VARIA
I
Source: Bulletin SHAP, tome XV (1888) pp. 151-152
BREF D'INDULGENCES IN MORTIS ARTICULO
Accordé par Grégoire XI à
Guillemette de Boniface, Veuve en premières noces de
Pierre de Vals, dit de Périgueux, et remariée en 1373 avec Adhémar d'Abzac, seigneur de la Douze, de
Montastruc, de la Cropte,
de Bellegarde, de Beauregard, de Siorac et de la
maison noble de Périgueux (1).
1er Mai 1371.
Gregorius episcopus, servus servorum Dei, dilecte in Christo filie, nobili mulieri Guillerme relicte quondam Petri de Valle, domicelli Petragoricensis vidue, salutem et apostolicam benedictionem.
Provenit ex tue devotionis affectu quo nos et Romanam ecclesiam revereris, ut petitiones tuas, illas presertim que anime tue salutem respiciunt, ad exauditionis gratiam admittamus. Hinc est quod nos tuis supplicacionibus inclinati, ut confessor tuus quem duxeris eligendum omnium peccatorum tuorum de quibus corde contrita et ore
confessa fueris, semel tantum in mortis articulo, plenam remissionem tibi in sinceritate fidei unitate sancte Romane ecclesie ac obedientia
et devotione nostra vel successorum nostrorum Romanorum pontificum canonice intrantium persistenti
auctoritate apostolica concedere valeat, devotioni tue tenore presentium indulgemus ; sic tamen quod idem confessor, de hiis de quibus fuerit alteri satisfactio
impendenda, eam tibi per te, si supervixeris, vel per heredes tuos si tunc forte transieris, faciendam iniungat quam tu vel illi facere
teneamini ut prefertur. Et
ne, quod absit, propter huius modi gratiam
reddaris proclhior ad illicita in posterum committenda, volumus quod si ex confidentia remissionis huius modi aliqua
forte committeres, quod illa
predicta remissio tibi nullatenus suffragetur. Nulli ergo omnino hominum liceat hanc paginam
nostre concessionis et voluntatis infringere vel temerario contraire. Si quis autem hoc attemptare presumpserit, indignationem omnipotentis Dei et
beatorum Petri et Pauli apostolorum ejus se noverit incursurum. Datum Avenione in kalendis maii, pontificatus nostri anno primo.
Pour copie conforme : Mis d'Abzac de La Douze.
(1) Cette
dame, fille et héritière de Lambert de Boniface, chevalier, n'eut de son
premier mari qu'un fils mort sans postérité peu après son père et dont elle hérita.
Elle réunit ainsi sur sa tête les trois opulentes successions des maisons de
Boniface, de Périgueux et de Vals, et les transmit à Adhémar d'Abzac. Lors de son second mariage, elle devait être encore
très jeune, car elle fut mère de six enfants et vivait encore en 1431.
II
Source: Bulletin SHAP, tome XV (1888) pp. 302-303.
HOMMAGE D'OBÉISSANCE
par les prieurs absents lors de son installation,
Du 28 Octobre 1485.
Memoriale est, quod nos capitulum et religiosi, videlicet Raymundus Linier, prior claustralis et prioratus de Croyssa, Aymericus de Castro, prior sancti Anthonii
Agennensis, Arnaldus de Calciata, prior de Casteleto, Theobaldus de Brolhio, prior de Monthyniat, Nicholaus Richier, prior de Bellofonte, Guilhermus Dalies, beate Marie de Insula, Inalverto Gassi, Arnaldus de Ratovulpe, prior de Scabiensa, Johannes de Senois de Sanillaco, priores; Johannes de Puiprey, Admaneus de Leyra, Johannes Ricardi, Anthonius de Ratovulpe, Johannes
de Larmandie, Johannes de Curtoy
et Joannes de Nicholaii, religiosi et professi monasterii beate Marie Silve maioris inter duo maria, ordinis sancti Benedicti : Notum facimus universis presentibus pariter et futuris quod nos unanimes in loco nostro
capitulari consueto eiusdem monasterii omnes ad sonum campane, ut moris est inter nos congregati et
existentes, secundum ritum et approbatum usum seu consuetudinem diucius in dicto nostro monasterio per nos et predecessores nostros observatam, capitulum nostrum generale tenuimus et fecimus, die hodierna sanctorum Symonis et Jude apostolorum que
est vicesima octava mensis octobris anni infra scripti, in presencia et conspectu reverendi in Christo Patris et domini domini Audoyni
de Abzaco, in decretis baccalarii, ordinis sancti Benedicti, abbatis nostri et dicti monasterii seu abbacie supradicte
Silve maioris presentis et in dicto capitulo presidentis, et dictum capitulum nostrum faciendo de negociis, actibus et administratione dicti monasterii ac prioratuum
nostrorum aliorumque membrorum et jurium eiusdem abbacie tractavimus et communicavimus ac providimus in necessariis et opportunis secundum qualitatem et exhigentiam negociorum. Et insuper cum nos Theobaldus de Brolhio et Guilhermus Dalies, religiosi supranominati, videlicet domini fratris Audoyni de Abzaco huius modi abbacie
introitu seu recepcione eiusdem ex provisione eidem tacta per dominum vicarium generalem reverendissimi in Christo Patris
et domini domini Burdigalensis archiepiscopi de ipsa abbacia, per resignacionem sibi factam causa permutacionis per supradictum de Castro olim per religiosos
et capitulum in abbatem electum et inde confirmatum, interesse non potuerimus commode aliis negociis impediti aut cum aliis religiosis fratribus nostris tunc capitulantibus adfuisse. Nos, inquam, in omnibus
et singulis per eos in recepcione, consensu, approbatione, ratifficatione et emologacione, supra dicta renunciacione
et provisione per eos et dictum capitulum actis, factis et expeditis consentiimus et ex nunc
prout ex tunc consentimus ac ratum et gratum
habuimus et habemus sibi que in signum hoc sibi de Abzaco ut abbati et pastori nostro honorent, reverenciam et obedienciam promisimus et promictimus atque pensiones racione prioratuum nostrorum predictorum eidem abbati racione eiusdem abbacie debitas pro hoc anno solvimus, et annis inde singulariter advenienlibus persolvere promittimus.
In quorum premissorum
testimonium, Nos supradicti
religiosi et capitulum, ut dictum est, capitulantes hoc presens memoriale scribi et ordinari fecimus et voluimus ac per notarium et secretarium nostrum infrascriptum signari fecimus et sigillum dicte abbacie seu conventus,
sigillari et apponi jussimus et jubemus. Actum in dicto monasterio Silve maioris, die supradicta vicesima octava mensis octobris, anno Domini mihesimo
quadringentesimo octuagesimo
quinto.
Ad requestam
dictorum dominorum abbatis et religiosorum.
Bardeau ou Bardereau, notarius.