Lettre du roi Philippe le Bel, aux consuls
de Périgueux, contre les Templiers[1]
(Poissy, le 31 décembre 1311)
__________________________
Source : BnF / Fonds Périgord / Tome 35 / f°
93r°/ transcription C.R. / octobre 2008
Note préliminaire :
Ce document a déjà été transcrit et fort savamment commenté par M. Hardy en
1892, dans le bulletin de la SHAP tome 19 de la même année.
Nous conseillons au lecteur de
se reporter à cet article.
Par ailleurs, le lecteur trouvera, avec de nombreux compléments, la traduction
en français – de grande qualité – de cette lettre royale sur le site : http://templum-aeternum.net et plus
précisément à la page d’adresse :
Philippus, dilectis et fidelibus nostris consulibus Petragoricensibus, scitis qualiter Templariorum perfidia, quae tantis temporibus latuerat Dei misterio magis quam hominum, revelata sit istis temporibus et in claritatem luce clariorem deducta, tam contra eos, quam contra eorum nequam ordinem, si ordo dici possit, cum ordo revera non sit, sed secta dampnabilis et hereti eorum collegium, reprobum manifeste, cui hereticorum aliorum secta nullis fuit temporibus sic prava, sic periculosa ut illa, cum sub colore religionis, Christum et ejus fidem exterius profitentes, interius divinam majestatem blasphemantes et Christum negantes et in ipsum spuentes, et abominabiles injurias inferentes, ubera matris ecclesiae turpiter subactaverunt, et hac ejus, licet partus alienus et falsus suggerunt, et bona per catholicos , eis, in favorem Terrae Sanctae, collata sumpserunt, et in usum ipsius sancti negotii ea convertere se figentes, ad cooperiendum suae heresis hypocrisim Dei ecclesiam, nos, progenitores nostros specialiter deceperunt. Nunc, juxta verbum Domini, revelata est eorum turpitudo, et nedum in regno nostro, sed etiam in aliis clarius, si clarius esse posset, in lucem deducta. Cum nisi se finxissent catholicos, non potuissent tanto tempore latuisse, nec aliter bona catholicorum, et honorem mundanum, quo Luciferum eorum magistrum sequentes, gloriabantur prae coeteris mundi superbis taliter habuisse. Sicut ergo tempus adest acceptabile, quo in hoc generali consilio, stirps illa dampnabilis radicitus extirpetur, et abominatione illa de ecclesia Dei sublata, negotium Terrae Sanctae, quod aliter verisimiliter prosperari non posset, per nos et alios catholicos, cum Dei et ecclesiae auxilio viriliter assumi possit, et ad laudem Dei, promotionem et stabilitatem fidei catholicae et Dei Ecclesiae, ad finem desideratum deduci. Propter quae et alia negotia statum felicem Ecclesiae Dei, regnique nostri tangentia, dimissis mundanis negotiis licet instarent, et instent ardua, quae nostram exigebant, praesentiam, ad dictum concilium accedere festinamus. Et quia negotium catholicis omnibus est commune, et specialiter illis de regno Franciae, quod pro defensione fidei catholicae peculiariter sibi Dominus per sui gratiam noscitur elegisse sinceritatem vestram hortamur in Domino, vobisque, sub fide qua nobis estis astricti, praecipimus quod sicut viri fidei catholicae sinceritate probati, octa die post instans festum Purificationis Beatae Mariae Virginis, sitis Lugduni, vel nuntios solemnes illuc mittatis, ubi, vel satis proprie nos esse proponimus, ad confortandum Jesu Christi negotium, ordinandum et disponendum taliter, quod Deo possit et debeat esse acceptum et honorabile, nomen defensionis fidei et ecclesiae Dei nobis et huic regno a Deo donatum, manutenendum ut decet.
Datum Pyssiaci, penultima die decembris anno 1311.