JJ64 Vins de Bergerac

VINS de BERGERAC

Confirmation royale du droit accordé par Regnaud de Pons aux consuls et à la communauté de Bergerac de marquer les tonneaux et pipes de vin.

L'"A.O.C." des vins de Bergerac date donc de 1326!

Arch.Nat./JJ 64/f°78/CR/15-07-2006

Confirmatio plurium libertarum alias concessarum consulibus et universitati Brageriaci ibi expressarum

Karolus[1], Dei gratia Francorum et Navarre Rex, notum facimus universis tam presentibus quam futuris nos duo paria litterarum sigillo Reginaldi Pontis et Brageriaci domini

sigillatarum vidisse quare tenor prime littere sequitur in hac verba: Universis et singulis presentes litteras inspecturis, Reginaldus Pontis et Brageriaci dominus, salutem et presen-

-tibus litteris perpetuo dare fidem. Noveritis quod nos attendentes devotionem eximiam et fidei ac dilectionis probate constanciam quam erga personam nostram

consules et universitas Brageriaci habent et hactenus habuerunt, damus et concedimus consulibus et universitati predictis quod in dicta villa Brageriaci sit merqua

cum qua signentur et merquentur tonnelli et pipe vinorum qui portabuntur et exient seu extrahentur de Brageriaco per flumen Dordonie sive per

terram salvis et retentis nobis et successoribus nostris conditionibus modis et conventionibus infrascriptis, videlicet quod dicta merqua sit ab una parte

de armis nostris, videlicet medietas cum uno pede grionis[2] et alia medietas cum quadam turri. Item, quod pro predicta merqua non levetur ad

plus nisi duo denarii pro quolibet tonnello seu pipa, et id quod levabitur siti consulum predictorum pro solvendis celariis seu sti-

-pendiis illorum qui dictam merquam custodient et tenebunt, et si plus levaretur vel exigeretur ultra quantitatem superius expressatam,

illud plus reddatur et restituatur personis a quibus exactum finem vel levatum. Item, quod dicti consules eligant unum vel plures ad tenendum

et custodiendum merquam predictam qui sic electi nobis vel baiulo nostro jurabunt presentibus dictis consulibus si voluerint interesse quod

fideliter dolia[3] sive tonnellos et pipas merquabunt, et jura nostra et deveria bona fide et diligenter custodient ac etiam revelabunt.

Item, quod non obstante constitutione dicte merque, vina apud Brageriacum de extra vinetum dicti loci videlicet de honore et districtu Brageriaci et pertinen-

-tiarum suarum de licencia nostra et successorum nostrorum poterunt asportare prout hactenus est fieri consuetum. Item, volumus quod vina que apportabuntur

apud Brageriacum de extra vinetum dicti loci, dum tum adportentur de honore Brageriaci, merquentur, si dictis consulibus usum fuerit faciendum. Item, volumus quod si

contingeret aliqua vina de vineto Brageriaci extrahi seu portari sive per flumen Dordonie seu per terram sine merqua, quod dicta vina cum doliis seu tonnellis

et pipis, quibus extrahentur, nobis et successoribus nostris et ipso incursa sint et commissa, et ultra hoc sexaginta solidi monete currentis pro pena nobis solvan-

-tur per illum cuius erant dicta vina. Et, si cum falsa merqua vel contrafacta aliqua vina signarentur vel merquarentur, quod vina huiusmodi cum doliis seu

tonnellis et pipis in quibus erant, nobis et successoribus nostris, ut premissum est, incursa sint et commissa, et quod signans cum falsa merqua seu con-

-trafacta predicta nichilomninus ut falsarius puniatur. Item, est actum inter nos et consules memoratos et per nos expresse retentum et salvatum

quod infra tres annos a data presentium computandes si nobis vel successoribus nostris videatur expediens et utile possimus concessionem dicte merque et

omnia contenta et expressata in presentibus litteris totaliter tollere et revocare sola voluntate et motu proprio absque quacumque sollempnitate vel causa

post quam revocationem vina predicta nullatenus merquabuntur sed omnia erunt in statu in quo sunt in presenti et juramus ad Sancta Dei Evvan-

-gelia a nobis corporaliter tacta contra contenta in presentibus litteris ratione minoris etatis nos aliquo tempore non venturos. In cuius rei testimonium

nostrum presentibus litteris fecimus apponi sigillum. Actum et datum Parisius, die sextadecima januarii anno Domini M° CCC° vicesimo secundo. ITEM,

sequitur tenor alterius littere: Universis et singulis presentes litteras inspecturis, Reginaldus Pontis et Brageriaci dominus, salutem et presentibus perpetuo dare

fidem. Noveritis quod, cum nos dudum concessimus ex nostra certa sciencia et animi gratuita voluntate dilectis et fidelibus nostris consulibus et universi-

-tati Brageriaci quod ipsi pro se et successoribus suis habeant in perpetuum merquam pro merquandis seu signandis tonnellis et pipis vinorum que extrahentur

de Brageriaco et alibi portabuntur sub certo emolumento percipiendo pro quolibet tonnello et pipa per dictos consules et universitatem sub quibusdam conditio-

-nibus et pactis appositis et per nos retentis in concessione predicta prout in litteris super dicta concessione per nos concessis et sigillo nostro sigillatis plenius et latius

continetur. Nos attendentes grata servicia per dictos consules et universitatem nobis impensa et que de die in diem impendere non cessant et alias

liberalitates, gratias et amores quas nobis faciunt et impendunt habita deliberatione et consilio pleniori super predictis et predicta tangentibus, attenden-

-tes quod concessio dicte merque nobis dampnosi in aliquo non existit nec propter hoc jus nostrum in aliquo leditur nec nostra conditio deterior est effecta

concessionem dicte merque aliter per nos factam dictis consulibus et universitati, confirmamus, emologamus ac etiam approbamus et habere volumus perpe-

-tui roboris firmitatem, nolentes quod concessionem predictam nos amodo vel successionis nostri in perpetuum revocare possimus aliis conditionibus et

pactis in concessione predicta declaratis et expressatis nobis et successoribus nostris in suo ‘robore’ duraturis, et renunciamus super hoc omni juri per quod

in premissis et premissa tangentibus nos possemus deffendere vel juvare. Juramusque ad Sancta Dei Evvangelia per nos corporaliter tacta, quod contra premissa

vel aliqua de premissis non veniemus aliquo tempore, aliquo jure, vel aliqua ratione minoris etatis, vel alia licet nos maiorem vigniti quinque

annis in veritate et per nostrum perpetuum juramentum asseramus et pro predictis tenendis et complendis obligamus nos et omnia bona nostra consulibus et

universitati predictis et supponimus foro cohercioni et jurisdictioni domini nostri Francorum Regis et officialium et ministrorum suorum et specialiter et

expresse senescalli Petragoricensis, qui nunc est et qui pro tempore fuerit pro domino nostro Rege. Datum Parisius sub sigillo nostro in testimonium premissorum

die sabbati ante festum Beatorum Apostolorum Philippi et Jacobi, anno Domini M° CCC° vicesimo tercio. Nos autem premissa omnia et singula in

suprascriptis contenta litteris rata habentes et grata, ea volumus, rattificamus, laudamus, approbamus, ac, tenore presentium nostra auctoritate regia,

confirmamus nostro et alieno in omnibus jure salvo. Quod ut firmum et stabile permaneat in futurum, presentibus litteris nostrum fecimus

apponi sigillum. Datum Parisius, anno Domini millesimo CCC° vicesimo sexto mense aprili.

Per dominum Regem ad relationem domini Andree de Florencia

Aubigny Facta est collatio cum originalibus litteris

[2] la « patte de griffon », pièce du blason d’Hélie Rudel.

[3] dolium, ii, n : jarre, tonneau

Copie du manuscrit:

<< Retour