E 822 / Pau

Fondation d’une certaine solemnité en l’honneur de St Cybar, dans l’église St Front de Périgueux par le chapitre de cette église, pour laquelle il fut assigné 25 sols de rente annuelle, à l’intention d’Archambaud III comte de Périgord, en récompense de certaines rentes amorties par le comte (1273).

Note préliminaire: Ce document a été transcrit par l'abbé Leydet in BnF, Fonds Périgord, recueil n° 4 p. 9. Voir ici cette transcription.

Clichés numériques (G. F. / M. P. / Ph. R.):

manuscrit:

et au dos:

Transcription (Cl. R.):

 

Nos capitulum ecclesie Sancti Frontonis Petragoricensis, notum facimus universis quod cum carissimus amicus noster nobilis vir Archambaldus comes Petragoricensis nobis et ipsi ecclesie liberaliter ad partes nostras maynamenta heredes seu habitatores et seu tenenciarios terrarum nostrarum de Podio de Laraynia, de la Folcaudia et de La Beynechia sitarum in parrochia Beate Marie de Vernio ab omnibus talliis, questis, extorcionibus, manoperis angariis et perangariis et omni genere deverii et servitutis pro se et suis solverit in perpetuum et quittaverit nec non quidquid juris et deverii cuiuscumque habebat in maynamentis, terris, hominibus nostris seu habitatoribus de La Pregierra sitis in parrochia de Bolazac nobis et ipsi ecclesie dederit, concesserit totaliter in perpetuum et quittaverit. Nos liberalitatem et gratiam huiusmodi attendentes, in reconpensationem premissorum, ad honorem Beati Eparchii de quo idem comes habet fiduciam pleniorem, sollempne festum cum luminari decenti pro ipso comite et pro genitoribus suis, kalend. julii celebrare promittimus annuatim. Ad quod faciendum viginti quinque solidos renduales specialiter assignamus ad quod solvendos ad hoc nos et ipsam etiam obligamus. In cuius rei testimonium presentes litteras sigilli nostro dedimus consignandas. Datum V° idus Junii, anno Domini M° CC° LXX° tercio.

<< Retour