Rémissions de peine in JJ 49 |
==> SVP pour suggérer toute correction, envoyer un courriel.
Nous avons voulu présenter ici un ensemble de documents concernant des rémissions de peines accordées en juillet 1313 par Philippe le Bel à la demande d'Edward II d'Angleterre et de son épouse Isabelle de France. Ces peines avaient été infligées à la suite des troubles décrits dans cet ensemble de documents.
Parmi les personnes impliquées dans ces "excès" on trouve Richard de Comborn, Jean de Ferrières, Gui Flamenc, Guillaume Bertrand, Pierre de l'Isle, Raimond d'Escondissant, Guillaume de La Tour, Guilhot Ribayrol(!), etc...
D'autres textes, avec mention d'autres "excès" concernent Saint Emilion, Oléron, etc. Nous en tenons les photocopies à disposition du lecteur...
Référence: Archives Nationales / registre JJ 49 / f°40 r°/ CR / 21-10-2005
Remissio totius culpe in qua Dux Aquitanie sive Rex Anglie progenitor suus sive officialium eorum poterant incurrisse occasione excessuum hic descriptorum
Philippus etc. notum facimus universis presentibus et futuris, quod cum olim ad aures nostras officialium et subdictorum nostrorum principue quorumdam
appellantium tam ducatus Aquitanie quam vicinarum partium clamosa frequens insinuatio perduxerit nonnullas inhobedientias
commissas contra nos et ipsos graves et enormes iniuras, violentias, dampna et gravamina nobis ac ipsis illata homicidia,
raptus, incendia ac rapinas plurimaque alia maleficia fuisse perpetrata per senescallos, baiulos, maiores officialesque
alios servientes et subditos carissimi filii et fidelis nostri Eduardi Regis Anglie illustris Ducis Aquitanie super quibus
seu eorum aliquibus certos processus per commissarios nostros propter hoc in eisdem partibus diversis vicibus destinatos a nobis fieri mandammus
ad sciendi si delata nobis ut predicitur vera essent et providendi super hiis per viam rigoris justicie vel aliter, ut deceret. Et occasione
seu ex causa dictarum inobedientiarum, injuriarum, violentiarum, maleficiorum et aliorum predictorum prefatus Dux in forefacturam terrarum
suarum vel penam aliam dictique senescalli, baiuli, maiores, officiales, servientes et subditi Ducis eiusdem in consimilem terrarum
suarum, vel corporum forefacturam seu pecuniariam vel aliam penam inciderint vel potuerint insimuliter(?) incidisse nos pulcrum
vindicte genus ignoscere reputantes in quolibet presidente et attendentes quod dictus Rex et dux ac Ysabellis eius uxor Regina
Anglie illustris filia nostra legitima diebus istis regnum nostrum Francie visitare volentes illud ad requisitionem nostram, non sine
magnis laboribus et expensis ingressi fuerunt, et ibidem assumpto nobiscum dominice crucis signo pro passagio transmarino, fecerunt
per aliquod tempus residenciam personalem, ipsorum consideratione quorum affectamus desideriis complacere et quibus nos reddere volumus
liberales omnem forefacturam terrarum, penam pecuniariam et aliam quamcumque, in quibus idem Dux vel inclite recordationis Edd.
quondam illustris rex Anglie progenitor suus et consanguineus noster legitimus peterunt erga nos ex predictis vel aliis quibuscumque
causis hactenus incidisse eidem Duci necnon senescallis, baiulis, maioribus, officialibus et servientibus suis ac subditis eiusdem
villarumque dicti ducatus communitatibus qui subditi et communitates de precepto mandato vel occasione servicii Ducis eidem
vel senescalliarum aut aliorum officialium suorum predicta commiseruit quamcumque forefacturam corporum, terrarum et bonorum, bannimenta
omnemque penam pecuniariam aut aliam quecumque nomine censeatur de gratia speciali remittimus et ipsos omnes et singulos ad famam
restituimus ac omnem infamie notam si quam ex premissis contraxerunt abolentes de plenitudine regie potestaris salvo in
premissis jure partium et quolibet alieno quantum ad interesse dampnorum, misiarum, expensarum et penarum civilium quarumcumque
qui ipsos per processus iam factos vel fieri incohatos seu inchoandos legitime prosequi voluerint ad interesse predictum. Quod ut firmum
etc. Actum apud Pissiacum anno Domini M° CCC° XIII° mense Julii die secunda.
Photocopie du manuscrit:
Référence: Archives Nationales / registre JJ 49 / f°40 / CR / 19-10-2005 (transcription non achevée)
Littere absolutionis pro Domino Guichardo de Combornio, milite, ex omnibus excessibus hic descriptis / Dupplicata
Philippus etc. notum facimus universis tam presentibus quam futuris, quod cum Guichardus de Combornio, miles, pro pluribus injuriis,
violenciis, oppressionibus, incendiis, mulierum raptibus, homicidiis, et pluribus aliis criminibus et excessibus per Johannem de Ferrariis militem
quondam senescallum Vasconie, dictum Guichardum et eorum complices factis, ut dicitur per dilectum et fidelem magistrum Yvonem de Landunaco clericum
nostrum quondam virtute eiusdem commissionis sibi et eius collegis sub certa forma per nos facte primo citatus, secundo et tercio et
quarto ex habundanti et qui non comparuit, positus in defectu, ad instanciam dilecti et fidelis Amaneui de Lebreto militis nostri
et procuratoris nostri, Senescalli Petragor. a regno nostro bannitus fuerit et condemnatus ad mortem et per eundem commissarium pronunciatum
etiam fuerit omnia bona dicti militis nostris debere rationibus applicari necnon et pro eo qui( ?) per Senescallum Petragor. vel eius locum tenentem arrestatus
prisionem fregit, ut dicit Senescallus predictus, per eundem Senescallum in mille marchis argenti nobis reddendis fuerit condemnatus. Nos ad [pr--tes] in-
-stanciam et obtentu carissimi filii Eddwardi regis Anglie, ducis Aquitanie fidelis nostri, et carissime nate nostre Ysabellis consortis
sue predicta facta et omnem penam corporalem quantum ad nos et quemcumque alium pertinet omnino, necnon dictas mille marchas
argenti et omnem penam inultam et emendam pecunariam et offensam, quamcumque quantum ad nos spectat, eidem Guichardo remitimus
penitus et quitamus et ipsum restitumus ad primam et ad famam omnem notam infamie si quam incurrerit ob premissa penitus abolentes
et bona sua predicta sibi reddi volumus et deliberari ad plenum, salvo tamen dicto Amaneo et omnibus aliis quorum intererit jure
suo quo ad interesse suum dampnorum et expensarum ac emendas et [----tas] pecuniarias et civiles quod sibi potest competere ratione excessuum
predictorum. Quod ut firmum etc. Actum Pissiaci anno Domini M° CCC° XIII° mense Julii die secunda.
Photocopie du manuscrit:
Référence: Archives Nationales / registre JJ 49 / f°45v° / CR / 11-10-2005
Remissio culpe et pene in quibus Guillermus
Bertrandi poterat incurisse occasione excessuum hic
descriptorum
Philippus etc. notum facimus universis presentibus et futuris, quod cum Guillermus Bertrandi, quondam baiulus de Sancto Asterio per Senescallum nostrum Petragoricensem
pro eo quod dictus baiulus tempore quo officium dicte baiule gerebat, ecclesiam Sancti Germani del Salambre cum magna multitudine ar-
-matorum, post et contra appellationem ab ipso baiulo et eius curia ad nos per Petrum Sycardi emissam qui se dicebat rectorem dicte ecclesie,
accesserat et portas dicte ecclesie fregerat violenter spoliando eundem de possessione ecclesie supradicte, et quoddam vexillum nostrum in
signum salve garde seu superioritatis nostre supra eandem ecclesiam positum in luto proiecerat (proiecerat) in contemptum superiori-
-tatis nostre. A tota Senescallia Petragoricense et Caturcense et eius ressorto relegatus et bannitus fuerit, ac ipsius bona omnia nobis con-
-fiscata. Nos attendentes quod carissimus filius Eddwardus Dei Gratia Rex Anglie illustris, dux Aquitanie fidelis noster, ac Ysabellis
eius uxor, Regina Anglie illustris, nata nostra carissima, hiis diebus regnum nostrum Francie visitare volentes, illud ad
requisitionem nostram, non
sine magnis laboribus et expensis ingressi fuerunt, et
ibidem assumpto nobiscum dominice crucis signo
pro passagio transmarino, fecerunt
per aliquod tempus residenciam personalem. Ipsorum
consideratione quorum affectamus desiderio
complacere et quibus nos reddere
volumus liberales eidem Guillermo bannum et facta
predicta ac omnem penam corporalem, quam ob
premissa
meruit, et omnem penam inultam et
emendam pecuniariam et offensam, quancunque quantum ad nos spectat
necnon omnia
et singula si qua de mandato precepto, vel
occasione servicii, vel officii Ducis eiusdem, vel
Senescallorum aut aliorum officialium suorum,
contra nos, gentes nostras, vel
contra superioritatem nostram hactenus commiserit.
Tenore presentium totaliter remittimus et
quitamus ipsumque Guillermum
restituimus ad primam et ad famam omnem notam
infamie si quam incurrerit ab premissa
penitus abolentes, et omnia
bona sua sibi reddi et deliberari volumus ad plenum, salvo
tamen iure quolibet alieno.
Rémission des fautes et des peines encourues par Guillaume Bertrand à l’occasion des excès décrits ci-après
Nous Philippe, roi, faisons savoir à tous, présents et futurs, que Guillaume Bertrand, nommé antérieurement bailli de Saint Astier par notre sénéchal de Périgord, et du temps où il occupait ces fonctions de ladite baiulie, s’était emparé de l’église de Saint Germain du Salembre à la tête d’une foule de gens d’armes consécutivement et en opposition au recours déposé auprès de nous par Pierre Sycardi qui se disait recteur de ladite église. Au cours de cette action, Guillaume Bertrand fracassa violemment les portes de ladite église, dépossédant ainsi le recteur ci-dessus de son office, et au mépris de notre souveraineté, il jeta à bas dans la fange notre bannière présente sur l’église, symbole de notre garde et de notre souveraineté. Ce pourquoi il a alors été relégué et banni de toute la sénéchaussée de Périgord et de Quercy et de son ressort, et tous ses biens ont été confisqués à notre profit.
Considérant que notre très cher fils Edward, illustre roi d’Angleterre de par la grâce de Dieu et duc d’Aquitaine, ainsi qu’Isabelle son épouse de notre sang et illustre reine d’Angleterre, lorsqu’ils ont voulu visiter à notre invitation notre royaume de France, ont subi beaucoup de peines et de dépenses et se sont recommandés au seigneur par leur signe de croix lors de la traversée de la mer, et qu’ils ont fait depuis pour quelque temps résidence dans notre royaume, nous avons souhaité, en leur considération, accéder à leur demande. Nous voulons ainsi, pour eux et par libéralité, absoudre ce même Guillaume, du ban, des faits ci-dessus, de toute peine corporelle encourue, de toute peine non purgée, d’amende pécunière et de toute offense, autant que faire ce peut, et sauf dans tout cas général ou particulier où il commettrait quelque acte à l’encontre de nous-même, de nos gens ou de notre souveraineté, en raison de sa charge précitée, ou dans le cadre de son service ou de son office soit auprès du duc (d’Aquitaine) en personne soit auprès des sénéchaux du Périgord ou de leur officialité.
Par la teneur des présentes, nous absolvons totalement et nous tenons quitte Guillaume, nous le rétablissons dans son prime honneur, abolissant toute marque d’infamie qu’il pourrait encourir de par ces prémisses. Nous voulons que lui soient rendus tous ses biens et nous voulons délibérer en plénitude de cause, hors toutefois de tout droit étranger. Afin que cela reste intangible, etc. Fait à Poissy, au mois de juillet de l’an 1313.
Photocopie du manuscrit:
Archives Nationales / registre JJ 49 / f°46r° / CR / 15-10-2005
Remissio culpe et pene in quibus Petrus de Insula et Raymundus d’Escondissant poterant incurisse occasione excessuum hic descriptorum
Philippus etc. notum etc., quod cum Senescallus noster Petragoricensis Petrum de Insula et Raymundum d’Escondissant dudum coram se occasione nonnullorum
criminum et excessuum, per eos ut dicebatur commissorum, in nostram regiam maiestatem citari fecisset, prefatusque Petrus et
Raymundus comparere coram eodem Senescallo et juri stare super premissis sub pena decem milium librarum turonensium promississent sanctiusque
Garcis Ferrandi, Bertrandus de Lussaco, Sicardus et Gaillardus de La Barde, Girardus de Bergoinhas, Augerus de Pico-
–ne, Guillermus de Turre, Arnaldus Bonfil aliter dictus Vivian et Bernardus de Garriga pro dictis Petro et Raymundo fideiussissent
coram dicto senescallo sub pena predicta predictusque senescallus noster tam predictos Petrum et Raymundum quam fideiussores eorum predictos pro eo quod prefati
Petrus et Raymundus postmodum citati coram dicto senescallo de mandato ipsius ad certos diem et locum occasione premissorum non compa-
–ruerunt, dicta decem milia librarum pro dicta pena sic commissa nobis compellent ad solvendi. Nos attendentes, quod legitimus filius
Eddwardus Dei Gratia Rex Anglie illustris, dux Acquitanie fidelis noster, ac Ysabellis, eius uxor, Regina Anglie illustris, nata
nostra legitima, hiis diebus regnum nostrum Francie visitare volentes illud ad requisitionem nostram, non sine magnis
laboribus et expensis ingressi fuerunt, et ibidem assumpto nobiscum dominice crucis signo pro passagio transmarino, fecerunt per aliquod
tempus residenciam personalem, ipsorum consideratione quorum affectamus desideriis complacere et quibus nos reddere volumus liberales
prefatis personis et earum cuilibet dictam summam pecunie, necnon omnia et singula si qua de mandato precepto, vel occasione servicii,
vel officii Ducis eiusdem, vel Senescallorum aut aliorum officialium suorum, contra nos, gentes nostras, vel contra superioritatem nostram
hactenus commiserunt. Tenore presentium remittimus et quitamus, nolentes quod propter hoc a quoquam decetero molestentur. Quod
ut firmum etc. Actum Pissiaci anno Domini M° CCC° XIII° die secunda mense Julii.
Photocopie du manuscrit:
Archives Nationales / registre JJ 49 / f°46v° / CR / 15-10-2005
Remissio excessuum hic descriptorum facta Poncio de Suris, baiulo et consulibus de Moleriis
Philippus etc. notum etc., quod cum Poncius de Suris, baiulus et consules de Moleriis per Senescallum nostrum Petrag. in mille et ducentes
libras turonenses occasione attemptorum contra Gastonem de Gontaldo factorum post et contra ipsius appellationem ad nostram curiam interiectam
et occasione nonnullorum criminum et excessuum, in nostram regiam maiestatem commissorum, condemnati (fuerunt), necnon Geraldus Bonlamort
Bernardus Maremi, Bernardus de Brantolme, Bernardus de Ryparia, Guillotus Ribayrol et Petrus Praderii per eundem Senescallum
occasione premissorum a regno nostro suis exigentibus contumaciis banniti fuerunt. Nos attendentes quod carissimus filius etc. ,
(ut supra usque) reddere volumus liberales eisdem Poncio baiulo consulibus et aliis personis predictis predictam pecunie summam ac
bannum et facta predicta et omnem penam corporalem quantum ad nos et quemcumque alium pertinet omnino ac omnem penam inultam
et emendam pecuniariam et offensam quamcumque quantum ad nos spectat, necnon omnia et singula si qua de mandato precepto,
vel occasione servicii, vel officii Ducis eiusdem, vel Senescallorum aut aliorum officialium suorum, contra nos, gentes nostras, vel contra
superioritatem nostram hactenus commiserunt. Tenore presentium totaliter remittimus et quitamus ipsasque personas predictas et earum
quamlibet restitumus ad primam et ad famam omnem notam infamie si quam incurrerint ob premissa penitus abolentes
et bona sua omnia si qua occasione predicta capta sint sibi reddi volumus et deliberari ad plenum salvo tamen in premissis
jure quolibet alieno. Quod ut firmum etc. Actum Pissiaci anno Domini M° CCC° XIII° mense Julii.
J. de Templo
