Johannes, Dei gratia Francorum Rex, notum facimus universis et presentibus quod, cum nuper guerris regni nostri durantibus

inimici nostri civitatem Petragoris ab antiquo existentem in et de districtu jurisdictione et dominio dilectorum et fidelium nostrorum maioris et consulum

ville Petragoris nomine comitatis ipsius ville que dicte civitati est propinqua scalarum ingenio et nocturne intraverunt hostiliter et latenter[1]

ipsam civitatem occupando, quam nunc detinent stabilitam exinde adversus nos et dictam villam de nostra obedientia existentem rebellantes

et contra eam guerram strages et hostiles insultus[2] diversimode inferentes, nos benemeritis exigentibus maioris consulum et

comitatis predictorum et considerata constancia ac sincera fidelitate facti experiencia, tam in resistando inimicis nostris predictis, quam aliter mul-

-tipliciter comprobata, eosdem tanquam benemeritos et premio dignos volentes regio favore prosequi et gaudere inclinati suppli-

-cationi ipsorum super hoc nobis facte auctoritate nostra regia declarantes et decernantes tenore presentium predicte occupationis aut sequtorum seu

sequendorum ex ea occasione vel causa nullum eisdem maiori et consulibus et comitati vel ipsorum successorum seu personis singularibus dicte

comitatis posse vel debere in futurum impedimentum fieri vel prestari aut preiudicium aliquod generari in eorum juridictione, justiciatu,

dominio, seu aliis quibuscumque juribus et bonis ad ipsos maiorem, consules et universitatem tam in communi quam particulariter pertinentibus

in civitate predicta et eius pertinenciis universis, ipsis nichilomnino maiori et consulibus, comitati, personis singularibus eiusdem comitatis, ex

nostra certa sciencia et auctoritate predicta regia de speciali gratia, concedimus per presentes, quod quandocumque et qualitercumque civitatem

predictam, vi armorum seu per compositionem aut aliter quocumque modo vel actu ad nostram obedientiam reduci contigerit, eo tunc maior

et consules prefati nomine dicte comitatis eorum auctoritate propria jurisdictionem, dominium et justiciatum suos predictos ac alia juria, deveria

et explecta ad consulatum dicte ville in eadem civitate pertinentem recipere, habere et retinere valeant ipsisque ad plenum utantur

et gaudeant pacifice et sine impedimento quocumque. Ita et prout ipsis ante tempus occupationis predicte utebantur et gaudebant

et nichilomnino ipsi maior et consules singularibus personis predicte comitatis videlicet illis qui in nostra obedientia sunt et remanserunt

et esse et remanere voluerunt et cuilibet ipsorum ut ad quemlibet pertinerint bona et possessiones eorum a quibus occasione predicte occupationis

sunt expulsi restituere possit et liberare nullo alio super hoc expectato mandato. Dantes presentibus in mandatis senescallo Petragoricensi,

ceterisque justiciariis nostris presentibus et futuris, vel eorum loca tenentibus et ipsorum cuilibet, quathenus declaratione, concessione et gratia nostris [h----us]

prefatos maiorem, consules, comitatem et singulares personas ipsius comitatis uti ad plenum et gaudere faciant et permittant,

nichil in contrarium faciendo, vel attemptando, seu fieri vel attemptari aliqualiter permittendo, revocando, et ad statum

pristinum et debitum reducendo, si qua fuerint contra tenorem presentium facta aut aliqualiter attemptata lege, statuto, consuetudine,

vel jure aut mandatis in contrario non obstantibus quibuscumque. Quod ut firmum et stabile permaneat, nostrum presentibus litteris fecimus

apponi sigillum, salvo in aliis jure nostro et omnibus quolibet alieno. Actum et datum Parisius, anno Domini millesimo

trecentesimo quinquagesimo sexto mense maii. Per consilium, in quo vos domini Senonensis, Cathalensis constabularius,

et comes de Ventadorio eratis. P. de Labatut.