Aubeterre / JJ 82 |
==> SVP pour suggérer toute correction, envoyer un courriel.
A propos de ce texte, M. Claude-Henri PIRAUD nous communique les informations suivantes :
"M. Ch. de la Porte aux Loups, dans « Charte relative à la reddition d’Aubeterre sous le roi Jean » (BSHAC, 1865, pp. 327-337, http://gallica.bnf.fr/ark:/12148/bpt6k208915m/f394.image.r=bulletin%20charente.langFR) avait donné une première transcription de ce texte, à partir d'une copie faite par Lespine (Périgord, sans doute t.51, ff° 46-69). Il lisait Guillelmus Bermondi et non Guillelmus Raymondi pour nom de qui avait livré Aubeterre. A examiner la photo de l'original, il n'est pas facile de départager ces deux lectures : l'initiale semble plus un R qu'un B, mais elle est suivie d'une abréviation qui serait plus celle de "er" ou "re" que de "ay". Je ne sais que penser et pourtant cela change tout. La Porte aux Loups y voit un Brémond d'Ars, possessionné à Aubeterre".
Référence: Archives Nationales / registre JJ 82 / f°40v°-41r°/ CR / 01/01/2006
Transcription:
Johannes Dei gratia Francorum Rex notum facimus universis tam presentibus quam futuris nos infrascriptas vidisse litteras
formam que sequitur continentes:
Karolus de Yspania
[1]
, Comes Angolismensis, constabularius Francie, locum tenens
domini mei, Francorum Regis, notum facimus universis tam presentibus quam futuris quod cum dominus Guillelmus Raymondi, miles
et Arnaldus de Nabinals scutifer, accusati, convicti et confessi de proditione ville nostre Albeterre, fuerunt justicia
mediante ad ultimum supplicium condempnati et capitibus truncati et eorum bona et hereditates dicto domino meo
Regi et nobis incursa, confiscata et commissa. Nos, attentis et consideratis fidelibus et laudabilibus serviciis
per discretum virum magistrum Petrum de Labatut, secretarium dicti domini mei Regis, dicto domino Regi et nobis
multipliciter impensis, attentis et consideratis expensis et missionibus per ipsum factis, negotia regia prosequendo, eidem
magistro Petro, tanque bene merito atque grato, omnia et singula bona mobilia et immobilia, hereditates, possessio-
-nes, census, redditus, accaptamenta, dominia et deveria, que quondam fuerunt dicti Arnaldi, quocumque sint et ubicumque
et quocumque nomine noncupentur, ac cuiuscumque valoris existant, necnon et duodecim libras renduales seu
censuales, quas dictus quondam miles, tempore quo vivebat, habebat et sibi debebantur in et super bonis patrominialibus
domini Petri de Valle Secura canonici ecclesie Sancti Frontonis Petragoris, cum omnibus et singulis juribus et deveris suis,
liber. et solut., pro se et suis heredibus et successoribus quibuscumque et causam seu jus ab eodem vel suis imposterum habituris
auctoritate regia, nobis concessa et nostra ex certa sciencia et de speciali gratia ad hereditagium perpetuum dedimus , concessimus
et donammus, et per presentes, damus, concedimus et donamus donatione bona pura forma et simplia inter
vivos facta, nullo tempore revocanda per ipsum et suos heredes et successores, et causam seu jus ab eodem suis imposterum
habituris jus habendi, tenendi et possidendi et suas et suorum heredum et successorum predictorum exinde omnimodas voluntates
faciendi, mandandi et percipiendi senescallo Petragoricensi et Caturcensi et senescallo et judici nostri comitatus Engolimensis vel
eorum loca tenentibus et cuilibet in solidum, quatinus dictum magistrum Petrum seu eius procuratorem pro eo in possessionem realem
corporalem et actualem premissis donator et concessor inducant et inductum manuteneant et defendant amoto
abinde quolibet alio detentore quem nos tenore presentium amonemus et de predictis omnibus et singulis
donatis et concessis gaudere et uti libere et pacifice faciant et permittant et de eisdem integre responderi. Damus
enim in mandatum tenore presentium omnibus et singulis quorum interest et intererit in futurum, quatinus de predictis
omnibus et singulis datis concessis et donatis dicto magistro Petro et suis predictis exuunt, respondeant et satisfaciant
integre libere et de plano sine debato quocumque. Non intendentes propter hoc remunerasse dictum magistrum
Petrum de serviciis et expensis supradictis. Quod ut firmum et stabile permaneat perpetuo, nostrum presentibus
litteris fecimus apponi sigillum. Salvo in aliis jure regio et nostro et in omnibus quolibet alieno. Actum et
datum apud Compaignatum, anno Domini millesimo CCC° quinquagesimo secundo, mense januarii.
Nos
autem attendentes quod premissa omnia sit donata octuaginta libr. turonens. redditus, vel circa, ad assietam
terre iuxta consuetudinem seu usum patriae, annis singulis, ut dicitur non excedunt, omnia et singula
in supra scriptis litteris contenta, rata habentes et grata, ea volumus, laudamus, approbamus, ratiffi-
-camus, et tenore presentium ex nostra certa sciencia et speciali gratia, confirmamus sub anno valore predicto, donis aut
gratiis aliis per nos seu dominum quondam genitorem nostrum aut capitaneos, seu locum tenentes nostros factis
predicto magistro Petro, non obstantibus quibuscumque. Que ut firma et stabilia perpetuo permaneant nostrum
presentibus litteris fecimus apponi sigillum. Salvo in aliis jure nostro, et in omnibus quolibet alieno. Actum
Parisius, anno Domini millesimo CCC° quinquagesimo tercio mense februarii per Regem ad relationem consilii, Matheus.
Copie du manuscrit:
