Chartes de Beynac (suite) / JJ 19 |
Référence: Archives Nationales / registre JJ 19 / f°135-136 / CR / 15/05/2006
Transcription:
Arch.Nat./JJ 19/n°124/CR/01-07-2006 (1238)
Carta infeudationis quam fecit abbas Sarlatensis domino Comiti de castro Bainaci (Petrag. dioces.)
In nomine sancte et individue Trinitatis, anno Domini M° CC°
XXX° VIII, tercia die inciditus mensis septembris. No-
-tum sit quod Guiraldus, abbas et conventus monsaterii
Sarlatensis, de sua bona et libera voluntate, non decepti vel
coacti, non errantes sed in hoc spectantes et eleucencius cognos-
-centes utilitatem suam et monasterii supradicti de liberatione
habita diligenti pro se et omnibus suis successoribus (suis) dede-
-runt et concesserunt in feudum nomine dicti monaterii vera
donatione inter vivos facta, non simulata nullaque ingra-
-titudine revocanda vel alia causa domino R. Dei gracia co-
-miti Tholose, marchione provincie, et omnibus suis heredibus et
successoribus, totum illud homagium et dominium et his que
dicti abbas et conventus nomine monasterii nomine supradicti vel
modo alio habebant et habere debebant in castro et vil-
-la de Bainac Petragoricensis diocesis et homagium et his quod dominus
de Bainac pro predictis castro et villa retractis temporibus eis facere
tenebatur de quibus omnibus absolventes Galardum de
Bainac perpetuo et omnes heredes et successores et quitantes
et se inde de toto devestientes et investientes inde dominum Co-
-mitem Tholosanum supradictum voluerunt et preceperunt quod
dictus Galhardus et omnes heredes et successores sui perpetuo facerent
dicto domino Comiti et omnibus successoribus suis homagium et jus et
omnia alia que dictus Galardus eis pro predictis castro et villa ratione
dominii facere tenebatur. Dictus etiam dominus comes et successores sui debent
facere, pro omnibus supradictis, dicto abbati et omnibus suis successoribus homa-
-gium in ecclesia Sarlatensis coram sanctuario vel ubicumque dictus abbas vel
successores sui personaliter requesierint dictum dominum Comitem vel suc-
-cessores suos. In super dictus dominus comes promisit, pro se et suis succes-
-soribus, dictis abbati et conventui, quod defendet eos et successores suos et
monasterium predictum et omnia membra et bona ad ipsum monasterium
spectancia. Dicti vero abbas et conventus et successores sui debent et
tenentur dare dicto domino comiti cum successoribus suis, tempore quo idem
abbas recipiet homagium supradictum, centum solidos Petra-
-goricensis monete. Et promisit dictus dominus comes, pro se suisque suc-
-cessoribus per legitimam et sollempnem stipulationem, quod ipse vel
successores sui supradicta vel aliqua de predictis non dabunt vel
aliquo modo transferent in aliquam personam vel aliquas personas vel uni-
versitatem nec aliquo modo a se separabunt predicti vero abbas et conventus
nomine monasterii supradicti promiseret, per sollempnem et legitimam sti-
-pulationem, se predicta omnia et singula firma et [nic---mota]( ?) perpetuo
servaturos, et se nunquam contra venturos aliquo loco vel tempore
aliquo iure vel aliqua ratione renunciantes inde ex sua certa sci-
-encia omni juri, scripto et non scripto, canonico et civili, divino
et humano, generali et speciali, tacito et expresso, condito et condendo,
et omni rationi et privilegio et omni exceptioni generali et speciali persone
vel rei vel suo ordini coherenti et omni foro et consuetudini et usui et
omnibus acque singulis auxiliis et deffensionibus per que contra predicta
venire possent vel obviare alicui predictorum. Et dominus comes predic-
-tus promisit, pro se et suis successoribus, sub omnibus predictis renun-
-ciationibus, se predicta omnia et singula rata et in violablia perpe-
-tuo servaturum. Predictique dominus comes et Galhardus de Bainac pro-
-miserunt presens publicum instrumentum sigillorum suorum im-
pressionibus sigillare et dictus abbas promisit ponere sigillum suum
et sigillum predicti conventus huic instrumento. Testes hunc vo-
-cati et apertibus specialiter rogati : Andephulsus, abbas Montis
Albani, Willelmus abbas Sancti Maurini, O. archid. Agenni, Mon-
-taldus, magister Stephanus Bitterensis, canonici Agenni, Stompa-
-rius de Cavo Monte, Bego de Cavo Monte, Arnaldus Ot vice-
-comes Lomanie, W. Raimundi de Pinibus, dominus Thalabur-
-gi, Arnaldus de Marmanda, Gasto de Gontaldo, Hugo de Rovigna
senior, R. de Poiolio, Hugo de Rovignha iunior, Willelmus de
Gordonio, B. de la Marqua, Bernardus Topina, Stephanus Ve-
-zati, Poncius Grimohardi, magister Guillelmus communis notarius
Agenni, qui de consensu utriusque partis inde scripsit presens in-
-strumentum, et duo alia eiusdem tenoris, quorum dictus com-
-es concessit unum predictis abbati et conventui, et idem abbas
concessit aliud dicto Galhardo, et idem Galardus et dictus abbas
concesserunt aliud domino comitti supradicto.
