Philippus[1] Dei gratia Francorum Rex notum facimus universis tam presentibus quam futuris nos infrascriptas primogeniti nostri

ducis Normandie et Acquitanie vidisse litteras formam que sequitur continentes:

Johannes[2], primogenitus et locum tenens Regis

Francorum, dux Normandie et Acquitanie, Pictavensis, Andegavensis, Cenomanensisque Comes, notum facimus universis presentibus

et futuris, quod, cum dilectus et fidelis noster Comes Petragoricensis, certa conventione inter nos et ipsum super hoc inita( ?) castra sua

et loca in fronteriis inimicorum regni situata cum ducentis hominibus armorum et quadringentis servientibus a

festo Beati Martini hyemalis nuper preterito usque ad festum Pasche pro duodecim milibus libris turonensibus sibi a dicto

genitore nostro solvendis custodire teneatur. Nos eidem Comiti in solutionem decem milium librarum de predictis

duodecim milibus librarum deducendarum coram dicto genitori nostro vel nobis debita in castro et castellanie de Burde-

-galia ipsius Comitis communia et jurisdictionem locorum et parrochiarum de Cella, de Bertrico, de Vertelhaco, de

Cassaiginis, de Sancto Privato, de Podio Corberii et vendas regias que sunt in pariagio cum cappellania Sancti Fron-

-tonis necnon coram debita in burgis et parrochiis de Marsanes, de Brolio, Ecclesie Nove Duschel, de Senilhaco,

de Sancto Petro Lanes, de Corssaco, de Colhompnes, de Marssaco et de Roffinhaco cum jurisdictione dicto Comiti per-

-tinente per ipsum Comitem tenendum et possidendum ex nunc auctoritate regia nobis concessa et nostra, tradimus et assignamus

suo hoc pacto quod si infra festum Beate Marie Magdalene proxime venturum, ipsi Comiti summa predicta decem milium librarum pro dicto genitore

nostro vel nobis tradita fuit vel soluta dicta coram cum dictis vendis et jurisdictione ad domanium regium vel ad nos libere

reverantur, si vero de summa decem milium librarum predicta Comiti memorato non fuerit infra terminum proxime dictum

ad plenum satisfactum volumus et concedimus quod idem Comes et sui heredes dicta communia cum vendis, jurisdictione predictis

pro dictis decem milibus libris perpetuo teneat et possideat sibique et suis in hereditatem perpetuam remaneant ple-

-no jure et ipsa communia cum predictis jurisdictione et vendis ex nunc prout ex tunc eidem Comiti et sine auctoritate qua supra cedi-

-mus, tradimus perpetuo et quittamus quo termino festi Beate Marie Magdalene lapso super valore communium, jurisdictionis et ven-

-darum predictarum fiet legalis extimatio secundum consuetudinem patrie et prout in illis partibus communia, jurisdictiones et vende

extimantur. Que, si plus decem milibus libris juveniantur valere per extimationem predictam, dictus Comes aut

sui prefato genitori nostro vel nobis satisfacere de pluri in pecunia tenebitur, et si minus reperiantur valere illud

dictus genitor noster vel nos tenebimur supplere Comiti memorito. In causa vero quo divina spirante quam infra

dictum terminum Pasche pax fieret vel trenge darentur de decem milibus libris supradictis eidem Comiti pro rata temporis

a dicta pace vel datis trengis erit defalcatio facienda. Omnia et singula premissa tenere predicto Comiti et suis auctoritate

predicta et nostra promittamus ac eadem contra quoscumque garentire regio et nostro in aliis et in omnibus alieno jure salvo.

Quod ut firmum et stabile perseveret presentibus litteris nostrum secreti sigillum absente maiore fecimus, datum Castel-

-lioni supra Adriam, anno Domini millesimo CCC° XL quinto, mense novembris.

Quasquidem litteras et omnia et singula

gratia tenore presentium confirmamus, salvo in aliis jure nostro et in omnibus, quolibet alieno. Quod, ut firmum et

stabile permaneat in futurum nostrum presentibus litteris fecimus aponi sigillum. Datum Parisius anno Domini millesimo CCC° XLVI° mense

novembris.

Per Dominum Regem ad relationem vestram

Clavel

Sine financia

Justice.