Perigueux / JJ 73 |
==> SVP pour suggérer toute correction, envoyer un courriel.
1er texte:
Référence: Archives Nationales / registre JJ 73 / f°182v°/ CR / 01/01/2006
Transcription:
Remissio pro consulibus et universitate ville Petragoricensis
Dei gratia Francorum Rex, notum facimus universis tam presentibus quam futuris, quod, inter cetera que solli-
-citudinis nostre cura meditatione cotidiana revolvit id occurit nobis principium ut illos, qui pro juribus et honoribus regiis
se et sua exponere non formidant, regalibus favoribus et actibus benivolis prosequamur, eorumque comoditatibus atten-
-cius intendamus, ut ipsi pro sue probitatis meritis gratie et specialis sibi favoris titulos accrevisse congaudeant, et alii eorum
exemplo ad consimilia ferventius animentur. Sane, cum ex parte dilectorum et fidelium nostrorum, maioris con-
-sulum et universitatis Petragoris qui, in guerris presentibus, quamquam nostris hostibus seu rebellibus circumdati, nobis fideliter
adheserunt, nostre ex(s)titit clementie intimatum quod dudum excubiis in dicta eorum villa stantis pro tuitione
illius, inter earumdem excubiarum gentes ex parte una, et quosdam de familia sive amicitia deffuncti Archam-
-baldi, comitis Petragor. novissimi condam ex altera, tempore sepulture deffuncte Brunissendis de Fixo
[1]
, ma-
tris sue, comitisse de Fuxo Petragor. quondam, tantus rancor et finaliter conflictus invaluit, quam undique illata fue-
-runt vulnera, stragibus in aliquos de dictarum excubiarum parte sequitis, et ex inde iam diu orta li(t)te
in nostra parlamenti curia, procurator noster, quia dictus condam Comes in nostra speciali gardia dicebatur, petiit emen-
-dam sive incursionem pene vel penarum, ratione huiusmodi gardie fracte a preffatis maiore, consulibus et univer-
-sitate quibusd amque singularibus habitatoribus dicte ville unde fatigati sunt presertim cum dicta lis longis temporibus dura-
-verit multis laboribus et expensis. Premissa igitur et grate probate fidelitatis serventis dilectionis et scincere
devotionis obsequia que tam nostris predecessoribus Francorum regibus quam nobis liberaliter impartit laboresque universos quos in
nostris et Regni nostri negociis gratancius sustinere voluerint, ac in super dampna et deperdita, que per factum dictarum
guerrarum noscuntur subiisse plenis effectibus attendentes eorumdem maioris, consulum et universitatis
supplicationibus favorabiliter inclinati omnem penam seu emendam si quam erga nos incurrerunt vel incurrisse
quomodolibet potuerunt occasione premissorum vel alicuius ex eisdem ipsis necnon et dictis singularibus eorumque
cuilibet licet de sua ignoscencia confidentibus, prout dicunt, remisimus et quittanimus, remittimus et quita-
-mus ad cautelam gratiose volentes et decernentes quod amodo de et super hiis perpetuo sint inmunes, et absque
molestiis quibuscumque, quo ad hoc dicto procuratori et quibus nostris aliis gentibus nostris scilencium imponendo, salvo jure
nostro in aliis ac in omnibus juribus Comitis Petragor. et quolibet alieno. Quod ut firmum et stabile permaneat
in futurum, nostrum presentibus litteris apponi fecimus sigillum, datum Vincenn., anno domini millesimo CCC quadragesimo,
mense decembris.
Per dominum Regem presente suo consilio in quo
erant gentes requestarum sui hospicii
Adam
Sine financia,
Justice.
Photocopie du manuscrit:
2ème texte:
Référence: Archives Nationales / registre JJ 73 / f°183r°/ CR / 01-01-2006
Alia pro eisdem
Dei gratia Francorum Rex, notum facimus universis tam presentibus quam futuris, quod inter cetera que sollici-
-tudinis nostre cura meditatione cotidiana revolvit id occurit nobis principium ut illos, qui pro juribus et hono-
-ribus regiis se et sua exponere non formidant regalibus favoribus et actibus benivolis prosequamur eorumque comodi-
-tatibus attencius intendamus, ut ipsi pro sue probitatis meritis gratie et specialis sibi favoris titulos accrevisse congaudeant
et alii eorum exemplo ad consimilia ferventius animentur. Sane, cum ex parte dilectorum et fidelium nostrorum
maioris, consulum et universitatis ville et civitatis Petragoris qui, in guerris presentibus, quamquam nostris hostibus seu rebellibus
circumdati, nobis fideliter adheserunt, nostre extitit clementie intimatum quod occasione li(t)tis in nostra parlamenti curia pendentis
inter eos ex una parte, et procuratorem nostrum ac capitulum ecclesie Sancti Frontonis Petragor. ex altera, ratione juridictionis parrochie
Sancti Frontonis, multa incomoda et expensarum (h)onera temporibus preteritis subierunt, et timent in futurum subire presertim, cum ex
arresto dicte curie nonnullis articulis contra ipsos per partem dictorum procuratoris nostri et capituli tradditis inter cetera continentibus
quod dicti maior, consules et universitas contra cuiusdam dicte curie nostre arresti tenorem usi fuerunt in casibus tam [-----nalibus]
quam cuilibet juridictione predicta habeant pro(?) prohemptor.(?) [r---der--]. Premissa igitur et grate probate fidelitatis serventis
dilectionis et scincere devotionis obsequia que tam nostris predecessoribus Francorum regibus quam nobis liberaliter impartit laboresque
universos quos in nostris et Regni nostri negociis gratancius sustinere voluerunt, ac in super dampna et deperdita que
per factum dictarum guerrarum noscuntur subiisse plenis affectibus attendentes eorumdem maioris, consulum et universi-
-tatis supplicationibus inclinati omnem penam et emendam si quam erga nos incurrerunt vel incurrere quo-
-modolibet potuerunt, ratione usus vel abusus dicte juridictionis, et faciendo seu dicendo semel vel plures contra
dictum arrestum(?) quoquo modo eisdem remisimus et quittanimus, remittimus et quitamus gratiose volentes et
decernentes quod de et super hiis perpetuo remaneant inmunes, et absque molestiis quibuscumque, quo ad hoc procuratori et
quibuscumque aliis gentibus nostris scilencium imponendo, salvo in aliis jure nostro et in omnibus juribus dicti capituli
quolibet que alieno. Quod ut firmum et stabile permaneat in futurum, nostrum presentibus litteris apponi fecimus sigillum, datum
apud Vincem, anno domini millesimo CCC quadragesimo, mense decembris.
Per dominum Regem presente suo consilio in quo
erant gentes requestarum sui hospicii.
Adam
Sine financia, Justice.
Photocopie du manuscrit:
