthenen. diocesis.
Suscepti cura regiminis ...
Dat. in prioratu de Grausello etc., idus augusti, anno sexto.
In eundem modum dilectis filiis conventui monasterii s. Fidis de Conchis ordinis s. Benedicti Ruthenen. dioecesis.
In e. m. dil. filiis universis vasallis monasterii s. Fidis etc.
7313 – Avenione, 5 mart. 1311
Consideratione magistri Hugonis Geraldi archidiaconi Augen. in ecclesia Rothomagen. capellani sui providit Arnaldo fratri eius de prioratibus de Lopchaco et de Marsilhaco Caturcen. et Ruthenen, dioecesium, qui non sunt personatus nec dignitates, sed simplicia beneficia sine cura. Quam provisionem hisce confirmat, non obstante quod ipsorum vel alterius eorundem prioratuum provisio seu collatio fuisset ad sedem apostolicam devoluta et quod canonicatum ac praebendam in ecclesia Lemovicen. et de Paysaco Lemovicen. ac de Poncor et de s. Vincentio Petragoricen. dioecesium, quarum una dependet ab altera, parochiales ecclesias ex dispensatione apostolica et praepositatum de Murello eiusdem Lemovicen. dioecesis, qui non est personatus vel dignitas, sed simplex beneficium sine cura, obtineat; ipso autem cedente vel decedente vel alio quovis modo prioratus illos dimittente prioratus ipsi ad illos, ad quos eorum dispositio pertinet, libere revertantur (cap. 878, f. 221a).
Dilecto filio Arnaldo Geraldi
priori prioratuum de Lopchaco et de Marsilhaco Caturcen. et Ruthenen.
diocesium.
Devotionis tue sinceritas ...
Dat. Avinion., III nonas martii, anno sexto.
In eundem modum dilectis filiis ... Vesalmen. Vasaten. et ... de Cerlaco Petragoricen. archidiaconis ac magistro Richardo de Leicestria canonico Lichefelden. ecclesiarum.
7333 – Liberoni, 22 sept. 1311
Confirmat et ad cautelam de novo confert Guillelmo prioratum de Vivento Auxitan. dioecesis, quem abbatissa et conventus monasterii de Ligurio ordinis s. Benedicti Petragoricen. dioecesis ad earum collationem spectantem ei, quoad vixerit, retinendum sub certa annua pensione monasterio persolvenda contulerunt, prout in litteris hic insertis continetur, non obstante quod parochialem ecclesiam de Hontingdone Roffen. dioecesis obtineat ac beneficium cum vel sine cura in civitate vel dioecesi Appamiarum vacaturum auctoritate apostolica expectet, (cap. 897, f. 224a).
Dilecto filio Guillelmo Boni
priori prioratus de Vivento Auxitan. diocesis.
Suffragantia tibi merita...
In nomine Domini amen. Noverint universi, quod anno Domini millesimo trecentesimo nono, die martis V idus septembris, indictione septima, pontificatus sanctissimi patris et domini, domini Clementis divina providentia pp. V anno quarto, nos Imbergia Dei gratia humilis abbatissa et conventus monasterii de Ligurio ordinis s. Benedicti Petragoricen. diocesis in capitulo eiusdem monasterii ad hoc specialiter congregate et capitulum seu conventum ut moris est facientes attendentes laudabilia merita, quibus discretus vir magister Guillelmus Boni clericus Auxitan. diocesis donatus nostri monasterii et ordinis pollere dinoscitur, ac fructuosa servitia, que per se nobis et nostro monasterio atque ordini impendit hactenus, et speramus imposterum impensurum, diligentius intuentes et considerantes consuetudinem esse laudabilem nostri ordinis et a predecessoribus nostris diutius observatam benemeritis ac illis, quos utiles ordini nostro esse conspicimus, de talibus aut maioribus beneficiis providere, dignum duximus et honestati congruum arbitramur ipsum prosequi favore benivolo et gratia speciali. Volentes igitur premissorum intuitu ipsum, quatenus cum Deo possumus, honorare de consensu et assensu unanimi et concordi prioratum de Vivento Auxitan. diocesis ab antiquo ad collationem nostram spectantem, quem liberum et vacantem per resignationem domini Oliverii de sancto Asterio tunc prioris dicti prioratus libere factam illico religiose domine Maximine de sancto Asterio moniali dicti nostri monasterii rite contuleramus, licet ipsius prioratus et pertinentiarum eiusdem possessionem pacificam non fuerat assecuta, magistro Petro Faydici clerico, qui ipsum prioratum cum iuribus et pertinentiis suis a dicto domino Oliverio pro certa summa pecunie et usque ad certum tempus ipsum receperat ad firmam, prout in instrumentis inde confectis plenius continetur, ipsam et eius procuratorem impediente seu impediri per alios faciente vel ex post factum ratam habente et sibimet, ut dicitur, iure devoluto tacita veritate et suggesta falsitate per ordinarium loci ex tunc conferri et per sedem apostolicam in forma comuni confirmari procurante liberam et vacantem per revocationem diete Maximine, cum nos ipsam revocaverimus et eam ad claustrum nostrum ex causa duxerimus revocandam et per liberam resignationem eiusdem in nostris manibus rite factam, quamvis ex superhabundanti dictum prioratum de Vivento Auxitan. diocesis una cum affario de Castilione ab eodem dependente seu sibi annexo, consueto ab olim per donatos nostri ordinis et interdum per alias personas religiosas eiusdem nostri ordinis teneri et gubernari, ex certa et utili causa totum ordinem nostrum tangente eidem Guillelmo Boni tanquam benemerito nostro et monasterii ac totius ordinis nostri nomine una cum decimis, primitiis, fructibus, redditibus, proventibus, exitibus, obventionibus, agrariis, terremeritis, censibus, servitiis, feodis, homagiis, legibus, iurisdictionibus, molendinis, terris cultis et incultis, possessionibus, stagnis, pascuis, nemoribus, domibus, grangiis, debitis, melioramentis et cum omnibus aliis iuribus et pertinentiis suis universis possidendum et tenendum per eum, quoad vixerit, in personale beneficium tenore presentium conferimus et donamus ex certa scientia concorditer de gratia speciali ac ipsum per traditionem unius anuli investimus personaliter de eisdem, ita quod idem Guillelmus Boni predictorum omnium ex nunc verus et legitimus censeatur esse possessor, et prioratus et bonorum suorum possessionem, quousque idem Guillelmus Boni per se vel procuratores seu factores suos eam apprehenderit, volumus pro ipso et eius nomine iure procuratorio retinere. Cui Guillelmo Boni concedimus plenariam potestatem, ut tanquam verus dominus et possessor predictorum omnium per se ipsum vel per procuratorem possessionem, sicut et quando sibi placuerit, assequatur ac per se vel alium seu alios fructus, redditus et proventus, census, servitia, agraria et iura ac deveria, debita et actiones quaslibet, si que vel si qua nobis competerent vel competunt seu competere possunt, occasione huiusmodi contra quascunque personas ipsi magistro Guillelmo Boni concedimus ac cedimus et donamus, ipsum procuratorem in rem suam legitime constituentes et etiam ordinantes, et licet repetemus eum predicta omnia possidere vel quasi, ad pleniorem tamen dicti magistri Guillelmi Boni cautelam venerabilibus et discretis viris dominis de Pardiaco, de Suopodio et de Pardelhano archidiaconis in ecclesia Auxitan. ac domino Petro de Verduno canonico Auxitan., quibus et eorum cuilibet insolidum, quod ipsi vel alter ipsorum per se vel per alium seu alios eundem magistrum Guillelmum Boni vel procuratorem suum eius nomine inducant actualiter in possessionem omnium predictorum vel quasi et defendant inductum sibique possidenti et legitime obtinenti dictum prioratum faciant de omnibus fructibus, redditibus, proventibus, obventionibus, exitibus, deveriis, censibus et aliis iuribus universis ad ipsum prioratum spectantibus a quibuslibet piene et integre respondere ab omnibus ipsius prioratus vassallis, parrochianis, colonis, censuariis, feodatariis, terremeritis, reddituariis et subiectis, clericis et laicis quibuscunque iuxta solitum morem obdientiam, reverentiam ac fidelitatem sicut suo maiori omnimodam exhiberi. Quibus precipimus et mandamus, quod eidem Guillelmo Boni et eius procuratori ipsius nomine deinceps in quibuscunque intendant et pareant ut priori, mandantes in virtute obedientie omnibus subditis nostris et dicti prioratus, ut eidem magistro Guillelmo Boni et procuratoribus suis plene pareant in premissis et quolibet premissorum; volentes, quod idem Guillelmus teneatur onera consueta ipsi prioratui incumbentia supportare et nobis solvere quolibet anno triginta solidos Turonen. parvorum annue pensionis in festo s. Geraldi vel saltem infra octavas, quodque ipso cedente vel decedente ad nos et dictum nostrum monasterium prioratus predictus libere revertatur, fructibus et exitibus, quos ipse inde vel sui perceperint, et alias sibi debitis apud eum libere remansuris. Supplicantes humiliter et devote sanctissimo patri domino Clementi divina providentia pp. V, quatenus collationem huiusmodi dignetur ex certa scientia confirmare supplendo omnem defectum, si quis in ea ex quacunque causa habitus extiterit, de apostolice plenitudine potestatis. In quorum omnium testimonium et ad maioris roboris firmitatem nos dicti abbatissa et conventus has presentes litteras dicto magistro Guillelmo Boni damus et concedimus sigillo nostro abbatisse, quo nos et dictus conventus utimur, in pendenti sigillatas. Acta fuerunt hec in capitulo monasterii de Ligurio Petragoricen. diocesis, anno, die, indictione et pontificatu predictis, presentibus discretis viris Bernardo de Peraria presbytero, magistro Geraldo de Capeta clerico, Helia Spelrici et Geraldo eius filio, Petro Pagesii et Stephano Furnerii de Ligurio et pluribus aliis testibus ad premissa vocatis specialiter et rogatis ...
Dat. ut supra proximo.
In eundem modum venerabili fratri ... episcopo Tolosan. et dilectis filiis ... abbati monasterii de s. Severo Aduren. dioecesis ac archidiacono Suipodii in ecclesia Auxitan.
7339 – Avenione, 5 martii 1311
Annuens supplicationibus magistri Hugonis Geraldi archidiaconi Augen. in ecclesia Rothomagen. capellani sui confirmat Arnaldo eius germano provisionem de praepositatu de Murello sine cura Lemovicen. dioecesis, quem olim obtinuit Ademarus de Novavilla decanus ecclesiae Lemovicen., factam per abbatem monasterii Tusturiacen. ordinis s. Benedicti Petragoricen. dioecesis, a quo monasterio praepositatus ipse dependet, ex causa permutationis factae cum eodem Ademaro de alio beneficio, quod Arnaldus obtinebat, non obstante si forsan ipsius collatio tempore provisionis ei de illo factae foret ad sedem apostolicam devoluta aut si decanus ipse tempore permutationis ius non habuerit in eodem, seu quod Arnaldus in Lemovicen. ecclesia canonicatum et praebendam ac de Paysaco et de s. Vincentio ac de Pontor parochiales ecclesias Lemovicen. et Petragoricen. dioecesium ex dispensatione apostolica obtineat ac de prioratibus de Luphaco et de Marsiliaco Caturcen. et Ruthenen. dioecesium ei fuerit provisum, quamvis ex eis nullum adhuc commodum fuerit assecutus; ipso vero cedente vel decedente vel alio quovis modo praepositatum dimittente praepositatus ipse ad eiusdem abbatis Tusturiacen. dispositionem revertatur. (cap. 903, f. 226b).
Dilecto filio Arnaldo Geraldi
preposito prepositatus de Murello Lemovicen. diocesis.
Litterarum scientia morum gravitas ...
Dat. Avinion., III nonas martii, anno sexto.
In eundem modum dilectis filiis ... Vesalmen. Vasaten, ac ... de Cerlaco Petragoricen. archidiaconis et magistro Richardo de Leycestria canonico Lichefelden. ecclesiarum.
7340 – In prioratu de
Grausello, 16 iun. 1311
Annuens supplicationibus Raymundi episcopi Urgellen. confert Arnaldo canonicatum ecclesiae Urgellen., praebendam vero ac dignitatem vel
personatum seu officium cum vel sine cura ad collationem ipsius episcopi spectantia, si ibi vacant ad praesens vel quam primum vacaverint, conferenda ei reservat donationi apostolicae. (cap. 904, f. 226b).
Dilecto filio magistro Arnaldo
Guillelmi de Lordaco canonico Urgellen.
Apostolice sedis gratiosa benignitas ...
Dat. in prioratu de Grausello prope Malausanam Vasionen. diocesis, XVI kal. iulii, anno sexto.
In eundem modum dilectis filiis ... abbati monasterii s. Saturnini de Tavernulis Urgellen. dioecesis et Guillelmo Meschini Petragoricen. ac Hugoni de Romengosio Convenarum canonicis ecclesiarum.
7370 – In prioratu de
Grausello, 25 iul. 1311
Ad conquestionem Galhardi de Lobersano prioris prioratus de s. Cypriano ordinis s. Augustini Petragoricen. dioecesis capellani et familiaris sui, quod homines eiusdem ac de Paolhaco et de Capella de Vaynaco prioratuum suorum eiusdem et Caturcen. dioecesis et quidam alii super terris, debitis, possessionibus et rebus aliis iniuriantur eidem, mandat infrascripto, ut partibus convocatis audiat causam et appellatione remota debito fine decidat faciens, quod decreverit per censuram ecclesiasticam observari. (cap. 933, f. 233b).
Dilecto filio ... officiali
Tholosan.
Conquestus est nobis ...
Dat. in prioratu de Grausello prope Malausanam Vasionen. diocesis, VIII kal. augusti, anno sexto.
7414 – Avenione, 29 mart. 1311
Facultas recipiendi ab Arnaldo de Renhaco rectore ecclesiae de Turre Petragoricen. dioecesis resignationem eiusdem ecclesiae ac consideratione Iohannis de Burgo domicelli Burdegalen. dioecesis conferendi eam Petro Henrici clerico eiusdem Petragoricen. dioecesis. (cap. 976, f. 245b).
Dilecto filio ... abbati
monasterii de s. Severo Aduren. diocesis.
Cum sicut accepimus ...
Dat. Avinion., IIII kal. aprilis, anno sexto.
7418 – Viennae, 7 nov. 1311
Exorta inter Petrum Bermundi presbyterum et Heliam Verolii clericum Petragoricen. dioecesis super ecclesia de Thonaco eiusdem dioecesis, in qua uterque ipsorum se asserit ius habere cuiusque proventus triginta librarum Turonen. parvorum ad firmam valorem annuum non excedunt, materia quaestionis ipsisque probono pacis vitare cupientibus litigiorum anfractus ac, ne ecclesia ipsa detrimentum aliquod ulterius patiatur, omni iuri cedere intendentibus datur Aymerico facultas recipiendi ab eisdem etiam apud sedem apostolicam huiusmodi cessionem seu resignationem ac conferendi illam ecclesiam alicui personae idoneae. (cap. 980, f. 247a).
Dilecto filio Aymerico Gibrani
canonico Petragoricen.
Cum sicut ex parte ...
Dat. Vienne, VII idus novembris, anno sexto.
7435 – Avenione, 5 mart. 1311
Hugoni reservat beneficium cum cura consuetum ab olim clericis secularibus assignari spectans ad collationem vel quamvis aliam dispositionem episcopi Uticen., qui est pro tempore, cum ecclesia Uticen. pastore carere noscatur ad praesens, si quod in civitate vel dioecesi Uticen. vacat ad praesens vel quam primum vacaverit, conferendum donationi apostolicae, non obstante quod archidiaconatum Augen. in Rothomagen. ac in Petragoricen. cantoriam et in eisdem ac in Lemovicen. et s. Asterii ecclesiis canonicatus et praebendas et prioratum de Ribanhaco ac parochialem ecclesiam de Novovico Petragoricen. dioecesis ex dispensatione apostolica obtineat aut quod ei de prioratibus s. Andreae Lemovicen., de Bornasello, de Sinhargas et de Fermi Ruthenen. dioecesis tunc vacantibus fuerit provisum seu quod dudum parochialem ecclesiam, si tunc in civitate vel dioecesi Lincolnien. vacabat vel quam primum eam vacare contingeret, conferendam ei donationi apostolicae duxerit reservandam. (cap. 997, f. 252b).
Dilecto filio magistro Hugoni
Geraldi archidiacono Augen. in ecclesia Rotomagen. capellano nostro.
Apostolice sedis circumspecta prudentia ...
Dat. Avinion., III nonas martii, anno sexto.
In eundem modum dilectis filiis ... Santonen. et Vesalmen. Vasaten. archidiaconis ac Gaucelmo Iohannis canonico Caturcen. ecclesiarum.
7457 – In prioratu de
Grausello, 29 iun. 1311
Contemplatione quondam magistri Bruni de Lasparra familiaris sui reservat Arnaldo eius nepoti beneficium cum vel sine cura ad collationem vel quamvis aliam dispositionem episcopi Uticen., qui est pro tempore, pertinens, consuetum ab olim clericis secularibus assignari, si quod in civitate vel dioecesi Uticen. vacat ad praesens, vel proximo vacaturum conferendum donationi apostolicae, dummodo ipsius beneficii fructus sexaginta librarum Turonen. parvorum secundum taxationem decimae valorem annuum non excedant, (cap. 1019, f. 258b).
Dilecto filio Arnaldo de
Lasparra clerico Auxitan. diocesis.
Probitatis tue meritis ...
Dat. in prioratu de Grausello etc., III kal. iulii, anno sexto.
In eundem modum dilectis filiis ... priori de s. Cypriano Petragoricen. dioecesis et ... praecentori ac ... sacristae ecclesiae Uticen.
Anni sexti
7484 – Avenione, 16 nov. 1310
Raymundo confert motu proprio et ex mera liberalitate apostolica canonicatum ecclesiae Palentin., praebendam vero ac dignitatem seu personatum vel officium nec non praeposituram seu mensatam cum vel sine cura cum praestimoniis cedentis sive cedentium seu decedentis sive decedentium habentis vel habentium huiusmodi beneficia, si qua in ipsa ecclesia vacant ad praesens, vel proximo vacatura, sive simul sive successive vacaverint, ad cuiuscunque collationem vel aliam dispositionem coniunctim vel separatim spectantia conferenda ei reservat donationi apostolicae, non obstante quod Leicestriae in Lincolnien. et in Andegaven. archidiaconatus et in Beluacen. thesaurariam ac in eis et Burdegalen. et Suessionen. ecclesiis canonicatus et praebendas et parochialem ecclesiam de Leik Eboracen. dioecesis ex dispensatione apostolica obtineat et in ipsa ecclesia Suessionen. dignitatem seu personatum vel officium cum vel sine cura expectet sive quod nuper successivis temporibus quinque beneficia cum vel sine cura, etiamsi dignitates vel personatus seu officia aut prioratus etiam conventuales seu administrationes existerent et secularibus aut etiam regularibus perpetuo vel ad tempus sive canonicis aut monachis vel personis ecclesiarum, monasteriorum sive locorum, in quibus vel quorum ipsa forent, et non altis consueverint assignari vel ipsi ad illa assumi, s. Benedicti, Cluniacen. vel cuiuscunque alterius ordinis fuerint, ad cuiuscunque collationem vel quamvis aliam dispositionem communiter vel divisim pertinentia, si qua apud sedem apostolicam in quibuscunque civitatibus vel dioecesibus aut aliis ecclesiis, etiam metropolitanis vel aliis cathedralibus sive monasteriis vel aliis locis tunc vacabant, vel proximo vacatura, dummodo infra septa aliquorum monasteriorum non existerent, conferenda ei donationi apostolicae duxerit reservanda, aut quod patiatur in ordinibus et aetate defectum, cum in minoribus tantum ordinibus et in vicesimo tertio aetatis suae anno vel circa illum constitutus esse noscatur. (cap. 18, f. 271b).
Dilecto filio Raymundo
Guillelmi de Fargis canonico Palentin.
Dum conditiones et merita ...
Dat. Avinion., XVI kal. decembris, anno sexto.
In eundem modum dilectis filiis ... abbati monasterii de s. Severo Aduren. dioecesis et ... archidiacono Aranen. Convenarum ac ... cantori Petragoricen. ecclesiarum.
7486 – Avenione, 24 nov. 1310
Eidem Raymundo confert simili modo canonicatum ecclesiae s. Gaugerici Cameracen., praebendam vero et cetera conferenda ei reservat donationi apostolicae, non obstante quod ei de aliis beneficiis ecclesiasticis duxerit providendum aut quod patiatur in ordinibus et aetate defectum (cap. 20, f. 272b).
Dilecto filio Raymundo
Guillelmi de Fargis canonico ecclesie s. Gaugerici Cameracen.
Digne agere credimus ...
Dat. Avinion., VIII kal. decembris, anno sexto.
In eundem modum dilectis filiis ... abbati de s. Severo Aduren. dioecesis et archidiacono Aranen. Convenarum et cantori Petragoricen. ecclesiarum.
7522 – In prioratu de
Grausello, 6 iun. 1311
Subrogatur in loco Petri decani ecclesiae Cenomanen. in administratione bonorum Templi, (cap. 51, f. 285a).
Dilecto filio magistro Petro
Barrerie priori secularis ecclesie sancti Geruntii Conseranen. capellano
nostro.
Dudum dum adhuc Pictavis cum nostra curia residentiam faceremus, carissimus in Christo filius noster Philippus rex Francorum illustris in nostra et fratrum nostrorum proposuit presentia constitutus, quod ipse dissipationi et periculo, que circa Templariorum bona iam in limine apparuerant, volens occurrere manum ad ea pro ipsorum custodia, ne perirent, extendit, per hoc, sicut asserebat, aliquatenus non intendens ipsorum Templariorum ordinem possessione vel proprietate privare. Demum autem rex prefatus ab eisdem bonis ad nostre requisitionis instantiam amovens manum suam dilectis filiis nobilibus viris ducibus, comitibus, baronibus, senescallis, iudicibus, prepositis, vicariis, castellanis et aliis iustitiariis suis et quibuslibet in regno Francie temporalitatem habentibus necnon et superintendentibus negotio Templariorum et bonorum ipsorum vel loca tenentibus eorundem per suas dedit sub certa forma litteras in mandatis, quod ipsi bona mobilia et immobilia Templariorum ipsorum, que dicti regis vel suo nomine ceperant et tenebant, curatoribus et administratoribus generaliter a nobis in regno predicto et a prelatis eiusdem regni, videlicet a quolibet eorundem singulariter in sua civitate et diocesi super cura et administratione dictorum bonorum deputandis realiter et integraliter absque dilatione qualibet traderent seu facerent assignari dictosque curatores et administratores, prout ad regem pertinebat eundem, in bonis tuerentur eisdem, cum eos curatores et administratores ipsi super hoc ducerent requirendos. Et subsequenter nos dilectos filios ... Carnoten ... et ... Cenomanen. decanos et ... Rothomagen. archidiaconum ac magistros Ragnulphum Xanctonen. et Hugonem Geraldi Petragoricen. cantores ac Geraldum de Roythi canonicum Agennen. ecclesiarum et ipsorum quemlibet curatores seu administratores pro dictis procurandis, administrandis et conservandis bonis auctoritate litterarum nostrarum in regno deputantes eodem eis per litteras ipsas mandasse meminimus, ut ipsi vel quinque seu quatuor aut tres seu duo vel unus ipsorum una cum curatoribus seu administratoribus deputatis vel deputandis a prelatis eisdem vel aliquo seu aliquibus eorundem, a ducibus, comitibus, baronibus, senescallis, iudicibus, vicariis et castellanis predictis et quibuslibet aliis temporalitatem, ut predicitur, in regno habentibus memorato ac superintendentibus antedictis et aliis subditis regis eiusdem iuxta formam mandati regis ipsius sibi et curatoribus seu administratoribus sepedictis cum integritate facerent assignari et eis assignatis et habitis ipsa nomine predicti ordinis Templariorum administrarent utiliter et fideliter conservarent; volentes, quod singuli eorum, quos a dictis prelatis administratores ad predicta contingeret deputari, coram illo, a quo deputatus existeret, necnon et ... decani, archidiaconus, cantores et canonicus supradicti et eorum quilibet coram camerario nostro vel metropolitano, in cuius provincia huiusmodi officium exercerent, tanquam super hoc delegato a nobis, quibus quidem camerario et metropolitano super hoc commisimus vices nostras, iurarent ad sancta Dei evangelia, quod in predictis bene et fideliter se haberent et de ipsis, prout pertineret ad eos, cum administratoribus ab archiepiscopis et episcopis eiusdem regni deputatis coram ipsis archiepiscopis et episcopis aut deputandis a nobis vel ab eis redderent bonam et legitimam rationem. Cum igitur dilectus filius Petrus decanus Cenomanen. predicte electionis negotium de ipso in Cenomanen. ecclesia celebrate, quod apud sedem apostolicam tractari dinoscitur, personaliter, prout de iure tenetur, apud sedem prosequatur eandem et propter hoc circa huiusmodi cure et administrationis officium vacare non possit, nos de tue circumspectionis industria et fidelitate probata plenam in Domino fiduciam obtinentes et nolentes, quod pretextu absentie dicti decani Cenomanen. circa curam et administrationem dictorum bonorum aliqua negligentia committatur, te memorato decano Cenomanen. in premissis omnibus et singulis auctoritate apostolica subrogamus, volentes, ut tu, quod in predictis bene et fideliter te habebis et de ipsis, prout ad te pertinebit, cum administratoribus per dictos archiepiscopos et episcopos, ut predicitur, deputatis coram ipsis archiepiscopis et episcopis vel aliis a nobis seu ab eis ad hoc assumendis reddes bonam et legitimam rationem coram dicto camerario vel archiepiscopo, in cuius provincia predictum officium, ut premittitur, exercebis, tanquam super hoc delegato a nobis prestes corporaliter iuramentum. Nos enim camerario et archiepiscopo supradictis recipiendi a te iuramentum huiusmodi plenam concedimus tenore presentium potestatem.
Dat. in prioratu de Grausello prope Malausanam Vasionen. diocesis, VIII idus iunii, pontificatus nostri anno sexto.
7548 – In prioratu de
Grausello, 19 iun. 1311
Litterae legationis. (cap. 65, f. 287b).
Venerabili fratri Arnaldo
episcopo Sabinen. apostolice sedis legato.
Delectatur animus noster et secura tranquillitate quiescit, dum tibi ecclesie universalis onera supportanda tanquam ipsius ecclesie laudabili membro confidenter imponimus et in nobis gaudii plenitudo resultat, cum illa pro divini nominis gloria supportas viriliter in robore fortitudinis et virtutis. Propter diversa igitur et ardua negotia, que in partibus Lombardie et Tuscie imminere noscuntur, ac honorem Dei et sancte matris ecclesie conservandum et, prout Dominus dederit, augmentandum ibidem et manutenendam ecclesiasticam libertatem ac pacis et tranquillitatis spargenda semina te tanquam pacis angelum commisso tibi in eisdem Lombardie et Tuscie partibus, terris ecclesie Romane subiectis temporali dominio ubicunque positis prorsus exceptis, necnon et in marchia Tervisina, Aquilegen. et Graden. patriarchatibus, Ianuen., Pisan. et Iadren. patriarche Graden. metropolitico iure subiecta provinciis ac Sardinie et Corsice insulis et in illa parte provincie Ravennatis, que in terra imperii dinoscitur constituta, et Piacentina ac Papien. civitatibus et diocesibus plene legationis officio, ut evellas et destruas, disperdas et dissipes, hedifices et plantes in nomine Domini, prout gratie celestis infusio et tua tibi prudentia ministrabit, de fratrum nostrorum consilio destinamus tibi nichilominus faciendi et exercendi auctoritate nostra, quecunque ad Dei et apostolice sedis honorem cultumque divini nominis ampliandum ac fidelium partium earundem statum prosperum et tranquillum, observantiam ecclesastice sanctionis, integritatem ecclesiastice libertatis, relevationem pauperum, animarum salutem et tranquillitatem corporum pertinebunt, facultatem plenariam tribuentes. Preterea ad misstonem huiusmodi illa precipue ratio nos inducit, quod dudum post electionem carissimi in Christo filii nostri Henrici regis Romanorum illustris celebratam concorditer per regni Alamanie principes in electione Romanorum regum vocem habentes, cum iminet facienda, solennibus dicti regis ambasciatoribus et nuntiis ad nostram presentiam accedentibus et nobis eiusdem electionis presentato decreto ad eorum instantem et devotam supplications instantiam coram nobis et fratribus nostris iteratis vicibus et diversis temporibus reperitam prefatum regem, quia per decreti predicti et conditionis persone ipsius non levi notitia antea nobis et fratribus nostris note examinationem coram nobis et eisdem fratribus habitam diligenter, in quantum fieri potuit eodem absente, sufficientem ipsum, ydoneum et habilem invenimus ad prefatum imperium obtinendum ac electionem predictam canonicam extitisse, de ipsorum fratrum consilio ipsum reputavimus, nominavimus, approbavimus, denuutiavimus et declaravimus Romanorum regem iustitia exigente ac fore ydoneum, sufficientem et habilem ad dignitatem imperialis celsitudinis obtinendam, pronuntiantes insuper ac etiam decernentes sibi per nostras manus loco et tempore oportunis debere concedi unctionem et ipsius imperii diadema certum ad hoc ei terminum assignantes. Cumque postmodum rex prefatus Italie partes fuisset potenter ingressus et a Lombardis civitatibus aliisque locis insignibus, ad que declinaverat, honorifice et pacifice iam receptus, alii prefati regis ambasciatores et nuntii ad apostolice sedis presentiam accesserunt, qui cum multa nobis instantia inter cetera supplicarunt, quod, cum ipsi patenter adverterent, sicut eis iam per nos super hoc responsum extiterat, propter quod generale concilium, quod in kalendis octobris proximo venturi disposueramus dante Domino et disponimus celebrare, aliaque multa et ardua plurimumque urgentia, que necessario in citramontanis partibus expedienda nobis negotia incumbebant tunc temporis et incumbunt, predictam unctionem et imperii diadema aliaque solemnia per nostras manus regi non poterant memorato concedi, terminum ipsum sub spatio temporis brevioris concludere ipsamque unctionem et imperii diadema ceteraque solemnia per aliquos de fratribus supradictis in festo pentecostes tunc proxime secuturo impendi facere dignaremur. Nos vero predictis nuntiis receptis mansuetudine consueta et hiis et aliis, que coram nobis voluerunt proponere, diligenter auditis eis certo modo duximus respondendum eiusdem regis super hoc cum predictis fratribus nostris diligenti deliberatione prehabita nichilominus desideriis annuere intendentes et, quia propter temporis nimiam brevitatem in dicto festo pentecostes sollemnitatem unctionis et coronationis huiusmodi non posse fieri credebamus nec rex ipse in festo prefato sibi, ut eius decebat honorem, de apparatu ad hoc necessario potuisset forsitan providisse, significavimus ei per nostras litteras speciales, ut tanti arduitate negotii diligenter inspecta et considerata prudenter temporis qualitate aliquem certum et solemnem diem, prout crederet convenire, post festum predictum eligere ipsumque nobis significare illius deliberatio non differret, ut infra diem ipsum aliquos de fratribus supradictis, de quibus apostolica deliberatio provideret, qui ei unctionis eiusdem munus impenderent et imponerent vice nostra prefatum diadema imperii ac alia inibi agenda solemnia peragerent, mitteremus, dilectos filios magistros Robertum electum Salernitan. et Hugonem Geraldi cantorem ecclesie Petragoricen. capellanos nostros ad eundem regem super hiis cum eisdem nostris litteris destinantes, per quos sibi paterne sinceritatis affectum et mentis apostolice puritatem, quos ad status ipsius exaltationem magnificam habebamus, mandavimus clarius aperiri. Verum rex prefatus super hoc matura deliberatione prehabita festum assumptionis beate Virginis proximo venture pro termino ad recipiendum in basilica principis apostolorum de Urbe more solito unctionem huiusmodi et ipsius imperii diadema aliaque inibi solempnia peragenda recepit, prout nobis per sollempnes suos ambasciatores et nuntios et speciales litteras intimavit suo regali sigillo pendenti munitas cum multa devotionis instantia supplicans per easdem, ut ad eum aliquos de fratribus memoratis pro impendenda unctione huiusmodi et imponendo sibi eiusdem imperii diadema aliisque peragendis solemniis mitteremus. Verum quia ex causis predictis non possumus in hac parte affectibus satisfacere mentis nostre, predicti regis frequentibus et devotis supplicationibus inclinati et ad te ac venerabiles fratres Leonardum Albanen. et Nicolaum Ostien. episcopos et dilectos filios nostros Franciscum s. Lucie in Silice et Lucam sancte Marie in Via lata diaconos cardinales apostolice mentis oculos fiducialiter dirigentes te et eos ad impendendam eidem regi sacram unctionem et imponendum imperii diadema et alia insignia imperialia tradendum eidem duximus destinandos sub certis modis et tenoribus, qui in litteris commissionis nostre super hoc tibi et ipsis facte plenius et seriosius continetur. Cum itaque nos, qui regem ipsum ob precelse devotionis sinceritatem eximiam, quam ad Romanam ecclesiam matrem suam habere dinoscitur, in intimis dilectionis apostolice gerimus, desiderabiliter cupiamus, ut tua delectabili comitiva munitus gratis iocundetur successibus eiusque solium votivis eventibus fulciatur et prosperetur in omnibus, ad que divina dispositio mittit illum, fraternitatem tuam monemus, rogamus et hortamur attentius per apostolica tibi scripta mandantes, quatenus impositum tibi onus laboris huiusmodi pro divina et apostolice sedis reverentia devote suscipiens et personaliter ad partes illas accedens illud sollicite, viriliter et laudabiliter iuxta datam tibi a Deo prudentiam exequaris et alias dicto regi tue presentie gratum et delectabilem comitatum, prout dicte sedis honorem et tanti principis magnificentiam decet et officii tui requirit auctoritas, ferventer exhibeas et assistas favoribus, consiliis et directionibus oportunis et nichilominus per te ipsum et alias sollicite cum eodem ad conservationem ecclesiastice libertatis et ecclesiarum ac terrarum eiusdem Romanorum regis dominio subiectarum statum pacificum et tranquillum labores instanter et studia tue sollicitudinis, ut eiusdem fideles regis ei, in quibus tenentur, pareant ac ea, que sibi debentur, per eos promptis animis exhibeant, efficaciter interponas. Speramus enim, quod cum eodem rege ac tecum Domino faciente virtutem per hoc populorum eiusdem imperii untversitas copiosa a longis retroactis temporibus cruciatibus vastabilium guerrarum afflicta restituetur, ut pie speratur et creditur, ad quietis et pacis delectabilis ubertatem ipsumque imperium plaga dissentionis odibilis per angelos malos, ut cernitur, peccatis exigentibus immissa prohdolor in eodem subducta radicitus recipiet auctore Domino antique nobilitatis gloriam et decorem et statum resumet quietis et pulcritudinis primitive ipsisque pacis et tranquillitatis amabilis desiderata serenitas illucescat, tuque per diligentie tue ministerium studiosum illam, que pias causas gerentibus pro retributione rependitur, palmam glorie consequaris. Indefessa quoque sollicitudine studeas laborare, quod idem rex sui recognoscat humiliter, sicut pro certo speramus, beneficia Creatoris. dirigat vias suas in semitis mandatorum eius, Romanam ecclesiam matrem suam et ipsius ministros honoret nec ipsum pretereat, quam gratiosam eandem ecclesiam ante assumptionem suam ad culmen huiusmodi et in ipsa et post ipsam favorabilius adinvenerit; ideoque tam eam quam ecclesias alias, quarum ipsa mater est et magistra, studeat condignis honoribus et favoribus honorare, earum iura diligere, protegere, conservare et toto corde et animo defensare, attendens, quod ad hoc est divina providentia evocatus; pacem in terris amare studeat et sit regis pacifici imitator; firmetur iustitia thronus eius et illa ante ipsum procedat et gressus eius dirigens in viam rectam sibi ab invio precavebit et apud Regem regum retributionem debitam ex hiis merito consequatur et apud universos Christi fideles dignis in Domino preconiis attolletur.
Dat. in prioratu de Grausello prope Malausanam Vasionen. diocesis, XIII kal. iulii, anno sexto.
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVII (1887)
tome IV
Annus septimus
(Regestorum Vol. LIX)
Anni septimi
7633 – Viennae, 9 dec. 1311
Mandat infrascripto, ut post examinationem, Heliae de Buxo, clerico Petragoricensi in minoribus tantum constituto, tabellionatus officium conferat, (cap. 11, f. 3b).
Dilecto filio Arnaldo s. Marie
in Porticu diacono cardinali.
Volentes dilectum filium ...
Dat. Vienne, V idus dec., anno septimo.
7657 – Viennae, 31 dec. 1311
Raymundus clericus Amalvini de Varesio, domiceli! et familiaris pontificis, et procurator Thomae Cameracen. et Tidonis de Varesio, Belvacen. canonicorum, fratrum Amalvini, obtinet consideratione eiusdem nobilis, ut insistens obsequiis eorundem vel alterius ipsorum canonicorum, fructus, reditus et proventus canonicatus et praebendae quos in infrascripta ecclesia obtinet, percipere ad triennium possit, exceptis quotidianis distributionibus, quin ibi residere teneatur. (cap. 34, f. 8b).
Dilecto filio Raymundo Vackerii, canonico secularis ecclesie sancti Silvani de Leproso, Bituricen. diocesis.
Probitatis tue ...
Dat. Vienne, II kal. ianuarii, anno septimo.
In eundem modum dil. filiis ... archidiacono Augen. Rothomagen., et ... archipresbytero de Pilhac, ac ... cantori sancti Salvatoris Albaterren. Petragoricen. diocesium, ecclesiarum.
7697 – Viennae, 24 febr. 1312
Parochialem ecclesiam de s. Dyonisio Uticensis dioecesis, nunc vacantis, cuius proventus quadraginta librarum Turonensium parvorum valorem annuum non excedunt, per mortem rectoris vacantem, confert infrascripto, clerico Bernardi de Artigia capellani sui pro eo supplicantis; non obstante quod olim super provisione sibi facienda de beneficio cum vel sine cura, ad collationem capituli Agennen. pertinente, vacante vel vacaturo in civitate vel dioecesi Agennen. litteras pontificias sub forma pauperum clericorum beneficiandorum ad episcopum Agennensem impetraverit, nondum tamen illud beneficium assecutus. (cap. 74, f. 10a).
Dilecto filio Geraldo de
Guniganta, rectori parrochialis ecclesie de sancto Dyonisio, Uticen. diocesis.
Probitatis tue merita ...
Dat. Vienne, VI kal. martii, anno septimo.
In eundem modum dil. filiis ... priori monasterii de sancto Cipriano, per priorem soliti gubernari. Petragoricen. diocesis, et ... archidiacono Montalden. Agennen., ac ... precentori Uticen. ecclesiarum.
7698 – Viennae, 8 febr. 1312
Nihil registro solvens, obtinet Bernardus, ad triennium, facultatem visitandi archidiaconatum suum, per se vel alios et procurationes moderatas in numerata pecunia recipiendi. (cap. 75, f. 20a).
Dilecto filio magistro
Bernardo Royardi, archidiacono Xanctonen., capellano nostro.
Sincere devotionis ...
Dat. Vienne, VI idus februarii, anno septimo.
In eundem modum dil. filiis ... abbati monasterii Albaterren. et ... cantori de sancto Asterio Petragoricen., ac ... archipresbytero de Cormaregali, Xanctonen. diocesis, ecclesiarum.
7699 – Viennae, 7 febr. 1312
Possit fructus canonicatuum et praebendarum suorum, quos in Santonen. et Petragoricen. ac Brivaten. Claromonten. dioecesis ecclesiis obtinet, recipere ad quadriennium, quin ad residentiam teneatur. (cap. 76, f. 20b).
Dilecto filio magistro Bernardo Royardi, canonico Xanctonen. capellano nostro.
Personam tuam ...
Dat. Vienne, VII idus februarii, anno septimo.
In eundem modum suprascriptis proximo executoribus. (dil. filiis ... abbati monasterii Albaterren. et ... cantori de sancto Asterio Petragoricen., ac ... archipresbytero de Cormaregali, Xanctonen. diocesis, ecclesiarum).
7707 – Viennae, 1 mart. 1312
Raymundo de Castilhone s. Martini, prope Petragoras, et Petro Textoris s. Mariae de Montanhaco, prope Albam-rupem, Petragoricen. dioecesis parochialium ecclesiarum rectoribus, ad invicem hasce ecclesias permutare cupientibus, eorum votis satisfiat ab infrascripto; non obstante, quod Raymundus parochialem ecclesiam de Roccapina dictae Petragoricen. dioecesis obtineat. (cap. 84, f. 22a).
Dilecto filio ... archidiacono
Serlaten. in ecclesia Petragoricen. ac ... officiali Petragoricen.
Cum sicut accepimus ...
Dat. Vienne, kal. martii, anno septimo.
7716 – Viennae, 6 mart. 1312
Infrascripto conceditur ut possit adimplere testamentum avi sui in favorem Terrae Sanctae. (cap. 93, f. 23b).
Dilecto filio nobili viro
Iohanni primogenito dil. filii nobilis viri Arturi, ducis Britanie, vicecomiti
Lemovicen.
Oblata nobis tua petitio continebat, quod licet quondam Iohannes, dux Britanie, avus tuus certam pecunie summam per dilectos filios nobiles viros, Arturum ducem Britanie genitorem, aut Iohannem de Britania patruum tuos, in Terre Sancte subsidium expendendam in suo ultimo testamento legaverit, ac debita omnia in quibus suis creditoribus tenebatur, per executores sui testamenti prefati, mandaverit cum integritate persolvi, et de iniuriis quibusvis per eundem illatis debitant satisfactionem impendi de mobilibus bonis suis, et nichilominus quicquid de bonis superesset eisdem, in Terre converti subsidium supradicte; idem tamen Arturus sic est debilis et confractus, ipseque patruus tuus, carissimi in Christo filii nostri Eduardi, regis Anglie illustris, adeo dinoscitur negotiis, sicut est notorium, impeditus, quod assumere nequeant executionem negotii supradicti. Cum igitur tu circa negotium Terre Sancte affectione ferveas speciali, et in huiusmodi executione negotii, tanquam predicto avo tuo proximior, sis merito preferendus; nos tuis supplicationibus inclinati, te in ipsius executione negotii, nisi prefatus genitor tuus possit in dicte Terre Sancte subsidium proficisci, et si dictus Iohannes de Britania suum prebeat in hac parte consensum, auctoritate apostolica dcputamus.
Dat. Vienne, II nonas martii, anno septimo.
In eundem modum venerabili fratri ... episcopo Xanctonen. et dil. filiis ... abbati secularis sancti Asterii, Petragoricen. diocesis ac cantori Petragoricen. ecclesiarum.
7731 – Viennae, 27 ian. 1312
Canonicatus et praebenda, ac cantoria, quos Franciscus s. Luciae in Silice, diaconus cardinalis, qui nuper in Urbe diem clausit extremum (1), in ecclesia Autissiodorensi possidebat, a Clemente qui omnia beneficia per mortem cardinalium vacantia sibi reservaverat, conferuntur Guillelmo, non obstantibus beneficiis, quae habet, vel expectat.(cap. 108, f. 26b).
Dilecto filio magistro
Guillelmo Meschini, canonico et cantori ecclesie Autisiodoren. capellano
nostro.
Magne devotionis ...
Dat. Vienne, VI kal. februarii, anno septimo.
In eundem modum dil. filiis. abbati monasterii, s. Germani Autisiodorensis et ... archidiacono Xanctonen. ac Gaucelmo Iohannis canonico Caturcen.
(1)
Henricus VII scribens post consecrationem suam Iohanni Waldsanensi abbati,
Leonardi Albanensis, quem anno praeterito die sexta decembris Lucae mortuum
narrat Ptolomaeus Lucensis, et Francisci obitum nuntiabat. Cf. Baluzium loc.
cit., t. I, col. 44, et Raynaldum, an. 1312, num. 17.
7745 – Viennae, 26 apr. 1312
Dispensatio matrimonii, super quarto consanguinitatis gradu ex utroque Iatere. (cap. 121, f. 30a).
Dilecto filio nobili viro
Pontio de Raynaco domicello et dil. in Christo filie Haelydi nate dil. filii
nobilis viri Alimistagni de Balenys, domini de Gavauduno, Petragoricen. et
Agennen. diocesium.
Romani pontificis ...
Dat. Vienne. VI kal. maii, anno septimo.
7746 – Viennae, 30 nov. 1311
Consideratione Guillelmi Calsani de Rogerio domicelli familiaris sui, Agennen. dioecesis, Clemens indulget infrascripto diacono, ad triennium, ut morando cum Guillemo filio eiusdem domicelli fructus, reditus et proventus parochialis sue ecclesiae de Samathia « ad firmam libere concedere » et integre percipere; quin ad residendum, vel ad presbyteratus ordinem suscipiendum teneatur. (cap. 122, f. 30b).
Dilecto filio Petro de Rupe,
rectori parrochialis ecclesie de Samathia, Lemovicen. diocesis.
Meritis tue devotionis ...
Dat. Vienne, II kal. decembris, anno septimo.
In eundem modum dil. filiis ... Exien., et ... de Boscocano (sic), Agennen. et Petragoricen diocesium monasteriorum abbatibus, ac ... archidiacono Combralie in ecclesia Lemovicensi.
7886 – Viennae, 2 maii 1312
Epistolae executoriae eiusdem concessionis. (cap. 245, f. 51b).
Dilectis filiis ...
archidiacono et ... cantori Nicosien. ac ... thesaurario Paphen. ecclesiarum.
Ad providam Christi vicarii etc. ut supra proximo, usque eorum memoriam nostris litteris subticuimus, eiusdemque ordinis statum etc, usque et ipsi Hospitali donavimus, concessimus, univimus, incorporavimus, applicavimus et anneximus imperpetuum, de apostolice etc., usque ecclesiarum ipsarum viderent expedire. Quocirca discretioni vestre, per apostolica scripta mandamus, quatenus vos vel duo aut unus vestrum, per vos vel per alium seu alios, prefatos magistrum seu priores vel preceptores aut fratres Hospitalis eiusdem, vel ipsorum quemhbet, aut procuratorem seu procuratores eorum, nomine Hospitalis ipsius, in corporalem possessionem dictorum domus Militie Templi ceterarumque domorum, ecclesiarum, capellarum oratoriorum, civitatum, castrorum, villarum, terrarum, grangiarum et locorum, possessionum, iurisdictionum, reddituum atque iurium omnium aliorum bonorum mobilium et immobilium vel se moventium, cum omnibus membris, iuribus et pertinentiis suis, ultra et citra mare, ac in universis et quibuslibet mundi partibus consistentium, que ipse ordo et dicti magister et fratres ipsius ordinis Militie Templi, predicto tempore huiusmodi captionis eorum, per se vel quoscumque alios habebant, tenebant, et possidebant, vel ad eosdem domum et ordinem Militie Templi et dictos magistrum et fratres ipsius ordinis Militie Templi quomodolibet pertinebant, inducatis auctoritate nostra et defendatis inductos, amotis predictis occupatoribus et detentoribus, ac administratoribus et conservatoribus, in bonis ipsis auctoritate apostolica et quavis alia deputatis, et quibuslibet aliis ab eisdem, eisque faciatis de illorum fructibus, redditibus, proventibus, iuribus et obventionibus universis integre responderi; occupatores seu detentores, administratores, conservatores et alios predictos, nisi infra dictum terminum, ut premictitur, bona et redditus predicta dimiserint, illaque libere et plene restituerint ordini ipsius Hospitalis et eidem Hospitali, aut magistro seu prioribus vel preceptoribus aut fratribus Hospitalis eiusdem in partibus et provinciis, ubi bona huiusmodi fuerint, constitutis, eorumque singulis vel procuratori seu procuratoribus eorumdem, ipsius Hospitalis nomine, ut superius est premissum, ac prestantes occupatoribus, seu detentoribus, ac administratoribus et conservatoribus huiusmodi auxilium, consilium vel favorem, si singulares persone, exeomunicationis, si vero capitula, collegia seu conventus seu universitates extiterint et ipsas civitates, castra, villas et loca, que in hiis culpabilia fuerint, ac etiam civitates, castra et loca in quibus detentores et occupatores huiusmodi dominium obtinuerint temporale, si huiusmodi domini temporales in dimittendo bona predicta et restituendo illa magistro et fratribus Hospitalis eiusdem, ipsius Hospitalis nomine, obstaculum adhibebunt et infra dictum mensem ab huiusmodi premissis non duxerint, ut predicitur desistendum; tandiu interdicti per vos latis sententiis subiacere, et nichilominus omnibus bonis, que a Romana vel aliis ecclesiis quibuscumque tenent in feudum, fore privatos seu privata, per omnia loca in quibus expedire videritis denuntietis et faciatis ab aliis nuntiari, dictosque exeomunicatos artius evitari, donec super hiis congrue satisfecerint et absolutionis meruerint beneficium obtinere; non obstante, si aliquibus a predicta sit sede indultum, quod interdici, suspendi, vel excomunicari non possint per litteras apostolicas non facientes plenam et expressam ad de verbo etc.; contradictores etiam alios si qui fuerint, per censuram ecclesiasticam, appellatione postposita, compescendo. Volumus autem et apostolica auctoritate decernimus, quod a data presentium sit vobis et cuilibet vestrum in predictis omnibus et singulis potestas et iurisdictio attributa, ut ex nunc in eis et eorum quolibet, ita libere procedere valeatis, ac si eadem iurisdictio per citationem vel modum alium perpetuata legitimum extitisset, et quasi re non integra, perpetuata prefata iurisdictio censeatur, quodque unusquisque vestrum articulum per collegarum suorum aliquem inchoatum, felicis recordationis Bonifatii pape VIII, predecessoris nostri contraria constitutione cessante, prosequi libere valeat, etiam eodem collega vivente, nec impedimento aliquo prepedito, quotiens et quando fuerit oportunum.
Dat. ut supra.
In eundem modum, ut supra proximo per totum dilectis filiis ... abbati monasterii de Riomo, Claromonten. diocesis, et Engolismen. ac Pictaven. ecclesiarum decanis.
In e. m. dil. filiis ... Rothomagen. et ... Suessionen. decanis, ac. archidiacono eiusdem Suessionen. ecclesiarum.
In eundem modum dil. filiis ... sancti Saturnini Tholosan. et ... de sancto Papulo monasteriorum abbatibus, ac ... priori de Vauro, Tholosan. diocesis.
In e. m. venerabili fratri ... archiepiscopo Viennen. et dil. filiis ... archidiacono Vivarien. ac ... sacriste secularis ecclesie beati Bernardi de Romanis, Viennensis diocesis.
In e. m. ven. fratri ... episcopo Eduen. et dil. filiis ... decano Eduen. ac ... cantori Cabilonen. ecclesiarum.
In e. m., episcopo Convenarum et dil. filiis ... abbati monasterii de Regula Bolbestrie Lascurren. diocesis ac archidiacono Auxitano.
In e. m. ... Aquen. et Lectoren. episcopis ac dil. filio ... abbati monasterii s. Fremerii, Vasaten. diocesis.
In e. m. ... archiepiscopo Bituricen. et.. Lemovicen. ac ... Claromonten. episcopis.
In e. m. ... Tullen. et Lingonen. episcopis, ac dil. filio ... thesausario ecclesie Virdunensis.
In e. m. ... episcopo Agathen. et dil. filiis ... archidiacono de Veyrona Magalonen. ac ... precentori Biterren. ecclesiarum.
In e. m. ... episcopo Tricastrin. et dil. filiis ... preposito Avinionen. ac Bertrando Miloni canonico Carpentoraten. ecclesiarum.
In e. m. ... archiepiscopo Burdegalen. et dil. filiis ... abbati monasterii Sarlaten. Petragoricen. diocesis, ac. cantori ecclesie Agennensis.
In e. m. ... preposito Vapincen., et ... Valentin, ac ... Vivarien. archidiaconis ecclesiarum.
In e. m. ... decano Andegaven. et ... maioris, ac ... s. Martini Turonensis ecclesiarum cantoribus.
In e. m. ... Gratianopolitan. et ... Gebennen. episcopis, ac dil. filio ... decano ecclesie Tarentasiensis.
In e. m. ... episcopo Anitien. et dil. filiis ... monasterii de Doa et secularis ecclesie s. Evodii Anitien. diocesis abbatibus.
In e. m. ... episcopo Nivernen. et dil. filiis ... abbati monasterii s. Germani de Pratis, iuxta Parisius et. ... decano ecclesie Carnotensis.
In e. m. ... episcopo Massilien. et dil. filiis ... decano Vapincen. ac Augerio de Pontesorgie canonico Aquen. ecclesiarum.
In eundem modum ... archiepiscopo Lugdunen. et ... episcopo Matisconen. ac dil. filio ... decano ecclesie Lugdunensis.
In e. m. ... Vapincen. et ... Dien. decanis ac ... archidiacono Ebredunen. ecclesiarum.
In e. m. ... archiepiscopo Cantuarien. et ... episcopo, ac dil. filio ... archidiacono Londoniensi.
In e. m. ... archiepiscopo Casellen. et dil. filiis ... Armachan. et ... Dublinen. archidiaconis ecclesiarum.
In e. m. ... archiepiscopo Eboracen. et dil. filiis ... priori Dunelmen. ac ... decano Eboracen. ecclesiarum.
In e. m. ... Lincolnien. et ... Vigornien. episcopis ac dil. filio ... decano ecclesie Lichefeldensis.
In e. m. ... patriarche Constantinopolitano et ... archiepiscopo Patracen. ac ... episcopo Olenen.
In e. m. ... episcopo Pampilonen. et dil. filiis ... priori Roscidevallis ac ... decano ecclesie de Tudella, Pampilonen. diocesis.
In e. m. ... patriarche Antiocheno et ... archiepiscopo Mediolanen. ac ... episcopo Novariensi.
In e. m. ... archiepiscopo Bisuntino et dil. filiis ... decano et ... archidiacono ecclesie Bisuntine.
In e. m. ... preposito Vivarien. ac ... eiusdem et Valentin, archidiaconis ecclesiarum.
In e. m. ... Cusentino et ... Consan. archiepiscopis, ac ... episcopo Marturanensi.
In e. m. ... Anagnino ... Marsicano et ... Ortano episcopis.
In e. m. ... magistris Neapoleoni de filiis Ursi de Maiorica, Legionen. notario et Hugoni Geraldi Augen. Rothomagen. ecclesiarum archidiaconis capellano nostris ac Oddoni de Sermineto canonico Xanctonen. camere nostre clerico.
In e. m.. archiepiscopo Sypontino et Termulan. ac Civitaten. episcopis.
In e. m. ... Neapolitan. et ... Capuan. archiepiscopis ac ... episcopo Calven.
In e. m. ... Meten. et ... Tullen. episcopis ac dil. filio ... decano ecclesie Treverensis.
In e. m. ... episcopo Tudertin. et dil. filiis ... abbati monasterii s. Petri Perusini ac ... preposito ecclesie sancte Mustiole Clusin.
In e. m. ... archiepiscopo Montisregalis et Syracusan. ac ... Mazarien. episcopis.
In eundem modum ... abbati monasterii sancti Pauli de Urbe et magistro Pandulfo de Sabello preposito de Chableis, in ecclesia s. Martini Turonesis, notario, ac Bertuldo de filiis Ursi, canonico basilice principis apostolorum de Urbe.
In e. m. ... Patavien. et ... Ratisponen. episcopis ac dil. filio ... decano ecclesie Salzeburgen.
In e. m. ... archiepiscopo Ianuen. et ... episcopo Asten. ac dil. filio ... abbati monasterii s. Syri Ianuensis.
In e. m. ... Armachano et ... Dublinen. ac ... Tuamen. archiepiscopis.
In e. m. ... archiepiscopo Bremen. et Lubicen. ac ... Raskeburgen. episcopis.
In e. m. ... Strigonien. et ... Colocen. archiepiscopis ac ... episcopo Quinqueecclesien.
In e. m. ... patriarche Aquilegen. et ... episcopo Tridentino ac dil. filio ... thesaurario ecclesie Aquilegen.
In e. m. ... archiepiscopo Messanen, et Chefaluden. ac Pacten. episcopis.
In e. m. ... Argentinen. et Alberstaden. ac Erbipolen. episcopis.
In e. m. ... archiepiscopo Magdeburgen. et ... Brandeburgen. ac ... Messeburgen. episcopis.
In e. m. ... archiepiscopo Tranen. et Melfien. ac Monopolitan. episcopis.
In e. m. ... Urbevetan. et Balneoregien. episcopis ac dil. filio ... archipresbytero ecclesie Viterbiensis.
In e. m. ... Baren. et Brundusino archiepiscopis ac Cannen. episcopo.
In e. m. ... Firmano et ... Fanen. ac ... Camerinen. episcopis.
In e. m. ... archiepiscopo Pisano et ... episcopo Florentino ac dil. filio ... archipresbytero plebis de Castello, Lunen. diocesis.
In e. m. ... Parmen. et ... Mutinen. episcopis ac dil. filio ... archipresbytero ecclesie de Carpo, Mutinen. diocesis.
In e. m. ... archiepiscopo Regin. ac ... Militen et Neucastren. episcopis.
In e. m. ... Theatin. et ... Valven. ac ... Pennen. et ... Adrien. episcopis.
In e. m. ... episcopo Mimaten. et dil. filiis ... abbati monasterii Vabren. Ruthenen. diocesis ac magistro Arnaldo de Villari canonico Caturcensi.
In eundem modum ... archiepiscopo Maguntin. et ... Pragen. ac ... Moravien. episcopis.
In e. m. ... archiepiscopo Amalfitan. et ... episcopo sancte Agathe ac dil. filio archidiacono Salernitano.
In e. m. ... episcopo Morinen. et dil. filiis ... decano de Perona Noviomen. diocesis ac ... thesaurario Remen. ecclesiarum.
In e. m. ... archidiacono et ... cantori Nicosien. ac ... thesaurario Paphen. ecclesiarum.
In e. m. ... archiepiscopo Gneznen. et Caminen. ac ... Posnanien. episcopis.
In e. m. ... episcopo Engolismen. et dil. filiis ... Xanctonen. et Pictaven. ecclesiarum decanis.
In e. m. ... Bononien. et ... Faventin. episcopis ac dil. filio ... abbati monasterii de Nonantula, Mutinen. diocesis.
In e. m. ... sancti Andree et ... Alberdonen. ac Brechinen. episcopis.
In e. m. ... episcopo Famagustano et dil. filiis Berengario de Alvernia Biterren. ac Iacobo Novelli Barchinonen. canonicis ecclesiarum.
In e. m. ... episcopo Veronen. et dil. filiis ... abbati monasterii s. Zenonis ac Iohanni de Lafontana canonico ecclesie Veronensis.
In e. m. ... archiepiscopo Lunden. ac Roskilden, et ... Revalien. episcopis.
In e. m. ... Iadren. et ... Spalaten. archiepiscopis ac ... episcopo Signen.
In e. m. ... archiepiscopo Nidrosien. et ... Bergen, ac Hasloen. episcopis.
In e. m. ... archiepiscopo Upsallen. ac ... Scaren. et Lincopen. episcopis.
In e. m. ... archiepiscopo Colonien. et ... Leodien. et ... Traiecten. episcopis.
In e. m. ... venerabili fratri ... archiepiscopo Aquen. et dil. filiis ... decano Vapincen. ac Bertrando Miloni, canonico Carpentoraten. ecclesiarum.
7930 – In prioratu de
Grausello, 27 maii 1312
Licentia ad triennium visitandi archidiaconatum per alium. (cap. 286, f. 58a).
Dilecto filio Bertrando de
Rupeforti, archidiacono de Cusseto in ecclesia Claramontensi.
Tua et tuorum ...
Dat. in prioratu de Grausello prope Malausanam, Vasionen. diocesis, VI kal. iunii, anno septimo.
In eundem modum dil. filiis ... de s. Elerio et ... de s. Oentio, Claromonten. diocesis, monasteriorum abbatibus, et magistro Hugoni Geraldi cantori ecclesie Petragoricensis.
8025 – In prioratu de
Grausello, 6 iun. 1312
Insistens scolasticis disciplinis, valet ad triennium, percipere fructus praebendae suae Carnotensis, quin resideat. (cap. 358, f. 73b)
Dilecto filio Arnaldo Othonis,
canonico Carnotensi.
Laudabilia merita ...
Dat. ut supra (in prioratu de Grausello, etc. VIII idus iunii, anno septimo).
In eundem modum dil. filiis ... priori de s. Cipriano, Petragoricen. diocesis, et Aurelianen,, ac Carnoten. decanis ecclesiarum.
8033 – In prioratu de
Grausello, 23 maii 1312
Motu proprio, decanatum ecclesiae de s. Aredio vacantem per mortem magistri Geraldi de Lobestour apud sedem apostolicam, loco originis Hugonis propinquum, eidem Clemens contulerat; verum bonae memoriae Petrus Praenestinus episcopus, ante collationem et provisionem huiusmodi, prioratus, praeposituras, personatus, dignitates et quaecumque alia beneficia ecclesiastica, cum vel sine cura, ad quorumcumque dispositionem spectantia in civitate, dioecesi, vel provincia Bituricen., Caturcen. et Ruthenen. civitatibus et dioecesibus dumtaxat exceptis, tunc vacantia vel quam primum, etiam apud sedem apostolicam vacatura, quae infra spatium unius mensis post vacationis cognitionem, acceptaret, dummodo omnium fructus mille librarum bonorum Turonensium parvorum annuum valorem non excederent, sibi cum vacarent conferenda et quoad viveret, ad usus proprios retinenda, per litteras Clementis, donatione apostolicae obtinuerat reservari, ipsumque decanatum ab executoribus auctoritate litterarum apostolicarum datis, sibi collatum quiete retinuerat. Hugo autem collationem decanatus prosequi non curans, nullum assecutus fuerat commodum. Nunc Clemens, episcopo Praenestino novissime mortuo (1), decanatum Hugoni confert, praemissis collatione et provisione ipsi factis in suo robore duraturis; non obstante, quod in litteris praedictis collationis beneficiorum Petro episcopo concessis ordinabatur, quod ipso apud sedem apostolicam vel alibi cedente vel decedente, talia beneficia, in statum pristinum reverterentur; non obstante, quod praesens non fuerit ad praestandum iuramentum de observandis statutis ecclesiae de s. Aredio et ecclesiae s. Martini Turonensis a qua ecclesia dependere praetenditur, dummodo absens per procuratorem et praesens, per se, illud praestet; sive quod in Pictaven. praeposituram, in Rothomagen. archidiaconatum Augen., et in Petragoricen. cantoriam et in eis ac Lemovicen. et s. Asterii ecclesiis canonicatus et praebendas et de Novovico et de Quadring. parochiales ecclesias, Petragoricen. et Lincolnien. dioecesium et s. Andreae Lemovicen. et de Ribanhaco Petragoricen. dioecesis, prioratus ex apostolica dispensatione obtineat, et de prioratibus de Sinhargas, de Fermi et de Bornasello Ruthenen. et de Perpesato Lemovicen. dioecesium, sibi provisum fuerit, quos nondum adeptus est; sive quod beneficium cum cura ad collationem episcopi Uticensis, qui est pro tempore, auctoritate litterarum pontificis expectet. (cap. 365, f. 75b),
Dil. filio magistro Hugoni
Geraldi (2) decano ecclesie de s. Aredio, Lemovicen. diocesis.
Matris ecclesie ...
Dat. in prioratu etc., X kal. iunii, anno septimo.
In eundem modum dil. filiis ... abbati monasterii Tutellen. Lemovicen. diocesis, et ... Xanctonen. ac Vesalmen ... Vasaten. archidiaconis ecclesiarum.
(1)
Ughellus eum Avenione mortuum die 14 maii asserit.
(2)
Anno proxime venturo Cadurcensis episcopus, et sub Iohanne XXII, conspirationis
accusatus, dignitate episcopali exauctoratus et igne combustus.
8034 – In prioratu de
Grausello, 9 iun. 1312
Monasterium de Bonavalle, Cisterciensis ordinis, Ruthenen. dioecesis, in quo Henrici patris sui, et aliorum progenitorum suorum corpora sunt sepulta, ingredi valeat, una cum domicellabus, militibus et armigeris suis, ibidem audire divina officia et etiam pernoctare, sine expensis monasterii (cap. 366, f. 76a).
Dil. in Christo filie, nobili
mulieri, Isabelli, uxori dit. filii nobilis viri Gaufridi de Ponte,
Petragoricen. diocesis.
Tue devotionis ...
Dat. in prioratu de Grausello, prope Malausanam, Vasionen. diocesis, V idus iunii. anno septimo.
8038 – In prioratu de
Grausello, 10 iun. 1312
Helia sanctae Crucis et Petro sancti Pomponii, Petragoricen. dioecesis, ecclesiarum perpetuis capellanis, capellanias suas in manibus Clementis resignare cupientibus, Arnaldus talem, etiam apud sedem apostolicam, accipiat resignationem, et capellanias personis idoneis conferat, (cap. 370, f. 77a).
Dilecto filio Arnaldo, abbati
monasterii Tutellen. Lemovicen. diocesis.
Cum sicut accepimus ...
Dat. in prioratu etc., IIII idus iunii, anno septimo.
8047 – In prioratu de
Grausello, 19 iun. 1312
Parochialem ecclesiam de Bessa, Petragoricen. dioecesis, per obitum magistri Heliae de s. Amantio, clerici et familiaris sui, consideratione Guillelmi de Cunhaco domicelli et familiaris sui, Raymundo, Guillelmi fratri confert Clemens; non obstante, quod prioratum de Contoretz ac capellaniam s. Germani eidem annexant, Caturcen. dioecesis, obtineat (cap. 378, f. 78a).
Dilecto filio Raymundo de
Cunhaco, rectori parrochialis ecclesie de Bessa, Petragoricen. diocesis.
Suffragantia tibi merita ...
Dat. in prioratu etc., XIII kal. iulii, anno septimo.
In eundem modum dil. filiis abbati monasterii de Cardunio et magistro Hugoni Geraldi, decano de s. Aredio, capellano nostro, ac archipresbytero Albucien. ecclesiarum, Lemovicen. et Petragoricen. diocesium.
8053 – Viennae, 9 maii 1312
Monasterio Brantolmensi, ordinis s. Benedicti, Petragoricen. dioecesis, apud apostolicam sedem vacante, quia Hugonem huius monasterii abbatem, monasterio Conchensi, dicti ordinis, Ruthenen. dioecesis, tunc vacanti, Clemens praefecerat in abbatem; ecclesiarum enim vel monasteriorum apud sedem apostolicam vacantium provisiones dispositioni suae toto pontificatus sui tempore reservaverat: nunc Petrum (1) monasterii Tutellensis, eiusdem ordinis, Lemovicen. dioecesis monachum et subdiaconum, virum generis et morum nobilitate dotatum, disciplinis regularibus eruditum, in spiritualibus providum et temporalibus circumspectum, Brantolmensem constituit abbatem (cap. 384, f. 80a).
Dilecto filio Petro, abbati
monasterii Brantolmen. ordinis s. Benedicti, Petragoricen. diocesis.
Suscepti cura regiminis ...
Dat. Vienne, VII idus maii, anno septimo.
In eundem modum dil. filiis conventui monanasterii Brantolmen., ordinis s. Benedicti, Petragoricen. diocesis.
In e. m. dil. filiis universis vassallis monasterii Brantolmensis.
In e. m. carissimo in Christo filio Philippo, regi Francorum illustri.
(1)
Annus provisionis Galliae christ, ignotus, t. II, col. 1492.
Donnée : Collection Périgord, vol. 33, fol. 221 r°
8072 – In prioratu de Grausello,
10 iun. 1312
« Sedes Apostolica domina ecclesiarum omnium et magistra ecclesias alias velud adolescentulas suas honorum adornat insigniis, pro meritis singularum; » ideo Clemens extendit ad successores abbatis Tutellensis duplicem gratiam, videlicet quod monachis monasterii ascribi volentibus militiae clericali tonsuram et minores ordines conferre, primo, et postmodum, quod anulo, mitra et aliis insigniis pontificalibus in missarum solemniis et aliis divinis officiis uti ac benedictionem super populum elargiri, legatis apostolicae sedis, archiepiscopis et episcopis absentibus, in monasterio et ecclesiis suis posset; eidem abbati iam pridem factam. (cap. 400, f. 83a).
Dilecto filio Arnaldo (1)
abbati monasterii Tutellensis, ordinis sancii Benedicti, Lemovicen. diocesis.
Ut pulcra et decora ...
Dat. in prioratu de Grausello etc., IIII idus iunii, anno septimo.
(1)
Arnaldus de s. Asterio nobilis Petragoricensis, missus cum Onuphrio de Trebis
nuncius in negotio Ferrariensi; ultimus abbas et primus episcopus Tutellensis.
8078 – In prioratu de
Grausello, 13 iun. 1312
Per suas patentes litteras datas Malausanae, Vasionensis dioecesis, VIII kal. iunii anni 1312, Galhardus episcopus Tolosanus, attendens grata servitia, quae Garsias de Preyssaco cubicularius, seu cambrerius Clementis, sibi et ecclesiae suae impenderat, potissime promovendo expeditionem negotii, quod ipse Galhardus habuerat cum Appamiarum episcopo, super restitutione partis decisae ab episcopatu Tolosano, translatae indebite in episcopatum antedictum; eidem Garsiae, ob labores et expensarum multa onera contulerat ad vitam, omnes decimas spectantes ad mensam episcopalem in quibuscumque bonis et rebus consisterent, in parochia s. Salvii eiusdem dioecesis ac annexarum et dependentium ab eadem, cum omnibus iuribus et pertinentiis suis, discretis viris Petro Filioli, baiulo suo de Insula, ac Bernardo de Chalmis rectore s. Salvi, executoribus deputatis; Clemens hanc confirmat cessionem. (cap. 406, f. 84a).
Dilecto filio Garsie de
Preyssaco, domicello et familiari nostro, Agennen, diocesis.
Personam tuam ...
Dat. in prioratu de Grausello etc., idus iunii, anno septimo.
In eundem modum ven. fratri ... episcopo Agennen. et dil. filiis ... priori de s. Cipriano, Petragoricen. diocesis, ac archidiacono Montalden. in ecclesia Agennensi.
8091 – In prioratu de
Grausello, 2 iul. 1312
Personae idoneae conferat ecclesiam de Boscosicco Petragoricen. dioecesis, curam animarum habentem, cuius proventus viginti librarum Turonensium parvorum valorem annuum, iuxta taxationem antiquae decimae non excedunt, quam Arnaldus Maurini resignare intendit, (cap. 419, f. 86b).
Dilecto filio Arnaldo, abbati
monasterii Tutellen., Lemovicen. diocesis.
Cum sicut accepimus ...
Dat. in prioratu etc., VI nonas iulii, anno septimo.
8112 – In prioratu de
Grausello, 1 iul. 1312
Consideratione Bertrandi de Faya domicelli et familiaris sui, Hugoni illius fratri multiplicibus virtutum donis ornato, non obstante quod sit monachus monasterii Silvaemaioris, ordinis s. Benedicti, Burdegalensis dioecesis, Clemens confert et de illo etiam providet, prioratum s. Remigii, pertinentem ad monasterium s. Remigii Remensis, ordinis s. Benedicti, Avenionensis dioecesis, provisioni apostolicae reservatum, ob mortem fratris Garini prioris, nuper apud sanctam sedem vita functi. (cap. 440, f. 91b).
Dilecto filio fratri Hugoni de
Faya, monacho Silvemaioris, ac priori prioratus sancti Remigii pertinentis ad
monasterium sancti Remigii Remensis, ordinis sancti Benedicti, Burdegalen. et
Avinionen, diocesium.
Religionis zelus ...
Dat. in prioratu de Grausello etc., kal. iulii, anno septimo.
In eundem modum dil. filiis ... priori de sancto Cipriano Petragoricen. diocesis et magistro Guillelmo de Prato Eboracen. ac Berengario Maynardi Narbonen. canonicis ecclesiarum.
8137 – In prioratu de
Grausello, 9 iul. 1312
Pari prorsus modo, quondam magistro Rufato de Tribusaquis canonico Agennensi substituitur Guillelmus de Balaeto, non obstante quod in Foroiulien. archidiaconatum et in ea ac Lemovicen. s. Asterii et s. Aviti senioris ecclesiis canonicatus et praebendas ac parochialem ecclesiam de Servihaco cum annexis eidem et certas partes decimarum ecclesiarum de Stilhaco, s. Hilarii et s. Petri de Lasepeda et quasdam terras et vineas s. Caprasii de Malholis, Petragoricen. et Agennen. dioecesium et quamdam praebendariam in eadem ecclesia Agennen. ex dispensatione apostolica obtineat. (cap. 464, f. 96b).
Dil. filio magistro Guillelmo
de Balaetor canonico Agennensi, capellano nostro.
Matris ecclesie ...
Dat. ut supra (in prioratu de Grausello, etc., VII idus iulii, anno septimo).
In eundem modum ut supra proximo dil. filiis ... abbati monasterii s. Amandi de Camera, Petragoricen: diocesis, et magistro Guillelmo Ravelli preposito Albien. ac Iacobo de Via, archidiacono Mimaten. ecclesiarum.
8140 – In prioratu de
Grausello, 15 iul. 1312
Cum Bonabius Loborne archipresbyter archipresbyteratus de s. Medardo, cui cura imminet animarum, Petragoricen. dioecesis, archipresbyteratum cum parochiali ecclesia eiusdem loci eidem annexa archipresbyteratui, quorum fructus, reditus et proventus annui quadraginta libras Turonensium parvorum summam non excedunt resignare intendat, recipiat Hugo per se vel alios, etiam apud sedem apostolicam, resignationem archipresbyteratus et ecclesiae a Bonabio vel eius procuratore, eosque personae conferat idoneae. (cap. 467, f. 97b).
Dilecto filio magistro Hugoni
Geraldi, decano ecclesie s. Aredii, Lemovicen. diocesis, capellano nostro.
Cum dilectus filius ...
Dat. in prioratu de Grausello etc, idus iulii, anno septimo.
8165 – In prioratu de
Grausello, 12 iul. 1312
Ratificatur privilegium a Bonifacio VIII conventui Cluniacensi concessum. (cap, 491, f. 102a).
Dilectis filiis abbati et
conventui monasterii Cluniacensis ad Romanam ecclesiam nullo medio pertinentis,
Matisconen. diocesis.
Licet monasteria singula que celestis agricole mira benignitas in orto plantavit ecclesie sinceris affectibus prosequamur, tamen monasterium vestrum Cluniacense eo amabilius gerimus in visceribus caritatis, quo persone illius per opera Deo placita (1) et accepta, uberius nostram et apostolice sedis gratiam promerentur. Ex tenore siquidem vestre petitionis accepimus quod felicis recordationis Bonifatius papa VIII, predecessor noster, ante sue promotionis honorem ad statum apostolice dignitatis, ad prefatum monasterium vestrum, cum ipsum per partes illas transitum facere contigisset, causa devotionis accedens (2), oculata fide perpendit et patentibus cognovit indiciis, quod vos, filii conventus, multas sustinebatis penurias et indigentiarum onera gravia et defectus, et demum eo ad culmen eiusdem dignitatis assumpto et hiis et certis aliis causis et rationibus motus, intendens vos ab huiusmodi penuriis et indigentiis relevare et eosdem supplere defectus, tam propter hoc, quam pro exhoneratione abbatum eiusdem monasterii, qui essent pro tempore, statuit et etiam ordinavit perpetuis temporibus observandum, ut quatuor milia librarum Turonensium parvorum de fructibus, redditibus et proventibus aliquorum prioratuum eidem monasterio subiectorum, annis percipienda singulis, deputarentur omnino, que per discretos aliquos et fideles ipsius monasterii monachos ad hoc ab abbate Cluniacensi, qui tunc erat et successoribus suis, qui essent pro tempore, deputandos, integre colligi et percipi voluit et mandavit; et ad hoc de Leuno in sanguine terso, de Nogeto Retrodi et de Saticuria, de Saya, de Vergevo, de Vendopira, de Mostereto et de Marmisso, de Turribus super Maternam, de Carennaco, de Moyraco, de Riccennato, et de sancto Cosma, Ambianen., Carnoten., Trecen., Eduen., Lingonen., Remen., Caturcen., Agennen., Petragoricen., et Constantien. diocesium prioratus eidem monasterio Cluniacen. subiectos, cum omnibus prioratibus, domibus, membris, grangiis, bonis, iuribus et pertinentiis eorumdem in quibuscunque diocesibus constitutis, ut de ipsorum fructibus, redditibus et proventibus universis huiusmodi summa pecunie, per illos, qui super hoc essent, ut premictitur deputati, annis singulis perciperetur et colligeretur integre, apostolica auctoritate concessit, donavit, et etiam deputavit; volens predecessor ipse, quod dicti prioratus appellarentur et haberentur ex tunc in antea decanatus, et quod decanatus ipsi seu eorum fructus, redditus et proventus ab omni decime et cuiuslibet procurationis, impositionis et subventionis prestatione essent exempti perpetuo, et immunes penitus haberentur, prout in privilegio dicti predecessoris, vobis super hiis concesso plenius dicitur contineri. Nos igitur vestris supplicationibus inclinati, privilegium ipsum ratum et gratum habentes, illud auctoritate predicta ex certa scientia, prout iacet ratificamus et etiam approbamus. Nulli etc., ratificationis et approbationis etc.
Dat. ut supra (in prioratu de Grausello, etc., IIII idus iulii, anno septimo).
(1)
Ms. placida.
(2)
Bertrandus de Colombiers, abbas Cluniacensis, non solum Bonifatium sed et
Clementem hospitio nobiliter excepit; habemus enim in Regesto Clementino
epistolas diebus 9-12 martii, an. 1306 Cluniaci datas.
8197 – In prioratu de
Grausello, 29 iun. 1312
Consideratione eiusdem vicecomitis, simile benefiium, ad cuiuscumque dispositionem pertinens, in civitate vel dioecesi Albien. vacans vel vacaturum, eiusdemque annui valoris, Clemens Aymerico, post illius acceptationem conferendum, apostolicae donationi reservat; non obstante quod de soluto et soluta sit genitus, seu quod ecclesiam infrascriptam, ex dispensatione sanctae sedis habeat. (cap. 517, f. 107b).
Dilecto filio Aymerico, dicto
Pelagos, rectori parrochialis ecclesie de Usfuert, Agennen. diocesis.
Suffragantia tibi merita ...
Dat. in prioratu etc., III kal. iulii, anno septimo.
In eundem modum dil. filiis ... priori sancte Eulalie Petragoricen. diocesis et magistris Hugoni de Faudoas ac Bernardo Aludier canonicis Albiensibus.
8198 – In prioratu de
Grausello, 26 iun. 1312
Clerico eiusdem vicecomitis infrascripto, benefiium sino cura, consuetum ab olim clericis secularibus assignari, ad cuiuscumque dispositionem pertinens et valoris annui centum librarum Turonensium parvorum, vacans vel proximo vacaturum in dioecesi Petragoricensi, post acceptationem conferendum, donationi apostolicae reservat pontifex. (cap. 518, f. 107b).
Dilecto fiilo Helie dicto
Pelagos, clerico Petragoricensis diocesis.
Tue laudabilis conversationis ...
Dat. in prioratu etc., VI kal. iulii, anno septimo.
In eundem modum dil. filiis ... sancti Martini de Brageriaco et ... sancte Eulalie prope Podium Guillelmi prioribus, Petragoricen. diocesis, ac ... archidiacono Londoniensi.
8275 – In prioratu de
Grausello, 10 iun. 1312
Attendens quos reditus mensae infrascripti prioratus ita erant tenues, quod prior Gausbertus ex illis sustentari non valeret, bonae memorise Raymundus episcopus Petragoricensis assentiente capitulo, parochialem ecclesiam sanctae Crucis, eiusdem dioecesis, in qua prior et ecclesia s. Aviti ius patronatus habent, per suas patentes litteras suo et capituli sigillis munitas, praefatae mensae perpetua unione annexuerat, servata tamen de fructibus congrua portione perpetuo vicario ibi Domino servituro; Clemens annexionem et unionem ratas habet. (cap. 593, f. 125b).
Dilecto filio Gausberto de
Castronovo, priori secularis ecclesie sancii Aviti senioris, Petragoricen.
diocesis, capellano nostro.
Devotionis tue sinceritas ...
Dat. in prioratu de Grausello etc., IIII idus iunii, anno septimo.
Donnée : Collection Périgord, vol. 37, fol. 360 r°
8374 – In prioratu de
Grausello. 12 sept. 1312
Capellaniam, sive perpetuam vicariam ecclesiae s. Martini Dalcos, Petragoricensis dioecesis, redditus annui triginta librarum Turonensium parvorum. quam Helias Botelh in manibus pontificis resignare cupit, accepta resignatione, etiam apud sedem apostolicam, conferat Petro de Fontanilhas de Biguaruppe, diacono praebendario ecclesiae s. Aviti, Petragoricensis dioecesis, non obstantibus litteris specialibus vel generalibus a sede apostolica vel legatis eius obtentis, nec quod in eadem ecclesia s. Aviti praebendariam idem Petrus possideat. (cap. 679, f. 141b).
Dilecto
filio magistro Raymundo Fabri archidiacono de Sarbouc in ecclesia Metensi,
capellano nostro.
Cum dilectus filius ...
Dat. in prioratu de Grausello etc., II idus septembris, anno septimo.
8449 – In prioratu de
Grausello, 4 iul. 1312
Indulgetur eidem, ut quatuor clerici insistentes illius obsequiis, more consueto, absque residentia, quotidianis distributionibus exceptis, beneficiorum suorum reditus ad quinquennium recipere possint. (cap. 753, f. 156a).
Eidem (venerabili fratri
Amanevo, archiepiscopo Auxitano).
Personam tuam ...
Dat. ut supra, proximo (in prioratu de Grausello, etc., IIII nonas iulii, anno septimo).
In eundem modum dil. filiis ... abbati monasterii de s. Amando, Petragoricen. diocesis, et ... preposito s. Iustini, ac ... archidiacono Suipodii maioris ecclesiarum Auxitan.
8476 – In prioratu de
Grausello, 26 aug. 1312
Dispensatur cum infrascriptis ob grave scandalum e separatione secuturum, super quarto affinitatis gradu, et proles suscepta legitimatur; Pontius enim de Baynaco miles, prior vir Finae, quarto consanguinitatis gradu Heliae, dum viveret, iungebalur. (cap. 777, f. 161b).
Dilecto filio Helie de sancto
Asterio domicello et dilecte in Christo filie fine de Gardonio uxori eius,
Petragoricen. et Carturcen. diocesium.
Apostolice sedis circumspecta benignitas ...
Dat. in prioratu ut supra, VII kal. septembris, anno septimo.
8554 – In prioratu de
Grausello, 15 iul. 1312
Petrus, dudum vacante monasterio Brentholmensi, ordinis s. Benedicti, Petragoricensis dioecesis a conventu monasterii, cuius erat monachus concorditer electus, electionem suam auctoritate ordinaria confirmari obtinuerat; et ad sedem apostolicam veniens in manibus quondam Raymundi s. Mariae Novae diaconi cardinalis iuri suo sponte cesserat, eo quod abbas et conventus monasterii Casae Dei, praedicti ordinis, Claromontensis dioecesis ex iure quod in Brentholmensi monasterio se habere dicebant, electionem impugnavissent. Postmodum Hugone abbate monasterii Conchensis, tunc priore prioratus sanctae Fidei, ordinis s. Benedicti, Ruthenen. et Agennen. dioecesium, eidem Brentholmensi in abbatem praefixo, dictus cardinalis, per epistolam suam registro insertam et datam Avenione, XI kalendas aprilis an. 1310, de prioratu de Coguleto, Engolismensis dioecesis vacante per mortem fratris Gaufridi de Baycha apud sanctam sedem vita functi, et de prioratu s. Petri de Metulo, Pictavensis dioecesis, pariter vacanteper mortem fratris Theobaldi Ratherii, mortui in illis partibus, Petro providerat eumque de eisdem per anulum praesentialiter investierat, non obstante loco quem in monasterio suo Brantholmensi possidebat; quia vacante monasterio s. Maxentii. ordinis s, Benedicti, Pictavensis dioecesis, talem collationem abbati huius monasterii pro tempore pertinentem, sibi commiserat Clemens, etiam in favorem monachi alterius monasterii et quamvis ab olim priores ab abbate amoveri possent, non obstantibus constitutionibus concilii generalis, Bonifatiana, et qualibet alia. Nunc quia novus abbas s. Maxentii et nonnulli monachi, dicentes super his dicti cardinalis sigillo credi aliquatenus non debere, provisioni factae se opponebant, pontifex recolens praedicta esse vera, ratum habet quod per praedictum cardinalem factum est (cap. 854, f. 174a).
Dil. filio fratri Petro de
Rollan, priori prioratus de Coguleto, ordinis sancti Benedicti, Engolismensis
diocesis.
Zelus tue religionis ...
Dat. in prioratu de Grausello, prope Malausanam, Vasionen. diocesis, idibus iulii, anno septimo.
In eundem modum dil. filiis ... priori s. Illarii de Metulo, Pictaven. diocesis et magistris Bernardo Rayardi, archidiacono Xanctonen. ac Guidoni de Chambarlhaco, canonico Petragoricen. ecclesiarum.
8565 – In prioratu de
Grausello, 1 aug. 1312
Archambaldo de Petragoris, priore secularis ecclesiae s. Caprasii Agennensis, prioratum ipsius ecclesiae, et Guillelmo Meschini priore prioratus s. Petri de Olerone pertinentis ad monasterium Malleacense, ordinis s. Benedicti, eundem prioratum ac decimas de Cardubio ad mensam episcopi Tolosani spectantes, Santonensis et Tolosanae dioecesium, ad invicem permutare cupientibus, Raymundus eorum annuat votis; non obstante quod Archambaldus abbatiam secularis ecclesiae s. Asterii Petragoricen. dioecesis et archidiaconatum Drocensem in Carnotensi ac in ea et Parisiensi ac Petragoricensi et in s. Frontonis Petragoricensis ecclesiis canonicatus et praebendas, ac prioratum s. Stephani de Licia et s. Petri de Capella, s. Hilarii et s. Iohannis de Petracava, ss. Quirici et Iulittae de Bersaco ecclesiarum decimas ac partem ecclesiae et decimarum de Dorroix (1) Burdegalen. et Lectoren. dioecesium, dictusque Guillelmus in Autisiodorensi cantoriam et in ea et Cameracensi, Noviomensi, Santonensi, Petragoricensi et s. Frontonis Petragoricensis ac s. Asterii ecclesiis canonicatus et praebendas, ac de Mortuomari et de Chastanh, Messier, domos dictae Petragoricensis dioecesis ad Hospitale s. Iohannis Ierosolymitani spectantes canonico obtineant: ipseque Guillelmus in ecclesia Cameracensi dignitatem, seu personatum, auctoritate sanctae sedis expectet. (cap. 865, f. 177b).
Dilecto filio Raymundo sancte
Marie Nove diacono cardinali.
Cum sicut accepimus ...
Dat. in prioratu etc., kal. augusti, anno septimo.
(1)
In sequenti capitulo quod huic anteire ratione datae deberet legitur: de
Dorenx.
8566 – In prioratu de
Grausello, 14 iul. 1312
Archambaldo de Petragoris, canonico Parisiensi, non obstante quod abbatiam ecclesiae secularis s. Asterii Petragoricensis ac archidiaconatum Drocensem in Carnotensi, et in ea ac in Parisiensi, Petragoricensi et s. Frontonis Petragoricensis ecclesiis canonicatus et praebendas, ac s. Caprasii Agennensis et s. Stephani de Licia prioratus, necnon et s. Petri de Capella, s. Hilarii, s. Iohannis de Petracava, ss. Quirici et lulittae de Bersaco ecclesiarum decimas, ac partem ecclesiae et decimarum de Dorenx, Burdegalen. et Lectoren. dioecesium obtineat, conferat Raymundus quasdam decimas vocatas de Maseriis, ad mensam abbatis monasterii Seriacensis, ordinis s. Benedicti, Tolosanae dioecesis pertinentes, quas Stephanus Nepotis, clericus Petragoricensis resignare intendit (cap. 866, f. 178a).
Eidem (dilectio filio Raymundo
sancte Marie Nove diacono cardinali).
Cum sicut accepimus ...
Dat. in prioratu etc., II idus iulii, anno septimo.
8577 – In prioratu de
Grausello, 4 iul. 1312
Consideratione eiusdem Amenevi, Clemens Arnaldo canonico in ecclesia Tarviensi, dignitatem seu personatum, officium vel beneficium cum vel sine cura, si quis vel si quod vacat, vel proximo vacaturam vel vacaturum, si infra mensem post notam vacationetn acceptetur, conferendam vel conferendum, apostolicae donationi reservat (cap. 877, f. 180a).
Dilecto filio Arnaldo Raymundi
de Castro Baiaco, canonico Tarviensi.
Sedis apostolice ...
Dat. in prioratu etc., IIII nonas iulii, anno septimo.
In eundem modum dil. filiis ... abbati monasterii s. Amandi, Petragoricensis diocesis, et ... preposito s. Iustini ac ... archidiacono Sui Podii maioris ecclesiarum Auxitan.
8606 – In prioratu de
Grausello, 17 iul. 1312
Ecclesiae de Salanhaco et de Tulgone, Caturcensis dioecesis, ad suam collationem spectantes, quarum cura per unum vicarium geritur, abbatis s. Amandi mensae in perpetuum uniuntur, congrua tamen portio assignari debet vicario (cap. 906, f. 188b).
Dilecto filio ... abbati
monasterii de sancto Amando, ordinis sancti Augustini, Petragoricen. diocesis.
Religionis tue ...
Dat. in prioratu etc., XVI kal. augusti anno septimo.
In eundem modum dil. filiis ... b. Marie de Castris et ... Sarlaten. Petragoricen. dioc. monasteriorum abbatibus ac magistro Bernardo Royardi, archidiacono Xanctonensi.
8645 – In prioratu de
Grausello, 9 aug. 1312
Valeat ad triennium per idoneas personas archidiaconatum suum visitare (cap. 944, f. 198b).
Dilecto filio Helie de Faya,
archidiacono de Bellovidere in ecclesia Petragoricen. capellano nostro.
Personam tuam ...
Dat. in prioratu de Grausello etc., V idus augusti, anno septimo.
In eundem modum dilectis filiis ... de Albaterra et de Duppia archidiaconis maioris, ac ... cantori s, Frontonis, Petragoricen. ecclesiarum.
Donnée : Collection Périgord, vol. 37, fol. 9 r°
8648 – In prioratu de
Grausello, 28 maii 1312
Consideratione Sanxii de Anglada, familiaris sui, indulget Clemens Odoni illius filio, ut vacans scolasticis studiis in generali studio, reditus canonicatus, praebendae ac cantoriae s. Mariae, percipiat ad triennium absque residentia. (cap. 947, f. 199b).
Dilecto filio Odoni de
Anglada, canonico et cantori ecclesie sancte Marie de Ermenys, Claromonten.
diocesis.
Probitatis tue mentis ...
Dat. in prioratu de Grausello etc., V kal. iunii, anno septimo.
In eundem modum dil. filiis ... s. Martini Burdegalen. et de s. Cipriano Petragoricen. diocesis prioribus ac Petro Pigal, canonico Claromonten.
8719 – In prioratu de
Grausello, 23 iun. 1312
Occasione laborum et sumptuum quos subiit, moram trahens in concilio Viennensi ad quod per epistolas Clementis fuerat evocatus, obtinet ut tres capellani vel clerici sui in comitiva sua, seu suis obsequiis insistentes, reditus omnium beneficiorum suorum, etiam si personatus, dignitates seu officia existant ac curam habeant animarum, valeant ad triennium, exceptis quotidianis distributionibus, integre, quin resideant, percipere. (f. 217b).
Venerabili fratri Amanevo,
archiepiscopo Auxitano.
Personam tuam claris tuis exigentibus meritis ...
Dat. in prioratu de Grausello prope Malausanam, Vasionen. diocesis, VIIII kal. iulii, anno septimo.
In eundem modum dil. filiis ... abbati monasterii s. Amandi Petragoricen. diocesis et ... preposito s. Iustini ac ... archidiacono Sui Podii in ecclesia Auxitan.
Ven. pratri Egidio,
archiepiscopo Rothomagen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... decano b. Marie de Portu Claromonten. et ... preposito de Laudoso, Claromonten. dioc. ac ... cantori maioris Claromonten. ecclesiarum.
Ven. fratri Helie, episcopo
Eduen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... Flavigniacen. et ... de s. Martino monasteriorum abbatibus ac. priori s. Symphoriani Eduen. diocesis.
Venerabili fratri Artberto,
episcopo Claromonten.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... preposito de Laudoso et ... decano b. Marie de Portu, Claromonten. dioc et ... cantori Claromonten. ecclesiarum.
Ven. pratri Guillelmo,
episcopo Mimaten.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... preposito et ... precentori ac Guillelmo Duranti, canonico ecclesie Mimaten.
Ven. fratri Roberto, episcopo
Constantien.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... Carnoten. et ... Cenoman. decanis ac ... subdecano Carnoten. ecclesiarum.
Ven. pratri Arnaldo, episcopo
Pictaven., camerario nostro.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In eundem modum dil. filiis ... decano s. Ylarii et ... archidiacono, ac ... preposito maioris Pictaven. ecclesiarum.
Ven. fratri Roberto,
archiepiscopo Remen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... s. Petri ad Montes Cathalaunen. et ... s. Remigii ac ... s. Dyonisii Remen, monasteriorum abbatibus.
Ven. fratri Guillelmo,
episcopo Andegaven.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... magistris Andree de Hava et Matheo Picot ac Herveo de Hemiou canonicis Andegaven.
Ven. fratri Iohanni, episcopo
Carnoten.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... abbati monasterii s. Petri in Villeya Carnoten. dioc. et ... archidiacono Blesen. ac Guillelmo de Ordone, canonico ecclesie Carnoten.
Ven. pratri Petro,
archiepiscopo Lugdunen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... abbati monasterii Athenacen. et ... priori de Prateria ac ... sacriste secularis ecclesie s. Pauli Lugdunen.
Ven. fratri Petro, episcopo Carcassonen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... maiori et ... minori archidiaconis Carcassonen. et Berengario Meynardi, canonico Narbonen. ecclesiarum.
Ven. fratri Guillelmo episcopo
Lingonen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... de s. Sequano et de s. Martino Molunden. monasteriorum abbatibus ac ... priori de sanctis Geminis Lingonen. diocesis.
Ven. fratri Raymundo, episcopo
Agathen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... Agathen. et ... Reden. Narbonen. archidiaconis ac ... thesaurario Biterren. ecclesiarum.
Ven. fratri Petro, episcopo
Autisiodoren.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... abbati monasterii s. Germani Autisiodoren. et ... priori s. Amatoris iuxta Autisiodorum ac ... archidiacono Autisiodoren.
Ven. fratri Bernardo,
archiepiscopo Narbonen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In eundem modum dil. filiis ... archidiacono Augen. Rothomagen. et ... cantori Autisiodoren. ac Iohanni de Solerio canonico Ereforden. ecclesiarum.
Ven. fratri Arnaldo, archiepiscopo
Burdegalen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... preposito Albien, et ... archidiacono Foroiulien. ac ... sacriste secularis s. Pauli Narbonen. ecclesiarum.
Ven. fratri Guillelmo,
episcopo Vasaten.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... archidiacono Vasaten. et magistris Amalvino de Podio Burdegalen. ac Guillelmo de Prato Agennen. canonicis.
Ven. fratri.. archiepiscopo
Bituricen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m, dil. filiis magistro Neapoleoni de filiis Ursi, archidiacono Stadien. in ecclesia Cathalaunen. notario nostro, et ... abbati monasterii s. Ambrosii Bituricen. ac priori de s. Aniano Bituricen. diocesis.
Ven. fratri Bosoni, episcopo
Convenarum.
Personam tuam ...
Dat, ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... abbati monasterii Bonifontis Convenarum dioc et ... archidiacono Blavien. Burdegalen. ac ... sacriste Convenarum ecclesiarum.
Ven, fratri Danieli, episcopo
Nanneten.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. ven. fratri ... episcopo Andegaven. et dil. filiis ... s. Albini ac. Omnium sanctorum Andegaven. monasteriorum abbatibus.
Ven. fratri Iohanni, episcopo
Magalonen.
Personam tuam ...
Dat. ut supra (in prioratu de Grausello prope Malausanam, Vasionen. diocesis, VIIII kal. iulii, anno septimo).
In e. m. dil. filiis ... b. Marie de Osorio, ... de Monte Albedone et ... de Frontiniano Magalonen. dioc. prioribus.
Anni septimi
8748 – Viennae, 25 nov. 1311
Infrascriptis executoribus scribitur super concordia inter Venetos et Ferrarienses. (cap. 1 , f. 227a).
Clemens episcopus, servies
servorum Dei, dil. fil. abbati secularis Albaterren. Petragoricen, diocesis, et
... decano Melden. ac magistro Galhardo de Casa, can. Constantien. ecclesiarum.
Salutem et apostolicam benedictionem.
Dudum contra Venetos ac comunitatem seu universitatem ipsorum Castellan. diocesis, ac terras et singulares personas, subditos, coadiutores, valitores et fautores ipsorum et adherentes eisdem, propter graves excessus per eos contra nos et Romanam ecclesiam ac civitatem nostram Ferrarien. commissos et nonnullos alios, exigente iustitia procedentes, diversas sententias et penas spirituales et temporales eis duximus infligendas. Verum quia Veneti et comunitas sive universitas predicti, saniori ducti consilio, ad nostra et ipsius ecclesie mandata, sicut per indicia verisimilia connicimus, redire humiliter se coaptant; nos volentes ut inter eos ac dictam civitatem et communitatem seu universitatem Ferrarien. bonum pacis et concordie stabiliter perseveret, ac animarum periculis obvietur, intendimus quod pacta que inter eosdem Venetos et comunitatem seu universitatem Venetorum ipsorum, ac. potestatem ... capitaneum, consilium et dictam comunitatem seu universitatem Ferrarien. quondam Opizonis et subsequenter quondam Azonis marchionum Esten, temporibus, dum vivebant servabantur et quibus Veneti et comunitas sive universitas ipsorum predicti eisdem temporibus utebantur pacifice et quiete et illa que nobis promictentur per eos perpetuam obtineant roboris firmitatem, et considerantes quod plenam de pactis ipsis informationem de facili habere non possumus, quodque vos conditionis et status terre ac civitatis ipsarum plenam facilius poteritis habere notitiam dictaque pacta discutere et quod circa ea predictis Venetis et comunitati seu universitati terre Venetiarum concedenda, honoribus nostris et ecclesie predicte conveniat, quodve in hac parte ipsarum terre et civitatis salubris status exposcat, comodius intueri, discretioni vestre, de qua plenam in Domino fiduciam obtinemus per apostolica scripta mandamus, quatenus vos omnes vel tu fili abbas cum altero vestrum, filii decane et canonice, huiusmodi pacta, que ut Franciscus Dandoli de dicta terra Venetiarum, sindicus Venetorum et comunitatis seu universitatis Venetorum ipsorum asserit inter ipsos et dictos potestatem, consilium, comunitatem seu universitatem Ferrarien., Opizonis et subsequenter Azonis marchionum predictorum temporibus, dum vivebant, pacifice servabantur et quibus predictos Venetos et comunitatem seu universitatem ipsius terre Venetiarum et singulares eorum personas eisdem temporibus usos fuisse dicebat pacifice et quiete, queve ut cautius in huiusmodi negotio procedere valeatis, vobis sub sigillo dilecti filii nostri Arnaldi sancte Marie in Porticu diaconi cardinalis mictimus interclusa prius super hoc summarie, sine strepitu et figura iudicii, inquisitione facta vel informatione recepta, prout discretioni vestre videbitur, vel illa ex eis que utilia, iusta et rationabilia fore noveritis, quamvis ipsi marchiones ac potestates, capitanei, consilium et comunitas seu universitas ipsius civitatis Ferrarien. absque licentia sedis apostolice ad quam civitas ipsa Ferrarien. pleno iure dinoscitur pertinere, in hac parte paciscendi nullam habuerint, sicut nec adhuc habent potestatem, dictis Venetis et comunitati seu universitati ipsius terre Venetiarum confirmetis vel innoveris, aut de novo imperpetuum vel ad tempus, prout discretioni vestre videbitur, concedatis. Recepturi ab eisdem Venetis et comunitate vel universitate dicte terre Venetiarum nostro et successorum nostrorum et ecclesie Romane nomine promissionem, obligationem et stipulationem solennem sub forma, modo et cautelis de quibus expedire videritis, quod ipsi, prout Franciscus sindicus et procurator predictus nobis obtulit, quandocumque per Lombardiam superiorem aut de Lombardia superiori versus Venetias, merces portabunt, transibunt per districtum Ferrarien. nec per aliquem alveum factum vel faciendum seu fluvium vel aquam nisi per Padum decurrentem per districtum ipsius civitatis Ferrarien. huiusmodi merces in suis vasis vel alienis portabunt neque naves aut alia vasa eorum navigabilia Lombardis vel aliis volentibus navigare cum mercibus, locabunt, commodabunt, vel precario seu alio modo vel contractu sive quasi, vendent, seu adgubernandum naves aut remigandum in eis, aliquibus quos scient vel credent velie transire cum mercibus suis per alium locum quam per cursum Padi districtus predicti, versus superiorem Lombardiam et de ipsa Lombardia versus Venetias, locabunt, vel gratis prestabunt operas suas, nec procurabunt nec consentient publice vel occulte, quod aliqui voluntarie vel alio modo portent merces, per (1) alveos novos factos vel faciendos seu fluvios vel alias aquas, dimictendo solitum cursum Padi, qui est in dicto districtu Ferrarie, per quem merces de Venetiis versus Lombardiam superiorem et de dicta Lombardia versus Venetias frequentius deportantur, nec ad hec dabunt opem consilium vel favorem, cum hec possent cedere in preiudicium ecclesie supradicte, neque singulares persone de dicta terra Venetiarum facient aut venient quoquomodo contra premissa vel aliquod premissorum publice vel occulte, tacite vel expresse. Nos enim confirmandi aut innovandi vel de novo imperpetuum vel ad tempus, prout expedire videritis, eisdem Venetis et comunitati aut universitati prefate terre Venetiarum pacta predicta concedendi ac promissionem, obligationem, stipulationem et cautelas predictas sub quibuscumque modo et forma vel expressione verborum ab ipsis nostro et eiusdem ecclesie Romane nomine recipiendi, plenam vobis omnibus ac tibi abbas et alteri ex vobis, decane et canonice prefati, concedimus auctoritate presentium facultatem, et nichilominus nos omnes et singulares personas de dicta terra Venetiarum, cuiuscumque conditionis, status dignitatis vel preminentie fuerint, si predicta per nos expressa, nobis aut vobis nomine nostro et ecclesie prefate recipientibus, ut premictitur, promittenda per eos, et eorum quodlibet non servarent, aut illa in aliquod illorum infringerent, excomunicationis sententiam incurrere volumus ipso facto et comunitatem ac universitatem Venetorum ipsorum, si in predictis vel eorum aliquo consensu vel opere culpabiles fuerint, necnon et civitatem Castellan. et ipsam terram Venetiarum, eo ipso, interdicto ecclesiastico subiacere, absolutione et relaxatione excomunicationis et interdicti predictorum, preterquam a predicta excomunicationis sententia dumtaxat in mortis articulo, nobis et nostris successoribus, Romanis pontificibus, reservatis. Quod si forsan aliqui in eodem mortis articulo absoluti, quam quidem absolutionem in articulo ipso iuxta formam ecclesie impendi volumus, quantocius comode possent, postquam restituti forent pristine sanitati, super premissis nobis aut successoribus et ecclesie supradictis satisfactionem in hac parte non curarent plenariam exhibere, ipso facto in eandem excomunicationis sententiam, iuxta constitutionem super hoc editam relabantur. Volumus autem quod quicquid feceritis in predictis, nobis per vestras patentes litteras horum seriem continentes studeatis fideliter intimare.
Dat. Vienne, VII kalendas decembris, anno septimo.
(1) Ms. vel.
8749 – Viennae, 26 nov. 1311
Inquirat contra officiales Ferrarienses. (cap. 2, f. 227b).
Dilecto filio ... abbati
secularis ecclesie Albaterren. Petragoricen. diocesis.
Ad nostri apostolatus pervenit auditum, quod nonnulli officiales nostri, tam presentes, quam hii qui precesserunt eosdem, diversa in civitate nostra Ferrarien. et districtu eius officia exercentes, extendentes ad illicita manus suas, varias et diversas pecuniarum summas a nonnullis de civitate et districtu predictis indebite et contra iustitiam extorserunt, et alia multa illicita commiserunt ibidem per que nostris et apostolice sedis honoribus derogatur. Nos igitur super hiis scire volentes certitudinem veritatis, discretioni tue mandamus, quatenus habens pre oculis solum Deum, contra officiales eosdem, tam clericos, quam laicos, cuiuscumque status vel conditionis existant, quocumque nomine censeantur, super extorsionibus antedictis et quibusvis aliis per eos ibidem commissis illicite, et in quos usus pecunias huiusmodi converterunt, generaliter et diligenter inquiras. Nos enim inquirendi super hiis et omnia alia et singula, que ad huiusmodi officium inquisitionis pertinere noscuntur, faciendi et exercendi, necnon contradictores et rebelles per censuram ecclesiasticam appellatione postposita, compescendi, plenam tibi concedimus, auctoritate presentium facultatem. Volumus autem, quod inquisitionem huiusmodi diligenter (1) in scriptis reddactam sub sigillo tuo fideliter interclusam, nobis quantocius remictere ac rescribere per litteras tuas harum seriem continentes, quicquid super predictis faciendum duxeris, non postponas.
Dat. Vienne, VI kal. decembris, anno septimo.
(1)
Ms. Dilitenter.
Regestum Clementis papae V
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVIII (1888)
tome IV
Annus octavus
(Regestorum Vol. LX)
Anni octavi
8878 – Apud Castrum novum, 22
nov. 1312
Canonicatum, praebendam et sacristiam ecclesiae Ruthenen., quos quondam Guillelmus Ebrardi, summi pontificis capellanus, obtinebat, per mortem ipsius vacantes et dispositioni sedis apostolicae reservatos motu proprio et ex mera liberalitate cum omnibus iuribus et pertinentiis suis, etiamsi sacristia illa personatus vel dignitas in eadem ecclesia reputetur, ob accepta suae fidelitatis obsequia, quae in sedis apostolicae utiliter agendis expendit, confert Gaucelmo, non obstante quod in Remen., Caturcen. et Aquen. ecclesiis canonicatus et praebendas ac prioratum de Sanaco et decimas de Auderiis in beneficium ei assignatas Petragoricen. et Caturcen. dioecesium obtineat eique de parochiali ecclesia sancti Petri Leviginer Rothomagen. dioecesis asseratur fuisse provisum, quamvis illius possessionem nondum fuerit assecutus. (cap. 1. f. 1a).
Dilecto filio magistro
Gaucelmo Iohannis canonico et sacriste ecclesie Ruthenen. capellano nostro.
Sedis apostolice circumspecta benignitas ...
Dat. apud Castrumnovum Avinionen. diocesis, X kalendas decembris, pontificatus nostri anno octavo.
In eundem modum dilectis filiis magistris Bernardo Roiardi Santonen. et Hugoni Geraldi Augen. Rothomagen. archidiaconis et Guillelmo Meschini cantori Autisiodoren. ecclesiarum capellanis nostris.
8959 – Avenione, 6 dec. 1312
Canonicatum et praeposituram ecclesiae Tolosan. ordinis s. Augustini per obitum Garsiae Arnaldi de Garlenxs, qui apud sedem apostolicam nuper obiit, vacantes confert motu proprio et de mera liberalitate apostolica Galhardo, etiamsi eidem praepositurae cura immineat animarum, decernens fore in eadem ecclesia residenti de communibus proventibus sicut uni ex aliis ipsius ecclesiae canonicis in ea residentibus portionem integram exhibendam, non obstante quod prioratum conventualem de s. Cypriano Petragoricen. dioecesis et in ecclesia Auxitan. eiusdem ordinis canonicatum et portionem obtineat et super archidiaconatu de Pardinhaco in eadem Auxitan. ecclesia apud sedem apostolicam litiget, si eum evicerit, alioquin cum alia dignitate vel personatu seu officio, quam vel quem seu quod virtute litterarum apostolicarum dudum super hoc ei in eadem Auxitan. ecclesia concessarum assequi eum contingat, insimul valeat retinere. (f. 18a).
Dilecto filio Galhardo de
Lobersano canonico et preposito ecclesie Tholosan. ordinis s. Augustini
capellano et familiari nostro.
Affectus benivolentie specialis ...
Dat. Avinione, VIII idus decembris, anno octavo.
In eundem modum dilectis filiis ... s. Saturnini Tolosan. ac de Lezato Tolosan. dioecesis monasteriorum abbatibus et Raymundo Fabri archidiacono de Sarbourch in ecclesia Meten.
9006 – Avenione, 24 ian. 1313
Scribitur super tractatu concordiae inter Venetos et Ferrarienses. (cap. 117, f. 30b).
Dilectis filiis ... abbati
secularis Albaterren. Petragoricen. diocesis et ... decano Melden. ac magistro
Galhardo de Casa canonico Constantien. ecclesiarum.
Dudum contra Venetos ac comunitatem seu universitatem ipsorum Castellan. diocesis ac terras et singulares personas, subditos, coadiutores, valitores et fautores eorum et adherentes eisdem propter graves excessus per eos contra nos et Romanam ecclesiam ac civitatem nostram Ferrarien. commissos et nonnullos alios exigente iustitia procedentes diversas sententias in eos tulimus et penas spirituales et temporales eis duximus infligendas. Et demum quia Veneti et comunitas seu universitas supradicti saniori ducti consilio ad nostram et ipsius ecclesie mandata, sicut per indicia verisimilia coniciebamus, redire se humiliter coaptabant, nos volentes, ut inter eos ac dictam civitatem et comunitatem seu universitatem Ferrarien. bonum pacis et concordie stabiliter perduraret et obviaretur periculis animarum, disposuimus, quod pacta, que inter eosdem Venetos et comunitatem seu universitatem ipsorum ac ... potestatem ... capitaneum, consilium et dictam comunitatem seu universitatem Ferrarien. quondam Opizonis et subsequenter quondam Azonis marchionum Esten, temporibus, dum viverent, servata fuerant, et quibus Veneti et comunitas sive universitas ipsorum predicti eisdem temporibus usi fuerant pacifice et quiete et illa, que tunc nobis promitterentur per eos, perpetuam obtinerent roboris firmitatem, ac considerantes, quod nos plenam de pactis ipsis informationem habere non poteramus de facili quodque vos conditionis et status terre ac civitatis ipsorum plenam facilius poteratis habere notitiam dictaque pacta discutere et, quod circa ea predictis Venetis et comunitati seu universitati terre Venetiarum concedenda honoribus nostris et predicte ecclesie conveniret quodve in hac parte ipsarum terre ac civitatis Ferrarien. salubris status exposceret, comodius intueri, vobis dedimus per nostras sub certa forma litteras in mandatis, ut vos omnes vel tu, fili abbas, cum altero vestrum, filii decane et canonice, huiusmodi pacta, que, ut Franciscus Dandoli de dicta terra Venetiarum scyndicus Venetorum et comunitatis seu universitatis ipsorum asserit inter ipsos et dictos potestatem, capitaneum, consilium, comunitatem seu universitatem Ferrarien. Opizonis et Azonis marchionum predictorum temporibus, dum viverent, pacifice servata fuerant et quibus idem scyndicus predictos Venetos et comunitatem seu universitatem ipsius terre Venetiarum et singulares eorum personas eisdem temporibus usos fuisse dicebat pacifice et quiete queve ut cautius in huiusmodi negotio possetis procedere, vobis sub sigillo dilecti filii nostri Arnaldi sancte Marie in Porticu diaconi cardinalis misimus interclusa, prius super hoc summarie sine strepitu et figura iudicii inquisitione facta vel informatione recepta, prout discretioni vestre videretur, vel illa ex eis, que utilia, iusta et rationabilita inveniretis existere, quamvis ipsi marchiones ac potestates, capitanei, consilium et comunitas sive universitas ipsius civitatis Ferrarien. absque licentia sedis apostolice, ad quam civitas ipsa Ferrarien. pleno iure dinoscitur pertinere, in hac parte nullam habuissent, sicut nec adhuc habent etiam, potestatem, dictis Venetis ac comunitati seu universitati ipsius terre Venetiarum confirmaretis vel innovaretis aut de novo imperpetuum vel ad tempus concederetis, prout discretioni vestre expediens videretur, recepturi ab eisdem Venetis et comunitate vel universitate dicte terre Venetiarum nostro et successorum nostrorum et ecclesie Romane nomine promissionem, obligationem et stipulationem solempnem sub forma, modo et cautela, de quibus expediens videretis, quod ipsi, prout Franciscus procurator et scyndicus supradictus nobis obtulerat quandocunque per Lombardiam superiorem aut de ipsa Lombardia superiori versus Venetias merces portarent, transirent per districtum Ferrarien. nec per aliquem alveum factum vel faciendum aut fluvium vel aquam nisi per Padum decurrentem per districtum ipsius civitatis Ferrarien. huiusmodi merces in suis vasis vel alienis portarent neque naves aut alia vasa eorum navigabilia Lombardis vel aliis volentibus navigare cum mercibus locarcnt, comodarent vel precario seu alio modo vel contractu sive quasi venderent seu ad gubernandum naves aut remigandum in eis aliquibus, quos scirent vel crederent velle transire cum mercibus suis per alium locum quam per cursum Padi districtus predicti versus superiorem Lombardiam et de ipsa Lombardia versus Venetias locarent vel gratis prestarent operas suas nec procurarent neque consentirent publice vel occulte, quod aliqui voluntarie vel alio modo portarent merces per alveos novos factos vel faciendos vel fluvios vel alias aquas dimittendo solitum cursum Padi, qui est in dicto districtu Ferrarien., per quem merces de Venetiis versus Lombardiam superiorem et de dicta Lombardia versus Venetias frequentius deportantur, nec ad hoc darent opem, consilium vel favorem, cum hec possent cedere in preiudicium ecclesie supradicte, neque singulares persone de dicta terra Venetiarum facerent aut venirent quoquomodo contra premissa vel aliquid premissorum publice vel occulte aut tacite vel expresse. Nos enim confirmandi aut innovandi vel de novo imperpetuum vel ad tempus, prout expedire videretis eisdem Venetis et comunitati aut universitati prefate terre Venetiarum, pacta predicta concedendi ac promissionem, obligationem, stipulationem et cautelas predictas sub quibuscunque modo, forma vel expressione verborum ab ipsis nostro et eiusdem ecclesie Romane nomine recipiendi plenam vobis omnibus vel tibi, abbas, et alteri ex vobis, decane et canonice prefati, concessimus per dictas litteras facultatem. Et nichilominus nos omnes et singulos de dicta terra Venetiarum, cuiuscunque conditionis, status, dignitatis vel preeminentie forent, si predicta per nos expressa nobis aut vobis nomine nostro et ecclesie prefate recipientibus, ut premittitur, promittenda per eos et eorum quemlibet non servarent aut illa vel aliquid illorum infringerent, excomunicationis sententiam incurrere voluimus ipso facto et comunitatem ac universitatem Venetorum ipsorum, si in predictis vel eorum aliquo consensu vel opere culpabiles essent, necnon et civitatem Castellan. et ipsam terram Venetiarum eo ipso interdicto ecclesiastico subiacere absolutione et relaxatione excomunicationis et interdicti predictorum preterquam a predicta excomunicationis sententia nisi dumtaxat in mortis articulo nobis et nostris successoribus Romanis pontificibus reservatis. Quod si forsan aliqui in eodem mortis articulo absoluti, quam quidem absolutionem in eodem articulo iuxta formam ecclesie impendi voluimus, quam citius comode possent, postquam restituiti forent pristine sanitati, super premissis nobis aut successoribus et ecclesie supradictis satisfactionem in hac parte non curarent plenariam exhibere, relaberentur in eandem excomunicationis sententiam iuxta constitutionem super hoc editam ipso facto. Verum intendentes, ut huiusmodi negotium felicem sortiatur effectum, et considerantes attentius, quod per confirmationem seu innovationes et concessionem ac reintegrationem pactorum huiusmodi pax et concordia inter eosdem Venetos ac comunitatem seu universitatem dicte civitatis Ferrarien., que ipsis creditur existere fructuosa, multipliciter infuturum Deo auctore proveniet stabiliter permansura, cessabunt scandala et ex hoc necnon et ex transitu, quem ipsi Veneti ob confirmationem seu innovationem et concessionem ac reintegrationem pactorum huiusmodi per alveum Padi per districtum Ferrarien. decurrentem et non per alios se facturos promitterent, prout nobis obtulit scyndicus supradictus, honoris et comodi fructus accrescet et transitus patebit liberior, per eundem Ferrarien. districtum transire volentibus ipsaque civitas Ferrarien. ex hoc uberius in victualibus habundabit et aliis iustis et rationabilibus causis, que ad hoc nostrum animum induxerunt, diligenter inspectis discretioni vestre per apostolica scripta mandamus, quatenus vos vel duo aut unus vestrum pactis predictis, que videlicet per inquisitionem per vos factam aut informationem super hoc receptam et habitam auctoritate litterarum huiusmodi reperistis tempore dictorum marchionum, ut predicitur, fore servata, iuxta concordiam super hoc habitam inter vos et predictorum scyndicum Venetorum confirmatione seu concessione alia, si qua super pactis eisdem a vobis simul aut duobus vel uno ex vobis dictarum priorum nostrarum litterarum auctoritate forsitan emanasset, quas nullam habere volumus firmitatem, nequaquam obstantibus addere, detrahere et illa modificare et etiam declarare dictaque pacta, quamvis nos ipsa per dictos processus nostros duxerimus anullanda, seu illa ex eis, de quibus vobis videbitur, prius pactis et convenctionibus, que inter quondam Frescum dicti Azonis filium naturalem, qui se pro marchione Esten, gerebat dicteque civitatis Ferrarien. presidebat regimini de facto, dum viveret, ac comune et populum ipsius civitatis Ferrarien. ex parte una et dictos ducem et Venetos ex altera et aliis. que inter ducem et universitatem ac comune et populum Ferrarien. predictos dicto Fresco ab ipso eiecto regimine dudum inita fuisse noscuntur et omni eorum effectu, ita quod per hoc dictis Venetis quo ad innovationem, concessionem et reintegrationem aliorum pactorum predictorum nullum imposterum preiudicium generetur, auctoritate predicta scyndico ad hoc consentiente prefato cassatis, irritatis et cassis et irritis renuntiatis dictis Venetis confirmare seu innovare et imperpetuum de novo concedere et reintegrare ac decernere dictos Venetos et Ferrarien. ad illorum observationem sub penis, promissionibus et cautelis, dudum in dictis pactis adhibitis et expressis et habitis inter eos iuxta utriusque partis convectiones (sic) et promissiones teneri necnon et sufficientem promissionem, obligationem et cautelam, de quibus videretis expedire, nomine nostro et ecclesie Romane a scyndico supradicto recipere procuretis, quod infrascriptos articulos super alveis formatos cum addictionibus in eis de vestra et ipsius scyndici concordia factis de novo, prout in ipsis articulis et addictionibus continetur, et alia, que in predictis nostris prioribus litteris, quas in suo robore permanere volumus, exprimuntur. faciet perpetuo inviolabiliter observari. Quod si persone singulares de dicta terra Venetiarum in premissis vel aliquo premissorum contrarium fecerint aut contra premissa venerint quoquomodo publice vel occulte, tacite vel expresse, volumus, quod in excomunicationis sententiam incidant ipso facto, et si comune Venetiarum predictum in hiis seu eorum aliquo consensu vel opere culpabile fuerit, civitas Castellan. et ipsa terra Venetiarum eo ipso ecclesiastico subiaceant interdicto, quod per alium quam per nos vel successores nostros Romanos pontifices aut de nostro vel ipsorum mandato non possit aliqualiter amoveri, persone quoque singulares predicte. que in excomunicationis sententiam inciderint supradictam, per alium similiter quam per nos vel successores eosdem aut de nostro vel ipsorum mandato preterquam in mortis articulo et tunc iuxta formam ecclesie ab huiusmodi excomunicationis sententia absolvi non possint , quinimmo si huiusmodi singulares personas in eodem mortis articulo contingat absolvi ipseque sic absolute convaluerint, nisi, cum primo comode poterunt, super eo, propter quod in eandem sententiam excomunicationis inciderint, satistactionem exhibeant competentem, in eandem excomunicationis sententiam iuxta constitutionem super hoc editam recidant ipso facto. Volumus insuper, quod duci ac Venetis memoratis et eorum singulis ad hoc Francisco scyndico consentiente predicto auctoritate apostolica districtius inhibere, ne ipsi vel eorum aliquis quevis bona immobilia quovis titulo vel colore quesito in civitate, territorio ac comitatu seu districtu Ferrarien. emant de cetero vel acquirant sine licentia sedis apostolice speciali, super quibus plenam vobis potestatem presentium auctoritate concedimus, studeatis. Quod si forsan emendo aut acquirendo. ut predicitur, contrarium factum fuerit per eosdem seu aliquem eorundem, volumus et eadem auctoritate decernimus, quod eo ipso cadant ab omnibus bonis taliter ibidem emptis vel etiam acquisitis ipsaque bona eiusdem ecclesie Romane camere totaliter applicentur. Tenorem autem articulorum predictorum cum eisdem addictionibus, qui sunt inter vos et dictum scyndicum concordati, ut de ipsis certitudo plenior haberi valeat in futurum, presentibus inseri fecimus, qui talis est:
Item promittent Veneti, quod, quandocunque per Lombardiam superiorem, in qua quantum ad istum articulum intelligimus Mantuam, aut de ipsa Lombardia superiori versus Venetias merces portabunt. transitum per districtum Ferrarien. nec per alveum de novo factum, quo transitur seu navigatur per districtum Veronen., aut per aliquem alium alveum factum vel faciendum seu fluvium vel aquam, nisi per Padum decurrentem per districtum ipsius civitatis Ferrarien. huiusmodi merces in suis vasis vel alienis portabunt neque naves aut aliqua vasa eorum navigabilia Lombardis vel aliis volentibus navigare cum mercibus locabunt, comodabunt vel precario seu alio modo vel contractu seu quasi vendent seu ad gubernandum naves aut remigandum in eis aliquibus, quos scient et credent velle transire cum mercibus suis per alium locum quam per cursum Padi districtus predicti versus superiorem Lombardiam et de ipsa Lombardia versus Venetias locabunt vel gratis prestabunt operas suas nec consentient publice vel occulte, quod aliqui voluntarie vel alio modo portent merces per alveos novos factos vel faciendos et specialiter per dictum alveum de novo factum, quo transitur seu navigatur per districtum Veronen. seu fluvios vel alias aquas dimittendo solitum cursum Padi, qui est in dicto districtu Ferrarien., per quem merces de Venetiis versus Lombardiam superiorem et de dicta Lombardia versus Venetias frequentius deportantur, scilicet quercndo in premissis navigationibus novos et insolitos alveos, flumina vel aquas, per quas intratur Padum, relinquendo districtum Ferrarien., sed per Aticem et alias aquas et flumina antiquitus consueta, que non intrant Padum, liceat merces et alia portari et reportari, sicut solitum est, dum tamen in fraudem aut preiudicium Romane ecclesie scienter propter hoc nichil fiat. Item promittent Veneti, quod non dabunt opem, consilium vel favorem, cum hec possent cedere in preiudicium ecclesie supradicte, neque singulares persone de dicta terra Venetiarum facient aut venient quoquomodo contra premissa vel aliquod premissorum publice vel occulte, tacite vel expresse. Quod si forte aliqui alii non Veneti undecunque per dictos alveos et specialiter per dictum alveum specificatum vel flumina seu alias aquas et cetera, ut dictum est, portarent merces Venetias, promittent Veneti, quod per edictum suum super hoc taliter providebunt, quod tales venientes per dicta loca exceptuata perdent tam navigia quam merces nec talibus volentibus per dicta loca redire in Lombardiam merces aliquas vendent seu navigia locabunt. Ceterum volumus et auctoritate predicta decernimus, quod felicis recordationis Bonifacii pp. VIII predecessoris nostri circa iudices a sede apostolica deputatos, in qua cavetur, quod uno iudicum a sede concessorum eadem negotium inchoante commissum college ipsius nequeant nisi in certis casibus ibidem expressis ulterius se intromittere de eodem, et quibuscunque aliis tam dicti Bonifacii quam aliorum predecessorum nostrorum constitutionibus in contrarium editis, per que presentium effectus impediri posset quomodolibet vel differri, omnino cessantibus quilibet vestrum super hiis omnibus et singulis et etiam in articulo per collegam suum inchoato libere procedere valeat, ac si dictus inchoans requisitus interesse nollet vel esset alias impedimento canonico prepeditus.
Dat. Avinione, Villi kal. februarii, anno octavo.
9007 – Avenione, 17 febr. 1313
Litterae super confirmatione pactorum inter Venetos et Ferrarienses. (cap. 118, f. 32a).
Dilectis filiis ... duci
consilio et comuni Venetiarum Castellan. diocesis.
Decet sedis apostolice pietatem illis, qui post lapsum penitudine ducti gratiam eius reverenter expostulant et gremium repetunt directi consilio salutari, promptis adesse favoribus sueque munificentie largitatem liberaliter aperire, ut eo stabilius in ipsius devotione persistant, quo magis illam repererint in suis oportunitatibus propitiam et benignam. Dudum siquidem contra vos ac comunitatem seu universitatem ac terras vestras et singulares vestrum personas, subditos, coadiutores, valitores et fautores vestros ac vobis adherentes propter graves excessus per vos contra nos et Romanam ecclesiam ac civitatem nostram Ferrarien. commissos et nonnullos alios exigente iustitia procedentes in vos et eos diversas sententias tulimus et penas spirituales et temporales vobis et eis duximus infligendas et demum, quia vos saniori ducti consilio coaptabatis, sicut per indicia verisimilia conici poterat, ad nostra et ipsius ecclesie mandata redire, nos volentes, ut inter vos et dictam civitatem ac comunitatem seu universitatem Ferrarien. bonum pacis et concordie stabiliter perduraret et obviaretur periculis animarum, disposuimus, quod pacta, que inter vos et comunitatem seu universitatem vestram predictam ac potestatem, capitaneum, consilium et dictam comunitatem seu universitatem Ferrarien. quondam Opizonis et subsequenter quondam Azonis marchionum Esten, temporibus, dum viverent, servata fuerant et quibus vos et comunitas seu universitas vestra predicta eisdem temporibus usi fueratis pacifice et quiete, et illa, que tunc nobis promitterentur per vos, perpetuam obtinerent roboris firmitatem, ac considerantes, quod nos plenam de pactis ipsis non poteramus informationem habere de facili, dilectis filiis ... abbati secularis Albaterren. Petragoricen. diocesis et ... decano Melden. ac magistro Galhardo de Casa canonico Constantien. ecclesiarum. qui conditionis et status terre ac civitatis ipsarum plenam facilius poterant habere notitiam dictaque pacta discutere et, quid circa ea vobis concedenda honoribus nostris et predicte ecclesie conveniret quidve in hac parte ipsarum terre et civitatis salubris status exposceret, intueri, per nostras sub certa forma dedimus litteras in mandatis, ut ipsi omnes vel idem abbas cum altero predictorum decani et canonici huiusmodi pacta. que, ut dilectus filius Franciscus Dandoli de Venetiis vester et comunitatis seu universitatis vestre predicte scyndicus asserebat, inter vos et dictos potestatem, capitaneum, consilium et comunitatem sive universitatem Ferrarien. predictos marchionum predictorum temporibus pacifice servata fuerant et quibus idem scyndicus vos et comunitatem seu universitatem vestram prefatam et singulares personas ipsius eisdem temporibus usos fuisse dicebat pacifice et quiete queve dictis abbati, decano et canonico, ut ipsi cautius in huiusmodi negotio procedere possent, sub sigillo dilecti filii nostri Arnaldi sancte Marie in Porticu diaconi cardinalis misimus interclusa, prius super hoc summarie, sine strepitu. Et figura iudicii inquisitione facta vel informatione recepta, prout videretur eisdem, vel illa ex eis, que utilia, iusta et rationabilia invenirent existere, quamvis marchiones ac potestates, capitanei, consilium et comunitas seu universitas ipsius civitatis Ferrarien. absque licentia sedis apostolice, ad quam civitas ipsa Ferrarien. pleno iure dinoscitur pertinere, in hac parte nullam habuissent, sicut nec adhuc habent etiam, potestatem, vobis ac comunitati seu universitati vestre predicte confirmatione seu concessione alia, sj qua super pactis eisdem a dictis abbate, decano et canonico simul aut duobus vel uno ex eis dictarum litterarum nostrarum auctoritate forsitan emanasset, quas nullam habere voluimus firmitatem, nequaquam obstantibus ac penis, pactis et convenctionibus, que inter quondam Frescum dicti Azonis filium naturalem, qui se pro marchione Esten. gerebat dicteque civitatis Ferrarien. presidebat regimini de facto, dum viveret, ac comune et populum ipsius civitatis Ferrarien. ex parte una et vos ex altera et aliis, que inter vos ac comune et populum Ferrarien. predictos dicto Fresco ab ipso eiecto regimine dudum inita fuisse noscuntur et omni eorum effectu, ita quod per hoc vobis quo ad innovationem, concessionem et reintegrationem aliorum pactorum predictorum nullum imposterum preiudicium generetur, auctoritate predicta scyndico ad hoc consentiente prefato cassatis et irritatis et cassis et irritis nuntiatis confirmarent vel etiam innovarent aut de novo imperpetuum vel ad tempus concederent, prout eis expediens videretur, recepturi a vobis et comunitate seu universitate vestra prefata nostro et successorum nostrorum et ecclesie Romane nomine promissionem, obligationem et stipulationem solennem sub forma, modo et cautelis, de quibus expedire viderent, quod vos, prout Franciscus procurator et scyndicus supradictus nobis obtulerat, quandocunque per Lombardiam superiorem aut de ipsa Lomardia superiori versus Venetias merces portaretis transiretis per districtum Ferrarien. nec per aliquern alveum factum vel faciendum aut fluvium vel aquam nisi per Padum decurrentem per districtum ipsius civitatis Ferrarien. huiusmodi merces in vestris vasis vel alienis etiam portaretis neque naves aut alia vasa vestra navigabilia Lombardis vel aliis volentibus navigare cum mercibus locaretis, comodaretis vel precario sive alio modo vel contractu seu quasi venderetis seu ad gubernandum naves aut remigandum in eis aliquibus, quos sciretis vel crederetis velle transire cum mercibus suis per alium locum quam per cursum Padi districtus predicti versus superiorem Lombardiam et de ipsa Lombardia versus Venetias, locaretis vel gratis prestaretis operas vestras nec procuraretis neque consentiretis publice vel occulte, quod aliqui voluntarie vel alio modo portarent merces per alveos novos factos vel faciendos seu fluvios vel alias aquas dimittendo solitum cursum Padi, qui est in districtu predicto Ferrarien., per quem merces de Venetiis versus Lombardiam superiorem et de dicta Lombardia versus Venetias frequentius deportantur, nec ad hoc daretis opem, consilium vel favorem, cum hec possent cedere in preiudicium ecclesie supradicte, neque singulares persone de dicta terra vestra Venetiarum facerent aut venirent quoquomodo contra premissa vel aliquod premissorum publice vel occulte aut tacite vel expresse. Nos enim eisdem abbati, decano et canonico vel ipsi abbati et alteri ex predictis decano et canonico confirmandi aut innovandi vel de novo imperpetuum vel ad tempus, prout expedire viderent, vobis et vestre comunitati seu universitati prefate pacta predicta concedendi ac promissionem, obligationem, stipulationem et cautelas predictas sub quibuscunque modo, forma vel expressione verborum a vobis nostro et eiusdem ecclesie Romane nomine recipiendi plenam concessimus per dictas litteras facultatem et nichilominus vos omnes et singulos de dicta terra vestra Venetiarum, cuiuscunque conditionis, status, dignitatis vel preminentie forent, si predicta per nos expressa nobis aut prefatis abbati, decano et canonico nomine nostro et ecclesie supradicte recipientibus per vos, ut premittitur, promittenda et eorum quodlibet non servaretis aut illa vel aliquod illorum infringeretis, excomunicationis sententiam incurrere voluimus ipso facto et comunitatem ac universitatem vestram prefatam, si in predictis vel eorum aliquo consensu vel opere essetis forte culpabiles, necnon et civitatem Castellan. et ipsam terram Venetiarum eo ipso interdicto ecclesiastico subiacere, absolutione et relaxatione excomunicationis et interdicti predictorum preterquam a predicta excomunicationis sententia nisi dumtaxat in mortis articulo nobis et nostris successoribus Romanis pontificibus reservatis; quod si forsan aliqui in eodem mortis articulo absoluti, quam quidem absolutionem in eodem articulo iuxta formam ecclesie impendi voluimus, quamcitius comode possent, postquam restituti forent pristine sanitati, super premissis nobis aut successoribus et ecclesie supradictis satisfactionem in hac parte non curarent plenarjam exhibere, relaberentur in eandem excomunicationis sententiam iuxta constitutionem super hoc editam ipso facto. Et demum volentes, ut huiusmodi negotium felicem sortiretur effectum, eisdem abbati, decano et canonico per alias nostras certi tenoris litteras dedimus in mandatis, ut ipsi vel duo aut unus eorum pactis predictis, que videlicet per inquisitionem per eos dictarum priorum litterarum auctoritate factam vel informationem receptam repererant temporibus dictorum marchionum, ut predicitur, fore servata, iuxta concordiam super hoc inter eos et scyndicum vestrum habitam addere, detrahere et illa modificare ac etiam declarare ipsaque pacta, quamvis nos ea per dictos processus nostros duxerimus anullanda, seu illa ex eis, de quibus ipsis videretur, vobis confirmare aut innovare et imperpetuum de novo concedere et reintegrare ac decernere, dictos Venetos et Ferrarien. ad illorum observationem sub penis, promissionibus et cautelis dudum in dictis pactis adhibitis et expressis et habitis inter eos iuxta utriusque partis convenctiones et promissiones teneri necnon et sufficientem promissionem, obligationem et cautelam, de quibus expedire viderent, nomine nostro et ecclesie Romane studerent a scyndico supradicto recipere, quod articulos super certis alveis formatos cum addictionibus in eis de ipsorum abbatis et decani ac prefati scyndici concordia factis de novo, prout in ipsis articulis et addictionibus, quorum tenorem in ipsis nostris prefatis abbati, decano et canonico secundo directis litteris ad cautelam inseri fecimus, continetur. et alia, que in predictis nostris prioribus litteris, quas in suo robore permanere voluimus, exprimuntur, per vos faceret inviolabiliter observari, volentes personas singulares de dicta terra vestra Venetiarum, si premissa non servarent aut contra ea vel aliquod premissorum facerent vel venirent quoquomodo publice vel occulte, tacite vel expresse, in excomunicationis sententiam incidere ipso facto; et si vos comune predictum in hiis seu eorum aliquo consensu vel opere culpabiles essetis, civitatem Castellan. et ipsam terram Venetiarum eo ipso interdicto ecclesiastico subiacere, quod per alium quam per nos vel successores nostros Romanos pontifices aut de nostro vel ipsorum mandato aliquaiiter amoveri nec dicte persone singulares, que in excomunicationis sententiam inciderent supradictam, possent per alium quam per nos vel successores eosdem aut de nostro vel ipsorum mandato preterquam in mortis articulo et tunc iuxta formam ecclesie ab huiusmodi sententiis excomunicationis absolvi; quinimmo si huiusmodi personas singulares in eodem mortis articulo absolvi contingeret ipseque sic absolute convalescerent, nisi, cum primo comode possent, super eo, propter quod dictam sententiam excomunicationis incurrissent, satisfactionem plenariam exhiberent, in eandem excomunicationis sententiam iuxta constitutionem predictam reinciderent ipso facto. Et insuper eisdem abbati, decano et canonico mandavimus per dictas eis secundo directas litteras, quod vobis et vestrum singulis ad hoc Francisco scyndico consentiente predicto auctoritate nostra districtius inhibere, nec vos vel aliquis vestrum quevis bona immobilia quovis titulo vel colorequesito in civitate, territorio ac comitatu seu districtu Ferrarien. ex tunc emeretis vel acquireretis sine apostolice sedis licentia speciali, super quibus omnibus plenam eis per litteras ipsas potestatem concessimus, procurarent. Quod si forsan emendo vel acquirendo, ut predicitur, per vos vel aliquem vestrum contrarium fieri contingeret, voluimus et eadem auctoritate decrevimus, quod eo ipso caderetis ab omnibus bonis taliter ibidem emptis vel etiam acquisii ipsaque bona ecclesie Romane camere totaliter applicarentur. Iidem vero abbas, decanus et canonicus huiusmodi prioribus litteris devote receptis et demum super eisdem pactis predictarum priorum litterarum auctoritate summarie sine strepitu et figura iudicii inquisitione facta et habita diligenti et alias informatione recepta, et subsequenter predictis litteris secundo directis eisdem per dictos abbatem et decanum simili modo receptis, et super inquisitione et informatione prefatis deliberatione prehabita ac promissione a prefato scyndico nomine vestro solenniter et expresse recepta, quod vos et singuli vestrum eosdem articulos super alveis formatos cum addictionibus, modificationibus et declarationibus antedictis et omnibus, que in supradictis nostris litteris exprimuntur, perpetuo, plene et inviolabiliter servaretis, ac omnibus sententiis et penis in vos et singulos vestrum non servantes aut infringentes articulos supradictos ac predictam terram vestram Venetiarum per nos in supradictis nostris litteris promulgatis suum eodem scyndico ad hoc prebente consensum, quia per inquisitionem et informationem huiusmodi constitit eis, quod antedicta pacta inter vos et potestatem, capitaneum, consilium et comunitatem seu universitatem Ferrarien. predictos marchionum predictorum temporibus, dum vivebant, fuerant pacifice observata, et etiam diligentius attendentes, quod per concessionem pactorum huiusmodi pax et concordia inter vos et comunitatem sive universitatem dicte civitatis Ferrarien., que ipsis creditur existere fructuosa multipliciter in futurum, auctore Domino proveniret stabiliter permansura, cessarent scandala, et ex hoc necnon et ex transitu, quem vos et singulares persone de terra vestra predicta ob concessionem pactorum huiusmodi per alveum Padi per districtum Ferrarien. decurrentem et non per alios vos facturos abbati et decano predictis pro nobis nostrisque successoribus et prefata Romana ecclesia recipientibus promiseratis per Franciscum scyndicum supradictum, honoris et comodi fructus accresceret et transitus pateret liberior per eundem Ferrarien. districtum transire volentibus ipsaque civitas Ferrarien. ex hoc uberius in victualibus habundaret et aliis iustis et rationabilibus causis, que ad hoc eorum animum induxerunt, diligenter inspectis pacta ipsa, quia eis iusta, utilia et rationabilia visa fuerunt, cum modificationibus, addictionibus et declarationibus inter abbatem et decanum ac scyndicum supradictos super eisdem pactis tractatis et noviter concordatis, sicut in pactis, modificationibus, addictionibus et declarationibus antedictis exprimitur, vobis et scyndico supradicto in eorum presentia constituto nomine vestro recipienti confirmatione seu concessione alia, si qua, ut premittitur, super pactis eisdem a dictis abbate, decano et canonico simul aut duobus vel uno ex eis dictarum priorum nostrarum litterarum auctoritate forsitan emanasset, quas nullam habere voluimus firmitatem, nequaquam obstantibus, ac prius pactis et convenctionibus, que inter quondam Freschum dicti Azonis filium naturalem, qui se pro marchione Esten, gerebat dicteque civitatis Ferrarien. presidebat regimini de facto, dum viveret, ac comune et populum ipsius civitatis Ferrarien. ex parte una et vos ex altera et aliis, que inter vos ac comune et populum Ferrarien. predictos, dicto Frescho ab ipso eiecto regimine, dudum inita fuisse noscuntur, et omni eorum effectu, ita quod per hoc vobis quoad innovationem, concessionem et reintegrationem aliorum pactorum predictorum nullum imposterum preiudicium generaretur, per eos auctoritate predicta scyndico ad hoc consentente prefato cassatis, irritatis et cassis et irritis nuntiatis innovarunt et imperpetuum de novo concesserunt et reintegrarunt, auctoritate huiusmodi litterarum decernentes vos et Ferrarien. eosdem ad dictorum pactorum obscrvationem iuxta utriusque partis convenctiones annotatas in pactis eisdem teneri sub penis, promissionibus et cautelis dudum in dictis pactis adhibitis ac inter abbatem et decanum predictos habitis et expressis ac vobis et singulis de dicta terra vestra, ad hoc Francisco scyndico consentente predicto, auctoritate apostolica inhibuerunt expresse, ne vos vel aliquis vestrum quevis bona immobilia quovis titulo vel colore quesito in civitate, territorio ac comitatu seu districtu Ferrarien. predictis emeretis de cetero vel acquireretis absque licentia sedis apostolice speciali. Quod si forsan contrarium emendo vel acquirendo, ut prefertur, per vos vel aliquem vestrum fieri contingeret, voluimus et ex tunc auctoritate predicta decrevimus vos eo ipso cadere ab omnibus bonis taliter ibidem emptis vel etiam acquisitis ipsaque bona ecclesie Romane camere totaliter applicari, prout in instrumento publico inde confecto abbatis et decani predictorum sigillis munito plenius continetur Nos igitur vestris supplicationibus inclinati quod per dictos abbatem et decanum in hac parte factum est, ratum et gratum habentes id auctoritate apostolica ex certa scientia confirmamus et presentis scripti patrocinio comunimus; supplentes omnem defectum, si quis in premissis habitus quomodolibet extitisset de apostolice plenitudine potestatis ac tenorem instrumenti predicti presentibus inseri facientes, qui talis est:
Noverint universi presentes litteras inspecturi, quod nos Helyas abbas secularis Albaterren. Petragoricen. diocesis et Onufrius de Trebis decanus Melden. ecclesiarum dudum a sanctissimo in Christo patre et domino nostro, domino Clemente divina providentia pp. V nobis et discreto viro magistro Galhardo de Casa canonico Constantien. directas una cum quibusdam pactis, que dudum inter Venetos et Ferrarien. dicebantur servata fuisse, nobis sub sigillo reverendi patris domini Arnaldi sancte Marie in Porticu diaconi cardinalis transmissa primo recepimus litteras in hac forma.
Clemens episcopus, servus servorum Dei, dilectis filiis ... abbati secularis Albaterren. Petragoricen. diocesis et ... decano Melden. ac magistro Galhardo de Casa canonico Constantien. ecclesiarum salutem et apostolicam benedictionem. Dudum contra Venetos ac comunitatem seu universitatem ipsorum Castellan. diocesis ac terras et singulares personas, subditos, coadiutores, valitores et fautores ipsorum et adherentes eisdem propter graves excessus per eos contra nos et Romanam ecclesiam ac civitatem nostram Ferrarien. commissos et nonnullos alios exigente iustitia procedentes diversas sententias et penas spirituales et temporales eis duximus infligendas. Verum quia Veneti et comunitas sive universitas predicti saniori ducti consilio ad nostra et ipsius ecclesie mandata, sicut per indicia verisimilia conicimus, redire humiliter se coaptant, nos volentes, ut inter eos ac dictam civitatem et comunitatem seu universitatem Ferrarien. bonum pacis et concordie stabiliter perseveret ac animarum periculis obvietur, intendimus, quod pacta, que inter eosdem Venetos et comunitatem seu universitatem Venetorum ipsorum ac ... potestatem, ... capitaneum, consilium et dictam comunitatem seu universitatem Ferrarien. quondam Opizonis et subsequenter quondam Azonis marchionum Esten, temporibus, dum vivebant, servabantur, et quibus Veneti et comunitas sive universitas ipsorum predicti eisdem temporibus utebantur pacifice et quiete et illa, que nobis promittentur per eos, perpetuam obtineant roboris firmitatem, et considerantes, quod plenam de pactis ipsis informationem de facili habere non possumus quodque vos conditionis et status terre ac civitatis ipsarum plenam facilius poteritis habere notitiam dictaque pacta discutere, et quid circa ea predictis Venetis et comunitati seu universitati terre Venetiarum concedenda honoribus nostris et ecclesie predicte conveniat, quidve in hac parte ipsarum terre et civitatis salubris status exposcat, comodius intueri discretioni vestre, de qua plenam in Domino fiduciam obtinemus, per apostolica scripta mandamus, quatenus vos omnes vel tu fili, abbas, cum altero vestrum, filii decane et canonice, huiusmodi pacta, que ut Franciscus Dandoli de dieta terra Venetiarum scyndicus Venetorum et comunitatis seu universitatis Venetorum ipsorum asserit, inter ipsos et dictos potestatem, consilium, comunitatem seu universitatem Ferrarien. Opizonis et subsequenter Azonis marchionum predictorum temporibus, dum vivebant, pacifice servabantur et quibus predictos Venetos et comunitatem seu universitatem ipsius terre Venetiarum et singulares eorum personas eisdem temporibus usos fuisse dicebat pacifice et quiete, queve, ut cautius in huiusmodi negotio procedere valeatis, vobis sub sigillo dilecti filii nostri Arnaldi sancte Marie in Porticu diaconi cardinalis mittimus interclusa, prius super hoc summarie, sine strepitu et figura iudicii inquisitione facta vel informatione recepta, prout discretioni vestre videbitur, vel illa ex eis, que utilia, iusta et rationabilia fore noveritis, quamvis ipsi marchiones ac potestates, capitanei, consilium et comunitas sive universitas ipsius civitatis Ferrarien. absque licentia sedis apostolice, ad quam civitas ipsa Ferrarien. pleno iure dinoscitur pertinere, in hac parte paciscendi nullam habuerint, sicut nec adhuc habent, potestatem, dictis Venetis ac comunitati seu universitati ipsius terre Venetiarum confirmetis vel innovetis aut de novo imperpetuum vel ad tempus, prout discretioni vestre videbitur, concedatis; recepturi ab eisdem Venetis et comunitate vel universitate dicte terre Venetiarum nostro et successorum nostrorum et ecclesie Romane nomine promissionem, obligationem et stipulationem solennem sub forma, modo et cautelis, de quibus expedire videritis, quod ipsi, prout Franciscus syndicus et procurator predictus nobis obtulit, quandocunque per Lombardiam superiorem aut de Lombardia superiori versus Venetias merces portabunt, transibunt per districtum Ferrarien. nec per aliquem alveum factum vel faciendum vel fluvium vel aquam, nisi per Padum decurrentem per districtum ipsius civitatis Ferrarien. huiusmodi merces in suis vasis vel alienis portabunt neque naves aut alia vasa eorum navigabilia Lombardis vel aliis volentibus navigare cum mercibus locabunt, comodabunt vel precario seu alio modo vel contractu sive quasi vendent seu ad gubernandum naves aut remigandum in eis aliquibus, quos scient vel credent velle transire cum mercibus suis per alium locum, quam per cursum Padi districtus predicti versus superiorem Lombardiam et de ipsa Lombardia versus Venetias locabunt vel gratis prestabunt operas suas nec procurabunt nec consentent publice vel occulte, quod aliqui voluntarie vel alio modo portent merces per alveos novos factos vel faciendos seu fluvios vel alias aquas dimittendo solitum cursum Padi, qui est in dicto districtu Ferrarien., per quem merces de Venetiis versus Lombardiam superiorem et de dicta Lombardia versus Venetias frequentius deportantur, nec ad hec dabunt opem, consilium vel favorem, cum hec possent cedere in preiudicium ecclesie supradicte, neque singulares persone de dicta terra Venetiarum facient aut venient quoquomodo contra premissa vel aliquod premissorum publice vel occulte, tacite vel expresse. Nos enim confirmandi aut innovandi vel de novo imperpetuum vel ad tempus, prout expedire videritis, eisdem Venetis et comunitati aut universitati prefate terre Venetiarum pacta predicta concedendi ac promissionem, obligationem, stipulationem et cautelas predictas sub quibuscunque modo, forma vel expressione verborum ab ipsis nostro et ecclesie Romane nomine recipiendi plenam vobis omnibus ac tibi abbas et alteri ex vobis decane et canonice prefati concedimus auctoritate presentium facultatem. Et nichilominus nos omnes et singulares personas de dicta terra Venetiarum, cuiuscunque conditionis, status, dignitatis vel preminentie fuerint, si predicta per nos expressa nobis aut vobis nomine nostro et ecclesie prefate recipientibus, ut premittitur, promittcnda per eos vel eorum quodlibet non servirent aut illa vel aliquod illorum infringerent, excomunicationis sententiam incurrere volumus ipso facto et comunitatem ac universitatem Venetorum ipsorum, si in predictis vel eorum aliquo consensu vel opere culpabiles fuerint, necnon et civitatem Castellan. et ipsam terram Venetiarum eo ipso interdicto ecclesiastico subiacere absolutione et relaxatione excomunicationis et interdicti predictorum preterquam a predicta excomunicationis sententia dumtaxat in mortis articulo nobis et nostris successoribus Romanis pontificibus reservatis. Quod si forsan aliqui in eodem mortis articulo absoluti, quam quidem absolutionem in articulo ipso iuxta formam ecclesie impendi volumus, quam citius comode possent, postquam restituti forent pristine sanitati, super premissis nobis aut successoribus et ecclesie supradictis satisfactionem in hac parte non curarent plenariam exhibere, ipso facto in eandem excomunicationis sententiam iuxta constitutionem super hoc editam relabantur. Volumus autem, quod quicquid feceritis in predictis, nobis per vestras patentes litteras harum seriem continentes studeatis fideliter intimare.
Dat. Vienne, VII kal. decembris, pontificatus nostri anno septimo.
Postmodum autem super pactis eisdem auctoritate litterarum huiusmodi summarie, sine strepitu et figura iudicii inquisitione facta et habita diligenti necnon et alias informatione recepta ab eodem domino nostro recepimus alias iitteras tenorem huiusmodi continentes.
Clemens episcopus, servus servorum Dei, dilectis filiis ... abbati secularis Albaterren, Petragoricen. diocesis et ... decano Melden. ac magistro Galhardo de Casa canonico Constantien. ecclesiarum. Dudum contra Venetos ac comunitatem seu universitatem ipsorum Castellan. diocesis ac terras et singulares personas, subditos. coadiutores, valitores et fautores eorum et adherentes eisdem propter graves excessus etc., ut supra proximo, ponendo totum tenorem usque ac si dictus inchoans requisitus interesse nollet vel esset alias impedimento canonico prepeditus.
Dat Avinione. VIIII kal. februarii, pontificatus nostri anno octavo.
Quibus litteris debita reverenda et devotione receptis et subsequenter super inquisitione et informatione prefatis plena deliberatione prehabita nobili viro domino Francisco Dandoli supradicto syndico et procuratore illustris viri domini Iohannis Superantio Dei gratia Venetiarum, Dalmatie atque Chroatie ducis necnon et domini quarte partis et dimidie totius imperii Romanie ac universitatis, consilii et comunis ac singularium personarum dicte terre Venetiarum atque districtus ad hec omnia legitime constituto, ut constat per publicum instrumentum scriptum manu Frederici de Gayardis de Senis apostolica et imperiali auctoritate notarii et etiam ex potestate antiqua sibi tradita et concessa per aliud syndicatus instrumentum formam similem continens, dudum approbatum per dominum Papam predictum, scriptum per Bonfantem quondam Vitalis laici Tervisin. apostolica auctoritate notarii et ducali bulla plumbea solitaque bullata scyndicario et procuratorio nomine, quorum est scyndicus, et singularium personarum ipsorum, in nostra et Marchi nostri notarii et testium infrascriptorum presentia constituto nobis pro dicto domino Papa suisque successoribus et Romana ecclesia recipientibus et stipulantibus promittente solenniter et expresse, quod articulos suprascriptos super alveis formatos cum addictionibus et eis de nostra et ipsius scyndici concordia factis de novo, prout in ipsis articulis et addictionibus continetur, et omnia, que in predictis apostolicis litteris exprimuntur, tam ipse quam illi, quorum est scyndicus et procurator, integre, plene, perpetuo et inviolabiliter observabunt et facient observari, necnon et ipso eodem scyndico consentiente nomine supradicto sententiis atque penis in supradictis litteris apostolicis per prefatum dominum Papam super huiusmodi articulorum observantia promulgatis, quia per inquisitionem et informationem huiusmodi constat nobis pacta predicta inter eosdem Venetos et comunitatem seu universitatem ipsorum ac ... potestatem, capitaneum, consilium et comune sive universitatem Ferrarien. predictos, quondam Opizonis et subsequenter quondam Azonis marchionum Esten, temporibus, dum vivebant, fuisse pacifice observata, et diligentius attendentes, quod per concessionem pactorum predictorum pax et concordia inter eosdem Venetos et comunitatem sive universitatem dicte civitatis Ferrarien., que ipsis creditur existere fructuosa multipliciter in futurum, Deo auctore provenient stabiliter permansura, cessabunt scandala et ex hoc necnon et ex transitu, quem ipsi Veneti ob concessionem pactorum huiusmodi per alveum Padi per districtum Ferrarien. decurrentem et non per alios se facturos nobis pro dicto domino Papa et Romana ecclesia recipientibus per dominum Franciscum Dandoli eorum scyndicum promiserunt, ut superius est expressum, honoris et comodi fructus accrescet et transitus patebit liberior per eundem Ferrarien. districtum transire volentibus ipsaque civitas Ferrarien. ex hoc uberius in victualibus habundabit, et ex aliis iustis et rationabilibus causis, que ad hoc nostrum animum induxerunt, diligenter inspectis, pacta ipsa, quia nobis iusta, utilia et rationabilia visa fuerunt, cum modificationibus, addictionibus et declarationibus inter nos et scyndicum supradictum super eisdem pactis tractatis et noviter etiam concordatis, prout in eisdem pactis, modificationibus, addictionibus et declarationibus continetur, predictis domino duci et Venetis ac domino Francisco scyndico supradicto in nostra presentia constituto recipienti pro eis confirmatione seu concessione alia, si qua, ut premittitur, super pactis eisdem a nobis et canonico supradicto simul aut duobus vel uno ex nobis dictarum priorum apostolicarum litterarum auctoritate forsitan emanasset, quas nullam idem dominus Papa habere voluit firmitatem, nequaquam obstantibus ac pactis et convenctionibus, que inter quondam Freschum dicti Azonis filium naturalem, qui se pro marchione Esten, gerebat, dicteque civitatis Ferrarien. presidebat regimini de facto, dum viveret, ac comune et populum ipsius civitatis Ferrarien. ex parte una. et dictos ducem et Venetos ex altera et aliis, que inter ducem et universitatem ac comune et populum Ferrarien. predictos, dicto Fresco ab ipso eiecto regimine, dudum inita fuisse noscuntur et omni eorum effectu, ita quod per hoc dictis Venetis quoad innovationem, concessionem et reintegrationem aliorum pactorum predictorum nullum imposterum preiudicium generetur, scyndico ad hoc consentiente prefato, prius auctoritate presentium cassatis et irritatis et cassis et irritis nuntiatis innovamus et imperpetuum de novo concedimus et reintegramus auctoritate huiusmodi litterarum decernentes ipsos Venetos et Ferrarien, ad dictorum pactorum observationem iuxta utriusque partis convenctiones annotatas in pactis eisdem teneri sub penis, promissionibus et cautelis dudum in dictis pactis adhibitis ac expressis et habitis inter eos predictis nichilominus domino duci, Venetis ac eorum singulis auctoritate predicta ad hoc domino Francisco scyndico consentiente predicto districtius inhibentes, ne ipsi vel eorum aliquis quevis bona immobilia quovis titulo vel colore quesito in civitate, territorio ac comitatu seu districtu Ferrarien. emant de cetero vel acquirant absque licentia seclis apostolice speciali. Quod si forsan emendo vel acquirendo, ut premittitur, per eos vel ipsorum aliquem contrarium fieri contingeret, voluit idem dominus Papa et ex tunc auctoritate apostolica decrevit dictos Venetos eo ipso cadere ab omnibus bonis taliter ibidem emptis vel etiam acquisitis ipsaque bona ecclesie Romane camere totaliter applicari. Tenorem autem dictorum pactorum cum modificationibus, addictionibus et declarationibus antedictis presentibus inseri fecimus, qui talis est:
In Christi nomine. Anno dominice nativitatis millesimo centesimo nonagesimo primo tempore Celestini Pape et Henrici imperatoris, die sexto exeunte, mense octobris, indictione nona, Ferrarie. Quia decet universos civitatum rectores dilectionem et amicitiam aliarum civitatum, cum quibus familiaritatem habent, manutenere et iustitiam et rationem inter se conservare, ideo, ut civitas Ferrarie et eius comitatus atque districtus quiete et pacifice dilectionem Venetorum diu habitam manutenere valeant, nos consules Ferrarie inferius scripti in observandis iustitiis et rationibus cum nobilibus et sapientibus nuntiis Henrico Dandolo et Petro Fuscarini delegatis ab Aurio Mastro Petro Dei gratia Venetiarum, Dalmat. atque Chroac. duce hunc ordinem invenimus placitum utrique partium inferius declaratum. Si Veneticus de Ferrarien. deposuerit questionem, non habeat Ferrarien. nisi unum preceptum, et facta querela debet Ferrarien. confiteri vel se tueri per sacramentum. Quod si forte facere noluerit, condempnetur secundum depositam contra eum querelam, et si vocatus ad placitum, non venerit, pro Venetiani debet sacramento condempnari. Quod si de questione facta fuerit instrumentum per manum tabellionis confectum et reus minus paratus ad causam forte accesserit, liceat ei quindecim dierum inducias postulare et, si per testes monstraverit, quod ex parte vel totum sit debitum, quod continetur in instrumento, solutum, non valeat testimonium, quod Ferrarien. induxerit, si Veneticus iuraverit contra; si vero cartam securitatis factam per manum tabellionis de instrumento ipso monstraverit, tunc irritum teneatur instrumentum Ferrarien. Iterum instrumentum Venetici factum a Ferrarien. per notarium Ferrarie firmitatem obtineat et e converso instrumentum a Venetico factum Ferrarien. per notarium Venetiarum valeat simili modo. Verum instrumentum a Venetico Ferrarien. factum per manum tabellionis Ferrarie non teneat, nisi in eo subscripserint habentes regimen civitatis Ferrarie; ita et instrumentum a Ferrarien. Venetico factum per manum tabellionis Venetiarum non teneat, nisi in eo subscripserit nomen rectoris civitatis, scilicet vixdominus. De instrumentis vero quondam inter nos et vos factis illud exinde Ferrariensibus facere disposuimus et Ferrarienses Venetianis, quod erit gratum et acceptum. Item si de preda fuerit contra Ferrarien. querela perlata et res notoria erit, super hoc licebit Venetico iurare vel dare sacramentum Ferrarien. faciendum et sic facta preda reddatur; si vero notoria non erit, pendet sacramentum defensionis in Ferrarien. voluntate, quod si facere noluerit, iurante Venetico, Ferrariensis condempnetur. Item si Ferrariensis causa pignorandi Venetiano (1) aliquid sine verbo consulis et rectoris abstulerit. reddat ablata per sacramentum. Si autem de consensu rectorum facta fuerit pignoratio, stabit pignoratio illa, quousque Ferrarien. vadat Venetias ad suam iustitiam pro pignoratione facta querendam, quam si habere poterit, pignoratio tunc facta reddatur; si vero iustitiam consequi non poterit, faciat Ferrarien. rem sibi abiatam per sacramentum et sic rerum suarum de pignoratione facta solutionem recipietet, si aliquod residuum fuerit, dabitur Venetico. Item de pignoratione facta sine verbo rectoris et preda liceat Venetico se tenere, ad quem voluerit, de hiis, qui ad ipsarn predam vel pignorationem fuerit faciendam. Item si Veneticus habitando Venetiis fecerit aliquod debitum vel maleficium et fuerit inventus Ferrarie, si super hoc dominus dux Venetiarum Ferrariam suas litteras destinaverit, remittent eum ad presentiam domini ducis sufficienti securitate accepta, quod ad eius presentiam erit secure deductus; simili modo de fugitivo servo et ancilla fiat, si fuerint inventi Ferrarie. Item de omnibus sententiis datis super Ferrarien., si solutio non facta fuerit, aut non habebunt iudicati, unde (2) sententie exequantur, dabuntur persone eis, quibus iudicate fuerint, in loco tuto et idem per omnia, ut continetur superius de Venetis, debent Ferrariensibus a Venetis observari. Volentes itaque, ut, quod statutum est, robur et firmitatem obtineat, scriptum presens nostro notario facere destinavimus et viros nobiles Ferrarien. Ioculum Guidonem Turchi et. O. Maynardorum ad causas Venetorum audiendas et diffiniendas per hec tempora iurare fecimus et hec omnia consilio sapientum Ferrarie in pleno consilio cum predictis nuntiis Venetiarum confirmavimus. Consules, qui tunc erant, hii sunt: Iacobus Trote, Petrus Bonus Pagani, Bonus Iohannis iudex, Gevenaldus, Girardus Stortus, Signorelus, Ubaldinus Fontane, Menaba (3), Isnardus, Otolinus Maynardi, Donatus iudex, Leutius. Ego magister Presbyterinus imperialis aule notarius voluntate consulum Ferrarien. et consiliariorum, sicut supra legitur, hanc cartam scripsi de comuni concordia venerabilium virorum dominorum Helie de Faya abbatis secularis ecclesie Albaterren. Petragoricen. diocesis et Onufrii de Trebis decani Melden. domini Pape capellani ad hoc per sedem apostolicam deputatorum nomine Romane ecclesie ex parte una et nobilem virum dominum Franciscum Dandolo scyndicum et ambasciatorem Venetorum ex parte altera in pacto supra proximo scripto ibi, ubi dicit: et idem per omnia, ut continetur superius de Venetis, debent Ferrariensibus a Venetis observari, facta fuit addictio in hec verba, scilicet in omnibus et singulis capitulis suprascriptis anno Domini MCCL, indictione octava, die iovis quintodecimo, exeunte martio, presentibus dominis Philippo de Molino, Balduino Quirino ambaxiatoribus comunis Venetiarum, Bernardino de Fontana, Turclo de Turclis, Stabulino notario et aliis; dominus Rodulphus iudex et vicarius domini marchionis Esten, potestas Ferrarie ad postulationem supradictorum Philippi de Molino et Balduini Quirino ambasciatorum comunis Venetiarum fecit venire dominum Iohannem de Trota et dominum Thomasinum de Fontana et dominum Ottolinum de Maynardis electos arbitros per dictos ambasciatores Venetiarum in palatio comunis Ferrarien. et precepit eis, ut deberent esse arbitri inter Venetos et Ferrarienses; qui supradicti domini Iohannes de Trota et Thomasinus de Fontana et Otolinus de Maynardis iuraverunt ad sancta Dei evangelia, quod bona fide sine fraude erunt studiosi ad audienda et diffinienda omnia placita, que ante eos fuerint apposita inter Venetos et Ferrarienses et, ubi pactum vel ordo defecerit, dicent secundum usum suum, si fuerit, et, ubi usus eis defecerit, dicent secundum eorum conscientiam sine aliqua fraude et non iudicabunt nec nocebunt alicui tam Venetis quam Ferrariensibus per fraudem nec etiam ullum placitum per fraudem dilatabunt, nullum quoque servitium inde tollent, nec tolli facient excepto apporto, si eis missi fuerint, vel tantum a soldis quinque infra, et si sciverint, quod aliquis pro eis aliquod servitium acceperit, illud reddi facient, si poterunt, sine fraude et pro accessoribus vel consilio habendo pro causis Venetorum, que ante eos fuerint deposite et ventilate, quicquam a Venetis solvi non facient vel exhiberi. Preterea si dominus dux Venetiarum cum Ferrariensibus aliquid de ordine vel de pacto iungere vel minuere voluerit, ipsi, secundum quod ab eis statutum fuerit, iudicabunt et de omnibus, qui ante eos duxerint conquerendum, si voluerint preceptum, dabunt viatori preceptum, ut precipiat ei vel eis de quo fuerit querela prolata, et post sententiam datam precipient viatoribus, ut intromittant de bonis eorum, qui iudicatj erunt, ad solutionem faciendam illi, cui fuerint iudicati; et si viator dixerit eis, quod rebellem invenerit, dicent potestati vel eius consulibus. Ferrarien. in hiis omnibus sunt studiosi, excepto in iudicando hominem in membro perdendo vel frustando vel bullando. Hec omnia supradicta iuraverunt bona fide et sine fraude attendere et observare usque ad unum annum proximo venturum. Actum Ferrarie in palatio comunis. Ego Conradinus de Fumario sacri palatii notarius interfui et scripsi. Item de comuni concordia predictorum dominorum abbatis, Onufrii et Francisci nominibus, quibus supra, pacto proxime suprascripto facta fuit addictio in hec verba videlicet, quod, sicut Veneti eligebant tres arbitros de Ferraris, ita eligant tantum duos et illi. qui erunt pro ecclesia in Ferrarla, eligant tertium, quod si non facerent infra octo dies, postquam fuerint a Venetis requisiti, Veneti eligant ipsum tertium et de Ferraria.
Anno Domini MCCL, indictione octava. die iovis XV, exeunte martio, presentibus dominis Philippo de Molino, Balduino Quirino, ambasciatoribus comunis Venetiarum, Bernardino de Fontana, loculo de Ioculis, magistro Fantolino notario et aliis, Cum dominus Philippus de Molino, Balduinus Quirino ambaxiatores comunis Venetiarum elegissent dominum Nicolaum de Beys filium domini Leonardi de Beys et dominum Abergatum de Turdo notar, de sancto Roman., advocatos inter Venetos et Ferrarienses, dominus Rodulfus iudex et vicarius domini marchionis Esten, et potestatis Ferrarien. ad petitionem ambaxiatorum Venetiarum fecit dictos advocatos electos venire et precepit eis, ut deberent esse advocati inter Venetos et Ferrarien.; qui dictus Nicolaus de Beis et Albergete (sic) de Turdo notar, iudices et advocati iuraverunt ad sancta Dei evangelia, quod nullum placitum, de quo erunt rogati, neque pignus quod pro veneticis eis fuerit presentatum, vitabunt per fraudem recipere et quod erunt advocati inter Venetos et Ferrarien. et omnia placita, que eis apparuerint. de quibus ipsi receperint pignus vel gratiam placitum habentis ipsum pignus aut solutionem quinque solidorum consuetum recipere voluerint, placitabunt et ipsi habenti placitum consulent bona fide sine fraude, melius quam poterunt, cum omnibus rationibus et cum omnibus cartulis ab eis vel eo. quorum vel cuius erit placitum, eis attributis (4); que carte sive rationes si apparuerint, quod faciant pro eis, quorum erit placitum, modis omnibus, quibus valebunt; falsitatem quoque nullam neque falsitatis cartam in facto placitorum fieri facient nec fieri consiliabunt; studiosi quoque erunt ad placitandum omnia placita, de quibus fuerint rogati et pignus vel pagamentum soldorum V accipere inde ad melius et modis omnibus, quibus valebunt, nullum quoque servitium inde tollent vel tolli facient preter soldos V Venet. parvorum, quos tollere eis licitum est inter eos, et non plus, et si aliquis pro eis exinde aliquod servitium tulerit et sciverit, faciet ipsum reddi illi, a quo acceptum fuerit, si potuerit, sine fraude, et quicquid dominus dux Venetiarum et potestas seu consules vel rectores Ferrarien., qui pro tempore fuerint, in hiis adtliderint, totum sine fraude observabunt, quod ad officium suum pertinebit. Et hec omnia iura verunt attendere et observare bona fide sine fraude hinc usque ad unum annum completum proximo venturum. Ego Conradinus de Furnano sacri palatii notarius interfui et scripsi, iuro ad evangelia sancta Dei, quod nullum placitum, de quo ero rogatus, ut ex eo sim advocatus inter Venetos et Ferrarienses neque pignus pro eo, quod michi fuerit presentatum, vitabo per fraudem recipere et omnia placita, que michi apparuerint, de quibus socius meus huiusmodi officii aut ego recepero pignus vel gratiam placitis habentis ipsum pignus vel pagamentum quinque solidorum consuetum recipere voluerimus, placitabo ac ipsum habentem placitum consulam bona fide sine fraude, ad melius quod potero, cum omnibus rationibus et cum omnibus cartulis ab eis vel eo, quorum vel cuius erit placitum, michi attributis; que carte sive rationes michi apparuerint, quod faciam coram eis, quorum erit placitum, modis omnibus, quibus valebo; falsitatem nullam, neque aliquam falsitatis cartam faciam fieri nec fieri consiliabor; studiosus quoque ero ad placitandum omnia placita, de quibus rogatus fuero et pignus vel pagamentum solidorum quinque recipiam inde ad melius et modis omnibus, quibus valebo, nullum servitium inde tollam vel tolli faciam preter supradictos solidos V, qui debent esse denarii parvi de Venetiis, quos tollere michi licitum est inter me et consocium meum, et si aliquis pro me exinde aliquod servitium tulerit, et scivero, faciam illud reddi ei, a quo acceptum fuerit, sine fraude et nulli Veneto, cuius advocatus ero, tollam denar. pro libra, ex eo quod in placito vel concordia erit lucratus, exceptis supradictis V solidis denariorum parvorum de Venetiis, quos unicuique pro advocationis officio, cuius advocatus ero, michi licitum est tollere inter me et socium meum.
In Christi nomine (anno) MCCXL, indictione XIII, die sabbati , nono die intrante mense iunii, in civitate Ferrarie, in palatio domini Salinguere, in presentia dominorum Leonardi Gradonici, Stephani Iustiniani, Leonis Sanudo, Henrici Pascalici, Marci Greci, Girardi Longi, Marini Marcelli. Petri Gisi testium rogatorum, dominus Gregorius de Montelongo domini Pape notarius, apostolice sedis legatus, auctoritate sue legationis et potestatis sibi date a comuni Ferrarien., ut constat per quoddam instrumentum factum ab Incelino de Verona, domini Azonis Dei grada Esten, marchionis notario, precepit et iniuncxit viro nobili Stephano Baduar. potestati comunis Ferrarien. sub debito iuramenti, quod fecerat pro regimine civitatis, faciendo ad eius voluntatem, ut constat per aliud instrumentum a suprascripto Incelino notario factum, quatenus statutum vel statuta, pactum vel pacta sive ordinamentum vel ordinamenta cum additionibus et mutationibus infrascriptis olim factum vel facta et confirmatum vel confirmata inter dominum Iacobum Teupulo Dei gratia Venetie. Dalmatie atque Chroatie ducem et comune Venetiarum ex una parte et dominum Ubertum de Marnate civem Mediolanen. potestatem Ferrarien. necnon et dominos Iacobinum de Trota, Villanum de Aldigeriis, Bonum Iohannem de Ansedeo, Menabovem Piliparium iudicem et Petrum de Marone cives Ferrarien. ipsius civitatis Ferrarien. ambaxiatores ad hoc destinatos a comuni Ferrarie, debeat observare et per cun(c)tos cives Ferrarien. facere observari; forma cuius pacti talis est.
In nomine sancte et individue Trinitatis. Amen. Anno nativitatis eiusdem MCCXXX, tempore Gregorii Pape et Frederici imperatoris, die tertiodecimo exeunte mense augusti, indictione tertia, Venetiis in palatio domini ducis. Ouoniam decet universos civitatum rectores dilectionem et amicitiam aliarum civitatum, cum quibus familiaritatem habent, manutenere et iustitiam et rationem inter se conservare, ut dominus dux Venetiarum et Veneti quiete et pacifice dilectionem Ferrarien. diu habitam et detentam valeat semper manutenere, ideo dominus Ubertus de Marnate civis Mediolanen. potestas Ferrarie necnon et domini Iacobinus de Trota, Villarius (sic) de Aldigeriis, Bonus Iohannes de Ansedeo, Menabos Pelparius iudex et Petrus de Marone cives Ferrarien. ipsius civitatis Ferrarien. ambasciatores ad hoc destinati a comuni Ferrarien. ad dominum ducem Venetiarum vice et nomine ipsius comunis Ferrarien. et singulorum civium Ferrarien. solenni stipulatione interveniente promiserunt et pactum fecerunt firmiter observandum a modo usque ad proximas kalendas ianuarii venturas et deinde usque ad annos decem, domino Iacobo Teupulo Dei gratia Venetiarum, Dalmatie atque Chroacie inclito duci recipiente vice sua et comunis Venetiarum. videlicet quod omnes homines Venetiarum et eius districtus sint salvi et securi in personis et rebus eorum in civitate Ferrarien. et eius districtu euntes, stantes et venientes et redeuntes, non solventes aliquod datium vel tholoneum aut male ablatum apud Ferrariam vel apud Figarolium aut aliquo loco districtus Ferrarie, occasione ipsorum Ferrarien. vel occasione domini Pape seu ecclesie episcopatus Ferrarien. aut aliqua altera occasione seu consuetudine vel ratione, exceptis tribus denariis Venetis parvis tantum pro fundo navis apud Ferrariam, videlicet ille naves hoc datium trium denariorum solvere debeant. que portum fecerint et remanserint apud civitatem Ferrarien. causa suarum rerum illic vendendi et comparandi; tamen alie naves, que ibi venerint preter istas, hoc datium trium denariorum solvere non teneantur. Item quod omnes homines undecunque venientes tam per portum maris, quam per Padum cum blava, vino et aliis victualibus, extra districtum Ferrarie possint ire Venetias per portum maris vel per flumina sive aliunde cum ipsa blava, vino et victualibus sine contradictione vel defensione ipsorum Ferrarien., non inferendo eis aliquod onus vel gravamen neque cogendo eos occasione bannorum suorum seu postarum, quod in toto vel parte ipsarum blavarum, vini et victualium vendant vel mittant apud Ferrariam vel aliquem alium locum districtus Ferrarien. Item promittunt satisfacere Venetis de terris et possessionibus suis, quas habebant in massa Fystalie, quas comune Ferrarien. eis abstulit et habet et tenet in massa Fystalie et alii homines et persone pro ipso comuni habent et tenent. ostendentibus eis per testes vel per cartam de iure suo, et hec satisfactio fiat de quantitate pretii secundum illam quantitatem illius pretii, quod fuit satisfactum Ferrariensibus, qui habebant possessiones in massa Fystalie, medietatem hinc ad proximum carnisprivium et alteram medietatem hinc ad pasca resurrectionis Domini proximum, et quod arbitri electi in Ferraria pro Venetis infra XV dies debeant pronuntiare super hiis possessionibus Masse, postquam testes producti fuerint in causa vel instrumenta et renuntiatum fuerit cause per Venetos coram arbitris; testes vero, qui producti sunt a Venetis coram arbitris super hiis possessionibus, valeant simili modo, sicut modo de novo producerentur, et sit in arbitrio Venetorum, qui produxerunt, tenere se ad dicta singulorum vel ad partem ipsorum testium, et si noluerint tenere ad dicta testium productorum, tunc ipsorum dicta nec obesse debeant Venetis nec prodesse. Item promiserunt, quod permittent omnibus Venetis deferre et conducere Venetias totum suum terraticum et redditum suarum terrarum et possessiones, quas habent in Ferraria et eius districtu, tam ipsum redditum et terraticum, quam omnem alium eorum redditum blavarum, leguminum, vini, carnium vivarum et mortuarum et cavalaticum et socedarum et ioiarum et omnem redditum aliorum suorum bonorum, iurante gastaldione illorum Venetorum coram potestate Ferrarie semel in anno quantitatem terratici et reddituum ipsorum Venetorum, et facto sacramento detur ei sigillum pro predictis terraticis et redditibus Venetias conducendis et deferendis et non constet Veneto dictum sigillum nisi quatuor imperiales tantum, nec aliquid aliud propter hoc solvat aut eis aliquam molestiam vel gravamen inferre debeat, ita tamen quod, quotiescunque per totum annum dicti Veneti voluerint conducere Venetias dictum suum terraticum et redditum, totiens detur eis dictum sigillum solventur quatuor imperiales, sicut dictum est pro sigillo, credendo sacramento a gastaldione facto semel in anno per totum annum. Verumtamen dicti Veneti possint et debeant deferre et conducere Venetias suprascriptum suum redditum et terraticum sine sigillo predicto accipiendo et sine prenominato sacramento a gastaldione faciendo, donec sextarium frumenti Ferrarie non ascenderit summam quatuordecim imperialium. Preterea tenute et possessiones hominum et monasteriorum et ecclesiarum de Venetiis, quas habent in Ferraria ac eius districtu, que ablate sunt eis et intromisse et tenentur per Ferrarienses hinc retro et specialiter tenute et possessiones sancti Danielis de Venetiis, que ablate et intromisse sunt per dominum Salinguerram vel per alios et ab aliis tenentur, restituantur eis sine placito infra dies XV, ex quo littere domini ducis Venetiarum potestati Ferrarien. vel consulatui fuerint presentate vel ad hoc nuntii domini ducis venerint Ferrariam, nec impedire vel eis auferre debeant nisi prius cognita ratione, et hoc secundum formam pacti facti Venetis tempore domini Raynerii filii domini Henrici Dandoli ducis Venetiarum. Item quod sit licitum Venetis omnibus, qui venerint Ferrariam cum sale, discargare et extrahere atque dimittere ipsum salem in terris, si voluerint, et cum vendiderint ipsum salem, sit licitum eis accipere de assazatoribus comunis Ferrarien., qualescunque voluerint, pro sale mensurando seu assazando, et qui venerint Ferrariam cum mercimoniis et aliis rebus, sit licitum eis similiter ipsas merces et res discargare et ponere in terris et similiter sit eis licitum cambiare salem per Ferrariam et eius districtum, sicut soliti erant, et illud, quod pro cambio acceperint ex ipso sale, possint deferre Venetias sine aliquo impedimento vel banno seu defensione ipsorum Ferrarien. et sine aliquo datio, tholoneo aut male ablato. Item quod Veneti libere et absolute possint in civitate Ferrarien. et eius districtu emere campum et ipsum deferre Venetias sine aliquo datio vel tholoneo aut male ablato dando vel persolvendo a Venetis, excepto, quod pro ponderatione staterie debeant solvere apesatori massarii laborerii episcopatus Ferrarien. pro mercede sua decem imperiales pro quolibet miliario et non ultra. Item promiserunt et statuerunt atque pactum fecerunt omni tempore infra hunc terminum dare Venetis omnem blavam suam, scilicet blavam cuiuslibet maneriei emptione facta habentibus Venetis et eius dictrictu licentiam emendi, quantam blavam voluerint, et cuiuslibet maneriei et omnia legumina, scilicet cuiuscunque maneriei, et quod sit licitum ipsis Venetis ipsam emere in Ferraria et districtu eius et ipsam deferre Venetias et similiter Ferrarienses et omnes alii, qui voluerint, possint ipsam blavam et legumina Venetias, quousque sextarium frumenti Ferrarie non excedat summam XIIII imperialium, et omni tempore et semper infra hunc terminimi sit licitum eis et aliis volentibus deferre Venetias dictam blavam et legumina, quandocunque sextarium frumenti non valuerit ultra dictam summam XIIII imperialium, sine aliquo banno vel impedimento seu aliquo datio, tholoneo vel maletolletto. Item quod Veneti possint libere et absolute emere pisces a Ferraria inferius, nominatim in ambobus manetiis (sic) Fracta, Villacomeda, Gorgnano, Villamarzana, Arquada, Gragnano, Adria, Adriano, Corneto et Checavile et ipsos pisces deferre Venetias sine aliquo banno vel tholoneo aut male ablato, ita quod nullo tempore homines predictorum locorum a potestate Ferrarien. compelli possint, ut pisces predictos Ferrariam ducere teneantur. Item promiserunt, quod si dominus dux Venetiarum fecerit bannum suarum rerum alicui civitati vel loco, quod illas merces vel res, quas Ferrarienses vel alii apud Ferrariam vel in eius districtu conducent eis, non dabunt nec permittent deferre ipsas merces vel res ad ipsam civitatem vel locum, set illud idem bannum ex ipsis rebus et mercimoniis facient eis, quemadmodum fecerit dominus dux Venetiarum, postquam eis a domino duce denuntiatum fuerit infra octo dies. Item quod de predictis (5) et robariis et dampnis datis hominibus Venetiarum in Ferraria et eius districtu et de omnibus questionibus, petitionibus et querimoniis tam percussionum et iniuriarum et de debitis et tholoneis et male ablatis, quam de omnibus aliis rationibus Venetis ratio fiat secundum pacta et statuta atque ordinamenta hinc retro facta inter Venetos et Ferrarienses de iustitiis observandis. De hiis autem omnibus fuerunt concordes, salvis omnibus aliis pactis et ordinamentis et promissionibus in omnibus et per omnia hinc retro inter Venetos et Ferrarienses factis, ita quod presens pactum in aliquo capitulo vel verbo predictis aliis pactis, ordinamentis et promissionibus olim factis non debeat obesse neque preiudicium generare. Que omnia iam dictus dominus Ubertus potestas Ferrarien. verbo predictorum ambaxiatorum, consensu et voluntate et ipsi etiam ambaxiatores per Domini evangelia corporaliter iuraverunt attendere, observare, firma tenere et non contra venire aliquo modo vel ingenio, et quod insuper iuravit dictus potestas similiter dictorum ambaxiatonun verbo et consensu et voluntate, quod faciet iurare officiales suos et unum hominem super animas totius populi Ferrarien. et Ferrarienses verbo ipsius populi, quod hec omnia plene observabunt et attendent et non contravenient aliquo modo vel ingenio, et quod ipse faciet hec eadem iurare successori suo vel rectoribus et nominatim quod ipse successor seu rectores facient suos officiales hoc iurare, observato isto ordine sacramenti sui et officialium in quolibet anno et per totum annum in initio potestatis vel rectorie ipsius civitatis, usque quo dictum tempus decem annorum fuerit expletum, et quod faciet in statuto Ferrarien. scribi hoc nec deleri per totum dictum tempus, et quod de ipsis ipse potestas et potestates future et rectores et officiales non possint petere nec habere absolutionem dicti sacramenti a populo civitatis Ferrarien. vel ab alia aliqua persona aliquo modo vel ingenio. Ad hec fuerunt testes presentes atque rogati domini Gardialis Zorzus, Stephanus Becanus, Nicolaus Donatus et Nicolaus Quirinus et Angelus Damianus et Petrus Balista et Albertinus Casolerius de Venetiis, Guillelmus Cornaclinus et Camorinus notar. de Ferraria. Ego Armanus Dei gratia imperialis aule Ferrarien. notarius hiis omnibus interfui et rogatus scripsi. Et has addictiones sive mutationes inferius scriptas similiter precepit firmiter observari. Que addictiones sive mutationes sunt hec. Quod potestas Ferrarien. et Ferrarienses perpetuo modo aliquo non recipient aliquem mercatorem venientem Ferrariam per mare, scilicet per portus Primarii, Volane et Gauri vel undecunque per mare cum aliquibus mercimoniis. Item quod potestas Ferrarien. et Ferrarienses omnino reddent seu restaurabunt amodo usque ad festum sancti Michaelis proxime venturum omnes notorias sive manifestas predas, robarias et totum illud, quod male ablatum est sive detentum in Ferraria et eius districtu, hominibus Venetiarum a quinque annis infra; quod si de predis, robariis et male ablatis aliqua remanserint a modo usque ad dictum festum sancti Michaelis, que reddita sive restaurata non fuerint cum integritate, postmodum reddi et restaurari debeant per Ferrarienses infra duos menses, postquam per dominum ducem vel eius nuntium inde sibi notitia data fuerit. Item ubi dicit superius in eodem pacto, quod Venetus debet solvere pro sigillo, quod datur ei a potestate sive curia Ferrarien. pro conducendis Venetias redditibus sive proventibus et ceteris suis bonis quatuor imperiales, dictum et confirmatum est, quod amodo imperpetuum solvere debeat Venetus tantummodo imperiales duos. Item ubi dicit superius, quod sit licitum omnibus Venetis, qui venerint Ferrariam cum sale, discargare et extrahere atque dimittere ipsum salem in terris, si voluerint, et quod, qui venerint Ferrariam cum mercimoniis et aliis rebus, sit licitum eis similiter ipsas merces et res discargare et ponere in terris; ita dictum et confirmatum est ad maiorem claritatem, quod si voluerint Veneti discargare et extrahere atque dimittere in terris ipsum salem et cetera mercimonia sua, quod non cogantur ad hoc modo aliquo a potestate vel a comuni Ferrarien. Item ubi dicitur superius in eodem pacto super facto canapi, excepto quod pro ponderatione staterie debeant solvere pesatori massarii laborerii episcopatus Ferrarien. pro mercede sua X imperiales pro quolibet miliario et non ultra, dictum et confirmatum est, quod amodo solvere et dare debeant tantummodo imperiales octo. Item ubi dicit in eodem pacto, quod promiserunt et statuerunt atque pactum fecerunt omni tempore infra hunc terminum dare Venetis omnem blavam suam, scilicet blavam cuiuslibet maneriei emptione facta habentibus Venetis et eius districtus licentiam emendi, quantam blavam voluerint et cuiuslibet maneriei, et omnia legumina, scilicet cuiuscunque maneriei, et quod sit licitum ipsis Venetis ipsam emere in Ferraria et eius districtu et ipsam deferre Venetias et similiter Ferrarienses et omnes alii, qui voluerint, possint ipsam blavam et legumina Venetias deferre, quousque sextarium frumenti Ferrarie non excedat summam XIIII imperialium, ita nunc ordinatum et confirmatum est, quod Veneti omnes et Ferrarienses et omnes alii de cetero blavam ipsam cuiuslibet maneriei et, quantam voluerint, emere et Venetias deferre possint, quousque sextarium frumenti Ferrarie non excedat summam decem et octo imperialium. Item ubi dicit, quod Veneti possint libere et absolute emere pisces a Ferraria inferius in specificatis locis, sic ordinatum et confirmatum est, quod ubique per totum districtum Ferrarien. tam a Ferraria inferius, quam a Ferraria superius libere et absolute absque impedimento aliquo emere possint pisces ipsos et deferre Venetias. Item ubi dicit, quod si dominus dux Venetiarum fecerit bannum suarum rerum alicui civitati vel loco, quod illas merces vel res, quas Ferrarienses vel alii apud Ferrariam vel in eius districtu conducent, eis non dabunt nec permittent deferre ipsas res vel merces ad illam civitatem vel locum, sed illud idem bannum ex ipsis rebus et mercimoniis facient eis, quemadmodum fecerit dominus dux Venetiarum, postquam eis a domino duce denuntiatum fuerit infra octo dies, ita ordinatum et confirmatum est, quod illud idem bannum ex ipsis rebus omnibus et mercimoniis potestas et comune Ferrarie facient illi civitati vel loco, quibus dominus dux fecerit infra dies sex, postquam sibi denuntiatum fuerit a domino duce. Que omnia superius dicta tam pacta, quam addictiones sive mutationes dictus dominus Stephanus Baduar. potestas Ferrarien. pro comuni et nomine comunis Ferrarie in presentia dicti domini. I. ducis Venetiarum eidem domino legato promisit attendere et observare et facere observari per comune Ferrarien. per totum tempus sui regiminis et non contra venire aliqua occasione. Item dictus dominus legatus precepit eidem domino Stephano potestati Ferrarie in presentia dicti ducis, quod hec superius dicta poni faciet in statuto comunis Ferrarien., quod ibi perpetuo esse debeant ita precisum, quod mutari, tolli sive radi vel minui non possint nec per consilium vel per arengum nec per mutationes statutorum nec per aliquem alium modum, qui dici vel excogitari possit; et quod faciat sequentem potestatem post se simile sacramentum iurare, videlicet quod attendet et plenarie observabit et faciet attendere et observare omnia suprascripta; cives Ferrarien. et potestas sive rectores in exitu sue rectorie successores suos simile sacramentum iurare faciant, ita quod hec omnia suprascripta imperpetuum observentur. Ego Guidottus de Mirolta civitatis Brixien. sacri palatii. notarius hiis omnibus interfui et de mandato supradicti domini legati scripsi.
In Christi nomine. MCCXL, indictione XIII, die quinta exeunte mense iunii, in civitate Ferraria in ecclesia maiori civitatis ipsius in publica concione coadunata more solito ad sonum campanarum, presentibus dominis Maynardino de Maynardis, Bono Matheo legum doctore, Menabove Rubeo Iohannis Perculi, Thomasio de Vigentia, Petro Novello notario et aliis pluribus testibus, idem dominus Gregorius de Monte longo domini Pape notarius apostolice sedis legatus, auctoritate sue legationis et potestatis sibi date a comuni Ferrarie precepit viro nobili Stephano Baduari potestati Ferrarien. et omnibus Ferrariensibus, qui aderant ad dictam contionem, quod pro comuni Ferrarie debeant observare et observari facere et confirmare concordiam et pacta omnia et convenctiones et ordinamenta olim facta et ordinata inter comune Venetiarum et comune Ferrarien. tempore domini. I. Teupolo Dei gratia Venetiarum, Dalmatie atque Chroatie ducis, tempore domini Uberti de Marnate civis Mediolanen. tunc potestatis Ferrarien., ut constat in quodam instrumento facto ab Armano civitatis Ferrarien. imperialis aule notario a me infrascripto notario viso et lecto, cum addictionibus et mutationibus factis et ordinatis per ipsum dominum legatum ad ipsa pacta concordiam, convenctiones, sive ordinamenta, ad que omnia dictus potestas consensit et omnes, qui aderant ad dictam contionem, exclamaverunt levatis manibus: fiat, fiat. Ego Guidotus de Mirolta civitatis Brixien. sacri palatii notarius et scriptor dicti domini legati hiis omnibus interfui et de mandato ipsius ac potestatis predicte scripsi et me subscripsi.
In Christi nomine. Anno nativitatis eiusdem MCCXL, indictione XIII, tempore Gregorii Pape et Frederici dicti imperatoris, die veneris XV exeunte augusto, presentibus dominis David iudice et assessore domini Stephani Baduar. Ferrarien. potestatis, Marco Sturvato, Marco Cavastario militibus dicte potestatis, lohanne Viviano de Venetiis, Girardino de Catinaria, Guidutio et Bonmatheo preconibus comunis Ferrarien. in palatio comunis Ferrarie. Quoniam dignum est, ut vetus amicitia inter Venetos et Ferrarienses de bono in melius semper debeat augmentari (et) pacta et convenctiones inter eos firmius observentur, ideo nobilis vir dominus Stephanus Baduar. potestas Ferrarien. in consilio civitatis Ferrarien. ad sonum campane more solito congregato verbo, consensu et voluntate consilii supradicti et ipsum consilium universum. nomina quorum hominum consilii inferius scripta sunt, nomine et vice comunis Ferrarien. et suo nomine solempni stipulatione interveniente promiserunt et pactum fecerunt firmiter observandum imperpetuum provido viro Gabrieli notario ducalis aule Venetiarum, scribe, nuntio, scyndico et procuratori illustris viri domini Iacobi Teupulo incliti ducis Venetiarum, sicut constat publico instrumento manu Iohannis Alberti presbyteri et notarii confecto ad hoc constituto per me Petrocinum notarium viso et lecto, recipienti vice et nomine dicti domini ducis et comunis Venetiarum, videlicet quod omnes homines Venetiarum et eius districtus sint salvi et securi in personis et rebus eorum in civitate Ferrarien. et eius districtu euntes, stantes et venientes et redeuntes, non solventes aliquod datium vel tholoneum aut male ablatum apud Ferrariam vel apud Figarolum aut in aliquo loco districtus Ferrarie occasione ipsorum Ferrariensium vel occasione domini Pape seu ecclesie episcopatus Ferrarien. aut aliqua alia occasione seu consuetudine vel ratione, exceptis tribus denariis Venetis parvis tantum pro fundo navis apud Ferrariam, videlicet ille naves hoc datium trium denariorum solvere debeant, que portum fecerint (6) ... districtum Ferrarie possint ... seu aliunde ... suorum bannorum ... Item promiserunt satisfacere ... Fiscalie, quas comune Ferrarie ..., Fiscalie ... productorum, testium ipsorum ... et iovarum ... detur eis sigillum pro dictis ... et non constet Veneto dictum sigillum nisi duobus imperialibus nec aliquid aliud ... vel gravamina ... solventes duos imperiales, ut dictum est ..., non ascenderit summam XVIII imperialium ... et eius districtu ... et ab eis tenentur ... facti Venetis ... Henrici Dandolo ... Ita quod sit eis licitum accipere ... vel banno seu contradictione ipsorum Ferrariensium et sine aliquo datio vel tholoneo aut male ablato. Quod si noluerint Veneti discargare, extrahere atque dimittere in terris ipsum salem et cetera mercimonia sua, quod non cogantur modo aliquo ad hoc a potestate nec a comuni Ferrarien. Item quod Veneti libere ... sine aliquo datio, tholoneo ... appesatori ... pro mercede sua octo imperiales ... atque pactum fecerunt dare et concedere Venetis ... emptione facta et habentibus ... et eius districtu ac ipsam ... summam XVIII imperialium et omni tempore et semper sit licitum eis ... sextarium frumenti Ferrarie non valuerit ultra dictam summam XVIII imperialium ... emere pisces ubique per totum districtum Ferrarien. tam a Ferraria inferius, quam a Ferraria superius et nominatim in ambobus manetiis ... Cognano ..., Archoada, Gragnano …, Cochanile et ipsos pisces deferre Venetias libere et absolute et absque aliquo impedimento et sine aliquo banno, tholoneo … apud Ferrariam vel eius districtum conducent, non dabunt ... a domino duce denuntiatum fuerit infra dies sex. Item predictus potestas et Ferrarienses omnino reddent sive restaurabunt ... predas, robarias, pignorationes et intromissiones et totum illud ..., quod si de predictis robariis, predis, pignorationibus et introinissionibus et male ablatis aliqua remanserint usque ... postea reddi ... inde sibi notitia data fuerit et requisitum. Item de aliis predis, robariis et dampnis datis hominibus Venetiarum in Ferraria et eius districtu et de omnibus questionibus. petitionibus et querimoniis tam percussionum et iniuriarum, debitis tholoneis et male ablatis. quam de omnibus aliis rationibus Venetis predictis ratio fiat secundum pacta et statuta atque ordinamenta hinc retro facta inter Venetos et Ferrarienses de iustitiis observandis. Preterea promiserunt et pactum fecerunt predictus potestas et consilium nomine et vice civitatis Ferrarien. et suo nomine, quod potestas Ferrarie et Ferrarienses perpetuo modo aliquo non recipient aliqua mercimonia in Ferraria vel districtu, que per mare fuerint apportata, scilicet per portus Primarii. Volane et Gauri vel undecunque per mare, nisi a Venetis. De his autem omnibus fuerunt concordes, salvis etiam omnibus aliis pactis et ordinamentis et promissionibus in omnibus et per omnia hinc retro inter Venetos et Ferrarienses factis, ita quod presens pactum in aliquo capitulo vel verbo predictis aliis pactis et ordinamentis et promissionibus olim factis non debeant obesse neque preiudicium generare. Que omnia superius scripta et dicta predictus potestas verbo, consensu et voluntate consilii nominatim et ipsum consilium universum vice et nomine civitatis et comunis Ferrarien. et suo nomine per Domini evangelia corporaliter iuraverunt attendere, observare, firma tenere et non contravenire aliquo modo vel ingenio et attendi et observari facere et insuper iuraverunt, quod facient sequentem potestatem post se sive rectorem vel rectores dicte civitatis simile sacramentum iurare et nominatim, quod ipse successor seu rectores facient suos officiales et consilium hec eadem iurare et observare isto ordine sacramenti sui et officialium et consilii in quolibet anno per totum annum in initio potestarie vel rectorie civitatis eiusdem imperpetuum et quod potestates sive rectores. qui pro tempore fuerint, in exitu sue potestarie sive rectorie successores suos simile sacramentum iurare facient, ita quod hec omnia suprascripta imperpetuum observentur. et hec omnia superius dicta poni et scribi facient in statuto comunis Ferrarien., quod ibi imperpetuo esse debeant ita precisum, quod mutari, tolli sive radi vel minui non possint nec per consilium nec per arengum nec per mutatores statutorum nec per aliquem alium modum, qui dici vel excogitari possit, et quod de predictis omnibus vel aliquo predictorum vel sacramentis ipse potestas et potestates future rectores, officiales et consilium non possint petere nec habere absolutionem vel remissionem a populo, consilio, comuni vel arengo civitatis Ferrarien. vel ab aliqua alia persona aliquo modo vel ingenio. Ad hec eadem die in ecclesia episcopatus Ferrarien. Gerardinus de Catinaria preco civitatis Ferrarien. in publica concione more solito congregata in anima totius populi Ferrarien. habita parabola ab ipso nemine contradicente iuravit ad evangelia sancta Dei predicta omnia attendere et observare et attendi et observari facere imperpetuum; presentibus viro nobili domino Azone Esten., Marchesino de Maynardis, domino Bernardino de Fontana, Bonacursio de Romanio iudice, Parthinopeo Egidioli Guizardi, Turcho de Turclis, Petro Novello notario dicte potestatis, omnibus de Ferraria (7), Vogato Iohannis Malaparte, Henrico de Rone de Trivisio, Davit iudice et assessore dicte potestatis, Henrico Paradiso de Padua, Marco Gavastaro et Marco Stornato militibus dicte potestatis et aliis. Hec sunt nomina illorum de consilio, qui iuraverunt. In primis vir nobilis dominus Azo marchio Esten., dominus Partinopeus Egidii de Guizardo, dominus Iacobinus Trote, dominus Bonacursius iudex, dominus Turclus de Turclis, dominus Galvanus de Mirottis, Gruamonte domini Iacobi Riticlerio, Bonacursius domini Bernardini de Fontana, Bonmercatus Zapolini, dominus Romaninus notarius, Girardinus Mazolus, Arduinus de Cavagnolo, Clarimbaldus de Cassianis, dominus Guido de Bocceripanis, Girardinus Belloni, Fredericus Boloquoli, Iohannes Artusii, Fanolus de Burgo, Susinellus Bonromeus notarius, Bonaventura de Aldigerino notar., Iohannes Buzee, dominus Marchisinus de Manardis, dominus Iacobinus Bibus, dominus Aymericus de Giffro, dominus Bernardinus de Fontana, dominus Petrus Contrarius, dominus Iustinianus iudex, dominus Marchoardus de Manardis, dominus Isnardus de Costablis, Iacobinus Pecolotti, Hugolinus medicus, Torellus capsor, Boniohannes de Raul., Clementinus Iohannis de Clemente, Giliolus domini Gatii, Vetellianus Duxeti, dominus Bemardinus de Sarraceno, Iacobinus Fredutii, dominus Petrus Retogui iudex, Pelegrinus de Moyses, Prandus Miliole, Guercius Iacobini de Surdo, Florellus, dominus Crescentius de Paltoneriis, Ambrosinus notarius, dominus Petrocinus vicedominus, dominus Guido Bereldus, dominus Leutius Richebonus de domina Sybillina, dominus Cazanemicus domini Iuliani, dominus Gerardus de Guercio, dominus Anbertus domini Codezini, dominus Pelegrinus de Guidobertis, dominus Iacobus domini Menabovis, dominus Guido de Bernabe, Venturinus campsor, dominus Orlandinus iudex, Girardinus Premartini, Giliolus de Cartis, Bonincontrus Pistarie, Petrus Padarimi, Thomasinus de Vigoentia, Silerius, dominus Iohannes de Necte, Arnaldinus Bonzantini de Arnoldo, Gadolinus de Ardovinis, dominus Gerardus Bantii, Iacobinus domini Marchesini de Manardis, Rigelus de Capite fossati, Boniohannes Luso, Martinus Beccarius, dominus Ubaldinus de Boncherpane, Nicolaus domini Tormenparte, Bartholus Pellizarius, Thomasinus Gerardi Longi, dominus Vivianus Arlocti, Rugirolus, Bonaventura magistri Petri, Malanimus, Lazarus de Burgo, Petrozolus de Orlandis, dominus Iacobus de Suzo. dominus Iannetus Valentini iudex, Leutius de Cavatiis. Et ego Petroanus Dei gratia imperialis aule et nunc potestatis et comunis Ferrarie notarius hiis omnibus presens interfui et vidi, audivi et intellexi, rogatus scripsi atque compievi.
In nomine domini nostri Ihesu Christi. Amen. Anno eiusdem nativitatis MCCLVIII, indictione prima, Ferrarie, die duodecimo infrante mense ianuarii, tempore domini Alexandri Pape, in maiori consilio credentie congregato more solito per campanam in palatio comunis Ferrarie. Hoc est pactum et concordia tractata et firmata inter nobiles viros dominum Leonardum Quirino et Iohannem Permarino ambaxiatores, scyndicos et procuratores domini Raynerii Geve Dei gratia illustris ducis et comunis Venetiarum ex una parte et nobilem virum dominum Azonem Dei et apostolica gratia Esten, et Anchonen. (8) marchionem, potestatem et comune Ferrarien. ex altera, videlicet quod idem dominus Azo Esten, marchio, potestas, verbo et consensu et auctoritate ac voluntate consilii Ferrarien. et ipsum consilium nomine suo et totius comunis Ferrarien. remiserunt et relaxaverunt et cassaverunt amodo in antea omnia datia et omnes novitates et gravamina impositas super mercatores et mercationes in civitate Ferrarien. vel districtu contra antiquam consuetudinem et promiserunt et convenerunt nomine dicti comunis et hominum Ferrarien. ipsis predictis ambasciatoribus recipientibus nomine iam dicti ducis et comunis Venetiarum, quod comune vel homines Ferrarien. non accipient nec accipi permittent de cetero modo aliquo datium aliquod nec toloneum seu male ablatum alicui mercatori nec alicui persone de mercandaria nec de aliquibus aliis rebus eundo, stando nec redeundo per civitatem Ferrarien. vel districtum contra antiquam consuetudinem neque novitatem aliquam facient nec gravamen in civitate Ferrarien. vel districtu super mercatores nec mercationes de cetero ullo modo contra antiquam consuetudinem, et quod omnes homines Venetiarum et districtus habebunt salvos et securos ubicunque per totam suam fortiam et districtum eundo, stando et redeundo in personis et rebus et omnes honorificentias et bonas consustudines antiquas, quas homines Venetiarum constituerant habere in civitate Ferrarien. vel districtu, concedent et permittent eis habere sine impedimento. Promiserunt etiam et convenerunt nomine dicti comunis et hominum Ferrarien., quod comune et homines Ferrarien. amodo in antea habebunt et tenebunt stratam Padi et alias stratas omnes per totam suam fortiam et districtum tam per aquam, quam per terram apertas et securas libere secundum antiquam consuetudinem omnibus mercatoribus et omnibus mercationibus et universis hominibus Venetiarum et districtus, ita quod mercatores omnes de omnibus civitatibus et terris et homines Venetiarum possint venire, stare et reddire et mercationes omnes eorum conduci et reduci libere per civitatem Ferrarien. et districtum non solvendo datium nec toloneum sive male ablatum aliquod modo ullo contra antiquam consuetudinem, eo salvo quod idem dominus marchio, potestas et comune Ferrarien. non teneantur per pactum forbannitos suos videlicet de Ferraria et Ferrarien. in terram suam recipere, et si robaria vel preda facta fuerit super aliquem mercatorem sive super aliquam mercationem in Ferraria vel districtu Ferrarien., debeat et teneatur comune Ferrarie satisfactionem exinde facere dampnum passis vel eorum nuntiis expedite et sine dilatione. Similiter si robaria vel preda facta fuerit super aliquem hominem Venetiarum in Ferraria vel in districtu Ferrarien., debeant et teneantur comune et homines Ferrarien. satisfactionem exinde facere passo dampnum vel suo nuntio expedite et sine dilatione, excepto quod comune et hommes Ferrarien. nolunt teneri de aliquibus predis sive robariis, que fierent per stratam, per quam itur versus Oselinum, incipiendo a turri Fosse et eundo per turrim Pontonarie eundo Oxelinum et ab illis viis superius per valles, que pertinent suo districtui eundo versus Finale. De predis autem et robariis, que per homines Ferrarien et districtus ibidem fierent, teneri debeant comune et homines Ferrarien. ad restitutionem iuxta formam, que superius continetur, et de illis, que per alios videlicet tam inimicos, quam amicos in dictis vallibus fierent, non teneantur ad restitutionem, sed promittunt, quod dabunt operam bona fide, quod restituantur, ita tamen quod cessante guerra teneantur tempore pacis stratas per valles ipsas, sicut per alium districtum suum tenere securas, excepto quod non teneantur comune et homines Ferrarien. homines de marchia, qui sunt cum Ezelino de Romano inimicos suos in terram suam recipere, quousque inter ipsos comune et homines Ferrarien. ac predictos homines de marchia guerra fuerit. Guerra quidem cessante predicta teneantur et debeant stratas predictas, ut dictum est, securas et apertas tenere et habere universis libere et ipsos homines de marchia in terram suam recipere, secundum quod de aliis aliarum civitatum dictum est supra. Predicta quidem omnia et singula iam dictus dominus Azo marchio, potestas et comune Ferrarien. promiserunt et ad maiorem firmitatem iuraverunt idem potestas et talis homo, videlicet Falzonus preco et bannitor comunis Ferrarien. in animas illorum de consilio Ferrarien. habita ab eis sic iurandi licentia presens pactum et concordiam, que in eo sunt attendere et observare, sicut dictum est, a modo in antea et non contravenire modo aliquo vel occasione, et quod omnes potestates sive alii rectores, q«i de cetero in civitate Ferrarien. fuerint, iurabunt in introitu sui regiminis presens pactum et concordiam et, que in ea sunt, attendere et observare, sicut dictum est, ita quod quilibet potestas teneatur in exitu suo hoc sacramentum nove potestati sive aliis rectoribus accipere et, quod in statuto comunis Ferrarien. hoc pactum et concordiam facient, addi et poni; excepto videlicet de facto salis, de quo datium accipi debet, secundum quod ordinatum est in pacto inde confecto inter comune Venetorum et comune Ferrarien. vel quod de cetero fuerit ordinatum, pro quibus omnibus observandis et plenarie adimplendis dictus potestas et consilium nomine comunis et hominum Ferrarie obligavcrunt bona comunis et hominum Ferrarien. ad penam mille marcharum argenti solvendam domino duci et comuni Venetiarum per comune et homines Ferrarie. si per eos predicta non fuerint observata, et pena soluta et data presens pactum et promissiones et obligatio in sua nichilominus permaneant firmitate. Promiserunt insuper et convenerunt iam predicti potestas et comune Ferrarien. eisdem ambaxiatoribus nomine iam dicti domini ducis, comunis et hominum Venetiarum attendere et observare omnia alia, que promiserunt et tenentur domino duci et comuni Venetiarum per pacta hactenus inter comune Venetiarum et comune Ferrarien. stabilita. Ex alia quidem parte iam dicti ambaxiatores nomine et vice iam dicti domini ducis et comunis Venetiarum per potestatem sibi traditam ab eodem domino duce et comuni Venetiarum, sicut patet per cartam procurarie et scyndicarie, tenor cuius inferius continetur, promiserunt dicto domino marchioni, potestati recipienti vice et nomine comunis et hominum Ferrarien. observare et observari facere comuni et hominibus Ferrarien. in civitate Venetiarum et districtu omnes honorificentias et bonas consuetudines antiquas, quas comune et homines Ferrarien. in Venetiis et districtu Venetiarum habere consueverunt et debent, et eos habere salvos et securos in Venetiis et districtu Venetiarum eundo, stando et redeundo in personis et rebus et novitates sibi factas in Venetiis et districtu removere et cassare nec ipsis novitatem nec gravamen facere de cetero modo aliquo contra antiquam consuetudinem. Et si robaria vel preda facta fuerit super aliquem hominem Ferrarien. in civitate Venetiarum vel eius districtu, dominus dux et comune Venetiarum debent inde satisfactionem facere dampnum passis vel eorum nuntiis expedite sine dilatione. Ad hec fuerunt testes presentes rogati domini Henricus de Vicentia, Litaldus notarius de Tervisio, Bonmercatus notarius, de Conte Paxe notarius, Girardinus notarius de Zinglario, Leo Avenante et alii. Et ego Petrus Bonus Dei gratia imperialis aule et potestatis et comunis Ferrarien. notarius hiis omnibus presens interfui et rogatus de mandato potestatis Ferrarie et omnium de consilio scripsi et publicavi.
Item de comuni concordia predictorum dominorum abbatis Onufrii et Francisci nominibus, quibus supra predicto pacto proximo scripto in capitulo illo, ubi dicitur, quod comune et homines Ferrarie non accipient nec accipi permittent de cetero modo aliquo datium aliquod nec toloneum seu male ablatum alicui mercatori nec alicui persone de mercandaria nec de aliquibus aliis rebus eundo, stando nec redeundo per civitatem Ferrarien. vel districtum contra antiquam consuetudinem, neque novitatem aliquam facient nec gravamen in civitate Ferrarien, vel districtu super mercatores nec mercationes de cetero ullo modo contra antiquam consuetudinem, facta fuit addictio in hec verba:
Ita tamen quod hoc non extendatur ad forenses, qui nec Venetias vadunt nec de Venetiis veniunt nec ad mercationes vel alias res, que nec Venetias deferuntur nec de Venetiis apportantur.
In nomine Dei eterni. Amen. Anno ab incarnatione Domini nostri Ihesu Christi MCCLVII, indictione prima, die XII intrante mense novembris, presentibus nobilibus viris Bartholomeo Belliguo, Philippo Contaren., Marino Dandolo, Iohanne Ferro et aliis multis Venetis in palatio ducatus, dominus Raynerius Geno, Dei gratia Venetiarum, Dalmatie atque Chroatie dux, dominus quarte partis et dimidie totius imperii Romanie, verbo, consensu et voluntate totius minoris et maioris consilii Venetorum ad sonum campane et more solito congregati et ipsum consilium universum suo nomine et comunis Venetiarum fecerunt et constituerunt nobiles viros Leonardum Quirini et Iohannem Permarinum suos nuntios, scyndicos, actores et procuratores ad agendum. componendum et faciendum pactum et concordiam cum potestate et comuni Ferrarie super omnibus datiis, novitatibus et gravaminibus remittendis et relaxandis et super strata Padi et aliis stratis apertis et securis tenendis et habendis necnon super omnibus aliis, que ipsis scyndicis et ambaxiatoribus facienda et utilia videbuntur, et ad provisiones faciendum et recipiendum pro ipso domino duce et comuni Venetiarum sacramenta petendum et recipiendum et generaliter ad omnia faciendum in predictis et circa predicta, que fuerint oportuna, promittentes firmum et ratum habere et tenere, quicquid dicti scyndici et procuratores in predictis duxerint faciendum. Ego Taglamentus notarius et ducalis aule Venetiarum cancellarius predictis interfui et scripsi et roboravi. Ego Petrus Bonus Dei gratia sacri palatii et comunis et potestatis Ferrarie notarius hoc exemplum sumpsi ab autentico scripto manu Taglamonti (sic) notarii, ut inveni in MCCLVIII, die XIII intran te ianuario, nichil addens vel minuens. MCCLXXIII, indictione prima, die tertio intrante novembri, presentibus testibus nobilibus viris dominis Nicolao Michaelis, Nicolao Navizoso, Thomasino Iustiniano, lohanne Storlato, Paulo de Molino, Thoma Quirino, Apolonio notario de Ferrante et aliis in palatio ducatus Venetiarum ad honorem Domini nostri Ihesu Christi et reverentiam beate Virginis Marie eius matris et beatissimi Marci apostoli et evangeliste et ad honorem et bonum statum incliti viri domini Laurentii Teupulo ducis et comunis Venetiarum et ad honorem et bonum statum illustris viri domini Opizonis marchionis Esten, et comunis Ferrarie et ad firmitatem perpetui et indissolubilis amoris et pacis utriusque domini et comunis. Cum inter magnificum virum dominum Laurentium Teupolo ducem et comune Venetiarum ex una parte et egregium virum dominum Opizonem marchionem Esten, et comune Ferrarien. ex altera questiones et controversie plures forent exorte tam occasione datiorum, quam aliorum plurium occasionum, tandem post plures missiones et requisitiones hinc inde factas miserunt Venetias ipse dominus marchio, potestas et comune Ferrarien. prudentes et discretos viros dominos Margaritum et Albertum de Aldigeriis indices in eorum ambaxiatores, scyndicos et procuratores, sicut patet publico instrumento condito manu Paganini notarii, cuius tenor inferius continetur. Qui post plures tractatus habitos demum de infrascriptis et super infrascripta ad talem concordiam pervenerunt, videlicet quod predictus dominus Albertus procurator predicti domini marchionis ad hoc specialiter constitutus in generali consilio Venetiarum iuravit ad sancta Dei evangelia habita ab eodem domino marchione licentia sic iurandi in ipsius anima domini marchionis, quod robilis vir dominus Raynerius Contarenus non fuit captus in Ferraria nec inferiatus nec Marcus Cavatorta fuit tormentatus de scientia, voluntate vel assensu ipsius domini marchionis et quod commisit dicto domino Alberto sic iurandi, et postquam commisit, non revocavit commissum. Item predicti domini Margaritus et Albertus scyndici, actores et procuratores ipsius domini marchionis, potestatis et comunis nomine et vice ipsius domini marchionis, potestatis et comunis Ferrarien. et pro ipsis promiserunt per stipulationem solennem cum expensis et obligatione bonorum omnium eiusdem marchionis, potestatis et comunis Ferrarien. antedicto domino duci recipienti nomine et vice comunis Venetiarum, quod predictus dominus marchio, potestas et comune Ferrarie facient perpetuum et irrevocabile statutum et ita observabunt, quod, si aliqua persona ducatus Venetiarum fuerit capta Ferrarie vel in districtu pro aliqua offensione, accusatione, denuntiatione vel aliqua alia causa, non debeat nec possit mitti in carcerem malefactorum neque in porticum aut in alium locum ad ipsum carcerem pertinentem nec possit tormentari aut incepari nec inferiari nec similia fieri contra eum, possit tamen aliter teneri sub custodia competenti; ita tamen quod contra predictas personas vel aliquem predictorum aut contra aliquem Venetum, qui Ferrarie aut in eius districtu fuerit captus, non possit nec debeat sententia vel condempnatio fieri vel processus ulterius fieri, nisi primo domino duci Venetiarum culpas et causas eorum detentionis notificaverint, quam notificationem facere debeant infra decem dies proximos, postquam aliquis Venetus seu de ducatu vel districtu Venetiarum Ferrarie vel in districtu Ferrar, captus vel detentus fuerit, et post diem notificationis facte domino duci differri et expectari debeat usque per decem dies ad faciendam contra eam sententiam vel processus. Item promiserunt predicti ambaxiatores et scyndici eo modo quo supra antedicto domino duci recipienti ut supra, quod Rolandinus de Canossa, qui fuerat potestas Ferrarie, et omnes illi, qui de sua familia extiterunt, qui ad requisitionem dicti domini ducis et comunis Venetiarum ab eorum regimine sunt semoti, nullo unquam tempore habebunt regimen aliquod in civitate Ferrarien. vel districtu. Item cum plures questiones et diverse forent inter potestatem et comune Ferrar, et homines Venet. habentes possessiones in Massa, fuerunt in concordia predicti ambasciatores et scyndici cum antedicto domino duce, quod super questionibus et querimoniis et controversiis, litibus, petitionibus et causis vertentibus inter Venetos habentes terras et possessiones in Massa Fyscalie et districtu Masse ex parte una et dominum marchionem, potestatem et comune Ferrarien. ex altera seu comune Masse Fiscalie super dampnis datis per predictos vel aliquem predictorum Venetis supradictis, eligantur tres sapientes viri de voluntate partium, hoc modo videlicet, quod unus eligatur per dominum marchionem sive potestatem et comune Ferrarie et alius per supradictos Venetos et tertius sive medius per priores Predicatorum et guardianos Minorum de Venetiis et Ferraria, qui loco, ubi videbitur ipsis sapientibus vel maiori parti, summarie et secundum iura per concordiam et amicabilem compositionem dictas questiones, controversias et lites debeant diffinire, et si nequiverint diffinire, audiant, cognoscant, finiant et terminent predictas questiones, querimonias, controversias et lites, petitiones et causas, ita quod infra duos menses, postquam electi fuerint, dictas questiones audire et intelligere et examinare et causas debeant componere, si poterunt componere, inter partes; alias infra alios duos menses eas penitus diffinire et decidere teneantur et de hoc sacramentum dicti sapientes prebere debeant, quorum diffinitio vel partis maioris ipsorum inviolabiliter debeat a partibus observari et competens pena apponatur super hoc, salvo quod sententie late quondam in favorem Venetorum absque litigio debeant observari et executioni mandari. Item promiserunt predicti scyndici ut supra antedicto domino duci ut supra, quod dominus marchio iurabit predicta et infrascripta observare et faciet iurare omnes et singulos potestates et rectores, qui erunt per tempora in Ferraria, in principio sui regiminis pure et sine aliqua reservatione et sine aliquo salvo et excepto, ita quod inde non possit absolutio aliqua fieri, inviolabiliter observare et facere observari predicta, et quod observabunt omnia pacta que sunt inter comune Venetiarum et comune Ferrarien. et quod remittent datia et novitates imposita vel impositas contra dicta pacta et quod hominibus Venetiarum euntibus cum eorum mercationibus vel eorum nuntiis cum litteris domini ducis vel vicedorninorum aliquod impedimentum non facient, set libere et sine impedimento sursum ire permittent ad voluntatem ipsorum et redire. Que quidem omnia et singula suprascripta predicti ambaxiatores et scyndici procuratorio nomine et vice predicti domini marchionis, potestatis, comunis et hominum Ferrarie promiserunt dicto domino duci recipienti, ut dictum est supra, perpetuo observare et facere observari, et etiam quod omnes potestates et rectores, qui per tempora erunt in Ferraria, in principio suorum regiminum iurari facient. quod predicta omnia et singula, sicut continentur superius et expressa sunt, in omnibus observabunt et facient observari sine aliquo salvo vel excepto sub pena mille marcharum argenti, stipulatone promissa, et pro hiis observandis et faciendis dicto domino duci recipienti, ut dictum est, bona omnia ipsius domini marchionis et comunis ac hominum Ferrar, obligaverunt, et quod dictus dominus marchio hec omnia, que dicta sunt superius et sicut dicta sunt, ad sancta Dei evangelia iurabit imperpetuum observare, et pena soluta vel non, nichilominus presens instrumentum in sua permaneat firmitate. Et insuper predicti domini Margaritus et Albertus procuratores predicti domini marchionis et procuratorio nomine pro eo promiserunt solenni stipulatione dicto domino duci recipienti ut supra, quod dictus dominus marchio tenebit et habebit stratam Atycis apertam, liberam et securam omnibus hominibus Venetiarum et eorum mercationibus, si non habebit guerram manifestam cum Veronensibus, et si habebit guerram manifestam cum Veronensibus et Veronenses vellent assecurare eam, quod ipse eam securam habebit et tenebit hominibus Venetis et eorum mercationibus, et si alicui per aliquam partem ipsam viam dabit cum datio vel sine datio, quod dabit eam hominibus Venetiarum sine datio. Et hec promiserunt dicti procuratores nomine dicti domini marchionis attendere et observare sub obligatione omnium bonorum dicti domini marchionis et pena mille marcharum argenti, qua soluta vel non hoc presens instrumentum in sua permaneat firmitate, et insuper, quod predictus dominus marchio iurabit predicta omnia sic attendere et observare.
In Dei nomine. Eodem millesimo,
indictione, die, loco et testibus, hec est forma compositionis et concordie
facte per magnificum dominum Laurentium Theupulo Dei gratia ducem Venetiarum
cum prudentibus et discretis viris dominis Margarito et Alberto de Aldigeriis
iudicibus et ambaxiatoribus et scyndicis egregii viri domini Opizonis
marchionis Esten, ac potestatis et comunis ac hominum Ferrar, in facto salis,
de quorum scyndicatu patet publico instrumento manu Paganini notarii, cuius
forma inferius declaratur. Quoniam promiserunt predicti scyndici et
procuratores predictorum nomine et vice predicti domini marchionis, potestatis
ac comunis Ferrarien. et pro ipsis per virtutem et potestatem eis traditam et
stipulationem solennem antedicto domino duci nomine suo et nomine et vice
comunis et hominum Venetiarum et pro ipsis, quod ipse dominus marchio, potestas
et comune ac homines Ferrarie non recipient nec recipi facient seu recipi
promittent amodo in antea usque ad tres annos completos salem in civitate
Ferrarie vel in districtu per aquam vel per terram ab aliqua parte nisi a
Venetis vel districtu nec permittent transire vel deferri salem aliquem aliunde
nisi salem, qui portatus fuerit de Venetiis et districtu, sed contradicent bona
fide et sine fraude, quod non transeat vel defera tur alius sal nisi de
Venetiis; qui dominus dux promisit eo modo quo supra predictis scyndicis
recipientibus ut supra, quod salem predictum dabit et dari faciet usque ad
dictum terminum modo et forma inferius declarato, quoniam venient mercatores
undecunque (cum) clugiis pro sale, qui venire voluerint et salem emere, pro
quanto pretio habere potuerint, et pro datio solvent pro quolibet cent, salis
clugiarum libras novem Venetorum parvorum ad denarios grossos pro datio et
quintum insuper, quod consuetum est tolli ante partem. De sale vero maris hoc
modo fuit concorditer terminatum, quod venient mercatores, qui voluerint et
concordabunt, si de pretio, sicut eis videbitur et concordare poterunt, et pro
datio solvent grossos duodecim Venetianos de quolibet modio; quibus datiis
persolutis ibunt cum sale sic empto cum litteris domini ducis vel salinariorum
usque Ferrariam; promittentes dicti ambaxiatores et scyndici nomine et vice
predictorum eo modo quo supra antedicto domino duci recipienti ut supra, quod
per ipsum dominum marchionem potestatem vel comune Ferrarie de quolibet cent,
salis clugiarum tollentur pro datio libre novem Venetorum parvorum ad denarios
grossos et non plus et de quolibet modio salis maris denariorum Venetorum
grossos duodecim et non plus et in uno loco et non in pluribus, ita quod
solutis datiis predictis semel tantum omnes, qui voluerint, possint deferre vel
deferri facere salem predictum per Ferrariam vel districtum ad partes
superiores Lombardie sine discargatione aliqua vel mensuratione ipsius salis
facienda in Ferraria vel districtu credendo de quantitate ipsius salis litteris
domini ducis vel salinariorum et permittendo ire quoscunque, cum quocunque
navigio voluerint, sine aliquo impedimento; et pro fraudibus evitandis, quod
celti navium, in quibus sal portabitur, debeant ligari cum funibus et sigillari
cum sigillis salinariorum Venetiarum vel clugie, sicut videbitur eis, ita quod
fraus non possit committi, et sic sigillati conducantur usque ad locum, ubi
debebunt solvere datium supradictum. Et si per aliquam personam denuntiatum
esset illi, qui deputatus esset ad recipiendum datium salis pro comuni
Ferrarie, et sic videretur ei omnino, quod in navi, in qua duceretur sal, maior
quantitas salis esset, quam in litteris domini ducis contineretur, tunc habita
bona securitate a denuntiatore de reficiendis expensis mercatori, cuius esset
sal, de carigatione et discargatione, mensura et stalia navis et talia salis de
eo, quod in litteris domini ducis contineretur, si quantitas salis maior non
reperiretur, possit et ei liceat ipsam navem salis facere discargari et
templari, si maior esset quantitas, et si reperiretur, quod maior esset
quantitas, tunc a mercatore et nauta pena exigatur, scilicet quod navis et sal
ammittantur et deveniant in comuni Ferrarie. Si vero non reperiretur, quod
quantitas salis sit maior de eo, quod continebunt littere domini ducis, tunc
teneantur tam marchio, quam potestas, quam comune Ferrarie illum, qui
denuntiaverit vel accusaverit dictum salem, et eius fideiussores facere refici
mercatori salis et naute expensas factas in carigatione et discaricatione et
mensura salis et stalia navis et talia, quam citius esse potest, ita quod per
marchionem et homines Ferrarien. non tolletur aliud datium per tempora de sale,
nisi tale quale tolletur in Venetiis per tempus predictum. Verumtamen si
propter aquas parvas contigerit mercatores cum sale predicto facere viam de
Laguscure, quod tam marchio, quam potestas, quam comune Ferrarien. habere debeant
eorum nuntium ibidem aut in aliam partem, unde transibunt mercatores, qui ipsum
datium ibidem accipere debeat de sale predicto, quo datio soluto permittent ad
partes superiores Lombardie apportari ipsum salem vel apportari facere secundum
voluntatem et beneplacitum mercatorum, pro quibus omnibus attendendis et
observandis, sicut superius sunt promissa et expressa, predicti scyndici et
procuratores nomine et vice predictorum, quorum sunt scyndici, bona omnia
ipsius domini marchionis et comunis ac hominum Ferrarien. pignori ad penam
mille marcharum argenti domino duci recipienti ut supra obligarunt promittentes
dicti scyndici, eo modo quo supra, antedicto domino duci recipienti ut supra,
quod omnia, que dicta sunt superius et expressa, tam per marchionem quam per
potestatem, qui nunc est, quam per potestates, qui erunt et per tempora
fuerint, inviolabiliter observata, et quod ipse dominus marchio curabit
predicta omnia, sicut continentur superius, observare et facere, sicut dictum
est superius, observari. Ego Paganinus notarius filius quondam Guidonis de
Tusco civis Ferrarien. hiis omnibus presens interfui et rogatus scripsi et
roboravi.
In Dei nomine. Amen.
MCCLXXIII, indictione prima, die ultimo septembris, presentibus testibus
vocatis et rogatis dominis Gruamonte Antonio de Bocheripanis, Petro de Mazo,
Iacobino Bixaguto et Ottobono notar, in maiori consilio in palatio comunis
Ferrarie per campanam more solito congregato nobilis vir dominus Obizo Dei et
apostolica gratia Esten, et Anchonen. (9) marchio et dominus Clerigatius
potestas civitatis Ferrarien. de voluntate et consensu omnium de dicto consilio
et ipsi omnes et singuli de dicto consilio pro se et nomine vice universitatis
hominum civitatis Ferrarien. fecerunt, constituerunt, creaverunt et ordinaverunt
dominos Albertum de Aldigeriis et Margaritum iudices ambaxiatores comunis
Ferrarien. presentes et mandatum suscipientes, suos et dicti comunis nuntios,
scyndicos, actores et procuratores, ad tractandum, examinandum, componendum et
firmandum cum illustri viro domino duce et comuni Venetiarum tam super pactis
initis inter utrumque comune, quam super petitionibus factis noviter domino
marchioni et comuni Ferrarien. per ambaxiatores domini ducis et comunis
Venetiarum et ad confirmandum pacta olim facta inter duces et comune Venetiarum
ex parte una et marchionem et potestatem et comune Ferrarien. ex altera et ad
faciendum pacta de novo cum eis et promissiones et obligationes et super
quibuscunque aliis capitulis ea omnia et singula, que ad honorem et utilitatem
domini ducis et comunis Venetiarum ex una parte et domini marchionis et comunis
Ferrarien. ex altera ipsis scyndicis utilia et necessaria videbuntur, et
contulerunt in dictos scyndicos et procuratores plenam, liberam et generalem
administrationem super omnibus et singulis capitulis, que iam dictis scyndicis
tractanda, examinanda et complenda videbuntur, et ad promittendum penam mille
marcharum argenti, qua soluta vel commissa aut non predicta pacta facta et
facienda nichilominus in sua permaneant firmitate; promittentes dictus dominus
marchio pro se et dictus potestas et omnes homines de dicto consilio nomine
comunis Ferrarie dictis scyndicis et michi notario stipulanti vice et nomine
domini ducis et comunis Venetiarum et omnium aliorum, quorum interest vel
interesse posset, firma habere et tenere omnia et singula, que per dictos
scyndicos examinata, tractata et completa fuerint vel promissa, sub obligatione
omnium bonorum dicti domini marchionis et comunis Ferrarien. presentium et
futurorum. Ego Paganinus filius quondam Guidonis de Tusco Dei gratia sacri
palatii notarius mandato dicti domini marchionis et dicti potesttis et
voluntate dicti consilii scripsi et roboravi. In testimonium autem omnium
premissrum et ad maiorem roboris firmitatem de premissis omnibus presentes
litteras et hoc publicum instrumentum fieri iussimus per Marcum nostrum
notarium infrascriptum et sigillorum nostrorum appensione muniti.
Dat. et actum Avinione, in domo domini
Iacobi Montanerii, quam habitat dictus dominus Onufrius, sub anno Domini a
nativitate MCCCXIII, indictione XI, pontificatus domini Clementis pp. V anno
octavo, die veneris decima sexta mensis februarii, presentibus religiosis et
discretis viris dominis Petro abbate monasterii sancte Marie in Regula de
Imola, Matheo preposito sancte Marie de Reno Bononien. diocesis et sancti
Salvatoris de Bononia et dictarum ecclesiarum electo Onufrio Petri et Nicolao
de Trebis canonicis Ferentinat., Francisco de Barbarano iudice, Baxiano notario
et scriba ducalis aule Venetiarum, Ianutio Blasii de Trebis, Alberto de
Montepolitiano Aretin. diocesis et Marcho Bonefidei notario de Venetiis et
aliis testibus ad (10) hec vocatis et rogatis. Ego Marchus filius servus
Octobrini de Aretio imperiali auctoritate notarius suprascriptis narrationibus,
promissionibus, stipulationibus, obbligationibus, consensibus, cassationi,
inhibitioni, innovationi, concessioni, reintegrationi, decreto et omnibus et
singulis suprascriptis interfui et ea de mandato dictorum dominorum abbatis et
Onufrii et rogatu sindici supradicti scripsi et pubblicavi. Nulli ergo etc.
nostre confirmationis et suppletionis infringere vel ei ausu temerario
contraire. Si quis etc. Dat. Avinione, XIII kalendas martii, pontificatus
nostri anno octavo.
(1)
Ms. Venetianos.
(2)
Ms. une; sed in margine emendatum est vocabulum.
(3)
In margine legitur: Menaboi.
(4)
Ms. arbitris.
(5)
In margine vocabulum recte emendatimi est: predis.
(6)
Variantes lectiones, quae inter praesens documentum et aliud pag. 58 et seqq.
editum existunt, damus.
(7)
Ms. de Ferria.
(8)
Ms. Ancheron.
(9) Ms. Auchoven.
(10) Ms. et.
9008 – Avenione, 17 febr. 1313
Mandatur faciant servari pacta inter Venetos et Ferrarienses. (cap. 119, f. 41a).
Venerabili fratri ... episcopo
Paduan. et dilectis filiis ... sancte Iustine Paduan. et sancti Georgii maioris
de Venetiis Castellan. diocesis monasteriorum abbatibus.
Decet sedis apostolice pietatem illis, qui post lapsum penitudine ducti gratiam eius reverenter expostulant et gremium repetunt directi consilio salutari, promptis adesse favoribus sueque munificentie largitatem liberaliter aperire, ut eo stabilius in ipsius devotione persistant, quo magis illam repererint in suis oportunitatibus propitiam et benignam. Dudum siquidem contra dilectos filios ... ducem, consilium et comune Venetiarum Castellan. diocesis et comunitatem seu universitatem ac terras ipsorum et singulares personas eorum ac subditos, coadiutores, valitores et fautores ipsorum et eis adherentes propter graves excessus per eosdem ducem, consilium et comune contra nos et Romanam ecclesiam ac civitatem nostram Ferrarien. commissos et nonnullos alios exigente iustitia procedentes in ipsos ducem, consilium et comune ac subditos, adiutores, valitores, fautores et adherentes predictos diversas sententias tulimus et penas spirituales et temporales eis duximus infligendas; et demum, quia ipsi saniori ducti consilio coaptabant se, sicut per inditia verisimilia conici poterat, ad nostra et ipsius ecclesie mandata redire, nos volentes, ut inter predictos ducem, consilium et comune ac dictam civitatem et comunitatem seu universitatem Ferrarien. bonum pacis et concordia stabiliter perduraret et obviaretur periculis animarum, disposuimus, quod pacta, que inter eosdem ducem, consilium et comune ac comunitatem seu universitatem eorum predictas ac potestatem, capitaneum, consilium et dictam comunitatem seu universitatem Ferrarien. quondam Opizonis et subsequenter quondam Azonis marchionum Esten, temporibus, dum viverent, servata fuerant et quibus ipsi dux consilium et comune et ipsorum comunitas sive universitas supradicta eisdem temporibus usi fuerant pacifice et quiete et illa que tunc nobis promitterentur per eos perpetuam obtinerent roboris firmitatem ac considerantes, quod nos plenam de pactis ipsis non poteramus informationem habere de facili, dilectis filiis ... abbati secularis Albaterren. Petragoricen. diocesis et decano Melden. ac magistro Galhardo de Casa canonico Constantien. ecclesiarum, qui conditionis et status terre ac civitatis ipsarum plenam facilius poterant habere notitiam dictaque pacta discutere, et quid circa ea dictis duci, consilio et comuni concedenda honoribus nostris et ecclesie predicte conveniret quidve in hac parte ipsorum terre et civitatis salubris status exposceret, intueri, per nostras sub certa l'orma dedimus litteras in mandatis, ut ipsi omnes vel idem abbas cum altero predictorum decani et canonici huiusmodi pacta, que, ut dilectus filius Franciscus Dandoli de Venetiis predictorum ducis, consilii et comunis ac comunitatis seu universitatis eorum predicte scyndicus asserebat, inter ipsos et dictos potestatem, capitaneum, consilium et comunitatem seu universitatem Ferrarien. predictos marchionum predictorum temporibus pacifice servata fuerant et. quibus idem scyndicus eosdem ducem, consilium et comune ac comunitatem sive universitatem eorum prefatam et singulares personas ipsius eisdem temporibus usos fuisse dicebat pacifice et quiete, queve abbati, decano et canonico, ut ipsi cautius in huiusmodi negotio procedere possent, sub sigillo dilecti filii nostri Arnaldi sancte Marie in Porticu diaconi cardinalis misimus interclusa, prius super hoc summarie sine strepitu et figura iudicii inquisitione facta vel informatione recepta, prout videretur eisdem, vel illa ex eis, que utilia, iusta et rationabilia invenirent existere, quamvis marchiones ac potestates, capitanei, consilium et comunitas sive universitas ipsius civitatis Ferrarien. absque licentia sedis apostolice, ad quam civitas ipsa Ferrarien. pleno iure dinoscitur pertinere, in hac parte nullam habuissent, sicut nec adhuc habent etiam, potestatem, prefatis duci, consilio et comuni ac eorum comunitati seu universitati predicte confirmatione seu concessione alia, si qua super pactis eisdem a dictis abbate, decano et canonico simili aut duobus vel uno ex eis dictarum nostrarum litterarum auctoritate forsitan emanasset, quas nullam habere voluimus firmitatem, nequaquam obstantibus, ac prius pactis et conventionibus, que inter quondam Frescum dicti Azonis filium naturalem, qui se pro marchione Esten, gerebat dicteque civitatis Ferrarien. presidebat regimini de facto, dum viveret, ac comune et populum ipsius civitatis Ferrarien. ex parte una et dictos ducem et consilium et comune Venetiarum ex altera et aliis, que inter ipsos ac comune et populum Ferrarien. predictos, dicto Fresco ab ipso evecto regimine, dudum interfuisse noscuntur et omni eorum effectu, ita quod per hoc ipsis duci. consilio et comuni quo ad innovationem, concessionem et reintegrationem aliorum pactorum predictorum nullum imposterum preiudicium generaretur auctoritate predicta, scyndico ad hoc consentiente prelato, cassatis et irritatis et cassis et irritis nuntiatis confirmarent vel etiam innovarent aut de novo imperpetuum vel ad tempus concederent, prout eis expediens videretur; recepturi ab eisdem duce, consilio et comune ac comunitate seu universitate eorum prefata nostro et successorum nostrorum et ecclesie Romane nomine promissionem, obligationem et stipulationem solennem sub forma et modo et cautelis, de quibus expedire viderent, quod ipsi, prout Franciscus procurator et syndicus supradictus nobis obtulerat, quandocunque per Lombardiam superiorem aut de ipsa Lombardia superiori versus Venetias merces portarent, transirent per districtum Ferrarien. nec per aliquem alveum factum vel faciendum aut fluvium vel aquam, nisi per Padum decurrentem per districtum ipsius civitatis Ferrarien. huiusmodi merces in vasis eorum vel alienis etiam portarent neque naves aut alia vasa ipsorum navigabilia Lombardis vel aliis volentibus navigare cum mercibus locarent, comodarent vel precario sive alio modo vel contractu seu quasi venderent seu ad gubernandum naves aut remigandum in eis aliquibus, quos scirent vel crederent velle transire cum mercibus suis per alium locum quam per cursum Padi districtus predicti versus superiorem Lombardiam et de ipsa Lombardia versus Venetias, locarent vel gratis prestarent operas suas nec procurarent neque consentirent publice vel occulte, quod aliqui voluntarie vel alio modo portarent merces per alveos novos factos vel faciendos seu fluvios vel alias aquas dimittendo solitum cursum Padi, qui est in dicto districtu Ferrarien., per quem merces de Venetiis versus Lombardiam superiorem et de dicta Lombardia versus Venetias frequentius deportantur, nec ad hoc darent opem, consilium vel favorem, cum hec possent cedere in preiudicium ecclesie supradicte, neque singulares persone de dicta eorum terra Venetiarum facerent aut venirent quoquomodo contra premissa vel aliquod premissorum publice vel occulte aut tacite vel expresse. Nos enim eisdem abbati, decano et canonico vel ipsi abbati et alteri ex predictis decano et canonico confirmandi aut innovandi vel de novo imperpetuum vel ad tempus, prout expedire viderent, prefatis duci, consilio et comuni ac eorum comunitati seu universitati prefate pacta predicta concedendi ac promissionem, obligationem, stipulationem et cautelas predictas sub quibuscunque modo, forma vel expressione verborum ab ipsis nostro et eiusdem ecclesie Romane nomine recipiendi plenam concessimus per dictas litteras facultatem et nichilominus ipsos ducem, consilium et comune ac omnes et singulos de dicta eorum terra Venetiarum, cuiuscunque conditionis, status, dignitatis vel preminentie forent, si predicta per nos expressa nobis aut prefatis abbati, decano et canonico nostro nomine et ecclesie sepedicte recipientibus per eosdem ducem, consilium et comune, ut premittitur, promittenda et eorum quodlibet non servarent aut illa vel aliquod illorum infringerent, excomunitationis sententiam incurrere voluimus ipso facto et eorum comunitatem et universitatem prefatam, si in predictis vel eorum aliquo consensu vel opere essent forte culpabiles, necnon et civitatem Castellan. et ipsam terram Venetiarum eo ipso interdicto ecclesiastico subiacere, absolutionc et relaxationc excomunicationis et interdicti predictorum preterquam excomunicationis sententia nisi dumtaxat in mortis articulo nobis et nostris successoribus Romanis pontificibus reservatis. Quod si forsan aliqui in eodem mortis articulo absoluti, quam quidem absolutionem in eodem articulo iuxta formam ecclesie impendi voluimus, quam citius comode possent, postquam restituti forent pristine sanitati, super premissis nobis aut successoribus et ecclesie supradictis satisfactionem non curarent in hac parte plenariam exhibere, relaberentur in eandem excomunicationis sententiam iuxta constitutionem super hoc editam ipso facto. Et demum volentes, ut huiusmodi negotium felicem sortiretur effectum, eisdem abbati, decano et canonico per alias nostras certi tenoris litteras dedimus in mandatis, ut ipsi vel duo aut unus eorum pactis predictis, que videlicet per inquisitionem per eos dictarum priorum litterarum auctoritate factam vel informationcm receptam repererant temporibus dictorum marchionum ut predicitur, fore servata iuxta concordiam super hoc inter eos et scyndicum predictorum ducis, consilii et comunis habitam, addere, detrahere et illa modificare ac etiam declarare ipsaque pacta, quamvis nos ea per dictos processus nostros duxerimus anullanda seu illa ex eis, de quibus ipsis videretur, prefatis duci, consilio et comuni confirmare aut innovare et imperpetuum de novo concedere et reintegrare ac decernere dictos Venetos et Ferrarienses ad illorum observationem sub penis, promissionibus et cautelis dudum in dictis pactis adhibitis et expressis et habitis inter eos iuxta utriusque partis convenctiones et promissiones teneri necnon et sufficientem promissionem, obligationem et cautelam, de quibus expedire viderent, nomine nostro et ecclesie Romane studerent a syndico supradicto recipere, quod articulos super certis alveis formatos cum addictionibus in eis de ipsorum abbatis et decani ac prefati syndici concordia factis de novo, prout in ipsis articulis et addictionibus. quorum tenorem in ipsis nostris prefatis abbati, decano et canonico secundo directis litteris ad cautelam (1) inferius inseri fecimus. continetur, et alia, que in predictis nostris prioribus litteris, quas in suo robore permanere voluimus, exprimuntur, per dictos ducem, consilium et comune faceret inviolabiliter observari, volentes personas singulares de dicta terra eorum Venetiarum, si premissa non servarent aut contra ea vel aliquod premissorum facerent vel venirent quoquomodo publice vel occulte, tacite vel expresse, in excomunicationis sententiam incidere ipso facto. Et si predicti comune Venetiarum in hiis seu eorum aliquo consensu vel opere culpabiles essent. civitatem Castellan. et ipsam terram Venetiarum eo ipso interdicto ecclesiastico subiacere, quod per alium quam per nos vel successores nostros Romanos pontifices aut de nostro vel ipsorum mandato aliqualiter amoveri nec dicte persone singulares, que jn excomunicationis sententiam inciderent supradictam, possent per alium quam per nos vel successores eosdem aut de nostro vel ipsorum mandato preterquam in mortis articulo et tunc iuxta formam ecclesie, ab huiusmodi sententia excomunicationis absolvi; quinimo si huiusmodi personas singulares in eodem mortis articulo absolvi contingeret ipseque sic absolute convalescerent, nisi cum primo comode possent super eo, propter quod dictam sententiam excomunicationis incurrissent, satisfactionem plenariam exhiberent, in eandem excomunicationis sententiam iuxta constitutionem predictam reinciderent ipso facto. Et insuper eisdem abbati, decano et canonico mandavimus per dictas eis secundo directas litteras, ut supradictis duci, consilio et comuni et eorum singulis, ad hoc Francisco syndico consentiente predicto, auctoritate nostra districtius inhibere, ne ipsi vel aliquis eorum quevis bona immobilia quovis titulo vel colore quesito in civitate, territorio ac comitatu seu districtu Ferrarien. ex tunc emerent vel acquirerent sine apostolice sedis licentia speciali, super quibus omnibus plenam eis per litteras ipsas potestatem concessimus, procurarent. Quod si forsan emendo vel acquirendo, ut predicitur, per eosdem ducem, consilium et comune vel aliquem eorum contrarium fieri contingeret, voluimus et eadem auctoritate decrevimus, quod eo ipso caderent ab omnibus bonis taliter ibidem emptis vel etiam acquisitis ipsaque bona ecclesie Romane camere totaliter applicarentur. Iidem vero abbas, decanus et canonicus huiusmodi prioribus litteris devote receptis et demum super eisdem pactis predictarum priorum litterarum auctoritate summarie sine strepitu et figura iudicii inquisitione facta et habita diligenti et alias informatione recepta et subsequenter litteris supradictis secundo directis eisdem per dictos abbatem et decanum simili modo receptis et super inquisitione et informatione prefatis deliberatione prehabita ac promissione a prefato syndico nomine eorum solenniter et expresse recepta, quod ipsi dux, consilium et comune et eorum singuli eosdem articulos super alveis formatos cum addictionibus, modificationibus et declarationibus antedictis et omnibus, que in supradictis nostris litteris exprimuntur, perpetuo, plene et inviolabiliter servarent ac omnibus sententiis et penis in eos et eorum singulos non servantes aut infringentes articulos supradictos ac eorum terram predictam Venetiarum per nos in supradictis nostris litteris promulgatis suum eodem scyndico ad hoc prebente consensum, quia per inquisitionem et informationem huiusmodi constitit eis, quod antedicta pacta inter dictos ducem, consilium et comune et potestatem, capitaneum, consilium et comunitatem seu universitatem Ferrarien. predictos marchionum predictorum temporibus, dum vivebant, fuerant pacifice observata, et etiam diligentius attendentes, quod per concessionem huiusmodi pactorum pax et concordia inter ipsos ducem, consilium et comune ac comunitatem sive universitatem dicte civitatis Ferrarien., que ipsis creditur existere fructuosa multipliciter in futurum, auctore Domino, proveniret stabiliter permansura, cessarent scandala et ex hoc necnon et ex transitu, quem prefati dux, consilium et comune et singulares persone de terra eorum predicta ob concessionem pactorum huiusmodi per alveum Padi per districtum Ferrarien. decurrentem et non per alios se facturos abbati et decano predictis pro nobis nostrisque successoribus et prefata Romana ecclesia recipientibus promiserant per Franciscum syndicum supradictum, honoris et comodi fructus accresceret et transitus pateret liberior per eundem Ferrarien. districtum transire volentibus ipsaque civitas Ferrarien. ex hoc uberius in victualibus habundaret, et aliis iustis et rationabilibus causis, que ad hoc eorum animum induxerunt, diligenter inspectis pacta ipsa, quia eis iusta, utilia et rationabilia visa fuerunt, cum modificationibus, addictionibus et declarationibus inter abbatem et decanum ac syndicum supradictos super eisdem pactis tractatis et noviter concordatis, sicut in pactis, modificationibus, addictionibus et declarationibus antedictis exprimitur, eisdem duci, consilio et comuni ac syndico supradicto in ipsorum abbatis et decani presentia constituto eorum nomine recipienti confirmatione seu concessione alia, si qua, ut premittitur, super pactis eisdem a dictis abbate, decano et canonico simul aut duobus vel uno ex eis dictarum priorum nostrarum litterarum auctoritate forsitan emanasset, quas nullam habere voluimus firmitatem, nequaquam obstantibus ac prius pactis et conventionibus, que inter quondam Freschum dicti Azonis filium naturalem, qui se pro marchione Esten, gerebat dictique civitatis Ferrarien. presidebat regimini de facto, dum viveret, ac comune et populum ipsius civitatis Ferrarien. ex parte una et prefati dux, consilium et comune ex altera et aliis, que inter ipsos ac comune et populum Ferrarien. predictos dicto Frescho ab ipso eiecto regimine dudum inita fuisse noscuntur, et omni eorum effectu, ita quod per hoc eisdem duci, consilio et comuni quo ad innovationem, concessionem et reintegrationem aliorum pactorum predictorum nullum imposterum preiudicium generaretur, per eos auctoritate predicta scyndico ad hoc consentiente prefato cassatis, irritatis ac cassis et irritis nuntiatis, innovarunt et imperpetuum de novo concesserunt et reintegrarunt auctoritate huiusmodi litterarum; decernentes ducem, consilium et comune ac Ferrarien. eosdem ad dictorum pactorum observationem iuxta utriusque partis convenctiones annotatas in pactis eisdem teneri sub penis, promissionibus et cautelis dudum in dictis pactis adhibitis ac inter abbatem et decanum predictos habitis et expressis ac prefatis duci, consilio et comuni et singulis de dicta eorum terra ad hoc Francisco scyndico consentiente predicto auctoritate apostolica inhibuerunt expresse, ne ipsi vel aliquis eorum quevis bona immobilia quovis titulo vel colore quesito in civitate, territorio ac comitatu seu districtu Ferrarien. predictis emerent de cetero vel acquirerent absque licentia sedis apostolice speciali. Quod si forsan contrarium emendo vel acquirendo, ut premittitur, per predictos ducem, consilium et comune vel eorum aliquem fieri contingeret, voluimus et ex tunc auctoritate predicta decrevimus. ipsos eo ipso cadere ab omnibus bonis taliter ibidem emptis vel etiam acquisitis ipsaque bona ecclesie Romane camere totaliter applicari, prout in instrumenta publico inde confecto abbatis et decani predictorum sigillis munito plenius continetur. Nos igitur eorundem ducis, consilii et comunis supplicationibus inclinati, quod per dictos abbatem et decanum in hac parte factum est, ratum et gratum habentes id auctoritate apostolica ex certa scientia duximus confirmandum supplentes omnem defectum, si quis in premissis habitus quomodolibet extitisset, de apostolice plenitudine potestatis. Quocirca mandamus, quatenus vos vel duo aut unus vestrum per vos vel per alium seu alios faciatis pacta predicta cum modificationibus, addictionibus et declarationibus antedictis per ducem prefatum ac rectores dicte civitatis Ferrarien., qui pro tempore fuerint, et terre Venetiarum ac civitatis Ferrarien. predictorum consilia, comunia sive universitates et singulares personas earum per excomunicationis in personas ipsorum ducis et rectorum ac singularium personarum ipsarum terre et civitatis et in terram ac civitatem et comunitates sive universitates predictas et civitatem Castellan. interdicti sententias iuxta huiusmodi confirmationis nostre tenorem inviolabiliter observari. Non obstantibus, si eis vel eorum aliquibus comuniter vel divisim a sede apostolica sit indultum, quod interdici, suspendi vel excomunicari aut ipse comunitates seu universitates ac terra et civitates antedicte ecclesiastico interdicto subici non possint per litteras apostolicas non facientes plenam et expressam ac de verbo ad verbum de indulto huiusmodi mentionem ac de duabus dietis in concilio generali et felicis recordationis Bonifacii pp. VIII predecessoris nostri circa iudices a sede prefata deputatos editis, per quam iidem iudices extra civitatem et diocesim, in quibus deputati fuerint, et alibi quam in civitatibus et locis insignibus procedere vel vices suas aliis committere aut aliquem ultra unam dietam a finibus sue diocesis seu, cum eiusdem civitatis et diocesis fuerint actor et reus, ipsum reum extra illas nisi in certis casibus in ea expressis trahere prohibentur, et aliis constitutionibus quibuscunque contrariis, dummodo quis ultra tertiam vel quartam dietam auctoritate presentium ad iudicium non trahatur. Ceterum volumus et eadem auctoritate decernimus, quod alia eiusdem predecessoris constitutione, in qua cavetur, quod uno conservatorum seu iudicum a sede concessorum predicta negotium inchoante commissum college ipsius nequeant nisi in certis casibus ibidem expressis ulterius se intromittere de eodem, et quibuslibet aliis tam dicti Bonifacii, quam aliorum predecessorum nostrorum constitutionibus in contrarium editis omnino cessantibus quilibet vestrum super hiis omnibus et singulis et etiam in articulo per collegam suum inchoato libere procedere valeat, quodque a data presentium sit vobis et unicuique vestrum in premissis omnibus et eorum singulis plena perpetuata potestas et iurisdictio attributa, ut in eo vigore illaque firmitate possitis auctoritate nostra in predictis omnibus et pro predictis procedere, ac si vestra iurisdictio in premissis omnibus et singulis per citationem vel modum alium perpetuata legitimum extitisset.
Dat. Avinione, XIII kalendas martii, anno octavo.
(1) Ms. autetam.
9035 – Avenione, 30 ian. 1313
Canonicatum et praebendam ac
cantoriam, quos quondam Aymericus Giberti capellanus commensalis suus in
ecclesia s. Frontonis Petragoricen. obtinebat, per eius obitum vacantes motu
proprio et ex mera liberalitate apostolica confert Veziano, non obstante quod
canonicatum et praebendam in ecclesia Cavallicen. obtineat seu quod patiatur in
ordinibus et aetate defectum, cum in vicesimo suae aetatis anno vel circa illum
constitutus existat et primam tonsuram dumtaxat habeat clericalem. (cap. 141,
f. 51a).
Dilecto filio Veziano Moyhs canonico et cantori ecclesie s. Frontonis Petragoricen.
Ut tua et tuorum devotio …
Dat Avinione, III kal. februarii, anno octavo.
In eundem modum dilectis filiis ... abbati monasterii de Cancellata Petragoricen. dioecesis et ... archidiacono Santonen. ac Fortanerio Massola canonico Petragoricen. ecclesiarum.
9139 – Avenione, 18 febr. 1313
Roberto committitur rectoria
ducatus Spoletan. in spiritualibus. (cap. 223, f. 73b).
Dilecto filio magistro Roberto de Albarupe clerico Petragoricen. diocesis in spiritualibus ducatus Spoletan. rectori.
Cum in ducatu Spoletan. de rectore in temporalibus duxerimus providendum, volentes etiam inibi de rectore in spiritualibus providere ad hoc, ut temporalis iurisdictio, cum expedierit, auxilio spiritualis iurisdictionis fulcita liberius et efficacius valeat exerceri, tibi, quem nobis industrem et fidelem tua fama laudabilis tuaque merita representant, rectoriam in spiritualibus in ducatu predicto in fulcimentum et auxilium temporalis iurisdictionis exercendam dumtaxat et non alias presentium auctoritate committimus usque ad nostrum et apostolice sedis beneplacitum voluntatis, discretioni tue per apostolica scripta mandantes, quatenus rectoriam ipsam sic prudenter et fideliter exerceas sicque limites tibi datos observes, quod possis exinde merito comendari. Nos enim sententias sive penas, quas spiritualiter rite tuleris vel statueris in rebelles, ratas habebimus et faciemus auctore Domino usque ad satisfactionem condignam appellatione remota inviolabiliter observari. Non obstantibus aliquibus privilegiis vel indulgentiis apostolicis, cuiuscunque tenoris existant, per que mandati nostri executio in hac parte possit quomodolibet impediri et de quibus plenam et expressam seu de verbo ad verbum fieri oporteat in nostris litteris mentionem.
Dat. Avinione, XII kal. martii, anno octavo.
9141 – Avenione, 5 apr. 1313
Consideratione Bernardi
Trencaleonis domicelli reservat Bertrando beneficium cum vel sine cura
consuetum ab olim clericis secularibus assignari, etiamsi archipresbyteratus
existat, cuius proventus centum librarum Turonen. parvorum valorem annuum
secundum taxationem decimae non excedant, ad cuiuscunque collationem vel aliam
dispositionem spectans, si quod in civitate vel dioecesi Petragoricen. vacat ad
praesens, vel proximo ibi vacaturum, non obstante quod in Vasaten. et in s.
Severini Burdegalen. ecclesiis canonicatus sub expectatione vacaturarum
praebendarum et de Scussano et de Laussinhano Agennen. dioecesis curatas
ecclesias, quae invicem sunt unitae, obtineat aut quod patiatur in natalibus et
aetate defectum, cum de soluto fuerit genitus et soluta et in vicesimo aetatis
suae anno vel circa illum constitutus existat (cap. 225, f. 74a).
Dilecto filio Bertrando de Leomania canonico Vasaten.
Apostolice sedis circumspecta benignitas …
Dat. Avinione, nonas aprilis, anno octavo.
In eundem modum dilectis filiis ... priori s. Aviti senioris Petragoricen. dioecesis et Raymundo Bernardi de Duroforti cantori Caturcen. ac Bernardo de Artigia canonico Pictavien. ecclesiarum.
9175 – Avenione, 13 apr. 1313
Consideratione Arnaldi sanctae
Mariae in Porticu diaconi cardinalis indulget Amanevo eius nepoti. ut in Romana
curia moram trahens vel insistens scolasticis disciplinis in loco, ubi studium
vigeat generale, possit usque ad triennium fructus omnium beneficiorum suorum
cum vel sine cura, etiamsi dignitates vel personatus aut officia existant, quae
nunc obtinet et eum interim forsitan obtinere contigerit, percipere,
quotidianis distributionibus dumtaxat exceptis, quin personaliter residere
teneatur. (cap. 253, f. 81b).
Dilecto filio Amanevo de Pelagrua archidiacono Brageriaci in ecclesia Petragoricen.
Sincere devotionis affectus …
Dat. Avinione, idus aprilis, anno octavo.
In eundem modum dilectis filiis ... archidiacono Silviniaci Claromonten. et Berengario Maynardi Narbonnen. ac Andreae de Setia Reatin. canonicis ecclesiarum.
9182 – Avenione, 13 apr. 1313
Consideratione Arnaldi sanctae Mariae in Porticu diaconi cardinalis indulget Arnaldo eius nepoti, ut ecclesias, monasteria, prioratus aliaque loca et personas ecclesiastica archidiaconatus sui Brageriaci in ecclesia Petragoricen. possit usque ad triennium per aliquam seu aliquas personas idoneas facere visitari ac procurationes debitas in pecunia numerata recipere moderatas. (f. 82a).
Dilecto filio Amanevo de Pelagrua archidiacono Brageriaci in ecclesia Petragoricen.
Sincere devotionis affectus …
Dat. ut supra (Avinione, idus aprilis, anno octavo).
In eundem modum dilectis filiis ... archidiacono Silviniaci Claromonten. et Guillelmo de Prato capellano nostro Agennen. ac Berengario Maynardi Narbonnen. canonicis ecclesiarum.
9191 – Avenione, 13 apr. 1313
Idem conceditur Amanevo cum eius
magistro Raymundo de Casser archipresbytero de Cordonio Caturcen. dioecesis.
(f. 82b).
(Dilecto filio) Amanevo de Pelagrua archidiacono Brageriaci in ecclesia Petragoricen.
Dat. ut supra (Avinione, idus aprilis, anno octavo).
9219 – In prioratu de Grausello, 10 oct. 1313
Geraldo beneficium cum vel sine cura, etiamsi archipresbyteratus existat, ad collationem episcopi Engolismen. pertinens, si quod in civitate vel dioecesi Engolismen. vacat ad praesens, vel proximo vacaturum, dummodo illius fructus centum librarum Turonen. parvorum secundum taxationem decimae valorem annuum non excedant, conferendum reservavit donationi apostolicae, praesertim cum ecclesia Engolismen. nunc pastore vacare noscatur, non obstante quod in Albaterren. Petragoricen. dioecesis canonicatum et praebendam obtineat et in Engolismen. ecclesiis sub expectatione vacaturae praebendae in canonicum sit receptus, quos vero canonicatum et praebendam ecclesiae Albaterren. deinde omnino dimittat. (f. 88b).
Dilecto filio Geraldo Iterii canonico ecclesie Albaterren. Petragoricen. diocesis.
Probitatis tue merita …
Dat. in prioratu cle Grausello etc., VI idus octobris, anno octavo.
In eundem modum dilectis filiis ... Santonen. et ... de Albaterra Petragoricen. archidiaconis ac Iterio Blanci canonico Engolismen. ecclesiarum.
9232 – Avenione, 30 ian. 1313
Vacantem per obitum Aymerici
Gilberti capellani sui commensalis parochialem ecclesiam de Mercayhs
Petragoricen. dioecesis confert Iohanni, non obstante quod parochiales
ecclesias de Matrevilla et de Petrafica Tolosan. dioecesis invicem canonice
unitas obtineat ipsique de canonicatibus et praebendis in s. Severini
Burdegalen. primo et demum in Silvanecten. ecclesiis tunc vacantibus fuerit
provisum, quamvis illorum possessionem nondum est assecutus. (f. 93a).
Dilecto filio magistro Iohanni de Batsaco rectori parrochialis ecclesie de Mercayhs Petragoricen. diocesis capellano nostro.
Multiplicia tuarum dona virtutum …
Dat. Avinione, III kal. februarii, anno octavo.
In eundem modum venerabili fratri ... episcopo Tolosan. et dilectis filiis Galhardo de Mota archidiacono Narbonnen. ac Bertrando de Montefaventio canonico Lugdunen.
9267 – Apud Castrum novum, 14 maii 1313
Indulget Raymundo, ut in Romana
curia moram trahens vel insistens scolasticis disciplinis in loco, ubi studium
vigeat generale, fructus omnium beneficiorum suorum, quae obtinet, etiamsi
dignitates vel personatus existant et curam habeant animarum, possit usque ad
triennium, quotidianis distributionibus dumtaxat exceptis, percipere, quin
personaliter residere teneatur. (cap. 305, f. 106b).
Dilecto filio Raymundo Bernardi de Duroforti archidiacono Petragoricen.
Sincere devotionis affectus …
Dat. apud Castrumnovum Avinionen. diocesis, II idus maii, anno octavo.
In eundem modum dilectis filiis ... de Condomio Agennen. dioecesis et ... sanctae Crucis Burdegalen. monasteriorum abbatibus ac ... archidiacono s. Sereni in ecclesia Caturcen.
9269 – Apud Castrum novum, 14 maii 1313
Eidem indulget, ut
archidiaconatum suum ecclesiae Petragoricen. possit usque ad triennium per
aliquam personam visitare, (cap. 307, f. 107a).
Dilecto filio Raymundo Bernardi de Duroforti archidiacono Petragoricen.
Tua et tuorum sincera devotio …
Dat. ut supra (apud Castrumnovum Avinionen. diocesis, II idus maii, anno octavo).
In eundem modum supraproximis executoribus ut in proxima superiori executoria.
9283 – Avenione, 29 mart. 1313
Rogat et hortatur regem, ut pacta
inter Venetos et Ferrarienses observari faciat. (cap. 321, f. 111b).
Carissimo in Christo filio Roberto regi Sicilie illustri.
Nuper post regimen civitatis nostre Ferrarien. auctoritate apostolica tue serenitati commissum, ut inter dilectos filios ... ducem Venetiarum et ipsius terre Venetiarum Castellan. diocesis ac Ferrarien. communitates sive universitates pacis et concordie vigeret integritas, per dilectos filios ... abbatem secularis Albaterren. Petragoricen. diocesis et magistrum Onufrium de Trebis decanum Melden. ecclesiarum certa pacta, que dudum inter eosdem ducem et comunitates sive universitates quondam Opizonis et quondam Azonis marchionum Esten, temporibus, dum vivebant, servata fuerant, dicti duci et Venetis sub certa forma, quibusdam factis adclitionibus et declarationibus in eisdem, fecimus innovari. Et demum nos eiusdem communitatis et civitatis Ferrarien. comodis in hac parte benigna consideratione pensatis, quod per abbatem et decanum predictos circa innovationem pactorum huiusmodi factum extitit, ratum et gratum habentes id auctoritate apostolica ex certa scientia duximus confirmandum; et deinde venerabili fratri nostro ... episcopo et dilectis filiis ... sancte Iustine Paduan. ac ... sancti Georgii eiusdem terre Venetiarum monasteriorum abbatibus per nostras sub certa forma litteras dedimus in mandatis, ut pacta predicta facerent iuxta tenorem confirmationis huiusmodi per eosdem ducem, Venetos et Ferrarien. inviolabiliter observari. Quare magnificentiam tuam rogamus et hortamur attentius, quatenus pacta predicta per officiales tuos, quos te pro tempore, quo dicte civitatis Ferrarien. regimen gesseris, ad prosecutionem dicti regiminis contigerit deputare, facias firmiter observari, ita quod inter ducem et comunitates sive universitates predictos huiusmodi bonum pacis et concordie non ledatur dictisque civitati et comunitati Ferrarien. per dictorum observationem pactorum fructus crescat honoris et comodi, quem speramus.
Dat. ut supra (Avinione, IIII kal. aprilis, anno octavo).
9291 – Apud Castrum novum, 26 maii 1313
Annuens supplicationibus
Bertrandi Mohys domicelli et familiaris sui indulget Veziano eius filio, ut
iura civilia audire et legere in loco, ubi studium vigeat generale, usque ad
quinquennium valeat, non obstante quod cantoriam ecclesiae s. Frontonis
Petragoricen. obtineat. (cap. 328, f. 112b).
Dilecto filio Veziano Moys cantori ecclesie s. Frontonis Petragoricen.
Desiderantium imbui moribus et scientia …
Dat. apud Castrumnovum Avinionen. diocesis, VII kal. iunii, anno octavo.
9296 – Apud Castrum novum, 3 iunii 1313
Eidem indulget, ut insistens
scolasticis disciplinis in loco, ubi studium vigeat generale, possit usque ad
triennium fructus canonicatus et praebendae, quos in Agennen. ecclesia obtinet,
quotidianis distributionibus dumtaxat exceptis, percipere, quin ad residendum
personaliter teneatur. (cap. 333, f. 114a).
Eidem (dilecto filio Galhardo de Duroforti canonico Agennen.).
Tua et tuorum sincera devotio …
Dat. apud Castrumnovum Avinionen. diocesis, III nonas iunii, anno octavo.
In eundem modum dilectis filiis ... abbati monasterii s. Maurini et ... priori de Cinte Agennen. dioecesis ac ... archidiacono Petragoricen.
9298 – Biterritae, 14 iunii 1313
Facultas conferendi
archidiaconatum Augen. Rothomagen. et praeposituram Pictavien. et cantoriam
Petragoricen. nec non canonicatus et praebendas ipsorum ac Lemovicen. et de s.
Asterio Petragoricen. dioecesis ecclesiarum et de Quadigues ac de Novovico
parochiales ecclesias Lincolnien. et eiusdem Petragoricen. dioecesium, quos
Hugo electus Caturcen. ex dispensatione apostolica obtinet, per consecrationis
munus ab eo suscipiendum in proximo vacaturos personis idoneis, quas eis vel
alteri eorum Philippus rex Franciae duxerit nominandas, uni videlicet earum
canonicatum et praebendam Rothomagen. ac archidiaconatum, alii vero canonicatum
et praebendam Pictavien. ac praeposituram, alii autem canonicatum et praebendam
Petragoricen. ecclesiarum et cantoriam, alios siquidem canonicatus et
praebendas ac parochiales ecclesias sive per eandem consecrationem sive per
liberam resignationem eiusdem eleeti vacaturos, singulos videlicet singulis
aliarum praedictarum personarum, non obstante si personae eaedem quatuor alia
beneficia cum vel sine cura, etiamsi duo illorum dignitates vel personatus
existant, obtinere noscantur. (cap. 335, f. 114b).
Venerabilibus fratribus ... Rothomagen, et ... Senonen. Archiepiscopis.
Grandis devotionis affectus …
Dat. Biterrite Avinionen. diocesis, XVIII kal. iulii, anno octavo.
9338 – In prioratu de Grausello, 27 iun. 1313
Consideratione Hugonis electi
Caturcen. indulget Arnaldo eius germano, ut ecclesias, monasteria ceteraque
loca et personas ecclesiastica in archidiaconatu suo de Nontronio in ecclesia
Lemovicen. constituta possit usque ad triennium per aliquam seu aliquas
personas saltem in sacerdotio constitutas visitare ac procurationes debitas in
pecunia numerata recipere moderatas. (cap. 367, f. 122a).
Dilecto filio Arnaldo Geraldi archidiacono de Nontronio in ecclesia Lemovicen.
Volentes tibi ob tuorum …
Dat. in prioratu de Grausello prope Malausanam Vasionen. diocesis, V kal. iulii, anno octavo.
In eundem modum dilectis filiis ... Santonen. et ... Vesalmen. Vasaten. et ... Sarlaten. Petragoricen. ecclesiarum archidiaconis.
9359 – In prioratu de Grausello, 23 iun. 1313
Canonicatum, praebendam et
archidiaconatum Maioris Caleti ecclesiae Rothomagen. per obitum magistri
Matthaei Carazuli notarii sui, qui nuper in ultramontanis partibus diem clausit
extremum, vacantes confert Galhardo, non obstante quod alia beneficia cum vel
sine cura, etiamsi personatus seu dignitates vel officia existant, quotcunque
fuerint, quae praesentibus habeantur pro expressis, obtineat vel expectet sive
quod patiatur in ordinibus et aetate defectum, cum in decimo nono aetatis suae
anno vel circa illuni sit tantummodo constitutus. (cap. 385, f. 126a).
Dilecto filio Galhardo de Mota canonico et archidiacono Maioris Caleti ecclesie Rothomagen.
Ad tui honoris augmentum …
In prioratu de Grausello prope Malausanam Vasionen. diocesis, VIIII kal. iulii, anno octavo.
In eundem modum venerabili fratri ... archiepiscopo Narbonnen. et dilectis filiis ... archidiacono Petragoricen. ac Bertrando de Montefaventio canonico Lugdunen.
9512 – In prioratu de Grausello, 23 iul. 1313
Consideratione Reginaldi
vicecomitis Brunequelli Bernardo familiari eius et servitori beneficium cum
cura consuetum ab olim clericis secularibus assignari, cuius proventus annui
sexaginta librarum Turonen. parvorum summam iuxta taxationem decimae non
excedant, ad collationem episcopi Uticen. spectans, si quod in dioecesi Uticen.
vacat ad praesens vel cum vacaverit, conferendum reservat donationi
apostolicae. (cap. 492, f. 159b).
Dilecto filio Bernardo Imberti presbytero Petragoricen. diocesis.
Laudabile testimonium quod tibi …
Dat. in prioratu de Grausello etc., X kal. augusti, anno octavo.
In eundem modum dilectis filiis ... abbati monasterii de Montealbano Caturcen. dioecesis et Bozoni de Tauriaco Rothomagen. ac Benedicto Fabri Melden. canonicis ecclesiarum.
9515 – In prioratu de Grausello, 27 iul. 1313
Contemplatione quondam Petri de
Valle domicelli sui concedit infrascripto abbati facultatem conferendi Petro de
Valle filio ipsius Petri monacho monasterii Sarlaten. ordinis s. Benedicti
Petragoricen. dioecesis prioratum dc Salvitate Cavimontis eiusdem ordinis
Agennen. dioecesis eidem monasterio immediate subiectum, cuius fructus pridem
ipsi abbati pro suis necessariis expensis supportandis duxit concedendos, non
obstante quod idem Petrus prioratum de Taverio eiusdem dioecesis obtineat, quem
vero dein omnino dimittat. (cap. 495, f. 160a).
Dilecto filio Bernardo abbati monasterii Sarlaten. ordinis s. Benedicti Petragoricen. diocesis.
Religionis honestas morum gravitas …
Dat. in prioratu de Grausello etc., VI kal. augusti, anno octavo.
9537 – In prioratu de Grausello, 12 aug. 1313
Dudum consideratione Philippi
regis Francorum Rothomagen. et Senonen. archiepiscopis contulit facultatem
conferendi archidiaconatum Augen. Rotliomagen. et praeposituram Pictavien. ac
cantoriam Petragoricen. nec non canonicatus et praebendas, per promotionem
Hugonis electi Caturcen. per consecrationis munus ab eo suscipiendum aut
resignationem liberam vacaturos personis idoneis, quas rex duceret nominandas,
uni canonicatum ac praebendam Rothomagen., alii canonicatum et praebendam
Pictavien. ac praeposituram et alii canonicatum et praebendam Petragoricen. ac
cantoriam, non obstante si personae ipsae quatuor alia beneficia cum vel sine
cura obtinerent, etiamsi duo illorum dignitates vel personatus existerent. Cum
autem postmodum idem electus illa beneficia per procuratorem suum in manibus
archiepiscopi Senonen. libere resignarit, ipsi vero archiepiscopi ea nondum
contulerint, concedit Berengario ea conferendi hac vice tribus personis
idoneis, quas magister Petrus Barreriae clericus et nuntius ipsius regis ei ad
hoc nomine regis duxerit nominandas, uni videlicet archidiaconatum, canonicatum
et praebendam Rothomagen. alii praeposituram, canonicatum et praebendam
Pictavien. et alii cantoriam, canonicatum et praebendam Petragoricen., non
obstante si eaedem personae alia beneficia cum vel sine cura, etiamsi ea vel
aliqua ex eis dignitates vel personatus aut officia existant, quotcunque
fuerint, obtineant sive si persona, cui praeposituram contulerit, patiatur in
aetate defectum. (cap. 515, f. 165a).
Venerabili pratri Berengario episcopo Tusculan.
Affluentis devotionis affectus …
Dat. in prioratu etc., II idus augusti, anno octavo.
9552 – In prioratu de Grausello, 3 iul. 1313
Parochialem ecclesiam de Salabone
inter duo maria Burdegalen. dioecesis per liberam Raymundi Folcuey
resignationem factam per eius procuratorem Raymundum de Porta capellae summi
pontificis clericum in manibus Arnaldi sanctae Mariae in Porticu diaconi
cardinalis confert infrascripto, non obstante quod patiatur in ordinibus et
aetate defectum, cum in vicesimo tertio aetatis suae anno vel circa illum
constitutus existat et tonsuram tantum habeat clericalem. (cap. 526, f. 168a).
Dilecto filio Raymundo de Labatut rectori parrochialis ecclesie de Salabone inter duo maria Burdegalen. diocesis.
Laudabilia me probitatis merita …
Dat. in prioratu de Grausello etc., V nonas iulii, anno octavo.
In eundem modum dilectis filiis ... monasterii Silvaemaioris et ... secularis de Albaterra abbatibus Burdegalen. et Petragoricen. dioecesium ac ... sacristae Burdegalen. ecclesiarum.
9590 – In prioratu de Grausello, 7 sept. 1313
Praeposituram ecclesiae de s.
Iuniano Lemovicen. dioecesis per mortem Iordani de Montecuculli vacantem motu
proprio et ex mera liberalitate apostolica confert Gaucelmo, non obstante quod
in Remen., Caturcen. et Aquen. ecclesiis canonicatus et praebendas ac prioratum
de Senaco et decimas de Anderiis Petragoricen. et Caturcen. dioecesium obtineat
eique olim de quibusdam canonicatu et praebenda ac sacristia Ruthenen. et
parochiali ecclesia s. Petri Levigier Rothomagen. dioecesis, quorum nondum
possessionem est adeptus, duxerit providendum ac nuper dignitatem seu
personatum vel officium cum vel sine cura, si in ecclesia Caturcen. tunc
vacabat vel cum vacaret, conferendam seu conferendum ei reservaverit donationi
apostolicae. (cap. 557, f. 178b).
Dilecto filio magistro Gaucelmo Iohannis preposito ecclesie de s. Iuniano Lemovicen. diocesis capellano nostro.
Viros litterarum scientia preditos …
Dat. in prioratu de Grausello etc., VII idus septembris, anno octavo.
In eundem modum venerabili fratri ... episcopo Caturcen. et dilectis filiis Guillelmo Meschini cantori Autisiodoren. notario nostro et ... archidiacono Santonen. ecclesiarum.
9591 – In prioratu de Grausello, 1 sept. 1313
Gaucelmo dignitatem seu
personatum vel officium cum vel sine cura, etiamsi praebenda sit ei adnexa, si
in ecclesia Caturcen. vacat ad praesens vel cum vacaverit, conferendam seu
conferendum motu proprio et ex mera liberalitate apostolica reservat donationi
apostolicae, non obstante quod in eadem Caturcen., Remen. et Aquen. ecclesiis
canonicatus et praebendas ac prioratum de Senaco et decimas dc Anderiis
Petragoricen. et Caturcen. dioecesium obtineat eique olim de quibusdam
canonicatu et praebenda et sacristia ecclesiae Ruthenen. ac parochiali ecclesia
s. Petri Levigier Rothomagen. dioecesis, quorum nondum fuit possessionem
adeptus, duxerit providendum. (cap. 558, f. 178b).
Dilecto filio magistro Gaucelmo Iohannis canonico Caturcen. capellano nostro.
Dignum laude multiplicin …
Dat. in prioratu de Grausello etc., kalendas septembris, anno octavo.
In eundem modum dilectis filiis magistro Guillelmo Meschini cantori Autisiodoren. notario nostro ac ... Santonen. et ... Caturcen. archidiaconis ecclesiarum.
9645 – Apud Castrum novum, 26 maii 1313
Consideratione Bertrandi Moys
domicelli et familiaris sui indulget Veziano eius filio, ut audiendo vel
legendo iura civilia in loco, ubi studium vigeat generale, possit usque ad
triennium fructus et proventus canonicatus, praebendae et cantoriae, quos
obtinet in ecclesia s. Frontonis Petragoricen., quotidianis distributionibus
dumtaxat exceptis, percipere, quin personaliter residere teneatur. (cap. 594.
f. 193a).
Dilecto filio Veziano Moys cantori ecclesie s. Frontonis Petragoricen.
Probitatis tue merita …
Dat. apud Castrumnovum Avinionen. diocesis, VII kal. iunii, anno octavo.
In eundem modum dilectis filiis ... abbati monasterii de Cancellata Petragoricen. dioecesis et ... Santonen. ac ... Sarlaten. Petragoricen. archidiaconis ecclesiarum.
9667 – Carumbi, 22 sept. 1313
Facultas recipiendi a Bertrando dc
Bureya rectore parochialis ecclesiae de Vilatorres Petragoricen. dioecesis
liberam etiam apud sedem apostolicam eiusdem ecclesiae resignationem eamque
conferendi alicui personae idoneae. (cap. 615, f. 198a).
Dilecto filio Raymundo sancte Marie Nove diacono cardinali.
Cum dilectus filius …
Dat. Carumbi Carpentoraten. diocesis, X kal. octobris, anno octavo.
9669 – In prioratu de Grausello, 27 sept. 1313
Consideratione Galhardi de
Duroforti canonici Agennen. confert Petro eius magistro parochialem ecclesiam
s. Iohannis de Buxodone cum aliis ecclesiis eidem adnexis Albien. dioecesis per
obitum Vitalis de Bramanata, qui nuper apud sedem apostolicam diem clausit
extremum, vacantes, non obstante quod dudum ad parochialem ecclesiam s. Martini
de Subtus Tornamira Claromonten. dioecesis per archidiaconum de Aureliaco in
ecclesia Claromonten. verum patronum eiusdem ecclesiae episcopo Claromonten.
loci ordinario fuerit praesentatus, quamvis idem episcopus nec non Geraldus de
Ganhaco, nui super provisione sibi facienda de beneficio vacaturo in eadem
dioecesi litteras apostolicas se asserit obtinere, praesentationi illi se opponant.
(cap. 617, f. 199b).
Dilecto filio Petro Rabaudi rectori parrochialis ecclesie s. Iohannis de Buxodone et aliarum ecclesiarum eidem annexarum Albien, diocesis magistro in artibus.
Apostolice sedis benignitas …
Dat. in prioratu de Grausello etc., V kal. octobris, anno octavo.
In eundem modum dilectis filiis ... Narbonnen. et Petragoricen. ac Villaelongae Tolosan. archidiaconis ecclesiarum.
9670 – In prioratu de Grausello, 9 oct. 1313
Indulget Hugoni, ut ecclesias,
monasteria ceteraque loca et personas ecclesiastica exempta et non exempta
suarum civitatis et dioecesis per aliquam seu aliquas personas idoneas saltem
in sacerdotio constitutas possit usque ad triennium facere visitari ac
procurationes debitas recipere moderatas etiam in pecunia numerata, (cap. 618,
f. 200a).
Venerabili fratri Hugoni episcopo Caturcen.
Grata devotionis studia …
Dat. in prioratu de Grausello etc., VII idus octobris, anno octavo.
In eundem modum dilectis filiis ... archidiacono Sarlaten. Petragoricen. et ... archipresbytero de s. Medardo ac ... cantori de s. Aredio Petragoricen. et Lemovicen. dioecesium ecclesiarum.
9673 – In prioratu de Grausello, 27 sept. 1313
Mandatur, satisfaciant Guillelmo
Seguini canonico Burdegalen. de valore prioratus sancti Laurentii Burdegalen.
dioecesis. (cap. 620, f. 200b).
Dilectis filiis Guillelmo Raymundi de Urso sancte Marie de Villa Useste et Raymundo de Labasta sancti Martini de Vinhandrando Vasaten. et Burdegalen. diocesium decanis et capitulis ecclesiarum.
Oblata nobis dilecti filii Guillelmi Seguini de Scossano canonici Burdegalen. petitio continebat, quod nos olim prioratum de sancto Laurentio prope sanctum Emilianum Burdegalen. diocesis, quem idem canonicus tunc temporis obtinebat, a monasterio Brantolmen. Petragoricen. diocesis dependentem et ad ipsius dispositionem spectantem, ad supplicationem ... abbatis et conventus eiusdem monasterii, per nos facta prius eisdem abbati et conventui ad ipsorum arbitrium pro temporalibus rebus, fructibus et proventibus prioratus ipsius recompensatione congrua mensis prefatorum decanatuum et capitulorum ecclesiarum ipsarum auctoritate apostolica duximus annectendum. Quare prefatus canonicus nobis humiliter supplicavit, ut ipsius indempnitati, cui prioratus idem in personale beneficium fuerat assignatus, providere de benignitate apostolica dignaremur. Nos igitur dicti canonici supplicationibus inclinati discretioni vestre mandamus, quatenus ipsius prioratus fructibus in vero valore per vos decanos predictos anno presenti et aliis futuris annis singulis, super quo vestras specialiter conscientias oneramus, extimatis tantum eidem canonico singulis annis, quoad vixerit videlicet, pro medietate in omnium sanctorum et pro alia medietate in resurrectionis Domini festivitatibus de fructibus et proventibus, de quibus magis vobis et dicto Guillelmo videbitur, pro equalibus portionibus ad mensas vestras dicti decani et capitula comuniter spectantibus in numerata pecunia persolvatis, quantum fructus ipsi deductis eiusdem prioratus oneribus omnibus et expensis valere poterunt annuatim. Volumus etiam, quod successores vestri dictarum ecclesiarum decani, qui pro tempore fuerint, et eorum quilibet ad extimationem et solutionem predictas modo simili teneantur; quod si forsan vos aut successores predicti in solutione huiusmodi, postquam per vos iuxta predictum valorem, sicut premittitur, fuerit extimata, defeceri(ti)s vel aliis, ut predicitur, terminis statuendis, vos et successores eosdem ac vestrum et eorum quemlibet excomunicationis sententiam incurrere volumus ipso facto, a qua, donec super hoc dicto Guillelmo fuerit integre satisfactum, vos aut dicti successores non possitis absolvi. Vobis autem prefatis decanis et vestris successoribus supradictis petendi et recipiendi prefatam pecuniam de prefatis fructibus, exitibus atque proventibus et tam vos memorata capitula, quam alios quosvis contradictores appellatione remota per censuram ecclesiasticam compescendi plenam et liberam concedimus tenore presentium potestatem. Non obstante si vobis vel alicui vestrum a sede apostolica sit indultum aut vobis vel eisdem successoribus indulgeri contigerit comuniter vel divisim, quod ad solvendum aliquam pecunie summam de bonis vestris aut predictorum decanatuum alicui minime teneamini et ad id compelli non possitis per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia prefate sedis indulgentia generali vel speciali, cuiuscunque tenoris existat, per quam effectus presentium impediri valeat quomodolibet vel differri et de qua cuiusque toto tenore sit in presentibus habenda mentio specialis. Ceterum pensionem seu perceptionem huiusmodi personalem fore decernimus ac eandem per ipsius Guillelmi cessum vel decessum aut religionis ingressum vel, si prefatus Guillelmus eam quocunque modo dimittat, prorsus extingui sibique non posse in ipsa quemvis alium subrogari, quodque a data presentium sit vobis in premissis omnibus et eorum singulis plena et perpetuata potestas ac iurisdictio atributa, ut in eo vigore illaque firmitate possitis auctoritate nostra super predictis procedere, ac si vestra iurisdictio in eis perpetuata per citationem vel alium modum legitimum extitisset.
Dat. in prioratu de Grausello prope Malausanam Vasionen. diocesis, V kal. octobris, anno octavo.
9681 – In prioratu de Grausello, 30 aug. 1312
Cum Raymundus abbas monasterii de
sancto Amando ordinis s. Augustini Petragoricen. dioecesis certis ex causis
legitimis sponte cedere cupiat regimini monasterii mandatur infrascriptis
recipiant ab eo liberam hanc cessionem et provideant eidem monasterio de aliqua
persona idonea ipsius monasterii eamque praeficiant in abbatem ac ille ex
ipsis, qui fuerit ab eodem abbate requisitus. impendat ei munus benedictionis
recepturus ab co solitum fidelitatis iuramentum. (cap. 628, f. 202b).
Venerabilibus fratribus ... archiepiscopo Auxitan, ac ... Nemausen. et ... Agathen. Episcopis.
Cum dilectus filius …
Dat. in prioratu de Grausello prope Malausanam Vasionen. diocesis, III kal. septembris, anno octavo.
9744 – Apud Castrum novum, 11 nov. 1313
Heliae beneficium cum vel sine
cura, etiamsi archipresbyteratus aut alius personatus existat, ad collationem
seu aliam dispositionem episcopi Petragoricen. pertinens, cuius fructus annui
centum librarum Turonen. parvorum valorem iuxta taxationem decimae non
excedant, si quod in civitate vel dioecesi Petragoricen. vacat ad praesens vel
quam primum vacaverit, motu proprio et ex mera liberalitate apostolica
conferendum reservat donationi apostolicae, non obstante quod in Petragoricen.
archidiaconatum de Bellovidere et in Melden. ac seculari Albaterren.
canonicatus et praebendas et in eadem Albaterren. ecclesiis abbatiam ac de
Burgonemoris et de Ayguiranda parochiales ecclesias ac capellam de Vauduno
Petragoricen. dioecesis obtineat et in eadem Petragoricen. ecclesia sub
expectatione vacaturae praebendae in canonicum sit receptus. (cap. 692, f.
222a).
Dilecto filio Helie de Lafaya abbati secularis ecclesie Albaterren. Petragoricen. diocesis capellano nostro.
Multiplicia tuarum dona virtutum …
Dat. apud Castrumnovum Avinionen. diocesis, III idus novembris, anno octavo.
In eundem modum dilectis filiis magistro Bernardo Roiardi archidiacono Santonen. litterarum nostrarum contradictarum auditori et Fortanerio de sancto Asterio cantori Petragoricen. ac Geraldo Iterii canonico Engolismen. ecclesiarum.
9751 – In prioratu de Grausello, 30 iul. 1313
Indulget Hugoni, ut quatuor
clerici eius obsequiis insistentes, quos duxerit eligendos, fructus
beneficiorum suorum cum vel sine cura, etiamsi dignitates seu personatus vel
officia existant, quae nunc obtinent et in posterum obtinebunt, possint usque
ad triennium percipere, quin personaliter residere teneantur. (cap. 698, f.
224a).
Dilecto filio Hugoni electo Caturcen.
Personam tuam nobis …
Dat. in prioratu de Grausello prope Malausanam Vasionen, diocesis, III kal. augusti, anno octavo.
In eundem modum dilectis filiis ... abbati monasterii Tusturiacen. Petragoricen. dioecesis et ... Vesalmen. Vasaten. ac Montis Arbedonis Magalonen. ecclesiarum archidiaconis.
9752 – In prioratu de Grausello, 30 iul. 1313
Consideratione Hugonis electi
Caturcen. Guillelmo eius nepoti beneficium cum vel sine cura, etiamsi
archipresbyteratus existat, ad collationem episcopi Caturcen. pertinens, si
quod vacat ad praesens, vel proximo vacaturum conferendum reservat donationi
apostolicae, non obstante quod patiatur in ordinibus et aetate defectum, cum
primam tantum tonsuram habeat clericalem et in sexto decimo aetatis suae anno
ve] circa illum constitutus existat, (cap. 699, f. 224a).
Dilecto filio Guillelmo de Sarlandela clerico Petragoricen. diocesis.
Virtutum studia quibus …
Dat. ut supra (in prioratu de Grausello prope Malausanam Vasionen, diocesis, III kal. augusti, anno octavo).
In eundem modum dilectis filiis
... Vesalmen. Vasaten. et ... de Nontronio Lemovicen. archidiaconis ac ...
archipresbytero de s. Medardo Petragoricen. dioecesis ecclesiarum.
9753 – In prioratu de Grausello, 30 iul. 1313
Cum Raymundus Pauchelli olim
episcopus Caturcen. regimini ecclesiae Caturcen. sponte cesserit in manibus
Arnaldi sanctae Mariae in Porticu diaconi cardinalis, annuens supplicationibus
Hugonis electi Caturcen. mandat infrascriptis, ne idem Raymundus amarae
mendicitatis opprobrium experiri cogatur, ut ei de tet beneficiis cum vel sine
cura, etiamsi dignitates vel personatus existant, quorum proventus usque ad
trecentarum librarum Turonen. parvorum annuum valorem attingant, ad collationem
episcopi Caturcen. pertinentibus, si in dioecesi Caturcen. vacant ad praesens
vel quam primum vacaverint, dummodo in ecclesia Caturcen. non existant,
providere curent, (cap. 700, f. 224b).
Dilectis filiis ... de Nontronio Lemovicen. et ... Sarlaten. Petragoricen. archidiaconis et ... s. Medardi Petragoricen. diocesis archipresbytero ecclesiarum.
Cum dilectus filius …
Dat. ut supra (in prioratu de
Grausello prope Malausanam Vasionen, diocesis, III kal. augusti, anno octavo).
9754 – Avenione, 14 febr. 1313
Recipiat a Gaucelmo rectore
parochialis ecclesiae de Engoyssha Petragoricen. dioecesis liberam eiusdem
ecclesiae resignationem et conferat eam Ademaro de Sarlandella clerico
Petragoricen. dioecesis suo nepoti, non obstante quod patiatur in aetate
defectum, cum in sexto decimo aetatis suae anno vel circa illum constitutus
existat (cap. 701, f. 225a).
Dilecto filio Hugoni electo Caturcen.
Cum sicut accepimus …
Dat. Avinione, XVI kal. martii, anno octavo.
9804 – In prioratu de Grausello, 30 iul. 1313
Valeat conferre per se vel alios
auctoritate apostolica beneficia ecclesiastica cum vel sine cura, etiamsi ea
vel aliqua ex eis dignitates, personatus vel officia et in ecclesiis
cathedralibus vel collegiatis existant, familiarium commensalium et Arnaldi
Geraldi archidiaconi de Nontronio in ecclesia Lemovicen. fratris ac Hugoneti
Geraldi prioris prioratus de Ribauhaco (sic) et Ademari de Sarlandela rectoris
ecclesiae de Engoisha ac Guillermi dicti loci de Sarlandela clerici
Petragoricen. dioecesis nepotum suorum cedentium vel decedentium, quae nunc
obtinent et in posterum obtinebunt, quae usque ad triennium per huiusmodi cessionem,
quam ab eis vel eorum procuratoribus recipere possit, vel decessum vacare
contigerit, singula videlicet eorum singulis personis idoneis easque vel earum
procuratores in corporalem inducere possessionem, non obstante si obtineant
unum aut plura beneficia cum cura et totidem vel pauciora sine cura, etiamsi
aliqua ex eis dignitas, personatus vel officia existant, (cap. 743, f. 236a).
Eidem (dilecto filio Hugoni electo Caturcen.).
Devotionis tue sinceritas …
Dat. in prioratu etc., III kal.
augusti, anno octavo.
9809 – In prioratu de Grausello, 12 iul. 1313
Committitur causa super ecclesia
s. Geraldi de Lecorp Petragoricen. dioecesis. (f. 237a).
Venerabili fratri archiepiscopo Burdegalen.
Oblata nobis dilecti filii Geraldi Fortunelli canonici ecclesie sancti Emiliani tue diocesis petitio continebat, quod, licet ipse olim ecclesiam sancti Geraldi dicti Lecorp Petracoricen. diocesis ab eadem ecclesia sancti Emiliani, quam olim, cum ipsa tunc monasterium ordinis sancti Augustini idemque Geraldus ipsius monasterii canonicus esset, ad secularem statum reducendam duximus, dependentem ex commenda abbatis, qui tunc erat dicti monasterii, prout de aliis ecclesiis dependentibus ab eadem fieri consueverat, tanquam canonicus regularis ipsius monasterii spatio viginti annorum tenuisset et possedisset ac tunc etiam teneret et possideret pacifice et quiete nichilominus tamen Arnaldus de Podio clericus dicte Petragoricen. diocesis asserens se super provisione sibi facienda de aliquo beneficio ecclesiastico cum cura vel sine cura spectante ad collationem vel presentationem dicti abbatis et conventus eiusdem monasterii, si quod in civitate vel diocesi Petragoricen. tunc vacaret vel cum ad id se facultas offerret, nostras sub ea forma, in qua pro pauperibus clericis beneficiandis interdum scribere consuevimus, litteras impetrasse ac executori per nos ei super hoc deputato mendaciter suggerens, quod predicta ecclesia sancti Geraldi vacabat et ad collationem vel presentationem ipsorum abbatis et conventus spectabat eique secundum dictarum litterarum continentiam debebatur, fecit sibi de illa, quamvis nec de iure nec de facto vacaret nec etiam vacare posset, cum ab ipsa ecclesia sancti Emiliani, ut predicitur, dependeret, de facto, cum de iure nequiverit, provideri. Orta itaque inter Geraldum et Arnaldum predictos occasione huiusmodi super eadem ecclesia sancti Geraldi materia questionis idem Arnaldus predictum Geraldum fecit coram archidiacono Petragoricen. iudice a sede apostolica delegato in causa huiusmodi ad iudicium evocari, et tandem cum inter dictas partes in eadem causa coram archidiacono supradicto litigatum et processum diutius extitisset, fuit contra predictum Geraldum fraudulenter et malitiose pro eodem Arnaldo in causa ipsa per dictum archidiaconum diffinitiva sententia promulgata, a qua idem Geraldus eam iniquam fore asserens ad nostram audientiam appellavit. Nosque causam huiusmodi appellationis et negotii principalis dilecto filio magistro Berengario de Olargiis capellano nostro nostrique palatii auditori causarum audiendam commisimus et fine debito terminandam, coram quo cum Guillelmus Soubuti procurator eiusdem Geraldi ab eo in dicta causa specialiter constitutus nulla acta, iura et alia munimenta pro dicto Geraldo in causa ipsa facientia produxisset, dictus auditor parte altera in dieta causa in ipsius contumaciam procedente pro dicto Arnaldo contra eundem Geraldum in causa predicta diffinitivam sententiam promulgavit, a qua licet iterato a parte ipsius Geraldi ad dictam sedem appellatum fuisset, ipse tamen litteras, quas sub certa forma super hoc fieri mandaveramus, eidem non potuit, ut asserit, certis impedimentis intervenientibus obtinere bullatas, sicque dictus Arnaldus medio tempore latenter nostras super confirmatione ac facienda executione sententie supradicte ad quosdam executores sub certa forma litteras impetravit, cum quibus ad partes illas recedens pretextu litterarum huiusmodi se in possessionem dicte ecclesie sancti Geraldi procuravit intrudi eundem Geraldum possessione ipsius ecclesie totaliter spoliando. Quare dictus Geraldus ad nostram duxit providentiam recurrendum nobis humiliter supplicando, ut providere sibi de oportuno in hac parte remedio paterna solicitudine dignaremur. Cum autem nostre intentionis non fuerit, sicut nec etiam esse debuit, quod prefata ecclesia sancti Geraldi, si dependens erat, ut predicitur, sub gratia per nos eidem Arnaldo in dictis litteris per eum super huiusmodi beneficio vacante vel vacaturo, ut premittitur, impetratis concessa caderet vel veniret seu littere ipse ad ecclesiam se quoquomodo extenderent supradictam, quam nos postmodum sicut et alias ecclesias ab eadem ecclesia sancti Emiliani tempore, quo erat monasterium dependentes, cum ecclesiam ipsam sancti Emiliani ad statum reduxissemus ecclesie secularis, mensis ... decani et capituli eiusdem ecclesie sancti Emiliani sub certa forma duximus uniendas, nos prefato Geraldo, qui iam senectute et etiam paupertate gravatur, paterno compatientes affectu sibique nolentes in suo iure deesse, in quo sumus omnibus debitores, ac dicti Arnaldi malitiis congruis intendentes remediis obviare, eiusdem Geraldi supplicationibus inclinati fraternitati tue mandamus, quatenus, si tibi summarie de plano sine strepitu et figura iudicii constiterit, quod eadem ecclesia sancti Geraldi ab eadem ecclesia sancti Emiliani, ut predicitur, dependeret dictusque Geraldus tunc ecclesiam sancti Geraldi possideret eandem, ipsum Geraldum, non obstantibus quibuscunque sententiis ac interlocutoriis, confirmationibus, commissionibus vel processibus aliis, in iudicio vel extra iudicium, super premissis contra dictum Geraldum latis et habitis, que omnia ex habundanti cassamus et irritamus seu cassa et irrita esse volumus et ex certa scientia subreptitia reputamus, ad corporalem possessionem dicte ecclesie sancti Geraldi ac iurium et pertinentiarum suorum restituere et restitutum defendere auctoritate nostra procures, amoto exinde dicto Arnaldo et quolibet alio illicito detentore; contradictores per censuram etc. ipsumque Arnaldum nichilominus ad restitutionem fructuum per eum ex eadem ecclesia perceptorum ac etiam expensarum, quas idem Geraldus in prosecutione negotii memorati fecisse dinoscitur, monitione premissa censura simili appellatione cessante cogendo, invocato ad hoc, si opus fuerit, auxilio brachii secularis. Quod si forte dictus Arnaldus infra trium mensium spatium post huiusmodi monitionem tuam prefato Geraldo dictos fructus restituere ac de ipsis expensis infra alios tres menses predictos primos immediate sequentes satisfacere non curarit, ipsum etiam gratia predicta ipsisque litteris super ea, ut predicitur, impetratis omnique comodo earundem apostolica auctoritate privamus et eas ex tunc aliquem nolumus habere vigorem seu alicuius existere roboris vel momenti.
Dat. in prioratu de Grausello prope Malausanam Vasionen. diocesis, IIII idus iulii, anno octavo.
9817 – In prioratu de Grausello, 1 iul. 1313
Consideratione magistri Guillelmi
Meschini notarii et vicecamerarii sui Clemens canonicatum et praebendam, quos
Aymo Bonqueti de Lambalia clericus Briocen. dioecesis olim ecclesiae
Albaterren. Petragoricen. dioecesis canonicus in eadem ecclesia obtinebat,
vacantes ad praesens apud sanctam sedem per resignationem ibi factam a praefato
Aymone in manibus Ravmundi s. Mariae Novae diaconi cardinalis nomine pontificio
eam recipientis confert Iterio et providet de illis (cap. 754, f. 239b).
Dilecto filio Iterio Rosselli canonico ecclesie Albaterren. Petragoricen. diocesis.
Apostolice sedis circumspecta benignitas …
Dat. in prioratu de Grausello etc., kalendas iulii, anno octavo.
In eundem modum dilectis filiis ... abbati monasterii Brantolmen. Petragoricen. dioecesis et ... cantori Petragoricen. ac Oddoni de Manas canonico Narbonnen. ecclesiarum.
9821 – In prioratu de Grausello, 20 iun. 1313
Consideratione Guillelmi Amanevi
de Madalhano nobilis viri familiaris sui Bernardo dicti Guillelmi familiari
beneficium cum vel sine cura, consuetum ab olim clericis secularibus assignari,
ad collationem capituli Agennen. pertinens communiter vel divisim, cuius
fructus, reditus et proventus sexaginta librarum Turonen. parvorum summam annis
singulis non excedant vel etiam minoris valoris, si quod vacat ad praesens, vel
quam primum vacaturum post acceptationem infra mensem a die cognitae vacationis
conferendum Clemens donationi apostolicae reservat, (cap. 758, f. 241a).
Dilecto filio Bernardo de Agno clerico Agennen. diocesis.
Exigentibus tue mentis probitatis …
Dat. in prioratu de Grausello etc., XII kal. iulii, anno octavo.
In eundem modum dilectis filiis ... abbati monasterii de Gundonio Agennen. dioecesis et Aymerico de Castrolucio Lemovicen. capellano nostro ac Heliae de Petragoriis Petragoricen. Ecclesiarum canonicis.
9823 – In prioratu de Grausello, 30 iul. 1313
Arnaldo Geraldi archidiacono de
Nontronio in ecclesia Lemovicen. consideratione illius fratris Hugonis electi
Caturcen. infrascripti dantur conservatores. (cap. 760, f. 241b).
Dilecto filio ... abbati monasterii Tusturiacen. Petragoricen. diocesis et ... Vesalmen. Vasaten. ac ... Montisarbedonis Magalonen. archidiaconis ecclesiarum.
Ad compescendos conatus …
Dat. in prioratu de Grausello etc., III kal. augusti, anno octavo.
9827 – Avenione, 28 febr. 1313
Annuens supplicationibus capituli
ecclesiae Albien. decernit, ut, si ad hoc episcopi Albien. accedat assensus, praebenda
canonicalis, in qua infrascriptus sub expectatione praebendae ac dignitatis vel
personatus seu officii in canonicum est receptus, eidem cum grosso quotidianis
et aliis distributionibus ab eo integre percipiendis assignetur ipseque ad
omnes tractatus eiusdem ecclesiae admittatur ac vocem, stallum in choro et
locum in capitulo habeat, non obstante statuto ipsius ecclesiae de certo
canonicorum numero seu quod scolastriam et canonicatum ac praebendam in
Santonen. et in eadem Albien. et Caturcen. Ecclesiis canonicatus sub
expectatione praebendarum, dignitatum seu personatuum vel officiorum et
prioratum secularis ecclesiae de Rovillone ac decimam s. Stephani de Felgueris
Agennen. dioecesis obtineat, ita tamen ut, quam primum aliam praebendam in
eadem Albien. ecclesia infra canonicorum numerum fuerit assecutus, illa, quae
ei hisce est decreta, illico sit sublata et in statum pristinum revertatur.
(cap. 763, f. 242b).
Dilecto filio Petro de Castro Mauron, canonico Albien.
Circa personam tuam …
Dat Avinione, II kalendas martii, anno octavo.
In eundem modum dilectis filiis ... abbati monasterii de s. Amando Petragoricen. dioecesis et archidiacono de Nontronio Lemovicen. ac ... sacristae Lectoren. ecclesiarum.
Anni octavi
9973 – Avenione, 1 apr. 1313
Provideant de securo conductu
vicariis ducatus Spoletan. (cap. 70, f. 275a).
Venerabilibus fratribus archiepiscopis et episcopis et dilectis filiis electis, abbatibus prioribus, decanis, prepositis, archidiaconis archipresbyteris, plebanis et aliis ecclesiarum prelatis et eorum vicesgerentibus ac aliis personis ecclesiasticis religiosis et secularibus etc. ut in proxima superiori usque ceterisque nobilibus potestatibus quoque capitaneis seu rectoribus, ballivis, consillis, populis et universitatibus civitatum, castrorum et aliorum quorumcunque locorum et aliis universis ad quos littere iste pervenerint.
Cum dilecti filii magister Robertus de Albarupe clericus rector in spiritualibus et nobilis vir Bernardus de Valle Goderio domicellus Petragoricen. et Caturcen. diocesium dilecti filii nobilis viri Bertrandi de Savinhaco in temporalibus ducatus Vallis Spoletan. rectoris in eodem ducatu vicarius ad partes eiusdem ducatus de mandato et beneplacito nostro accedant ad presens, universitatem vestram rogamus et hortamur attente per apostolica vobis scripta mandantes, quatenus eisdem vicariis et eorum familiis, cum per partes vestras transitum fecerint, nullam in personis vel rebus suis molestiam inferatis, quinimmo pro reverentia apostolice sedis et nostra de securo conductu, cum opus fuerit et ad vos super hoc duxerint recurrendum, in eundo, morando et redeundo sic liberaliter provideatis eisdem, quod vos de prompte devotionis affectu possimus non immerito commendare.
Dat. Avinione, kal. aprilis, anno octavo.
9991 – Avenione, 13 apr. 1313
Iidem conservatores dantur
Amanevo de Pelagrua archidiacono Brageriaci in ecclesia Petragoricen. (f.
248b).
Eisdem executoribus (dilectis filiis ... decano Carnoten. et ... archidiacono Silviniaci Claromonten. ac Andree de Setia canonico Reatin. ecclesiarum).
Laudabilia dilecti filii …
Dat. ut supra. (Avinione, idus aprilis, anno octavo).
9995 – Avenione, 4 apr. 1313
Infrascriptis unitur prioratus s.
Laurentii prope sanctum Aemilianum. (cap. 86, f. 285a).
Dilectis filiis ... beate Marie de Villa Useste et ... sancti Martini dc Vinhandrau Vasaten. et Burdegalen. diocesium ecclesiarum decanis et capitulis.
Ad divini nominis gloriam et honorem eiusque cultus augmentum dudum ecclesiis vestris beate Marie et sancti Martini auctoritate apostolica in collegiatas per nos erectis dilecti filii ... abbas et conventus monasterii Brantholmen. ordinis sancti Benedicti Petragoricen. diocesis nobis per eorum patentes litteras ex certis causis in eisdem expressis litteris cum instantia suppllicarunt, ut de prioratu sancti Laurentii prope sanctum Emilianum Burdegalen. diocesis ad eorum collationem, provisionem seu dispositionem spectante et alias tanquam membrum eiusdem monasterii pleno iure ad ipsum monasterium pertinente vobis et eisdem ecclesiis vestris unire et annectere dignaremur. Nos vero litteris ipsis, et que continebantur in eis, diligenti meditatione discussis et prius per debite recompensationis affectum, quatenus quoad temporalia fieri potuit, per nos super hoc utiliter indempnitati monasterii memorati proviso, ipsorum abbatis et conventus supplicationibus inclinati, prefatum prioratum cum omnibus iuribus et pertinentiis suis vobis et eisdem ecclesiis perpetuo annectimus et unimus omneque ius, quod abbati et conventui ac monasterio supradictis in eodem prioratu quomodolibet competebat, ita quod de cetero de ipsarum vestrarum ecclesiarum pertinentiis censeantur dictique abbas et conventus ac monasterium vel quivis alii nichil iuris aut possessionis seu proprietatis in prefato prioratu vel iuribus ac pertinentiis antedictis reclamare valeant aut in eisdem sibi quomodolibet vendicare, transferimus ex certa scientia et de apostolice plenitudine potestatis vobis nichilominus dicti prioratus possessionem auctoritate nostra ingrediendi et retinendi libere, prout vobis videbitur expedire, venerabilium fratrum nostrorum ... Burdegalen. archiepiscopi et ... Petragoricen. episcopi et cuiusvis alterius consilio et assensu minime requisitis plenam tribuentes licentiam et liberam facultatem. Non obstantibus quibusvis statutis et consuetudinibus contrariis monasterii et ordinis predictorum iuramento, confirniatione sedis apostolice seu quacunque firmitate alia roboratis, aut si aliqui super provisionibus sibi faciendis de prioratibus, dignitatibus vel personatibus et aliis beneficiis ecclesiasticis regularibus et secularibus ad ipsorum abbatis et conventus aut quorumlibet aliorum in civitate vel diocesi Petragoricen. collationem vel provisionem seu quamcunque aliam dispositionem coniunctim vel divisim spectantibus in illis partibus speciales vel generales dicte sedis aut legatorum eius litteras impetraverint, etiam si per eas ad inhibitionem, reservationem et decretum vel alias quomodolibet sit processum, quibus omnibus quoad assecutionem aliorum prioratuum, dignitatum, personatuum et beneficiorum nullum per hoc volumus preiudicium generari, et quibuslibet privilegiis, indulgentiis et litteris apostolicis generalibus vel specialibus, quorumcunque tenorum existant, per que presentibus non expressis vel totaliter non insertis effectus huiusmodi gratie impediri valeat quomodolibet vel differri et de quibus quorumque totis tenoribus plenam et expressam oporteat in presentibus fieri mentionem, aut si forsan plenus et solennis tractatus abbatis et conventus predictorum non intervenisset |n litteris seu supplicatione predictis, et quibuslibet aliis defectibus, qui ex quacunque causa in litteris seu supplicatione fuissent predictis, quos ex certa scientia et de predicte supplemus plenitudine potestatis. Tenorem autem litterarum predictarum presentibus inseri fecimus, qui talis est.
Sancissimo patri ac domino, domino Clementi Dei providentia sacrosancte Romane ecclesie ac universalis ecclesie summo pontifici Petrus miseratione divina abbas et conventus monasterii Brantholmen. ordinis sancti Benedicti Petragoricen. diocesis debite servitutis obsequium et pedum oscula beatorum. Omnium Conditoris immensa benignitas, qui dat esse rebus et sue pietatis affluentia debilibus et collapsis consolationis presidium impertitur, sacrosancte Romane ac universalis ecclesie regimini vos prefecit solem utique iustitie, solem sapientie, solem vite, patrem quoque pro liberis diligenti cura solertique custodia perquirentem consilium salutare. Quocirca nos abbas et conventus de vestra benignitate sanctissima spe concepta dampnum, quo prefatum nostrum monasterium afficitur in partibus Burdegalen. vestre beatitudini, que sedula vigilantia salubres semitas circumspicit subditorum, deliberavimus intimandum, videlicet, quod licet prioratus sancti Laurentii prope sanctum Emilianum Burdegalen. diocesis cum omnibus iuribus et pertinentiis suis ab ipso monasterio nostro dependeat et ad ipsius collationem seu dispositionem tamquam speciale ac proprium membrum ipsius pertineat et pertinuerit ab antiquo et ut plurimum per monachos fuerit solitus gubernari, tamen discretus vir Guillelmus Seguini de Scossa canonicus sancti Severini Burdegalen. asserens prioratum illum fore beneficium solitum clericis secularibus assignari sibique de ipso prioratu ut tali beneficio etiam per alium quam per nos fuisse provisum, huiusmodi provisionis obtentu prioratum obtinet antedictum et per decem annos et ultra tenuit in preiudicium nostri monasterii memorati ac redditus et iura et deveria certa, de quibus priores pro tempore presidentes dicto prioratui consueverunt prefato nostro monasterio respondere, nedum solvere contradicit, sed etiam quasi possessionem superioratus et iurisdictionem ac potestatem, quam nos abbas et nostri predecessores in dicto prioratu et ipsius priores ab olim consuevimus exercere, de sue confidens arcu potentie totaliter intervertit. Cum autem super eiusdem prioratus recuperatione plures tractatus et solennes habiti fuerint inter nos in nostro capitulo super hoc congregato, ad hoc tandem deliberatione prehabita se nostra consilia reduxerunt, quod, cum tum propter potentiam dicti Guillelmi, tum quia prefato prioratu tamdiu detento, sicut premittitur, monasterium nostrum comodo possessionis eiusdem tanto tempore fuit et adhuc esse dinoscitur destitutum, tum quia prioratus idem situs est inter amicos et consanguineos dicti Guillelmi, quibus non possemus in illis partibus esse pares, tum etiam quia monasterium idem nostrum multipliciter est oppressum gravi sarcina debitorum, litis eventus contra prefatum Guillelmum sit per nos plurimum formidandus; ut vestre sanctitati, pronis et devotis orationibus supplicemus, quod, cum vos ad divini cultus augmentum in castro de Vinhandrau et villa de Usesta Burdegalen. et Vasaten. diocesium duas seculares ecclesias collegiatas cum competenti dote ipsarum cuilibet constituenda decreveritis erigendas, quatenus ipsis duabus ecclesiis vel alteri dictarum ecclesiarum prioratum ipsum cum omnibus suis iuribus et pertinentiis tam spiritualibus, quam temporalibus uniatis, sicque prioratus idem cum pertinentiis memoratis pars dotis et pertinentiarum earundem ecclesiarum vel illius ecclesie, cui univeritis, censeantur, et compatiendo miserabili statui monasterii prefati, de cuius redditibus servitores dicti monasterii nequeunt sustentari, nobis, qui in istis partibus temporales res, possessiones et redditus invenimus, qui prioratus prefati rebus possessionibus et redditibus temporalibus equipollent, manum extendentes apostolice pietatis per procuratores, quos ad inquirendum dotes deputastis easdem, mandetis pecuniam, ex qua predicta emi valeant, ministrari; clementie vestre nichilominus supplicando, ut, quicquid super hiis factum fuerit, de apostolice potestatis plenitudine ex certa scientia dignemini roborare pecunia ipsa nobis solvenda et reddenda non aliter, quam in emendis redditibus, deveriis et possessionibus expendenda. Ad conveniendum autem secundum aprisiam seu inquisitionem, que facta fuit per discretum virum dominum Raymundum Sarnen. archidiaconum in ecclesia Burdegalen. presentibus procuratoribus vestris, super valore et oneribus rerum, iurium et proventuum prioratus ipsius, quantum nobis per vestram clementiam refundatur pro dictis redditibus acquirendis, discretos ac religiosos viros fratres Aymericum Pontii seniorem ac prepositum prepositatus de Perduces, Guillelmum de Roffiaco prepositum prepositatus de Primeriis, Raymundum Antherii priorem prioratus de Mariolio et Petrum de Labator elemosinarium nostrum dilectos ac fideles commonachos nostros et duos ex ipsis in solidum exhibitores presentium ordinamus et constituimus loco nostri dantesque sibi et duobus ex ipsis exhibitoribus presentium super premissis et quolibet premissorum plenariam potestatem, promittentes notario infrascripto nomine ac vice omnium, quorum interest et intererit, legitime stipulanti nos ratum habituros et firmum, quicquit per ipsos vel duos ex eis factum fuerit super premissis et ea tangentibus quoquomodo; beatitudini vestre nichilominus supplicantes, ut, quicquid super premissis factum fuerit, ex certa scientia auctoritate apostolica dignemini roborare ac supplere defectum, si quis sit, de apostolice plenitudine potestatis, ad quorum probationem confici mandavimus hoc presens publicum instrumentum et sigillorum nostrorum appensione muniri. Acta fuerunt hec in capitulo nostro et monasterio supradictis (1), die lune ante festum omnium sanctorum, anno Domini MCCCXII, indictione XI, mense octobris, pontificatus sanctissimi patris ac domini, domini Clementis divina providentia pp. V anno septimo, presentibus testibus discreto viro magistro Arnaldo de Verziniis clerico iurisperito et Geraldo Chalvelli clerico ad premissa vocatis specialiter et rogatis. Ego vero Raymundus Chauzanelli clericus de Brantholmio Petragoricen. diocesis, qui premissis tractatui, deliberationi et aliis predictis presens interfui, una cum dictis testibus ad rogatum dictorum abbatis et conventus et auctoritate imperiali publicus notarius hoc presens publicum instrumentum propria manu scripsi, publicavi et in publicam formam redegi signoque meo solito consignavi rogatus. Ceterum volumus et auctoritate predicta decernimus, quod tenor huiusmodi sic insertus plenam probationem faciat tam in iudicio quam extra, etiam si dicte originales littere ipsorum abbatis et conventus non apparerent, nec sit necesse illas aliquatenus exhibere quodque super recompensatione predicta nulla vobis vel aliquibus vestrum imposterum incumbat probatio, dictique abbas et conventus ac monasterium aut ipsius abbatis successores vel eorum aliquis a vobis seu aliquo vestrum vel eisdem ecclesiis aut earum aliqua super huiusmodi recompensatione nichil petere valeant in futurum seu contra vos vel aliquem vestrum aut dictas ecclesias vel aliquam earundem premissorum vel alia quacunque occasione vel causa aliquam facere vel movere litem vel etiam questionem. Proviso quod prioratus ipse debitis obsequiis non fraudetur et animarum cura in eo, si illi imineat, nullatenus negligatur. Nulli etc. annexionis, unionis, translationis, voluntatis et constitutionis.
Dat. Avinione, II nonas aprilis, anno octavo.
(1) Ms. supradicti.
9996 – Avenione, 13 apr. 1313
Ordinario facta de proventibus s.
Laurentii prope s. Aeniilianum. (cap. 87, f. 286a).
Ad futuram rei memoriam.
Ad divini nominis laudem et gloriam extollendam suique cultus augmentum sancti Martini castri de Vinhandrau et beate Marie de Villa Useste Burdegalen. et Vasaten. diocesium ecclesiis nuper in collegiatas erectis prioratum sancti Laurentii prope sanctum Emilianum dicte Burdegalen. diocesis, ad monasterium Brantholmen. ordinis sancti Benedicti Petragoricen. diocesis pertinentem, ad supplicationem dilectorum filiorum ... abbatis et conventus eiusdem monasterii, quos ad supplicationem huiusmodi porrigendam causa certe considerationis induxit, prout ex suarum patet continentia litterarum, quarum tenor inferius est insertus, prefatis ecclesiis ipsius prioratus res ac bona et iura, redditus, exitus et proventus equis percepturis partibus pro indiviso auctoritate apostolica duximus uniendum. Nos autem abbatem et conventum predictos favoris et gratie benivolentia prosequentes fructuum, reddituum et proventuum prioratus eiusdem, quatenus poterant extimari, considerato valore ac ipsius loci necessariis oneribus et expensis, eisdem abbati et conventui mille centum triginta sex libras Turonen. parvorum, pro perpetuis redditibus, seu proventibus ad utilitatem prefati monasterii acquirendis et iuxta dispositionem eorundem abbatis et conventus infra septa prefati monasterii expendendas dilectis filiis Petro Guerrelli, et Petro Pecherii burgensibus Ville Podii sancti Frontonis Petragoricen. ipsorum abbatis et et conventus nomine et ad nominationem et requisitionem ipsorum fecimus assignari, tradi et manualiter numerari, quam penes ipsos burgenses et heredes ipsorum et cuiuslibet eorundem esse volumus venditoribus ipsorum reddituum, sive proventuum, nomine ipsorum abbatis et conventus pro eisdem redditibus et proventibus persolvendam. Quod si forte dicti abbas et conventus burgensibus ipsis vel aliquo eorundem decedentibus fidem plenariam de ipsorum decedentis vel decedentium heredibus non haberent, volumus, quod per venerabilem fratrem nostrum ... episcopum Petragoricen. aut successores eius, qui pro tempore fuerint, de ipsorum abbatis et conventus consilio et assensu alius vel alii loco decedentis vel decedentium eorundem ad custodiendum pecuniam antedictam, quotiens huiusmodi casus emerserit, donec acquisiti fuerint dicti redditus et proventus, subrogentur; prefatis abbati et conventui dictisque burgensibus et ipsorum cuilibet et eorum et cuiuslibet ipsorum heredibus districtius inhibentes, ne ipsi abbas et conventus manus extendant ad pecuniam supradictam nec burgenses vel heredes prefati, nisi dumtaxat pro eisdem redditibus et proventibus, ut premittitur, acquirendis dictam pecuniam vel aliquam ipsius partem solvere prefatis abbati et conventui quoquomodo presumant. Nos enim in abbatem et singulares personas conventus eiusdem ac burgenses et heredes prefatos et quemlibet eorum attemptare contrarium presumentes, vel qui pecuniam ipsam, ex quo fuerit apud burgenses supradictos deposita, vel aliquid ex ipsa forsitan recepissent, nisi infra duorum mensium spatium a publicatione presentium litterarum, id quod recepissent, eisdem burgensibus realiter et integraliter assignassent, excomunicationis et in ipsum conventum suspensionis sententias promulgamus dictumque abbatem regimine abbatie ipsius monasterii et singulos ipsius monasterii monachos administrationibus, quas obtinrent, auctoritate apostolica omnino privamus ipsumque abbatem ad prefatam abbatiam et quamlibet aliam necnon et monachos sic privatos et quosvis monachos eiusdem monasterii reddimus inhabiles et indignos ad easdem administrationes et similes et quelibet alia beneficia ecclesiastica imposterum obtinenda. Predictas autem nostras sententias nolumus per alium quam per nos vel successores nostros Romanos pontifices preterquam eandem excomunicationis sententiam in mortis articulo relaxari; quod si forte aliquis in eodem absolutionis articulo, nisi quam citius comode poterit, postquam restitutus fuerit pristine sanitati, curaverit super eo, pro quo dictam sententiam excomunicationis incurrit, plenam satisfactionem impendere, eo ipso in eandem sententiam relabatur, cuiusmodi sententias excomunicationis incurrere decernimus eo ipso quoslibet alios, qui ad prefatam pecuniam manus extendent, preterquam pro predictis redditibus et proventibus, ut predicitur, acquirendis eas nolentes, nisi, sicut premittitur, modo quolibet relaxari. Ceterum prefato episcopo Petragoricen. presentium auctoritate mandamus, ut inhibitionem et sententias huiusmodi et alia supradicta abbati et conventui ac burgensibus antedictis per se vel per alium seu alios studeat intimare et super hoc facere confici publica instrumenta, que camere nostre sublato more dispendio faciat assignari. Tenorem autem predictarum litterarum presentibus inseri fecimus, qui talis est. Sancissimo patri et domino etc. ut in proxima superiori usque consegnavi rogatus. Nulli etc. nostre voluntatis, inhibitionis, promulgationts, privationis redditionis, constitutionis et mandati.
Dat. Avinione, idus aprilis, anno octavo.
9997 – Avenione, 4 apr. 1313
Unitur infrascriptis prioratus s.
Stephani de Lissia. (cap. 88, f. 286b).
Dilectis filiis ,.. beate Marie dc Villa Uscste et ... sancti Martini de Vinhandrau Vasaten. et Burdcgalen. diocesium ecclesiarum decanis et capitulis.
Ad divini nominis gloriam et honorem eiusque cultus augmentum dudum ecclesiis vestris beate Marie et sancti Martini auctoritate apostolica in collegiatas per nos erectis dilecti filii ... abbas et conventus monasterii sancti Martialis Lemovicen. ordinis sancti Benedicti nobis per eorum patentes litteras ex certis causis in eisdem expressis litteris cum instantia supplicarunt, ut prioratum sancti Stephani de Lissia Burdegalen. diocesis eiusdem ordinis ad eorum collationem, provisionem seu dispositionem spectantem et alias tanquam membrum eiusdem monasterii pleno iure ad ipsum monasterium pertinens vobis et eisdem ecclesiis vestris unire et annectere dignaremur. Nos vero etc. ut in secunda superiori usque prout vobis videbitur expedire, venerabilis fratris nostri Burdegalen. archiepiscopi et cuiusvis alterius consilio vel assensu minime requisito, plenam tribuentes licentiam et liberam facultatem. Non obstantibus etc. ut in eadem usque in civitate et diocesi Burdegalen. collationem etc. ut in eadem usque summo pontifici Helias miseratione divina abbas et conventus monasterii sancti Martialis Lemovicen. ordinis sancti Benedicti debite servitutis obsequium et pedum oscula beatorum. Omnium Conditoris immensa benignitas etc. ut in eadem usque deliberavimus intimandum, videlicet quod, licet prioratus sancti Stephani de Litia Burdegalen. diocesis cum omnibus iuribus et pertinentiis ab ipso monasterio nostro dependeat et ad ipsius collationem seu dispositionem tanquam speciale ac proprium membrum ipsius pertineat et pertinuit ab antiquo et ut plurimum per monachos fuerit solitus gubemari, tamen discretus vir dominus Archambaudus natus inclite recordationis comitis Petragoricen. abbas secularis ecclesie sancti Asterii Petragoricen. diocesis asserens prioratum ipsum fore beneficium solitum clericis secularibus assignari etc. ut in eadem usque diligenti deliberatione prehabita se nostra consilia reduxerunt, quod, cum tum propter potentiam dicti domini Archambaudi, tum quia prefato prioratu etc. ut in eadem mutatis mutandis usque prioratum ipsum cum omnibus suis iuribus et pertinentiis uniatis, ut pars dotis et de pertinentiis earundem ecclesiarum vel illius ecclesie, cui unietis, censeatur et compatiendo etc. ut in eadem usque ministrari et pecuniam ipsam penes Petrum Benedicti, Guidonem Bosonis et Iohannem Marcelli burgenses castri Lemovicen. deponi et per ipsos fideliter custodiri non aliter quam in emendis redditibus expendendam, salvo, quod si pensio, quam domini abbas et conventus monasterii Cluniacen. a nobis petunt, acqutri poterit, ipsam acquiri ex nunc volumus ex pecunia supradicta. Ad conveniendum autem secundum apprisiam etc. ut in eadem usque pro dictis redditibus acquirendis discretum virum dominum Aymericum de Castro Luttii legum professorem et Geraldum Baiuli, Iohannem Baiuli et Iohannem Bonifacii monachos nostros et duos ex eis in solidum ordinamus, constituimus loco nostri dantesque sibi aut duobus ex ipsis super premissis et quolibet premissorum plenariam potestatem promittimus notario infrascripto nomine et vice omnium, quorum interest ac intererit, stipulanti nos ratum habituros et firmum, quiqquid per ipsos vel duos ex eis factum fuerit super premissis et ea tangentibus quoquomodo, beatitudini vestre nichilominus supplicantes, ut, quicquid super his factum fuerit, ex certa scientia auctoritate apostolica dignemini roborare ac supplere defectum, si quis sit, de apostolice plenitudine potestatis, et si placet, nostras supplicationes et petitiones sanctitati vestre directas ac domino Hugoni Geraldi traditas dignemini exaudire. Ad quorum probationem confici mandavimus hoc presens publicum instrumentum per notarium infrascriptum et sigillorum nostrorum appensione muniri. Acta fuerunt hec Lemovicis in capitulo monasterii nostri predicti, die Iovis, in festo exaltationis sancte Crucis, anno Domini MCCCXII, indictione X, pontificatus nostri sanctissimi patris, domini Clementis pp. V anno septimo, presentibus discreto viro magistro Stephano Malbot iurisperito et dicto Figat ac Stephano de sancto Aredio de Arnato clericis ad hec vocatis specialiter et rogatis. Et ego Guillelmus Raynaudi clericus Lemovicen. diocesis imperiali publicus auctoritate notarius, qui premissis tractatui, deliberationi et constitutioni predictorum procuratorum et aliis predictis per dictos dominos abbatem et conventum predicti monasterii sancti Martialis dicta die in capitulo predicti sui monasterii hora capitulandi ad sonum campane propter hoc congregatos actis, salvo et excepto dumtaxat Roberto Laguarda monacho predicti monasterii, qui presens premissis constitutioni dictorum procuratorum penitus contradixit, presens interfui ad rogatum dictorum dominorum abbatis et conventus, premissa propria manu scripsi et publicavi et in hanc publicam formam redegi meoque solito sino signavi una cum sigillis dictorum abbatis et conventus in testimonium veritatis rogatus. Ceterum volumus etc. ut in eadem superiori secunda per totum.
Dat. Avinione, II nonas aprilis, anno octavo.
Regestum Clementis papae V
ex Vaticanis archetypis
sanctissimi domini nostri Leonis XIII pontificis
maximi jussu et munificentia
nunc primum editum cura et studio monachorum ordinis
s. Benedicti
Anno MDCCCLXXXVIII (1888)
tome IV
Annus nonus
(Regestorum Vol. LXI)
Anni noni
10073 – Apud Castrum novum, 27 nov. 1313
Per alias personas idoneas,
ecclesias, monasteria et alia loca ecclesiastica, eorumque personas, Spoletanae
dioecesis, possit ad triennium visitare, et procurationes ex hoc sibi debitas
in pecunia numerata recipere, moderatas tamen. (cap. 14, f, 3b).
Dil. filio Petro, electo Spoletano.
Personam tuam …
Dat. apud Castrum novum, Avinioniensis diocesis, V kal. dec. anno nono.
In eundem modum dilectis filiis .,. monasterii Saxivivi Fulginatensis, et ... secularis s. Auliani, Brivacensis, Claromontensis diocesium abbatibus ac ... cantori s. Asterii Petragoricensis ecclesiarum.
10102 – Apud Castrum novum, 21 nov. 1313
Canonicatum et praebendam
ecclesiae Vasatensis vacantes per munus consecrationis Theobaldo episcopo
ipsius ecclesiae impertitum, quorum collationem sibi reservaverat, confert
infrascripto, non obstante quod in Silvanectensi et sancti Severini
Burdegalensis ecclesiis canonicatus et praebendas, ac de Marrevilla et de
Petrafita invicem unitis, necnon de Marchays ecclesias, curam animarum
habentes, Tolosanae et Petragoricensis dioecesium, ex dispensatione obtineat
apostolica, (cap. 40, f. ioa).
Dilecto filio magistro Iohanni de Bacsaco, canonico Vasatensi, capellano nostro.
Probitatis tue merita …
Dat. apud Castrumnovum, XI kal. decembris, anno nono.
In eundem modum dilectis filiis ... abbati monasterii s. Fremerii, Vasatensis diocesis, et ... decano s. Martini de Vinhandraldo. Burdegalensis diocesis, ac magistro Berengario Maynardi, canonico Narbonensis ecclesiarum.
10108 – Montiliis, 1 ian. 1314
Canonicatum, praebendam ac
decanatum ecclesiae Rothomagensis vacantes per obitum Arnaldi tit. s. Marcelli
presbyteri cardinalis nuper apud sedem apostolicam defuncti, et ideo apud
eandem sedem vacantes Clemens ex mera liberalitate confert infrascripto, non
obstante quod in Belvacensi decanatum et archidiaconatum invicem unitos
canonice, ac in ea et Agennensi ecclesiis canonicatus et praebendas, necnon decimas
de Barsaco et sancti Martini veteris de Neyraco, Lectorensis et Agennensis
dioecesium obtineat. (cap. 46, f. 14b).
Dilecto filio Raymundo Guillelmi de s. Eulalia, canonico et decano ecclesie Rothomagensis.
Sedis apostolice gratiosa benignitas …
Dat. Montiliis, Carpentoratensis diocesis, kal. ianuarii, anno nono.
In eundem modum ... sancti Audoeni Rothomagensis, et ... sancti Amandi Petragoricensis diocesium, monasteriorum abbatibus, ac ... archidiacono Vesalmcnsi in ecclesia Vasatensi.
10111 – Montiliis, 2 ian. 1314
Consideratione et precibus
Amanevi de Lebreto indulget infrascripto, ut ad triennium, insistens
scholasticis disciplinis in loco ubi studium vigeat generale, fructus omnium
beneficiorum quae in Bituricensi et quibuscumque aliis ecclesiis obtinet,
percipere valeat, ac si in eisdem personaliter resideret. (cap. 48, f. 15b).
Dilecto filio magistro Petro de Arreblayo, nato dilecti filii nobilis viri Iohannis de Arreblayo, senescalli, Petragoricensi et Caturcensi canonico, et archidiacono Borbone ecclesie Bituricensis.
Personam tuam …
Dat. ut supra (Montiliis, Carpentoratensis diocesis, IIII nonas ianuarii, anno nono).
In eundem modum dil. filiis ...
archidiacono Xanctonensis et cantori, ac ... sacriste Bituricensis ecclesiarum.
10112 – Montiliis, 2 ian. 1314
Supradicto Petro indulgetur,
consideratione eiusdem Amanevi, ut in pecunia numerata procurationes sibi
debitas, moderatas tamen, percipere valeat, ratione visitationis ecclesiarum,
monasteriorum et personarum sui archidiaconatus Borbonae in ecclesia
Bituricensi. Eam visitationem per aliquas idoneas personas ad triennium facere
possit. (cap. 49, f. 16a).
Dilecto filio Petro de Arreblayo, nato dilecti filii nobilis viri Iohannis de Arreblayo senescalli Petragoricensi, et Caturcensi (canonico et) archidiacono Borbone in ecclesia Bituricensi.
Tua et tuorum sincera devotio …
Dat. ut supra (Montiliis, Carpentoratensis diocesis, IIII nonas ianuarii, anno nono).
In eundem modum dil. filiis ...
archidiacono Xanctonensi, et ... cantori, ac ... sacriste ecclesie
Bituricensis.
10127 – Montiliis, 6 ian. 1314
Dummodo a quotidianis abstineat
distributionibus percipiendis, valeat infrascriptus, insistens scholasticis
disciplinis in loco ubi studium vigeat generale, vel apud sedem apostolicam
moram trahens, fructus canonicatus et praebendae ac decanatus. quos in
Rothomagensi obtinet ecclesia, et omnium suorum beneficiorum ad triennium
percipere, ac si in eorum ecclesiis resideret. (cap. 64, f. 19a).
Dilecto filio Raymundo Guillelmi de sancta Eulalia, canonico et decano ecclesie Rothomagensis.
Tua et tuorum sincera devotio …
Dat. Montiliis, Carpentoratensis diocesis, VIII idus ianuarii, anno nono.
In eundem modum dilectis filiis ... sancti Amandi Petragoricensis diocesis, et sancti Audoeni Rothomagensis, monasteriorum abbatibus, ac ... archidiacono Vesalmensi in ecclesia Vasatensi.
10128 – Montiliis, 6 ian. 1314
In pecunia numerata, valeat
procurationes sibi debitas ratione visitationis ecclesiarum huiusmodi sui
archidiaconatus ecclesiae Belvacensis, quam ei ad triennium per personas
idoneas facere conceditur, recipere. (cap. 65, f. 19b).
Dilecto filio Raymundo Guillelmi de sancta Eulalia, archidiacono Belvacensi.
Personam tuam …
Dat. ut supra (Montiliis, Carpentoratensis diocesis, VIII idus ianuarii, anno nono).
In eundem modum dilectis filiis
... sancti Audoeni Rothomagensis et de sancto Amando Petragoricensis diocesium
monasteriorum abbatibus, ac ... archidiacono Vesalmensi in ecclesia Vasatensi.
10178 – Montiliis, 23 ian. 1314
Ad sedandas capitales inimicitias
ab olim inter Raymundum de Valle ex parte una et quondam Margaritam matrem
Bertrandae et illos de genere suo ex altera suscitatas, indulget infrascriptis,
consideratione Archambaldi comitis Petragoricensis, ut. non obstante, quarto
quo coniuncti sunt consanguinitatis gradu, matrimonium licite valeant
contrahere. (f. 30a).
Dilecto filio Raymundo de Valle, domicello Petragoricensis diocesis, et dilecte in Christo filie Bertrande nate dilecti filli Petri de Pctragoris domicelli Petragoricensis.
Romani pontificis precellens auctoritas …
Dat. Montiliis Carpentoratensis diocesis, X kal. februarii, anno nono.
10179 – Montiliis, 23 ian. 1314
Procurationes in numerata pecunia, moderatas tamen, recipere valeat infrascriptus, ratione visitationis ecclesiarum et personarum ac monasteriorum sui archidiaconatus Sarlatensis, quam ut per alias personas idoneas peragere possit, eidem ad triennium, consideratione Archambaldi comitis Petragoricensis illius consanguinei, indulgetur. (cap. 109, f. 30a).
Regestum Clementis Papae V.
Dilecto filio Helie de Petragoris, archidiacono Sarlatensi in ecclesia Petragoricensi.
Tue devotionis merita …
Dat. ut supra (Montiliis Carpentoratensis diocesis, X kal. februarii, anno nono).
In eundem modum dilectis filiis
... abbati monasterii de Cancellata Petragoricensis diocesis, et Arnaldo de
Bonavilla, ac Iohanni de Quarteriis canonicis Petragoricen.
10189 – Montiliis, 28 ian. 1314
Ante obitum Audoyni episcopi
Petragoricensis dispositioni sedis apostolicae eiusdem ecclesiae provisionem,
cum eam per eius obitum vacare contingeret, reservaverat Clemens. Nunc vero
eodem viam universae carnis ingresso, infrascriptum archidiaconum
Petragoricensem et in subdiaconatus ordine constitutum, eidem praeficit
ecclesiae. (cap. 118, f. 31b).
Dilecto filio Raymundo, electo Petragoricensi.
Regimini universalis ecclesie …
Dat. Montiliis, Carpentoratensis diocesis, V kal. februarii, anno nono.
In eundem modum dilectis filiis ... capitulo ecclesie Petragoricensis.
In e. m. dilectis filiis clero civitatis et diocesis Petragoricensis.
In e. m. dilectis filiis populo civitatis et diocesis Petragoricensis.
In e. m. dilectis filiis universis vassallis ecclesie Petragoricensis.
In e. m. carissimo in Christo filio Philippo regi Francorum illustri. Divine gratia magestatis acquiritur si ministris eius et hiis precipue, qui sunt dignitatis titulo insigniti, pro ipsius reverentia condignus honor impenditur et favor necessarius exhibetur. Dudum siquidem bone memorie etc. usque curam et administrationem ipsius ecclesie, eidem electo plenarie commictendo, firma etc. usque Quocirca serenitatem regiam rogamus et hortamur attentius, quatenus eundem electum et commissam sibi ecclesiam habens pro nostra et apostolice sedis reverenda propensius commendatos, sic te illi benivolum exhibeas, sic favorabilem largiaris. ipsum et eandem ecclesiam regalis benivolentie gratia prosequendo, quod idem electus tuis presidiis circumfultus, commissum sibi regimen eiusdem ecclesie facilius et efficacius, cooperante Domino, prosequatur, nosque proinde benivolentiam regiam, dignis in Domino laudibus attollamus.
Dat. ut supra (Montiliis,
Carpentoratensis diocesis, V kal. februarii, anno nono).
Donnée : Collection Périgord, vol. 31, fol. 24 r°
10217 – Paternis, 14 febr. 1314
Obtentu Tuphae de sancto Germano
militis, beneficium cum cura vel sine cura consuetum ab olim per monachos
monasterii Karrofensis ordinis sancti Benedicti, Pictaviensis dioecesis
gubernari ad collationem spectans abbatis et conventus dicti monasterii, siquod
vacat ad praesens vel proxime vacaturum, infrascripto post acceptationem
conferendum donationi apostolicae reservat; non obstante, quod sit monachus
monasterii Tusturiacen., ordinis s. Benedicti Petragoricensis dioecesis et
praeposituram de Malomonte eidem monasterio immediate subiectam, ordinis et
dioecesis praedictorum obtineat. Cum autem supradicti beneficii possessionem
pacificam fuerit adeptus, ex tunc monachus praefati monasterii Karrofensis, ad
quod eum transfert, reputetur, et ad omnia, sicut ipsius monasterii monachi,
admittatur, ac praeposituram praedictam quam obtinet, et quae ex tunc vacare
decernitur, omnino dimittat, ac monasterii Tusturiacensis monachus nullatenus
censeatur. (cap. 144, f. 39a).
Dilectis filiis, fratri Raymundo de Chayro, monacho monasterii Tusturiacensis, et ... preposito prepositure de Malomonte, ordinis s. Benedicti, Petragoricensis diocesis.
Religionis zelus …
Dat. Paternis, Carpentoratensis diocesis, XVI kal. martii, anno nono.
In eundem modum venerabili fratri ... episcopo Caturcensi, et dilectis filiis Helie de Petragoris, archidiacono Sarlatensi, ac Fortanerio de sancto Asterio, cantori ecclesie Petragoricensis.
10222 – Montiliis, 27 febr. 1314
Raymundus sanctae Mariae Novae
diaconus cardinalis recipiat apud sanctam sedem a Ravmundo Piconis rectore
ecclesiae de Rofiaco Petragoricensis dioecesis, resignationem eiusdem ecclesiae
quam in manibus pontificis facere intendit, eamque conferat Geraldo Vacherii
clerico dictae dioecesis. (cap. 148, f. 41a).
Dilecto filio Raymundo sancte Marie Novae diacono cardinali.
Cum, sicut accepimus …
Dat. Montiliis, Carpentoratensis diocesis, III kal. martii, anno nono.
10224 – Montiliis, 1 mart. 1314
Obtentu Stephani Ferreoli militis,
infrascripto eius familiari beneficium cum cura vel sine cura, ad collationem
episcopi Petragoricensis, vel cuiuscumque pertinens, vacans vel vacaturum in
civitate vel dioecesi Petragoricensi conferendum, donationi apostolicae
reservat (cap. 150, f. 41b).
Dilecto filio Raymundo de Bordorio, clerico Petragoricensis diocesis.
Probitatis tue merita …
Dat. Montiliis, Carpentoratensis diocesis, kal. Martii, anno nono.
In eundem modum dilectis filiis … abbati monasterii sancti Amandi, et … priori sancti Aviti Senioris, Petragoricensis diocesis, ac … cantori ecclesie Petragoricensis.
10232 – Montiliis, 22 febr. 1314
Confirmatur exhibitio habitus regularis
sibi facta. (cap. 156, f. 43b).
Dilecto filio Galhardo de Lobersano, canonico et proposito ecclesie Tholosane, ordinis sancti Augustini, capellano et familiari nostro.
Dudum volentes te favore prosequi gratioso, canonicatum ecclesie Auxitane, ordinis sancti Augustini, in qua certus canonicorum numerus vel prebendarum distinctio non habentur, cum plenitudine iuris canonici, apostolica tibi auctoritate contulimus et providimus de eodem. Decernentes fore tibi dicti ordinis habitum exhibendum, sicut moris et consuetudinis est ibidem, ac de ipsius ecclesie redditibus et proventibus, sicut uni ex aliis eiusdem ecclesie canonicis providendum. Personatum vero seu dignitatem vel officium tunc proximo in dicta ecclesia vacaturum seu vacaturam, conferendum seu conferendam tibi. donationi apostolice duximus reservandum, seu etiam reservandam, prout hec et alia in nostris inde confectis litteris plenius continentur, quibusdam tibi super hoc per alias nostras certi tenoris litteras, executoribus deputatis. Verum, licet post huiusmodi gratiam tibi factam, bone memorie Petrus tit. sancte Prisce presbiter cardinalis de speciali mandato nostro facto sibi super hoc oraculo vive vocis regularem habitum dicti ordinis consuetum illius canonicis assignari, non obstante quod ipsum tibi decreveramus, secundum huiusmodi morem et consuetudinem, ut premittitur exhiberi tibi in civitate Burdegalcnsi, dum ibidem, pontificatus nostri anno primo cum nostra curia moraremur. duxerit exhibendum, tuque illuni tunc susceperis ab eodem, de quibus plenam memoriam obtinemus; quia tamen in causa que apud sedem apostolicam super archidiaconatu de Pardiaco in dicta ecclesia, tibi, dictarum litterarum auctoritate, collato, inter te ex parte una, et dilectum filium Galhardum de sancto Petro, canonicum eiusdem ecclesie, qui se in predicto archidiaconatu ius habere pretendit, ex altera vertitur, est ad plures annos processum, et ad producendum omnia quibus tu et dicta pars altera in causa uti vultis eadem, terminus peremptorius assignatus, ac ab aliquibus, sicut ex parte tua nuper accepimus, coram auditoribus in causa ipsa deputatis revocetur in dubium, an, ut predicitur, habitum ipsum tibi cardinalis exhibuerit supradictus, tuque illum susceperis ab eodem, nos nolentes quod de hoc nunc vel imposterum aliqua possit dubitatio suboriri, sed personam tuam, tuis exigentibus meritis, nobis utique per familiarem experientiam non ignotis, oportunis et gratiosis communire favoribus cupientes, tuis supplicationibus inclinati, presentes tibi super huiusmodi dicti habitus exhibitione et assumptione factis modo et tempore supradictis in testimonium duximus concedendas ex certa scientia, decernentes te a tempore huiusmodi suscepti habitus debere pro vero eiusdem ecclesie canonico reputati, ac predictas necnon et alias ex tunc super collationibus per nos tibi de prioratu sancti Cipriani Petragoricensis diocesis ac canonicatu et prepositura ecclesie Tholosane ordinis supradicti, factis a nobis, per te obtentas litteras et imposterum obtinendas etiam undecumque ac processus secutos vel secuturos, perinde suum sortiri effectum ac si dictum habitum iuxta prefatos mores et consuetudinem suscepisses. Nulli ergo etc. concessionis et constitutionis etc.
Dat. Montiliis, Carpentoratensis diocesis, VIII kal, mardi, anno nono.
10233 – Montiliis, 28 febr. 1314
Recipiat a magistro Bernardo
Roiardi priore prioratus de Ayrando Petragoricensis dioecesis, litterarum
papalium contradictarum auditore, ipsius prioratus, et a Raymundo de Parisiis
canonico Carnotensi, canonicatus et praebendae quos in ecclesia Carnotensi
obtinet, et a Petro Bruneti priore prioratus de Epimmonte Rothomagensis
dioecesis eiusdem prioratus, et a Guillelmo Roiardi archipresbytero Padurcensi
dictae Petragoricensis dioecesis archipresbyteratus curam animarum habentis
resignationem; eaque recepta, conferat de Ayrando Petro, et de Epimmonte
prioratus Raymundo, aç canonicatum et praebendam praedictos Guillelmo praefatis
et archipresbyteratum Guillelmo Iohannis, clerico Petragoricensis dioecesis
eiusdem auditoris nepoti vel alii personae idoneae quam idem auditor sibi ad id
duxerit nominandam; non obstante si quilibet praedictorum tria vel plura
beneficia obtinere noscatur. (cap. 157, f. 44a).
Dilecto filio Arnaldo sancte Marie in Porticu diacono cardinali.
Cum, sicut accepimus …
Dat. Montiliis, Carpentoratensis diocesis, II kal. martii, anno nono.
10249 – Montiliis, 23 ian. 1314
Obtentu nobilis viri Archambaldi
comitis Petragoricensis, infrascripto illius fratri canonicatum ecclesiae
Caturcensis confert, praebendam vero ac dignitatem seu personatum vel officium
cum vel sine cura, siqua in dicta ecclesia vacant vel proximo vacatura eidem
post acceptationem conferenda donationi apostolicae reservat; non obstante quod
in sancti Frontonis Petragoricensis, et sancti Caprasii Agennensis ecclesiis
canonicatus et praebendas, ac prioratum sancti Medardi de Abbatia
Petragoricensis dioecesis obtineat et duodecim annos natus, prima tantum
gaudeat tonsura (cap. 169, f. 47b).
Dilecto filio Talayrando, nato quondam Helie Talayrandi comitis Petragoricensis, canonico Caturcensi.
Tui nobilitas generis …
Dat. Montiliis, Carpentoratensis diocesis, X kal. februarii, anno nono.
In eundem modum dilectis filiis ... abbati monasterii de s. Marcello, Caturcensis diocesis, et Helie archidiacono Sarlatensi, Petragoricensis ac Arnaldo de s. Genesio canonico Aquensis ecclesiarum.
10250 – Montiliis, 22 febr. 1314
Licentiam concedit infrascripto
qui in Tolosana praeposituram et in ea et Auxitana ecclesiis ordinis s.
Augustini canonicatus et communium proventuum portiones et prioratum de s.
Cypriano eiusdem ordinis, Petragoricensis dioecesis obtinet, cuique de archidiaconatu
de Perdiaco in dicta ecclesia Auxitana per suas litteras providit, licet super
eo apud sedem apostolicam litiget, ut, ad quinquennium, insistens scholasticis
disciplinis, aut in Romana curia residens, ratione praepositurae et
canonicatuum, portionum, prioratus, vel archidiaconatus praedictorum si dictum
archidiaconatum evicerit, aut alterius dignitatis seu personatus vel officii,
si quam vel si quem seu si quod, eodem archidiaconatu forsitan ab eo evicto
assequatur, non teneatur in aliqua dictarum ecclesiarum aut in eodem prioratu
residentiam facere personalem; suppletur omnis defectus, si quis in eo ratione
sacrorum ordinum ab eo hactenus temporibus statutis minime susceptorum
exstiterit vel exsistat; animarum tamen cura siqua imminet non negligatur (cap.
170, f. 48a).
Dilecto filio Galhardo de Lobersano, diacono, preposito ecclesie Tholosanc, ordinis sancti Augustini, capellano et familiari nostro.
Personam tuam quam grata …
Dat. Montiliis, Carpentoratensis diocesis, VIII kal. martii, anno nono.
10257 – Montiliis, 24 febr. 1314
Galhardo ex mera liberalitate
confert canonicatum, praebendam et archidiaconatum Aureliacen. ecclesiae
Claromontensis vacantes apud sedem apostolicam, quos Raymundus electus
Petragoricensis tunc canonicus et archidiaconus eiusdem ecclesiae in ipsa
ecclesia obtinebat, et in manibus Arnaldi sanctae Mariae in Porticu diaconi
cardinalis apud eandem apostolicam sedem resignavit, non obstante quem idem
Galhardus in ordinibus et aetate patitur defectu ac aliis beneficiis quibuscumque
et qualibuscumque quae obtinet vel exspectat. (cap. 177, f. 51a).
Dilecto filio Galhardo nato dilecti filii nobilis viri Arnaldo (sic) de Duroforti, domicelli nostri, Agennensis diocesis, canonico et archidiacono Aureliacensi, ecclesie Claromontensis.
Sedis apostolice copiosa benignitas …
Dat. Montiliis, Carpentoratensis diocesis, VI kal. martii, anno nono.
In eundem modum dilectis filiis ... de Condomio, et ... de Gimonte monasteriorum abbatibus, Agennensis et Auxitane diocesium, ac ... subdecano ecclesie Baiocensis.
Donnée : Collection Périgord, vol. 31, fol. 25 r°
10259 – Montiliis, 25 febr. 1314
Eundem Galhardum motu proprio
providet de canonicatu et praebenda et archidiaconatu apud sedem apostolicam
vacantibus quos Raymundus electus Petragoricensis in manibus supradicti Arnaldi
cardinalis resignaverat, et de quadam portione proventuum eiusdem ecclesiae
Baiulia vulgariter nuncupata qua idem electus gaudebat ad ipsius ecclesiae
capitulum pertinente, non obstantibus aliis quae obtinet beneficiis et expectat
vel defectibus in ordinibus et aetate. (f. 51b).
Eidem Galhardo canonico et archidiacono Petragoricensi.
Ut tua et tuorum devotio …
Dat. Montiliis. Carpentoratensis diocesis, V kal. martii, anno nono.
In eundem modum dilectis filiis ... de Condomio, et ... de Gimonte Agennensis et Auxitane diocesium monasteriorum abbatibus, ac ... subdecano ecclesie Baiocensis.
Mention : Collection Périgord, vol. 31, fol. 27 v°
10261 – Montiliis, 28 febr. 1314
Eidem confert prioratum de Faya
ordinis sancti Augustini Petragoricensis dioecesis ad abbatem et conventum
monasterii de Corona eiusdem ordinis Engolismensis dioecesis pertinentem,
vacantem apud sanctam sedem per liberam resignationem saepedicti Raymundi
electi Petragoricensis in manibus praefati Arnaldi cardinalis factam, non
obstantibus aliis eius beneficiis et aetatis et ordinum defectu. (f. 52a).
Dilecto filio Galhardo nato dilecti filii nobilis viri Arnaldi de Duroforti domicelli nostri, priori prioratus de Faya, ordinis sancti Augustini, Petragoricensis diocesis.
Tui nobilitas generis …
Dat. Montiliis, Carpentoratensis diocesis, II kalendas martii, anno nono.
In eundem modum dilectis filiis ... de Condomio, et ... de Gimonte, Agennensis et Auxitane diocesium monasteriorum abbatibus, ac ... subdecano ecclesie Baiocensis.
Donnée : Collection Périgord, vol. 33, fol. 432 r°
Mention : Collection Périgord, vol. 31, fol. 27 v°
Anni noni
Rien trouvé concernant le Périgord