<<Retour

BASTIDE DE DOMME

Note préliminaire: le lecteur pourra également consulter les deux extraits suivants des archives de Beaumont-Beynac transcrits sur ce site, sous l'entrée: "Archives départementales de la Dordogne":

Documents photographiques actuels à Domme (Alain Mazeau & Claude Ribeyrol - avril 2008) :

RESTAURATION ROYALE DES DROITS DE LA BASTIDE DE DOME

_____________________________ 

(1)Lettres patentes qui rendent à la ville de Montdome(2) en Périgord tous les Droits dont elle jouissoit,

pour elle ou pour ses Magistrats, avant d'être prise par les Anglois. 

 

Sources : Ordonnances des rois de France de la troisieme race, tome XV, p 441.

Louis XI, à Saint-Macaire, avril 1461.

 

Ludovicus, Dei gratiâ, Francorum Rex; notum facimus universis, presentibus et futuris, nos recepisse quasdam licteras carissimi progenitoris nostri, cujus anime propicietur Altissimus, nobis pro parte dilectorum nostrorum burgensium et habitatorum ville nostre Montisdome exhibitas, quarum tenor sequitur :

 

 

Charles VII à Villefranche en Rouergue, avril 1442.

 

Karolus, Dei gratiâ, Francorum Rex; ad perpetuam rei memoriam. Predecessorum nostrorum vestigiis inherere cupientes, subdictosque in suis condignis libertatibus ac franchisiis sibi, exigentibus meritis, concessis favere, ut per amplius nobis ipsos reddamus astrictos et obsequiosos, notum facimus presentibus pariter et futuris, nos inclite recordacionis Philippi, quondam Francorum Regis, predecessoris nostri, necnon patrui nostri Ludovici, quondam Ducis Andegavensis, Comitisque Cenomanie, tuncque germani ac locumtenentis generalis in partibus Occitanis avi nostri, vidisse licteras quarum tenores seriatim subsequuntur:

 

 

Philippe VI, à Paris, 1348.

 

Philippus, Dei graciâ, Francorum Rex; notum facimus universis, presentibus et futuris, quòd nos, ad supplicacionem dilectorum et fidelium nostrorum burgensium et habitatorum ville nostre Montisdome, qui solidâ et verâ constanciâ integre et perfecte fidelitatis, purâ mente nobis et corone Francie, corpora et bona sua quecumque pro nobis et facto guerre nostre liberaliter exponentes hactenus servierunt et ardenti desiderio servire cupiunt incessanter, eisdem veraciter asserentibus licteras et privilegia super consulatu et aliis eis dudum concessa amisisse in capcione dicte ville anno preterito per inimicos nostros prodicionaliter occupate, concessimus de gracia speciali illa que articulatim subsequuntur:

 

Primo. Quòd eorum successores consulatum habeant sicut retroactis temporibus, antequam dicta villa per inimicos nostros occuparetur, eorum antecessores habuerunt; et habeant quoque ipsi sex consules anno quolibet in festo beati Michaelis, quos formâ hactenus observatâ eligant et eligere possint et creare sicut illos ante occupacionem et capcionem dicte ville eligere et creare consueverunt, qui consules sic creati et electi juramentum fidelitatis in sua creacione senescallo nostro Petragoricensi qui pro tempore fuerit, prestare teneantur, et omnia alia facere possint que per alios consules ante hujusmodi occupacionem sunt fieri consueta.

 

(2) Item. Concedimus eis quòd dicti consules sic creati et electi cognitionem habeant causarum tumultuum inter ipsos burgenses emergentium infra metas jurisdicionis dicte ville et in aliis jurisdicionibus contiguis, si ea ad manum vel dominium nostrum vel successorum nostrorum devenire contingat, sic et quatenus de iis cognitionem habebant ante occupacionem predictam.

 

(3) Item. Quòd in et de criminalibus causis dicti consules cum bajulo nostro dicte ville cognicionem habeant, sicut et ante hujusmodi occupacionem habuerunt et habebant.

 

(4) Item. Quòd nullus habitator dicte ville, pro quocumque defectu seu clamore faciendo coram dictis consulibus eligendis et creandis, in civilibus, nisi viginti denarios dumtaxat dictis bajulo et consulibus solvendos, quomodolibet solvere teneantur, si tempore capcionis dicte et occupacionis, et antè, tantum non amplius, predictis exstitit solvi consuetum.

 

(5) Item. Quòd quilibet burgenses et habitatores dicte ville fuerint, molendinum in ipsa habeant et habere possint, si et quatenus ante dictas captionem et occupacionem habebant et habere poterant, illam solvendo servitutem vel redibenciam quam ante ejusmodi occupacionem pro eis solvere consueverunt.

 

(6) Item. Quòd dicti consules, habitatores et jurati dicte ville, sint perpetuò quieti et immunes, pro se et animalibus et bonis suis, à prestacione denarii vocati le cornu debiti nobis in Petragoricensi, sicut ipsi fuerunt et erant ante captionem predictam.

 

(7) Item. Concedimus quòd ipsi consules, burgenses et habitatores et corum quilibet, conjunctim vel divisim, possint quoscumque casus, reddictus, feoda predicta, et hereditates, à quibuscumque nobilibus et innobilibus personis acquirere, et ea tenere et possidere in perpetuum, pro se et suis successoribus, et de hiis suant facere ad voluntatem, et absque prestacione financie, si quatenus faciebant et facere poterant ante occupacionem et captionem predictas.

 

(8) Item. Si, casu fortuito, licteras et privilegia sua que in capcione dicte ville eos pernoscitur amisisse, vel copiam eorumdem sub sigillo autentico, inveniri contingeret, volumus et concedimus quòd de ipsis gaudeant plenè et utantur, sicut et ante occupacionem faciebant.

 

(9) Item. Quòd dicti consules, burgenses et habitatores, et eorum quilibet, teneant ayralia(3) sua sub censu sex denariorum, sicut ab antiquo et ante capcionem et occupacionem predictas eumdem solvi et prestari exstitit consuetum.

Insuper dictis burgensibus et habitatoribus concedimus et volumus quòd nec procurator noster senescallie nostre Petragoricensis, nec alii officiant nostri, consules, burgenses et habitatores predictos, extra villam dictam Montisdome, pro quacumque causa reali trahere possint quomodolibet in futurum. Que omnia et singula ut firma et stabilia in perpetuum permaneant, nostrum presentibus fecimus apponi sigillum, nostro et alieno in omnibus jure salvo. Datum Parisiis, anno Domini millesimo tricentesimo quadragesimo octavo. Sic signatum : Per dominum Regem, ad relacionem sui consilii, in quo erant domini Bauduicen, de Corbeya, de Offemonte et de Charreyo. Tourneur.

 

 

Louis, Duc d’Anjou, comte de Toulouse, à Toulouse le 14 avril 1369.

 

Tenor verò licterarum prelibati patrui nostri talis est:

 

Ludovicus, Regis quondam Francorum filius, domini nostri germanus; ejusque locumtenens in partibus Occitanis, Dux Andegavensis, Comes Cenomanensis; notum facimus universis tam presentibus quàm futuris, quòd nos(4) actendentes et animadvertentes felicitatis officia, quam, dexterâ Domini prefulgente, sancto Dei tramite prosequimur, cùm locus sive villa Montisdome justè et jure domini mei Regis ad ipsius domini mei Regis atque nostram obedienciam devenit, in laqueum indignacionis, sive materialis vibracionis gladii, in cujus indignacionem aliter sett aliàs progredi meritò noscebatur , incidere permetuens; igitur clemenciam domini mei Regis atque nostram, cujus gremium minimè claudimus postulanti, exhibere volentes in hac parte, consulum et habitatorum atque universitatis et singulorum dicte ville, cum prompte mentis alacritate, supplicacione nobis porrectâ, eosdem consules atque universitatem et habitatores singulares ejusdem, tamquam recurrentes per viam appellationis et recursus, et aliis justis et legitimis causis, ad dominum meum Regem atque nos, ab oppressionibus et gravaminibus multiplicibus et indebitis, eisdem, tam universitati quàm singularibus dicti loci, impensis per carissimum consanguineum nostrum Principem Galarum(5), Ducem Acquitanie, et illatis, pro quibus, à posse et potestate, atque regimine, cognicioneque et totali superioritate ipsius Principis Galarum, Ducisque Guyenne, exempis penitùs existunt, et ad obedienciam domini mei Regis et nostram deventi usus et consuetudines ipsius ville, seu antiquitus per dominos nostros Reges Francorum qui pro tempore fuerunt et alios quoscumque, tam per licteras quàm aliter, a quibus ipsa universitas utitur et usa est atque uti consuevit ab antiquo, confirmavimus et per presentes confirmamus, de nostra certa sciencia, auctoritate regiâ quâ fungimur in hac parte, et graciâ speciali, volentes ipsam universitatem et singulares ejusdem eisdem privilegiis, libertatibus et statutis, usibus et consuetudinibus, uti, sicut priùs, pacificè et gaudere; et usque ad diem presentem, remisimus et quictavimus, remictimusque tenore presentium, quictamus, ipsosque et eorum bona quictos atque liberos facimus et reddimus per presentes, cassantes et adnullantes atque eciam irritantes omnes et quoscumque libros, registros et protocolla factos seu facta, seu scripta per quoscumque et qualitercumque super predictis, quos et que ad hoc nullius efficacie seu momenti esse volumus et jubemus; thesaurario seu receptori thesaurie seu receptorie qui nunc est aut pro tempore fuerit, silencium perpetuum imponentes: volentes insuper , ac eciam concedentes predictis consulibus singularibusque habitatoribus dicti loci Montisdome, auctoritate scienciâque predictis, locum quibus assizie, ac domum seu habitacionem.

 

Item. Pariter concessimus, et eciam tenore presencium concedimus per presentes, promisimusque et promittimus eisdem consulibus et habitatoribus et singularibus dicti loci, auctoritate regiâ predictâ, quòd dictus locus et ejus jura atque membra et ressorta ejusdem de mensa(6) seu patrimonio proprio domini mei Regis et ejus successorum Francorum Regum nullatenus, quâcumqui racione seu causâ, discedent nec demembrabuntur, nec in aliquas alias personas transferentur vel transportabuntur, sed potiùs, tamquam veri et legitimi filii, in posse seu potestate corone Francie perpetuò remanebunt; et dictus locus, ejusque jura atque membra, et alia ressorti ejusdem, in dicta mensa, domanio et patrimonio proprio domini mei Regis et ejus successorum Francorum Regum in perpetuum remanebunt.

Ea propter senescallo Caturcensi(7) et Petragoricensi, ac receptori regio Caturcensi et Petragoricensi, ceterisque justiciariis dictarum senescalliarum modernis et futuris, et eorum cuilibet prout ad eum pertinuerit, aut eorum locatenentibus, damus tenore presencium in mandatis, quatenus predictos consules, singularesque habitatores dicti loci Montisdome, aut eorum alterum, nostris presentibus concessione et gracia uti et gaudere faciant, nihil sinentes contra formam et tenorem privilegiorum et aliorum superiùs declaratorum, et eciam quorumcumque aliorum eis hactenus concessorum et hic non expressatorum; queque in contrarium, si que fuerunt, ad statum pristinum et debitum reducendo, seu reduci, visis presentibus, indilatè faciendo. Quod ut firmum et stabile perpetuò perseveret, has nostras presentes licteras sigilli nostri impensione fecimus roborari, jure regio in aliis et alieno in omnibus semper salvo. Datum et actum Tholose, die xiiij. Aprilis, anno Domini millesimo CCCLXIX. Sic signatum : Per dominum Ducem, in suo consilio. Tourneur.

 

 

Suite des Lettres de Charles VII.

 

Quas quidem preinscriptas licteras et quaslibet ipsarum, et omnia et in eis contenta et declarata, in suis et singulis terminis volumus, laudamus, probamus et ratifficamus, ac nostrâ certâ scienciâ et plenitudine nostre regie magestatis, in quantum memorato consules et habitantes predicti loci seu ville Montisdome ritè ac debitè usi sunt et gavisi, serie presencium confirmamus;  dantes in mandatis dilectis et fidelibus consiliariis nostris gentibus camere compotorum nostrorum, senescalloque nostro Petragoricensi, necnon ceteris justiciariis nostris vel eorum locatenentibus, presentibus et futuris, et cuilibet ipsorum prout ad eum pertinuerit, quatenus dictos consules dicti loci seu ville Montisdome et quemlibet ipsorum presentibus nostris graciâ  voluntate, ratifficacione, approbacione, concessioneque et confirmacione uti et gaudere faciant, non obstante quòd ipsi post predictorum suorum privilegiorum, libertatum, immunitatum, quietam concessionem et exlargicionem, per Anglicos, nostros capitales inimicos, subjugati exstiterint, ipsorumque partem sive querelam per nonnulla tempora tenuerint, eisdem plures favores contra dictos nos et subdictos nostros exhibendo et porrigendo, quod tamen ipsis consulibus et habitantibus quodcumque prejudicium afferre nolumus; secùs facta ad pristinum et debitum statum indilatè reducendo vel reduci faciendo. Quod ut firmum et stabile perpetuò perseveret, nostrum presentibus licteris fecimus apponi sigillum, in absencia magni ordinatum, nostro in aliis et alieno in omnibus jure salvo. Datum apud Villamfrancham in Rutheno, III.° mensis Aprilis, anno Domini millesimo CCCC.mo XLII, ante Pascha. Sic signatum: Per Regem, Admiraldo, magistro Guillelmo Cousinot, et aliis presen­tibus. E. Froment. Visa.

 

 

Suite des Lettres de Louis XI.

 

Quas quidem licteras superiùs insertas, ac omnia in eisdem contenta et declarata, in suis singulis terminis volumus, laudamus, approbamus et ratifficamus, et ex nostra certa sciencia, et plenitudine nostre regie magestatis, confirmamus, in quantum memorati consules et habitantes predicti loci seu ville Montisdome ritè ac debitè &c.; dantes in mandatis dilectis et fidelibus consiliariis nostris gentibus camere compotorum nostrorum, senescalloque Petragoricensi, &c. Datum in Sancto-Macario, mense Aprilis, anno Domini millesimo IIII.° LXI, ante Pascha, et regni nostri primo. Sic signatum: Per Regem, dominis du Lau, de Bellovisu, et aliis presentibus. Bourre. Visa.

 

 

Notes.

(1) Trésor des chartes, registre 199, Pièce 342.

(2) Ou plutôt, Domme, ville située sur une montagne, à deux lieues de Sarlat.

(3) Voir du Cange au mot Ayrale, ou plutôt au mot Arca. Il cite quelques anciens actes où on l'avoit employé; le sens n'y en est pas toujours le même. Il le définit : « lieu propre à recevoir un édifice, locus, ædificia aptus. » Ce mot a encore une signication semblable dans des lettres patentes du Roi Jean, décembre 1350, tome IV de cette collection, page 21, art. 24.

(4) II y a beaucoup de fautes dans le manuscrit de ce préambule: j'ai tâché de le ramener au sens qui m'a paru le plus naturel, en m'éloignant le moins possible des mots offerts par le registre d'où cette copie est tirée. Un préambule semblable avoit déjà beaucoup embarrassé M. Secousse (voir ci- dessus, tome V, page 285); mais je ne sais s'il étoit bien parvenu à en résoudre les difficultés: peut-être n'auraije pas été plus heureux.

(5) Le Prince Noir. Il accabloit d'impôts les peuples de Guienne, pour être en état de payer les guerriers qui l'avoient si bien servi. Charles V, à qui tant de plaintes étoient adressées contre tant de vexations, l’ajourna devant la cour des Pairs de France; Edouard promit de comparoître, mais accompagné de soixante mille hommes.

(6) Mensa regia, mensa regalis, pour le domaine du Roi, de la couronne. On en trouve plusieurs exemples dans les volumes précédens.

(7) Du Quercy.

 <<Retour