<< Retour

Chartes de Beynac / JJ 19

 

 

Référence: Archives Nationales / registre JJ 19 / f°22r°&v° / CR / 15/06/2006

 

Transcription:

 

Arch.Nat./JJ 19/f°22r°/CR/01-07-2006 (1240)

De homagio et fidelitate Mainardi de Bainaco (Petrag. dioces.)

Noverint presentes pariter et futuri quod ego Maynardus de Bainaco

pro me et heredibus et successoribus nostris recipio in feudum cum

hac publica scriptura a vobis, domino R. Dei gratia comite Tholose [1] , mar-

-chione provincie, medietatem tocius ville et castri de Bainaco

cum omnibus iuribus et pertinentiis illius medietatis, sicut plenius

ad partem meam illa medietas in divisione inter me et fratrem me-

-um facta evenerat, et recipio a vobis in feudum omnem aliam meam

terram et hereditatem quicumque sit et ubicumque sit quam videlicet ab aliis

vel ab alio non teneo dominis vel domino, et promitto vobis et successoribus vestris

per sollempnem stipulationem per me et successores meos quod iam dictam

medietatem ville et castri de Bainaco cum omnibus iuribus et per-

-tinentiis suis et omnem aliam meam terram et hereditatem ut

darem eam, reddam et tradam vobis et successoribus vestris iratus et paccatus

cum delicto vel sine delicto quotienscumque a vobis vel per nos vel per nunci-

-um vestrum super hoc requisitus fuero sine diffugio atque mora. Item, promi-

-tto vobis, me et omnes successors meos, omnem reverentiam et fideli-

-tatem predictis feudis exhibiturum et servaturum vobis et successoribus

vestris quam fidelis et devotus vassalus debet et tenetur suo domino servare et

exhibere. Item, pro predictis feudis facio vobis homagium, manibus nostris

inter manus vestras positis, et volo et mando quod successores mei eandem

fidelitatem et homagium vobis et vestris successoribus pro predictis feudis in

perpetuum facere teneantur et universa predicta et singula, promitto me fide-

-liter servaturum et contra non venturum et ad maiorem firmitatem, iuro tactis

corporaliter Evangeliis Sacrosanctis. Et nos, Raimundus Dei Gratia comes Tholo-

-se, marchio provincie, predictum homagium et fidelitatem recipientes pro-

-mittimus vobis Mainardo de Bainaco prefato osculo fidei per nos et

heredes et successores nostros quod vobis et heredibus et successoribus vestris

pro predictis feudis erimus boni domini et fideles et nos in dicta fe-

-uda et omnes res et bona vestra in nostra et perpetua amparantia [2] , custodi-

-a, guidagio, deffensione et securitate per nos et omnes heredes et suc-

-cessores nostros in perpetuum recepimus bona fide, et erimus deffen-

-sores persone vestre et dictorum feudorum et aliarum rerum et bonorum vestro-

-rum in quantum potimus diliginter et bona fide promittimus in vobis per nos

et successores nostros quod dominium quod in vobis heremus vel in successoribus

vestris habituri sumus pro predictis feudis nunquam extra manum vestram

ponemus nec in alium in aliquo tempore transferemus et ad nostro-

-rem firmitatem et eternam rei memoriam. Nos, R. Dei gratia Comes

Tholose, marchio provincie, presentem paginam sigilli nostri munimine

fecimus comuniri. Actum fuit hoc Tolose et concessum, XVI kalendas marcii

anno domini M° CC° XL° testes sunt ad hoc vocati et rogati: Poncius de

Villa Nova, seneschallus Tholosani, Sicardus Alamanni, Raimun-

-dus Veteda, Ermengavul.(?) de Podio, Guillelmus de Bouvilla, Petrus

Laurencii, et Bernardus Aymericus, publicus Tholose notarius, de man-

-dato ipsius domini Comitis, presens publicum instrumentum scripsit.


[1] Raymond VII.

[2] protection

 

 

Copie du manuscrit :

 

F°22r°

F°22v°