Remarque préliminaire :

• chapitre 7 (transactions, accords, échanges, permutations et sentences arbitrales), document cotté n° 39 (Inventaire Jean Fabri - registre E 607), avec le résumé suivant: "Lettres en parchemin par lesquelles Jean seigneur de Belleville et de Montagu, mari de Jeanne de Bretagne sœur du vicomte de Limoges ratifia l’appointement et paix finale entre le duc de Bretagne et ledit vicomte, du 24 juillet 1448"
• transcription ci-après

Photos Claude R. :

et au dos :

 

Transcription : Claude Ribeyrol (avec l’aide précieuse de M. Claude-Henri Piraud) – mai 2025

Jehan seigneur de Belleville et de Montagu , à tous ceulx qui ces présentes lettres verront, salut. Savoir faisons de ne
nous bien à plain certiffiez et acertenez de l’apoinctement et paix final faiz entre monseigneur le duc de Bretaigne
pour lui et autre nommez de sa part et monseigneur le comte de Penthièvre et de Pierregort, vicomte de Limoges
pour lui madamoiselle Jehanne de Bretaigne sa suer notre épouse qui sera, au plaisir de Dieu, et autres nommés de
sa part, par lequel appoinctement a esté dit et promis entre autres choses que lesdites parties et les nommez de
chacune part loueront, approuveront et rattifieront lesdits appoinctement et paix final. Nous en ensuivant et
accomplissant ledit appoinctement en tant que nous touche et puet et pourra touchez, avons auctorisé et licencié
auctorisont et licencions par cesdites présentes notre dicte épouse qui sera, de louer approuver rattifiez, confermer et accomplir ses
promesses et appoinctemens faiz par mondit seigneur le comte en tant que touche et puet toucher notre dite espouse
qui sera, et nous, qui aussi avons lesdits appoinctement et paix final agréables et les louons, approuvons et rattifions
en tant que nous touche et pourra et que mestier est par noz mesmes presentes par lesquelles promettons
pour nous, nos hoirs futurs et ayans cause par la foy et serment de notre corps et soubz obligacion de tous et
chacuns nos biens presens et advenir iceulx appoinctement et paix final entretenir et acomplir de point en point
sans jamais venir à l’encontre. Et en tesmoing de ce avons signé ces presentes de notre main et fait sceler à notre
requeste du scel estably aux contractz en la viconté de Limoges, en l’absence de notre scel, le XXIIIIe jour de
juilet, l’an mil CCCC et quarante et huit.

(autographe de Jehan de Belleville)

Et suit, avec une autre écriture :
Depuis le vingt huitième jour de juillet l’an dessus dit mil CCCC quarante huit au chastel de Ségur de la diocèse de Limoges, mondit seigneur de
Belleville présent en [-----ant] et approbant le contenu desdites lettres a donné en mandement à nous notaires royaux et jurés de la court de la
Viconté de Limoges desoubz escriptz de signer ces lettres de noz mains et à sa requeste, presens ad ce nobles seigneurs Pierre de Guat
seigneur des Mons ( ?) et Pierre de Royere seigneur de Brignac, les avons signées.

(autographes des notaires)

<< Retour