<<Retour

E 822 / Pau

Vidimus des lettres de Saint Louis accordant au Chapitre de Saint-Front de Périgueux la moitié de la justice de cette ville (1246)

Remarque:

 

 

Photos numériques (G. F., M. P., Ph. R.):

 

cliché du manuscrit:

 

 

et au dos:

 

clichés de la transcription manuscrite (auteur inconnu):

et au dos de cette transcription manuscrite:

copie de cette transcription (CR):

 

Extrait d’un titre en parchemin qui est au trésor des chartres du roi au château de Pau cotté 35 au chapitre 38 de l’inventaire du Périgord

 

Universis presentes litteras inspecturis R. Dei gratia Petragoricensis episcopus,salutem in domino. Litteras felicis recordationis domini Ludovici quondam Regi Francie nos vidisse et diligentissime inspexisse noveritis in hac verba : Ludovicus, Dei gratia Francorum Rex, notum facimus universis tam presentibus quam futuris presentes litteras inspecturis quod nos ex libera concessione et a dilectis nostris abbate et capitulo Sancti Frontonis Petragoricensis medietatem omnium eorum que inferius annotantur, videlicet medietatem iusticie temporalis quam habent dicti abbas et capitulum in villa Podii Sancti Frontonis Petragoricensis, medietatem vendarum et guatgeriarum, medietatem omnium proventuum provenientium ratione mercati, medietatem illius partis quam habent in pedagio, medietatem ponderum bladi et farine, medietatem placearum vacuarum ad halas construendas, domos de borzes, salva tamen pensione quinquaginta solidis currentis monete in dictis domibus a capitulo predicto statuta ad anniversarium pie recordationis Philippi Regis avi nostri celebrandis, volentes quod omnia suprascripta tam a mandato nostro quam a mandato dictorum abbatis et capituli insimul et pro indivisio recipiantur. Concessimus quoque quod supradicta nobis, ut dictum est, concessa extra manum nostram nunquam ponemus, volentes ut heredes nostri reges eadem extra manum suam non ponant, set ipsa perpetuo teneant et possideant, quod ut perpetue stabilitatis obtineat firmitatem presentem paginam sigilli nostri autoritate fecimus communiri. Hec autem omnia recipimus salvo iure alieno, actum apud abbatiam Beate Marie Regualis juxta Pontyris, anno Domini M° CC° quadragesimo sexto, mense novembri.Et ad eternam memoriam premissorum, nos dictus episcopus presenti transcripto de vero originali sigillato nichil addito nichilque remoto sigillum nostrum duximus apponendum, datum die veneris post festum Sancti Martialis, anno Domini M° CC° LXXXmo septimo.

(Scellé)

 

<<Retour