<< Retour

 

 

Procuration donnée par Talayrand cardinal évêque d'Albe, et seigneur d'Auberoche et de la bastide de Bonneval, à Roger-Bernard, comte de Périgord, son frère, pour se faire rendre hommage par tous ses vassaux dans les terres d'Auberoche et Bonneval. (1350 v. st.)

Note préliminaire :

Photos (G. F., M. P., Ph. R.) :

Cliché n° 1:

Billet adjoint au document :

Procuration donnée par le cardinal de Périgord à son frère, Roger-Bernard, comte de Périgord, pour recevoir les hommages d'Auberoche et de La Bastide de Bonneval.

Universis et singulis presentes literas inspecturis, Talayrandus, miseratione divina episcopus Albanensis

Sancte Romane ecclesie, cardinalis ac dominus castri et castellanie AlbeRupis et bastite Bonevall

Petragoricensis diocesis, salutem in Domino. Noveritis quod nos carissimum germanum nostrum magnificum

virum dominum Rogerium, comitem Petragoricensem, licet absentem tamque presentem citra revocationem aliorum

procuratorum nostrorum per nos aliter constitutorum facimus, constituimus et ordinamus procuratorem nostrum generalem

et specialem ad recipiendum et prestari faciendum, nostro nomine, homagia necnon fidelitatis et alia

quecumque consueta servicia ac iuramenta a quibuscumque personis nobilibus et innobilibus ecclesiasticis

vel secularibus in nostro castro AlbeRupis et eius castellania ac bastita Bonevall Petragoricense

diocesis, seu aliter ubicumque habitantibus vel moram trahentibus que nobis ad predicta prestanda tenentur

ratione et ex causa castri et castellanie AlbeRupis ac bastite Bonnevall predictorum, ad nos spectandum

ex causa emptionis et tradicionis corporalis, de eis nobis factarum per serenissimum principem dominum

Philippum Dei gratia regem Francie illustrem, pretio et modo contentis plenius in quibusdam ipsius

domini Regis litteris per eum nobis concessis eo modo et forma quibus dicte persone homagia et fide-

-litatis ac alia quecunque consueta servicia et iuramenta prestare et facere hactenus domino vicecomiti

Lemovicensis debuerunt ac consueverunt ipsosque nobiles et innobiles contradictores seu rebelles, si

qui fuerint, per captionem, vendicionem et detentionem bonorum suorum et alia viris remedia viri-

-liter et rigide compellendum et ad id compelli faciendum. Et nichilomninus promittendum et faciendum,

nomine nostro, ea omnia et singula, que dictus dominus vicecomes tanque verus dominus ratione

castri, castellanie et bastite Bonevall predictorum, ipsis personis promittere et facere hactenus de-

-buit et consuevit. Alium vel alios procuratorem seu procuratores loco sui substituendum et substitutum

ac substitutos revocandum quotiens et quando eidem germano nostro indebitur expedire. Et

generaliter omnia alia et singula faciendum , recipiendum, promittendum, petendum et exercendum

que in premissis et quolibet premissorum necesseria fuerint seu etiam o(p)portuna, et que nos facere-

-mus recipemus, promitteremus, peteremus et exercere quomodolibet possemus si in premissis

et quolibet premissorum presentes personaliter essemus. Ratum, gratum et firmum habentes

quicquid per dictum germanum nostrum ac substitutum vel substitutos ab eo factum, receptum, promissum,

petitum fuerit seu aliter quomodolibet procuratum in premissis et quolibet eorumdem. In cuius rei

testimonium ea per notarium publicum notariumque et familiarem nostrum infrascriptum, scribi et

et publicari mandammus, et nostri sigilli fecimus appensione muniti. Actum et datum in

bastita nostra prope Avinionem, anno a Nativitate Domini millesimo trecentesimo quinquagesi-

-mo die vicesimaquarta mensis januarii, indictione .III. Pontificatus sanctissimi in Christo

Patris et domini nostri domini Clementis divina providencia Pape VI anno octavo, presentibus dis-

-cretis viris Bertrando de Campnhaco archidiacono de ultra Dordoniam in ecclesia Petragor.

et magistro Nicolao de Francavilla, scriptore penitenciario dicti domini nostri Pape, familiaribus

nostris testibus, ad premissa vocatis specialiter et rogatis.

 

Et me Helia de Lascoutz de villa Podii Sancti Frontonis Petragoricensis,

clerico apostolica et imperiali auctoritate notario publico prefatique domini mei domini

cardinalis notario et familiari qui premissis omnibus et singulis dum agebant

in modum supscriptum una cum prenominatis testibus presens fui, et ea

manu mea propria scripsi signoque meo solvo signam in hanc formam publicam

redigendo de ipsius domini mei mandato una cum eius appensione

sigilli in fidem et testimonium premissorum.

Détail paraphe d'Helie de Lascoutz :

et au dos :

<< Retour