<<Retour

Chronicon Lemovicense

ab anno DXXXVIII ad MXXXVII.

 

Ex Bibliotheca Memmiana.

 

 

DXXXVIII.               Eclipsis Solis facta est XIV kal. Martii ab hora prima usque ad tertiam.

DXL.                         Eclipsis Solis facta est XII. kal. Julias, & apparuerunt Stellae pene hora dimidia ab hora diei tertia.

DLXXX.                   Moritur Justinus, successit Tiberius.

DLXXXXIV.            Tiberio defuncto imperavit Mauritius.

DCIV.                        Mauritio successit Focas.

DCXII.                      Decessit Focas, successit Heraclius.

DCXXXVIII.            Defuncto Heraclio, Imperavit Constantinus.

DCLXVII.                 Defuncto Constantino succedit item Constantinus.

DCLXXXIV.             Mortuo Constantino Imperatore Justinianus.

DCLXXXVII.           Pipinus primum Regnum coepit.

DCCVIII.                   Drogo Princeps Francorum obiit.

DCCIX.                     Primum Pippinus perrecit in Alemaniam contra Witharium Ducem.

DCCXI.                     Hildebert Rex obiit.

DCCXIV.                  Pipinus obiit.

DCCXVI.                  Dagobertus Rex obiit. Leo Imperator coepit.

DCCXVIII.                Carolus filius Pipini regnum coepit.

DCCXLI.                   Leo Imperator defunctus est. Constantinus filius ejus regnum coepit. Karlomannus & Pipinus regnum coeperunt. Carolus Princeps obitt.

DCCXLII.                 Karlomannus & Pipinus contra Hunaldum perrexerunt.

DCCXLVI.                Karlomannus Romam perrexit.

DCCL.                       Pipinus electus est in Regem.

DCCLI.                      Hilderius tonsoratus est.

DCCLXVIII.             Pipinus Rex obiit; Carolus & Carlomannus regnum suscipiunt.

DCCLXXI.                Karlonannus obiit.

DCCC.                       Domnus Carolus Imperator factus est.

DCCCIV.                   Alcoinus Abba obiit.

DCCCVI.                   Pridie Nonas Junii Luna XIV. signum Crucis mirabili modo in Luna apparuit deria quinta prima Aurora incipiente, quasi hoc modo... Eodem anno tertio kal. Septembris Luna XII die Dominica hora quarta, corona mirabilis in circuitu Solis apparuit.

DCCCIX.                  Indictione secunda, XVII kal. Augusti, secunda feria incipiente hora die quinta, Eclipsis Solis apparuit Luna XXIX.

DCCCXIV.                Karolus Imperator obiit, & Hludovicus regnum recepit; & construxit Monasterium Martialis sancti Salvatoris Lemovicensis.

DCCCXXIX.            Hieremias Senonicae Ecclesiae Archiepiscopus diem obiit septimo Idus Decembres.

DCCCXXXIII.          Hludovicus regnum amisit, & Lotharius illus suscepit; Iterum Hludovicus recepit.

DCCCXXXV.           Miraculum duit beatissimi Martialis in Monte Gaudii.

DCCCXXXVIII.       Pipinus Rex Aquitanorum obiit.

DCCCXL.                 Hludovicus Imperator obiit, & Eclipsis Solis facta est quarta feria ante Ascensionem Domini hora diei nona, pridie Nonas Maii. Eodem anno bellum cruentissimum, & plusquam civile inter Lotharium seniorem, & fratrem ejus Carolum Fonteneti actum est. Canonicalis habitus in Monachalem habitum, & sanctae Religionis vitam mutavit in Monasterio sancti Martialis, pridie kalendas Aprilis.

DCCCLIII.                XI kal. Aug. dedic. Basilicae sanctae Columbae, & X. kal. ipsius mensis translatio corprum Sanct. Columbae Virginis, & Lupi Confessoris & Episcopi.

DCCCLV.                  Karolus in Regem Lemonicas unctus est.

DCCCLXI.                VI Idus Martias ignae acies apparuerunt in caelo circa gallicinium, & obiit Abbo Abbas S. Martialis.

DCCCLXVII.            Fames valida.

DCCCLXXIII.          Karlonannus filius Caroli Diaconus oculis mulctatus est.

DCCCLXXVII.         Karolus Imperator Magni Caroli nepos obiit, & Hludovicus filius ejus cognomento Balbus regnum suscepit.

DCCCLXXVIII.        Hludovicus Rex filius Caroli obiit, & filii ejus regnum susceperunt, Hludovicus Franciae, & Carlommannus Burgundiae.

DCCCLXXXIV.       Hludovicus frater Carlomanni obiit, & regnum Franciae Carlom. recepit.

DCCCLXXXVI.       Hugo Abbas inclytus obiit. Karolus Imperator Parisius contra Normannos venit.

DCCCLXXXVII.      Monasterium sancti Germani a Normannis incendum est. Eodem anno Guilboldus Episcopus Antissiodorum obiit.

DCCCLXXXVIII.     Karolus Imperator obiit, & Odo regnum suscepit.

DCCCLXXXIX.       Normanni iterato Antissiodorum repetentes suburbia ejus incenderunt.

DCCCXCV.              Excessit hominem Jordanus Proconsul.

DCCCCXLIV.           Domnus Turpio Episcopus obiit.

DCCCCLII.               Monasterium S. Martialis igne crematum est; in quo sancta altara effracta sunt, & multa ornamenta perierunt.

MX.                           Eclipsis Lunae facta est nonis Octobris, hora tertia. Ipso denique anno confractum est Sepulchrum Domini a Paganis tertio Octobris.

MXVIII.                    Dominico die mediae Quadragesimae Lemovicis ad portam Ecclesiae sancti Salvatoris prae nimio impetu turbae plus quinquaginta hominum mortui sunt, noctu scilicet ante inchoatas Matutinas.

MXVII.                     Indictione XV. Basilica Regalis Salvatoris inchoata reaedificati coepit majori amplitudine a Jozfredo Abbate.

MXVIII.                    Hic obiit Gauzfredus Abbas secundus.

MXX.                        Obiit Geraldus Episcopus Karrofo sepultus.

MXXV.                     Obiit Hugo Abbas, Rotgerius Cantor, Hildebertus Monachus.

MXXVIII.                 Dedicatio Ecclesiae Salvatoris mundi ab Episcopis undecim quorum haec sunt nomina, Jordanus Lemovicensis, Archiepiscopus Gotfredus Burdegalensis, Isembertus Pictavensis, Arnaldus Petracoricensis, Deus-dedit Caturcensis, Roho Engolismensis, Petrus Gerundensis, Amelius Albiensis, Arnaldus Rothenensis, Fulco Carcassonensis, Illus Santonensis.

MXXXVII.               XII kal. Maii feria secunda Eclipsis Solis facta est ab hora quarta usque pone sextam, non ut mos est, sed ita Sole prius apparente... deinde ita... postea ita...

 

In alio codice ista addita reperi

MLIII.                       Monasterium sancti Martialis igne crematum est, & totum castrum una cum tribus Monachis extinctis, in quo igne libri, corinae, cartulae terrarum plurimae perierunt.

MLX.                        XI kal. Maii, idem Monasterium S. Martialis igne crematum est in feria & castrum intus & fortis.

 

 <<Retour